بورداب أي حته في الدنيا ما عدا السعـوديه .. عليييكون الله ^_^

ازيكون أول شي ,
محتاجه لي مجموعه من الكتب ما قادره القاها هنا,
متعلقه بي امتحان البورد الامريكي USLME Step1 ,Step2, Step3
خاصه Step3 ,
نظرا لانو الامتحان ما موجود في المملكه ,
بالنسبه للدول العربيه , الامتحان موجود في دبـي , والقاهره , دا حسب علمي حتى الان ..

بالنسبه لي بلاد برره , فهو موجود في اي بلد اورربي, استراليا , وفي امريكا بي طبيعه الحال ,,
البيقدر يلقى لي الكتب دي , بس يديني خبر, سواء بالماسنجر أو عن طريق الايميل ,
ساتكفل بي ثمنها وكافه مصاريف شحنها .. بس دلوني عليها عليييكون الله
اختكم مزنوئه ..وامتحاناتها قرربت (^_^)

ايميلي dallwsha(at)hotmail.com

سجمنا .. عاوزة تكتبي في البورض الأمريكي؟
ليه ياخ! بورضينا دا عمل ليكـ شنو؟

Quote: سجمنا .. عاوزة تكتبي في البورض الأمريكي؟ ليه ياخ! بورضينا دا عمل ليكـ شنو؟

ههههههههههههههههههههههههه ...................

ده كلام دكاترة اطلع منها ياعمك .......

يادكتورة ياريت تختي بيانات كاملة عن الكتاب المطلوب

اسم الكتاب ، المؤلف ، ....... الخ

جنابو دكتور عمر عثمان

يعني بس جيت أقول أرفعوا لي بوستيني دا معاكون ,
لقيت ود الصايم متحكر في نص البوصطي :)

تموووت في الرصطنه دي انت :)



عليك الله ما أوصيكون .. كل شويه أعملو لي البوصطي (اوبببح)
جيبوا شاي وقهوه وتسالي واتونسوا فيهو .. لمن يستنفذ اغراضو بلملم الفرشات وكبابي الشاي واقول ليكم امشوا نوموا :)

Quote: جيبوا شاي وقهوه وتسالي واتونسوا فيهو

لا ياخ!
والتوفيق دا عملوهو لمنو لمن نحن نشرب شاي؟!

Quote: يادكتورة ياريت تختي بيانات كاملة عن الكتاب المطلوب اسم الكتاب ، المؤلف ، ....... الخ

أيون أيون
شفتا ناس النجيضه جـو ,
يا دكتور عومر عوسمان , دا كتاب تلاته اجزاء , يعني تلاته كتب , يعني سلسله اسمها Kaplan series - USLME step 1 , 2, 3
كل (استبايه) في كتاب ..
طبعا انت دكتور كبيير وفاهم الحاجات دي كويس (^_^)


ود الصايم ====ّّّّ توفيق الحكيم ؟

Quote: ود الصايم ====ّّّّ توفيق الحكيم ؟

لا توفيق الدقن

انتو ناوين تقدو سلك...وتمشوا لي مكي بتاع الدورات التدريبية في النضال في محلو
ما تناضلوا من السعودية يا دالية...(الكلام دا موجه لزميل البورض)

Quote: الامتحان موجود في دبـي

قلنا ليك اخطفى رجلك وتعالى كوولها ساعات افطري معانا وارجعى اتعشي مع زميل البورض ..
وشوفى استيباتك الانتى عايزاها .... اها قلتى شنو ....؟

ده ينفع

http://www.usmle.org/Orientation/2011/menu.html

الخواض ,
دا الويب سايت وانا عندي اوكانت فيهو واي حاجه, دي الكتب المطلوبه فعلا ,
لكن أنا محتاجه للكتاب زات نفسيهو ,
قرايه الاون لاين دي يتنفع في حاجات محدده .. اونلاين تست مثلا أو ماشابه


