الاضطهـاد بالسحـنه ممارسة مجتمعية ام سلوك نظـام !!

لا احد ينكر انها ممارسة مجتمعية ضاربة الجذور
فى الثقافة السودانية .. غذاها الجهل وتدنى الوعى
والاستلاب الذى عرفناه مع دخول الغزاة والفاتحين ..

نبدا من الشمال فوق اى زول بيضطهد الناس الجنوبو
وتتواصل هذه الحلقات من الاضطهاد حتى تصل مداها فى اقصى
نقطة من جنوبنا الذى كان ..

نعم هو سلوك اجتماعى متاصل ووجد التربة الصالحة
لاذدهاره ورواجه وفاقمته الحكومات المتعاقبة
ووصل مداه فى حكومات الشموليه والقمع التى تعاقبت
على حكم السودان ..

حتى اصبحت الكشة فى الاسواق على اساس السحنة
الغريب فى الامر انهم سخروا اصحاب نفس السحنات
لقهر اهليهم ..

ويتفاقم الامر ويصل ذروته حينما يصبح الامر ممارسة دولة !!
ما موقف اصحاب النفوذ والافراد من( نفس السحنات ) فى ذلك النظام
من تلك الممارسسات !!
الن يكون لهم قول وموقف !






ــــــــــــــــــــ
لو ما اعترفنا بالمشكلة دى وختيناها قدام عيوننا
ما ح نقدر نعالجها ..
اول العلاج شوف المشكلة نفسها
واخر العلاج الكى ,,,

Quote: الاضطهـاد بالسحـنه ممارسة مجتمعية ام سلوك نظـام !!

مرتضى سلام

اجابة صحيحة











ـــــــــــــــ
كيف ندير نقاش اولا حول المسالة دى ؟

العزيزة دينا ...
جميل منك أن تطرحي القضية دي ، لما لها من أهمية مركزية في عقل ووجدان من يحلمون ويعملون من أجل سودان جديد
القضية ربما تكون أخذت شكلها الحاد دا مع الاسلامويين ..لكنها ليست وليدة اليوم ..هذا أولا
ثانيا : كيف ندير السؤال؟ ..
اجابته : الحوار أولا بجب أن يديره أولئك الذين تعافوا من مرض الشوفينية العنصرية ، أو لم يصابوا أصلا بداء العرقية والاستعلاء الثقافي
(طبعا دا كلام أصبح معاد ومتكرر الى حد الابتذال لو تلاحظي)

لكن اشارتك الى أن من يمارسون بالسحنة
(وهو أصلا يتخذ من السحنة عنوانا على العرق المستهدف )
وان نفس المضهدين (بكسر الهاء والدال) كانو يوظفون المضهدين (بفتح الهاء والدال) لملاحقة ومطاردة وممارسة العنف على فقراء أولئك
( شرطة أمن المجتمع وقدقدو نموذجا)
من هذه الزاوية التي أشرت ليها يمكنك أن تنظري للمسألة من زاوية سياسية وطبقية..
(يعني ما عرقية)
لكن عموما هذه العنصرية التي ظل يرفع لواءها المستعربون المسلمون هي الأساس الذي فامت عليه الدولة السودانية منذ ممالك الفونج وتقلي وحتى دارفور
وهذه قصة طويلة يا دينا

العزيزة دينا ...
جميل منك أن تطرحي القضية دي ، لما لها من أهمية مركزية في عقل ووجدان من يحلمون ويعملون من أجل سودان جديد
القضية ربما تكون أخذت شكلها الحاد دا مع الاسلامويين ..لكنها ليست وليدة اليوم ..هذا أولا
ثانيا : كيف ندير السؤال؟ ..
اجابته : الحوار أولا بجب أن يديره أولئك الذين تعافوا من مرض الشوفينية العنصرية ، أو لم يصابوا أصلا بداء العرقية والاستعلاء الثقافي
(طبعا دا كلام أصبح معاد ومتكرر الى حد الابتذال لو تلاحظي)

لكن اشارتك الى أن من يمارسون بالسحنة
(وهو أصلا يتخذ من السحنة عنوانا على العرق المستهدف )
وان نفس المضهدين (بكسر الهاء والدال) كانو يوظفون المضهدين (بفتح الهاء والدال) لملاحقة ومطاردة وممارسة العنف على فقراء أولئك
( شرطة أمن المجتمع وقدقدو نموذجا)
من هذه الزاوية التي أشرت ليها يمكنك أن تنظري للمسألة من زاوية سياسية وطبقية..
(يعني ما عرقية)
لكن عموما هذه العنصرية التي ظل يرفع لواءها المستعربون المسلمون هي الأساس الذي فامت عليه الدولة السودانية منذ ممالك الفونج وتقلي وحتى دارفور
وهذه قصة طويلة يا دينا

العزيزة دينا ...
جميل منك أن تطرحي القضية دي ، لما لها من أهمية مركزية في عقل ووجدان من يحلمون ويعملون من أجل سودان جديد
القضية ربما تكون أخذت شكلها الحاد دا مع الاسلامويين ..لكنها ليست وليدة اليوم ..هذا أولا
ثانيا : كيف ندير السؤال؟ ..
اجابته : الحوار أولا بجب أن يديره أولئك الذين تعافوا من مرض الشوفينية العنصرية ، أو لم يصابوا أصلا بداء العرقية والاستعلاء الثقافي
(طبعا دا كلام أصبح معاد ومتكرر الى حد الابتذال لو تلاحظي)

لكن اشارتك الى أن من يمارسون الاضطهاد بالسحنة
(وهو أصلا يتخذ من السحنة عنوانا على العرق المستهدف )
وان نفس المضطهدين (بكسر الهاء والدال) كانو يوظفون المضطهدين (بفتح الهاء والدال) لملاحقة ومطاردة وممارسة العنف على فقراء أولئك
( شرطة أمن المجتمع وقدقدو نموذجا)
من هذه الزاوية التي أشرت ليها يمكنك أن تنظري للمسألة من زاوية سياسية وطبقية..
(يعني ما عرقية)
لكن عموما هذه العنصرية التي ظل يرفع لواءها المستعربون المسلمون هي الأساس الذي فامت عليه الدولة السودانية منذ ممالك الفونج وتقلي وحتى دارفور..
وهذه قصة طويلة يا دينا .

