حاجة التومة بين ..............غنم العمدة........ وخطرفة البشير

حاجة التومة بين غنم العمدة وخطرفة البشير

Quote: أعلن رئيس الجمهورية المشير عمر البشير عن انطلاق دولة السودان الجديد من ولاية الخرطوم وقال إن: ( المال موجود لكن البنوك كانت تمنحه للأسماء المعروفة فقط)

حاجة التومة بين غنم العمدة وخطرفة البشير
حاجة التومه المره الدغرية مابتدور الكلام المغتغت وفاضي وخمج.
الجيلي الجزار من يشوفها في طرف السوق يخلي كل الزباين ويبدأ يجهز ليها في طلبيتها المعروفه ربع كيلوبدون شحم.الما بعرف يقول إحترام لكن كل الحلة عارفنو خوفا من صراحتها المابتتلفت ليها وخايف إنها تقول ليهو الكلام البيقولوا ناس الحلة تحت تحت بأنو بلخبط الضبيحة كل يوم بغنمايتين كيري.
الجيلي الجزار بيقول لأصحابه المابخوفني شنو دي خوفت العمده.
الحلة معقول تنسى يوم وقفت في نص السوق وقالت للعمده الما بتقال.
القصة حصلت بعد سنة الفيضان والحلة كلها كانت بتفور وتغلي علي العمده وغنمو العايشات علي مشتل الحكومة العملوا الناس بالعون الذاتي عشان يوفر الشتلات مجانا للحواشات ولمن جاء موسم الزراعة ولاشتله ماكانت فاضلة.
العمده كان كلم الناس في بكاء ناس ودجار النبي( والله ياجماعة البهايم طلقن براهن وأكلن الشتول قدرنا نعمل معاهو شنو....اه المكتوب).
حاجة التومة في نص السوق إتعرضت لي العمده ومسكت لجام الحمار وقالت ليهو
(متين بقت تتابع البهايم وتشيلها اللوم صحي الشينة منكورة )
( أهو البهايم دي مشت المشتل معزومة وقاشين ليها الدرب ...ولا وداهم الراعي بتاعك)
( أها نقول أول مرة راعيك غلطان ما عرف المشتل حقنا والزرع زرعنا......لكن تقول شنو في الكان بحصل كل يوم قدامك وقدام ناس الحلة....غنمك ساوين الدرب ساساقة بين زريبتك والمشتل )
(وما تقول الكلام الني بتاع التقصير من غفير المشتل.... يقصر شنو أقول ليك........غفير أها.......قال داير علي ودالحرم يطرد غنم العمدة...وهوبقدر يرفع عينو عليك وهو السواهو غفير منو ? ما إنت )
( أها كان علي ودالحرم غلطان أرفدوا....وكان غنمك غلطانات ماتضبحهم بس كل يوم أحلبهم لينا وأسقي ناس الحلة الكاتلهم الجوع)
( أها ولوكنن غطان إنت.... إستغفر ....إستسمحنا و خلي العمودية لي راجلادغري وما بعرف اللولوه.....ولا أقول ليك راجل ليه? أنا حاجة التومة بت حاج الخير والله أكون ليكم أحسن عمده لا بعرف الإستهبال ولا بحب المسخرة)

