Post: #1 Title: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-19-2011, 03:35 PM Parent: #0
أرجوك يا باشمهندس أن تضع الملحمة شعاراً للمنبر هذه الأيام.. أعرف أنه مسود حداداً على أعزاء فقدناهم.. و لكن أعلم يقيناً أنهم كانوا سيسعدون بها لو كانوا بيننا الآن و هم حقاً بيننا..
أتمنى أن يجد هذا الرجاء استجابة منك..
مع خالص الشكر مقدماً
Post: #2 Title: Re: يا بكري رجااااااااء .. و طلب كبير .. ممكن لو سمحت؟ Author: حيدر حسن ميرغني Date: 02-19-2011, 03:50 PM Parent: #1
سلامات د. سناء طلب في محله .. من متطلبات المرحلة
Post: #3 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-19-2011, 03:54 PM Parent: #2
أخي العزيز حيدر .. لعلك بخير؟
شكراً على التثنية و أتمنى من أعماق قلبي أن تجد الاستجابة
Post: #4 Title: Re: يا بكري رجااااااااء .. و طلب كبير .. ممكن لو سمحت؟ Author: Amani Al Ajab Date: 02-19-2011, 05:44 PM Parent: #3
Post: #5 Title: Re: يا بكري رجااااااااء .. و طلب كبير .. ممكن لو سمحت؟ Author: Tragie Mustafa Date: 02-19-2011, 05:47 PM Parent: #4
اؤيد يا سناء شكرا لك.
وعسى انت واسرتك بخير.
Post: #6 Title: Re: يا بكري رجااااااااء .. و طلب كبير .. ممكن لو سمحت؟ Author: معاوية عبيد الصائم Date: 02-19-2011, 05:50 PM Parent: #5
المرحلة تتطلب تنفيذ الطلب يابكرى وعاش نضال شعبنا والنصر للشرفاء
Post: #7 Title: Re: يا بكري رجااااااااء .. و طلب كبير .. ممكن لو سمحت؟ Author: عاطف مكاوى Date: 02-19-2011, 06:00 PM Parent: #6
Quote:
المرحلة تتطلب تنفيذ الطلب يابكرى وعاش نضال شعبنا والنصر للشرفاء
Post: #8 Title: Re: يا بكري رجااااااااء .. و طلب كبير .. ممكن لو سمحت؟ Author: مها عبد الله Date: 02-19-2011, 06:07 PM Parent: #7
رجاء يا بكري شكرا سناء خالد.
Post: #9 Title: Re: يا بكري رجااااااااء .. و طلب كبير .. ممكن لو سمحت؟ Author: سارة علي Date: 02-19-2011, 06:08 PM Parent: #8
.
Post: #10 Title: Re: يا بكري رجااااااااء .. و طلب كبير .. ممكن لو سمحت؟ Author: Amani Al Ajab Date: 02-19-2011, 06:16 PM Parent: #9
رجاء يا بكري شكرا سناء خالد.
Post: #11 Title: Re: يا بكري رجااااااااء .. و طلب كبير .. ممكن لو سمحت؟ Author: محمد حيدر المشرف Date: 02-19-2011, 06:21 PM Parent: #10
لما الليل الظالم طول ..
Post: #12 Title: Re: يا بكري رجااااااااء .. و طلب كبير .. ممكن لو سمحت؟ Author: معاوية عبيد الصائم Date: 02-19-2011, 06:27 PM Parent: #11
من اجل هولاء
Post: #14 Title: Re: يا بكري رجااااااااء .. و طلب كبير .. ممكن لو سمحت؟ Author: مها عبد الله Date: 02-19-2011, 06:31 PM Parent: #12
Post: #36 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 09:57 AM Parent: #12
من أجلهم يا معاوية و من أجل كل من يتم و شرد و جوََع ..
