Post: #1
Title: العيب وِكْتين بَيِنْ نِحنا ما نَسَو الصاح
Author: عزام حسن فرح
Date: 02-17-2011, 03:09 PM
Parent: #0
يعني مثلاً مِتِل "محمد فرح" القال إنو البنَنَت ما بِكون إغْتصبوهِن ولا حاجة... ليه يا العشا أب لبن؟ قال: شينات ساااي يا زول!
البنتين القالوا تم التحرش بهن جنسياً بتشابهوا شديد (صور)
أها مِتِل ده حقو بدل ما نطالِب إدارة المنبر بِطردو وندخُل في سياسات عُليا وكِده، نقوم نحنا الشايفين إنو "محمد فرح" سَوا العيب، نقاطعو تاااب أنا أخوك، لا ندْني لأعمِدتو ولا نداخل معاهو نوهائي... أنا قررت أعمِل كِده مِن هِنا ورايِح... طوااااالي حأقنِب مُنتظِر السُلطات تسوي وتعمِل وتنجِز... لا يا خوي أنا زاتي عِندي عمل... علشان المنبر يرجع زي زمان... أدب ومفاكره وإنتاج... بقينا نقضي أغلب وقتنا في ها المنبر مُجابده... نتهِم ونرُد الإتهامات.. ونقول ونضطر لِشرح البنقولو كذا مره... مرات نمرُق بِحقنا ومرات تتشرط هِديماتنا... مرات ننتصِر وكتير ننهزِم فوقا... أصلو ده منبر ولا ساحة معركة يا كافي البلا
ياخ ما تجنِنا وتقنِب تطَوِل لينا المسعله... ونقنِب فوق، البِحدِد العيب منو؟ ما هي المعايير؟ وهل سوف...؟ وأين سيـ...؟ ده رأي عجبك عجبك ما عجبك طوالي تنساهو
|
Post: #2
Title: Re: العيب وِكْتين بَيِنْ نِحنا ما نَسَو الصاح
Author: abubakr salih
Date: 02-17-2011, 03:12 PM
Parent: #1
أضم صوتى لصوت عزام فرح. لن اتداخل فى اى بوست لمحمد فرح و لن اقراء له حتى لو ينقط عسل فى البورد
ارجو من جميع اصحاب الضمائر الحيه مقاطعه هذا المخلوق الق ذر.
|
Post: #3
Title: Re: العيب وِكْتين بَيِنْ نِحنا ما نَسَو الصاح
Author: Mohamed Foto7li
Date: 02-17-2011, 03:15 PM
Parent: #2
والله كلامك حلو بالحيل
|
Post: #4
Title: Re: العيب وِكْتين بَيِنْ نِحنا ما نَسَو الصاح
Author: تيسير عووضة
Date: 02-17-2011, 03:18 PM
Parent: #3
يا عزام ياخوي محمد فرح دا غلب الطب والطبيب
ودي ما أول مرة
كان شالوهو ما بنشال
وكان خلّوهو خرب الدار!!
|
Post: #5
Title: Re: العيب وِكْتين بَيِنْ نِحنا ما نَسَو الصاح
Author: محمد المسلمي
Date: 02-17-2011, 03:20 PM
Parent: #2
قشة ماتعتر ليك
|
Post: #6
Title: Re: العيب وِكْتين بَيِنْ نِحنا ما نَسَو الصاح
Author: مريم بنت الحسين
Date: 02-17-2011, 03:25 PM
Parent: #1
صح كلامك يا عزّام.. وانا معاك في مقاطعة بوستات محمد فرح إلى ان يقوم بكري بتفعيل اللائحة في حقّه
|
Post: #7
Title: Re: العيب وِكْتين بَيِنْ نِحنا ما نَسَو الصاح
Author: الرشيد ابراهيم احمد
Date: 02-17-2011, 03:36 PM
Parent: #6
اخوي عزام
طاب يومك بكل خير وطاب دهر نساء بلادي العفيفات
واسال الله الذل والفتن لهؤلا الذكور
**********************************
واحدين قاعدين في البيوت ما بيخترو
ومن كبي وكشف حال الحريم ما بفترو
اخير امشي براي اسد الرضيمه بترو
صاحبي ان ذل ما بقشاهو ديمة بسترو
دا كلام خالا لي كلام عرب خلاء لكن اجد فيه ضالتي
مودتي
|
Post: #9
Title: Re: العيب وِكْتين بَيِنْ نِحنا ما نَسَو الصاح
Author: عزام حسن فرح
Date: 02-17-2011, 03:45 PM
Parent: #6
كتر خيركم على المرور والمؤازرة... دي حتكون لائِحة "الأعضاء" أصلو ما بِنَورِط تاني إدارة المنبر بِنِداءاتنا وإسْتِغاثاتنا...
