Post: #1
Title: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-19-2011, 12:28 PM
Parent: #0
صحيفة آخر لحظة نقلت خبرا مفادة :
وجهت محكمة جنايات الخرطوم شمال برئاسة مولانا عصام الدين عثمان
أمس تهمة ممارسة الافعال الفاحشة للطبيب ( م.م) وأتهمته بوضع يده
على مناطق حساسة من جسد الشاكية فى البلاغ محاولا الاعتداء عليها
وذلك أثناء قيامه بالكشف عليها بمستشفى الخرطوم .. وقالت المحكمة
أن المتهم خالف نص المادة (151) من القانون الجنائى لسنة 1991م
فيما قال الاستاذ مجدى سرحان ممثل الدفاع عن المتهم أن موكله غير
مذنب وأنه كان يقوم بممارسة عمله فقط وأضاف أنه يمتلك البينة
التى تدحض الاتهام .
وتعود تفاصيل القضية الى أن ذوى المريضة الذين نقولها الى المستشفى
وهى فى حالة مرضية سيئة كانوا قد دخلوا عليها فى غرفة الكشف بعد
أن مكث طويلا وقالوا أنهم وجدوا الطبيب المتهم ينوى الاعتداء عليها
جنسيا فأوسعوه ضربا حتى فقد الوعى .. وقاموا بفتح بلاغ فى مواجهته
بالحادث بنيابة الخرطوم شمال . ( أنتهى نص الخبر ) ..
وهنا تتوارد الاسئلة :
أين ذهب ذلك القسم الذى أقسمه هذا الطبيب ؟؟
أين الممرضه لماذا لم تكن معه فى غرفة الكشف؟؟
هل المريضه كانت فى حالة غيبوبة ؟؟
إن لم يكن كذلك فلماذا الصمت من جانبها ؟؟
لم تستغيث المريضة حسب الرواية بل دخل أهلها عليها فى غرفة
الكشف بعد مكوثها طويلا داخل غرفة الكشف ؟؟؟
أليس هذا مايدعو للاستغراب والتساؤل عن تلك الرواية
تاج السر
|
Post: #2
Title: Re: طبيب حاول الاعتداء على مريضه .. أنه فعلا لزمن العجائب !!
Author: ياسر السر
Date: 02-19-2011, 12:44 PM
Parent: #1
لا حولة ولا قوة إلا بالله ،، هل وصل بنا الحال إلى هذا الدرك الأسفل أستاذي تاج السر ؟؟؟
في إنتظار من يرد على كل التساؤلات المذكورة اخي تاج السر ..
تحياتي : ياسر العيلفون
|
Post: #3
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-19-2011, 04:05 PM
Parent: #2
| Quote: في إنتظار من يرد على كل التساؤلات المذكورة اخي تاج السر |
شكرا أخى ياسر لمرورك .. وأنا لمنتظرن ..
تحياتى وتقديرى ..
تاج السر
|
Post: #4
Title: Re: طبيب حاول الاعتداء على مريضه .. أنه فعلا لزمن العجائب !!
Author: د.محمد بابكر
Date: 02-19-2011, 05:52 PM
Parent: #3
القصه دى ملتقه وحبكتها سيئه للغايه و منشوره فى اخر لحظه وكفى...
|
Post: #5
Title: Re: طبيب حاول الاعتداء على مريضه .. أنه فعلا لزمن العجائب !!
Author: جمال السنوسي
Date: 02-19-2011, 06:17 PM
Parent: #4
يا تاج ياخي
الطب اتقدم
|
Post: #6
Title: Re: طبيب حاول الاعتداء على مريضه .. أنه فعلا لزمن العجائب !!
Author: ود الباوقة
Date: 02-19-2011, 06:21 PM
Parent: #5
| Quote: القصه دى ملتقه وحبكتها سيئه للغايه و منشوره فى اخر لحظه وكفى... |
شكرا دكتور محمد بابكر
تشكرات السر ...........
|
Post: #9
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 11:08 AM
Parent: #6
| Quote: تشكرات السر ........... |
الأخ العزيز ود الباوقة
تحية وأحترام ،،
لاشكر على واجب أخى الحبيب .. تشكراتى على مرورك
ياغالى .. لك التحية والتقدير والاحترام .
تاج
|
Post: #8
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 11:04 AM
Parent: #5
Quote: يا تاج ياخي
الطب اتقدم |
الحبيب الغالى جمال
تحياتى ،،
شكرا لمرورك .. أوافقك الرأى الطب أتقدم فعلا !!!
تاج
|
Post: #7
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 11:02 AM
Parent: #4
| Quote: القصه دى ملتقه وحبكتها سيئه للغايه و منشوره فى اخر لحظه وكفى... |
الأخ د. محمد بابكر
تحية وتقدير
شكرا لمرورك يادكتور .. وبالفعل طريقة السرد
مخجلة للغاية .. التحية والتقدير يادكتور ..
تاج
|
Post: #10
Title: Re: طبيب حاول الاعتداء على مريضه .. أنه فعلا لزمن العجائب !!
Author: Mahmoud Mustafa Mahmoud
Date: 02-20-2011, 11:37 AM
| Quote: طبيب حاول الاعتداء على مريضه .. أنه فعلا لزمن العجائب !! |
مريضه؟؟
أنا لما قريت العنوان... وزمن العجائب..
قلت مرضه (دا) تلقاهو قيافة كدا ومسبسب ..