تسلم يا معاوية و عسى أن يستجيب بكري
Post: #15 Title: Re: يا بكري رجااااااااء .. و طلب كبير .. ممكن لو سمحت؟ Author: Rawia Date: 02-19-2011, 06:36 PM Parent: #11
سلام ياسناء نثني
و
أكــيد أكــيد أكيد هتكون أحسن بكتير من الميوكس والبوقر(Mucus & boogers) البيلاقيك اول ماتدخل البورد
_________ ماعارفة بيظهر ليكم الاعلان دا ولا بيجيني أنا بس؟
Post: #37 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 10:05 AM Parent: #15
راوية إزيك.. و شكراً على التثنية .. و لا زلت أأمل في الاستجابة و إن تأخرت.. فالمطلب جماهيري..
الإعلان أنا ما بيظهر لي .. بتظهر لي إعلانات يابانية شكلو أوتوماتيك من الهوست بيكيفه حسب المناطق.. أو الإعلانات بتاعة قوقل ديك البتنزل ليك مع كل تكة عليها سنت أو حاجة كدا
Post: #26 Title: Re: يا بكري رجااااااااء .. و طلب كبير .. ممكن لو سمحت؟ Author: معاوية عبيد الصائم Date: 02-20-2011, 06:32 AM Parent: #11
Post: #35 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 09:55 AM Parent: #11
محمد الحسن..
يا رب بكري يستجيب و يساعدنا نزيح الليل الظالم، و نعيد لعيون البلد فجر النور..
شكراً على عدم استسلامك للزهج
Post: #13 Title: Re: يا بكري رجااااااااء .. و طلب كبير .. ممكن لو سمحت؟ Author: محمد أبوالعزائم أبوالريش Date: 02-19-2011, 06:29 PM Parent: #10
فكرة والله .....
تبقى زي لما يكون في إنقلاب ..... وقبل إذاعة البيان الأوّل تدوّر فينا إذاعة أم درمان مارشات عسكرية ....... أحد الأصدقاء مثّلها بالساحر الهندي الذي يعزف على مزماره، فتخرج الحية (كوبرا) من وعاء وضعها داخله. خلّونا المرة دي نكون الحية ...... والمارشات/ الملحمة مزمار الهندي.
شكراً سناء خالد
Post: #18 Title: Re: يا بكري رجااااااااء .. و طلب كبير .. ممكن لو سمحت؟ Author: Elawad Eltayeb Date: 02-19-2011, 07:45 PM Parent: #13
شكراً يا سناء على الفكرة الرائعة
لطالما تساءلت أين وكيف سيستطيع شباب هذا الجيل من التعرف على القصائد والأناشيد الوطنية التي لطالما ألهمت حماسنا وحماس الشباب السوداني ضد أنظمة الظلم والديكتاتوريات وكانت نبراساً لنا في طريق النضال
أذكر الأركان في الجامعات والنوادي والبيوت وأماكن التجمعات بل حتى أكشاك الليمون كانت تصدح بهذه الأناشيد الوطنية الرائعة
الآن صمت الراديو والتلفزيون الحكومي/القومي وكل الإذاعات والتلفزيونات الوطنية عن ترديدها وكأنها تخاف من إثارة الحماس والوطنية التي تتجافى مع هذا النظام ولا تتسق معه باي حال من الأحوال.
أرجو أن ستجيب الأخ بكرى للنداء ونجعل من هذا المنبر منبراً وطنياً حقاً وتثقيفيا نعرض فيه نصوص الأناشيد والقصائد الوطنية العظيمة التي يريد لهاالنظام أن تندثر مع كل قيمنا ومثلنا وأخلاقنا التي أهيل عليها تراب الإنقاذ فلم يتبق إلا هذه الوجوه الكالحة التي تتمسك بكراسي الحكم وهي تدوس على عنق الحرية لكنها تجهل هذا المارد الذي يتربص بها وسيكشر عن أنياب ثورته الأبية
ويمر أيضاً في خاطري أناشيد كثيرة منها عدد من رائعات وردي الوطنية أرجو أن تجد مكانها مع الملحمة.
Post: #41 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 01:28 PM Parent: #18
Quote: لطالما تساءلت أين وكيف سيستطيع شباب هذا الجيل من التعرف على القصائد والأناشيد الوطنية التي لطالما ألهمت حماسنا وحماس الشباب السوداني ضد أنظمة الظلم والديكتاتوريات وكانت نبراساً لنا في طريق النضال
و الله يا العوض يا أخوي السؤال دا ياما دار في خاطري..و حاسة انو الإنقاذ جنت ما على حاضرنا بس لكن على ماضينا و على مستقبل الأجيال الحتقوم ناقصة وطنية لأنها اتحرمت من الأغاني الوطنية و إحساس الكرامة و الفخر بإنتمائهم الكانت حتغذيهو فيهم..