العزيزة دينا ...
جميل منك أن تطرحي القضية دي ، لما لها من أهمية مركزية في عقل ووجدان من يحلمون ويعملون من أجل سودان جديد
القضية ربما تكون أخذت شكلها الحاد دا مع الاسلامويين ..لكنها ليست وليدة اليوم ..هذا أولا
ثانيا : كيف ندير السؤال؟ ..
اجابته : الحوار أولا بجب أن يديره أولئك الذين تعافوا من مرض الشوفينية العنصرية ، أو لم يصابوا أصلا بداء العرقية والاستعلاء الثقافي
(طبعا دا كلام أصبح معاد ومتكرر الى حد الابتذال لو تلاحظي)

لكن اشارتك الى أن من يمارسون الاضطهاد بالسحنة
(وهو أصلا يتخذ من السحنة عنوانا على العرق المستهدف )
وان نفس المضطهدين (بكسر الهاء والدال) كانو يوظفون المضطهدين (بفتح الهاء والدال) لملاحقة ومطاردة وممارسة العنف على فقراء أولئك
( شرطة أمن المجتمع وقدقدو نموذجا)
من هذه الزاوية التي أشرت ليها يمكنك أن تنظري للمسألة من زاوية سياسية وطبقية..
(يعني ما عرقية)
لكن عموما هذه العنصرية التي ظل يرفع لواءها المستعربون المسلمون هي الأساس الذي فامت عليه الدولة السودانية منذ ممالك الفونج وتقلي وحتى دارفور..
وهذه قصة طويلة يا دينا .

ديناخالد
سلامات

Quote: واخر العلاج الكى ,,,

تعرفي قضية السحن والملل والعرق دي ما في أي طريقه لعلاجها بالكي ( بمفهوم الحل الناجع)... لانو لو إتبعنا فهم زي حق المعتوه ( الطيب مصطفي) مثلا بنلقي الكي بتاعـو سقفو الأعلي إنو السحنه العربيه النقيه هي المفترض تعيش وتتناسل في السودان الشمالي في حدودو الجغرافيه المسماه ( مثلث حمدي).. طيب المجموعه التي تدعي النقاء العرقي دي ح تنجز أمورها الحياتيه البسيطه كيف ؟ زي أعمال النظافه والغسيل والطهي ... وغـيرها، لانو العمل ذاتو ح يدخل في التصنيف بعد داك.. ما عـندها حل غـير تستخدم آخر أقل منها عـرقا ( وفق مفهومهاطبعآ) لمثل هـذه الأعمال وده برجعنا لقضية إستعباد الآخـر!!، وقد يكون هـذا الآخـر هـو المرأه من ذات العرق ... لكن ده برضو بدخلهم في تناقض مع الدين لأنو المرأه المتدينه ذات العرق النقي عـندها حجج دينيه برضـو ممكن تستخدمها لتبرير إمتناعها عـن أداء مثل هـذه الأعـمال !! وقـد يكون الآخـر أجنبي...!!! وبرضو الفتاوي الدينيه ح تدور...

الفكره البتقوم علي إن هناك عـرق /سحنه / مله محدده أفضـل من غـيرها فكره متناقضه وهالكه.

الحل في نظري هو الوعي بحقيقة بسيطة أن الناس أجمعين علي إختلافهم ســواء.

بيبقي بعد داك توافر الناس علي نص ينظم حياتهم ومعاملاتهم.

تحياتي وإحترامي

طارق جبريل
الوردة الحمرى ييى على شينو ّّ!!
ازيك وشكرا للمرور العاطر
والبركة فيكم فى كمبال ..

منى التجانى ازيك
سلامات ومنوره ..
الكلام دا فى مجتمعنا رااااقد يا منى من زمان
عمك مضطفى ذاتو ما جايبو من فراغ ..
كلامك فى التنك ..
لكن الاضطهاد والنظرة الدونية الفارغة مرات بنلقاها
حتى بين الانداد فى العمل وفى التعليم وفى الوظيفة ...
الموضوع دا داير شغل ..

شغل كتييير ..

دندون كعادتك تتشي عين الضلام بالضو
وان كان عين الاضهادعلى اساس الهوية -على وزن القتل ع الهوية-واسعة وفاجرة ومرواد واحد ما بكفي لفقعها، ومرواد التوعية يا ستي حبالو طويلة وداير زمن رصيدنا منه لم يعد يكفي لاكمال مكالمات الحوار، ودا ما بيعني انه نتركه، ولكن الامر بحتاج لمراويد كتيرة.

متفق معاك، ان هذا الفعل والفكر البغذيهو ضارب في القدم، بس ومعالجته بتتطلب الاعتراف بيهو، ولكن الغوص في تاريخيته يجب الا ينسينا انه كان في الماضي يتم في سياقه التاريخي، ودا ما تبرير، ولا قبول بيهو، وانما اعمال لقانون التقادم، ولافسح المجال للتركيز على جرثومة هذا المرض العضال التي حدثت لها تحولات وتحورات، فأبطلت مفعول المضادات العلاجية بل حتى ألات ووسائل فحصها وقياسها القديمة عديمة الجدوى.

معليش للاطالة وألخص في انو تعالو نركز على الاضهاد بالسحنة والتعالي العرقي الممنهج، والذي أنشأت له وزارة، ووضعت له الخطط، واتخذت من الفنون روافع، وكانت النكتة وأشرطتها، وأهل العوض، وأدروب ######رت من أهل الهامش حتى من أجمل خصالهم، فاصبح الكرم مسبة، والشهامة سبهللية، وعلت من قيمة كل سالب، فصار الاستهبال شطارة و و و...الخ.

بجيك صاد كان الله ادانا عمر،،
اشارتك لاستغلال أبناء المتستغلين، ليستغلوا اهلهم لصالح مستغلنهم الفوق، نقطة مركزية !!

كونو بالف خير

Quote: نبدا من الشمال فوق اى زول بيضطهد الناس الجنوبو وتتواصل هذه الحلقات من الاضطهاد حتى تصل مداها فى اقصى نقطة من جنوبنا الذى كان ..

الكلام ده بنسف فكرة المركز الاسلاموى العروبى يا دينا خالد ..
بس بالتأكيد حيخدم فكرتك حول تكييف المسأله كووولها فى السحنات والتدرج اللونى للجماهير..

