Post: #1 Title: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 10:35 AM
Post: #2 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 10:43 AM Parent: #1
ده حنا مشكرين ع الإضافة العظيمة يا باشمهندس. يعني الأيقونة دي لمان تشوفا في عنوان البوست معناها: البوست فيهو نداء، أو هرجة تسمّع المنتديات الفي النت كلها، أو وآحد قاعد يطبّل للرئيس، أو أحد أعوانه.
يا ريّس لو سمحت عايزين نقترح بعض الأيقونات، عشان تاني الوآحد يعرف البوست من الأيقونه وعليه يحدد يدخل واللآ، لا ...
Post: #3 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 10:49 AM Parent: #2
بقترح الأولى دي لبوستات خطابات البشير بتاعت القطع، والقطع من خلآف. يعني الوآحد بمجرد يشوفها يعرف إنو ممنوع دخول البوست لأقلّ من 18 سنة...
Post: #4 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 10:56 AM Parent: #3
الجوز ده لبوستات الدواس، والكسر. لك ان تختار. برضو بعض الأعضاء ممكن يستفيدو منهن كصورة بروفايل...
Post: #5 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 11:12 AM Parent: #4
ده مهم جداً عشان الوآحد من الأوّل يعرف إنو البوست مسكون. يا يتحصّن ويدخل، يا ينسى الموضوع خالس...
Post: #6 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-14-2011, 11:46 AM Parent: #5
ده لمناضلي الكيبورد. يعني من تشوف الأيقونة تعرف أنو البوست يحوي نضال، أو دعوة لمظاهرة، دعوة لإعتصام، دعوة اتضامن، وهلمّ جرّه...
Post: #7 Title: Re: يا عيني ع الإضافة يا باشمهندس بكري، ده أنت نورت البورض... Author: اسماء الجنيد Date: 02-14-2011, 11:49 AM Parent: #6
ود عمي المدير حبابك يعلم الله سائلين منك
دحين يا خوي صور الخلاقات دي بتجيبها من وين ؟ آي خلاقات والله صحي
Post: #8 Title: Re: يا عيني ع الإضافة يا باشمهندس بكري، ده أنت نورت البورض... Author: محمد البشرى الخضر Date: 02-14-2011, 11:58 AM Parent: #7
ود المدير عليك النبي شوف لي حل لأيقونة "خبر عاجل" مغستها قاطعة قلبي الله يسألني اقترح الغاءها و تبديلها بتلاتة اربعة ايقونات او أياقين ( جمع جيش ) أولا : ايقونة تخمين : للزول البلفح الخبر من الجزيرة و يتمو موية من عندو و يجيبو تانيا : أبقونة تحليل : للزول البقرا التخمين الفوق و يتم عليه موية جبنة و زيت و يجيبو كخبر تالتا ايقونة تمني: للبقرا التخمين و التحليل بضيف شوية شمار و يجهزو الباقيات بجيهن ليك بعدين كدي شوف لي ايقونات مناسبة للفوق ديل
Post: #9 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 02:43 AM Parent: #8
Quote: ود عمي المدير حبابك يعلم الله سائلين منك دحين يا خوي صور الخلاقات دي بتجيبها من وين ؟ آي خلاقات والله صحي
تسعل مِنّك العافية يا بت اعمي الجنيد، ديل مياهن التصاوير البيقولوهن. زمان حبوبتي اقولها، يا حبوبة النوريك الصور. تقول اوووعك، التصاوير انا مكجناهن. اقولها، يا حبوبة ديل صور عرس ود ناس فلآن. تقول لي، لا، لا امش فوووت في شغلك، بيجيبن لي اللباش. مسعولة من الخير يا بت الجنيد، إنت النيمة كبرتوها وللآ شنو؟ امانة ما ني مشتهي لي لمّة في ضليلها. والله صحي.
اها، عليك الله شوفي نفر ديل الهوايل!!!
Post: #10 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 02:50 AM Parent: #9
بعض الأعضاء يفترض تكون عندهم أيقونات سابته ( ماركة مسجلة ) يعني بمجرد تشوف الأيقونة تعرف إنو ده بوست فلآن.
علي سبيل المثال لا الحصر: بمجرد ما تشوف الأيقونة دي، تعرف إنو كاتب البوست ود الصايم، وطوالي تتوقع وجود الضحكنجية، والدهماء، والرجرجة...
