هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة

Post: #1
Title: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 10:19 AM
Parent: #0

يلا يا ليلى بت الشائب وإيمان بنورة شيلن فؤوسكن وبربحن للجماهير شدرة بتوفليقة خلى الجماهير تركّبو الجزائرية

Post: #2
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 10:19 AM
Parent: #1

وعلى الباقي تدور الدوائر

Post: #3
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 10:22 AM
Parent: #2

عبد الصمد القشاش وين؟

Post: #4
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: جمال المنصوري
Date: 02-12-2011, 10:27 AM
Parent: #3

يا ود شيقوق

كيف حالك..

قديما قيل في الأمثال الشعبية:
ما حلت جزيرة في شبه جزيرة بأرض بها حاكم طاغية الا وسارت بشماراته الركبان، وما ساتضافها رئيس الا صبح شمار في مرقة...

ليت بركاتها تحل بارض السودان، ونستمع لحمد الريح بعدها وهو يصدح: حليل الراحو،،، وخلوا الريح تنوح فوق ..

وتارة ( رحلوا وما تركوا اثر) او كما قال..

تقبل احتراماتي

Post: #5
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 10:33 AM
Parent: #4

اخي جمال المنصوري

سلامي

Quote: ليت بركاتها تحل بارض السودان، ونستمع لحمد الريح بعدها وهو يصدح: حليل الراحو،،، وخلوا الريح تنوح فوق ..

وتارة ( رحلوا وما تركوا اثر) او كما قال..

ههههههههههههههها قلت لي حليل الراحو ؟

رحلوا وما تركوا اثر ؟

يا رييييييييييييييييييت

Post: #6
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: جمال المنصوري
Date: 02-12-2011, 10:51 AM
Parent: #5

وحاتك يا ود شيقوق

ربنا ده طالما هو الواحد القهار، ما حيخلي ليهم اثر،،
طالما من جنوده التي نعلمها (الريح المرسلة)
وقناة الجزيرة الراسلة.
. فستراهم يتساقطون كالمطرة.

مودتي

Post: #7
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: جمال المنصوري
Date: 02-12-2011, 10:52 AM
Parent: #6

الخوف يا ود شيقوق يقوموا يقرطسوها ليصبح شعارها:
من يدفع كثيرا،، يحكم طويلا..

Post: #8
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 10:58 AM
Parent: #7

Quote: الخوف يا ود شيقوق يقوموا يقرطسوها ليصبح شعارها:
من يدفع كثيرا،، يحكم طويلا..

انا بس خايف قناة الجزيرة تلقى الشغلانية ماشة وتقول للشعوب المقهورة اكان ما عصرتوا لي ما بسمعكم مزاميري

Post: #9
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 11:19 AM
Parent: #8

الجزيره - خبر عاجل

المتظاهرون في الجزائر يكسرون الطوق الامنى ليلحقوا بالمتظاهرين داخل العاصمة الجزائر

خودك

Post: #10
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: محمد الامين محمد
Date: 02-12-2011, 11:44 AM
Parent: #9

خلاص حيلقو امات طه
ناسك ديل تلححححححححسين بحليل
احسن يستف عفشو

Post: #11
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Omer Mustafa
Date: 02-12-2011, 11:45 AM
Parent: #10

أمسكـ الجزائر قاااااااااااااااااااامت جهزوا البامبرز لي بوتفليقه

Post: #12
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 11:56 AM
Parent: #11

وعلى الباقي تدور الدوائر يا عمر

Post: #13
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Omer Mustafa
Date: 02-12-2011, 12:02 PM
Parent: #12

Quote: وعلى الباقي تدور الدوائر يا عمر

ود شيقوق شفت الظلم نهايتوا قريبه كيف؟؟؟!!!

Post: #14
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 12:06 PM
Parent: #13

Quote: ود شيقوق شفت الظلم نهايتوا قريبه كيف؟؟؟!!!

يمهل ولا يهمل

Post: #15
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-12-2011, 12:29 PM
Parent: #14

Congratulation for the Egyptians.. The Victory is turning point, a crucial wake up call for us in Khartoum, the so patient grieved people in Sudan, it is the high time to put an end to the autocrats totalitarian Basheer regime.
Long live our struggle to build a new modern Sudan..

في بحثها عن الإسلاميين في كل مكان.. الجزيرة تضع الجزائر المحطة القادمة!!!!!!!!!!!!!!

مسلسل الجزيرة المكشوف....
وعينها عمياء

في الخرطوم طاغية..
في الخرطوم حكم ديكتاتوري
في الخرطوم الظلم والجبروت..
في الخرطوم تهان النساء..
في الخرطوم يذل الناس باسم الدين..
باسم العرق..

لكن كل هذا ما لا يمكن أن تراه الجزيرة...

Post: #16
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 02:32 PM
Parent: #15

Quote: في بحثها عن الإسلاميين في كل مكان.. الجزيرة تضع الجزائر المحطة القادمة!!!!!!!!!!!!!!

عشان كدا ما تعشم في موسم هجرة للجزيرة للخرطوم لانها بتبحث عن الانظمة التي تم فيها إسكات اصوات الاسلاميين

Post: #17
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: فيصل محمد خليل
Date: 02-12-2011, 02:55 PM
Parent: #16

دابة غادي نقلقوا ليكم بوتفليقة
وحق الله نهزوهو لفوووووووووووق ونجيبوه لرض
محال واش غادي يوصل جوج سيمانات
غير سيمانة راه بركة عليه
غير ديروا معانا يد الله

اغايتو انا بررررررررا
الكلام دا ما قلتو انا
قالو ود جبرين

Post: #18
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 03:00 PM
Parent: #17

Quote: دابة غادي نقلقوا ليكم بوتفليقة
وحق الله نهزوهو لفوووووووووووق ونجيبوه لرض
محال واش غادي يوصل جوج سيمانات
غير سيمانة راه بركة عليه
غير ديروا معانا يد الله

دا عربي يا مان؟

Post: #19
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: أحمد ابن عوف
Date: 02-12-2011, 03:44 PM
Parent: #18

سلام يا ود شيقوق

حقو بوتفليقه ما يديهم ناس الجزيرة الفرصة دي

يقوم يتخارج بدري بدري هههههههههههههه

الصراع في الجزائر واضح، وان قد يحاول البعض ان يصورها بين الاسلاميين وغير الاسلاميين؟؟؟

no

ما توصلت اليه انا، هو الصراع بين الجزائريين الوطنيين (اسلاميين + آخرين) وبين ما يسمونهم خدامين فرنسا وعبيدها (الحاكمين)

دي طبقة رفعت نخرتها على الشعب الجزائري ودايساهو ليك ومستمتعين بالدولة والاقتصاد ولا يتكلمون الا الفرنسية

Post: #20
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: محمد المرتضى حامد
Date: 02-12-2011, 04:13 PM
Parent: #19

Quote: وإيمان بنورة

الطيب،
صحح وصحصح،

عيَّااااد.
أوكي؟

وعلى الباغي الباقي تدور الدوائر..
أوكي؟

بعدين ما تسمع البيقولوا ليك الجزيره كيزان وباكر إسرائيليين وبعد باكر ..
شوف فيروز زياني وإيمان عياد وليلى الشيخلي ديل ما تتكلموا فيهن .. طاب.

-
في الجزيره نزرع قطنا نشتل نتيرب نحقق آمالنا ...
في الجزيره ترررن تررن ترررن..

Post: #21
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عبدالله ابوشوارب
Date: 02-12-2011, 06:01 PM
Parent: #20

Quote: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة

والله يا الطيب اخوي ديل يقع فيهم العدو المو صليح

Post: #22
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 06:07 PM
Parent: #21

ود اب نعوف

الشوق ليك ميدان تحرير

وبعد شوية سيكون ميدان المليون شهيد

Quote: الصراع في الجزائر واضح، وان قد يحاول البعض ان يصورها بين الاسلاميين وغير الاسلاميين؟؟؟

no

ما توصلت اليه انا، هو الصراع بين الجزائريين الوطنيين (اسلاميين + آخرين) وبين ما يسمونهم خدامين فرنسا وعبيدها (الحاكمين)

دي طبقة رفعت نخرتها على الشعب الجزائري ودايساهو ليك ومستمتعين بالدولة والاقتصاد ولا يتكلمون الا الفرنسية

يا اخي ما اجمل ان نفهم منك هنذا الصراع الطبقي الجزائري

بالله فيهم ناس بندر رافعين نخرتهم على ناس الضهاري ؟ سبحان الله

Post: #23
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 06:15 PM
Parent: #22

المرتضى

صحح وصحصح،

Quote: عيَّااااد.
أوكي؟

بالله اعادوا هيكلة الاسم ؟ بس داك كان موسيقاهو ظابطة مع رمشاتا وقت تبلع الريق مع حرف القاف

Quote: بعدين ما تسمع البيقولوا ليك الجزيره كيزان وباكر إسرائيليين وبعد باكر ..
شوف فيروز زياني وإيمان عياد وليلى الشيخلي ديل ما تتكلموا فيهن .. طاب.

لا بس هم بالجد كيزان من طراز حزب العدالة والتنمية التركي

Post: #24
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 06:18 PM
Parent: #23

ابو شوارب

كييييفك؟

Quote: والله يا الطيب اخوي ديل يقع فيهم العدو المو صليح

ديل يا عبد الله اخوي ببربحو الشدرة للشعوب عشان تسهل ليهم بطحها في الواطة وتشوف بباقي روحها اقرب مطار

Post: #25
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 06:42 PM
Parent: #24

Post: #26
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الشامي الحبر عبدالوهاب
Date: 02-12-2011, 06:45 PM
Parent: #24

وما تنسي با ود شيقوق
انو الجزيرة ادت السودان هبشة
بالحديث عن المعتصمين زالمعتصمات مطالبين بالافراج عن المعتقلين
يعني الجزيرة شغالة غي محورين السودان والجزائر وان كان الهجوم
المكثف علي محور الجزائر

تحياتي واشواقي

Post: #27
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 06:58 PM
Parent: #26

الشامي

ازيييييك

Quote: وما تنسي با ود شيقوق
انو الجزيرة ادت السودان هبشة
بالحديث عن المعتصمين زالمعتصمات مطالبين بالافراج عن المعتقلين
يعني الجزيرة شغالة غي محورين السودان والجزائر وان كان الهجوم
المكثف علي محور الجزائر

آآآآآآآآآآآآي لكن على إستيحاء الناس ناسهم يا الحبر اخوي

Post: #28
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: خالد المحرب
Date: 02-12-2011, 07:17 PM
Parent: #27

Quote: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة

ات عارف ياشيخ الطيب عليك امان الله بجيبو خبرو طااااااااااااب

Post: #29
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 07:32 PM
Parent: #28

Quote: ات عارف ياشيخ الطيب عليك امان الله بجيبو خبرو طااااااااااااب

وكان زولك بتاع الجزائر دا حشو كديب كديب كديب ما حش مر لا بتعب ولا حاجة يا خالداخوي ود ال ..............م

Post: #30
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:08 PM
Parent: #29

حكومتنا قالت منظمات المجتمع المدني السودانية قالت !!!!!!!!!!!!!!!!!!!
والله يا اخونا انا في الدنيا دي ما بيعجبني شيئ اكتر من المغرم بليلاه ويبدي خلاف ذلك

Post: #31
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: خالد المحرب
Date: 02-12-2011, 08:13 PM
Parent: #30

Quote: حكومتنا قالت منظمات المجتمع المدني السودانية قالت !!!!!!!!!!!!!!!!!!!

بعرفك بعرفك ما تخليهم يكضبو

Post: #32
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:15 PM
Parent: #31

Quote: بعرفك بعرفك ما تخليهم يكضبو

ههههههههههههههههها ود ال ........... وقعت ليهم بااااااااااااااردة لكن ما بقولوا اظنهم خايفين يجي تار تاني

Post: #33
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:17 PM
Parent: #32

شوف الصحفي راشد عبد الرحيم بطبل كيف يا خالد اخوى - هو قايلنا نحن بنحلب في الغنم لهسع

Post: #34
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:21 PM
Parent: #33

طيب يا الصحفي راشد عبد الرحيم وييييييييييييييييييييييين كلامك دا زمان ؟

Post: #35
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:25 PM
Parent: #34

السودان ينقل طربا عن الصحف الاجنية

Post: #36
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عماد الشبلي
Date: 02-12-2011, 08:28 PM
Parent: #31

Quote: يلا يا ليلى بت الشائب وإيمان بنورة شيلن فؤوسكن وبربحن للجماهير شدرة بتوفليقة خلى الجماهير تركّبو الجزائرية

!المسنوح انت بدل ما تبقي حجاز داير تحرش ليلي الشائب !!!!!

Post: #37
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:33 PM
Parent: #36

Quote: !المسنوح انت بدل ما تبقي حجاز داير تحرش ليلي الشائب !!!!!

ومال احرشك انت يا سجم الرماد؟

عاين دا هسع جاى ناطي بكميراتو من وين ؟

سجم ومسنوح

Post: #38
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: ود الباوقة
Date: 02-12-2011, 08:40 PM
Parent: #37

كع

Post: #39
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-12-2011, 08:43 PM
Parent: #38

ود الباوقة

Quote: كع

كع تطلع زيتك ابعد منى يا العشاء

Post: #41
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Bashasha
Date: 02-12-2011, 08:54 PM
Parent: #39

الجزيرة بوغ الاسلام السياسي اجندتا اضحت واضحة وضوح الشمس!

تطير مارة بالسودان مرور الكرام، شرق لي تونس والان الجزائر، اوشمال لي مصر او غرب لليمن!

هل ده صدفة؟

مجرد كلام علي لسان الترابي، او لانو ضد نظام وضاح خنفر خريج فقاسة الكيزان، ابت تذيعو! انتبهو لاجندة الجزيرة الكيزانية!

