Post: #1
Title: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 04:41 PM
كان يوم امس يوم فرح لكل الشوارع العربية والعالمية المحبة للحرية
لاحظت علي القنوات طلوع معظم الشوارع العربية ابتهاجا بثورة الشباب في مصر وبسقوط مبارك
الا شوارع السودان فماهي الاسباب؟؟؟
هل لم نفرح لهذه الثورة؟؟؟
هل نخاف من التعبير عن فرحتنا وتضامننا مع شباب مصر علي ان يغضب ذلك نظامنا؟؟؟؟
ام ان الشارع السوداني اصبح معزولا عن كل تأثير بمحيطه العربي والعالمي؟؟؟
ام ان ذلك بسبب التعتيم الاعلامي الذي مارسه ويمارسه اعلامنا الرسمي علي ثورة الشباب في مصر وتونس ؟؟؟؟
المهم قلت يا زول وكت مافي زول عاجبو الحصل في مصر ده احسن تحتفل بطريقتك
وبطريقتي ولوحدي اتجهت صوب شارع النيل وانا اطلق العنان (لبوري العربية)
وذلك اضعف الايمان..
حاجة تحير يا شارعنا
حاجة غريبة
|
Post: #2
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: هاشم نوريت
Date: 02-12-2011, 04:44 PM
Parent: #1
هل نحن عرب ياشيخ؟
|
Post: #3
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 04:47 PM
Parent: #2
هل نحن شعب يا شيخ؟؟؟
(وكل الشعوب المحبة للحرية )دي ما بتشملنا برضو يا شيخ؟؟؟
حاجة عجيبة
لك التحية
|
Post: #4
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: البحيراوي
Date: 02-12-2011, 04:48 PM
Parent: #2
تحياتي أخ عمر
والله لو كانت هناك رغبة لدي الجهات القابضة علي زمام الحكم لأخرجوا لك مسيرة مليونية إبتهاجاً بالحدث . لكن ليس لديهم رغبة في ذلك ربما لوجود ملامح تشابه أو علاقات ذات طابع خاص خارج إطار العلاقات الأزلية التي نسمع بها من حين لآخر.
بحيراوي
|
Post: #5
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: هاشم نوريت
Date: 02-12-2011, 04:53 PM
Parent: #4
سلامات اخى
ةهل نحن شعب يا شيخ؟؟؟ (وكل الشعوب المحبة للحرية )دي ما بتشملنا برضو يا شيخ؟؟؟ حاجة عجيبة لك التحية
ارجع للبوست انت قلت كل الشوارع العربية ونحن لا دخل لنا بالعرب واحتفالاتهم ولكن لو قلت كل الشعوب المحبة للحرية لاختلف الامر بس راحت عليك
الله يديك العافية
|
Post: #9
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 05:05 PM
Parent: #5
Quote: كان يوم امس يوم فرح لكل الشوارع العربية والعالمية المحبة للحرية
__________________________________________
لاحظت علي القنوات طلوع معظم الشوارع العربية ابتهاجا بثورة الشباب في مصر وبسقوط مبارك
الا شوارع السودان فماهي الاسباب؟؟؟
هل لم نفرح لهذه الثورة؟؟؟
هل نخاف من التعبير عن فرحتنا وتضامننا مع شباب مصر علي ان يغضب ذلك نظامنا؟؟؟؟
ام ان الشارع السوداني اصبح معزولا عن كل تأثير بمحيطه العربي والعالمي؟؟ |
هاشم سلامات
رجعت ولقيتها ما راحت علي لأني قلت ما تحته خط
وزدت عليه :ام ان الشارع السوداني اصبح معزولا عن كل تاثير في محيطه العربي والعالمي
رغم تحفظي علي ماذكرت
راحت علي ولا ما راحت؟؟
تحياتي
|
Post: #6
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 04:53 PM
Parent: #4
Quote:
تحياتي أخ عمر
والله لو كانت هناك رغبة لدي الجهات القابضة علي زمام الحكم لأخرجوا لك مسيرة مليونية إبتهاجاً بالحدث . لكن ليس لديهم رغبة في ذلك ربما لوجود ملامح تشابه أو علاقات ذات طابع خاص خارج إطار العلاقات الأزلية التي نسمع بها من حين لآخر. |
شكرا بحيراوي
|
Post: #7
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: doma
Date: 02-12-2011, 04:53 PM
Parent: #2
وهل الفرح لانتصار الشعوب علي الطغيان والظلم يحدده الانتماء العرقي يا شيخ نوريت ؟؟
الانسان الحر او المتشوق للحريه تفرحه حريات الشعوب وانتصارتها غض النظر عن اعراقها . ا
لووول شيخ نوريت بمكنه بشاشا
امازحك يا شيخ
اها كيف الخرطوم علي حسك ؟؟
|
Post: #8
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: هاشم نوريت
Date: 02-12-2011, 04:57 PM
Parent: #7
يادومة انا لا علاقة لى بافراح العرب وسعادتى لرحيل الطاغية الفرعونى لا حدود له ولا يهمنى اعرب هم ام فرنجة واعنى شعب مصر
الله هونينى
|
Post: #10
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 05:08 PM
Parent: #8
Quote: وهل الفرح لانتصار الشعوب علي الطغيان والظلم يحدده الانتماء العرقي يا شيخ نوريت ؟؟
الانسان الحر او المتشوق للحريه تفرحه حريات الشعوب وانتصارتها غض النظر عن اعرقها |
شكرا لهذا الوعي العميق
شكرا جزيلا
|
Post: #11
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 05:24 PM
Parent: #10
كما لم نفرح لتونس من قبل كذلك كشارع او كجهة رسمية بتسيير مظاهرة تأييد للتغيير هناك
الحكاية شنو؟؟؟
اعتقد ان هذه الظاهرة تحتاج الي دراسة...