يا ريت نسمعها في أركان المنبر زي ما كنا بنسمعها زمان..
تسلم يا أخي
Post: #42 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 01:31 PM Parent: #18
Quote: لطالما تساءلت أين وكيف سيستطيع شباب هذا الجيل من التعرف على القصائد والأناشيد الوطنية التي لطالما ألهمت حماسنا وحماس الشباب السوداني ضد أنظمة الظلم والديكتاتوريات وكانت نبراساً لنا في طريق النضال
و الله يا العوض يا أخوي السؤال دا ياما دار في خاطري..و حاسة انو الإنقاذ جنت ما على حاضرنا بس لكن على ماضينا و على مستقبل الأجيال الحتقوم ناقصة وطنية لأنها اتحرمت من الأغاني الوطنية و إحساس الكرامة و الفخر بإنتمائهم الكانت حتغذيهو فيهم..
يا ريت نسمعها في أركان المنبر زي ما كنا بنسمعها زمان..
تسلم يا أخي
Post: #38 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 10:11 AM Parent: #13
و الله يا أبو العزائم.. متخيلة الحاجة دي فعلاً تساعد تفور دم الناس و تزيدهم حماس و رغبة في إعادة أمجاد و كرامة السودان..
شكراً على التثنية و أتمنى انها تلقى الاستجابة
Post: #34 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 09:53 AM Parent: #9
سارة شكراً على النقطة هههههههه عندي فيها أمل بكري يستجيب ليها من باب يوضع سرو في أصغر نقطة
Post: #33 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-21-2011, 06:07 AM Parent: #8
Quote: رجاء يا بكري
و لسة معاك يا مها بردد رجااااء يا بكري..
شكراً مها..
Post: #32 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-20-2011, 02:02 PM Parent: #7
شكراً عاطف مكاوي و نجدد التمني على الباشمهندس
Post: #31 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-20-2011, 11:49 AM Parent: #6
Quote: عاش نضال شعبنا والنصر للشرفاء
سيكون النصر بأيدي الشرفاء في آخر المطاف بإذن الله يا معاوية.. فهو قانون الطبيعة و عدل الخالق عز و جل..
شكراً للتثنية و أتمنى أن تجد صدى لدى الأخ بكري
Post: #29 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-20-2011, 09:44 AM Parent: #5
شكراً يا تراجي على التثنية و أتمنى أن تجد الاستجابة..
نحن بخير و الحمدلله ، و تمنياتي لأسرتك بدوام الصحة و الهناء
Post: #28 Title: Re: يا بكري رجااااااااء .. و طلب كبير .. ممكن لو سمحت؟ Author: Sana Khalid Date: 02-20-2011, 09:40 AM Parent: #4
شكراً يا أماني لرفع الفيديو هنا .. أتمنى أن يستجيب الأخ بكري و يجعله شعاراً للمنبر حتى يطل علينا فجر الحرية من جديد
Post: #16 Title: Re: يا بكري رجااااااااء .. و طلب كبير .. ممكن لو سمحت؟ Author: أيمن التوم حسن Date: 02-19-2011, 07:24 PM Parent: #2
العزيزه سناء نحن فى حوجه من ان نجعل الملحمه شعارنا فى هذه المرحله لتكون خير زاد فى درب النضال ضد القهر والطعيان
Post: #17 Title: Re: يا بكري رجااااااااء .. و طلب كبير .. ممكن لو سمحت؟ Author: عبدالكريم الامين احمد Date: 02-19-2011, 07:44 PM Parent: #16
