Post: #1 Title: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-20-2011, 03:28 PM
Post: #2 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: خالد علي محجوب المنسي Date: 02-20-2011, 05:08 PM Parent: #1
الحبيب أب حووة ( للتميز فقط )
التحية طيبة سلام يا سمح ياالزين والسلام لي الفي الاوضا معاكا قاعدين السلام موصول للدسوقي اخو السغيرين مالك مغيب نحن نترانا لسع قاعدين
الحرية مكفولة لكل حي أن يسمع يحلو له السمع طرب وكل شخص طربو برا
لا نعترض ان هذا الشخص صوته جميل أدائه جميل فقط اعتراضنا ( في الامبراطور دي )
لابد أن ننزل الناس مقاماتها فهو لا يزال جندي نفر ( او نص تعين ) في امبراطورية الغناء في بلادي
لك التحية والمودة
Post: #3 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: حبيب نورة Date: 02-20-2011, 05:47 PM Parent: #2
Quote: لا نعترض ان هذا الشخص صوته جميل أدائه جميل فقط اعتراضنا ( في الامبراطور دي )
لابد أن ننزل الناس مقاماتها فهو لا يزال جندي نفر ( او نص تعين ) في امبراطورية الغناء في بلادي
Post: #8 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-21-2011, 10:21 AM Parent: #3
حبيب نورا يا جميل..
عمك دا ما مهتم بالألقاب كتير
لكن عليك الله شفت التُم تُم المقلوب دا كيف ؟؟
وبعدين ياخي الزول دا بعمل علي (المجايله). هسه أمانة في عمرك الجيل الجديد دا حصل ركب قطر والله إنزرع كم يوم في محطة قطر؟؟ بارك الله في قناة الشروق بتجيب ليهم (قطار الزهور) البتقدموا بنتكم المعاكم في المحروسه.
الإمبراطور اليوم في بورتسودان ، وأكيد حيولع (البورت) ويخلي البحر الأحمر زاتو يرقص طرب.
تحياتي لك وللمعاك وابقوا 10 علي تولاتكم
Post: #4 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-20-2011, 06:22 PM Parent: #2
Quote: التحية طيبة سلام يا سمح ياالزين والسلام لي الفي الاوضا معاكا قاعدين السلام موصول للدسوقي اخو السغيرين مالك مغيب نحن نترانا لسع قاعدين
حباب المنسي ود القبايل خالد طبيق المفخره عزاً قديماً تالد أنا و الدسوقي للمنافي نقالـد زيك تمام فاقدين صباح الوالد
Quote: لا نعترض ان هذا الشخص صوته جميل أدائه جميل فقط اعتراضنا ( في الامبراطور دي )
هو براهو عارف إنو الشي مو كلام ساكت يا خالد غايتو إتوكّح بي حِملاً ماهو ساهل ..واللِخُم ويصُر لكن بيني وبينك اللقب دا (تقيل) بالحيييييييييل أها اللتشمّر عاد ويشيل يا انعدل .. يا خَتّـاهُ وخِتاه .. و شافلوا بصير (يكوكولو) ضهرو..
Post: #5 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: Rawia Date: 02-20-2011, 07:54 PM Parent: #4
تجاوب الجمهور معاهو بيقول إنه ماشي صاح بس بلاش غرور
آي لايك الاغنية
Post: #6 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: Mahmoud Mustafa Mahmoud Date: 02-20-2011, 09:08 PM Parent: #5
لايك
خاصة الحتة بتاعة "نااااااااااار"
لطيفة خالص..
زول غنَّايْ خالص والله..
لكن..أمانة كدي تبلغو عني يا فاروق تقول ليهو:
محمود صاحبي بيقول ليك:
إمبرا...طوريتك .. في الطين مرمية..
Post: #7 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: Rawia Date: 02-20-2011, 11:01 PM Parent: #6
Post: #9 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-21-2011, 02:09 PM Parent: #7
Post: #10 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-21-2011, 02:18 PM Parent: #9
Post: #11 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: Mahmoud Mustafa Mahmoud Date: 02-21-2011, 02:50 PM Parent: #7
Quote: حاكونا
هي لكن "محاكاتكم" إنتو البياباها دا ما شقي في عمرو...
ناس يحاولوا في مؤامرة مكشوفة يصرفوا أصحاب المواهب الجادة في العزف
على الكمان.. ويجوك بي حيل ميت يقولوا ليك "عندك الريسيت لسه"؟؟
أستغرب وجود "مثل هكذا شخصيات" في البوستات ذات الطابع الفني..
