Post: #1 Title: هل القناة الفضائيــة "زول" سودانيـة أم أثيوبيـة؟ Author: rummana Date: 02-19-2011, 04:12 PM Parent: #0
لا أدعي بأني أشاهد القناة الفضائية "زول" بصورة منتظمة ولا حتى غير منتظمة لكن كل ما أفتحتها ألقى موضوع عن أثيوبيا أو أغنية/مغنية/مغني حبشي بيغني أو أغنية سودانية بصوت حبشي.. الموضوع شنو بالضبط؟ قنـاة تكامل؟ ولا بس صدف؟
Post: #2 Title: Re: هل القناة الفضائيــة "زول" سودانيـة أم أثيوبيـة؟ Author: الطيب شيقوق Date: 02-19-2011, 07:40 PM Parent: #1
[B]استاذة رمانة ازيك
مالك علينا نحن بنحب الاثيوبيين ديل عندما يتغنوا بالاغاني السودانية خاصة لما الاغنية يكون فيها منعطف حاد والاثيوبي او الاثيوبية تشهق/يشهق شهقة حااااارة عند المنعطف لتخطيه .
هاك دي
Post: #3 Title: Re: هل القناة الفضائيــة "زول" سودانيـة أم أثيوبيـة؟ Author: أحمد ابن عوف Date: 02-19-2011, 07:45 PM Parent: #2
اريتها اكان بقت اثيوبية مية المية، ديل بجيبو مغنيين سودانيين اجراك الله منهم
ود شيقوق لكن ما لقيتك واقف عند المنعطف الحاد زااااتو ههههههههههه
بالله ما تزاحمنا هنا، تابع لينا موضوع بوتفليقة والثورات العربية، الا ان كان حضورك بالفيديوهات فانت مرحب بك دائما
Post: #4 Title: Re: هل القناة الفضائيــة "زول" سودانيـة أم أثيوبيـة؟ Author: الطيب شيقوق Date: 02-19-2011, 07:59 PM
ود ابن عوف
Quote: ود شيقوق لكن ما لقيتك واقف عند المنعطف الحاد زااااتو ههههههههههه
عشان تبطلوا حقارتكم بينا يا رطانة - شفت كيف العرب بيعرفوا المنعطفات البتسيّل الدموع
Post: #5 Title: Re: هل القناة الفضائيــة "زول" سودانيـة أم أثيوبيـة؟ Author: خضر عطا المنان Date: 02-19-2011, 08:16 PM Parent: #4
عزيزتي / rummana
لقد زرت مقر هذه القناة اكثر من مرة العام 2008 بامارة الفجيرة في دولة الامارات العربية المتحدة وهناك التقيت بالقائمين على امرها وهم يعتقدون - كما قالوا لي - بان فن القرن الافريقي -اثيوبيا وارتريا والصومال - لم تجد الاهتمام اللائق رغم العلاقات العضوية الممتدة عبر التاريخ بين تلك الفنون ورصيفه في السودان .. وبرروا اهتمامهم - كما قال لي المدير الاداري بالقناة - بفن ذلك الجزء من القارة السمراء بانهم يودون ان يجعلوا من ( زول) اول قناة سودانية تقوم بتلك المهمة .. ومن هنا جاءت خلطة سودانية اثيوبية كما تروينها !!!.
وانا اعتقد انهم ربما يكونوا محقين في طرحهم ولكن ينقصهم التنسيق وغياب الخبرة والعقول المدربة التي كان يمكن لها ان تجعل من القناة اكثر توفيقا في تنقيذ فكرتهم التي يعتقدونها.. وهذا هو سر تخبطهم الواضح وعدم توفيقهم بين ما هو سوداني وماهو اثيوبي من حيث التوقيت وعدد ساعات البث ونوعية المادة والشكل الذي كان يمكن ان تظهر به !!!..