شوية كدا اكتشفت ليك إنه الكلام عن (واحدة) مريضة ..
.. شوية تاني ألقى ليك تاج عادي جداً قاعد
يكتب (الممرضه) كدا برضو بدون تاء مربوطة ولا حاجة..
قلت لنفسي: مممممممممممم..يعني تاج السر دا حالتو صحفي..
نحن لو كتبناها (مريطة) مفروض ما في زول يسألنا..
إنتو في دا ولا الناس القاعدين يكتبوا اسم الجلالة (اللة)..
استغفر الله بس..
شكراً يا تاج لتفهمك..
|
Post: #11
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 12:21 PM
Parent: #10
| Quote: شكراً يا تاج لتفهمك.. |
أشكرك جزيلا أخى محمد لمرورك وللفت نظرى لهذا الخطأ
الذى لايغفر .. ولكم وللجميع العتبى .. مع شكرى وتقديرى
وأحترامى لك أخى محمد ولاعدمناك ..
تاج السر
|
Post: #12
Title: Re: طبيب حاول الاعتداء على مريضه .. أنه فعلا لزمن العجائب !!
Author: معاذ الهادي
Date: 02-20-2011, 12:38 PM
Parent: #11
ا.تاج السر
القصة دي ماواقعة لي
يعني في حاجات مامنطقية في السرد
اول حاجة المكان حوادث الخرطوم
حوادث الخرطوم دي مافيها مكان تخت فيهو رجلك
وبعدين مافيها غرف كشف اصلا
الشغلانة كلها ستائر وبارتشنات دي حاجة
مساحتها كلها 20 في 20 متر
وبكون فيها زي 20 طبيب و10 ممرضات و30 مريض و60 مرافق مريض على اقل تقدير
الحاجة التانية
انو المريضة في حالة يرثى لها حسب الوصف المذكور
برضو دي حاجة مامنطقية ...ماممكن طبيب في حوادث الخرطوم يجيبو ليهو عيانة بين الحياة والموت ويفكر في افكار ذي دي
الاطباء بشر فيهم الصالح والطالح
لكن القصة دي بالذات ماواقعة لي
|
Post: #13
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 12:58 PM
Parent: #12
Quote: ا.تاج السر
القصة دي ماواقعة لي
|
الأخ الاستاذ / معاذ الهادى
تحية وأحترام وتقدير ،،
بالطبع أخى معاذ فالقصة غير وأقعية .. وشكرا لمرورك
أخى معاذ ..
تاج السر
|
Post: #14
Title: Re: طبيب حاول الاعتداء على مريضه .. أنه فعلا لزمن العجائب !!
Author: حمد إبراهيم محمد
Date: 02-20-2011, 02:28 PM
Parent: #13
أبو هاشم - سلام
كان صدق الخبر وما بقى كلام جرايد
بعني عندهم شوية أزمة توزيع
قول لي ... المريض ياتو في الغرفة؟
المريضة واللا الدكتور!!؟
تحياتي
حمد
تخريمة :
أستاذناالدكتور عثمان أبوزيد عندما كان رئيس مجلس
الصحافة والمطبوعات ...الله يديه الصحة والعافية.. أورد
قصة حكاها له أحد رواد الصحافة السودانية الأستاذ
رحمي سليمان - عليه رحمة الله - كانت صحيفته تواجه
مشكلة قلة التوزيع... وحاول أن يعرف السبب.. فبدأ
بسؤال اصحاب أكشاك توزيع الجرائد.. فنصحه أحدهم
بـ( سوي ليك يا أستاذ... شوية سؤ تفاهم مع الحكومة)
عشان يمشي الحال!!!
فكان أول سؤ تفاهم عمله.. مع الجيش في عهد الرئيس
عبود... ومن ديك وهاك يا انطلاقة صحفية... هههه
حمد
|
Post: #15
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-20-2011, 05:07 PM
Parent: #14
Quote: المريضة واللا الدكتور!!؟
|
الأخ الريس / حمد ابراهيم
تحياتى وتقديرى ،،
طبعا ياريس أصبحت صحافتنا تميل للاخبار التى تجذب لهم
التوزيع لصحفهم ضاربين عرض الحائط كل المثل والقيم ..
والعياذ بالله ..
تحياتى مرة أخرى ياريس وشكرا للمرور والشكر ايضا لتلك
التخريمة ذات الطابع الرائع والجميل ..
تاج السر
|
Post: #16
Title: Re: طبيب حاول الاعتداء على مريضه .. أنه فعلا لزمن العجائب !!
Author: تاج السر محمد حامد
Date: 02-25-2011, 11:50 AM
Parent: #15
كان طبيبا فى مستشفى الخرطوم .. سألته هل يمكن أن يحصل مثل
هذا الشئ من أطباء السودان الذين أقسموا ووضعوا أياديهم على
المصحف الشريف لهذه المهنة السامية .. فكان رده ياتاج لقد
أنعدمت المبادئ والقيم والمثل العليا فى هذا الزمن !!!! وكل
شئ يمكن أن يكون !!
لاحول ولاقوة إلا بالله .. لاحول ولاقوة إلا بالله ماهذا ياسادة أين
نحن .. أين ذهبت شيم الرجال ؟؟ أقف وأنا فى حيرة أتساءل
ومعى الكثير هل ماقامت به صحيفة ( آخر لحظة) من نشر الخبر أعلاه
صحيحا ؟؟؟؟؟
افيدونا ياهؤلاء !!
تاج السر
|
|