Post: #1
Title: حتى لا تضيع المروءة ... و موضوع تاني
Author: محمد البشرى الخضر
Date: 02-16-2011, 04:19 PM
Quote: حتي لاتضيع المروءة
قصة حقيقة ....
كان معن بن زايدة من أجود العرب ومن فرسانها المبرزين ..
وتذكر كتب السيرة أنه لايردَ سائلاً ..
وكان معن بن زايدة لديه فرس لاشبيه له عند العرب وحاول الكثيرون شراءه أو أخذه كهبة ..
إلا أن معن بن زائدة كان يرفض عرض الشاري ويهب لمن يطلب الفرس بدائل تنسي الطالب التمسك بذلك الحصان ..
إلا أن أحدهم بيّت النية على أخذ فرس معن بالحيلة ... فاعترض طريق معن مرتدياً ملابس رئة ومبدياً عجزاً وخواراً ,,
وحين وقف عليه معن طلب المحتال منه أن يركبه الحصان رأفة بعجزه ... فترجل معن عن حصانه ليقفز المحتال على صهوة الخيل ويعدو به هارباً ... فصاح به معن :
ياأخا العرب ناشدك الله أن لاتخبر أحداُ بالطريقة التي حصلت بها على الحصان ..
فأستغرب المحتال من طلب معن وقال له : لماذا ؟؟؟
فقال معن : كي لاتقتل المروءة في نفوس الناس ... |
*
____________________________
* لعناية القوقلاب و أزواجهم : منقول من هنا
|
Post: #2
Title: Re: حتى لا تضيع المروءة ... و موضوع تاني
Author: محمد البشرى الخضر
Date: 02-16-2011, 04:24 PM
Parent: #1
نجي للموضوع التاني :
الإنقاذ دي سجم رماد وعولاق وعِبَر الدنيا دي كلها فيها , طيب
فما محتاجة نكذّب عليها و ننسب ليها ما لم تفعله لبيان سوءها
و السلام عليكم
|
Post: #3
Title: Re: حتى لا تضيع المروءة ... و موضوع تاني
Author: محمد المسلمي
Date: 02-16-2011, 04:31 PM
Parent: #2
متابعين البيان حق المجلس العسكري
الاخ محمد لك التحية والمحبة
|
Post: #4
Title: Re: حتى لا تضيع المروءة ... و موضوع تاني
Author: د.نجاة محمود
Date: 02-16-2011, 04:36 PM
Parent: #3
Quote:
الإنقاذ دي سجم رماد وعولاق وعِبَر الدنيا دي كلها فيها , طيب
فما محتاجة نكذّب عليها و ننسب ليها ما لم تفعله لبيان سوءها
|
سلامات يا محمد البشرى
دا الكلام البسببوا بقيت كوزة وامنجية وبدافع عن الانقاذ
الكذب والفتل ما بيخدم قضية غير يضعفها وينهيها
شكرا ليك للبوست المهم دا
|
Post: #5
Title: Re: حتى لا تضيع المروءة ... و موضوع تاني
Author: esam gabralla
Date: 02-16-2011, 05:25 PM
Parent: #4
Quote: الإنقاذ دي سجم رماد وعولاق وعِبَر الدنيا دي كلها فيها , طيب
فما محتاجة نكذّب عليها و ننسب ليها ما لم تفعله لبيان سوءها |
صاح مية المية , كمان العاوز يدافع ليها اليجي بخشم الباب ما يتضارى ورا سوء المعارضة , و الرافض الانقاذ و قرفان من المعارضة اليجي يورينا معارضتو السمحة و نضيفة و متمرة دى.
ملحوظة: شفت يا ود البشري رغم انى واثق مليون في المية انك كرهان الانقاذ و ان نقدك للمعارضة من واقع رفضك للانقاذ لكن برضو كلامك حيفرح انقاذيين عديييل زى المسلمى, اها تعمل شنو مع القراد.
* عصام جبرالله: رافض 100% للانقاذ و ناقد جذري للمعارضة الحاليه و سجمها و باحث بجدية عن معارضة جاده و مبدئية و عمليه و لا اترك منطقه رمادية للخلط بين الاتنين. و شكرآ
|
Post: #6
Title: Re: حتى لا تضيع المروءة ... و موضوع تاني
Author: محمد البشرى الخضر
Date: 02-16-2011, 06:32 PM
Parent: #5
هلا ود المسلمي ولك من التحية والمحبة أضعاف
سلامات بيان | Quote: الكذب والفتل ما بيخدم قضية غير يضعفها وينهيها |
مية مية
ود جبر الله يا زميل | Quote: كمان العاوز يدافع ليها اليجي بخشم الباب ما يتضارى ورا سوء المعارضة , و الرافض الانقاذ و قرفان من المعارضة اليجي يورينا معارضتو السمحة و نضيفة و متمرة دى. |
كلامك سمح بالحيل لكن للاسف ما عندو علاقة بموضوع البوست , تصور !!
