Post: #1
Title: ماذا ينقص سودانيز اونلاين (توجد صورة)
Author: omer osman
Date: 02-19-2011, 12:16 PM
شاويش نبطشي ومكتب بلاغات ....
معقولة ياجماعة من تصبح لمن تمسي كع كراع ...
قال لي .... قلت ليهو ... قال ليها ... قالت ليهو ..
عفصني طبزني حمر لي ...
ياجماعة عليكم الله روقوا شوية ..
ادانات وتوقيعات لمن فترنا والحال ياهو نفس الحال
بالجد حالة ميئوس منها تماماً .....
وتقول لي السودان في يوم ما حيبقي كويس 
|
Post: #2
Title: Re: ماذا ينقص سودانيز اونلاين (توجد صورة)
Author: معتز زيزي
Date: 02-19-2011, 12:48 PM
Parent: #1
| Quote: وتقول لي السودان في يوم ما حيبقي كويس |
ولا في الأحلام يا عمر ....
تعترينا نزعة "إقصاء الآخر" وتملأ فراغاتنا فقاعات "المكابرة"
نكتب أرائنا وندافع عنها بشراسة "العارفين" ولا ندع مساحة للأخرين ....
ندعو لحريات التعبير ونفتقد لاساسياتها ...
نتحدث عن أدب الحوار ونفتقد لمعاييره ....
.
.
عليك الله يا أخوي عمر كومندانك دا مش ليهو يجر كرسيهو .....؟؟؟؟
|
Post: #3
Title: Re: ماذا ينقص سودانيز اونلاين (توجد صورة)
Author: omer osman
Date: 02-19-2011, 01:00 PM
Parent: #2
Quote: ولا في الأحلام يا عمر ....
تعترينا نزعة "إقصاء الآخر" وتملأ فراغاتنا فقاعات "المكابرة"
نكتب أرائنا وندافع عنها بشراسة "العارفين" ولا ندع مساحة للأخرين ....
ندعو لحريات التعبير ونفتقد لاساسياتها ...
نتحدث عن أدب الحوار ونفتقد لمعاييره .... |
كلام سليم يامعتز ......... والمشكلة يستوي في ذلك ...
الحكام والمعارضين والرجال والنساء إلا من رحم ربي ....
حقيقة يأس شديد نحاول ان تغلب عليه .... الله في
|
Post: #4
Title: Re: ماذا ينقص سودانيز اونلاين (توجد صورة)
Author: Rawia
Date: 02-19-2011, 02:46 PM
Parent: #3
نخت الخمسة في الاتنين ونعاين ترى
|
Post: #5
Title: Re: ماذا ينقص سودانيز اونلاين (توجد صورة)
Author: حمد عبد الغفار عمر
Date: 02-19-2011, 05:41 PM
Parent: #4
الأخ عمر
تحياتي
أنا دائما بقول أنو الغربة بدأت تنخر في حسن النية وبواقي البراءة
الفي نفس الواحد لكن سودانيز دي بالغت فاتت الكبار وقدرها
حسن نية ما في نهائي لازم تتعوذ قبل ما تفتح البورد
ولازم تعاين وراك وقدامك قبل ما تكتب حاجة
تعرف المشكلة وين؟
أنو القبح اصبح هو البرنامج المثير في البورد
ولو مافي عجاجة في البورد بكون حتة غير مرغوبة لكثيرين
يعني الناس أتوزنت على كشف الحال والمشاكل وأصبح ثأرات متراكمة
يستعصي حلها.
الغريبة في ناس يقولوا ليك مفروض الناس القدام (السناير)
يتدخلوا عشان يعيدوا هيبة البورد تجي تلقى أكبر الكتاحات
سايقنها الناس السناير
وعسكريك الفوق دا بلوا وأشرب مويتو (وش أخدر)
هو ذاتوا لو جا هنا بعد شوية بتلقى داخل في الكنجة دي
|
Post: #7
Title: Re: ماذا ينقص سودانيز اونلاين (توجد صورة)
Author: omer osman
Date: 02-19-2011, 06:41 PM
Parent: #5
Quote: تعرف المشكلة وين؟
أنو القبح اصبح هو البرنامج المثير في البورد |
والاقبح من كده ياحمد انو مرات بعض الناس بتخيل ليها طالما نحن
في الاسافير يعني في الهواء ساي معناها ننسي انو نحن سودانيين في
قيم ومعاني واخلاق سودانية خاصة وخالصة الناس بقت تضرب بيها
عرض الحائط وحقيقة انا بلوم الرجال في المنبر اكثر من النساء وما عارف
كيف نقبل لانفسنا انو الزول يغمز ويلمز ومرات يسب ويشتم امراة ... ياخ مهما
عملت ومهما قالت لو ما رديت عليها مافي زول حيقول انت خفت منها حيقول انت
زول محترم وجنتلمان ، اذا ده حصل صدقني مافي بادرة غلط حتجي من نساء المنبر
طبعا في ناس ممكن تزعل من كلامي ده وتفتكرو تمييز للمرأة وفي نساء برضو ممكن
يزعلوا من كلامي ده ويفتكروا فيهو انتقاص منهم او اظهارهم بمظهر الاقل قامة او درجة
لكن الشاهد في القضية ياحمد انا داير الناس تتعامل هنا بين الرجال النساء زي ما بنتعامل معاهم
على ارض الواقع.
|
Post: #6
Title: Re: ماذا ينقص سودانيز اونلاين (توجد صورة)
Author: omer osman
Date: 02-19-2011, 06:30 PM
Parent: #4
| Quote: نخت الخمسة في الاتنين ونعاين ترى |
راوية ازيك عساك بخير والوالدة عساها بخير ....
