Post: #1 Title: السـودان إلى نصف النهائي Author: ABUHUSSEIN Date: 02-18-2011, 09:22 PM Parent: #0
بعد معاناة و ولادة متعثرة
ألف مبروووووووووووك
Post: #2 Title: Re: السـودان إلى نصف النهائي Author: ABUHUSSEIN Date: 02-18-2011, 09:23 PM Parent: #1
بعد ضياع أكثر من 10 أهــداف
بالضربات الترجيحية السودان إلى نصف النهائي
Post: #3 Title: Re: السـودان إلى نصف النهائي Author: ABUHUSSEIN Date: 02-18-2011, 09:41 PM Parent: #2
كاريكا تفنن في إضاعة الفرص
و لا أدري لماذا أصر مازدا على مشاركتة في الشوط الثاني و بـشـه موجود في كنبة الإحتياطي
Post: #4 Title: Re: السـودان إلى نصف النهائي Author: ABUHUSSEIN Date: 02-18-2011, 10:05 PM Parent: #3
شـوط أول جميل جداً سيطرة كاملة و إنتشار هجمات منظمة كثيرة
و لكن كاريكا بعيد جداً عن جو المباراة و أضاع حوالي 5 فرص
و الشوط الثاني شهد طرد أحد لاعبي النيجر و رغم النقص إستطاعو إحراز هدف التعادل
و منذ منتصف الشوط الثاني ظهر التعب على لاعبي النيجر و لعبو للتعادل
و إستطاعو بمساعدة مهاجمين منتخبنا من الوصول إلى نهاية المباراة بالتعادل
Post: #6 Title: Re: السـودان إلى نصف النهائي Author: ABUHUSSEIN Date: 02-18-2011, 10:17 PM Parent: #4
و الله عبيط عليك شويه.....
أهبل و عبيط عليك شوية
متخلف و أهبل و عبيط عليك شوية..
و الله لو قلت ليك ديل كلهن حا أكون ظلمت المتخلفين و الهُبل و العبطا..
ليه حق البشير إرقص 21 سنة.....
Post: #7 Title: Re: السـودان إلى نصف النهائي Author: ساميه حامد Date: 02-19-2011, 00:28 AM Parent: #6
الف مبروك للسودان
وإن شاء الله الجاي احلى
والله إستر من رفع الضغط
Post: #8 Title: Re: السـودان إلى نصف النهائي Author: حمزه بابكر الكوبي Date: 02-19-2011, 03:08 AM Parent: #6
يا هبنقة البورض الاسمك مصطفي محمود يعني الفرحة بفوز السودان ممنوع منها الامنجيه والكيزان ؟؟؟!!!
خليك حقاني مره وخش في بوست زي ده وقول مبروك تأهل السودان ....مش انت وطني وبتعارض لخير السودان ؟؟؟!!!
والله انا بستغرب الناس التبطالب بأيقاف محمد فرح وكل المشاترين عميانييييييييييين منك ليه ؟؟؟!!!
في موضوع البوست والله ياابوحسين الفريق ده الليله حرق اعصابنا ووترنا بصوره ماعاديه ومن المرجح اننا نقابل الكاميرون وهو الفريق الذي جاء بالنمره الكامله 9 نقاط و5 اهداف ولم يلج في مرماه هدف يعني اخطر هجوم واقوى دفاع في الدوره حتى الان ويجب ان يتم الاعداد الجيد من الان وتناسي مباراة النيجر والعيش على افراحهها !!!!
Post: #9 Title: Re: السـودان إلى نصف النهائي Author: ABUHUSSEIN Date: 02-19-2011, 10:27 AM Parent: #8
أخونا حمزة سلام
Quote: يا هبنقة البورض الاسمك مصطفي محمود يعني الفرحة بفوز السودان ممنوع منها الامنجيه والكيزان ؟؟؟!!!
خليك حقاني مره وخش في بوست زي ده وقول مبروك تأهل السودان ....مش انت وطني وبتعارض لخير السودان ؟؟؟!!!
والله انا بستغرب الناس التبطالب بأيقاف محمد فرح وكل المشاترين عميانييييييييييين منك ليه ؟؟؟!!!
دا عندو عبط في كبرو إذا ما مارسو يومياً ما برتاح
.........
Quote: في موضوع البوست والله ياابوحسين الفريق ده الليله حرق اعصابنا ووترنا بصوره ماعاديه ومن المرجح اننا نقابل الكاميرون وهو الفريق الذي جاء بالنمره الكامله 9 نقاط و5 اهداف ولم يلج في مرماه هدف يعني اخطر هجوم واقوى دفاع في الدوره حتى الان ويجب ان يتم الاعداد الجيد من الان وتناسي مباراة النيجر والعيش على افراحهها !!!!