زي ما شايف الفكرة هنا مش عن الإنقاذ و المعارضة إن كانن وردن في المثال
الموضوع عن الكذب ذات نفسه وهو مذمة لا يختلف عليها موالي إو معارض - او مفروض كدا
| Quote: عصام جبرالله: رافض 100% للانقاذ و ناقد جذري للمعارضة الحاليه و سجمها و باحث بجدية عن معارضة جاده و مبدئية و عمليه و لا اترك منطقه رمادية للخلط بين الاتنين. و شكرآ |
توقيع قوي والله
الله يوفقك في البحث :)
|
Post: #7
Title: Re: حتى لا تضيع المروءة ... و موضوع تاني
Author: صلاح عباس فقير
Date: 02-16-2011, 07:05 PM
Parent: #6
شكراً لك أخي محمد!
هذه وقفة مهمة جداً!
وهي مشكلتنا الجوهرية!
ما بين الحكومة والمعارضة،
ضاعت أخلاقنا وقيمنا الأصيلة!
|
Post: #8
Title: Re: حتى لا تضيع المروءة ... و موضوع تاني
Author: محمد على طه الملك
Date: 02-16-2011, 07:39 PM
Parent: #7
Quote: ننسب ليها ما لم تفعله
|
مثلا؟
تحياتي.
|
Post: #9
Title: Re: حتى لا تضيع المروءة ... و موضوع تاني
Author: عاطف عمر
Date: 02-16-2011, 08:36 PM
Parent: #1
افصح أبن يا أخا العرب
افصح حتى لا نشوت في الاوت
في الإجازة دي عندنا هامش نكتب مداخلتين تلاتة
|
Post: #10
Title: Re: حتى لا تضيع المروءة ... و موضوع تاني
Author: esam gabralla
Date: 02-16-2011, 08:39 PM
Parent: #9
طيب وقع لينا الكلام ...و معليش للتصريجه
|
Post: #12
Title: Re: حتى لا تضيع المروءة ... و موضوع تاني
Author: محمد البشرى الخضر
Date: 02-16-2011, 08:50 PM
Parent: #10
| Quote: طيب وقع لينا الكلام |
هههههههههههه
يا زميل يعني باختصار ما في داعي للكذب حتى لو كان الغرض نبيل - من وجهة نظر صاحبه - وهو بيان عولاق الحكومة
|
Post: #11
Title: Re: حتى لا تضيع المروءة ... و موضوع تاني
Author: محمد البشرى الخضر
Date: 02-16-2011, 08:44 PM
Parent: #9
شكرا على الإتفاق أخ صلاح فقير
يا ود الملك ايييييك من زمن الاسابيع ما شفناك وينك يا راجل
هاك على السريع كدا رابط لو لقيت وقت تتصفحو ح تلقى عشرات الأمثلة و خلي بالك في اضعافها غير متوفرة حاليا
الرابط
يا هندسة أفصح شنو اكتر من كدا الموضوعين قتلتهم بحثا و بيانا اسي داخل على الموضوع التالت انا
وشوت يا عمك كان جات في الآوت بنحسبها ليك برضو
|
Post: #13
Title: Re: حتى لا تضيع المروءة ... و موضوع تاني
Author: Afraa Sanad
Date: 02-16-2011, 11:20 PM
Parent: #11
sorry wrong post
|
Post: #14
Title: Re: حتى لا تضيع المروءة ... و موضوع تاني
Author: Rawia
Date: 02-16-2011, 11:25 PM
Parent: #13
| Quote: : رافض 100% للانقاذ و ناقد جذري للمعارضة الحاليه و سجمها و باحث بجدية عن معارضة جاده و مبدئية و عمليه و لا اترك منطقه رمادية للخلط بين الاتنين. و شكرآ |
راوية
__________
عفرا سلامات
مالقيت مداخلة تبارك دي
وينها؟؟؟
|
Post: #15
Title: Re: حتى لا تضيع المروءة ... و موضوع تاني
Author: طلحة عبدالله
Date: 02-17-2011, 07:41 AM
Parent: #14
كما اشتهر معن بن زايدة إلى جانب الكرم والجود بالحلم والصبر على الشدائد
وقوة تحمل محن الزمان وإحن الإنسان، وقد عزم بعضهم على امتحان صبره
وحمله إلى الغضب فقالوا لأحدهم لك مائة ناقة وألف دينار إن أغضبت معن بن
زايدة ، فلبس الإعرابي أسمالا وانتعل حذاء بال ودخل إلى مجلس معن، ودون
أن يبدأ بالسلام بادره بالكلام ( المقدمة دي ناجرة من راسي لكن الجائي منقول) :
الإعرابي لمعن بن زايدة : أتذكر إذ لحافك جلد شاة وإذ نعلاك جلد بعير ؟
معن : أذكره ولا أنساه
الإعرابي : فسبحان الذي أعطاك ملكا وعلمك الجلوس على السرير
معن : إن الله يعطي من يشاء ويعز من يشاء
الإعرابي : فلست مسلما على معن ما دمت حيا .......