شكرا لي اهتمامك , وبالمناسبه لفتا نظري لي حكايه الـ Edition
لازم يكون 2011

تحياتي ,,

Quote: قلنا ليك اخطفى رجلك وتعالى كوولها ساعات افطري معانا وارجعى اتعشي مع زميل البورض .. وشوفى استيباتك الانتى عايزاها .... اها قلتى شنو ....؟

مووافقـه جدن جدن ,
رسلي تزكره في الايميل الفوق دا , ورسلي معاها عدد واحد (حنك سنين) يقنع زميل البورض بي الفكره دي
(الحنك رسليهو اتاشمنت عشان بيكون تقيل وكدا, وعشان ما يأثر على التزكره)


لووووول (^_^)



------------------
نزار حسين .. نضميك دا أنا لا ايدي لا كراعي فيهو
فااااا شنو , يجيك زميل البورض يرد ليك ,
فورويردي سرريع لعنايه زميل البورض حفظه الله ورعاه :)

Quote: لكن أنا محتاجه للكتاب زات نفسيهو

قصدك انك عايزة الكتاب شخصياً؟

غايتو حنرفع ليكي البوست

دا حالتي وصيتكون ؟
أوبببح طيب برااااي :(

http://books.shop.ebay.com/i.html?_nkw=Kaplan+series&_s...=p3286.c0.m270.l1313





مدام تمبس
غير متوفر طرفنا....لكن
موجود فى ebay كما أعلاة
بس واحد من بورداب اوروبا يستلم
ويقوم يرسل ليك الكتب .....

قصرنا معاك؟؟؟؟

Quote: بورداب أي حته في الدنيا ما عدا السعـوديه..

؟؟؟؟؟؟؟؟؟

و لا ســـلام ساكت..؟؟؟؟ ( بالمناسبة الإجابة متوقعة)




.

الأخت الدكتورة داليا
تحية طيبة
بما أنى فى الخرطوم فأنا خارج التغطية
لكن امشى لعقارية الملز فى مكتبة محترمة
ومتخصصة فى الكتب الطبية
لعامل السن فقد نسبت اسم المكتبة
واسم الرجل الموسوعة السودانى
الموجود فى المكتبة
عمك ده بيحل المشكلة
وفقك الله
وسلامى الحار لكل بورداب الرياض

داليا حبابك

في كم نفر من الاصدقاء هنا شغالين في الموضوع دا هسي
في واحد منهم خلص وعمل 92 في استيب 2 وهسي مبسوط وبدأ
في الريسدنسي بتاعتو اكييييييييد بتكون عندو الكتب دي
وتاني في اتنين برضو اصدقاء واحد خلص استب 2 وشغال في 3
والتاني يا دوبو بدأ والموضوع دا اصبري لي كم يوم كدا وبنجضوا
ليك وممكن انسق ليك مع اي منهم لو حبيتي تستفسري عن ادق
تفاصيل الموضوع دا لانهم هم هسي في نص المعمعة لوووووووول
داير اطمنك انو معظم السودانيين السمعت بيهم امتحنو اجتازوا
الامتحانات دي بالذات ستيب 2 لكن بتعثروا شوية في استب 3
لانو فيهو نقة ومقابلة مرضى وحنك كتير وطبعا مشكلة الاكسنت
والكوميونيكيشن دي من المشاكل الكبرى البتعترضهم لكن بشوية
براكتس قاعدين يباصو. ما اطول عليك خليني اعمل لي كم اتصال
وبديك النجيضة علي قول اخونا ود الصايم

لكن يا فلانة مااا لقيتك من عاشر قوماً وكده ..
يعني بعد الكاميرا عايزين كتب !!!
غايتو البوست الجاي الشافكم عملتو بوست موجه لي بورداب كافوري مااا كضب ورجاء شوفوا لينا قطعة ارض جمبكم
تخريمة :
كتابي الأول ينفع؟وبالعدم ممكن كتاب المطالعة

Quote: مووافقـه جدن جدن , رسلي تزكره في الايميل الفوق دا , ورسلي معاها عدد واحد (حنك سنين) يقنع زميل البورض بي الفكره دي (الحنك رسليهو اتاشمنت عشان بيكون تقيل وكدا, وعشان ما يأثر على التزكره)

يا حبيبة ... التذكرة مقدووووووور عليها ..