____
تحياتى يا دينا خالد..
انشاء الله طيبه ..

المشكلة كانت عدم وعي بإنو الإعتزاز بالنفس والعرق يجب ان يكون دون التقليل من شأن الأخرين وإضطهادهم وكانت ممكن تتحله بنشر الوعي بالمناهج لتعلمية بإبراز القواسم المشتركة بيناتنا وتعليم الأجيال إنو قبل كل ذلك يجب أن نعتز بسودانيتنا لكن للاسف الدولة نفسها أخذت تزكي النعرات العنصريه لمصالح سياسية مما جعل الأمر يأخذ منحى آخر و تولدت مرارات وغباين تصعب إزالتها

دينا تحياتي
الاضطهاد بالسحنة هو ممارسة مجتمعية ولكن الانظمة عزفت علي هذا الوتر
انا من مروي اري في مجتمعي الصغير والمجتمغ السوداني الكبير توصيفهم لكل من كان اكتر سوادا بانه عبد وهذا قمة الاضطهاد
لا يزال وصف بعض الاشخاص في الجلسات الخاصة بانهم فروخ والفرخ يقصد به العبد لما يقال فلان فرخ ناس فلان يعنون عبد ناس فلان وحتي تتغير الممارسة المجتمعية السابقة لا بد من توعية ىالمجتمع بان الناس سواسية ولكن في ظل الدكتاتوريات لا يتاح للمدافعين عن حقوق الانسان توعية الناس بالمساواة
لتصحيح الخطأ يجب الاعتراف به ومن ثم معالجته ولكن نجد كثير من الناس يسقطون في الاعتراف الصريح بواقع مجتمعنا
خطأ المفهوم المجتمعي لا يعطي النظام مبرر للاصطياد في الماء العكر او تاجيج العنصرية لانه لو كان نظام يرعي مصالح شعبه ان يسعي لازالة الخطا لا ان يكرس له
الكيزان وهو تنظيم مشوه لا نرجو منهم اصلاح اخطائنا المجتمعية لانو الكيزان اغلبهم شذوذ وتشوه ولكن نحن كمجتمع ولو زال الاسلام السياسي هل حقيقة قادرين علي اصلاح اخطائنا ام اننا سنتمترس خلف القبلية والعنصرية
انا اتبرأ من هذه المفاهيم واعترف علنا بسيادتها في مجتمعنا وهي خطأ
احمد سردوب من الشايقية بطن العونيية _ مروي
هيا لنعترف جميعا باخطأئنا علي طريقة نلسون مانديلا او جنوب افريقيا وعندها الالنظمة المتعاقبة لن تستطيع استخدام هذه الورقة

يا عز الدين صغيرون
اتفقنا اذن
لكن الكلام دا فيه نظر

Quote: من هذه الزاوية التي أشرت ليها يمكنك أن تنظري للمسألة من زاوية سياسية وطبقية..(يعني ما عرقية)

غايتو يا عزالدين اى كلام ذى دا بداية هروب
من الاعتراف بالمشكلة
هل هناك طبقات نجت بنفسها من الاضطهاد بالسحنة ؟؟
لا اظن ..
الامر يمارس حتى مع اولئك ولكنهم لا يعلمون
او الحقيقة هم ما عايزين يعرفوا ،، بغتوا عليها
بى قشات وبتعاملوا كانهم خرجوا من حلقات هذا الاضطهاد
ولكنهم فى الحقيقية فقط قرروا ان يغمضوا عيونهم عنه ..

اذا كنت بعتقد انه مسألة الاضطهاد العرقي والاستعلاء الثقافي عندنا تأسست مع قيام الممالك المستعربة الاسلامية القديمة في السودان
فما أظن أكون من النوع الذي يتبنى منهج هروبي من المشكلة
بل بالعكس ..بحاول أحفر في جذورها وأتقصاها ..عشان أحاربها صح.. واجتثاها من أصلها .
لو اتفقنا على هذا نجي للبعد السياسي والطبقي لها
انت بتعرفي انو بعض التجار والأفندية من قبايل الجعلين وغيرها من المستعربين من ثوار ثورة 1924 كانوا بينادوا علىي عبد اللطيف الدينكاوي ب "يا ريس" !
وبالمقابل بتعرفي انه الضباط بيعطوا الأوامر لعساكرهم والأغلبهم من الهامش الزنجي أو الأفريقي
(حسب ما يريد الناشطون من تسمية)
ليتصدوا بالضرب والاهانة والتنكيل لشباب وفتيات ذوي سحنة (فاتحة غير زنجية) تسمى مجازا أو خبط عشواء عربية !
وبتعرفي بأنه في حرب الجنوب ، وبالذات في عهد الانقاذ ، بل و حتى في عهد الديمقراطية وحكم الصادق المهدي ،
كانت حكومات المركز بتسلح القبائل المستعربة وتدعمها لوجستيا ، وتغذي نيران الفتن القبلية والعرقية ، بما يرقى الى التصفية والاجلاء .
طيب في كل هذه النماذج لا يمكنك أن تحصري المسألة في مجرد السحنة ..
والسحنة في النهاية ه مجرد عنوان خارجي لشيء أعمق منها
عشان كدا.. ولصالح تحليل المشكلة .. ووضع معالجات عملية ..
لا تبعدي أو تطردي البعد السياسي من الساحة

العزيز نادوس

Quote: وداير زمن رصيدنا منه لم يعد يكفي لاكمال مكالمات الحوار،

طيب خلينا نتكلم لحد ما يقطع ..

Quote: للتركيز على جرثومة هذا المرض العضال التي حدثت لها تحولات وتحورات، فأبطلت مفعول المضادات العلاجية بل حتى ألات ووسائل فحصها وقياسها القديمة عديمة الجدوى.

فعلا الموضوع عايز اشكال معالجة جديدة وجدية لم يفد الحديث
المنمق والافكار الجميله ،، بعيدا عن ممارستها فى ارض الواقع ..

Quote: ولكن الغوص في تاريخيته يجب الا ينسينا انه كان في الماضي يتم في سياقه التاريخي، ودا ما تبرير،

لكن الكلام دا يا نادوس محل نظر !!

المشرف اشرقت الانوار شرفتا ..
ادخل لى جوه عايزنك ..

ابدا يا عزيز ما بنسفها لانو لو جيت ترسم بيانى
بالكلام دا ح تلقى العقدة وكثافة الممارسة بتتركز
فى الشمال والوسط .. ودا المركز ولا ما كدا ؟؟

مرتضى فعلا مفتاح الحل بكمن فى التعليم
ورفع الوعى .. لكن مرات حتى التنشئة السوية
والفطرة السليمة بترفض المسالة دى نهائيا
وما دايما القلم بزيل بلم
ممكن نلقى اعتى المتعلمين والمثقفين بمارسوا
كل ما يتظاهروا بمحاربتو ..
وتلقى زول امى فطرته السليمة بترفض اى
سلوك غير انسانى ..