غايتو حرقو أعصابنا بي صورة ما عادية و كاريكا بشوت الكورة زي الإتعلم الكورة أمس
غايتو بس الله إستر من الجايي.
تحياتي
Post: #10 Title: Re: السـودان إلى نصف النهائي Author: ABUHUSSEIN Date: 02-19-2011, 10:31 AM Parent: #9
Post: #12 Title: Re: السـودان إلى نصف النهائي Author: المكاشفي الخضر الطاهر Date: 02-19-2011, 10:41 AM Parent: #11
لكن يا ابو الحسين الفريق دا فيهو مشكلة كبيرة زول بيقدر يجيب هدف مافي
الله يرحم والى الدين محمد عبد الله كان من غير فرصة بيجيب هدف لكن الجماعة اليومين ديل ما فيهم زول مالي عيني وبيعرف طريق الشباك إلا بشة المفروض ماذدا يشارك بشة من اول المباراة
Post: #13 Title: Re: السـودان إلى نصف النهائي Author: ABUHUSSEIN Date: 02-19-2011, 10:59 AM Parent: #12
اخونا المكاشفي سلام
Quote: لكن يا ابو الحسين الفريق دا فيهو مشكلة كبيرة زول بيقدر يجيب هدف مافي الله يرحم والى الدين محمد عبد الله كان من غير فرصة بيجيب هدف لكن الجماعة اليومين ديل ما فيهم زول مالي عيني وبيعرف طريق الشباك إلا بشة المفروض ماذدا يشارك بشة من اول المباراة
و الله كاريكا الهـداف شات ليه كم كورة كدا بي طريقة غريبة جداً ياخي اللاعبين بتاعينا ديل محتاجين لي مهارات كتيرة علشان نقول عليهم لاعبين كورة
تحياتي
.
Post: #14 Title: Re: السـودان إلى نصف النهائي Author: المكاشفي الخضر الطاهر Date: 02-19-2011, 11:04 AM Parent: #13
لكن انا أراهن على بشة
بشة بعرف الشباك وتمام ورجلو هادئة في الكورة
بشة لعبو دا كلو ضيعليهو قون واحد بس اي كورة شاتها جابها قون انت ما ملاحظ
غايتو المفروض ماذدا يجربو من الوهلة الاولى
Post: #15 Title: Re: السـودان إلى نصف النهائي Author: khaleel Date: 02-19-2011, 11:04 AM Parent: #13
شكرا ابو حسين
بعد ضياع الفرص تباعا
تذكرت كلام الفريق القومي المصري ان فرقة النيجر تلعب بالكجور
وتذكرت مباراة المريخ مع جيش النيجر والتي اضاع فيها المريخ 14 هدف موكد
الي ان جاء الفرج بركلات الترجيح
اتمني الا تتاثر لياقة لاعبي فريقنا القومي في مباراة دور الاربعة
للجهد الكبير الذي بذله لاعبي السودان
مبروك للسودان
تحياتي
Post: #16 Title: Re: السـودان إلى نصف النهائي Author: Maawya Hussein Date: 02-19-2011, 11:10 AM Parent: #15
Post: #17 Title: Re: السـودان إلى نصف النهائي Author: ABUHUSSEIN Date: 02-19-2011, 11:18 AM Parent: #16
أخونا خليل سلام
Quote: شكرا ابو حسين
بعد ضياع الفرص تباعا
تذكرت كلام الفريق القومي المصري ان فرقة النيجر تلعب بالكجور
وتذكرت مباراة المريخ مع جيش النيجر والتي اضاع فيها المريخ 14 هدف موكد
الي ان جاء الفرج بركلات الترجيح
اتمني الا تتاثر لياقة لاعبي فريقنا القومي في مباراة دور الاربعة
للجهد الكبير الذي بذله لاعبي السودان
مبروك للسودان
تحياتي
و الله أنا في فترات كدا قربت أصدق حكاية الكجور دي....!!! كورتنا في الفترة الأخيرة متذبذبة المستوى يعني إلعبو ليك كورة تقول ديل مافي أحسن منهم إجوك تاني يوم تشوفهم زي روابط الناشئين
نتمنى إفرحونا بي الكأس علشان نعيش عليه فترة
دعواتنا ليهم
تحياتي
.
Post: #19 Title: Re: السـودان إلى نصف النهائي Author: ABUHUSSEIN Date: 02-19-2011, 11:24 AM Parent: #17
معاوية الفنان سلام
شكراً ليك
أهو الملخص دا كلو فرص ضايعة
غايتو حرقو أعصابنا
تحياتي
.
Post: #18 Title: Re: السـودان إلى نصف النهائي Author: Maawya Hussein Date: 02-19-2011, 11:20 AM Parent: #16