ما يثبته محمد فرح ...

أخواتي واخوتي هنا
تحية طيبة ...

تابعنا جميعنا ومن خلال هذا المنبر كتابات العضو المسمى محمد فرح ومحمد هذا
له موقف مساند وداعم للنظام الحاكم .
محمد فرح ومن خلال مشاركاته هنا حصد عدد كبير ومقدر من الحظر والتوقيف في هذا
المنبر وله رصيد كبير في الكذب والفبركة للاخبار التي يجلبها ويكتب عنها ويدافع
عنها ,
محمد فرح ومن خلال مشاركاته هنا ايضاً نجده اكثر عضو يسئ لما يدافع عنه وهو الخاسر
الاكبر .
كثيراً ما دار الحديث ودارت المعارك عن من هو محمد فرح ولم يثبت احد إلى الان هل
محمد فرح هذا شخصية حقيقية زيها زي الناس أم هي يوزر نيم وباسويرد فقط!!؟
لا اعرف تحديداً ما يريد أن يقوله أو يفعله محمد فرح لكن وصلت لقناعة كاملة بأن الشئ
الوحيد الذي اثبته وجود محمد فرح هنا هو أن علي إدارة هذا الموقع كشف المعلومات عن
هذا العضو هل هو حقيقي أم انه لا وجود له .
وما يثبته محمد فرح بالضبط هو تساهل إدارة الموقع ورضاها بأن يكون مثل محمد فرح احد
ممثلي هذا المكان.

ولكم التحية .

[]
الأخ سفيان ..... تحية ..

Quote: علي إدارة هذا الموقع كشف المعلومات عن هذا العضو هل هو حقيقي أم انه لا وجود له .

قد يتعذّر هذا الشئ على إدارة الموقع ... إذ أن الأخ بكري لا يعرف جميع العضوية بصورة شخصية (شخصياً لم أقابله حتى الآن)، قد يكون تقدّم للحصول على طلب عضوية وحصل عليه بتزكية أو بدون تزكية.

سواء كان شخصية حقيقية أو مجرد يوزر نيم ..... فإن أفعاله التي ظل يكررها (إساءات وكذب وتجاوزات تفوّق فيها على نفسه)، تجعلنا نطلب من الإدارة سحب عضويته بصفة نهائية. ببساطة لأن السحب المؤقت قُصد به عقاب للتنبيه بعدم العودة لهذه الأفعال مستقبلاً، وواقع الأمر أنه يعود بإصرار وبصورة أفظع من سابقتها في كل مرة. إذاً هو عضو فاسد يتوجّب بتره لا تعطيله.

دُم بخير

Quote: قد يتعذّر هذا الشئ على إدارة الموقع ... إذ أن الأخ بكري لا يعرف جميع العضوية بصورة شخصية (شخصياً لم أقابله حتى الآن)، قد يكون تقدّم للحصول على طلب عضوية وحصل عليه بتزكية أو بدون تزكية.

سلامات يا ابو الريش

يبقي مافيش اي مشكلة ببساطة الادارة تقول لينا مين النفر أو النفرين الزكو الراجل ده لانو ببساطة
وقطع شك الزول الزكى محمد فرح بنكون نحنا بنعرفوا ولاقيناهو لحم وشحم وممكن يقودنا ويوصلنا لمحمد
فرح.

ده من ناحية ...
اما ناحيتك دي:-

Quote: سواء كان شخصية حقيقية أو مجرد يوزر نيم ..... فإن أفعاله التي ظل يكررها (إساءات وكذب وتجاوزات تفوّق فيها على نفسه)، تجعلنا نطلب من الإدارة سحب عضويته بصفة نهائية. ببساطة لأن السحب المؤقت قُصد به عقاب للتنبيه بعدم العودة لهذه الأفعال مستقبلاً، وواقع الأمر أنه يعود بإصرار وبصورة أفظع من سابقتها في كل مرة. إذاً هو عضو فاسد يتوجّب بتره لا تعطيله.

انا معاك فيها بس اختلافي الرئيسي هو ضرورة توضيح معلومات عن اليوزر النيم ده تحديدا لانو في حكايات كتيره
حتوضح من وراها .