Post: #11 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 03:33 AM Parent: #10
بمجرّد ما تشوف الماركة المسجلة اعلآه، طوالي تعرف إنو كاتب البوست صـديق الموج. تدخل جوّة تلقى، صديق الموج، كنتونا، محمد البشرى الخضر، هشام هباني، خالتي دومة....إلخ، ويقوموا يشبكوك يا ود غسّل لجدك. يا ود جيب لحبوبتك محفضتا من تحت العتنيبة، ووووو....إلخ لحدي ما تزهج وتكب الزوغة...
Post: #12 Title: Re: يا عيني ع الإضافة يا باشمهندس بكري، ده أنت نورت البورض... Author: احمد محمد بشير Date: 02-15-2011, 03:39 AM Parent: #11
Post: #13 Title: Re: يا عيني ع الإضافة يا باشمهندس بكري، ده أنت نورت البورض... Author: الطيب رحمه قريمان Date: 02-15-2011, 04:03 AM Parent: #12
الاخ الفاضل ودالمدير
لك التحية الطيبة
بالله عليك خلينا نشوف الصيف الجاى , سوف ازور Emonton ان شاء الله
Post: #14 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 05:37 AM Parent: #13
ســـــــلآم يا ود البشرى.
Quote: أولا : ايقونة تخمين : للزول البلفح الخبر من الجزيرة و يتمو موية من عندو و يجيبو
اها يا ود البشرى، ده نموذج لزولك البيلفح من الجزيرة. الخبر بلآ ينجض يلفحوا ويجي جاري بيهو السوق. لآمن تبقى عليهو شفقة بت العطا اللحقوها سجما في المقابر.
Quote: تانيا : أبقونة تحليل : للزول البقرا التخمين الفوق و يتم عليه موية جبنة و زيت و يجيبو كخبر
أها ده النوع العامل فيها ساحر ومقددا، وبتاع تنظير يدي ليك الخبر موية جبنة وزيت، ويجيهو. النوع ده دايماً بيكون بيعرف يقعّد الكلآم طبعاً، ولا يمكن يقتنع إنو غلطان ابداً.
Quote: تالتا ايقونة تمني: للبقرا التخمين و التحليل بضيف شوية شمار و يجهزو
دي بتاعت التمني، لو كان التمني بينفع كل حبيب. ودي هُوآدة في التمني، مني أنا.
Post: #15 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 05:44 AM Parent: #14
الماركتين اعلآه مسجلآت للأخوين معاوية حسين، وخليل. بمجرد ما تلقاهن أعرف إنو في تحليل رياضي، والهلآل والمريخ مغلوبين لو لآعبين برّه السودان. في البوست اكيّد حا تلقى طارق الكوتش، وكيكي.
Post: #16 Title: Re: يا عيني ع الإضافة يا باشمهندس بكري، ده أنت نورت البورض... Author: داليا الكباشى Date: 02-15-2011, 06:56 AM Parent: #15
ممكن أيقونه (البوست دا لو خشيتو حاتشوف النجوم في عز الضهر) ؟
تحياتي , بوست دمو خفيف :)
Post: #17 Title: Re: يا عيني ع الإضافة يا باشمهندس بكري، ده أنت نورت البورض... Author: محمد علي شقدي Date: 02-15-2011, 07:08 AM Parent: #16
Quote: دحين يا خوي صور الخلاقات دي بتجيبها من وين ؟ آي خلاقات والله صحي
سلامات يا معاوية اها والتعليقات البتمرقك من اجواء الاحباط دي ادنا ليها علامة
Post: #18 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 10:32 AM Parent: #17
مشكور أحمد محمد بشير. قدو قدو، شخشياً !!!
Post: #19 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 11:03 AM Parent: #18
Quote: الاخ الفاضل ودالمدير لك التحية الطيبة بالله عليك خلينا نشوف الصيف الجاى , سوف ازور Emonton ان شاء الله
الأخ الحبوب الطيّب رحمة قريمان، حبابك ألف. أنا في RED DEER.. 4035977151
Post: #20 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-15-2011, 03:37 PM Parent: #19
Quote: ممكن أيقونه (البوست دا لو خشيتو حاتشوف النجوم في عز الضهر) ؟
انا أضيف!!! ده انا غلبببببببببببببان، ايوه انا حاضيف، انا حاضيف.
شكراً داليا علي المرور، والتعليق الجميل. إن شاء الله الأيقونة تكون مناسبة مع البوست المقصود
Post: #21 Title: Re: يا عيني ع الإضافة يا باشمهندس بكري، ده أنت نورت البورض... Author: معاوية المدير Date: 02-16-2011, 08:54 AM Parent: #20
Quote: سلامات يا معاوية اها والتعليقات البتمرقك من اجواء الاحباط دي ادنا ليها علامة