في الجزائر حتشرب المقلب، لانو التيار القادم، سيقتلع العروبة من جذورا في المغرب العربي، لكن هم فاهمين غير كده طبعا او في بالم كيزان الجزائر!

Post: #40
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عماد الشبلي
Date: 02-12-2011, 08:45 PM
Parent: #37

Quote: ومال احرشك انت يا سجم الرماد؟

عاين دا هسع جاى ناطي بكميراتو من وين ؟

سجم ومسنوح

والله كنت اتمني اكون بكمرتي مع الشباب ديل

Post: #42
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 05:23 AM
Parent: #40

الوجيه بشاشا

سلام

Quote: الجزيرة بوغ الاسلام السياسي اجندتا اضحت واضحة وضوح الشمس!

تطير مارة بالسودان مرور الكرام، شرق لي تونس والان الجزائر، اوشمال لي مصر او غرب لليمن!

هل ده صدفة؟

مجرد كلام علي لسان الترابي، او لانو ضد نظام وضاح خنفر خريج فقاسة الكيزان، ابت تذيعو! انتبهو لاجندة الجزيرة الكيزانية!

في الجزائر حتشرب المقلب، لانو التيار القادم، سيقتلع العروبة من جذورا في المغرب العربي، لكن هم فاهمين غير كده طبعا او في بالم كيزان الجزائر!

أحسنت اخي بشاشا تحليلك عقلاني جدا

Post: #43
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 05:28 AM
Parent: #42

ود الشبلي

Quote: والله كنت اتمني اكون بكمرتي مع الشباب ديل

كاميرتك دي اخير عدمها

بوووووشك حائم بيها لتصوير القصور والزهور والحمام

احسن ليك تمشي يعضوك في عمل وطنى وتكون سجلت ليك مواقف بدل تعضيك حمامة وتروح شمار في مرقة

Post: #44
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عماد الشبلي
Date: 02-13-2011, 08:55 AM
Parent: #43

Quote: بوووووشك حائم بيها لتصوير القصور والزهور والحمام

لا يا مسنوح كنت حا اصور قصر عابدين المحاصر بالشباب الذي الزهور وحمامة السلام

Post: #45
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عبدالأله زمراوي
Date: 02-13-2011, 09:13 AM
Parent: #44

تحياتي ود شيقوف...

أضحكتني، أضحك الله سنك. بالمناسبة ما تنسى بأن ملك التقارير
لسقوط الرؤساء من إندينا (سوداني) وهو فوزي بشرى ، وقد أعد العدة
لتقاريره الأخيرة منذ الآن لرؤساء السودان، الجزائر واليمن....

وقريبا ستسمع التقرير بصوته (الثورةُ تتجه جنوبا).

ثم صدقني إذا إشتعلت الثورة في السودان، فلا سبيل للجزيرة سوى بثها كاملة..

Post: #46
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Alshafea Ibrahim
Date: 02-13-2011, 09:21 AM
Parent: #44

تحياتي الطيب اخوي
رأيكم شنو نسوي (ختة) محترمة ونرسلها لوضاح خنفر عشان يقوم يسلط على حكومة الموتمر اللا وطني ؟ لأنو فعلا الشغلانة فيها (إنا) كبيرة ، الجزيرة تغض الطرف عن السودان ..
نبارك لأهل الجزائر إنتقال الجزيرة بكامل عدتها وعتادها ومراسليها ومذيعيها - وعما قريب يشمو الهمبريب _ أوعدنا يارب ..
أخبار العول والبترول شنو ؟
الشفيع

Post: #47
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 09:33 AM
Parent: #46

شبلي

Quote: لا يا مسنوح كنت حا اصور قصر عابدين المحاصر بالشباب الذي الزهور وحمامة السلام

ما فيك رجاء ، حتى لو صورت بتدس الصور في السحارة ما بتجيبا لينا برة ، ولو عايز تجيب ما بتجيب غير المواسير .

Post: #48
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 09:39 AM
Parent: #47

مولانا زمراوي

الف مرحب بيك . الليلة يبخروك عدييييييييل

Quote: أضحكتني، أضحك الله سنك. بالمناسبة ما تنسى بأن ملك التقارير
لسقوط الرؤساء من إندينا (سوداني) وهو فوزي بشرى ، وقد أعد العدة
لتقاريره الأخيرة منذ الآن لرؤساء السودان، الجزائر واليمن....

وقريبا ستسمع التقرير بصوته (الثورةُ تتجه جنوبا).

ثم صدقني إذا إشتعلت الثورة في السودان، فلا سبيل للجزيرة سوى بثها كاملة..

لا لا يا مولانا ناس الجزيرة كان جونا كاميراتهم بتكون عن كل عيب كليلة وإن لم تكن هكذا بتتبلطج اول حاجة عشان بعد داك يقبلوا على المحتجين .

Post: #49
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 09:43 AM
Parent: #48

الشفيع البركة

سلام

Quote: رأيكم شنو نسوي (ختة) محترمة ونرسلها لوضاح خنفر عشان يقوم يسلط على حكومة الموتمر اللا وطني ؟ لأنو فعلا الشغلانة فيها (إنا) كبيرة ، الجزيرة تغض الطرف عن السودان ..

سودانك دا كانت النار ولعت فيهو علا يجيب ليكم الخبر عمك ويكليكس لكن ما تعشم في الجزيرة طاب .

أخبار العول والبترول شنو ؟

الحمد لله تمام والبترول سرو لسع في بيييييييير

Post: #50
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-13-2011, 01:29 PM
Parent: #49

Quote: في الجزيره نزرع قطنا نشتل نتيرب نحقق آمالنا ...
في الجزيره ترررن تررن ترررن..

المرتضي
والله جبت التايهة .. وأخوك الطيب مشتهي ليه عنكوليب ساااااااااااااااااااكت

كده اسألو كان المسأله ما (تررن تررن تررن) صايب عريقات هجموه في صمة خشمه
ودخلوا مكتبه وسرقوا ورقو وخلوه استقال كيف .. والله دي المخابرات الاسرائيلية ذاتها ما
تقدر تسويها .. انا اقول الناس ديل فيهم شئ من موشي ديان وحاييم بارليف .

والله انا خايف يبربحو ليك البوست ده يلحقوه امات حسني قبل ما يخلصوا من علي عبدالله
صالح ..

ومازال في الجزيره تررن تررن تررن

عمر علي حسن

Post: #51
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-13-2011, 08:24 PM
Parent: #50

خالي

مرتضى بيعمل في اكسيرسايز على الكورنيش

جاييك عندو عنكوليبة بعد التمرين بنقوها ليهو يقرمشها وبتكاملك

Post: #52
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: محمد المرتضى حامد
Date: 02-13-2011, 09:48 PM
Parent: #51

Quote: ومازال في الجزيره تررن تررن تررن

عمر علي حسن

أبو أمير،

سلامات يا سيدي،

الجزيرة تعمل وفقا لنظرية إعلامية إبتدائية عملت بها بعض الدول المتقدمة أقربها مثالا
الولايات المتحدة التي تهيئ لكل عمل كبير بعمل إعلامي ضخم تصطنع معه ليبرالية المعلومة
وحرية التعبير وتعدد الرأي لكن في كل ذلك يبقى الخيط الرئيس هو التوجه المرتجى منه غاية
محددة، ولا شك أنك أعلم مني بهذا الدور من واقع خبرتك العملية ، وهذا النوع من الإعلام
هو المطلوب لخدمة قضايا معينه ، إعلام يحفر بإبره ويدفن بالكوريق ، خلافا للإعلام المباشر
الساذج الغبي المسمى إعلام غوبلز الذي شاخ منذ زمن ، في زمن الجزيرة لم يعد أي مواطن
عربي يدير الريموت نحو قناة الدوله الرسميه سوى نفر قليل من هواة المسلسلات والنكد،
حتى الرؤساء والمسؤولين ( وأعتذر عن كلمة"مسؤولين" هذه) لم يعودوا يشاهدوا قنواتهم
الرسميه لأنهم يعرفون الحقيقه في بطونهم الغريقه.
الجزيره ال(Main Dish) فيها رسالة كيزان و(الَسلَطات) فكر قوميين عرب مع شوربة ليبراليين
كمشهيات أما التحليه فهي النتيجه النهائية زي الحصل في التحرير ووتونس العاصمة
والشاي والقهوه تحليل ما بعد الهروب والسقوط .
قناة منذ البداية قررت أن يكون كادرها من المغرب العربي بشكل رئيس مع تنوع
سوداني مصري فلسطيني وبالتالي تركت قناة رائده كال إم بي سي في الخلف ، عرفت
كيف تكسر التقليديه الإعلاميه المحافظه بين العرب ببرامج المشاجرات الكلاميه
فاجتذبت معظم المهمومين بالسياسه حتى بلغ بها الأمر تغيير الأنظمه.
بالمناسبه يا سعادتك ، صائب عريقات استقال فقط بسبب مسؤوليته عن تسرب
الوثائق من مكتبه لكن الجزيرة ما زالت تقول أنه استقال بسبب مضمون الوثائق
وفي هذا تضليل يسئ إلى صائب عريقات ، لقد شاهدت مقابلته مع أحمد منصور كاملة
وانهزم أحمد منصور في تلك المقابلة المباشرة الحية بشكل مزر.

تسلم

Post: #53
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: BousH
Date: 02-13-2011, 09:56 PM
Parent: #52

سلام
الدور على المجنون - القذافي - ثم الشاويش على قبل البشير

Post: #54
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 05:33 AM
Parent: #53

اخي بوش

سلام

Quote: ثم الشاويش على

الشاويش دا منو ؟

Post: #55
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-14-2011, 05:46 AM
Parent: #54

Quote:

عشان كدا ما تعشم في موسم هجرة للجزيرة للخرطوم لانها بتبحث عن الانظمة التي تم فيها إسكات اصوات الاسلاميين

الاسلاميون خلي يطلعوا زيدهم!!

الجزيرة دي زي جمل المحرب داك...

فاصد الرقبي.. لا تمشي لي قدام

Post: #56
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Mohamad Shamseldin
Date: 02-14-2011, 06:14 AM
Parent: #55

الطيب
الناس ديل و هم ماشين الجزائر .. الدرب مش بيجيبهم بالسودان..
ما لقو ليهم زول يحلف عليهم طلاق ..إلا يتغدو .. و يضبح ليهم..
..
المهم وكت جلت ... لمن يقضو من الجزائر و يجو ماشين اليمن...
الرسول عليكم يا ناس السودان كان تقطعو عليهم الدرب..(زي طريقه أهلنا في المسعودية بيقطعو الدرب وقت الفطور)..
أن شاء الله سلاح الطيران السوداني يعترض طيارتهم عديل.
ولا برٌكو ليهم فكي

Post: #57
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 10:12 AM
Parent: #56

عزو

Quote: الجزيرة دي زي جمل المحرب داك...

فاصد الرقبي.. لا تمشي لي قدام

ديل لو جوك انعدل بس وانتظر التونسية

Post: #58
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 10:15 AM
Parent: #57

محمد شمس الدين

سلامي ليك ولكل اهلي ناس ود جاه الله والفحل معاكم في المسعودية

Quote: الناس ديل و هم ماشين الجزائر .. الدرب مش بيجيبهم بالسودان..
ما لقو ليهم زول يحلف عليهم طلاق ..إلا يتغدو .. و يضبح ليهم..
..
المهم وكت جلت ... لمن يقضو من الجزائر و يجو ماشين اليمن...
الرسول عليكم يا ناس السودان كان تقطعو عليهم الدرب..(زي طريقه أهلنا في المسعودية بيقطعو الدرب وقت الفطور)..
أن شاء الله سلاح الطيران السوداني يعترض طيارتهم عديل.
ولا برٌكو ليهم فكي

لا لا ناس السودان ما بهببوا ليهم اصلا هم بحبوهم شدييييييييد

Post: #59
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-14-2011, 10:49 AM
Parent: #58

Quote:
ديل لو جوك انعدل بس وانتظر التونسية

تونســـــية!!!!!!!!!

دحين البطلعني من شرم الشيخ شنو؟؟

Post: #60
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-14-2011, 12:17 PM
Parent: #59

Quote: كيف تكسر التقليديه الإعلاميه المحافظه بين العرب ببرامج المشاجرات الكلاميه
فاجتذبت معظم المهمومين بالسياسه حتى بلغ بها الأمر تغيير الأنظمه.

شيخنا المرتضي

اني اتفق معك تماما ورأيي مطابق لكل كلمة مما ذكرت حتي بشأن صائب عريقات واعرف
كثيرا من قصص الجزيرة واساليب الفتنة والوقيعة التي تتبعها مع المتحاورين فيها لرفع درجة
الشجار الجاذب لانتباه المشاهدين وشدهم للقناة وتوسيع رقعة وصولها الي من تستهويهم الاثارة
بين اغلبيه المواطنين العرب الذين يعانون من الكبت الفكري والقهر السياسي ..

وقد اشتبكت مع مراسل لهم بالدوحة خلال حادثة وقعت بالشركة التي كنت اعمل بها ثم مرة اخري
اثناء تعليقهم علي احدي مباريات الدورة الافريقية الجارية الان بالسودان بسبب تعرضهم لنا في
امر يحدث بسبب اجهزتهم سيئة التوصيل .. واظنني لم اربح سوي التنفيس عن غضبي عليهم.

نعم .. وانني اتساءل - وانا اعلم - من تخدم هذه القناة ؟ ومن الذي يمول نشاطها ويقف وراءها ؟
وهل اصبحت هي مشعل الثورات في العالم العربي ؟

وانني انصح نفسي واياكم باتقاء شرها !!