يا سلااااااااااام يا سردوب
الاعتراف سيد الحلول ..
اكعععب شى فى الدنيا لما ضحايا السلوك دا يوطنوا
نفسهم معاه ويحصل الاستلاب ويتحولوا هم لادوات
تنفذ اطماع الجناة وانتهاكاتهم ويسعوا لتحقيق
استعلائهم ومخططهم فى السيطرة عليهم بتحقيرهم ..
وممكن فى الموضوع دا اخلى بشاشا يسترسل ويواصل ..

Quote: يا سلااااااااااام يا سردوب الاعتراف سيد الحلول .. اكعععب شى فى الدنيا لما ضحايا السلوك دا يوطنوا نفسهم معاه ويحصل الاستلاب ويتحولوا هم لادوات تنفذ اطماع الجناة وانتهاكاتهم ويسعوا لتحقيق استعلائهم ومخططهم فى السيطرة عليهم بتحقيرهم .. وممكن فى الموضوع دا اخلى بشاشا يسترسل ويواصل ..

دينا تحياتي
اتذكر مشيت حي الكمبو في مروي هو حي يقطنه غالبية الجنوبيين والنوبة والدارفوريين فوجدت عددا منهم عناصر امن و مباحث ومكافحة خمور ولما ناقشتهم قالوا ديل اصحاب المال و السلطة من امرونا وعندما جائت الكشه بقيادة ضابط بوليس اظنه ملازم اول قال لي ممكن نعمل ليك محضر كمخمور ولما اتاكد اني ما شارب كحول قال لي ح ناخدك وسمعتك تنتهي وعندها احد المواطنين في المعسكر قال للضابط سيدي ولم يقل حتي سيادتك ولكن دافع عني والشاهد هنا هو استلاب هذا المواطن الذي عرض نفسه للمصاعب ليدافع عني وللاسف بعدها باسبوع تم مطاردتي و تعذيبي مما اضطرني للخروج من السودان وعندما ارجع قد لا اجد ذاك المواطن الشريف

شعورك بأنك شخص كامل ينفي محاولات الأخرين او يجعلها غير ذات قيمة وهم يحاولون التقليل من شأنك أو إضطهادك (ياخ الكلمة دي بتعمل لي لووز ووجع حلق صعبة خلاص في نطقها - اووعك تقولي لي وبرضو في ممارستها- )
يعني أسة يا دينا مش الناس بيقولوا ليك أسة تلقى ناس الخليج بيعاملوك زي العبيد ويعايروكم باللون ؟؟ اها أنا أصلو العقدة دي ما عندي ولااا حاسي بيها ولااا في يوم حسيت إني أقل منهم - طبعاً ده غذا ما انا إطنقعت وأشعرتهم إين أحسن منهم - ..يحكو نكات عن العبيد أحكي ليك معاهم زييي الما حصل شي..يتريقوا اتريق معاهم وأديهم ليك كم تريقة زي الترتيب ..عمري ما شعرت وهم بيحكوا عن أي نكتة متعلقة باللون أو الجنس إنو ممكن أكون انا من المقصودين مع إنو لوني بالنسبة ليهم الفرق فيهو بكتيير من لون غرابي أو جنوبي من لونو بالنسبة لي انا ..ومش لون وبس حتى قبلياً يعني هم أقرب مننا لي قحطان وعدنان مش؟؟ لكن والله انا ولااا حاسي بي الفرق ده ولااا سائل فيهو ..
أها جماعتك العايزة تعالجي مشكلتهم ديل أبدي بيهم هم ..خليهم ما يتعقدو ولا يحسو بي إنهم نواقص ولاااا اللون عيب ولاا الجنس عيب ولمن يجي يحكي عن إنو من الغرب ما يضاير وكأنها جريمة يقول انا غرابي عااادي وما يكعوج لسانو عشان بالرجااالة يخفي مخارج حروفو ..
بالمناسبة إنتي قلتي كلامك حق شمالاً ده وجميل إنك ما حددتي إنو في إطار حدود السودان لكن خلينا نسكو مع مجرى النيل ..طيب في ذمتك مش المصري مفروض يكون مستعلي وشايفنا عبيد ؟؟ وده الحاصل فعلاً من وجهة نظره ..لكن بالمقابل ولااا واحد شمالي سواء كان حلفاوي ولا محسي ولا دونقلاوي ولا شايقي ولا عربي جزيرة سائل في مصري بل بالعكس نحن بنمارس عليهم قصة الإضطهاد دي - ياخ ده حلبي ساي - ولو جيت تتكلم مع مصري بتكون حاسي إنك أحسن منو ..
طبعاً بكتب في كلامي ده وعارف درجتي بعد التصحيح ح تكون عمر الفاروق أعد ..لكن علييك الله كان ما كتبتي معاها قابلني ...

تخريمة :
لو إستمريتي بي طريقتك دي حيجيبو ليك العيش باللبن قريييب..

تقدرى بعد ان اصبحت موجه الخدامات الفلبينيات و عمال النظافه البنغلاديش ديل

اها حا يكون تعاملنا معاهم كيف ؟......

علما فى الخليج المساله ما مساله سحنه فقط لان الخدم والعماله كلها ناس

تقول لى لاى سودانى يا عب زح بعيد ....هنود بنغال نيبال فلبين اندنوسيين ...

هل كل مجتمع عندو اضطهادو حسب الموجود من بشر فيهو ؟يعنى الموضوع ما موضوع سحنه؟بس ؟

سلامات يا دندون..

المشكلة موجودة وواضحة زي عين الشمس..

واتخيل لي الناس مفروض تواجها عشان خاطر نفسها اولا..احساس

الاستعلاء وبالتالي دونية الآخر,دا احساس مرفوض بالفطرة

لكن الواحد لما يقوم في اسرة بتستعمل الفاظ عنصرية زي عبد

وخادم وحاجات زي دي بيبتدي يستعمل نفس الالفاظ القميئة دي

ولو ربنا هداهو وقدر يتحرر منها بيكون بيغض الطرف عنها لما

تتقال قدامو!يعني قليلين البيوقفوا الزول البيقول لفظ زي دا

ويقول ليهو لو سمحت راجع كلامك دا! انا من الناس البعاني جدا

من الموضوع دا وما بقبل شخص يتكلم بعنصرية قدامي ..والنتيجة اني بقيت

باييييييييخة وثقيلة وما بعرف اتونس! والحاجة اللاحظتها برضو

انو معظم الناس البيقولو الكلمات دي بيكونو ناس لابسين عباية التدين

والقصة دي بتأزمني جدا لانو الاسلام دا روحو ضد العنصرية..

