Post: #1 Title: دا البطلّق امّكم ذاتو ( يوجد عيد مولد) Author: الطيب شيقوق Date: 02-14-2011, 08:27 PM Parent: #0
بلغ الخامسة والستين من عمره ولكنه ما ان سمع بمداح الرسول (ص) يمدحون تجده يهرع للوصول لساحة المديح - كان كلما ذكر اسم الرسول (ص) كان يشهق ويشهق بصوت عالي جدا . وعندما يسخن المديح النبوي ينزل في الساحة تارة يرقص رقيص الرقبة وتارة اخرى يتحدث رطانة لا يستطيع فك شفراتها الا الذين اكرمهم الله بسر تفسير هذه الموشنز الروحية .
عاد اولاده الثلاثة من اميركا فكان الاحتفال بمدائح نبوية ابدع فيه المادحون مما جعل عمكم يرقص ويرطن ويملأ الساحة ضجيجا روحيا .
بعد انتهاء الحفلة انزوى الاولاد بوالدهم وكشفوا له عدم رضاهم على رقيصه وهطرقته في المديح
ولتطييب خاطر الاولاد قال ليهم ( طلقانة امكم دي بتلاتة تاني ما بنزل في حلبة مداح)
شكره اولاده على كلماته هذه وذهب كل منهم لينام في غرفته الخاصة مع زوجته
بعد اسبوع واثناء ما كان جالسا مع ابنائه وهم يحتسون شاى المغربية سمع صوت مداح يدقون الطارات بمدحة نبوية لم يسمع صوتا مثله من قبل - صنف وصنف وصنف وسكت وسكت ورفع راسو لاولاده وقال ليهم ( الليلة امكم اتطلقت طاااااب)
Post: #2 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-14-2011, 09:06 PM Parent: #1
عيد المولد فووووووق
Post: #3 Title: Re: دا البطلّق امّكم ذاتو ( يوجد عيد مولد) Author: ادريس خليفة علم الهدي Date: 02-14-2011, 09:22 PM Parent: #2
سجن سجن غرامة غرامة
Post: #4 Title: Re: دا البطلّق امّكم ذاتو ( يوجد عيد مولد) Author: ادريس خليفة علم الهدي Date: 02-14-2011, 09:41 PM Parent: #3
Post: #5 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-14-2011, 10:08 PM Parent: #4
شكرا يا ادريس
بس للاسف ما بفتح عندي لاسباب فنية
Post: #6 Title: Re: دا البطلّق امّكم ذاتو ( يوجد عيد مولد) Author: عبدالعزيز الفاضلابى Date: 02-14-2011, 10:26 PM Parent: #5
Quote: بس للاسف ما بفتح عندي لاسباب فنية
دوب مانقرفت ليك ربطة عنكوليب بفتح معاك
Post: #7 Title: Re: دا البطلّق امّكم ذاتو ( يوجد عيد مولد) Author: سيف الدولة كامل Date: 02-15-2011, 01:12 AM Parent: #6
ههههههههههههههههههههههههههههههههه
ترقبوا قريبا علي صفحات سودانيزاونلاين
الباهي الشفت السفر خاله ودشيقوق من مسقط للبردانة في خمس دقائق.
للمسنووووووووووووح ود الكامل
Post: #8 Title: Re: دا البطلّق امّكم ذاتو ( يوجد عيد مولد) Author: ABDALLAH ABDALLAH Date: 02-15-2011, 02:03 AM Parent: #7
Quote: سمع صوت مداح يدقون الطارات بمدحة نبوية لم يسمع صوتا مثله من قبل - صنف وصنف وصنف وسكت وسكت ورفع راسو لاولاده وقال ليهم ( الليلة امكم اتطلقت طاااااب)
عمك دا الظاهـر عليهو كان بيسـمع كتير مـديح وقصـيد الشـيخ احـمـد ودسـليمان عند جـدنا المهــل والشـيخ عـلى المـبارك... غـايتو الشـيخين ديل لمن كانوا بنقروا الطـار كل زول بخت إيدو فوق قلبو عشـان ما يطــير.. تقولى طـلاق أم!!!
Post: #9 Title: Re: دا البطلّق امّكم ذاتو ( يوجد عيد مولد) Author: حذيفه ابراهيم الكباشي Date: 02-15-2011, 02:44 AM Parent: #8
صلى الله عليك يا احمد بصيرة الشوف
ود شيشوق سلامات
قدمت للتو من ساحة المولد بأمدرمان
وقد برع مُداح جناب سيدي رسول الله في سودنة السيرة النبوية
وكأن الرسول الاكرم قد ولد وعاش في امدرمان ....ومكة هي اشرف بقاع الله بلا ريب
ولكن من طيب حظنا نحن السودانين اننا نحس اننا نتمى لهُ عليه الصلاة والسلام وكنه سوداني
ومثلما ان القرأن صالح لكل زمان ومكان فالرسول الاكرم كذلك رسول في كل زمان ومكان
واليوم والله احسست اننا منهٌ وانهٌ منا
صلى الله عليك يا احمد بصيرة الشوف
........