الحنك ده ... مهما حنكنا ما بكون زي حنك (سياد الشيء زااااته) ...

وبعدين لازم يكون حنك (فيس تو فيس) اها ترسلي لي للمهمة دي !!..

خلاص كملتي الحفلات والهجيج قمتي تفتشي على القراية




ـــــــــــــــــــــــــــــــــــ

ما تفهميني غلط قلنا نرفع ليك البوست

دلوش ..........سلام
نوع كتبك ديل ما بنفهم فيهن
كتاب ابله النظيره كيف معاك؟؟
وكتاب الشيف اسامه السيد ما بمشو
الحال لامن تلقى كتبك دي؟؟

تخريمه كلام البعيو ماترمى واطه
فى وسط العقارية القديمه شارع الستين الملز توجد مكتبة المجتمع
وفيها سودانى كان امين مكتبة فى جامعة الخرطوم وعنده اى شى
زميل البورد ما تكسل بالله ولو مرينا بهناك بنسال ليك منهن ابنة اختى،،

يا حسن مكاوي مصادري بتقول انو السلسله ديفي البحرين موجوده ,
كدي فتش تاني برااحه :)

ساميه حامد سوقي راجلك دا من قدامي سريع (مشتاقين ياخ)

عمر الفاروغ , ياخ انت بالله حي ؟ وقاعد معانا في رياض المجد دي ؟ طيب انشالله خت لي (التوب) في اي بقاله في شارع الملك فهد :) :)

صديق الموج وانور الشيخ ماقصرتوا , بحاول اشوف المكتبه دي ويارب اتوفق ,,

الفاتح شلبي شكرا لرفع البوست ..

الخيرووف .. منتظره نجيضتك يا صاحب :)

عفاف صحبتي , والله انا كان علي بركب بكره اجييكون :)

Quote: عفاف صحبتي , والله انا كان علي بركب بكره اجييكون

لعناية زميلنا علاء الدين .....

ياناس السعودية .. عامل لينا زحمة في الفاضي ساكت !
يلا أتخارجو .. في إنتظار ناس أستراليا وكدا .

يا دكتورة والله نفسنا نساعد


لكن كل الكتب هنا بالفرنسي بس قلنا

نرفع البوست شوية

كوني بالف خير

يا دكتورة


قلنا اضعف الايمان نرفع ليك البوست

والله يا بتي شيتك ده ماساهل
وفتشت ليه ولقيت في امازون و اي بي
http://www.amazon.com/gp/offer-listing/B004HBC73Q/ref=d...e=UTF8&condition=new
http://books.shop.ebay.com/i.html?_nkw=Kaplan+USMLE+Ste...=p3286.c0.m270.l1313

فشوفي طلبك في الموقعين ديل اذا موجود خير وبركه والباقي ساهل
واذا مافي خلينا نفتش ليك بالدرب العديل في المكتبات ...

http://www.amazon.com/s/ref=nb_sb_ss_c_1_12?url=search-alias%3Dstripbooks&field...sprefix=usmle+step+3

داليا ... سلامات

أيهم تريدين ونحن تحت الخدمة ....

وتحياتى ..