كاااااااااااااااك
إزيك يا راوية يااااااااااااااااخ..
أها النقول ليك حاجة...
آي لايك المكاواة بتاعتك أكتر من أي حاجة في الدنيا دي..
...>>...
Post: #12 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-21-2011, 03:18 PM Parent: #5
Quote: تجاوب الجمهور معاهو بيقول إنه ماشي صاح بس بلاش غرور
راويه يا غاليه.. قناعتي مثلك تماماً .. فالسودانين ذويقين ولا يلتفون إلا حول من يستحق ذلك.
Quote: بس بلاش غرور
هذا الأحمد أبعد بشر يمكن أن يكون مغرور زولاً زين وحبوب جداً..
Quote: آي لايك الاغنية
مي تو
Post: #13 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: خالد علي محجوب المنسي Date: 02-21-2011, 07:46 PM Parent: #12
أب حووه
التحية الطيبة سلااام
السلم يبدأ بعتبة ثم التي تليها
أخي كم وفرة منه لكن كيف تك كان لي صديق ايام الدراسة في المجر ( مصطفي البكري يطراه الله بالخير ) نزبط الحلة مسبكة وفجاءة يضرب جرس الباب قبل الغداء .. قبل أن يفتح الباب يغشى المطبخ يدي جك موية ويطمجها لآمن قعويها يعوي ... مرات يكون طارق الباب البوسطجي ومرات الجارس في العمارة ومرات يكون صديق لكن هو بقوم بالواجب قبل أن يعرف من في الباب وعندما نسأله .. طمبجتا الحلة ليه ؟؟ يرد علينا : الكلام في الكم وليس الكيف
اليوم دي الكم موجود لكن تاهت الكلمة الحلوة وتاه اللحن الجميل رغم وجود الخامات الصوتية وبكثرة
الشئ الثاني والله كل فنانين اليومين دي فوتو كوبي لأداء الفنان محمود عبدالعزيز وود الجيل وهما كانا صورة جديدة من حسن الأداء لكن ما معنى هذا أن تكرر الصورة في الأداء لكل من جاء بعدهم الأبداع بابو ما انقفل زمان نسمع الراديو اول ما الفنان يقول كو وينتر وحتى لوما سمعت الأغنية قبل كدي بتعرف دا صلاح ابن البادية ودا وردي وداك أحمد المصطفى وابراهيم عوض والفلاتية وحنان النيل وسمية حسن وإلى اخر القائمة من المبدعين اللذين تميز كل منفرد بأداء مميز له وهنا بيت القصيد في الزحمة بدون رحمة اليومين ديل ماتفرز دا منو إلا بي بفرقة العازفين التابعة له ومرات يحصل ليك لخبطة لانو اسماعيل ومحمدية وناجي ياسر ابكر قاشين مع الكل تقعد تنقر ياربي دا أحمد الصادق ولا الصادق شكرالله ولا الصديق الصادق ولا ابوزمام
المهم يا سيدي في ربكة شديد أنا لا انكر ان صوته جميل وأدائه سليم ومرتب لكن السهلا واسعة خلي يجري ويفارق المجرى وكان وحل وعرز في الرمال الكواريق والصاجات راقادة بمرق بس يقول يا ابومروة
يا سيدي نجن عاوزين مطربين مبدعين والأبداع ليس صوت جميل الابداع ان تبتكر لنفسك خط يخصك ويميزك وهنا الفرق بين ناس ماقبل سنة 1990 والآن !! وهذا الشئ مفروض يلتفت له المهتمين بالفن السوداني
ولنسأل أنفسنا سؤال لماذا ثبت فنان الأمس وكل البيننا الآن نجوم تغيب بسرعة أين معتز صباحي ؟ أين فلان وعلان اللذين كانو بالامي القريب نجوم نفس معجبي أحمد الصادق والصادق شكرالله ؟ وختاما أرجو المعذرة أنا لا احمل شئ لي منهم لكن هذا مجرد رأي والحمد الله أذني بتسمع كويس
لك التحية والمودة
Post: #14 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-23-2011, 07:11 PM Parent: #13
فارع القــوام - أحمد الصادق
Post: #15 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-23-2011, 07:34 PM Parent: #14
Post: #16 Title: Re: الإمبراطور أحمد الصادق - القطار دوّر حديدو .. ( يوجد شيل ....) Author: فاروق أبوحوه Date: 02-23-2011, 07:41 PM Parent: #15