ناس لا تغير هي
لاتفرح لتغيير الآخرين؟؟؟
مش حاجة غريبة؟؟؟
ولنفرض اننا جميعا راضون عن نظام الحكم في السودان
الا تفرحنا حرية الآخرين ونعبر عن ذلك كدولة او شارع؟؟؟
|
Post: #12
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: doma
Date: 02-12-2011, 05:33 PM
Parent: #11
يا ابني النظام القمعي في الخرطوم يتوجس خيفه
من كشكشه صفق الشجر في الخرطوم
فكيف له ان يناصر انعتاق شعب اخر من سلطه القمع والترهيب ؟ !!
والشعب حاله يغني عن سؤاله غير مسموح له ان يتنفس الا بامر الاجهزه الامنيه .
|
Post: #14
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: أيمن الطيب
Date: 02-12-2011, 08:07 PM
Parent: #13
سلام أخى عمر,,
بالنسبة لسؤالك,,| Quote: الشوارع العربية تحتفل بنجاح ثورة مصر عدا شوارعنا ..لماذا؟؟؟ |
يعنى ما عارف؟؟؟!!!!
علييييييييييك الله ما عارف؟؟؟
تحياتى,,
|
Post: #15
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: Elbagir Osman
Date: 02-12-2011, 08:27 PM
Parent: #14
حق الناس خليهو
حقنا
أبريل
وأكتوبر
قاعدين نحتفل بيهم
كل ثورات الحرية
غير مرحب بذكرها
من أنظمة القمع
الباقر موسى
|
Post: #18
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 09:24 PM
Parent: #15
الباقر سلامات
حقنا اهو مرات بنحتفل بيه نحن مرات حتي الجكومة بتحتفل بي اكتوبر
ومارس ابريل
ولكن ما جدث في مصر الذي يستحق الاحتفال لاسباب كثيرة جدا تربط بين مصر والسودان كشعب
ولتاثير مصر (سابقا) بشكل كبير في الدول المجاورة وفي السودان علي وجه الخصوص يكون لأحتفالنا بثورتها دلالات عديدة
شكرا للمرور
|
Post: #17
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 09:17 PM
Parent: #14
Quote: بالنسبة لسؤالك,,
Quote: الشوارع العربية تحتفل بنجاح ثورة مصر عدا شوارعنا ..لماذا؟؟؟
يعنى ما عارف؟؟؟!!!!