Quote: فى وسط العقارية القديمه شارع الستين الملز توجد مكتبة المجتمع وفيها سودانى كان امين مكتبة فى جامعة الخرطوم وعنده اى شى

هلا بالدكتورة داليا
بخصوص المكتبة الذكرا عمو الكبير ده،
إسمها مكتبة دار العلوم
وعشان الزميل ما يضرب مشوارين،،
ونبقى في أجاويد ،، أبيت ما بمشي،،
تم تحويل المكتبة للدائري الشمالي،أظن مخرج 5
...
تحاياي للزميل.

عاجبني في الموضوع ده انو بعلك بكون مقطعها في حنانو اسه
كتب + رسوم بريد
و بالعدم تزكرة لي دبي + اعلاه



في ميزان حسناتك يا عريس

سلام يا داليا أنا زوجي امتحن وعنده الكتب بس قديمه لكن أنا ما عندي مانع انتي فتشي اونلاين و رسلي لي اللنك و أنا بخلص المو ضوع و برسل ليك الكتب أنا فتشت و لقيت واحد عارض 550 $ب-550 $


I'm selling the NEW kaplan usmle step 1 lecture notes
these books are BRAND NEW, NOT USED.
$550 USD

THESE ARE THE NEW EDITION, JUST CAME OUT!

NOW IN FULL COLOR.

THIS IS THE ONLY THING YOU NEED FOR STEP 1.

CHECK THIS AD.

http://newyork.craigslist.org/mnh/bks/1990491648.html

العزيزه عفراء .. تحياتي :)

أول حاجه شكرا كتيير على اهتمامك بالموضوع ,
يلا بالنسبه لي اهم حاجه في كلامك القلتيهو دا هو الدكتور زوجك اللي امتحن ,
دا بالنسبه لي مصدر معلومه ممتاز جدا ,
لو عندو امتحانات قديمه , سيديز بتاعت MCQs بالذات لي Step 2 ,3 تكون دي اجمل حاجه ,
ياريت تتواصلي معاي بالايميل عشان يديني معلومات اكتر عن الامتحان والتحضير ليهو وكدا :)

شكرا كتير يا حبيبه بالجد ما قصرتي :)
وتخدمك السعاده والايام الطيبه يارب :)

تحياتي للدكتور ,,

سلام يادكتورة

أولا أنا ماعارف لماذا تبحثين عن استب ثرى؟

فلكى تكونى مؤهلة للعمل بالمستشفيات الأمريكية فأنت لاتحتاجينه إلا قبل نهاية السنة الثالثة فى الرزدنسى..

عليك بالتركيز الآن فى استب ون فهو له عدة فوائد:
1/ قراءة استب ون ستسهل عليك استب تو الكلنكل نولج..
2/ اجتياز استب ون بنسبة 85ومافوق ستزيد ثقتك فى اجتياز استب تو الكلنكل نولج بنسبة أفضل..

بالنسبة لامتحان المعادلة الأمريكى لايحتاج لقراءة كتب بقدر ما يحتاج لحل أكبر كمية ممكنة من الام سى كيو..

ففوائد الام سى كيو:
1/ بتركز المعلومات فى راسك فى حين قراءة الكتب سهلة النسيان..
2/ حل الام سى كيو يساعدك على فهم طريقة الامتحان وسرعة قراءة السؤال واستيعابه لأن الزمن لكل سؤال محدود ويعتمد على سرعة القراءة والفهم وإلا خذلك الزمن. فكثير من الناس يساهم الزمن فى تحديد الاسكور.
3/ حل الام سى كيو يزيد ثقتك فى نفسك كلما احرزت اكبر عدد من الأجوبة الصحيحة..