والشمال والوسط في السودان لو ما حاولو بطريقة جادة تشريح المشكلة

دي ومعالجتها حيكونوا ماشين ضد النواميس الكونية الخلقت الناس

شعوب وقبائل ليتعارفوا وفي النهاية حيكونوا مجموعة منقرضة سلالة وفكرا

عمر الفاروق 6 من عشرة المرة دى
تموووت ؟؟

خلينى بجيك بالتفصيل ..









ــــــــــــــــ
ال 6 دى كلها عشان نتفادى قابلنى ..
نشوف النبى خدر ..
كفاك ملاقاة مرة واحده اصلو كل سنة حلاوة ..
كيف اخبار ناس عشا كانون وهيفا بطارية عقب
اخبار الثورة المصرية ؟؟

دينا شلوم،

الحاصل في بلدنا اعقد من مجرد اضطهاد بالسحنة بي كتير جدا.

في ظل النظام الحالي، الاسلامي افتراضا ويا للدلالة، ماكان اجتماعي اضحي مؤسسي علي مستوي الدولة، او ده زاتو ماجديد، بقدرما الجديد هو رسم وتنفيذ سياسات الدولة، من منطلق استعلائي ولانقول عنصري، واعي، بمعني عن عمد مع سبق الاصرار والترصد،.

والاهم كل هذا يتم باسم الله وباسم رسوله، مما يفضح طبيعة الاسلام العروبي الوافد، كعقيدة استعلاء نازي عديل كده، او ده المخيف او مرعب بالجد!

ليه؟

لانو الاستلاب هنا، لي وعي المجني عليهم، بكون بحق قاتل، لتوظيفو سلاح الدين، بالذات في مجتمع زي مجتمعنا، يتنفس فيه الفردالاعتقاد كما الهواء.

وهذا الفرد تاريخيا، هو من ارسي دعائم الاعتقاد علي سطح هذا الكوكب.

هذا ما نقل علي لسان اجداد هذا الفرد، منذ اكثر من 2,000 سنة!

نعم منذ اكثر من 2,000 سنة، قدماء السودانيين، اعلنو انهم هم، من وضع اساس الاعتقاد لدي بشرية اليوم!

لهذا، فالاسلام السياسي في السودان هو بحق سلاح الدمار الشامل، في ايدي مجرمين او شذاذ افاق، اضحي شرط بقاءهم احياء رهين ببقاء نظامم الحالي.

طبعا حقيقة مضحك، انو في بلاد السودان، السود يضطهدون السود، بي سبب السحنة السوداء!

ماتنسو انو ده دين او اسلام او شرع الله، والكارثة هنا.

والجديد في الموضوع ده، هو المبرر الديني علي مستوي الدولة، الاماما بيقول عديل كده، اغتصاب انثي ذات سحنة بعينها، معروفة ب "الزرقة" بواسطة ذكر ذا سحنة مغايرة حسب الوهم، هو شرف للمجني عليها!

بي قوانين بلاد الكفار، الماعندهم اخلاق، والمضاجعة في الشوارع كما الكلاب الضالة، كما يتصور البعض منهم، مثل هذا الكلام ممكن يودي السجن عديل كده، ولكن في قوانين "شرع الله" ده اساس التفكير!

خلاصة الامر، الاستعلاء بالسحنة، اصلا تعبير عن مركب نقص، حال كل استعلاء او تكبر ايا كان، كقاعدة، او بالتالي، غلاة الاستعلاء بالسحنة، يعبرون عن حالة مرضية مستفحلة متجذرة مقارنة بغير الغلاة!

اصدق مثال في المنبر ده هو ممثل اعلام المؤتمر الوثني، الحاكم، علاء يوسف.

المعروف عنه كابرز غلاة الجلابة في تاريخ هذا المنبر، بشهادة، ارشيف الرجل!

اخير اتضح او باعترافو هو، كتابة، علنا، في المنبر ده، انو علاء يوسف، ينتابو احساس، بلغ حد الوسواس، انو "فيهو عرق"!

ايو عديل كده، الزول ده عبر عن هاجس انو تجري في عروقو، دماء هامش، او دماء "عبيد" بالفهم الجلابي التقليدي، لغير الشمالي، اي زوي السحنة المنبوذة، اي السوداء او الذنجية!

مثل هذا الاحساس يفسر غلو غالبية غلاة الاستعلاء الجلابي بالمناسبة.

او ده بوضح الجانب الطقوسي للممارسة دي في السودان، كنوع من الx-hailing!

نعم، غلو امثال علاء والطيب مصطفي الزومة، الرزيقي، ماهو الا x-hailing!

بالعدم بالونة التراكم التاريخي، لي ثاني اكسيد الكراهية للذات، كان فرطقت الطيب مصطفي مثلا، من زمن، او بالتالي تناثرت اشلاء جسمو كما العهن المنفوش، من هول الانفجار!

اذن البتسووي فيهو الانتباهة او اشياعا، هو نوع من التفيس الضروري جدا جدا، لبقاء هؤلاء احياء!

والله هوسلوك... وسلوك عريانة كمان...

وتربية حظها من الأدب القليل...

ولو ملاحظة يا دينا حتى عندنا

في بيوتنا السودانية عندما يكون أحدنا

أكثر سمرة من الآخرين.. يصنفونه ويسمونه..

ولو على سبيل المزاح السمج..

إذن هو سلوك تربوي شائن

تحياتي

يادينا المشكله ما فى السحنه وفقط
لان سحنات كل سكان الشمال الجغرافى تتشابه مع اختلافات بسيطه....يعنى امسكى ناس الحكومه (البشير,نافع,على عثمان) ديل كلهم يمكن ان يكونو من الغرب الكبير (دارفور وكردفان) او الوسط , الشماليه ولكن المشكله فى الثقافه الاستعلائيه والقبليه وهذا مربط الفرس....كل قبيله بتشوف نفسها احسن وافضل من جارتها وطبعا من كان بيده المال , السلطه, التعليم والجاه من يتحكم فى هذا السلوك على الرغم من ادائهم الاسلام والتعليم تماما كما كان يحدث من سلاطين السودان القديمه ...
يعنى بالديمقراطيه الحقه والفرص المتساويه سوف تذوب هذه الفواق الوهميه عشان كده فى عقليات كثيره جدا حاكمه الان لا تريد للديمقراطيه والفرص المتساويه موقع قدم فى السودان حتى تستمر امتيازاتهم جيل بعد جيل

دودى

المسالة خربانة من كبارا

غالبية المثقفين البتشوفيهم ديل لما الواحد

يخلو بجماعته بطلع الوساخة العنصرية بتاعتو

الغريبة انهم فى اوربا بقولو انهم زنوج (we are black)

ازدواجية غريبة

...