عمر علي حسن

Post: #61
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 12:52 PM
Parent: #60

Quote: دحين البطلعني من شرم الشيخ شنو؟؟

خلاص كاكي قبلك

Post: #62
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: أبوبكر أبوالقاسم
Date: 02-14-2011, 03:44 PM
Parent: #61

ود شيقوق سلامات

الدور يا أخوى زى ما قالوا ليك على الشاويش ( على عبدالله صالح ) وما تنسى عندهم رُكّازّة ( الحوثيون).

Post: #63
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 04:15 PM
Parent: #62

ابو القاسم

Quote: الدور يا أخوى زى ما قالوا ليك على الشاويش ( على عبدالله صالح ) وما تنسى عندهم رُكّازّة ( الحوثيون).

ههههههها ركازة دي حلوة خلاص - يعني ( الشعب يريد اسقاط النظام) كان لقت ليها ركازة ما بتطول ولا شنو؟

Post: #64
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Imad Khalifa
Date: 02-14-2011, 07:44 PM
Parent: #63

ود شيقوق سلام
يا اخي خليهم اجونا بالمحافير بس العنكوليب (راقد) عندنا
وبعدين نحنا في الصف قبل بوتفليقة وعلي عبدالله صالح.

لك تحياتي

Post: #65
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 07:50 PM
Parent: #64

العمدة ود الخليفة

Quote: يا اخي خليهم اجونا بالمحافير بس العنكوليب (راقد) عندنا
وبعدين نحنا في الصف قبل بوتفليقة وعلي عبدالله صالح.

لا ابوي ديل لو جوك لا بصوروا صقع سلاح حي ولا حاجة ديل بركزوا الكاميرات على الورود التي تقدم لرجال الجيش او الشرطة او الامن

Post: #66
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-14-2011, 07:54 PM
Parent: #65

خالي عمر

تعال اتونس ساى سيبك من ناس قناة الجزيرة واجندتهم الخاصة - كفانا هرشتك ليهم دي - بالحيل كيفتني

Post: #67
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: سيف الدولة كامل
Date: 02-15-2011, 01:24 AM
Parent: #66

الشتويش عطية يا المسنووووووح.

Post: #68
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-15-2011, 05:42 AM
Parent: #67

الكامل

Quote: الشتويش عطية يا المسنووووووح.

كيفك؟

والله انت كلك خير وبركة

امبارح عملنا كونفرنس كول مع عماد واولادو وناس السودان

اميركا - مسقط - امدرمان

هييييييييييع التعليم المجاني عافي منك

Post: #69
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-15-2011, 01:28 PM
Parent: #68

Quote: كفانا هرشتك ليهم دي

دي عالم مسنودة يابوي .. اشتبكت معاهم في الدوحة خليت الضابط يتلف ليهم الفيلم ! انقر
تاني نمت ............... ما فكتني منهم الا الاماراتية تاني يوم .. عرفوني قاعد وين ونمرة
تلفوني كم وتعال يا رن وزن للصباح .. وانا كاضم .. حتي تصدي لهم من افهمهم ان هذا
الحادث ليس للنشر وان شركتنا لا علاقة لها باسرائيل ولا انكل سام .

اما بتاعة الكوره فقد تصدي لي احدهم بادب بارد وما اداني فرصة اتفش فيهم وقال لي :
يا صديقي ان واقعنا العربي يسمح ... ولم اعرف هل يسمح بانقطاع النور ام بشتم الذي
قطعه ... سبحان الله يجهجهوا ليتك الكلام في راسك .

اما الشاويش فانهم مازالوا يلعبون معه لعبة القط والفار في انتظار اشارة من امريكا كده
او كدة حسب مد مكافحة الارهاب وجزره .. لكن زولك ابو تفليقه فرائح في حق الله

عمر علي حسن

Post: #70
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-15-2011, 04:13 PM
Parent: #69

Quote: لكن زولك ابو تفليقه فرائح في حق الله

بوتوفليقة في ستين ولدك بالحيل اتكيف من دواسك لناس وضاح ديل - عليك النبي بت عياد ما تزعلها بزعل منك

قلت لي غلبك النوم؟؟؟؟؟؟؟

هيييييييييييع خالي ........... قلبو

Post: #71
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-15-2011, 04:46 PM
Parent: #70

Quote: عليك النبي بت عياد ما تزعلها

ناس بت عياد ياسيد خالك ساكنين في مجمع مقابل فندق رمادا .. ودايما غرفتي فاتحه
عليهم .. لكن يسمّني عيني ما وقعت في واحدة منهن .. البلاقوني كلهم شحوط الواحد
فيهم عيونه مولعة وشنبه كلّيقة يا كافي البلا .

اطمئن .. خالك في الحاجات رزقه ضعيف . يوم استضافوني في التلفزيون القطري
لاقيت ليك فيصل القاسم مارق من عندهم .. قربت ارجع صاد . المعاي قال لي تحب تسلم
عليه ؟ قلت ليه المشتهي الحنيطير ..... ما اظنه فهمها .

الله يرحم بو تفليقة

عمر علي حسن

Post: #72
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-15-2011, 04:51 PM
Parent: #71

Quote: ناس بت عياد ياسيد خالك ساكنين في مجمع مقابل فندق رمادا .. ودايما غرفتي فاتحه
عليهم .. لكن يسمّني عيني ما وقعت في واحدة منهن .. البلاقوني كلهم شحوط الواحد
فيهم عيونه مولعة وشنبه كلّيقة يا كافي البلا .

لو كنت في محلك اكان ربيت (ابو الرقيع) في البلكونات

ات معاى ولا سارح يا خال؟

Post: #73
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-15-2011, 05:16 PM
Parent: #72

Quote:
ات معاى ولا سارح يا خال؟

جنس سرحه هي .. عييييييييييييييييييييييييك !
عليك امان الله غنم ابليس عديتن واحدة واحدة .

عمرعلي حسن

Post: #74
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-15-2011, 08:28 PM
Parent: #73

Quote: جنس سرحه هي .. عييييييييييييييييييييييييك !
عليك امان الله غنم ابليس عديتن واحدة واحدة .

دى جيتنا من نادي الجالية ساهرنا مدائح ساااااااااى - انا داخل بتخوجل جوة حلبة المديح وبالي في سودانيز بجاي

الله يخرب بيتك يا بكري

Post: #75
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-16-2011, 01:25 PM
Parent: #74

Quote: الله يخرب بيتك يا بكري

دي يعني علي غرار (انت كالتيس في قراع الخطوب) ؟
تصور بكري سعيدا يقهقه بمدلول هذا الدعاء

وفي اطار عنكوليب ومحافير طاقم قناة الجزيرة شاهدت قبل قليل سنترفرود القناة
فيصل القاسم (يحرش) اثنين من المتحاورين علي الشعوب العربية بترتيب ظل يحرص
عليه فاليمن اولا والجزائر ثانيا وليبيا ثالثا وسوريا رابعا والمغرب خامسا مع اشارات
متكرره لما يحدث في البحرين .. وطلعنا نحن وغيرنا براءة والحمدلله ..

هل هناك نقص في العنكوليب والمحافير ام أن في الامر اجندة لم تعلن لنا ..

الاغرب ان بعض عنكوليب الجزيرة قد بدأ يصل الي البي بي سي فتري الان بعض
مذيعيها ومذيعاتها يتدثرون بزي الثوار ويتحدثون بعبارات تتبرأ منها هيئة الاذاعة
البريطانية (المحايدة) .. لدرجة ان احد المتداخلين هاج في المذيع وقال له هل هذا
يحدث في بريطانيا وهل تسمح به الحكومة البريطانية

انهم يروجون لشيء ابعد من الثورة ..

عمر علي جسن

Post: #76
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-16-2011, 03:36 PM
Parent: #75

Quote: انهم يروجون لشيء ابعد من الثورة ..

دا شنو يا خال نحن ما معاكم في الكلام دا - نحن ميكافليون ندعو للتغيير اى كانت الوسائل

اكيد لقيتني فالت منك طااااب المرة دي - ولا كيف؟

Post: #77
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-16-2011, 04:00 PM
Parent: #76

بالله امريكا دي لو نفذت الخطة كان ريحتنا بي شكل!!

Post: #78
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-16-2011, 04:11 PM
Parent: #77

Quote: بالله امريكا دي لو نفذت الخطة كان ريحتنا بي شكل!!

يا سيدي امريكا شنو دي صحوة صحوة صحوة

شعب اراد الحياة يا عزو

Post: #79
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-16-2011, 04:52 PM
Parent: #77

Quote: اكيد لقيتني فالت منك طااااب المرة دي - ولا كيف؟

لا ..
تقييمي للجزيرة بانها تعمل لشيء ابعد من الثورة لاعلاقة له بما نتطلع اليه كسودانيين ، مع او ضد .
الجزيرة والبي بي سي علي الطريق علي مسار مختلف عن مسار المتطلعين للتغيير والمقاومين للتغيير
في اطار مواقفهم المبدئية والقائمة علي رؤيتهم السياسيه لوطنهم وكيفية النهوض به او السير به

ربما اري بالوضوح كله ان المحطتين تروجان لفوضي عارمة واثارة للتضارب بين مراد الثورات متي
حدثت وانشاء تناقضات بين نتائجها وحرفية مطالبها وادخال مطالب اضافية وفرعية تكسب الثورة
استمرارا وتواصلا بيزنطيا لا ينتهي ..

اقول لهم اتركونا للفيس بوك والنت والتويتر نتحاور فيها بمشاعرنا وآرائنا المباشرة دون حاجة لتحويرها
باجندتكم الخاصة غربية او عقائدية

عودوا وانظروا اليوم ماذا تفتعل الجزيرة والبي بي سي (رغم تباين اجندتهما) بالثورتين المصرية
والتونسية بعد ان اكتمل نجاحهما .. لا تغمضوا أعينكم باسم الميكافيللية ولكن افتحوها واسعة علي جدية
التغيير

الاختبار يضحي اصعب كل يوم والسمك الكبير جائع لالتهامكم ..

عمر علي حسن

Post: #80
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عبدالعزيز الفاضلابى
Date: 02-16-2011, 05:09 PM
Parent: #79

الناس ديل قالوا متلهمين القذافى
Visit msnbc.com for breaking news, world news, and news about the economy

Post: #81
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-16-2011, 08:35 PM
Parent: #80

خالي عمر

Quote: .. لا تغمضوا أعينكم باسم الميكافيللية ولكن افتحوها واسعة علي جدية
التغيير

صحيح يا خال ربما تعمد القناتان لدس السم في الدسم ولكن حنظل التعتيم الاعلامي العربي واشواق الشعوب العربية المقهورة للحرية جعلتهم لا يأبهون لطعم ذلك السم المدسوس . .

هل كنت متابعا تغطية القناة المصرية الرسمية ابان فترة الثورة الشعبية ؟

يا خال دعوا الجزيرة باجندتها فنحن محتاجون ولو ل 50% من الحقيقة ولتذهب ال 50 % الباقية ثمنامنا لذلك القدر من الشفافية ايا كانت الاجندة التي تستصحبها .

Post: #82
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-16-2011, 08:37 PM
Parent: #81

الفاضلابي

Quote: الناس ديل قالوا متلهمين القذافى

زولك عراااااااااااف طردهم من قولة تيت

Post: #83
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: mona altom
Date: 02-16-2011, 11:08 PM
Parent: #82

ود الخال المسنوح كيفينك يا ما عندك .........

الجزيره الايام دي قاعده تضرب الخماسي في السداسي لانه لديها مايدوش الراس من الخيارات

سوريا, اليمن ,البحرين , الجزائر, ليبيا ,السودان ,مورتانيا وعيييييك

فلو سمحتو ادوها حبة زمن

فماتشفقوا بعفن وبتشم

Post: #84
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-17-2011, 08:50 AM
Parent: #83

منى بت خالي التوم

Quote: ود الخال المسنوح كيفينك يا ما عندك .........

عارفك عايزة تقولي شنو لكن يا بت الخال في البال لكن.......

Quote: الجزيره الايام دي قاعده تضرب الخماسي في السداسي لانه لديها مايدوش الراس من الخيارات

سوريا, اليمن ,البحرين , الجزائر, ليبيا ,السودان ,مورتانيا وعيييييك

الجزيرة تعلن لوظائف جديد لان كادرها الحالي لا يستطيع تغطية البندر والضهاري

Post: #85
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Yousif A Abusinina
Date: 02-17-2011, 10:50 AM
Parent: #84

Quote
Quote: : دابة غادي نقلقوا ليكم بوتفليقة
وحق الله نهزوهو لفوووووووووووق ونجيبوه لرض
محال واش غادي يوصل جوج سيمانات
غير سيمانة راه بركة عليه
غير ديروا معانا يد الله

والله صاحبك فيســـــــــــل مقلبك جاب ليك شى لا بنقرى ولا بترجم

غايتو نوسط الريس بكرى يمكن نفهم منو شى

قلت لى العالم هجت على الصعيد ............ والله عجوتن كبيرة كان ما جونا فى السافل بسرعة

على قول الغناى النار ولعت ....

مشتاقين يا ابو عريب المسنوح رصيدك قاطع !!!!!!!!!!!!!!! ههههههههههههههه

والشوق بزيادة لعالم جميل من المسانيح عمو فيٍٍٍٍٍٍٍٍٍســــــــــل وعمو كمال والمسنوحات مايزعلن ...