كيف تتحصلى على هذه المواد اللازمة للإستعداد:

تدخلى الاى بى ebay.com تعملى عضوية بيوزر نيم وباسورد وحساب فى البى بال..
تكتبى فى خانة البحث usmle step 1 ..
بتجيك كل الكتب والسى دى والدى فى دى..
تختارى الدى فى دى الفيها المحاضرات بتاعة كابلن وتختارى السى دى الفيها الكيو بانك بتاعة كابلن و usmleworld
تسمعى وتشاهدى الدى فى دى واقرى اللكشر نوتس بتاعة كابلن برضو بتلقيها فى سى ديز..
بعد داك تحلى أكبر كمية من الكيو بانكس
لما تلقى نفسك بتجيبى 70% من الأسئلة صح تشترى كيو بانك بتاع كابلن وكيو بانك بتاع usmleworld لايف وتحليهم بطريقة تحديد الزمن بالضبط كما يحدث فى الإمتحان الحقيقى, والخاصية دى موجودة فيهم.

إذا جبتى 70% صح من المجموع الكلى بضمن ليك تجيبى اسكور أكثر من 90 فى الإمتحان الحقيقى.

وبنفس الطريقة تشتغلى استب تو الكلنكل نولج..

يفضل ليك الكلنكل اسكلز ودا الجزء التانى من استب تو ولايوجد إلا داخل أمريكا..

أهم شئ تعرفى تكنيك الإمتحان فالمعلومات بتكون فى راسك والكيو بانك + اللكشر نوتس + الدى فى دى المحاضرات بتركز المعلومات. ودا بخليك تمتحنى فى فترة أقصر.

وأتمنى لك التوفيق
جاهزين لأى أسئلة

السلام عليكم ورحمة الله

الرجاء مراجعة الرابط التالي
عسى ان يكون مفيدا

الناس اللي رفعوا البوست , الله يديكم العافيه يارب ^_^
ناصر جبريل قريبي , السيد المسلمي , وخالد العطا
ابو حسين اقنـوور .. بق ون :)

وليد دواش وامير عثمان , بوريكم الكتاب الاخترتو , كل واحد كتاب عشان نوزع المجهودات وكدا :)

عمو أحمد الصديق , معلومه مهمه شديد , والا كان نكون في البيحلنا من (النفييخ) و دق الجرس :)

خـدر انا ما برد عليك , لكن بجيب ليك الناس القدرك يردوا ليك (^_^)

البدري السلام عليكم ورحمه الله , الرابط مفيد وأي حاجه (:

خليها التصيح ونتفاهم
الدنيا ليل هنا...

د. داليا
تمنياتي ليك بالتوفيق،
كدي راجعي اللنك دا يمكن ينفع.


http://www.amazon.com/gp/product/141955316X/ref=pd_lpo_...FH#reader_141955316X

الاستـاذ أسامه عبدالجليل ,

الكتاب دا مهم جدا وانا محتاجه ليهو جدا جدا
احتمال يكون من أهم الكتب المحتاجه ليها الان ,
ممكن توريني أطلبو كيف وكدا ؟؟

تحياتي وشكرا جزيلا ..

آسف يا دكتورة لم أر ردك هذا إلا بعد الرسالة.
أرجو أن تكوني قد تمكنت من معرفة كيفية وصول الكتاب إليك.

دكـتور بله , المداخله (شحمانه) وقمه في التفصيل والرووعه .. شكرا كتيير قبل ما أرد ليك :)

Quote: أولا أنا ماعارف لماذا تبحثين عن استب ثرى؟ فلكى تكونى مؤهلة للعمل بالمستشفيات الأمريكية فأنت لاتحتاجينه إلا قبل نهاية السنة الثالثة فى الرزدنسى..

استيب ثري دايره الكتاب حقو بس , لانو حا اقرا منو لامتحان الهيئه السعوديه SLE
لانو شركه البرومتريك البتعملوا هي نفس الشركه البتعمل امتحان الرخصه السعوديه , بالذات استيب ثري (خطييره موش)

في الوقت الحالي , بفكر في اني امتحن استيب 2 , لانو النولج بتاع الكلينيكال قاعد في الراس
ولانو بيني وبينك كدا , في جووب معينه انا خاته عيني عليها , ومن شروطها يكون عندك استيب 2 أو ايلتس ,

بالنسبه لي استيب 2 تنصحني بي شنو ؟؟

Quote: وبنفس الطريقة تشتغلى استب تو الكلنكل نولج.. يفضل ليك الكلنكل اسكلز ودا الجزء التانى من استب تو ولايوجد إلا داخل أمريكا..