مع تحياتي خضر
Post: #6 Title: Re: هل القناة الفضائيــة "زول" سودانيـة أم أثيوبيـة؟ Author: أحمد ابن عوف Date: 02-19-2011, 08:35 PM Parent: #5
الاستاذ خضر عطا المنان شكرا لحديثك ولا نستطيع ان نحمل قناة زول اكثر مما تجيده، اي هي قناة ترفيهية، ولكن رسالتها بالتقريب بين شعوب القرن الافريقي وهي رسالة جديرة بالاحترام، لا يمكن قصرها على قدرة فنانينا على اداء الاغنيات الحبشية وبالعكس، توجد قضايا كثيرة مشتكرة بيننا الفقر، العطالة، الدكتاتورية، الفساد السياسي الخ الخ الخ
لن نطالبها بأن تكون جافة وحادة كالجزيرة (يوم واحد ما شفتهم شغلوا ليهم اغنية) هههه
لكن برضوا ممكن تتلمس القضايا دي بلطف وكله بعتمد على سيناريو ومخرجين متمكنين
ظلت علاقتنا بالاخوة في اثيوبيا وارتريااعلاميا دائما رهينة بامزجة ساساتنا، نميري/منقستو، البشير/زناوي
وفعلا قناة زول تقدمت خطوة وتجاوزت الاعلام الرسمي وثبث ما تريد ان تبثة دون انتظار الضوء الاخضر من سياسي لا يأبه بعلاقات الشعوب التاريخية والمستقبلية
تحياتي
Post: #7 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-20-2011, 09:43 AM Parent: #6
Quote: مالك علينا نحن بنحب الاثيوبيين ديل عندما يتغنوا بالاغاني السودانية خاصة لما الاغنية يكون فيها منعطف حاد والاثيوبي او الاثيوبية تشهق/يشهق شهقة حااااارة عند المنعطف لتخطيه .
الاستاذ الطيب تحياتي وشكرا على الاضافة والأغنية السودثيوبية في الأول كنت عايزة أقول ليك والله المغنية تطلعاتها أعلى مما يجب.. كمان تختار تغني "عشقت شادن"؟ بس والله صوتها جميل جدا .. وما قصرت غنت حلو.. الاثيوبيين بعد ما استهلكوا "عازة في هواك" قالوا انها أصلا أغنية أثيوبية والخليل لطشها منهم.. أنا خايفة، مع حالتكم عند المنعطفات الحادة دي، بكرة كل الحقيبة تكون بتاعتهم.. يعني يا شيقوق، امبارح بعد ما عملت البوست فتحت قناة زول لقيت ايمان لندن* في قمة الرقي (شكلا طبعا وليس صوتا).. بالابيض في أبيض زي الفلــ البلدي (أديس أبابا بس) وخاتة توت عنخ آمون عديـــــل كدة في قلبها وحشاها.. بتغني بلسان حواء السودانية وهي بتخاطب ناس يرتجفون بعد الشهقة في المنعطفات الحادة... قلت والله يا حليلها..ناس "زول" جايبنها تنافس أثيوبيا بكامل هز كتوفها.. الله يكون في عونها
* أنا بقول ايمان لندن بتحفظ خوفا من الغلط.. أصلي مش موكبة (الحركة) الفنية
Post: #8 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-20-2011, 11:13 AM Parent: #7
Quote: لقد زرت مقر هذه القناة اكثر من مرة العام 2008 بامارة الفجيرة في دولة الامارات العربية المتحدة وهناك التقيت بالقائمين على امرها وهم يعتقدون - كما قالوا لي - بان فن القرن الافريقي -اثيوبيا وارتريا والصومال - لم تجد الاهتمام اللائق رغم العلاقات العضوية الممتدة عبر التاريخ بين تلك الفنون ورصيفه في السودان .. وبرروا اهتمامهم - كما قال لي المدير الاداري بالقناة - بفن ذلك الجزء من القارة السمراء بانهم يودون ان يجعلوا من ( زول) اول قناة سودانية تقوم بتلك المهمة .. ومن هنا جاءت خلطة سودانية اثيوبية كما تروينها !!!.
وانا اعتقد انهم ربما يكونوا محقين في طرحهم ولكن ينقصهم التنسيق وغياب الخبرة والعقول المدربة التي كان يمكن لها ان تجعل من القناة اكثر توفيقا في تنقيذ فكرتهم التي يعتقدونها.. وهذا هو سر تخبطهم الواضح وعدم توفيقهم بين ما هو سوداني وماهو اثيوبي من حيث التوقيت وعدد ساعات البث ونوعية المادة والشكل الذي كان يمكن ان تظهر به !!!..