ــــــــــــــــــــ
خبرك شنو يا صاح ؟

يا عمك كيفنك
ليدافع محمد فرح عن النظام كما يشاء
لكن لا أدري لماذا هو مُصِر على أذية الناس والإساءة إليهم
والحتة لو فكروا فيها ناس الانقاذ ديل تضر أكثر من ما تنفع
لكن منو البيقول للجمل رقبتك مكلوجة

Quote: يا عمك كيفنك ليدافع محمد فرح عن النظام كما يشاء لكن لا أدري لماذا هو مُصِر على أذية الناس والإساءة إليهم والحتة لو فكروا فيها ناس الانقاذ ديل تضر أكثر من ما تنفع لكن منو البيقول للجمل رقبتك مكلوجة

تمام يا خال وعوجة مافي

يازول مافي اي مشكلة يدافع عن النظام وياها شغلتو وما عندنا
ليهو غير النقاش .
موضوع الاذية والاساءة دي برضو راجعه ليهو زي ما هسي حاصل
بس ياخال ماممكن نحنا يومممممي وكل ما طلع صباح نقعد في محمد
فرح سوى ومحمد فرح فعل وترك!!!! ويقوم بكري يوقفوا شهر شهرين
وتاااااني يا جمل العصارة ترجع لي رحِيك !!!!
هو شنو هو !!!!
فطلبي الفوق ده شايفو عادل وبيوضح حقائق اخرى مصاحبه لليوزر نيم
الاسمو محمد فرح ده .
ارقد عافية
وجبر الله كسركم في الاستاذ .

محمد حامد جمعة هو المدعو الشبح محمد فرح ولقد كان في الماضي يدعي مهند مامون

*********************************************


ارجو الالتزام الكامل 100% بعدم الدخول لبوستات الامنجية و ازيال النظام


عدم الالتزام الكامل بالمقاطعة والمحاورة معهم يتتطلب دخول البعض لكشف اكاذيبهم و اشاعاتهم


لكن الاالتزام الكامل بعدم الدخول في بوستاتهم باي حال من الاحوال

يعني المقاطعة التامة و ينفي الحاجة لدخول البعض لدحض و فضح اكاذيبهم

و عليه انادي بالتجاهل التجاهل التجاهل الشامل الكامل

الشعار الذي رفعته في اكتوبر 2006

Quote: محمد حامد جمعة هو المدعو الشبح محمد فرح ولقد كان في الماضي يدعي مهند مامون

سلامات يا دكتور
وشكراً للمرور
اذكر جيداً أنه و آبان مشكلة مهند مامون
اتضح بأن السيد محمد حامد جمعة هو الذي
زكى مهند مامون للمنبر وانتهى بنا البحث
لغياب شخصية مهند مامون .
الي الان تشير كافة الوقائع بان محمد فرح
هي شخصية لا وجود لها لكن لم نعرف من هو
الذي زكاه للمنبر .

العزيز سفيان
نعم يجب فضح الشخصيات الوهمية

Quote: يبقي مافيش اي مشكلة ببساطة الادارة تقول لينا مين النفر أو النفرين الزكو الراجل ده لانو ببساطة وقطع شك الزول الزكى محمد فرح بنكون نحنا بنعرفوا ولاقيناهو لحم وشحم وممكن يقودنا ويوصلنا لمحمد فرح.

يا فردة مشتاقين ياخ


ياخي ما تخليك تفتيحة


انت ما سمعت العندليب عبد الحليم حافظ لما قال


ما اصعب ان تهوي (فرحا) ليس له عنوان

Quote: نعم يجب فضح الشخصيات الوهمية

نتفق بالكامل يا نزار

Quote: ياخي ما تخليك تفتيحة انت ما سمعت العندليب عبد الحليم حافظ لما قال ما اصعب ان تهوي (فرحا) ليس له عنوان

العندليب ماليهو حق
وانا تفتيختي ضامنه والموضوع ده بيهز عروش
كبيرة هنا بس ادعم القصه وانت واتفرج .

طـــق خااااص

الوريف سفيان

تحية الود والاحترام

تعرف يا صديقي كم قتلنا وانت امر هذا الموقع بحثا ونقاشا وكثيرا ما نصل لنهايات

نتفق عليها سويا ..

Quote: وما يثبته محمد فرح بالضبط هو تساهل إدارة الموقع ورضاها بأن يكون مثل محمد فرح احد ممثلي هذا المكان.

Quote: سواء كان شخصية حقيقية أو مجرد يوزر نيم ..... فإن أفعاله التي ظل يكررها (إساءات وكذب وتجاوزات تفوّق فيها على نفسه)، تجعلنا نطلب من الإدارة سحب عضويته بصفة نهائية. ببساطة لأن السحب المؤقت قُصد به عقاب للتنبيه بعدم العودة لهذه الأفعال مستقبلاً، وواقع الأمر أنه يعود بإصرار وبصورة أفظع من سابقتها في كل مرة. إذاً هو عضو فاسد يتوجّب بتره لا تعطيله.