علييييييييييك الله ما عارف؟؟؟ |
ايمن سلامات
الحليفة مافي داعي ليها يا زول
وبعدين انا عارف وما عاجبني العارفو وقلنا نناقش ازمة الشارع السوداني ده بشكل اخر
ممكن نناقش مع المعرفة ؟؟؟
حقيقة المسألة تحتاج الي حوار يحرك الساكن من الوعي او استدعاء ذاكرة الشارع مرة اخري
لك التحية
|
Post: #16
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 09:09 PM
Parent: #13
شكرا يالطيب
ده التلفزيون عرفناه في راسو ريشة
الشارع في رأسو ريشة ولا شنو؟؟
ولا دي برضو محتاجة اذن من الشرطة؟؟؟
تحياتي
|
Post: #19
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: Hisham Amin
Date: 02-12-2011, 09:43 PM
Parent: #16
هاشم نوريت دبايو بعد النظر والقراءة بين السطور
اجدى وانفع من التذاكى والانصرافية والعروبة والافريقية
ــــــــــــــــــ
كاتب البوست
ارجو مراجعة قناة الجزيرة يوم امس ستجد ان البوست المكتوب لا لازمة لة
تحياتى
|
Post: #20
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-12-2011, 09:51 PM
Parent: #19
Quote: كاتب البوست
ارجو مراجعة قناة الجزيرة يوم امس ستجد ان البوست المكتوب لا لازمة لة
تحياتى |
سلامات المتداخل في البوست
او دبايوا
امس كنت متنقلا بين الجزيرة والعربية والبي بي سي عربية
وهذا ما دفعني لكتابة البوست
هل من شئ يوفر علي مشقة الكتابة؟؟؟؟
طالعت ان حكومة السودان في بيان لها تحترم ارادة الشعب _
هل هو المقصود؟؟؟
تحياتي
|
Post: #21
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: Hisham Amin
Date: 02-13-2011, 04:25 AM
Parent: #20
ابدا
وارجو ان تكلف نفسك المزيد من المتابعة
....
هينت
مسيرة ليلية
السفارة المصرية
دعوات صراخ
هتافات الله اكبر
|
Post: #22
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: أيمن الطيب
Date: 02-13-2011, 07:06 AM
Parent: #21
سلام يا هشام,,Quote: هينت
مسيرة ليلية
السفارة المصرية
دعوات صراخ
هتافات الله اكبر |
صديق مصرى لم يستطع كبح مشاعره وركب عربيته وتوجه نحوالسفارة المصرية بالخرطوم..
وجد قليلا من الناس وبعض العسس وكرابيجهم تشتهى ضرب الظهور,,,,
الكرباج عند المصريين أخو البعاتى عدييييييل كدا,,
وعندنا البوليس يعتقد أن الكرباج ليس سلاحا!!!!!!
كما يعتقد البعض منهم أننا لسنا بشرا حتى !!!!!
ياخ أى زول فى محلهم كان ح يعمل رايح,,, لهم اعذار كثيرة,,
تحياتى,,,
|
Post: #23
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: محمد النيل
Date: 02-13-2011, 07:45 AM
Parent: #22
ثقافة الاعلام
فى البيوت السودانية يعشقون المسلسلات
تفتح قناة الجزيرة ولو قبلت كدا بس او انشغلت مع حاجة 5 دقايق بس
تلقى واحد غير القناة لابوظبى او ال MBC المسلسلات ديل لو اناث
اما لو شبا ب
تلقاهم حولوا القناة للجزيرة الرياضية
او تلقاهم مشغولين بالموبايلات
وادخال النغمات والرسائل
افتقد الناس حاسية سياسة متابعة نبض الشارع
=======
ياخى نحنا بنحب البوبار بشكل غريب
اقتناء افخم الموبايلات وحق الرصيد بالشحدة
وسراميك مع انو البت جالوص
ثورة مصرية بتاع مين
كفاية انو عارفين انو فى واحد اسمو حسنى مبارك ذاتو
ثقافة فقيرة
|
Post: #24
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: عمر محمد ابراهيم
Date: 02-13-2011, 12:08 PM
Parent: #21
سلامات مرة اخري
كلامك كلام من يملك معلومة ان هذا البوست غير صحيح فأن كانت لك معلومة تفيد ان الشارع السوداني تفاعل مع هذا الحدث وهذا ان ثبت يستوجب اعتذاري لهم .
طالعت صحف اليوم ووجدت في الاهرام برا يفيد بخروج الاسر المصرية في بعض احياء الخرطوم (العمارات والمطار) في مظاهر فرح بتغيير النظام ونجاح الانتفاضة ويشير الي تضامن بعض السودانين معهم (يعض الاحياء في الخرطوم وتضامن بعض السودانيين معهم) هل يمثل هذا احتفال الشارع السوداني وتفاعله مع ما حدث؟؟؟
لك التحايا
|
Post: #25
Title: Re: كل الشوارع العربية تحتفل بنجاح ثورة مصر عدا شوارعنا ..لماذا؟؟؟
Author: محمد البشرى الخضر
Date: 02-13-2011, 02:13 PM
Parent: #24
غايتو المريخاب ما بعرفهم لكن احنا الهلالاب التوانسة ما بنريدهم تاريخنا معاهم كعب خلاص ومع المصريين كذلك و كمان غالبا ح نلاقي الزمالك قريب فلا يمكن نتفاعل مع افراحهم ابدا
كان الأرادنة عملوا حركة كدا تلقانا باعلام الهلال مالين الشوارع , خصوصا لو عملوها يوم سبعة الشهر 
|
|