الأخ الكريم خضر عطا المنان شكرا كتير على التوضيح الفكرة على وجه العموم كويسة (لو فهمتها).. يعني المقصود انه توجد قناة فضائية سودانية تروج- نقول تركز- على فن القرن الأفريقي وتوصله للسودانيين.. صح؟ أنا بقول اننا ما قصرنا على الاطلاق في الموضوع في الماضي وبالتالي بختلف معاهم في حتة (لم تجد الاهتمام اللائق).. لما كنا صغار وشباب قبل ما نتشتت في بلاد الله ..دائما كان في فرق أثيوبية وصومالية وفنانين موجودين في الخرطوم وحتى المدن الكبيرة التانية.. ده غير فرق الارتريين قبل ما يحرروا بلدهم.. ودائما بكون في أغاني وعروض ليهم في التلفزيون..يعني لقت الاهتمام اللائق بزيادة كمان وبعدين لو قالوا شرق أفريقيا بكون أشمل وأفضل يعني يقدموا للسوداني الفن- بجميع فروعه - في الصومال وجيبوتي واريتريا وكينيا وتنزانيا وحتى موريشص ومدغشقر بالاضافة لمصر.. ولو أضافوا اهتمام كمان للساحل الشرقي للبحر الاحمر بكون أحلى وأغنى.. في قديم الزمان كان في طلبة بدرسوا في الجامعات السودانية من معظم الدول دي.. يعني علاقة مؤسسة من زمان وأشمل من مجرد غنا.. ولأني زي ما قلت مش متابعة القناة بقدر أعلق بس على الـ شفته بالصدفة والـ شفته معظمه أثيوبي لذلك شكيت في هوية القناة. وبعدين والله والله القرن الافريقي ماهو أثيوبيا بس!! خلاصة القول موضوع أثيوبيا ده أنا أظنه ريــدة ساكت (ريدة concentrate).. زي ريدة ناس شيقوق وابن عوف :)
برضو في حتة تانية.. ناس القناة اختاروا ليها اسم (زول) ولبسوا الشعار عمة وجلابية يعني بما لا يدع مجالا للشك سودانية بحتة ده من متابعتي البسيطة ما ظاهر..وين الغرب والشرق والشمال والجنوب والوسط "وكافة" فنونهم وسط أثيوبيا دي كلها؟
Post: #9 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-20-2011, 11:23 AM Parent: #8
الأخ أحمد بن عوف لك تحياتي وشكري على الاضافة حتى المواد الترفيهية من المتوقع تكون متنوعة.. يعني أنا حاكون سعيدة اتفرج على فيلم أو مسلسل أثيوبي طالما هو مترجم بالعربي أو الانجليزي ..أو حتى مدبلج بالسوري! دي أنا.. لكن في بعض الناس حيكونوا في غاية السعادة حتى لو ما فيه ترجمة :) وحأسعد أكثر لو كان في تركيز على أنواع أخري من الفنون كالفنون التشكيلية مثلا بس امكن طموحات القناة أكبر من امكانياتها.. شوية شوية الناس بتصل لاهدافهالو بذلت المجهود.. وزيناوي والبشير ديل سمن على عسل يا راجل الله يديم المحبة.. والدليل سيل اللواري البتنقل في الاثيوبيات للسودان بدون توقف دي حتى ست الشاي رمز الكادحين السودانين بقت أثيوبية انت ما سمعت ولا شنو؟
Post: #10 Title: Re: هل القناة الفضائيــة "زول" سودانيـة أم أثيوبيـة؟ Author: ناصر احمد الامين Date: 02-20-2011, 11:50 AM Parent: #9
Quote: ناس القناة اختاروا ليها اسم (زول) ولبسوا الشعار عمة وجلابية يعني بما لا يدع مجالا للشك سودانية بحتة ده من متابعتي البسيطة ما ظاهر..وين الغرب والشرق والشمال والجنوب والوسط "وكافة" فنونهم وسط أثيوبيا دي كلها؟
عـادي يا rummana الناس ديل رخصوا الخرطوم-عطبرا و قلبوا الخرطوم-القضارف حيث السمسم و الخيرات ... ههههه
بعدين الشعب يريد ... ياخي.