[أ] مِن الأعضاء سوا شينه ظاهرا وبَيِنه، يتقاطع طوالي، وعلامة المُقاطعة بقترِح تكون (*)
يعني مثلاً [أ] إفْترعلو عمود جاط فوقو ومحن الأُمات، يِقوم مُقاطِع يدخُل عمود ها المِمَحِنْ ويرسُم علامة المُقاطعه (*) نجمة أو (.) صفر، بَين قَوسين... أها في حركة أسْلم مِن كِده؟ ده "ميدان تحرير" لِنُصره إسْتِمرارِية ها المنبر ولِنُصره القِيم النبيلة في الشعب السوداني الفضل
بِالله شوفو كَمْ الأسماء الكانت بتكتِب في ها المنبر وإعتزلت بِإرادتِها... بِالله كم؟ وين داك.. وين ديك... يا سلالالالام يا سلام كانت أيامُمْ سمحه والله، تقرا تشعَوِد.. تقرا وتقرا وتقرا لامِن تصبِح مِتْلهُم أو قريب... هسِع شوفو بِقينا وين!
|
Post: #10
Title: Re: العيب وِكْتين بَيِنْ نِحنا ما نَسَو الصاح
Author: معاوية عبيد الصائم
Date: 02-17-2011, 03:50 PM
Parent: #9
فوق
|
Post: #11
Title: Re: العيب وِكْتين بَيِنْ نِحنا ما نَسَو الصاح
Author: Amani Al Ajab
Date: 02-17-2011, 03:53 PM
Quote:
صح كلامك يا عزّام.. وانا معاك في مقاطعة بوستات محمد فرح إلى ان يقوم بكري بتفعيل اللائحة في حقّه |
|
Post: #12
Title: Re: العيب وِكْتين بَيِنْ نِحنا ما نَسَو الصاح
Author: عزام حسن فرح
Date: 02-17-2011, 04:21 PM
Parent: #11
قُوة "المُقاطعة" في إسْتخداما "الرصين" وبعد "قِياس الرأي" يعني مثلاً "محمد فرح" الناس قبلت عليهو لامِن هبش حِته ما إنْسانِية مِنو، نفى حادِثة إغْتِصاب البِنْتَين، وكان عِله نفَيو -حسب مقاييسو لِلجمال والقُبْح-: "الشنه أكانت ظاهِرة في البنات، ودي حاجة ما بِتْحفِز أمْنجي على إغْتِصابِنْ"
مَوقِف الأعضاء النددو بِكلام "محمد فرح" ما عِندو علاقة بِإتْجاه "محمد فرح" السياسي أو المذهبي، العِلاقة بِتِتْحدد بالإجابة على سؤال واحِد بس:
هل يجوز إنْسانِيًا التهكُم على أشكال البشر؟
سيبكُم مِن ها السؤال، علشان نأصِل ليهو الحِكاية شِوية:
هل يجوز التهكُمْ على تسَوِية الله تعالى أم لا تجوز؟ أنا لو مِحِل "محمد فرح" بسجِل إعْتِراضي مُباشرة لِمِسَوي "الشنه" حسب مقاييس "محمد فرح". بَوجه إعْتِراضي لِلذي قال: <فَإِذَا سَوَّيْتُهُ...> الحجر 29
"محمد فرح" ما هدف عمودي ده (يِسْتاهل) بس بِالصُدفة كِده "محمد فرح" أصبح مِثال، لأن حادِثتو طازِجة وحالة قريبة... عمودي ده دايرو لِقِدام... الناس طبيعي جِدًا تختلِف في المُعْتقدات... في التاريخ ... في السياسة، لا بأس إذا خلا مِن الشُتْم الذي هو كما تعلمون، لِلقَوم العواوير... لكِن لامِن النضمي يِمَس قِيَمْ حقو نفعِل أعمالنا
|
Post: #13
Title: Re: العيب وِكْتين بَيِنْ نِحنا ما نَسَو الصاح
Author: اسماء الجنيد
Date: 02-17-2011, 04:28 PM
Parent: #12
Quote:
أضم صوتى لصوت الأخ عزام فرح. لن اتداخل فى اى بوست لمحمد فرح و لن اقرأ له اي بوست
ارجو من جميع اصحاب الضمائر الحيه مقاطعه هذا المخلوق الق ذر. |
السلام عليكم الاخ عزام ولزوارك الكرام
شكرا للنصيحة المن دهب
|
Post: #14
Title: Re: العيب وِكْتين بَيِنْ نِحنا ما نَسَو الصاح
Author: عزام حسن فرح
Date: 02-18-2011, 06:38 AM
Parent: #13