طيب لو امتحنتا استيب 2 في دبي أو في القاهره , ما باخد سرتيفيكت الا اكل الجزء التاني من استيب 2 ؟؟
الكلام دا مهم جدا بالنسبه لي ..

-----------------
انا محتاجه لي اسئله كتييره جدا بالخصوص دا
ياريت تضيفني في الـ MSN أو الاسكايبي .. ومعليش حا اتعبك كعاي شويه .. تحياتي وشكرا كتتييير كتيير جدا :)

Quote: أنا فتشت و لقيت واحد عارض 550 $ب-550 $

تامبا بكون قَنت اسه
ههههههههههههههههههههههه
اركز و إحتسب يا شرس ,

Quote: طيب لو امتحنتا استيب 2 في دبي

إلا تمشى دبى تانية غايتو

Quote: تامبا بكون قَنت اسه ههههههههههههههههههههههه اركز و إحتسب يا شرس

..
انا لم ادرس الطــب من قبل ..
لذلك فإن هذا البوست لا يعنيني ..

دا عصر كويس جـدا .. على الأقل
تقلل شوية من ميزانية المرتديلا!!

Quote: .. انا لم ادرس الطــب من قبل .. لذلك فإن هذا البوست لا يعنيني ..

الخيل تجقلب وتمبس يجقلب ...

وحتدفع يعني حتدفع

انا غير معني بالرد لكل من الاتية اسماءهم:
- طارق ابوعبيدة .. أو خدر أو أي كان اسمه
- محمد عبد الماجد الصايم مين مين كدا ما عارف ..
- صبري طـه بتاع النضارة ..
أو كل من يدرج اسمه لاحقـا ..
..
انا في السعودية .. وما سبق أن درست الطب أو زاولت هذه المهنة من قبل ..


فكونا بلاي بلاش ارهــاب معاكم ..

الإرهاب والكباب

أو

الإرهاب والمرتديلا




لاحظ يا تمبس عادل إمام لابس النضّارة


ـــــــــــــــ

Quote: انا غير معني بالرد لكل من الاتية اسماءهم: - طارق ابوعبيدة .. أو خدر أو أي كان اسمه - محمد عبد الماجد الصايم مين مين كدا ما عارف .. - صبري طـه بتاع النضارة .. أو كل من يدرج اسمه لاحقـا .. .. انا في السعودية .. وما سبق أن درست الطب أو زاولت هذه المهنة من قبل ..

هههههههههههههههههههههههه
الزول ده خلوهو يا شباب
لو عصرتوهو اكتر حا يقول ليكم داليا دي منو ؟

Quote: هههههههههههههههههههههههه الزول ده خلوهو يا شباب لو عصرتوهو اكتر حا يقول ليكم داليا دي منو ؟

طبعا أول حاجة بكون صرف واحد أب داود لبكري أبو بكر!!

بعدين إنتو يا محمد الصايم .. وصبري طـه
طالما قاعدين في السعودية وغير معنيين بالأمر دا ..
حقو تشوفي لي كتـاب:
تعلم الانقليزية في أسبوع ..
طالما قاعدين ساي كدا .. في البوست دا ..

بالنسبة لي خـدر أبوعبيدة
غايتو الله يوفقك وفيقه كدا زي وفيقة تبارك بتاعت أول أمس دي ويجيبو لي حيثياته بالـ DHL مرفق صورة..

أممممكـ .. ياخ أنا كنت ناسي بوست التوفيق!
النجر نلحق لينا جغمة .. أو نظرة تملا العين ساي!!