Quote: حاجة التومة بين غنم العمدة وخطرفة البشير حاجة التومه المره الدغرية مابتدور الكلام المغتغت وفاضي وخمج. الجيلي الجزار من يشوفها في طرف السوق يخلي كل الزباين ويبدأ يجهز ليها في طلبيتها المعروفه ربع كيلوبدون شحم. الما بعرف يقول إحترام لكن كل الحلة عارفنو خوفا من صراحتها المابتتلفت ليها وخايف إنها تقول ليهو الكلام البيقولوا ناس الحلة تحت تحت بأنو بلخبط الضبيحة كل يوم بغنمايتين كيري. الجيلي الجزار بيقول لأصحابه المابخوفني شنو دي خوفت العمده. الحلة معقول تنسى يوم وقفت في نص السوق وقالت للعمده الما بتقال. القصة حصلت بعد سنة الفيضان والحلة كلها كانت بتفور وتغلي علي العمده وغنمو العايشات علي مشتل الحكومة العملوا الناس بالعون الذاتي عشان يوفر الشتلات مجانا للحواشات ولمن جاء موسم الزراعة ولاشتله ماكانت فاضلة. العمده كان كلم الناس في بكاء ناس ودجار النبي( والله ياجماعة البهايم طلقن براهن وأكلن الشتول قدرنا نعمل معاهو شنو....اه المكتوب). حاجة التومة في نص السوق إتعرضت لي العمده ومسكت لجام الحمار وقالت ليهو (متين بقت تتابع البهايم وتشيلها اللوم صحي الشينة منكورة ) ( أهو البهايم دي مشت المشتل معزومة وقاشين ليها الدرب ...ولا وداهم الراعي بتاعك) ( أها نقول أول مرة راعيك غلطان ما عرف المشتل حقنا والزرع زرعنا......لكن تقول شنو في الكان بحصل كل يوم قدامك وقدام ناس الحلة.... غنمك ساوين الدرب ساساقة بين زريبتك والمشتل ) (وما تقول الكلام الني بتاع التقصير من غفير المشتل.... يقصر شنو أقول ليك........غفير أها....... قال داير علي ودالحرم يطرد غنم العمدة...وهوبقدر يرفع عينو عليك وهو السواهو غفير منو ? ما إنت ) ( أها كان علي ودالحرم غلطان أرفدوا....وكان غنمك غلطانات ماتضبحهم بس كل يوم أحلبهم لينا وأسقي ناس الحلة الكاتلهم الجوع) ( أها ولوكنن غطان إنت.... إستغفر ....إستسمحنا و خلي العمودية لي راجلادغري وما بعرف اللولوه.....ولا أقول ليك راجل ليه? أنا حاجة التومة بت حاج الخير والله أكون ليكم أحسن عمده لا بعرف الإستهبال ولا بحب المسخرة)

الاخ العزيز مجدي سلام وإحترام
نص مترع حنية رغم الواقع المرير
احييك على المفردة البسيطة والتناول العميق وبسيط
اسلوب عفوي وبسيط وشيق يسهل على الجميع هضمه , السهل الممتنع

Salaam
What Albasheir Omar need
!!!!
One polit in his head
or
A cooper flight to hell
how
??????
By his friend or enemy
friend in goverment or enemy in oposition
then we can save Hagga altoma
..............
wa shokraan

Quote: Salaam What Albasheir Omar need !!!! A flight to hell

Dear Magdi
U write under quote below

Quote: Quote: Salaam What Albasheir Omar need !!!! A flight to hell

Dear Magdi
It’s not my Quote

My Quote is a


Cooper flight to hell


Thank youuuuuuuu
But u feels free to do any change! Under any banner but not quote

العزيز عبدالمنعم
عندما نقلت كلامك حذفت كلمة Cooper لجهلي بمعناها وخشيت أن أحمل أسفارا وأنا مغيبا عن معناها
لك الحق وأتفق معك بأنه كان من الأفضل أن أسألك من المعنى خيرا من إسقاطها
لك العتبى حتى ترضى
لك الود

العزيزة أسماء
لك التحية لإعجابك بعمتك حاجة التومة صوت شعبنا الواعي ونبض شارعنا وتاريخنا الممتد.
مرسل ليك دعوة (مع اللنك) لمعايشة بعضا من حكاويها وحكاوي حلتنا العامره لك الود


http://magdiishag.blogspot.com/

Quote: ( أهو البهايم دي مشت المشتل معزومة وقاشين ليها الدرب ...ولا وداهم الراعي بتاعك) ( أها نقول أول مرة راعيك غلطان ما عرف المشتل حقنا والزرع زرعنا......لكن تقول شنو في الكان بحصل كل يوم قدامك وقدام ناس الحلة.... غنمك ساوين الدرب ساساقة بين زريبتك والمشتل ) (وما تقول الكلام الني بتاع التقصير من غفير المشتل.... يقصر شنو أقول ليك........غفير أها....... قال داير علي ودالحرم يطرد غنم العمدة...وهوبقدر يرفع عينو عليك وهو السواهو غفير منو ? ما إنت ) ( أها كان علي ودالحرم غلطان أرفدوا....وكان غنمك غلطانات ماتضبحهم بس كل يوم أحلبهم لينا وأسقي ناس الحلة الكاتلهم الجوع)