Post: #11 Title: Re: هل القناة الفضائيــة "زول" سودانيـة أم أثيوبيـة؟ Author: Mohamad Shamseldin Date: 02-20-2011, 03:00 PM Parent: #10
رمانه القناه ما أثيوبيه لكن هذه صفات المسئولين فيها ديل معلوفين بعلف الحبش و أمباز حبشتكا.... و مبرمجين علي ذلك....
الاعتذار للاخ بشاشا علي هذه السرقه نص النهار منو مشكله منطقه القرن الافريقي هي عدم وجود لغه واحده.... ممكن الناس تسمع أغنيه حبشيه او من مالي أو من السنغال للموسيقي الجميله لكن هذا جزء بسيط من الثقافه..... واضح أن أصحاب هذه القناه بسطاء في تفكيرهم
Post: #13 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-20-2011, 06:47 PM Parent: #11
Mohamad Shamseldin سلامات وشكرا على الاضافة عدم وجود لغة مشتركة ما كان عائق لناس كتار :) في كل الاحوال الناس عايشة المزاج السعيد
...
مع احترامي للمسئولين في القناة ..للأسف أنا ما قدرت أقنع نفسي أرجع للقناة أو أفتحها عمدا يعني في الغالب بفتحها لأنه بكون نفسي أتفرج على حاجة سودانية وبلقى باقي القنوات السودانية فيها نوع الكلام الممل شديد وكله تركيز مؤتمري وكده أعتقد انه عليهم التركيز أكثر على المقدم في القناة وتطويره قناة هارموني لما ابتدت كانت من وجهي نظري تعبانة من حيث الاخراج لكن واضح انه فيها شيء مشجع وقابل للتطوير وبعدها بدت تتطور شوية شوية.. وللأسف في النهاية اختفت قناة الشروق جيدة بس كانت أجود قبل سنتين لانها كانت أكثر حيادية وتنوع قناة النيل الأزرق كويسة ولو أني كنت (قبل سنتين) أكيد بفضل عليها الشروق الفضائية السودانية لا بأس بها لكن في الغالب بتفرج على غيرها أكتر على وجه العموم الفضائيات السودانية عندها مجهودات جيدة بس لسه قدامها مشوار شكرا لكم جميعا
Post: #12 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-20-2011, 06:37 PM Parent: #10
Quote: عـادي يا rummana الناس ديل رخصوا الخرطوم-عطبرا و قلبوا الخرطوم-القضارف حيث السمسم و الخيرات ... ههههه بعدين الشعب يريد ... ياخي.
:) :) ناصر احمد الامين ضحكتني حتى بانت نواجذي فشكرا لك ياريت لو الحكومة تتعلم من قناة زول فن تلبية رغبات الشعب :)
Post: #14 Title: Re: هل القناة الفضائيــة "زول" سودانيـة أم أثيوبيـة؟ Author: ناصر احمد الامين Date: 02-20-2011, 10:15 PM Parent: #12
Quote: ياريت لو الحكومة تتعلم من قناة زول فن تلبية رغبات الشعب :)
احب الحقيقة ياخي
Post: #15 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-21-2011, 11:56 AM Parent: #14
ناصر احمد الامين الحمد لله كلنا بنحب الحقيقة والحقيقة انه شرق أفريقيا زاخر بالفن هسه تنزانيا دي ما عندها فن زي أثيوبيا؟
Post: #16 Title: Re: هل القناة الفضائيــة "زول" سودانيـة أم أثيوبيـة؟ Author: د.محمد حسن Date: 02-21-2011, 12:27 PM Parent: #15
Quote: هل القناة الفضائيــة "زول" سودانيـة أم أثيوبيـة؟
خاتف لونين
Post: #17 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-21-2011, 04:33 PM Parent: #16
Quote: خاتف لونين
د.محمد حسن غايتو مع اللونين ما قدرت تقنعني :)