"محمد فرح" ما هدف عمودي ده (يِسْتاهل) بس بِالصُدفة كِده "محمد فرح" أصبح مِثال، لأن حادِثتو طازِجة وحالة قريبة... عمودي ده دايرو لِقِدام... الناس طبيعي جِدًا تختلِف في المُعْتقدات... في التاريخ ... في السياسة، لا بأس إذا خلا مِن الشُتْم الذي هو كما تعلمون، لِلقَوم العواوير... لكِن لامِن النضمي يِمَس قِيَمْ حقو نفعِل أعمالنا
|
Post: #15
Title: Re: العيب وِكْتين بَيِنْ نِحنا ما نَسَو الصاح
Author: حسن حماد محمد
Date: 02-18-2011, 06:55 AM
Parent: #1
| Quote: علشان المنبر يرجع زي زمان... أدب ومفاكره وإنتاج... |
كتر خيرك على حد قول أخوياً لينا اسمو عزام
ليك على من ها الوقت اجلى كل بوستات اللخو القلتو ده
وتحياتى ليك ولى عموم الأهل والأحباب اللفى الحوش والبره
|
Post: #16
Title: Re: العيب وِكْتين بَيِنْ نِحنا ما نَسَو الصاح
Author: محمد مصطفي مجذوب
Date: 02-18-2011, 07:49 AM
Parent: #15
الاخ عزام
تحيه وتقديرا
اتفهم تماما الدعوه لمقاطعه السفه والاسفاف من سفاء القوم وممن قل ادبه وزاد اذاه فافتري واستشري في استطعام الفساد والافساد . فكثير منهم يجنح للكتابه اما عن جهل او مدفوعين باجر او لتحقيق مصلحة ما وما اكثر المنتفعين والمستنفعين في زمانا هذا
ولكني إذا سمحت لي ، اود ان اتحفظ علي فسح المجال لهذه الشراذم ليقولوا ما يقولون . فالغالبيه العظمي قد لا تريد ان تحجر علي احد او ان تصادر حق احد في ان يقول ما يريد قوله. فالمرء مسئولا في دنياه واخرته لما بتقوله صوابا كان ام خطاء . وقدر المرء تحت لسانه. وانا اري إن الصمت علي ما يعيثون به فسادا وضلالا يأتي بثمار عكسية . فعدم استشكال ما يتقولون به لبيان مواضع الخطل والخلل وترك الحبل علي القارب لما تكتبه ايا من هذه الفئات الضاله وشواذها في خلوتهم ، في زمن الانفتاح الاعلامي هذا ، يقراه القاصي والداني في اصقاع الدنيا المختلفه. فلو لم يعارضه احد ، فسيظن من يكتب ، ومن يقراء له ، ربما إن هناك تقبلا علي ما كتب فلا يرعوي. وكأننا بصمتنا علي أذاهم فيما يقال ، قد حققنا للمتقولين علي هذه الامه العظيمة ما يريدونه ابتداءا من اسكات اصوات المعارضين والمظلومين .
ولنا اخي عزام في حديث المصطفي عليه افضل الصلاة والسلام (من رأي منكم منكرا فليغيره...) اسوة حسنه
وقديما قيل ...الساكت عن الحق شيطان اخرس
ولك ودي
|
Post: #17
Title: Re: العيب وِكْتين بَيِنْ نِحنا ما نَسَو الصاح
Author: عزام حسن فرح
Date: 02-18-2011, 10:05 AM
Parent: #16
<font face="Arabic Transparent" size="5" color=black>محمد مُصطفى مجذوب
كيف حالك؟ علك طَيِب
كلامك منطِقي.. بس ما مُمْكِن نقنِب نباري الجِداد.. بِوَدَنا الكوشه يا خوي.. الزول البِقِل أدبو في وشي أو في بكان بقدر أصلو، ده في الأول بحفظ ليهو حقو، كَونو راجِل.. لأنو قال القالو وهو يدري أن لا عاصِم لهُ مني إذا أردت أن أنال منهُ، أما الشبح أو الذي إسْتعصم بِالبُعد عنا، أخير أقاطعو.. لأنو مِتِل ده بنزِل مُسْتواي إلى درجتو الهو مِصنقِر فوقا، ونِحنا يا خوي عِندنا إلْ ووِليدات بِيقرو لينا، وأنا وِكْتين أعلِم ولدي إنو ما يِرُد على السفيه، حقو أبقى ليهو قُدَوة في التبادي وما أرُد على السفيه.. ده رأي.. ورأيك حتو مو كعب ويجوز
لاحظو أنا ما قاصِد "محمد فرح" بِعينو، محمد فرح بس مِثال حي، أنا بناضِم في الجاي</font>
|
|