Post: #86
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-17-2011, 11:09 AM
Parent: #84

Quote: هل كنت متابعا تغطية القناة المصرية الرسمية ابان فترة الثورة الشعبية ؟

شيقوق العزيز

تغلمت منذ حرب يونيو 67 الا اصدق الاعلام الحكومي ايا كان فقد ظلت الاذاعات المصرية تكذب
علينا وتعلن ان طائرات القوات المصرية تضرب مشارف تل ابيب وان القوات البرية في زحف
حثيث لاحتلال مواقع متقدمة من الاراضي التي يخيم عليها ظل العدو .. واخذني الزهو للقول باننا
سنذهب لتهنئة القوات المصرية بتحرير فلسطين ونتجول معها في شوارع تل ابيب والقدس ونعمل
معها علي حصر ما استردته بالقوة ... وعندما ظهرت الحقيقة وهي ان الطيران الحربي المصري
ضرب علي الارض وقبل ان تطير منه مقاتلة واحدة انتحر المشير عبد الحكيم عامر وتنحي
الرئيس عبد الناصر وقلت لاصحابي ان الاذاعة المصرية هي التي قتلت عامر واجبرت ناصر علي
التنحي فالهزيمة حدث لا يهز الجيوش وناصر وعامر ضابطين يعرفان ان الحرب نصر وهزيمة
ولكن الكذب الصراح المفضوح امر من طعم الهزيمة .. ولذلك استهزأ الشعب المصري بجيشه وقال
فيه من النكت والتعليقات الساخرة ما يوجع مثل (طب ما تاخدوها جري)

قلت لاستاذي عمر الحاج موسي وهو يختبرني في انترفيو لمتنافسين علي وظيفة رئيس قسم الاخبار
وكنت الاول بين المتنافسين انني سارفض نشر خبر اعلم انه غير حقيقي .. واظن ان هذا الرد جعل
متسابقا آخر يحصل علي الوظيفة .

ودرست في الاستراتيجيات دور الاعلام في تهيئة الراي العام ودور الاشاعة في تشتيت الانظار عن
الحقيقة والترويج لما يرجح الشك كوسائط لابطال مفعول الحقيقة وجعلها علي كفة ميزان مع غيرها
ليختار كل ما يروقه .

ولكفري بالاذاعات الحكومية فانني استمع غلي مضض للبي بي سي والجزيرة والسي ان ان وانا
كاره لثلاثتهن فهن مع ترويجهن لاجندة خاصة (وهذا يعدل عندي مايفعله الاعلام الحكومي) الا انك
تجد فيهن جزءا من الحقيقة التي تخفيها الاذاعات الحكومية .. وقد عرف العالم في اواسط القرن
الماضي الاعلام الموجه والاقتصاد الموجه (وكل شيء موجه) بعد ان تزايد الوعي الفردي لانسان
تلك الحقبة واتسع مجال وصوله الي الحقيقة بعدم القدرة الرسمية علي التحكم في الاثير ..

وبنفس المعيار اصبحت الاسافير في هذا العصر اقرب الي منال انسان هذا العصر واتسع ادراكه ليميز
الاجندات الخفية لكل مدون او ناشر او حتي متداخل ليأخذ منها ما (يعجبه) ..

Quote: فنحن محتاجون ولو ل 50% من الحقيقة ولتذهب ال 50 % الباقية ثمنا
ما لذلك القدر من الشفافية ايا كانت الاجندة التي تستصحبها .

فلا مجال استاذي للتسليم بال 50% التي تنقطها الجزيرة وغيرها في السم ولا بال100% دسم الذي
تسكبه الاذاعات والمداخلات الحكوميه لتخنق به الحقيقة .. كلهم في الهم شرق . والاقل شرفا من يكون
اكثر قدرة علي اشاعة اجندته الخاصه والتأثير علي الناس بسعة انتشاره وارتفاع صوته وجاعورته
مثل فيصل القاسم ......

ثورتك لايحقق اهدافها غيرك فهؤلاء الغير لا يحققون الا اهدافهم هم ... وخلي بالك من البحرين التي
تصطرع عليها امريكا وايران .. اما اليمن والجزائر والمغرب وسوريا فذراع امريكا هي المحرك وهي
نفس الذراع التي تحمي السودان وليبيا مؤقتا ...

عمر علي حسن

Post: #87
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-17-2011, 04:30 PM
Parent: #86

يا اهلنا

سلام

انا الان في مدينة صحار في زيارة مع اخي محمد المرتضى للدكتور احمد القرشي

ساعود للرد عليكم بعد الجماعة ينوموا كوووووولهم

ترقبوا الرد يا خال

اطيب الاماني

Post: #88
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: mona altom
Date: 02-17-2011, 09:55 PM
Parent: #87

Quote: : دابة غادي نقلقوا ليكم بوتفليقة
وحق الله نهزوهو لفوووووووووووق ونجيبوه لرض
محال واش غادي يوصل جوج سيمانات
غير سيمانة راه بركة عليه
غير ديروا معانا يد الله

سلام يالمسنوح قلت نعمل فيك حسنه ونترجم ليك الهدري الفوف ده

الجماعه ديل قالوا والله لو لموا في بوتفليقه يشلوه فوق ويخبطوا بيه الارض

بس قدامهم اسبوع او اسبوعين باذن الله ويجيبوا خبره

Post: #89
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-18-2011, 03:56 PM
Parent: #88

Quote: ثورتك لايحقق اهدافها غيرك فهؤلاء الغير لا يحققون الا اهدافهم هم ... وخلي بالك من البحرين التي
تصطرع عليها امريكا وايران .. اما اليمن والجزائر والمغرب وسوريا فذراع امريكا هي المحرك وهي
نفس الذراع التي تحمي السودان وليبيا مؤقتا ...

يا خال هذه صحوة للشعوب المقهورة في وجه من سلبوا حقوقها الاساسية وحرياتها العامة فأنّى لنا تبخيس هذه الصحوة العارمة وإضافة شرفها الى الرصيد الاميركي ؟

عطفا يا سعادتك فهي انتفاضة شحبية انتظمت كل الدول العربية لانها قد رهنت مصيرها بأميركا.

Post: #90
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-18-2011, 04:00 PM
Parent: #89

منى بت خالي

Quote: سلام يالمسنوح قلت نعمل فيك حسنه ونترجم ليك الهدري الفوف ده

الجماعه ديل قالوا والله لو لموا في بوتفليقه يشلوه فوق ويخبطوا بيه الارض

بس قدامهم اسبوع او اسبوعين باذن الله ويجيبوا خبره

دا كلام ضهاري سااااااااااااااااى

ان شاء الله يجيبوهو مشغلب من السماء

Post: #91
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: أحمد ابن عوف
Date: 02-18-2011, 11:37 PM
Parent: #90

يا ود شيقوق

ناس الجزيرة قول ليهم نشنتو غلط، اللعب في ميدان الجماهيرية الشعبية الليبية الخ الخ الخ

لكن المسافة قريبة وعنكوليبهم ان شاء الله بكفيهم

والليبيين شغلهم عينة وبراهو

بحتلوا المدينة تلو الاخرى عديييييل كده

Post: #92
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-19-2011, 04:34 AM
Parent: #91

Quote: والليبيين شغلهم عينة وبراهو

بحتلوا المدينة تلو الاخرى عديييييل كده

والله يا ابن عوف اخوى كنا مستهونين الشعب الليبي وما فاكرين ممكن يرفع نخرتو على الديناصور دا - لكن فعلا غيروا انطباعنا عنهم

Post: #93
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: اسامه خليفه
Date: 02-19-2011, 11:17 AM
Parent: #92

هلا ودشيقوق ...

الجزيرة تغطي شنو وتخلي شنو لقد اصبح الضغط عليها كبير ورياح التغير تسير بشكل مرعب ..

2011 عام التغير تحت شعار لا رئاسه دايمه ولا توريث لها ايضا ..

فلتذهب الدكتاتوريه والشموليه الي مزبلة التاريخ ونعم نعم للديمقراطيه والتبادل السلمي للسلطه ..

Post: #94
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-19-2011, 11:28 AM
Parent: #92

Quote: عطفا يا سعادتك فهي انتفاضة شحبية انتظمت كل الدول العربية لانها قد رهنت مصيرها بأميركا.

العزيز شيقوق

لن يكون لامريكا شرف توجيه ثورات الشعوب او تحديد ممكاسب الشعوب من هذه الثورات .. وما ارمي اليه
هو استخدامها لقوي خفية - لا تروج للثورة - وانما تصطاد الثورة من خلال شعاراتها التي تتناسب مع
اجندة امريكا والغرب وربما اسرائيل لتحقيق مكاسب تخدم مصالحها علي المدي القريب مثل الديموقراطية
والحريات العامة والمطالب الفئوية .

الا تري معي ان السيناريو السياسي الحالي يتكون من ثلاثة اضلاع :
1- انظمة عتيقه لاتسمح بتداول سلمي وديموقراطي للحكم وتستخدم القبضة الامنية للبقاء في سدة الحكم مع
استشراء للفساد السياسي والثراء لفئات دون اخري واهدار للموارد العامة
2- شعوب مقهورة تغلبت علي الخوف فقط وآمنت بحقها في التغيير وصممت عليه
3- قوي غير وطنيه (خارجية) تظهر نفسها كوسيلة ضغط علي النظام رافعة شعار الديموقراطية والحرية وفي
ذات الوقت تدس اجندتها الخاصة سواء كانت اضعاف الاقتصاد (للتدخل لا حقا كمنقذ بالمساعدات) او الحفاظ
علي مكتسبات كمعاهدات السلام والقواعد ومنع قوي معينه من الوصول الي مراكز السلطة او لتنفيذ اجندة عقائدية
خاصة

هذا السيناريو يجعل الاعلام اداة فعالة للتحريك والاثارة فكما قلنا ان الاعلام الحكومي يميل الي التعتيم بينما
يقوم غيره بالكشف والتعرية ولكن مع نشر واسع للاجندة الخاصة اعتمادا علي الاذن (المصدقة) بل وربما
المدمنة .

اما ان تنجح الثورة هنا او هناك فلم يكن بين مقاصدي اذا العوامل المشتركة وهي الغبن والتحرر من الخوف وارادة
التغيير .. هي العوامل الثابتة لنجاح الثورة ومن خلالها تدخل القوي الخارجية وادواتها بدس اجندتها لخاصة

الثورة استاذي ستنجح من ايران الي المغرب قريبا او اقرب متي ماتحرر جزء مناسب من الشعب من خوف
كان هو سر البقاء للانظمة العتيقة .. ومن ثم ينتقل طاقم الجزيرة بعنكوليبو ومحافيرو وبعد حسبة تقديرية سريعة
وبسيطة واعادة ترتيب للاجندة حسب الموقع وضرورته الاستراتيجية لهذا او ذاك .. وهذا لايجعلنا نسبغ علي
امريكا اضافة شرف هذه الثورات لها .

اقرأ مداخلاتي الثلاثة السابقة مرة اخري ..

عمر علي حسن

Post: #95
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-19-2011, 11:40 AM
Parent: #94

ود الخليفة

نعم

Quote: فلتذهب الدكتاتوريه والشموليه الي مزبلة التاريخ ونعم نعم للديمقراطيه والتبادل السلمي للسلطه

Post: #96
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-19-2011, 01:33 PM
Parent: #95

ابو امير

Quote: لن يكون لامريكا شرف توجيه ثورات الشعوب او تحديد ممكاسب الشعوب من هذه الثورات .. وما ارمي اليه
هو استخدامها لقوي خفية - لا تروج للثورة - وانما تصطاد الثورة من خلال شعاراتها التي تتناسب مع
اجندة امريكا والغرب وربما اسرائيل لتحقيق مكاسب تخدم مصالحها علي المدي القريب مثل الديموقراطية
والحريات العامة والمطالب الفئوية .

الا تري معي ان السيناريو السياسي الحالي يتكون من ثلاثة اضلاع :
1- انظمة عتيقه لاتسمح بتداول سلمي وديموقراطي للحكم وتستخدم القبضة الامنية للبقاء في سدة الحكم مع
استشراء للفساد السياسي والثراء لفئات دون اخري واهدار للموارد العامة
2- شعوب مقهورة تغلبت علي الخوف فقط وآمنت بحقها في التغيير وصممت عليه
3- قوي غير وطنيه (خارجية) تظهر نفسها كوسيلة ضغط علي النظام رافعة شعار الديموقراطية والحرية وفي
ذات الوقت تدس اجندتها الخاصة سواء كانت اضعاف الاقتصاد (للتدخل لا حقا كمنقذ بالمساعدات) او الحفاظ
علي مكتسبات كمعاهدات السلام والقواعد ومنع قوي معينه من الوصول الي مراكز السلطة او لتنفيذ اجندة عقائدية
خاصة

هذا السيناريو يجعل الاعلام اداة فعالة للتحريك والاثارة فكما قلنا ان الاعلام الحكومي يميل الي التعتيم بينما
يقوم غيره بالكشف والتعرية ولكن مع نشر واسع للاجندة الخاصة اعتمادا علي الاذن (المصدقة) بل وربما
المدمنة .

اما ان تنجح الثورة هنا او هناك فلم يكن بين مقاصدي اذا العوامل المشتركة وهي الغبن والتحرر من الخوف وارادة
التغيير .. هي العوامل الثابتة لنجاح الثورة ومن خلالها تدخل القوي الخارجية وادواتها بدس اجندتها لخاصة

الثورة استاذي ستنجح من ايران الي المغرب قريبا او اقرب متي ماتحرر جزء مناسب من الشعب من خوف
كان هو سر البقاء للانظمة العتيقة .. ومن ثم ينتقل طاقم الجزيرة بعنكوليبو ومحافيرو وبعد حسبة تقديرية سريعة
وبسيطة واعادة ترتيب للاجندة حسب الموقع وضرورته الاستراتيجية لهذا او ذاك .. وهذا لايجعلنا نسبغ علي
امريكا اضافة شرف هذه الثورات لها .

اقرأ مداخلاتي الثلاثة السابقة مرة اخري ..

جاييك يا خال بالمهلة

Post: #97
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-19-2011, 07:55 PM
Parent: #96

لن يكون لامريكا شرف توجيه ثورات الشعوب او تحديد ممكاسب الشعوب من هذه الثورات .. وما ارمي اليه
هو استخدامها لقوي خفية - لا تروج للثورة - وانما تصطاد الثورة من خلال شعاراتها التي تتناسب مع
اجندة امريكا والغرب وربما اسرائيل لتحقيق مكاسب تخدم مصالحها علي المدي القريب مثل الديموقراطية
والحريات العامة والمطالب الفئوية .