Quote: (وما تقول الكلام الني بتاع التقصير من غفير المشتل.... يقصر شنو أقول ليك........غفير أها.......قال داير علي ودالحرم يطرد غنم العمدة...وهوبقدر يرفع عينو عليك وهو السواهو غفير منو ? ما إنت )

سلامات يا دكتور مجدى

سرد جميل ورائع وتسلم

خالتنا التومة ما قصرت.


تليشة: كل يوم بحكي لي محمد

اسحق قصة التومة ,الراجل مشغول

ماقادر يلحق يتصفح المنبر.

مودتي

العزيز سيف
تسلم ياسيدي وتحايا خالتك التومة لك وللعزيزمحمد ولكل شعبنا الصابر من القابضين علي الجمر في الداخل أو أو من المنتشرين قسرا في دوامة مدن الشتات تستنزفهم ساعات العمل الطوال يناضلون يوميا لتوفيرحياة كريمة بعد أن أصبح الوطن طاردا إلا لمن خان أهلهو وباع ضميره وأناخ عيسه ولان وأرتزق
لك الود

Quote: حاجة التومة في نص السوق إتعرضت لي العمده ومسكت لجام الحمار وقالت ليهو (متين بقت تتابع البهايم وتشيلها اللوم صحي الشينة منكورة )

Quote: تسلم ياسيدي وتحايا خالتك التومة لك وللعزيزمحمد ولكل شعبنا الصابر من القابضين علي الجمر في الداخل أو أو من المنتشرين قسرا في دوامة مدن الشتات تستنزفهم ساعات العمل الطوال يناضلون يوميا لتوفيرحياة كريمة بعد أن أصبح الوطن طاردا إلا لمن خان أهلهو وباع ضميره وأناخ عيسه ولان وأرتزق

د. مجدى سلامات
ناس الشتات ديل فى ناس بيقولو ليهم استصغارا و استفزازا و سخرية مناتلين الكيبورد
ومنهم كيدا و سوء حشفه ينعتونهم باأكلى الويلفير
فتأمل

العزيزة سهام
وهل كنت تتوقعين منهم غير هذا هي ثقافة لاتري في الغرب إلا إنعكاس تشوهات نفوسهم المريضة من مجون وإنحلال مكبوت لايستطيع عقلهم الطفيلي أن يستوعب معنى حق المواطن في العيش الكريم لايعلمون قيمة مسئولية الدولة في العدالة الإجماعية ويعتقدون إن موارد الضمان الإجتماعي هي صدقات من الدولة تمنحها للمتسولين من المهاجرين.
يزين لهم عقلهم المزيف جريمة تناثر شعبنا في المنافي ولايرون كيف جعلوا من وطننا بقعة طاردة لكل من يبحث عن لقمة شريفة.
وهل تستغربين أن يسخروا من الكي بورد فهم أعداء الثقافة ولكنهم في دواخلهم يخشونها يخشون من الكي بورد لانهم يعلمون إن الوعي هو السلاح الناجع لهدم قلاع التخلف والجهل.
وكل صباح جديد يرسل الوعي شعاعه من خلال الكي بورد وغيره ليبدد كهوف الجهل والظلام
لك الود

Quote: وهل تستغربين أن يسخروا من الكي بورد فهم أعداء الثقافة ولكنهم في دواخلهم يخشونها يخشون من الكي بورد لانهم يعلمون إن الوعي هو السلاح الناجع لهدم قلاع التخلف والجهل. وكل صباح جديد يرسل الوعي شعاعه من خلال الكي بورد وغيره ليبدد كهوف الجهل والظلام لك الود