Post: #18 Title: Re: هل القناة الفضائيــة "زول" سودانيـة أم أثيوبيـة؟ Author: أحمد ابن عوف Date: 02-21-2011, 05:11 PM Parent: #17
Quote: خلاصة القول موضوع أثيوبيا ده أنا أظنه ريــدة ساكت (ريدة concentrate).. زي ريدة ناس شيقوق وابن عوف
ود شيقوق
رمانة سطحت بي هههههههههههه
لو فهمت حاجة من concentrate دي قول لي عوق
Post: #19 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-21-2011, 06:06 PM Parent: #18
أحمد بن عوف التسطيح في شنو؟ ريدة concentrate = ريدة ساكت.. وضح ليك؟ :) (السوبرماركت بتاعكم ما فيه لا تمر هندي ولا sunquick ولا حتى فيمتو؟)
Post: #20 Title: Re: هل القناة الفضائيــة "زول" سودانيـة أم أثيوبيـة؟ Author: عبد الناصر الخطيب Date: 02-21-2011, 06:11 PM Parent: #18
*حفتي / رمانة كيمالخيّ ,
قناة زول بعتبر عن نظرة القائمين عليها _لثقافة إثيوبيا _ وده ما بعني إنها قدمت أو نجحت في تقديم ثقافة متعددة ومتنوعه وثرية زي ثقافة الهضبة الإثيوبية تنزانيا ثقافة سواحيلية مميزة بس باى حال ما بتتقارن بالثقافة الإثيوبية الأكيد بتمثل ثقل ثقافي إفريقي هو الاميز على الاطلاق والناس العندهم تفردهم التاريخي وملمحهم الثقافي الخاص بيهم في كل شي في اللغة والحرف والايقاع والتاريخ مع ميزه تقبلهم وإعتزازهم بوجههم الثقافي ده وتواصل أجيالهم عليهوا .
•ملاحظتى في مقدمة البوست بتقولي كل ما تشوفيها بتقدم غني حبشي بقول ليك الكلام ده ما حاصل زول بتقدم غني إثيوبي كميات أقل ما فيهوا الغني الحبشي
ده نموذج لغني حبشي الهو غني شمال إثيوبيا وجزء من جارتهم أرتريا زول معظم غنها أمهري وديل وديل كلو إثيوباوي بس الفن الاثيوبي متنوع في أصولوا لانها بلد خليط متعدد من الاعراق والثقافات والحبش جزء منها
تحياتي
_______________ * حفتي = أختي بالتجرنجة
Post: #21 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-22-2011, 08:32 PM Parent: #20
الأخ عبد الناصر الخطيب لك تحياتي وشكري على الشرح واضافة الأغنية الايقاع "الحبشي" بشبه ايقاع أهل الشرق يعني ممكن نقول في دي بنسامح قناة زول شكرا تاني
Post: #22 Title: Re: هل القناة الفضائيــة "زول" سودانيـة أم أثيوبيـة؟ Author: مصطفى توفيق Date: 02-23-2011, 05:52 AM Parent: #21
القناة عندما لا تكون ليها هوية فتكون النتيجة انها ( مفلسَة ) اى ليس لديها فكر او توجه او هدف
Post: #23 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-23-2011, 07:26 AM Parent: #22
مصطفى توفيق تحية طيبة
Quote: القناة عندما لا تكون ليها هوية فتكون النتيجة انها ( مفلسَة ) اى ليس لديها فكر او توجه او هدف
معاك حق.. المفروض انه قناة زولــ بهوية سودانية مع وجود هدف "جانبي أو رئيسي" وهو تعزيز الصلات مع شعوب القرن الأفريقي - زي ما فهمت من المداخلات السابقة. نتمنى ان القناة تكون بتسمع في النقد وتقراه وتسعى للتطور بمنهج مدروس ومعد بطريقة أفضل لانه فعلا بفرحنا نشوف فضائيات سودانية أكتر وأفضل الفضائية السودانية كانت في البداية "مضحكة" بفتح الميم ..ضحكوا عليها السودانيين والعرب على السواء وهسه تطورت كتير جدا .. وان شاء الله ما تتوقف عن المحاولات.. شكرا ليك على الاضافة