يا داليا ياخ انتي طلعتي دكتورة جدجد !!
ياخ عليك الله أعفي لي
عارفة يا عمتي المرا انا اي زول في سودانيز بلقا الجماعة شابكنو يا دكتور يا دكتور اكتشف لاحقاً إنو لا دكتور ولا مساعد طبي زاتو
أصلو بعيد عنك إنتي عارفة جماعتنا ديل أي زول لبس البالطو الأبيض ده إن شاء الله بيسوق عربية إسعاق بيشبكوهو ليك يا دكتور (لي في هذا المنبر سوابق)
ياخ أسة انا يادوووب اكتشفت إنك دكتورة صحي صحي ما كوضضوب كوضضووب ..
نرجع لي موضوعنا الأساسي ..
عارفة المداخلات الفوق حقت الناس دي كلللها (اصصصلو بقول مع احترامي ليها ) كلها ضاربة وبالجد جد عجبتني مداخلة بلة موسى فهي المداخلة الوحيدة الممكن تفيدك سيبك من حنك رسلي العنوان وامشي شارع الظهيرة (ده شارع الستاير والملايات والكلف أها من أسة وريتك إسمو في حال إحتجتي أي ستارة يعني ).
يعني بالله أسة إنتي طلعتي من نوع الجماعة اللي لمن تمشي ليهم بتعاورو فيك ويقولوا ليك قول عاااااع ؟؟؟
تخريمة :
بالنسبة لي موضوع التوب الأيام دي المعروض في سوق كلو هدوم شتوية غايتو الا اشتري ليك بطانية تخيطيها توب

تمبس كتب:

Quote: تعلم الانقليزية في أسبوع ..

يا عمّك رأيك شنو في كتاب إسمو "تعلّم الجرسة في أسبوع" ؟

عمـو هجام الشهير بي كستاوي ,
ترشيحك موفق , لكن الكونتنت ادفانس شويه ,
ممكن اختيار تاني ؟؟

Quote: إلا تمشى دبى تانية غايتو

ياخ يا ندوش دي خطـه .. خوووطاياخ ما تفشليها :) (^_^)

د.داليا ازيك
Prometric شركة بتوفر الinfrastructure للامتحانات، لكن ما ليها علاقة بالاسئلة... يعني نفس الشركة بتعمل امتحانات الcertificates بتاعته الكومبيوتر التابعة لMicrosoft، CICSO, CIW,,, وغيرهم... ما اعتقد انه كونها هي نفس البتعمل بتاعت البورد الامريكي والسعودي ده حيفيدك في محتوى الامتحان كتير

تحياتي وامنياتي بالتوفيق وامسكي في كلام د.بلة.. مرات الكتب بتكون ضياع زمن وقروش وبعدين بجننوك في البيت والرحول، اسأليني انا... لا تقدري تجدعيهم لا تقدري تخليهم

سلام يادكتورة داليا

كدى أدينى إيميلك عشان أرسل ليك استب ثرى..

لو عايزا تمتحنى للرزدنسى فى أمريكا أنصحك أن تبدى باستب ون ( الأسئلة برضو كلها كلنكال)..

لو عايزا استب تو كمادة تستفيدى منها لوظيفة فى السعودية أمشى ebay.com

للتأهيل للعمل فى أمريكا لازم تعملى استب ون واستب تو بجزئيه وتاخدى شهادة من الكومشن.

ولازم تبدى إجراءات التسجيل للكومشن من هسى لأنها بتاخد وقت.

إيميلى فى البروفايل رسلى لى إيميل العنوان يكون هذا الإيميل: (من دكتورة داليا) عشان ماقاعد أفتح الإيميلات المابعرفا. ومجرد ما استلم إيميلك حا تجيك ملفات معتبرة بكل ماتحتاجينه من استب ثرى بس بتاعة السنين الفاتو.