الا تري معي ان السيناريو السياسي الحالي يتكون من ثلاثة اضلاع :
1- انظمة عتيقه لاتسمح بتداول سلمي وديموقراطي للحكم وتستخدم القبضة الامنية للبقاء في سدة الحكم مع
استشراء للفساد السياسي والثراء لفئات دون اخري واهدار للموارد العامة
2- شعوب مقهورة تغلبت علي الخوف فقط وآمنت بحقها في التغيير وصممت عليه
3- قوي غير وطنيه (خارجية) تظهر نفسها كوسيلة ضغط علي النظام رافعة شعار الديموقراطية والحرية وفي
ذات الوقت تدس اجندتها الخاصة سواء كانت اضعاف الاقتصاد (للتدخل لا حقا كمنقذ بالمساعدات) او الحفاظ
علي مكتسبات كمعاهدات السلام والقواعد ومنع قوي معينه من الوصول الي مراكز السلطة او لتنفيذ اجندة عقائدية
خاصة

Quote: هذا السيناريو يجعل الاعلام اداة فعالة للتحريك والاثارة فكما قلنا ان الاعلام الحكومي يميل الي التعتيم بينما
يقوم غيره بالكشف والتعرية ولكن مع نشر واسع للاجندة الخاصة اعتمادا علي الاذن (المصدقة) بل وربما
المدمنة .

نحن يا خال لما نلقى الدسم بيعمل لينا غشاوة في عيونا عن السموم المدسوسة

Quote: اما ان تنجح الثورة هنا او هناك فلم يكن بين مقاصدي اذا العوامل المشتركة وهي الغبن والتحرر من الخوف وارادة
التغيير .. هي العوامل الثابتة لنجاح الثورة ومن خلالها تدخل القوي الخارجية وادواتها بدس اجندتها لخاصة

صحيح فاي حد بيحاول بيصطاد في الماء وان كانت صافية

Quote: الثورة استاذي ستنجح من ايران الي المغرب قريبا او اقرب متي ماتحرر جزء مناسب من الشعب من خوف
كان هو سر البقاء للانظمة العتيقة ..

اميييييين

ومن ثم ينتقل طاقم الجزيرة بعنكوليبو ومحافيرو وبعد حسبة تقديرية سريعة
وبسيطة واعادة ترتيب للاجندة حسب الموقع وضرورته الاستراتيجية لهذا او ذاك ..

ههههههههههها اكيييييد بيكونوا مستصحبين المقادير يا ابا امير - معقول يشتتوا عنكوليبهم بلا حساب؟ ديل كمان دخلوا في الشغلانية علماء النفس والاجتماع شفت الشغل كيف؟

Post: #98
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-19-2011, 08:26 PM
Parent: #97

Quote: اميييييين

Quote: اكيييييد بيكونوا مستصحبين المقادير

وامريكا حارسة الازيار ... انت اشرب من هنا .. وانت اشرب من هناك .. التقول موية ابوهم !

عمر علي حسن

Post: #99
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-19-2011, 08:46 PM
Parent: #98

Quote: وامريكا حارسة الازيار ... انت اشرب من هنا .. وانت اشرب من هناك .. التقول موية ابوهم !

طيب يا خال ولو امريكا وجدت الموية بغوغي فيها قعونج بتعمل شنووووووووووووو؟

Post: #100
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-20-2011, 05:02 AM
Parent: #99

Quote:

شعب اراد الحياة يا عزو

ناس ارادوا الحياة
وناس ادمنت الموت...

بنغازي نفر

Post: #101
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-20-2011, 11:12 AM
Parent: #100

Quote: ولو امريكا وجدت الموية بغوغي فيها قعونج بتعمل شنووووووووووووو؟

انت قايل صعب عليهم يجيبوا قعونج امريكي له نقيق مشابه وبرمجة خاصة علي ترديد عبارات معينة
مما يردده القعونج الوطني والضغط علي هذه العبارات المختارة التي تخدم اجندتهم ؟..

خلي بالك من (الالفه) وهو يطلب من (الفوات) وحكومات البلاد المشتعلة الا يقمعوا المظاهرات وان (يتفاهموا)
شوية مع المعارضة .. انت مالك ياخي والدخلك شنو بين البصلة وقشرتها .. شوف مشاكل امريكا وحلّها .. أم
ان هذا الحل يرقد بين ثنايا مطالب الشعوب .....

الخواجة اوباما يا شيخنا كل يوم عنده مؤتمر صحفي يخاطب فيه الثورات والحكومات وهذا غير متاح لا
لقادة الثورات ولا الحكومات .. مثلا الجيش المصري اصدر البيان رقم واحد وافاد فيه بانه في حالة انعقاد
وسكت ... بعدين بعدين وبعد ثلاثة او اربعة ايام اصدر البيان الثاني ..

بعدين ياشيخنا : مافي الفه غير ده .. المسلط بس علي المسلمين والعرب ؟

عمر علي حسن

Post: #102
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-20-2011, 12:30 PM
Parent: #101

Quote: بعدين ياشيخنا : مافي الفه غير ده .. المسلط بس علي المسلمين والعرب ؟

طيب يا خال اين كرازاينو (من كرازي) من تلك الثورات الشعبية ؟

ولا ديل فلتوا منو ساى؟

في احتمال يكون منتظر بلورة الموسسات الديموراطية الجديدة ومن ثم العمل على ايجاد نفاج لبسط هيمنته عليها ؟

قل يا ايها المنجم والعالم المعظم جئنا اليك كلنا لنعرف منك حظنا

Post: #103
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: dardiri satti
Date: 02-20-2011, 03:18 PM
Parent: #102

لكن يامولانا ناس الجزيرة ديل
النطيط عليهم شنو؟؟
من تونس مشوا مصر ونطوا ليبيا،
لكن النطة من مصرللجزائر دي بعيدة خلااااااااااااس!!

Quote: وعلى الباقي تدور الدوائر

مولانا ،
دي غلطة والا شفتنة؟؟

ياشفت!!!

كدي شكَِل لي الجملة القلتا فيها حكاية المزامير.

تحياتي

Post: #104
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-20-2011, 03:54 PM
Parent: #102

Quote:
في احتمال يكون منتظر بلورة الموسسات الديموراطية الجديدة ومن ثم العمل على ايجاد نفاج
لبسط هيمنته عليها ؟

بالضبط .. والنفاج موجود مسبقا ويتم توسيعه بشويش حتي يصبح اوسع من بوابة عبد القيوم ..

امريكا يا خالك خرجت من حروبها السابقة وآخرها الحرب الكورية بكراهية الشعوب ولم تحقق
شيئا علي الارض .. وبدأ التململ الداخلي يدفع حزبيها لاستراتيجيات تحقق اهدافا للمصالح
الامريكية من خلال اكتساب محبة الشعوب او تحييدها علي اقل تقدير .. والتحييد يشمل الرأي
العام العالمي خاصة عندما يتعلق الامر بشن الحروب .

رفعت امريكا شعارها الداخلي AUW أي America Under War مباشرة بعد نسف
ابراج التجارة واستهدفت القاعدة وبن لادن وطالبان في افغانستان رافعة راية الديموقراطية
والحرية كوسيلة لمكافحة الارهاب وجعلت كرزاي مندوبا ساميا لها يفعل كل ماتريده امريكا
من خلال ذراعها العسكري القوي الذي يحمي الشعب وينشر بينه الوعي والحضارة ولم
يستطع احد في العالم كله بما في ذلك مجلس الامن ان يقول (بم) .. والساقية لسه مدوره وما
يزال بن لادن وطالبان هدفا والحرية تنمو رويدا بانتخابات ومظاهر تغيير بطيئة .

هل كان الهدف افغانستان ؟.. أو افغانستان وحدها؟ .. الم تبشر امريكا بمحاربة الارهاب عن
طريق تحرير المرأة والفكر والتعليم وتأطير الفهم الديني ولو عن طريق فرآن (منقح)
ومدت اذرعها غير العسكرية من افغانستان الي السعودية واليمن ..

ثم جاءت حرب العراق بكل قصتها المعلومة لكم وللعالم كله تحت راية السيطرة العاجلة
علي اسلحة الدمار الشامل (غير الموجودة اصلا) ثم تبلورت نحو اقامة وترسيخ الديموقراطية

ربع مليون جندي يابو الطيب لنشر الديموقراطية .. والعالم يصدقهم !

هاتان حربان يتمرد عليهما الشعب الامريكي وقت الانتخابات فقط ولا يملك ان يسترجع من كلفتهما
الا الاستماع الي حجج الازمة الاقتصادية العالمية التي وصلت الي جيبي وجيبك وجيوب ملا يين
المساكين امثالنا في شرق العالم وغربه .. وليس لامريكا طاقة في الوقت الراهن علي حرب جديدة
ولو ضد ايران المهدد الاكبر لمصالحها في الشرق الاوسط الغني بالثروات والمواقع الاستراتيجية ..

فاذا كانت التربة صالحة للثورة في بلاد تفاقم فيها الظلم والقهر والفساد وطال بقاء انظمتها الفاسدة
ما يتراوح بين 42 و18 عاما هذا ادا استبعدنا الملكيات التي جاوزت اعمارها المئة عام ، والعامل
المشترك الاعظم في كل هذه الانظمة هو الموالاة لامريكا ، فلا بد للنفاذ اليها من ركوب موجة التحرر
ومساندة الشعوب المنتفضة علي تحقيق مرادها مع الحفاظ علي (نفاج) يكفل البقاء وادارة مصالحها
وهي تتمتع بالترحيب الشعبي والحكومي ..

هذا النفاج في تونس ومصر هو التاثير السلبي للثورة علي الاقتصاد مع تحريك مستمر للمطالب
الفئوية التي لاتطيقها الحكومات الجديدة ولا تملك رفضها .. وهنا تاتي امريكا بالمساعدات التي
لا يستطيع الثوار ولا النظم الجديدة رفضها .. فإذا نظرت الي الاردن والبحرين فالسقف لا يبلغ
المطالبة بزوال الملكية ولكنه يمضي حثيثا نحو رفع الظلم الاجتماعي و (النفاج) هنا مقارب لذلك
المصري التونسي يسهل توسيعة وفتح باب المساعدات التي يتحقق من خلالها الترحيب الشعبي
بماما اميريكا وربما ينطبق هذا علي الدول الافقر باستثناء اليمن وليبيا اللتان ستعتمد فيهما امريكا
علي صراع قبلي في الاولي وحزبي في الثانية ينهك فيه كل منهما الاخر انهاكا لايستطيع بعده
ان يحقق من اهداف الثورة الا ازالة الرموز والتسابق الي (نفاج) الحاجة لعائدات القواعد او تسويق
البترول ومفاتيح الحلين بيد امريكا..

هل الحل ان ناكل مما نزرع فنموت من الجوع ام ناكل مما نشحت

Quote: جئنا اليك كلنا لنعرف منك حظنا

اما حظكم ف(شغله) انظف ..... تفكيك سلمي للشرق والغرب (بيدي لا بيد عمرو) ثم لا يهم ان يئول
الباقي الي زعيط او معيط طالما انه سيكون بلا انياب ولا اظافر

عمر علي حسن

Post: #105
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-20-2011, 07:59 PM
Parent: #104

Quote: ثم لا يهم ان يؤول الباقي الي زعيط او معيط طالما انه سيكون بلا انياب ولا اظافر

انت يا خال ما بتريح اصلك - اهاااااااااااا طيب لو آل ، من خلال الديموقراطيات ، للاسلامييييييييييييييييييييييين بيكون الحل شنو؟

ما تجي تقول لي آآآآآآآآآآآآآي لانهم بعبع للسعودية فسيزيدون الدرار (حليب) لاميركا من المملكة وغيرها من دويلات الخليج .

Post: #106
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: mona altom
Date: 02-20-2011, 08:14 PM
Parent: #105

المسنوح

ثبت شرعا ان طاقم قناة الجزيرة حل بليبا بالرغم من الصعوبات التي واجهته من قبل النظام

Post: #107
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-20-2011, 08:37 PM
Parent: #106

منى بت خالي المسنوووووووحة

Quote: ثبت شرعا ان طاقم قناة الجزيرة حل بليبا بالرغم من الصعوبات التي واجهته من قبل النظام

اخخخخخخخخخخخخخ دا خبر يستحق اشغل ليهو اغنية (عاد الحبيب وعادت الي احلى الليالي)

تخيلي أى اخبار بدون تغطية الجزيرة ما ليهو طعم .

هسع بجينا خالك عمر بمطرقو هو جنو وجن الجزيرة وبسببها كره ليك كل الجزر حتى جزيرة توتي ذاتا .

Post: #108
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Ali Sirelkhatim
Date: 02-20-2011, 11:21 PM
Parent: #107

يا شيقا الليبية شكلها كده حاتفلع فبل الجزائرية

مودتى

Post: #109
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 05:35 AM
Parent: #108

Quote: يا شيقا الليبية شكلها كده حاتفلع فبل الجزائرية

شايف الكوتش الكبير ولى امور البلاد لنجله الارعن - الود عايز يعمل ابادة جماعية عشان الكوتش بعدين يقول دى تصرفات اولاد غير عقلانيين

Post: #110
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-21-2011, 01:16 PM
Parent: #109

Quote: من خلال الديموقراطيات ، للاسلامييييييييييييييييييييييين بيكون الحل شنو؟

لا اري في الاسلاميين عيبا اذا جاءت بهم ديمقراطية خالية من عيوب الممارسات العصرية .. فكثير
من الاحزاب في الغرب (الحر) تعمل تحت ظل الكنيسة بل وتحمل اسم الحزب الديموقراطي المسيحي
مثلا .. ولكن المشكلة في (الديك) وهل سيقتنع بان الاسلاميين مش (حبة) ..