ياريت ياريت يا بكري ياخي فلاصوت في هذه المرحلة يعلو علي صوت الثورة وغضبات الشعوب والملحمة لحن عالي النبرة ومشحون بغضب وثورية كبري
وشكرا يا سناء
Post: #19 Title: Re: يا بكري رجااااااااء .. و طلب كبير .. ممكن لو سمحت؟ Author: محمد زكريا Date: 02-19-2011, 07:51 PM Parent: #17
فوق
Post: #20 Title: Re: يا بكري رجااااااااء .. و طلب كبير .. ممكن لو سمحت؟ Author: Amira Elsheikh Date: 02-19-2011, 07:55 PM Parent: #19
كويس انو جابتك الملحمة ولا جبتيها ماعارفة
Post: #21 Title: Re: يا بكري رجااااااااء .. و طلب كبير .. ممكن لو سمحت؟ Author: معاوية عبيد الصائم Date: 02-19-2011, 08:10 PM Parent: #20
Post: #39 Title: Re: يا بكري رجااااااااء .. و طلب كبير .. ممكن لو سمحت؟ Author: Baha Elhadi Date: 02-21-2011, 10:15 AM Parent: #21
الأخت سناء : ايام الطلب في الجامعة ، أول ما تطا رجلك بوابة الجامعة وتسمع الملحمة مدورة فداك اليوم لا محاضرات وأكيد منتصف النهار هناك مظاهرة فكم تعبيء هده الملحمة الشعور بالانتماء لوطن نبيل وجميل تزهو وأنت تسمعها تشق عنان السماء والصورة أعلاه تدكرني بأخوة كرام كانوا في إطار هده الصورة إبان الانتفاضة المجيدة تركوا الدرس الأصغر للدرس الأكبر درس الوطن ونداؤه دكرتني :( وهم فيها): حسن محمد دوكة جمال أحمد حسن يعقوب عبدالله الشيخ هجو كمال محمد محمد خير فريد ادريس عثمان عبدالجبار جعفر اسماعيل الطيب عبدالناصر وأخوات عزيزات انفعلن بما يحدث وخرجن معنا لم يثنهن بمبان ولا سلاح ولا عسكر وشخصي كنا فيها وكانت الملحمة الله يخليك سناء فقد طلبتي عزيزا وأرجو من الأخ بكري تلبية طلبك/نا ودمتي
Post: #22 Title: Re: يا بكري رجااااااااء .. و طلب كبير .. ممكن لو سمحت؟ Author: محمد إبراهيم علي Date: 02-19-2011, 08:13 PM Parent: #20
مراحب يا صديقة ومشتاغووون
Post: #23 Title: Re: يا بكري رجااااااااء .. و طلب كبير .. ممكن لو سمحت؟ Author: Hadeer Alzain Date: 02-19-2011, 09:09 PM Parent: #22
شكرآ سناء على الفكرة الجميلة ومرحبآ بعودتك
...............
قصّة ثورة كلمات: هاشم صديق ألحان: محمد الأمين التوزيع الموسيقي: موسي محمد إبراهيم
لما الليل الظالم طوّل وفجر النور من عينّا اتحول قلنا نعيد الماضى الأول ماضى جدودنا الهَزَمُوا الباغى وهدّوا قلاع الظلم الطاغى وف ليلة وكنا حُشود بِتصارع عهد الظلم الشبَّ حواجز .. شبَّ موانع جانا هتاف من عِند الشارع قسمآً قسمآً لن ننهار طريق الثورة هُدى الاحرار وغضب الامة اتمدد نار والكل يا وطنى حشود ثوار وهزمنا الليل .. هزمنا الليل والنور فى الآخر طل الدار والعزة اتهادت للأحرار
وطنى أنحنا سيوف امجادك ونحنا مواكب تفدى تُرابك ولِسّه الشارع بِشهَد لينا فى يوم الغضبة حصاد ماضينا مشينا نَعَطّر حقل الثورة بِدَم نَفْدِيبُو بلادنا الحرة وكان اكتوبر فجر الغضبة كسرنا قيود الماضى الصَعَبة لما مشينا مواكب صَامدة تهدر وتغلى ... وتهتف راعدة:
الرصاص لن يفنينا