ودا يا محمد ما ظللت أقولو ، باننا لمعالجة هذه المشكلة المزمنة يجب أن لا نهمل المنظور أو المدخل السياسي / الاقتصادي
وفي الواقع معالجتها هي عبارة عن حزمة سياسية /اقتصادية / اجتماعية / ثقافية..
ولا يمكنك أن تفصل أي جزء من اروشتة العلاجية ..والا سقطت في اعادة انتاج المشكلة من الموقع الآخر
وكثير من المجتمعات والأفراد يفعلون هذا

ودا يا محمد ما ظللت أقولو ، باننا لمعالجة هذه المشكلة المزمنة يجب أن لا نهمل المنظور أو المدخل السياسي / الاقتصادي
وفي الواقع معالجتها هي عبارة عن حزمة سياسية /اقتصادية / اجتماعية / ثقافية..
ولا يمكنك أن تفصل أي جزء من اروشتة العلاجية ..والا سقطت في اعادة انتاج المشكلة من الموقع الآخر
وكثير من المجتمعات والأفراد يفعلون هذا

حاحكي ليك تجربة شخصية كنا كطلبة في كلية الشرطة وفي السنة الأولى يتم الحاقنا بأقسام الشرطة بكورس النفر كى تتعرف كضابط مستقبلا بعمل العسكرى او جندى الشرطة وتم إلحاقنا بالقسم الأوسط بامدرمان اها كنا نشاهد لورى القسم يجى كل شوية من سوق امدرمان ملان وعلى الحراسات اها لما سالنا قالوا لينا ديل الباعة المتجولين والناس الما معاهم بطاقات شخصية اها قبلنا الموضوع عادى وما لفت نظرنا اى حاجة غريبة إلا دفعتى ماندانق دينق كوال (ود السلطان وشقيق د.فرانسيس دينق )قام فجأة إختفى وجا سايق قدامو زى عشرين اولاد عرب نضاف معزلهم على الفرازه الضابط قال ديل شنو قال ليهو يا سعادتك ديل ما عندهم بطاقات شخصية فبهت الضابط واطلق سراح اولاد العرب وطلعوا الفى الحراسة وفى اللحظه ديك إنتبهت لسحانتهم وعرفت العنصرية الجواى الما خلتنى انتبه لانو الناس ديل كلهم من وين ومن اليوم داك بديت أحاول فى أى موقف أخت نفسى in other people shoes قبل ما أخذ أى شيئ كمسلمات وأحاول قدر الامكان ما أصدر أحكام على الناس أو أورى الناس العانت ولا زالت تعانى من العنصرية كيف مفروض يحسوا أو يتفاعلوا معاها

..

Quote: لهذا، فالاسلام السياسي في السودان هو بحق سلاح الدمار الشامل، في ايدي مجرمين او شذاذ افاق، اضحي شرط بقاءهم احياء رهين ببقاء نظامم الحالي. طبعا حقيقة مضحك، انو في بلاد السودان، السود يضطهدون السود، بي سبب السحنة السوداء! ماتنسو انو ده دين او اسلام او شرع الله، والكارثة هنا.

طبعا مافى زول بقعد كلام الاضطهاد دا قدر بشاشا

يا عمر الفاروق طبعا الثقة بالنفس مهمة والتخلص
من الشعور بالدونية لدى الضحية مهم شديد لكن دا ذاتو بجى كيف ؟
مش بوعى بحقيقة المشكلة وتفاهتها اولا ؟؟
لكن برضو بفضل دا جزء من العلاج وما كلو ..
لانو المشكلة اصلا واقعه بفعل فاعل سلوك الاضطهاد بقوم به شخص اخر
مختلف عنى لابد من وقف الفعل ذاتو .. ودا العلاج
رد الفعل على الفعل نفسه قد يخفف الضرر ولكنه مؤكد لن يوقف
وقوع الفعل ..
نحن ما عاوزين نخفف الضررر على الضحية فقط
عاوزين نجتث الفعل الواقع من اساسو ..

الفاضلة دينا خالد

ســـلام ... وشكراً لافتراع هذا الخيط الهام
اصبح الاضهاد بالسحنة ممارسة مجتمعية وسلوك نظام الآن مع الاسف.

Quote: لا احد ينكر انها ممارسة مجتمعية ضاربة الجذور فى الثقافة السودانية

نعم لا أحد ينكر ذلك ولكن اختلف معك في بداياتها ومراحل تطورها
فهي لم تكن اضطهاد بالسحنة بقدر ما هي كانت دعوة للتفاخر بالانساب والاصول
وذلك بحكم التنــوع القبلي في السودان.. ولذلك نجده ليس في شمال السودان وحسب
وانما في كل انحاء السودان بسبب الجهل وعدم الوعي والأمية المتفشية.
ولذلك نجد هذا الاستعلاء في الشرق والجنوب والغرب.
اخلص من كل ذلك انها لم تكن مشكلة يعاني منها النسيج الاجتماعي السوداني
وكانت ممارسه غذاها الجهل والتفاخر بالانساب لأنها كانت موجودة في داخل القبيلة الواحدة
واحيانا في داخل البيت والاسرة الواحده فلو وجد فيه شخص ذو سحنة سوداء فانه يكنى بالعب

Quote: نبدا من الشمال فوق اى زول بيضطهد الناس الجنوبو وتتواصل هذه الحلقات من الاضطهاد حتى تصل مداها فى اقصى نقطة من جنوبنا الذى كان ..

العنصرية بدأت اساساً من هنا من شمال السودان
لأن الشمال حدث به الكثير من اختلاط الانساب وهذا معلوم للجميع بالضرورة
خصوصاً بعد وصول الهجرات العربية اليه وكذلك حملات الغزاة والمستعمرين
هناك دراسات كثيرة تؤكد انتفاء النقاء العرقي في السودان إلا في بعض القبائل التي حافظت
على نسيجها كالرشايدة وغيرهم.
لا أرى في التفاخر بالسحنات بين المجتمع اية مشاكل كبيرة طالما كانت في اطار وحدود
ثقافة المجتمعات وتقاليده وعاداته ولكن عندما تصبح عادة تمارسها الانظمة والحكومات فتلك هي المشكلة
معظم المشاكل التي يعاني منها السودان هي مشاكل مطلبيه بالدرجة الأولــى لعدم تكافؤ الفرص
والتوزيع العادل للثروة والسلطة.
وصلت هذه الممارسة في عهد الانقاذ مداها واصبحت سياسة تنتهجها الدولة فولدت الكثير من الغبن
والاحقاد بين مكونات المجتمع السودان وعلينا مواجهتها واجتثاثها حتى لا تترسخ في اذهان الاجيال القادمة
فالأنظمة والحكومات الى زوال لا محالة ويبقى الشعب السوداني باق الى أن يشاء الله
اخيرا شكرا لطرح هذا الموضوع الهام..وهو احدى اشراقاتك الكثيرة

تحاياي

الاخت دينا

Quote: الاضطهـاد بالسحـنه ممارسة مجتمعية ام سلوك نظـام !!