Post: #24 Title: Re: هل القناة الفضائيــة "زول" سودانيـة أم أثيوبيـة؟ Author: وليد عبد اللطيف Date: 02-23-2011, 07:38 AM Parent: #23
رومانه .... سلامات
Quote: الأخ عبد الناصر الخطيب لك تحياتي وشكري على الشرح واضافة الأغنية الايقاع "الحبشي" بشبه ايقاع أهل الشرق يعني ممكن نقول في دي بنسامح قناة زول شكرا تاني
اخونا عبد الناصر الخطيب يعرف مدي علاقتي باخواننا الاثيوبين واحبهم جدا وتعاملاتنا معهم وصلت الى حد النسب واصبحت قناة زول في كل البيوت الاثيوبية يعني اضيفة لهم قناة اخري تخصهم بس القناة سودانية والمضمون حبشي قناة زول مفلسة ويجب عليها ان تنشر ثقافتنا وثقافة الفن السوداني لان الاعلام الان اصبح من افضل الموجهات التي تعمل على النشر مثال قناة الجزيرة بتسقط رؤساء دول وكلكم تعلمون ذلك .. قناة زول محتاجة اعادة صياغة . . الاف التحايا ليكم
Post: #25 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-23-2011, 08:44 AM Parent: #24
Quote: اخونا عبد الناصر الخطيب يعرف مدي علاقتي باخواننا الاثيوبين واحبهم جدا وتعاملاتنا معهم وصلت الى حد النسب واصبحت قناة زول في كل البيوت الاثيوبية يعني اضيفة لهم قناة اخري تخصهم بس القناة سودانية والمضمون حبشي قناة زول مفلسة ويجب عليها ان تنشر ثقافتنا وثقافة الفن السوداني لان الاعلام الان اصبح من افضل الموجهات التي تعمل على النشر مثال قناة الجزيرة بتسقط رؤساء دول وكلكم تعلمون ذلك .. قناة زول محتاجة اعادة صياغة
الأخ وليد عبد اللطيف سلامات في احتمال هم كمان يكون عندهم نسب مع الاثيوبيين ويبقوا كسبوا النسابة ونحن خسرنا:) أو في احتمال انهم مشاركين أثيوبيين في القناة .. الله أعلم غايتو أنا أعتقد انه الانسان لما يصرف فلوس على حاجة لازم يصرفها على حاجة ممتازة عشان ما تضيع فلوسه بدون فايدة ويبدو أنه القناة عاملة استفتاء (للأفضل في عام 2010) ومن ضمنه أفضل قناة غايتو لو طلعوا نفسهم الأفضل بيكونوا ما ناويين يتطوروا أبدا لك شكري على المشاركة
Post: #26 Title: Re: هل القناة الفضائيــة "زول" سودانيـة أم أثيوبيـة؟ Author: وليد عبد اللطيف Date: 02-23-2011, 08:48 AM Parent: #25
Quote: غايتو لو طلعوا نفسهم الأفضل بيكونوا ما ناويين يتطوروا أبدا لك شكري على المشاركة
ههههههههه صاحب العقل يميز
Post: #27 Title: Re: هل القناة الفضائيــة "زول" سودانيـة أم أثيوبيـة؟ Author: عبد الناصر الخطيب Date: 02-23-2011, 10:36 AM Parent: #26
الأخت المكرمة / رمانه تحية وتقدير ,,,
للدقة ما عندي في الرسيفر _قناة زول_ , تابعناها في بدايته القناة تجارية أكتر من أنهاء تقدم محتوي ثقافي مفيد , وبالتالي ماظن تكون متابعة من أى ناس عندهم صلة حقيقية ومعرفة بثقافة شرق أفريقيا , أكيد في إثيوبيين بتفقوا معاى في نظرتي عن قصورة تقدم محتوي ثقافي يعرف السودانيين بثقفة جيرانهم في اثيوبيا وشرق أفريقيا
Quote: الايقاع "الحبشي" بشبه ايقاع أهل الشرق يعني ممكن نقول في دي بنسامح قناة زول