وسال الدم فى أرض الوادى فَدينا النور بالروح يا بلادى وكانت صفحة حكاها العالم وفجر اكتوبر طَلّ وسَالَم
كان فى الجامعه موكب هادر صمَّم يجلى الليل السّادر وكان الليل السادر غادر فجّر غدرو سموم دخان ورُصاص من صوته صِحَا السودان والشعب الثائر صمّم هادر يصرع ليلنا الداجى الطَّوَّل وكان القرشى شهيدنا الاول وما اتراجَعنا حلفنا نقاوم ليلنا وسِرنَا نذرنا الروح ومَسَكْنَا دَرِبنَا للشمس النايرة قطعنا بحور حلفنا نموت أو نلقى النور
وكان فى الخطوة بنلقى شهيد بى دمه بِيِرسُم فجر العيد
يا اكتوبر أنِحْنا العِشنا ليالى زمان فى قيود ومظالم وويل وهوان كان فى صدورنا غضب بركان وكنا بنقسم بالاوطان نَسَطَّر اسمك يا سودان
بدمانا السّالت راوية الساحة وحلفنا نسير ما نْضوق الراحة شهرنا سيوف عِصيانّا المدنى إيد فى ايد حلفنا نقاوم ما بنِترْراَجع وما بِنءسَاوم بينّا وبينك تار يا ظالم خُطانا تسير فى درب النصر هتافنا يدَوّى يهز القصر كسرنا حواجز .. أزِلنا موانع صفنا واحد عامل .. وطالب .. زارع وصانع وهزمنا الليل .. هزمنا الليل والنور فى الآخر طل الدار والعِّزة اتهادت للأحرار
يا ساحة القصر .. يا حقل يا واحهَ بتَحَضِن روح(نَصّار) روينا ورودك دم ثوار وشتَلنا فضاك هتاف أحرار خَطّينا ترابك احرف نايرة بتحكى سطور ايامنا الثايرة وشلنا الشهدا مشينا ونهتف وجرح النار فى قلوبنا بينزف سَجّينا الشُهدا وجينا نقاوم ما بنِتراجع وما بِنساوم وفجأة ونحنا صفوف بتصمم زغرد فجر الثورة الحالم والنور فى الآخر طل الدار والعزة اتهادت للأحرار
قسمآً قسمآً يا اكتوبر نحمى شعارك ونجنى ثمارك ونرفع راية الثوره الغالية عالية ترفرف فوق السارية عليها شعار الثورة الأكبر رسُمه النادر زاهى واخضر ولِسّه بنقسم يا اكتوبر لما يطل فى فجرنا ظالم نحمى شعار الثورة نقاوم نبقى صفوف تمتدّ وتهتف لما يعود الفجر الحالم
Post: #24 Title: Re: يا بكري رجااااااااء .. و طلب كبير .. ممكن لو سمحت؟ Author: محمد البشرى الخضر Date: 02-19-2011, 09:18 PM Parent: #23
سلام يا دكتورة ما فهمت شعار للمنبر كيف يعني؟ قصدك رابط الفيديو يتخت بين المداخلات مثلا أو يترفع مع العناوين ولا الفيديو في رقبتو يشتغل اتوماتيك في كل مداخلة
Post: #25 Title: Re: يا بكري رجااااااااء .. و طلب كبير .. ممكن لو سمحت؟ Author: مها عبد الله Date: 02-19-2011, 10:01 PM Parent: #24
*********
Post: #27 Title: Re: يا بكري رجااااااااء .. و طلب كبير .. ممكن لو سمحت؟ Author: يوسف السماني يوسف Date: 02-20-2011, 07:07 AM Parent: #25
Quote: أرجوك يا باشمهندس أن تضع الملحمة شعاراً للمنبر هذه الأيام.. أعرف أنه مسود حداداً على أعزاء فقدناهم.. و لكن أعلم يقيناً أنهم كانوا سيسعدون بها لو كانوا بيننا الآن و هم حقاً بيننا..
أتمنى أن يجد هذا الرجاء استجابة منك..
نحن نرفع يد الرجاء للاخ بكري ليستجيب لهذا الطلب . شكراً سنا
Post: #30 Title: Re: يا بكري رجااااااااء .. و طلب كبير .. ممكن لو سمحت؟ Author: قيقراوي Date: 02-20-2011, 10:13 AM Parent: #27