بل ....سلوك عالمي ...الجميع في جميع انحاء العالم يعاني منه ....

دينا سلام وإحترام يارائعه

نخش في الموضوع بشئ من التخصيص ...الإرث التاريخي للعبوديه والرق الذي مارسه الاستعمار لازلنا في القاره السمراء ندفع ثمنه ونوصم بالدونيه والعبوديه في مختلف أنحاء العالم...

للأسف الشديد معظم الدول الأفريقيه والى الآن تكرس لهذه التبعيه بشكل أو بآخر ...فلا زلنا كأفارقه منهزمين داخلياً ونشعر بأننا غير جديرين بأن نتفوق وننجح في تقديم الحضاره ...رغم أن الحضارات التي قامت على يد أجدادنا الأفارقه أقدم بكثير من حضارة الفرنجه وبنو سام عموماً ...

الوحيدون الذين نجحو في ذلك من بنو جلدتنا هم الزنوج الامريكان ..إستطاعو بالتحدي والظروف القاسيه التي فرضت عليهم أن يقدمو أنفسهم للعالم أفضل بكثير منا نحن القابعين هنا في الموطن الأصلي ...فبرعو بل وتفوقو على بنو سام في كثير من المجالات التي تخصصو فيها والتي تتماشى مع الإمكانات الربانيه الموهوبه لهم ...فصار اللون والسحنه السوداء يكسب كثير من الاحترام بفضل نجاحات كلاي وأوبرا وجون إسميش وأوباما وحتى لعيبة الكره الأفارقه الذين برعو في الدوري الأوربي.....

يبقى قيمة الانسان وكسبه للاحترام لا علاقة لها بالسحنه بل يمكن لأي شخص او مجتمع أو عرق أن يحوذ الاحترام ورفع القبعات من كل العالم إذا أثبت جدارته في تقديم (التميز) والنجاح والتحضر

خالص الود

سلام يا دينا

بكل صدق اتفق مع ماجاء به عمر الفاروق جملة وتفصيلاً - لمن كتب الكلام التحت دا

Quote: أها جماعتك العايزة تعالجي مشكلتهم ديل أبدي بيهم هم ..خليهم ما يتعقدو ولا يحسو بي إنهم نواقص ولاااا اللون عيب ولاا الجنس عيب ولمن يجي يحكي عن إنو من الغرب ما يضاير وكأنها جريمة يقول انا غرابي عااادي وما يكعوج لسانو عشان بالرجااالة يخفي مخارج حروفو ..

زمان في الهند حضر الفيلم بتاع مالكولم إكس ( إنشاء الله تكوني حضرتيهو) قال في خطبتو الآخيرة Slavery is in minds
جعلتني هذه الجملة افكر بعمق في كلامه هذا وبالفعل كلامه طلع صحيح مية بالمية لأنو لو اي زول اتعامل عادي ما يشعر بي اهانة من تصرف اي زول تاني.

وأضيف يا دينا ان هذا الأمر بدأ منذ عهد قديم قبل غزوات البيض واصطياد الزنوج للعمل كرقيق لديهم في اوروبا.

والتاريخ يشهد علي هذا الكلام

الصادق

كمال كرار سلام
المزاح دا بصدر من عقلية جوووة
وعقيدة ما ساى !

محمد داوود كلامك صاح
القصة ما سحنة وفقط لكن فى ناس
بكونو دايرين يزوغوا من قصة السحنة
دى يقولوا ليك لالالالا المسالة دى اصصصلا ما سحنة
دى من حاجات تانية .. وهو دا عدم الاعتراف
بالمشكلة البنتكلم عنه ..


يا مهاجر انت هبشت حته مهمة جدا
وهى ادعاءات المثقفين فى الحته دى
وسكاتهم عن حاجات كتيرة بل وسقوطهم هم نفسهم
احيان كثيرة فى شركها

الصادق صديق
راجع ردى لى عمر الفاروق
صحيح انو الثقة بالنفس وعدم الوقوع فى الاستلاب
او استسلام الضحية لافعال الجانى كلها
بتساعد فى تخفيف اثار الفعل
لكنها لن تمنع من يمارس الفعل من ممارسته
لازم نشوف طريقة برضو للناس البمارسو القصة
دى انهم ما يمارسوها بالذات البمارسوها تحت حصانة القوانين !

عز الدين صغيرون الكلام عن باقى الحاجات القلتها
دى فيهو دغمسة لمشكلة السحنه فى روحها دى
معظم الناس ما عايزين يشوفوها كمشكلة مستقلة
ودا الهروب الانا قصدتو ..

الامين بشارى
كانما داير تقول انو السحنات المضطهده دى
ما عندها انساب تفاخر بيها!! .. بالعكس فهم فى الغالب
اصحاب تاريخ وباع فى مجال القبايل والانساب المتسلسلة
والمعروفه فى السودان ..

Quote: الاخت دينا Quote: الاضطهـاد بالسحـنه ممارسة مجتمعية ام سلوك نظـام !! بل ....سلوك عالمي ...الجميع في جميع انحاء العالم يعاني منه ....

مدثر صديق
السلوك العالمى سلوك مجتمع ؟؟ ولا سلوك نظام ومؤسسة وقوانين .؟؟

Quote: يبقى قيمة الانسان وكسبه للاحترام لا علاقة لها بالسحنه بل يمكن لأي شخص او مجتمع أو عرق أن يحوذ الاحترام ورفع القبعات من كل العالم إذا أثبت جدارته في تقديم (التميز) والنجاح والتحضر

الدكتور عوض الدكام الطبيب المتميز ومدير مستشفى
كان يحكى دائما عن اضطهاده بالسحنه رغم تميزه
ونجاحه وتحضره ويتبعها بكلااااام يا عوض دكام ..

يا امير فتحى مداخلتك اثرت ذيها وذى سابقاتها البوست
مشكلة اضطهاد البيض للسود دى واضحة والتعامل معاها
اسهل كتير من اضطهاد السود للسود !!