في ترتيب مصالح (الديك) الاساسية يجلس الارهاب علي راس الهرم والارهاب عند الديك هو الاسلام
لذلك فان اي (حليب اضافي) يدره الذراع الاسلامي من ضرع السعودية او غيرها لا يجعل الديك يرحب
بوجودهم الا في اطار صراع يضعف به بعضهم البعض.

Quote: شايف الكوتش الكبير ولى امور البلاد لنجله الارعن

جزيرتك دخلت في الموضوع وحتلحقه ليك امات طه .. الجماعة ديل شوبارين وصواطين وعنكوليبهم
ملغم .. ولكنني مع ذلك اري انهم سيسرّعون وقع الاحداث ويجذبون اهتماما خارجيا اكبر يمكن الديك
من تحديد اهدافه بدقة اكبر وستري عمك اوباما بعد قليل يرمي (ودعه) ويرفع القطمير عن نواة الحرية
ووقف القمع الدموي ..

ليبيا رايحه في حق الله والكوتش واولاده سكتهم واضحة فماذا بعد واين ستتجه المحافير والعنكوليب ؟
ومن الكاسب ؟

عمر علي حسن

Post: #111
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: Abdlaziz Eisa
Date: 02-21-2011, 01:41 PM
Parent: #110

هييييييييا يا الاكسبرس!!!!!!!!

Post: #112
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 03:59 PM
Parent: #111

Quote: ليبيا رايحه في حق الله والكوتش واولاده سكتهم واضحة فماذا بعد واين ستتجه المحافير والعنكوليب ؟

الى مواطن الظلم والبطش الاضطهاد

ومن الكاسب ؟

الشعوب الثائرة التي تنسمت الحرية والحلابون .

Post: #113
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-21-2011, 04:40 PM
Parent: #112

Quote:
الى مواطن الظلم والبطش الاضطهاد

يا ريت ..... صدقت .. طال الزمن ام قصر

Quote: الشعوب الثائرة التي تنسمت الحرية والحلابون .

الله الحلابين بالضريب شقاق العناقريب .. هولاء هم مشكلتي ومصدر خوفي وساعود لتسليط الضوء
عليهم وما اراه من تسللهم الخبيث الي مكاسب الشعوب .

عمر علي حسن

Post: #114
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: رشا بابكر
Date: 02-21-2011, 05:02 PM
Parent: #113

تحياتي/اخوي الطيب

خلينا في العنكوليب الأخدر
رجع لي ذكريات الطفولة الحلوة والمشي للسوق

بس البذكره مرات تشتري العنكوليبة وجري البيت
وتقعد في الواطة عشان تاكلها
تقوم تلقاها مسيخة
وعشان تفكر ترجع تجيب واحدة غيرها
تلقى السوق فررق!!!!!!!!!!!!!!!!!!!!
دمت طيب

Post: #115
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 05:06 PM
Parent: #114

Quote: هييييييييا يا الاكسبرس!!!!!!!!

مسنوح

قول القشاش

Post: #116
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 05:13 PM
Parent: #115

ابو امير

Quote: هولاء هم مشكلتي ومصدر خوفي وساعود لتسليط الضوء
عليهم وما اراه من تسللهم الخبيث الي مكاسب الشعوب .

في الانظمة الديموقراطية بتكون في عيون مفتحة وناصبة الشراك للقبض على كل من يحاول ان يحلب بدون المشاركة في سداد فلوس القصب والامباز

انت فاكرالامور ساى يا خال؟

وين يا خالي الحلابون من المجازر الليبية ؟

Post: #117
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 05:18 PM
Parent: #116

الشاعرة رشا

كيييييييييييييفك

Quote: خلينا في العنكوليب الأخدر
رجع لي ذكريات الطفولة الحلوة والمشي للسوق

بس البذكره مرات تشتري العنكوليبة وجري البيت
وتقعد في الواطة عشان تاكلها
تقوم تلقاها مسيخة
وعشان تفكر ترجع تجيب واحدة غيرها
تلقى السوق فررق!!!!!!!!!!!!!!!!!!!!

والله كلامك صاااااااااااااح وكمان مرات تكون العنكوليبة كبيرة وقوية تقوم تديها واحد كبير تقول ليهو نقي لي - ينقي ليك وانتى تتجغمي ساااااااااى

Post: #118
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: ابوبكر قسومة
Date: 02-21-2011, 05:36 PM
Parent: #117

ود شيقوق ازيك آآمسنوح...أها طاقم الجزيرة لملم محافيرو ورجع متلهم القزافي شن قولك؟
بيني وبينك كدة .....العنكوليب ده بجغموهو ولا بلوكوهو زي الصبر؟

Post: #119
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-21-2011, 06:23 PM
Parent: #118

Quote: وين يا خالي الحلابون من المجازر الليبية ؟

قاعدين في نصها .. وسفارتهم عامله اضان الحامل طرشاء ..عشان يقولوا ما عندنا معلومات
مؤكدة .. ويقعدوا يضروا في التراب عشان يشوفوا اتجاه الريح ويلا .. هوب يجيك ود حسين
نابل وما تستبعد يقول نفس الكلام القالو لتونس ومصر .. اصلو ما عندو غيره .

وخد يا تحليل من الجزيرة وبي بي سي كأنه جاب التايهة !!

طيب مين قبل الخميس .... البحرين ام اليمن .. الغريب انه علي صالح ما جاب ليهم ولده ذي
الكوتش وملك البحرين .. يظهر عايز يبلعها ناشفه زي بتاعة مبارك وبن علي

والاغرب انه كل (الحاجات) دي طلعت في ربيع الاول .. التقول فيه حصاد العنكوليب !

عمر علي حسن

Post: #120
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 06:50 PM
Parent: #119

قسووومة

Quote: ود شيقوق ازيك آآمسنوح...أها طاقم الجزيرة لملم محافيرو ورجع متلهم القزافي شن قولك؟
بيني وبينك كدة .....العنكوليب ده بجغموهو ولا بلوكوهو زي الصبر؟

يا زول ربك يستر القزافي حرق المحتجين حرق الله يلعنو

Post: #121
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-21-2011, 07:00 PM
Parent: #120

Quote: قاعدين في نصها .. وسفارتهم عامله اضان الحامل طرشاء ..عشان يقولوا ما عندنا معلومات
مؤكدة .. ويقعدوا يضروا في التراب عشان يشوفوا اتجاه الريح ويلا .. هوب يجيك ود حسين
نابل وما تستبعد يقول نفس الكلام القالو لتونس ومصر .. اصلو ما عندو غيره .

احسنت يا خال

الان اصدقك القول ود حسين الثعلب بتشمشم في اتجاه الريح

اتخيل ناس الحليب يعلنون فقط حظر سفر رعاياهم الى ليبيا

Post: #122
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-22-2011, 10:01 AM
Parent: #121

Quote: الان اصدقك القول ود حسين الثعلب بتشمشم في اتجاه الريح

مش قلت لك !
طلعت له عمتي هيلاري .. وهاك يا حقوق انسان واستخدام قوة مش عارف شكلها كيف ..

والاظرف His Masters Voice قال كلم القذافي مكالمة طويلة .. طيب .. قال ليهو
حقوق انسان وضرب (بالسواك) .. باقي الوقت كان بيقول ليهو في شنو .. والكوتش كان
بيسمع بس والله قال حاجة ؟

ضربوهم بالطيارات والار بي جي ولسه ود حسين ما جاء .. يكون منتظر يضربوهم
بالقنابل الذرية ؟

جماعتك ديل ما عندهم سالفة .. بالمناسبه الحاجه دي برطشت كده مالها ؟

عمر علي حسن

Post: #123
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-22-2011, 10:39 AM
Parent: #122

Quote: ضربوهم بالطيارات والار بي جي ولسه ود حسين ما جاء .. يكون منتظر يضربوهم
بالقنابل الذرية ؟

يمكن عايز يسلموها ليهو بطانة عادمة طافي النار

Quote: جماعتك ديل ما عندهم سالفة .. بالمناسبه الحاجه دي برطشت كده مالها ؟

من زمان ق ط ع ت يا خال .

Post: #124
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-22-2011, 11:01 AM
Parent: #123

Quote: من زمان ق ط ع ت يا خال .

طيب ما يشوفوا لينا واحدة زي بت مكناس إمكن نسمع كلامها !
مرقتو جننا الله يدينا خيركم .

عمرعلي حسن

Post: #125
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-22-2011, 12:41 PM
Parent: #124

Quote: طيب ما يشوفوا لينا واحدة زي بت مكناس إمكن نسمع كلامها !

دي يا خال انتو بتسمعوها لكن نحن يا خال ناس انتفاضات ساى

Post: #126
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-22-2011, 01:51 PM
Parent: #125

Quote: دي يا خال انتو بتسمعوها

من اقصدهم بالسمع هم الكوتش واولاده واخوانه المنططين عيونهم .

نحن يابا كان بنسمع كنا سمعنا كلام العندنا ....
وزولتك دي ذاتها واقعه في خط الزلازل .. واهلنا الشناقيط لما يجيهم الدور لابعرفوا
شعر ولا نثر .. كله حجر .

اما حاجه هيلاري فكلامها بقي مدفع في بحر.

عمر علي حسن

Post: #127
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-22-2011, 03:10 PM
Parent: #126

Quote: نحن يابا كان بنسمع كنا سمعنا كلام العندنا ....

ههههههههها كفاك زيارتك لارض الحجاز تمسح ليك أى ذنب

Post: #128
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-22-2011, 07:43 PM
Parent: #127

يا خال دحين سمعت خطاب الكوتش هجام فريق ام الزين؟

Post: #129
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-23-2011, 01:32 PM
Parent: #128

Quote: يا خال دحين سمعت خطاب الكوتش هجام فريق ام الزين؟

سمعته والله في خشوع وهدوء وانتباه ورهبة ويقين .. وساقول لك ليه

انا رجل محظوظ .. هيأت لي الظروف ومنذ صباي ان استمع لخطابات او اعايش
ظروف تنحي بعض الرؤساء والملوك .. وللتاريخ ساروي لكم جانبا من تلك المعايشات
واولها كان تنحي الملك فاروق الاول (ملك مصر والسودان) فقد كان في شكل مرسوم
بالتنازل عن العرش لولي عهده الامير احمد فؤاد .. كالمراسيم الملكية كان قصيرا
ومحددا .. وتلاه خروج الفاروق من مصر في احتفالية عسكرية فاخرة تركت له
اثرا وصورة زاهية

الثاني خطاب الفريق ابراهيم عبود يوم 25 اكتوبر 1964 وكان ايضا خطابا قصيرا
وقويا اعلن فيه حل المجلس الاعلي للقوات المسلحة والمح فيه الي بقائه حتي تشكل القوي
(الوطنية) حكومة تتسلم السلطة منه .. وحفظ هذ الخطاب القصير احتراما للفريق عبود
في نفوس السودانيين ظلوا يعبرون عنه كلما التقوه في الاسواق وبيوت العزاء وعبروا
عنه بشكل شامل ومؤثر في جنازته التي ماثلت جنازات السيدين عبدالحمن والصديق
المهدي وجنازات الراحلين السيد علي الميرغني ومبارك زروق واسماعيل الازهري
وقد تساووا جميعا في انهم كانو خارج السلطة ساعة موتهم فكانت نعوشهم استفتاء وتكريما
شعبيا اكد اصالة الشعب السوداني ومعرفته بالرجال

الثالث كان خطاب تنحي عبد الناصر يوم النكسة في يونيو1967 وكان خطابا مؤثرا
فيه اعتراف القائد بالهزيمة وتحمل المسئولية عنها وتحديد مواضع العيب في حكمه ونظامه
فلما اعاده الشعب التزم ناصر باصلاح النظام متتبعا مواطن قصوره التي اعترف
بها .. وكان خطابا طويلا ولاهبا اخرج الناس الي الشوارع وهي تبكي..

الرابع كان خطاب شكري القوتلي وهو يتنحي عن رئاسة الجمهورية السورية ليصبح
(المواطن العربي الاول) في الجمهورية العربية المتحده .. وكان خطابا قويا اعتبره
الناس مهرا للوحدة بين مصر وسوريا .

الخامس كان ظرف تنحية الامبراطور هيلاسلاسي حين اركبه منقستو هيلامريام في
عربه فولكس واجن بيتل فقال جلالته (من قال اننا في آخر الزمان نركب عربة كهذه)

السادس كان خطاب زين العابدين بن علي .. وهو خطاب فارغ قال فيه (لا ادري)

السابع كان خطاب تنحية (المعلم علاء شريك ابويا في القهوة) الذي قذف به عمر
سليمان في وجه الشعب المصري وكانه يقول لهم (جاتكو نيله)

ثم استمعت للكوتش وهو يزأر ويجلجل ويرغي ويحدد في كل فقرة من فقراته الطريقة
التي سيتنحي بها وهي البندقية والطلقة الاخيرة منها ..