اكيد ياراوية ما حنقدر نعمل كده ، لكن انت ما معاي انو برضو البنعمل
فيهو اسه ده ما جاب نتيجة ... ياخ مرات بوست إعتذار ينقلب لي شكلة
اها نعمل شنو خصوصاً انا شايف انو رسالة المنبر اهم من انو نهدر وقتنا
وطاقتنا في صراعات ما مبررة ولامفيدة وبتبقي خصماً على حاجات أهم.
|
Post: #8
Title: Re: ماذا ينقص سودانيز اونلاين (توجد صورة)
Author: خضر عطا المنان
Date: 02-19-2011, 06:57 PM
Parent: #6
عزيزي / عمر
الذي يجب الاعتراف به هو ان هذا المنبر .. وبكل ما يدور فيه من قبح
وجمال .. من سقوط وصعود .. من اشراق وظلام ..... الخ .. هو أصدق
نموذج للسودان اليوم .. انه وطن مصغر بكل ما به من تناقضات .. كما انه
ترس يعمل - في كثير من الاحيان آناء الليل واطراف النهار - دون رقيب
او حسيب .. لا اداريا ولا من وزاع اخلاقي او كابح ديني !!!.
تلك هي الحقيقة رضيناأم أبينا .. مع اصراري الدائم ان كل حرف يكتبه
احدنا هنا هو عنوان للارض التي نبت بها والاسرة التي انحدر منها
والمحيط الذي عاش فيه .. أليس كذلك ؟؟.
لك معزتي خالصة
خضر
|
Post: #9
Title: Re: ماذا ينقص سودانيز اونلاين (توجد صورة)
Author: omer osman
Date: 02-19-2011, 07:13 PM
Parent: #8
Quote: الذي يجب الاعتراف به هو ان هذا المنبر .. وبكل ما يدور فيه من قبح
وجمال .. من سقوط وصعود .. من اشراق وظلام ..... الخ .. هو أصدق
نموذج للسودان اليوم .. انه وطن مصغر بكل ما به من تناقضات .. كما انه
ترس يعمل - في كثير من الاحيان آناء الليل واطراف النهار - دون رقيب
او حسيب .. لا اداريا ولا من وزاع اخلاقي او كابح ديني !!!.
تلك هي الحقيقة رضيناأم أبينا .. مع اصراري الدائم ان كل حرف يكتبه
احدنا هنا هو عنوان للارض التي نبت بها والاسرة التي انحدر منها
والمحيط الذي عاش فيه .. أليس كذلك ؟؟.
لك معزتي خالصة |
المنبر فعلاً ياخضر نموذج للسودان بكل تنوعه العرقي الثقافي والديني والسياسي
والرياضي والفني ......... الخ وده ماشيء كعب ده شيء كويس جداً لكن المنبر في
رأي حقيقة لايعكس طبيعتنا واخلاقياتنا نحن كسودانيين ... على ارض الواقع ياجماعة
نحن احسن من كده كتير خصوصاً في حتة التعدي اللفظي من الرجال على النساء أو
العكس بل حتى في شكل العلاقة بيننا كرجال وطبيعة النقاش والاختلاف ماقاعدين نصل
لمستوي العداوة البحصل في المنبر هنا.
|
Post: #10
Title: Re: ماذا ينقص سودانيز اونلاين (توجد صورة)
Author: دينا خالد
Date: 02-19-2011, 07:55 PM
Parent: #9
تمام يا جنابو ..
دفتر الاحوال دا مش فى حراسة صغيرة كدا تبعو ؟
خلى ايقونة الحراسة فوق جنب سجل دخول
اى واحد عليه امر قبض تروح قابضاهو
قصة الافلات من العقاب دى كترت ومسخت ياخ
تانى يا بورد بى حراصتو يا ما دايرين ..
بس كلم زولك الجبتو فى الكرسى وقدامو التربيزه دا
لما الثورة فى البورد هنا تسخن ما يجرى .. سمح؟
لوووووووووووووب
فضحتونا فى مصر يومداك بالجريه ديك ..
ــــــــــــــــــــ
_((( ماذا ينقص سودانيز اونلاين )))))
فى ذمتك دى يا جنابو نحن ناقصنكم ..
حد يصححححححى حشفون وسوء كيل داك ..
|
Post: #11
Title: Re: ماذا ينقص سودانيز اونلاين (توجد صورة)
Author: omer osman
Date: 02-19-2011, 08:17 PM
Parent: #10
| Quote: قصة الافلات من العقاب دى كترت ومسخت ياخ |
وانا معاك في كده لكن المشكلة انو العقاب ما بيدي ولا بيدك العقاب بيد الادارة
ولمن الادارة تتأخر بحاول كل زول يقتص لي نفسو واى مشكلة بتحصل هنا
بتتفرع لي مشاكل جديدة بشكل تصاعدي وتبقي الحكاية Enedless
Quote: بس كلم زولك الجبتو فى الكرسى وقدامو التربيزه دا
لما الثورة فى البورد هنا تسخن ما يجرى .. سمح؟
لوووووووووووووب
فضحتونا فى مصر يومداك بالجريه ديك .. |
وانت قال ليك انا مازعلان داير اطرشق في القصة دي ........ 
ياخ انحاز للجماهير ارفض ضربهم لكن تجري تنسحب شينة والله .....
Quote: _((( ماذا ينقص سودانيز اونلاين )))))
فى ذمتك دى يا جنابو نحن ناقصنكم ..
حد يصححححححى حشفون وسوء كيل داك .. |
ههههههههههههههههه .........
عليك الله ماشفتي غيابنا في مصر عمل شنو !!!
رجعوا كم قرن لي وراء حرب بالجمال والحصين مافضل ليهم الا الدرقة والسيف
معاً لوجود نقطة شرطة بالمنبر ............
|
|