وهاهو صديقنا الوريف محمدابو العزائم ابو الريش كانه كان معنا في ذات الحوار

وكثيرون ربما يصلون لذات النهايات ..وهاهو طارق جبريل ينفذ الي اصل القصة

Quote: يا عمك كيفنك ليدافع محمد فرح عن النظام كما يشاء لكن لا أدري لماذا هو مُصِر على أذية الناس والإساءة إليهم والحتة لو فكروا فيها ناس الانقاذ ديل تضر أكثر من ما تنفع

لكن منو البيقول

Quote: للجمل رقبتك مكلوجة

عشان نخلص من دوامة محمد فرح والشتائم والاعتذارات والتوقيف والشئ البقي مكرر دا

مافي حل غير انو بكري يكشف النقاب عن الحقيقه الغائبه

مو هو محمد فرح؟

الحل بيبدي من هنا

فوووق حتي نعرف النكره ده

Quote: تعرف يا صديقي كم قتلنا وانت امر هذا الموقع بحثا ونقاشا وكثيرا ما نصل لنهايات نتفق عليها سويا ..

اووووو ماسا والله اشرقت انور
زمن من المنبر .

ياخالد انت عارف الحكاية صلها
خلينا نحكها عشان غيرنا يعرف

والجمل ده نحنا البنوريهو
رقبتو وعوجته ذاته.

Quote: عشان نخلص من دوامة محمد فرح والشتائم والاعتذارات والتوقيف والشئ البقي مكرر دا مافي حل غير انو بكري يكشف النقاب عن الحقيقه الغائبه مو هو محمد فرح؟ الحل بيبدي من هنا

عاطف عبدون صاحبي كيفك؟
ياخ كل طلبنا هو اسم الزول الزكى محمد فرح ده
تاني ما عايزين حاجة .
الزول الزكاهو وبس لانو هو مافي محمد فرح .

سفيان يا صاحب ازيك

Quote: الزول الزكاهو وبس لانو هو مافي محمد فرح .

يا سفيان بكري هو الوحيد البعرف منو ورا حكاية محمد فرح

قبل شويه عملت بوست بطالب فيهو بكري انو يكشف لينا منو هو محمد فرح

كالعاده حذف البوست

يا صديقي مافي زول غير بكري ممكن يحسم الحكايه دي

بس الناس ساكين الضل والفيل قدامهم

Quote: بس الناس ساكين الضل والفيل قدامهم

يا عاطف
الموضوع ده ضل ضل ساااااكت
فيل ما فيهو صدقني .

أما إذا تعذّر كشف هذا الشبح أو من زكّاه عند بكري .. يمكن اللجوء إلى سلاح آخر. إذا عاد هذا المحمد فرح مرة أخرى (بمعنى أن إيقافه كان بصورة مؤقتة أيضاً هذه المرة)، يتجاهل الناس بوستاته ومداخلاته كأنه غير موجود، أو قل يتجنّبوه كما يتجنّبوا الطاعون.

أضع إقتراح (السلاح الآخر) هذا، لأن مستخدم اليوزر نيم "محمد فرح" يمكن أن يظهر لنا بإسم آخر إذا تم إلغاء عضويته.

أعلاه مجرّد تفكير بصوت عالي من جانبي.

طــق خااااص

الوريف سفيان ..تحية واحترام

Quote: ياخالد انت عارف الحكاية صلها خلينا نحكها عشان غيرنا يعرف

ومنو القال ليك انو غيرنا ما عارفين .. عارفييين

بس " الشعب لا يريد تغيير النظام "

Quote: ياخ كل طلبنا هو اسم الزول الزكى محمد فرح ده تاني ما عايزين حاجة . الزول الزكاهو وبس لانو هو مافي محمد فرح .

يا صديق الخيط ده بيوصلك لي حتة واحدة .. طاحونة الهواء

الكلام زي القالتو " ست الدار " ..( لكن ده أتر !! يبقي الله بشر ؟؟؟ مع الله في زول)

Quote: لأن مستخدم اليوزر نيم "محمد فرح" يمكن أن يظهر لنا بإسم آخر إذا تم إلغاء عضويته.

اها شفتا يا صديق ..الوريف محمد ابو العزائم ده جايب من جوه وفارز الضل من فيلو ..

الفيل يا سفيان هو الفي يدو انو يكشف وجه محمد فرح

الفيل هو الادي محمد فرح باسويرد

وهو البيعرفو او بيعرف الزكاهو

الفيل هو بكري صاحب الموقع وليس سواه