قلت لك انني استمعت اليه في خشوع وانتباه ورهبة ويقين .. واقول لك الان لماذا الخشوع
والانتباه والرهبة واليقين :
الخشوع لآتمثل التاريخ الذي زحف علي الشعب الليبي منذ ان هبط عليه (الملازم اول
في الجيش الليبي آنذاك) معمر بو منيار عبد السلام القدافي (بالدال) لينتزع الشعب الليبي
من حكم الملك ادريس السنوسي المتخلف ويخرجه الي نور الحضارة التي تقودها مصر
الثورة .. وحاءه في اليوم الخامس من سبتمبر 1969 وفد من مجلس الثورة السوداني
بقيادة الرائد زين العابدين محمد احمد عبد القادر ليساعدوه علي تنظيم دولته . وكان
اول شيء فعلوه هو ترقيته الي رتبة العقيد (يبدو انه لم يجد بعدها احدا يرقيه الي رتبة
اعلي فبقي عليها حتي الان) .. ثم وضع قدمه علي الطريق واصبح ضلعا من الثالوث
الشهير (ناصر - قذافي - نميري) ثم (شطح) بعد وفاة ناصر وادعي خلافته .. وعييييك
لحد الكتاب الاخضر والجماهيرية العربية الاشتراكية العظمي وصار مفكرا ومنظّرا
وقائدا ومركزا للضوء والسلطة .. وبتواصل وجوده عبر نحو نصف قرن من الزمان
فان الاستماع اليه لا بد ان يكون بخشوع ..
اما الانتباه فانه تبعا لما تقدم فإن حديثه لابد ان يكون حاويا لروابط يعرف فتحها المعاصرون
له وابناء جيله وحدهم .. واما الرهبة فسببها انه رجل متقلب المزاج ولا يتورع من الخوض
بدون وعي او فهم في اي موضوع .. واما اليقين فهو علم مسبق بانه سيحدث شيئا لم
يسبقه عليه احد .. شئ جنوني .. الم يصفه السادات ب(الواد اليل الادب .. مجنون ليبيا)

استمعت الية والنتيجة كما يلي:
اولا ضاعت عليّ مباراة الجزائر وتونس
ثانيا تاكدت ان السادات كان علي حق في حكاية الواد اليل الادب ومجنون ليبيا
ثالثا وجدته ما ناقش حاجه وما جايب خبر للحاصل في ليبيا
رابعا عنده بندقيه
خامسا حيجيب ضقلها يكركب

هناك اشياء اعجبتني مثل قوله انه مش رئيس وانه لو كان رئيس كان رمي لهم
استقالته في وشهم .. وقراءته لشعر زجلي وطني لا علاقة له بالموقف

هذا الرجل راح شمار في مرقه
وسيبقي الشعب الليبي الظريف .

عمر علي حسن

Post: #130
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-23-2011, 06:51 PM
Parent: #129

Quote: انا رجل محظوظ .. هيأت لي الظروف ومنذ صباي ان استمع لخطابات او اعايش
ظروف تنحي بعض الرؤساء والملوك .. وللتاريخ ساروي لكم جانبا من تلك المعايشات
واولها كان تنحي الملك فاروق الاول (ملك مصر والسودان) فقد كان في شكل مرسوم
بالتنازل عن العرش لولي عهده الامير احمد فؤاد .. كالمراسيم الملكية كان قصيرا
ومحددا .. وتلاه خروج الفاروق من مصر في احتفالية عسكرية فاخرة تركت له
اثرا وصورة زاهية

الثاني خطاب الفريق ابراهيم عبود يوم 25 اكتوبر 1964 وكان ايضا خطابا قصيرا
وقويا اعلن فيه حل المجلس الاعلي للقوات المسلحة والمح فيه الي بقائه حتي تشكل القوي
(الوطنية) حكومة تتسلم السلطة منه .. وحفظ هذ الخطاب القصير احتراما للفريق عبود
في نفوس السودانيين ظلوا يعبرون عنه كلما التقوه في الاسواق وبيوت العزاء وعبروا
عنه بشكل شامل ومؤثر في جنازته التي ماثلت جنازات السيدين عبدالحمن والصديق
المهدي وجنازات الراحلين السيد علي الميرغني ومبارك زروق واسماعيل الازهري
وقد تساووا جميعا في انهم كانو خارج السلطة ساعة موتهم فكانت نعوشهم استفتاء وتكريما
شعبيا اكد اصالة الشعب السوداني ومعرفته بالرجال

الثالث كان خطاب تنحي عبد الناصر يوم النكسة في يونيو1967 وكان خطابا مؤثرا
فيه اعتراف القائد بالهزيمة وتحمل المسئولية عنها وتحديد مواضع العيب في حكمه ونظامه
فلما اعاده الشعب التزم ناصر باصلاح النظام متتبعا مواطن قصوره التي اعترف
بها .. وكان خطابا طويلا ولاهبا اخرج الناس الي الشوارع وهي تبكي..

الرابع كان خطاب شكري القوتلي وهو يتنحي عن رئاسة الجمهورية السورية ليصبح
(المواطن العربي الاول) في الجمهورية العربية المتحده .. وكان خطابا قويا اعتبره
الناس مهرا للوحدة بين مصر وسوريا .

الخامس كان ظرف تنحية الامبراطور هيلاسلاسي حين اركبه منقستو هيلامريام في
عربه فولكس واجن بيتل فقال جلالته (من قال اننا في آخر الزمان نركب عربة كهذه)

السادس كان خطاب زين العابدين بن علي .. وهو خطاب فارغ قال فيه (لا ادري)

السابع كان خطاب تنحية (المعلم علاء شريك ابويا في القهوة) الذي قذف به عمر
سليمان في وجه الشعب المصري وكانه يقول لهم (جاتكو نيله)

ثم استمعت للكوتش وهو يزأر ويجلجل ويرغي ويحدد في كل فقرة من فقراته الطريقة
التي سيتنحي بها وهي البندقية والطلقة الاخيرة منها ..

قلت لك انني استمعت اليه في خشوع وانتباه ورهبة ويقين .. واقول لك الان لماذا الخشوع
والانتباه والرهبة واليقين :
الخشوع لآتمثل التاريخ الذي زحف علي الشعب الليبي منذ ان هبط عليه (الملازم اول
في الجيش الليبي آنذاك) معمر بو منيار عبد السلام القدافي (بالدال) لينتزع الشعب الليبي
من حكم الملك ادريس السنوسي المتخلف ويخرجه الي نور الحضارة التي تقودها مصر
الثورة .. وحاءه في اليوم الخامس من سبتمبر 1969 وفد من مجلس الثورة السوداني
بقيادة الرائد زين العابدين محمد احمد عبد القادر ليساعدوه علي تنظيم دولته . وكان
اول شيء فعلوه هو ترقيته الي رتبة العقيد (يبدو انه لم يجد بعدها احدا يرقيه الي رتبة
اعلي فبقي عليها حتي الان) .. ثم وضع قدمه علي الطريق واصبح ضلعا من الثالوث
الشهير (ناصر - قذافي - نميري) ثم (شطح) بعد وفاة ناصر وادعي خلافته .. وعييييك
لحد الكتاب الاخضر والجماهيرية العربية الاشتراكية العظمي وصار مفكرا ومنظّرا
وقائدا ومركزا للضوء والسلطة .. وبتواصل وجوده عبر نحو نصف قرن من الزمان
فان الاستماع اليه لا بد ان يكون بخشوع ..
اما الانتباه فانه تبعا لما تقدم فإن حديثه لابد ان يكون حاويا لروابط يعرف فتحها المعاصرون
له وابناء جيله وحدهم .. واما الرهبة فسببها انه رجل متقلب المزاج ولا يتورع من الخوض
بدون وعي او فهم في اي موضوع .. واما اليقين فهو علم مسبق بانه سيحدث شيئا لم
يسبقه عليه احد .. شئ جنوني .. الم يصفه السادات ب(الواد اليل الادب .. مجنون ليبيا)

استمعت الية والنتيجة كما يلي:
اولا ضاعت عليّ مباراة الجزائر وتونس
ثانيا تاكدت ان السادات كان علي حق في حكاية الواد اليل الادب ومجنون ليبيا
ثالثا وجدته ما ناقش حاجه وما جايب خبر للحاصل في ليبيا
رابعا عنده بندقيه
خامسا حيجيب ضقلها يكركب

هناك اشياء اعجبتني مثل قوله انه مش رئيس وانه لو كان رئيس كان رمي لهم
استقالته في وشهم .. وقراءته لشعر زجلي وطني لا علاقة له بالموقف

هذا الرجل راح شمار في مرقه
وسيبقي الشعب الليبي الظريف .

خالي كيفتني بالحيل بالحيل ، ولكن هل لي تجزئة هذه المداخلة وإستفسارك عن ظروف ومعطيات كل حالة؟

قول لي يا خال - انا بالحيل مزعج لكن اسمح لولدك فثمة قراء كثيرون اشعر انهم يطلبون منى استنطاقك حول كل جزئية اوردتها لا سيما وانك شاهد على العصر .

هيييييييييييع خالي الفيهو الكرّة والدرة

Post: #131
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عبدالعزيز الفاضلابى
Date: 02-23-2011, 07:37 PM
Parent: #130

Quote: الفاضلابي

Quote: الناس ديل قالوا متلهمين القذافى

زولك عراااااااااااف طردهم من قولة تيت

انا ماقلت ليك الدور على القذافى ? ثم على صالح فبوتفليقة
اما زول البشير ده معفى من التمهيدى وربما يلعب فى دور المجموعات فى يوليو

Post: #132
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-23-2011, 07:47 PM
Parent: #131

Quote: انا ماقلت ليك الدور على القذافى ? ثم على صالح فبوتفليقة
اما زول البشير ده معفى من التمهيدى وربما يلعب فى دور المجموعات فى يوليو

زوزو

يا ايها المنجم والعالم المعظم جئنا اليك كلنا لنعرف منك ثوراتنا

Post: #133
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-23-2011, 08:42 PM
Parent: #132

خالي عندك ورد ولا شنو؟

Post: #134
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-23-2011, 09:13 PM
Parent: #133

Quote: خالي عندك ورد ولا شنو؟
فثمة قراء كثيرون اشعر انهم يطلبون منى استنطاقك حول كل جزئية اوردتها

خالك طاش بالبلد

بعدين يابوي انت بتستني الاذن ؟ امانه ما هانت !
انهر القلم ونحن نلبي

عمر علي حسن

Post: #135
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-24-2011, 06:25 AM
Parent: #134

يطول عمرك يا خال

طيب يا خال اخليك تجلس عل الهباب تحت ضل راكوبتك السمحة لتصفح هذا المقال ومن ثم العودة الى مضابط حوارنا :

المقال بقلم د. حاكم المطيري

الأربعاء 23/2/2011

http://www.dr-hakem.com

رجاء حار، إلى الأخوة العرب الأحرار، في كل الأقطار، ومن لديهم رغبة في القيام بالثورة في بلدهم، نرجو منهم أن ينظموا ثوراتهم بالدور، ويحترموا الطابور، حتى تستطيع الأمة أن تقف مع كل ثورة بما تستحقه من الدعم والتأييد، فليس معقولا يا جماعة أن تقوم ثورة في ليبيا واليمن والعراق والجزائر والمغرب والبحرين في وقت واحد؟

لقد كنا بالأمس نتمنى ولو ثورة واحدة، فقامت عندنا ست ثورات في وقت واحد! وهذا شيء مذهل لا نستطع تصوره ولم نكن نحلم به!

لقد أسقط العرب في خلال شهرين اثنين فقط ثلاثة طغاة في ثلاث دول، تشكل ما نسبته نحو أكثر من ربع سكان العالم العربي تقريبا مائة مليون نسمة، وربع مساحته الجغرافية، أكثر من ثلاثة ملايين كيلو مربع!

وهذه أسرع حركة تحرر وتحرير في تاريخ العالم كله!

وإذا استمر العرب على هذه الوتيرة فسيحتاجون لاستكمال تحرير العالم العربي ستة أشهر أخرى فقط، فإذا العرب من الخليج إلى المحيط أحرار كما ولدتهم أمهاتهم، وإذا كل عروش الظلم والطغيان قد سقطت، ليستعيد العرب أوطانهم المنكوبة، وأموالهم المنهوبة، وكرامتهم المسلوبة!

وأنا أقترح على الأخوة في كل بلد عربي عندهم رغبة بالثورة، أن يتم ترتيب الأمور وتنسيقها بين الشباب الثوار في كل الأقطار، إما بالقرعة، أو بحسب الحروف، فتبدأ الثورة بالدول التي تبدأ بالألف ثم الباء ثم التاء..الخ، حتى يمكن لنا جميعا أن نتابع دوري الثورات العربية، ونقوم بالواجب للجميع!

وأرى ضرورة التفاهم مع قناة الجزيرة الوكيل الحصري لبث هذا الدوري، حتى تقوم بتغطية كل ثورة تغطية شاملة، مع اشتراط وجود المفكر العربي الحر عزمي بشارة لتحليل وتوجيه أحداث ومجريات كل ثورة!

وبما أن هناك من استعجلوا الآن ونزلوا الحلبة، كالأخوة في اليمن والعراق فأرى أن يبقوا فيها، وأن يسخنوا، حتى يصل إليهم الدور!

وأرى ضرورة أن يراجع أي شعب عربي لا نية لشبابه بالثورة جيناتهم، وفي حال ثبوت دمائهم العربية، وأنه لا يوجد ما يمنعهم وراثيا من الثورة، فبالإمكان إرسالهم في دورة تدريبية تحت عنوان(كيف تصنع ثورة خلال شهر واحد) لدى الشباب في مصر أو تونس أو ليبيا، والاستفادة من خبراتهم في هذا الفن!

كما يمكن إقامة معاهد خاصة لهذا الفن في هذه الدول الثلاث، تستقبل الشباب من كل بلد من بلدان العالم كله، مع وضع رسوم للدراسة فيها، لتصبح مصدرا من مصادر الدخل القومي العربي!

كما أقترح أن يتم تشكيل لجنة تحكيم في تونس أو مصر لتقدير أداء كل ثورة، ووضع معيار للتحكيم بينها، ومعرفة مميزات كل ثورة وأبرز خصائصها ونقاط الضعف فيها!

فإذا كان التونسيون قد حازوا في ثورتهم قصب السبق، وكانت ثورتهم فاتحة الثورات، وإذا كان المصريون قد حازوا كأس الثورة الأضخم، والحدث الأعظم في هذا القرن، فإن الثورة الليبية كانت الأسرع حسما، والأقوى قصما!

فقد احتاج التونسيون إلى أقل من أربعة أسابيع تقريبا، ونجح المصريون في أقل من ثلاثة أسابيع تقريبا، فجاء الليبيون وحسموا الموضوع في أسبوع!