Post: #10 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 04:19 AM Parent: #9
جاييكم نمدح معا
Post: #11 Title: Re: دا البطلّق امّكم ذاتو ( يوجد عيد مولد) Author: الزاكى عبد الحميد Date: 02-15-2011, 04:28 AM Parent: #10
كل سنة وانت طيب يا شيقوق.. وعلى صاحب المناسبة الصلاة والتسليم.. اللهم صلي على رسول الله سيدنا محمد وعلى آله وصحبه الكرام....
بعدين ما تنسى المولد في النادي الليلة ذكر ومديح مع شيخك ذاتو
Post: #12 Title: Re: دا البطلّق امّكم ذاتو ( يوجد عيد مولد) Author: خالد العبيد Date: 02-15-2011, 04:40 AM Parent: #11
القبة اليلوح قنديلا
Post: #13 Title: Re: دا البطلّق امّكم ذاتو ( يوجد عيد مولد) Author: خالد العبيد Date: 02-15-2011, 04:43 AM Parent: #12
فوق مطايا
Post: #14 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:14 AM Parent: #13
الفاضلابي
Quote: دوب مانقرفت ليك ربطة عنكوليب بفتح معاك
ابعد يا شرير دا ما بوست عنكوليب دا بوست مدائح نبوية
Post: #15 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:16 AM Parent: #14
الكامل
Quote: ترقبوا قريبا علي صفحات سودانيزاونلاين
الباهي الشفت السفر خاله ودشيقوق من مسقط للبردانة في خمس دقائق.
بطل السناحة كان عندك مدحة نزلها لينا بس
Post: #16 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:20 AM Parent: #15
عمك دا الظاهـر عليهو كان بيسـمع كتير مـديح وقصـيد الشـيخ احـمـد ودسـليمان عند جـدنا المهــل والشـيخ عـلى المـبارك... غـايتو الشـيخين ديل لمن كانوا بنقروا الطـار كل زول بخت إيدو فوق قلبو عشـان ما يطــير.. تقولى طـلاق أم!!!
يا زول والله المادح الصحي صحي لما يتكي رقبتو ويطرب نفسو اول حاجة عشان يرفع راسو لا فوق دا ياهو البطلق الامهات ذاتو
Post: #17 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:23 AM Parent: #16
حذيفة
Quote: قدمت للتو من ساحة المولد بأمدرمان
وقد برع مُداح جناب سيدي رسول الله في سودنة السيرة النبوية
وكأن الرسول الاكرم قد ولد وعاش في امدرمان ....ومكة هي اشرف بقاع الله بلا ريب
ولكن من طيب حظنا نحن السودانين اننا نحس اننا نتمى لهُ عليه الصلاة والسلام وكنه سوداني
ومثلما ان القرأن صالح لكل زمان ومكان فالرسول الاكرم كذلك رسول في كل زمان ومكان
واليوم والله احسست اننا منهٌ وانهٌ منا
احسنت وبوركت لنقل هذه الصورة الطيبة من ساحات المولد الامدرمانية
Post: #18 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:25 AM Parent: #17
زيكو
Quote: كل سنة وانت طيب يا شيقوق.. وعلى صاحب المناسبة الصلاة والتسليم.. اللهم صلي على رسول الله سيدنا محمد وعلى آله وصحبه الكرام....
بعدين ما تنسى المولد في النادي الليلة ذكر ومديح مع شيخك ذاتو
كل سنة وانت وافراد الاسرة الميامين بالف خير
مش الخميس؟
Post: #19 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:28 AM Parent: #18
خالد ود ابوي العبيد
يطول عمرك فقد عمت نفحات عطاياك كل ارجاء المعمورة ولنا اجر المناولة
Post: #20 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:30 AM Parent: #19
خالي عمر وين يا اخوانا؟
ما شاف البوست دا ولا شنو؟
Post: #21 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 05:52 AM Parent: #20
ممنوع اقتراب المسانيح والمسنوحات لهذا البوست
Post: #22 Title: Re: دا البطلّق امّكم ذاتو ( يوجد عيد مولد) Author: سيف عبد العزيز Date: 02-15-2011, 08:25 AM Parent: #21
ود شيقوق كل سنه وانت طيب وصلى الله على المصطفى
Post: #23 Title: Re: دا البطلّق امّكم ذاتو ( يوجد عيد مولد) Author: عادل الباهي عبدالرازق Date: 02-15-2011, 08:54 AM Parent: #22
الخال الطيب شيقوق
كل سنه أنت وأسرتك بالف خير
Post: #25 Title: Re: دا البطلّق امّكم ذاتو ( يوجد عيد مولد) Author: عادل الباهي عبدالرازق Date: 02-15-2011, 09:26 AM Parent: #23
Post: #24 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 08:59 AM Parent: #22
Quote: كل سنه وانت طيب وصلى الله على المصطفى
كل عام وانت والاسرة بالف خير يا استاذنا سيف
Post: #26 Title: Re: دا البطلّق امّكم ذاتو ( يوجد عيد مولد) Author: Abdlaziz Eisa Date: 02-15-2011, 09:49 AM Parent: #24
Quote:
ابعد يا شرير دا ما بوست عنكوليب دا بوست مدائح نبوية
المسنوح
سلام
السمح شنو في الكولد بلا عنكوليبو!!!