لكن لو عايزا المادة لايف تشترى من usmleworld.com الكيوبانك وسناريوهات لحالات إكلينيكية التلاتة شهور بما يعادل 144 دولار إذا مازادت دى الوقت, وممكن تمديدها برسوم محددة. برضو ممكن تشترى الكيوبانك بتاع كابلان لايف لأى مدة انتى عايزاها وطبعا السعر بختلف باختلاف المدة.

مع امنياتى بالتوفيق

طيب ولو جاك هذا الإيميل من عمر الفاروق كيف معاك ؟
والله الشاف تاج السر الليلة شات ليك ايميل معنون بي من دكتورة داليا اصصصلو ما كضب ..

تخريمة :
مريم يا بت الحسين لقيتك ساااكة امتحانات الاوراكل والمايكروسوفت وجيتي اتجدعتي لينا في داليا ال الكباشي ..خليوهم يقتنعو ناس الكمبيوتر زااتهم بيعرفو لي جنس حركاتهم دي

Quote: والله الشاف تاج السر الليلة شات ليك ايميل معنون بي من دكتورة داليا اصصصلو ما كضب ..

عمر الفاروق

عييييييييييييك

من لم يكن من امدرمان أو لاينتمى إليها فليكمل وطنيته ( شعار زى كدا لو تتذكر)

Quote: تخريمة : مريم يا بت الحسين لقيتك ساااكة امتحانات الاوراكل والمايكروسوفت وجيتي اتجدعتي لينا في داليا ال الكباشي ..خليوهم يقتنعو ناس الكمبيوتر زااتهم بيعرفو لي جنس حركاتهم دي

يا عمر الدكاتره ديل عقدونا، إكلينكال وما عارف إيه... انتو قايلننا ما عندنا حدايد ولا شنو (الله يديك العافية يا تبارك شيخ الدين المسّكتني في الكلمة دي)...

مريومه الشاطره :)
انتي بتقارني روحك مع عمر الفروغ وايا كان اسمه دا
دا عامه شعب ساي :)

بالمناسبه يا عومر , مريومه دي الميديكال انفورميشن العارفها , طالب طب في سنه سادسه ما عارفها ,
بالذات الحاجات البتتعلق بي صحه الاطفال , والرعايه الصحيه , وصحه الام , ودي حاجه ممتازه جدا , وما جاتها
هديه مع لبن المراعي طبعا , دا لانها بتقرا وبتطور نفسها , ودي سمه الانسان المتحضر الواعي .. صفقه لي مريومه الشاطره


بالنسبه لي مداخلتك , انا فعلا عرفتا انو شركه البرومتريك هي البتعمل امتحانات الهيئه , وامتحانات البورد الامريكي
في نفس الوقت , عشان كدا بيكون في تشابه كتير جدا في الاسئله , كما انو استايل الامتحان واااحد ,
عموما الامريكان ما بيحبوا النقه الكتيره في الامتحانات , بيكون عندهم حاجات معينه دايرين يتأكدوا انك عارفها وكتر الله افضالكم ..

كان الله هون بنظهر علييكون قريب :) وربنا يكتب سلامه صحبتك :)

دكتـوره بله , شاكره ومقدره جدا ,
المواد اللي وصلتني ممتازه جدا , ياريت لو شفتا لي مواد لي استيب 2 برضو ,,

تحياتي وشكرا جزيلا ..

أخونا خدر سلام

Quote: تامبا بكون قَنت اسه ههههههههههههههههههههههه اركز و إحتسب يا شرس ,

إفتكرت أذكى من كدا...... أقرأ ما بين السطور يا صاحب علشان تفهم الهدف من البوست.


.

Quote: مريومه الشاطره :) انتي بتقارني روحك مع عمر الفروغ وايا كان اسمه دا دا عامه شعب ساي :)

والله بي حنكك ده، السمع بيك في دبي الويك اند ده ما كضّب..

يا مرحب بيكم يا دلوش.. وتنورونا....