تعليق على الكلام ده من حيث الإيقاع إيقاع التجراى _ الحبش _ مختلف عن إيقاع التجرى _ المنهم جزء مقدر في شرق السودان وارتريا _ مع ملاحظة انو التجراى عندهم إيقاعات تجرى تون وسودان تون بغنوا بيها بعض أغنياتهم نموذج للإيقاع البتتكلمي عنو هلين مليس ( لبّي هره ) _ أرتريا _ ده الايقاع البطابق إيقاعنا في شرق السودان
ده مع اتفاقي معاك على ملاحظة مهمه انو ثقافة الناس ديل التعريف بيها ماظن مقتصر على الجانب الغنائي فقط لانو فعليا في تجارب فنية وثقافية وتراثية وسينمائية إثيوبية مميزة وتستاهل أنو الناس ديل يتعرضوا ليها
------ العزيز / وليد عبد اللطيف
Quote: قناة زول مفلسة ويجب عليها ان تنشر ثقافتنا وثقافة الفن السوداني لان الاعلام الان اصبح من افضل الموجهات التي تعمل على النشر
في دي متفق معاك يمكن ده طابع لمعظم توجه الاعلام ( السطحية ) ويمكن كان عند زول فرصة ما عادية تكون قناة بتعرف بالسودان عند جيرانو وبجيرانو عند السودانيين ما تنسي فكرة معظمنا عن جيرنا في الشرق مطابقة لفكرة جيرنا التانيين أو قول أغلبهم عننا موغلة في الجهل وعدم المعرفة ........
ويمكن لاسباب كتيرة ما تقدر القناة تقوم بدور زي ده لانها لازم تراعي طريقة العمل التجارى وتقديم المواد الخفيفة التخليها تستقطب أعداد كبيرة من المشاهدين بهتماماتهم السطحية ورسائلهم وتعليقاتهم فما ظن الحبش البعرفهم بالهم فاضي للحد ده فما متابعنها أصلا
ليك التحية وصادق الود ,,,
Post: #28 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-23-2011, 04:39 PM Parent: #27
الأخ عبد الناصر أذكر اني طلبت مرة زمان في بوست من المشاركين انهم يكتب لي بعض العبارات بلهجة سودانية لموضوع مدرسي خاص بأحد ابنائي.. وتكرم أحد الاخوة بترجمة العبارات بلغة التجري.. أنا كنت فاكراه بقصد التجراي لحد ما اتفضل بالتوضيح... غايتو أنا اليوم بسبب مشكلة ما ما قادرة أشوف الفيديوهات..امكن بكرة اتمكن من معرفة المشكلة وحلها شكرا ليك على الفيديو والتوضيح
Post: #29 Title: Re: هل القناة الفضائيــة "زول" سودانيـة أم أثيوبيـة؟ Author: rummana Date: 02-24-2011, 08:11 AM Parent: #28
الأخ عبد الناصر طيب أنا شفت الفيديو اليوم.. الايقاع في الفيديو الأخير بيطغى عليه صوت الالات brass and woodwind لكن مع التركيز ممكن ألاحظ اختلاف بسيط بينه وبين الايقاع الآخر ..والأخير اسرع شوية .. شكرا تاني
Post: #30 Title: Re: هل القناة الفضائيــة "زول" سودانيـة أم أثيوبيـة؟ Author: عبد الناصر الخطيب Date: 02-24-2011, 08:36 AM Parent: #29
الأخت المكرمة / رمانة صباحك زين ,,,
Quote: الايقاع في الفيديو الأخير بيطغى عليه صوت الالات brass and woodwind لكن مع التركيز ممكن ألاحظ اختلاف بسيط بينه وبين الايقاع الآخر ..والأخير اسرع شوية .. شكرا تاني
التجرى هم القومية الممتدة في شرق السودان وارتريا حتى مصوع , في السودان _ البني عامر _ ليهم لغتهم وثقافتهم وايقاعاتهم المميزة , ممكن كان النموذج الافضل يكون غنية لفاطمة ابراهيم أو بخيته على حتكون اوضح من نموذج هلين مليس ... إيقاع التجراى مختلف لكين بظل الخماسي المميز ببنية لحنية يسهل تميزه من أى غناء أخر , وغالب غناهم حماسي لبلادهم.