عاد دي ما مدرستك..
Post: #27 Title: Re: دا البطلّق امّكم ذاتو ( يوجد عيد مولد) Author: فيصل محمد خليل Date: 02-15-2011, 09:50 AM Parent: #26
اجيب ليك شرائط من الدولاب التاني ؟
__ كل سنة طيبين طيبين
Post: #28 Title: Re: دا البطلّق امّكم ذاتو ( يوجد عيد مولد) Author: طه إبراهيم عبد الله Date: 02-15-2011, 10:15 AM Parent: #27
أولاً ألف صلاة وسلام على سيد الأنام ثانياً تحية وسلام للطيب شيقوق والأحباب الكرام ثالثاً حسرة وشوق ودمع كالغمام على حالنا الما بسر .. اتصلت قبل قليل وقبل أن أطالع هذا الخيط على شقيقي في السودان وأول ملاحظة قلت ليه الليلة مالك صوتك هادئ كدا كأنك في المكتب ( ذلك لأن معظم عمله خارج المكتب ) قال : أنا فعلاً في المكتب تعرف اليوم الناس إجازة لكن عندي شغل متراكم لازم أخلصة قلت : إجازة بمناسبة شنو ؟ استغرب سؤالي وقال لي : إجازة المولد يا زول قلت ليه : مولد شنو ؟ الله .. المولد الواحد دا .. هو في مولد غيرو .. إنت ناسي نبيك ؟ - يا الله .. هو بالله دا شهر المولد .. لا حول ولا قوة إلا بالله .. قال لي : يشهد الله إنكم مسانيح .. وا حسرة علينا نحن المسانيح العيال وأمهم قبل أسبوع شابكننا فالنتاين فالنتاين لمن البيت بقى زي الكرملين
Post: #31 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 10:49 AM Parent: #27
Quote: السمح شنو في المولد بلا عنكوليبو!!!
عاد دي ما مدرستك..
مسنووووووووووح دا مولدكم انتو نحن مولدنا فيهو القنقليس
Post: #29 Title: Re: دا البطلّق امّكم ذاتو ( يوجد عيد مولد) Author: عمار زكي Date: 02-15-2011, 10:34 AM Parent: #18
Quote: كل سنة وانت وافراد الاسرة الميامين بالف خير
مش الخميس؟
يا شيخ العرب .. الخميس يا تو أنت كنت نائم ولا شنو الإحتفال الليلة الثلاثاء الخامس عشر من فبراير مع شيخك ذاتو
المداح دخلوا على واحد في طرف الحلة وكان بخيلا قدم ليهم الموية فاضية .. وكان عنده حمل فجاء الحمل وقعد ينطط قدام المداح .. فقالوا له : أنت العليك سويتا الباقي على صاحبك
Post: #30 Title: Re: دا البطلّق امّكم ذاتو ( يوجد عيد مولد) Author: طارق جبريل Date: 02-15-2011, 10:46 AM Parent: #29
يا شقي الحال كدي خلنا من المديح شوفلنا سمسمية رسلها لينا
Post: #32 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 12:30 PM Parent: #30
Quote: اجيب ليك شرائط من الدولاب التاني ؟
قلنا ليكم مافي عنكوليب
Post: #33 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 12:33 PM Parent: #32
استاذ طه ود ابراهيم
سلام
Quote: وا حسرة علينا نحن المسانيح العيال وأمهم قبل أسبوع شابكننا فالنتاين فالنتاين لمن البيت بقى زي الكرملين
هههههههههههها والله اخي طه نفس معاى انا - اتصلت بالاولاد اول امبارح وكانوا مهتمين بالفولنتاين اكثر من المولد النبي - العياذ بالله
Post: #34 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 12:36 PM Parent: #33
د. عمار ود توتي
Quote: يا شيخ العرب .. الخميس يا تو أنت كنت نائم ولا شنو الإحتفال الليلة الثلاثاء الخامس عشر من فبراير مع شيخك ذاتو
المداح دخلوا على واحد في طرف الحلة وكان بخيلا قدم ليهم الموية فاضية .. وكان عنده حمل فجاء الحمل وقعد ينطط قدام المداح .. فقالوا له : أنت العليك سويتا الباقي على صاحبك
والله يا دكتور اكان ما وريتوني كان عييييييييك فات منى
والله المادح رجل عالم ودمو خفيف خمالص انا ماشي اليوم لمزيد من الطرف
طارق المسنوح
ما عندنا سمسمية ولا عنكوليب هنا
Post: #35 Title: Re: دا البطلّق امّكم ذاتو ( يوجد عيد مولد) Author: الطيب شيقوق Date: 02-15-2011, 12:51 PM Parent: #34