ــــــــــــــــ
مافى هوامش عشان البوست دا معسسسم ورسمى
مافى زول يجى يقول لينا من الذى يكتب لدينا ؟ سمح؟
لوووووووووووب طيب

..

دينا وضيوفا سلام تاني

حبي الجارف لوطني يجعلني (أهجس) و(أتململ) من ما وصل عليه حال البلاد من تردي و(رده) قهقريه متسارعة الخطى عن (المشروع الوطني السوداني) ...هذا الذي ينبغي أن يكون سقف الامنيات لكل سوداني كان كوز ولا شيوعي ولا طائفي ولا غير منتمي ...

وأعني بالمشروع الوطني السوداني ...أن لا يشعر أي سوداني بدونيه وأنه في درجة ما من التصنيف ويشمل أيضاً الذين يحسون أو يتوهمون بأنهم ودون الناس السودانيين (حاله ناجحه خاصه )

حزنت وأيما حزن وأنا الجديد بهذا المنبر عن التطاحن الضروس من بعض منتمي هذا المنبر ...في الاصل والفصل وتفاخر الانساب وساقط القول ...والذي لو يدري لافظوه أنه كان بداية الشراره والشرخ المميت لمشكلة دارفور وإقتتطاع الجنوب ...

تناقشت مع بعض متنفذي السلطه الحاليه في ذلك من أن المسأله القبليه والجهويه إستفحلت في عهدهم فذكرو لي بأنه كان مخططا لتفتيت الانقاذ وللأسف كثير من قياداتهم سقطت وهي لا تدري في ذلك الامتحان العسير ...

يبقى التحدي أمام كل الشرفاء ومن كل المنتمين لقبيلة السودان الوطن الواحد المتماسك في كبح جماح هذا الفيروس القاتل والذي أخطر على الوطن من فيروس (الايدز)...

كيف نترجم ذلك عبر منظماتنا وإعلامنا وننمي قبيلة الوطن دواخلنا؟ ...هذا هو المحك ياعزيزتي دينا

كراهية السود للبيض وأهل الهامش للمركز.. الخ
وسوء معاملتهم ان وجدت ( النظرة العكسية)
هل تدخل ضمن بند الاضطهاد بالسحنة ؟

سلام لصاحبة البوست و المتداخلين
في مشكلات تعم العالم كله و قديمه قدم التاريخ الحديث، منها:
1- مشكلة العنصرية
2- مشكلة المرأة
3- مشكلة توزيع الثروة و إضطهاد الفقراء
والخ الخ

و بالذات مشكلة العنصرية الفرق بينا وبين الناس
الأتقدموا في المشكلة دي إنو هم إعترفوا بيها و بدو في علاجها
بالآتي: 1- العلاج القانوني : تضمين الدساتير و القوانين قيم المساواة
و تحريم العنصرية.
2- علي المستوي الأجتماعي/الأقتصادي : العمل من خلال مؤسسات الدولة
ومنظمات المجتمع المدني علي تقديم و الإنحياز للمهمشين عنصريا".
3- علي المستوي الثقافي : و دي المعركة الأطول والمفروض
يشارك فيها النخبة من المثقفين و الأدباء و الفنايين بإعلاء القيم
الأنسانية و نقد العنصرية وتنقية الوعي الجمعي من العنصرية.
بوست مهم جدا"

دينا وضيوفها إزيكم

في رأيي إنو الموضوع دا متعلق ببعدين بدون تزييف (وأنا قلت الكلام دا امبارح في بوست الكول بتاع عزا)
بعد متعلق بثقافة تدفع في إتجاة إنها ثقافة أفضل ولها وصاية علي البقية وتتبني وتعبر عن (الثقافة العربية) وتحاول أن تنمط السلوك
ليصب في هذا الإطار وأنا أسميها ثقافة سائدة.. والناس يعروفون الأدوات التي تستخدمها لتعزيز هذا الاتجاه بما فيها أدوات ووسائل الدولة

وبعد متعلق بثقافة (مفروض عليها) أن تكون خاضعة وهي التي تمثلها هنا بقية السحنات السوداء

تاريخ السودان ملئ في صيرورته بالامثلة والمدارس والمناهج والافكار التي تدعو بشكل علني وبشكل خفي لتبني ذلك
واكبر دليل علي ذلك ان هنالك أسر كبيرة وسياسية مشهورة حبست حبوباتها حتي ماتت بسبب أن جذورها من السحنات التي أشرت إليها

السؤال هو: هل هذا الموقف النمطي السالب لخوصية الآخر قد تغير في عقول متبنيه؟

حتي نشرع في الحديث عن قبول السحنات الاخري كجزء اساسي من مكونات مجتمعنا السوداني.


وقد أعود

مودتي

سلام وتحية دينا خالد ولضيوفك الكرام
الإضطهاد بالسحنه عندنا بالسودان ممارسة مجتمع ، وتنشئة جيل لجيل أصبحت كموروث من موروثاتنا السلبية .
محاربته أو التخلص منه ليس بالعمل الهين أو السهل خصوصاً إذا كان من يدعم هذا الفهم السلطة وهذا ما حدث في عهد حكومة الإنقاذ وسعت لزرعه طوال سنوات حكمهم العجاف .
من يتحدث عن أن هذه ظاهره عالمية فهذا الأمر محسوم بالنسبه للغرب و أمريكا ، فالقوانين رادعه !
بالإضافه لحملات لتوعية المجتمع لابد أن تكون هنالك قوانين رادعه ضد التميًز باللون ، العرق ، الدين ، الجنس أو حتي العمر !
تقبلي مروري السريع

Quote: سلام وتحية دينا خالد ولضيوفك الكرام الإضطهاد بالسحنه عندنا بالسودان ممارسة مجتمع ، وتنشئة جيل لجيل أصبحت كموروث من موروثاتنا السلبية . محاربته أو التخلص منه ليس بالعمل الهين أو السهل خصوصاً إذا كان من يدعم هذا الفهم السلطة وهذا ما حدث في عهد حكومة الإنقاذ وسعت لزرعه طوال سنوات حكمهم العجاف . من يتحدث عن أن هذه ظاهره عالمية فهذا الأمر محسوم بالنسبه للغرب و أمريكا ، فالقوانين رادعه ! بالإضافه لحملات لتوعية المجتمع لابد أن تكون هنالك قوانين رادعه ضد التميًز باللون ، العرق ، الدين ، الجنس أو حتي العمر ! تقبلي مروري السريع

وأضف إلى ذلك يتناسب طردياً مع الجهل ...