معن : السلام خير وليست في تركه ضير
الأعرابي : سأرحل عن بلاد أنت فيها و إن جار الزمان على الفقير
معن : إن جاورتنا فمرحبا بك وإن جاوزتنا فمصحوبا بالسلامة
الإعرابي : فجد لى يا أبن ناقصة بمال فإني قد عزمت على الرحيل
معن : أعطوه ألف دينار تخفف عنه مشقة المسير
الإعرابي: قليل ما أتيت به وإني لأطمع في المال الكثير ، فثن قد أتاك
الملك عفوا بلا عقل ولا رأيا منير
معن : أعطوه ألف ثانية كي يكون راضيا عنا
وهنا انهار الإعرابي وجلس على ركبتيه وهو يبكي وقال :
سألت الله أن يبقيك دهرا فمالك في البرية من نظير
فمنك الجود والأفضال حق وفيض يديك كالبحر الغزير
فقال معن : أعطيناه على هجونا ألفين فليعط أربعة على مدحنا
فقال الإعرابي :
بإبي ونفسي أيها الأمير فأنت نسيج وحدك في الحلم ونادره في الجود
وطفق يمدحه ويعدد مآثره ..إلخ ...
هو موضوع البوست شنو ؟
وبالمناسبة دي ما في زول يجيء يقول إتا ناقل الكلام دا من وين
وما يتعب يمش يقوقل ساي .
|
Post: #16
Title: Re: حتى لا تضيع المروءة ... و موضوع تاني
Author: aydaroos
Date: 02-17-2011, 07:50 AM
Parent: #15
بالضبط
نحنانعارض الانقاذ.. ونتثبت كويس من أخبار
الأنترنت لانو الأمن و الحكومة بي تستخدمها لنشر الأشاعات...
و نقدم البديل
بمبدئية و صدق ... و البديل هنا
ضد الخوف .. زغرودة .. البديل
|
Post: #17
Title: Re: حتى لا تضيع المروءة ... و موضوع تاني
Author: طلحة عبدالله
Date: 02-17-2011, 07:55 AM
Parent: #16
أيوة صاح موضوع البوست أهو :Quote: لعناية القوقلاب و أزواجهم
|
ليس كل القوقلاب متزوجين فلا تهرف بما لا تعرف يا هذا
|
Post: #18
Title: Re: حتى لا تضيع المروءة ... و موضوع تاني
Author: haroon diyab
Date: 02-17-2011, 08:15 AM
Parent: #17
ود البشري
سلام
والله يامحمد البكتب ده ماياهو نظام
( لمتنا مطرة وفرقتنا هبوب...!!!)
يعني لامين الكيبورد ده.....
مش حيضرنا كتير...ويمكن تجاهل كتاباته
لكن المصيبة الكبيرة
انو في بعض العاملين معارضين والله العظيم
وكتابه الكريم ....يكذب الكذبة فيك...وقدامك...!!!!
يعني يقول للناس ....
والله ود البشري ده ناس ناس امن السفارة
جابوه بهدلوه جنس بهدلة وهرشوه...!!!!
وعشان الحكاية تظبط ...يزيده كوز ....كوزين
( لن نتراجع ...ولن نحاور ...ومافاضل الا يقول :
الشعب يريد ......؟
المصيبة....
انت قااااااااااااعد وتسمع الكلام .
اها معارضة زي دي اذا انت كنت بتكره النظام ده لليفة....
مش بخليك تكره المعارضة واليوم العارضته فيهو....؟
والله عندنا النماذج علي قفا من يشيل ....!!
بس السترة واااااااااجبة .
سلام
|
Post: #19
Title: Re: حتى لا تضيع المروءة ... و موضوع تاني
Author: محمد البشرى الخضر
Date: 02-18-2011, 08:33 PM
Parent: #18
عفراء راوية تنظير عيدروس و هارون
شاكرين المرور و التعليق
______________
الحصل مساء اليوم فيما يتعلق بالنفي الذي اورده عمر فضل المولى على لسان سعاد عبدالله لكونها تعرضت لمحاولات اغتصاب
و الذي بدوره حذفه عمر بعد دقائق بحجة "اسباب اضطرارية" و التي عدلها ايضا بعد دقائق و انزل بدلا عنها القصة الاصلية كما جاءت في حريات
ومن قبلها قصة شهيد 30 يناير الفيرشوال و الذي ساسق الأمن بجثمانه الاسفيري بين عدة مستشفيات
وغيرها و من الاكاذيب التي لا تقف على قدمين ولا تصمد تصب شئنا ام ابينا في مصلحة الإنقاذ
التي إن لم تنل منها الحقيقة و الحقيقة وحدها فلن تفعل الأكاذيب مهما كانت منطقية وغير مستبعدة عليها
|
|