وقد أصبح لدى العرب ثلاثة نماذج من الثورات مختلفة الطعم والطريقة، فهناك الثورة الشعبية السلمية، وهناك الثورة الشعبية المسلحة، وهناك الثورة التي دعمتها النقابات كما في تونس، والثورة التي دعمتها الأحزاب والتيارات كما في مصر، والثورة التي دعمتها القبائل كما في ليبيا!

وأرى بأن الأخوة في ليبيا - نصرهم الله وأيدهم - قد أفقدوا الدوري متعته، واستعجلوا في أمر كان لهم فيه أناة وسعة، وضيقوا واسعا، وحرموا الأمة من الاستفادة من هذه الدورة التدريبية باختصارهم المدة على هذا النحو، مع أن كل ثورة هي دورة تدريبية نفسية وعملية للعرب كلهم، ليكتشفوا ذواتهم وقدراتهم ومهاراتهم!

ولا أدري من يستطيع أن يضرب الرقم القياسي الذي حققه الشعب الليبي، هل يعقل أن تنجح ثورة في أقل من أسبوع! وإذا حدث ذلك فعلا، فإن عدد الدول العربية اثنتان وعشرون دولة، وقد بقي منها تسع عشرة دولة، فإذا صارت الشعوب فيها تتنافس على تحطيم الرقم القياسي، فهذا يعني أن الثورة الأخيرة عليها أن تحقق المهمة في ثمان ساعات تقريبا وهذا شيء لا يكاد يصدق!

وأرى بأن على العرب حتى بعد تغيير كل الأنظمة، أن يبقوا على هذا الدوري كل عشر سنوات، فأي دولة لم يتغير فيها نظام الحكم خلال هذه المدة، فعلى شعبها القيام بثورة شعبية سلمية، حتى لا تنقطع هذه العادة الكريمة، والخصلة الحميدة!

كما أرى ضرورة أن يتصدى المؤرخون والكتاب والمفكرون بتدوين أحداث هذه الثورات وأبطالها وأحداثها ومميزاتها، حتى تكون حاضرة دائما في ذاكرة الأجيال العربية، لتظل هذه الثورات جزءا من ثقافتها وممارساتها وسلوكها!

كما يجب دراسة نفسيات الطغاة، وممارساتهم وسلوكياتهم، قبل الثورة وأثناءها وبعدها، ومعرفة طبائعهم، وحججهم وذرائعهم، وقد تتوصل الدراسات إلى اكتشافهم من صورهم وأشكالهم، لتتجنب الأمة وصولهم للسلطة ولو عن طريق الانتخاب!

وهناك تشابه في تصرفاتهم يحتاج إلى وقفات لفهمه، فهم يخطبون ثلاث خطب، ثم يسقطون بعد الثالثة، ويكون الخطاب الأخير يوم الخميس ليلة الجمعة، وكلها في آخر الليل!

وكلهم استشرى فسادهم المالي وفساد أسرهم وأبنائهم، وأثروا ثراء أسطوريا، وحولوا يلدانهم إلى عزبة وإقطاعية أسرية، وهي حالة تكاد تتصف بها كل الأنظمة العربية الحالية!

وكلهم يقول ليست بلده كتونس، وكلهم يغرر به إعلامه المضلل وبطانته بأن دولتنا غير، وهي دولة الخير، وليست كتونس، ثم يتفاجأون بأن دولهم كتونس!

وقد تكررت خلال هذه الثورات بعض الذرائع التي يتحجج بها الطغاة وهي :

1- الخوف على البلد من الإرهاب والاقتتال الديني الإسلامي المسيحي، والتدخل الدولي، والخوف على قطاع السياحة والدخل القومي، كما قال مبارك.

2- الخوف على البلد من الإسلاميين والأخوان المسلمين والتنمية، كما قال زين العابدين.

3- الخوف على البلد من الاقتتال القبلي وانقسام الدولة وقيام إمارات إسلامية جهادية، والخوف على النفط والاقتصاد، كما قال القذافي وولده.

4- الخوف على البلد من الفتنة الطائفية السنة الشيعية، كما قال وزير الداخلية البحريني!

5- الخوف على الديمقراطية، وعلى صندوق الاقتراع، كما قال علي صالح، وبما أن الصندوق في حوزته، والمفتاح في جيبه، فلا خوف على الديمقراطية!

فهم جميعا يستخدمون فوبيا إرهاب المجتمع بعضه من بعض، {إن فرعون علا في الأرض وجعل أهلها شيعا} ليقولوا بأنهم صمام الأمان، وسور الأمن، وحماة الوطن!

كما أنهم يتحججون جميعا بالتاريخ لا بالواقع، فمبارك بطل حرب أكتوبر، والقذافي بطل الثورة على الاستعمار، وعلي صالح بطل الوحدة، أما الواقع السيئ الذي أوصلوا دولهم إليها حتى خرجت الشعوب بالثورة ضدهم، فلا يتطرقون إليه!

وعودا على بدء اكرر ندائي للأخوة الثوار بالدور يا أخوة بالدور، والرجاء احترام الطابور، فالجميع سيحصل على نصيبه من الثورة!

Post: #136
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-24-2011, 02:53 PM
Parent: #135

Quote: د. حاكم المطيري

بداية وقبل ان يذهب الشك بالقارئ الي اخذ الموضوع علي انه هزل ، فانني ادعو الجميع للتفكر
في كاتب المقالة وعمق الجدية في شخصيته وثقافته وعلمه .. فهو قبل كل شيء استاذ جامعي
لمادة فقهيه لا يتأتي امتلاكها الا بالجدية التامة في طلب المعرفة .. لذلك نجده تتلمذ علي عدد
من الاساتذة الاجلاء الذين سعي اليهم في بلادهم لينهل من علمهم ومعارفهم ثم درس دراسات
نظامية وعلمية لنيل اعلي الدرجات من جامعات غربية وعربية ثم اصدر العديد من المؤلفات
والابحاث التي لا تصدر عن باحث شهرة او طالب صيت، فاثري المدونة العربية بجديد في الفكر .

وقد توقفت طويلا عند سيرته الذاتية وحاولت تقدير الوقت الذي قضاه في التعلم والبحث
والسفر الي مصادر علمه واخراج عصارة تحصيله في شكل محاضرات وابحاث ومؤلفات
فقدرت ان عمره قد لا يجاوز 45 عاما وان حصيلته الدراسيه وجهده العلمي قد استغرقت نحوا
من ثلاثين عاما .. وما وجدت لديه وقتا للهزل والعبث ..

اذن فإن موضوعه جاد ويستحق ان يقرأ باحترام وتركيز ثم الذهاب معه الي مفردات ما جري
وسيجري في عالمنا العربي وضرورة ترتيب وقوع الاحداث بحيث لا تتداخل ويربك الاستعجال
اثرها ومفعولها ..

ولنبدا فإن ثورة واحدة تكفي في وقت واحد .. وضمان النجاح يتاتي من التركيز الداخلي عليها
والتجمع حولها والتركيز الاقليمي والعالمي عليها لدعمها ونصرتها وتفهم اهدافها وسقفها .
والدليل ثورة واحدة X وقت واحد = تركيزا للمشاركة واختصاصا بالدعم والنماذج تونس ثم
مصر
واكثر من ثورة X وقت واحد = تشتيت للمشاركة واختلاف في الدعم والنماذج البحرين
وليبيا واليمن وما يتقافز في الجزائر والمغرب دون اثر رغم صلاح التربة وتوفر الامكانات

ولا اعيب عليه الدعوة لاتخاذ الجزيرة كناشر حصري رغم اني اري فيها رأيا ورغم اني
اشهد بدور التلفزيون الحكومي السوداني في انجاح ثورة اكتوبر 1964 ومن بعده الاذاعة
اذ شارك موظفوهما في الاضراب العام واصبحا صوتا للثورة .. واذا كان من الممكن تحييد
الجيوش وقوي الامن فماذا يمنع من تثوير الاعلام الحكومي ووضعه في خدمة الثورة ..

لي عودات حتي لا اطمس ارائي بالاطالة

عمر علي حسن

Post: #137
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-24-2011, 07:28 PM
Parent: #136

خالي ابو امير

طاب مساؤك

ألف شكر على هذه الخلفية الطيبة .

والله يا خال شوقني حديثك عن المطيري للعودة مرة ثانية لتصفح مقاله علّي اجد في ثناياه حكما اغشت العيون عنها فرضية الهذل .

Quote: اذن فإن موضوعه جاد ويستحق ان يقرأ باحترام وتركيز ثم الذهاب معه الي مفردات ما جري
وسيجري في عالمنا العربي وضرورة ترتيب وقوع الاحداث بحيث لا تتداخل ويربك الاستعجال
اثرها ومفعولها ..

نعم نعم - احسنت يا ابا امير

Quote: ولا اعيب عليه الدعوة لاتخاذ الجزيرة كناشر حصري رغم اني اري فيها رأيا ورغم اني
اشهد بدور التلفزيون الحكومي السوداني في انجاح ثورة اكتوبر 1964 ومن بعده الاذاعة
اذ شارك موظفوهما في الاضراب العام واصبحا صوتا للثورة .. واذا كان من الممكن تحييد
الجيوش وقوي الامن فماذا يمنع من تثوير الاعلام الحكومي ووضعه في خدمة الثورة ..

نعم يا خال غير اني اري Each case has its own merits and circumstances

Post: #138
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-25-2011, 12:38 PM
Parent: #137

Quote: Each case has its own merits and circumstances

لا نختلف .. ولكنني اري كذلك الا نترك الاعلام الحكومي فريسة للغفلة السياسية التي تنسي الموظف
انه جزء من الشعب مثله مثل من خرجوا للشارع فبدلا من ان يرسي يسلبيته دعائم للضلال الرسمي
فانه يتولي جانب الشعب ويحول معه سياسة النشر الي نشر الحقيقة دون ميل او تحيز ..

تعال صاد وساذهب لاحضار العنكوليب ولن اتاخر

عمر علي حسن

Post: #139
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-25-2011, 03:35 PM
Parent: #138

خالي ابو امير

نهارك سعيد

Quote: لا نختلف .. ولكنني اري كذلك الا نترك الاعلام الحكومي فريسة للغفلة السياسية التي تنسي الموظف
انه جزء من الشعب مثله مثل من خرجوا للشارع فبدلا من ان يرسي يسلبيته دعائم للضلال الرسمي
فانه يتولي جانب الشعب ويحول معه سياسة النشر الي نشر الحقيقة دون ميل او تحيز ..

الليلة ما جابوا ليك القهوة ولا شنو؟ ات يا خال نسيت ان العاملين في تلك الاجهزة الاعلامية الرسمية يتم اختيارهم بالولاء وليس الاداء؟

قال عنكوليب قال .

Post: #140
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-25-2011, 04:51 PM
Parent: #139

Quote: الليلة ما جابوا ليك القهوة ولا شنو؟

باقي ليك كان ما جابوا لي القهوة ماكان ركبتهم التونسية ؟ ده ياشيخنا زمن ثورات المغلوبين علي
امرهم .. والخانات الشاغرة كتيرة عشان كده اليومين كل واحد يجيب ليك قهوة ويديك حريات بس
باقي يقولوا ليك ما بترشحوا ونمشي نكوس لينا (مرشحين) جدد.

اما موظفي الاعلام وتحييدهم فلا يتاثر بالولاء (الذي هو قبل الكفاءة) وخذ عندك قداف الدم الذي
خرج في مهمة دفاعية لود عمه فباعه وطلب اللجوء السياسي.

الحساب هنا ولد .. والولاء المصلحي والانتماء الظاهري يمكن اختراقه وتحييده بل وتبديله الي
ولاء مضاد ..وركوب موجة ..

انا اتحدث بمنطق الدكتور المطيري فاضيف اليه من عندي هذه الفكرة - ليس نكاية في الجزيرة
او بي بي سي - ولكن في سبيل الحقيقة التي يجب ان يصدقها اهل البيت اولا.. وقد حدث ذلك بالفعل
في السودان في اكتوبر وكان ايضا جزءا من خطة محمد نور سعد في 1976 إذ اعتمد علي الاذاعة
كوسيلة لتوجيه قواته واخراج الشارع الي جانبه .. ولما فشل في اللحاق بمن لديه المفتاح فشل
اجتياحه للخرطوم وتفرقت قواته بلا هدي ولم يجد تونسية يركبها .

عمر علي حسن

Post: #141
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-25-2011, 06:37 PM
Parent: #140

Quote: باقي ليك كان ما جابوا لي القهوة ماكان ركبتهم التونسية ؟ ده ياشيخنا زمن ثورات المغلوبين علي
امرهم .. والخانات الشاغرة كتيرة عشان كده اليومين كل واحد يجيب ليك قهوة ويديك حريات بس
باقي يقولوا ليك ما بترشحوا ونمشي نكوس لينا (مرشحين) جدد.

لا لا يا خال الشباب بحبوك شديد لانك مواكب وعارف كل وسائط تواصلهم -

ارخي لي اضانك عشان اوريك حاجة تخليهم يحبوك اكتر ويجهزوا ليك القهوة في الثرامس عشان كمان ما تكتر عليهم تعال جيب الابريق او التبروقة او الجريدة - الناس ديل لما يجيبوا ليك الثرامس متروسة قول ليهم كتر خيركم ووالله عافي وراضي عنكم - انقر هم ترسوا الثرامس ريدة فيك؟ لالالالالالالالا ديل بمشوا المسنغرات للتواصل مع عوالم تانية عبر المايك والوبكام ولما الواحد يصل مرحلة التجلى ال ..... ما عايز حد يقول ليهو هاى .

Quote: اما موظفي الاعلام وتحييدهم فلا يتاثر بالولاء (الذي هو قبل الكفاءة) وخذ عندك قداف الدم الذي
خرج في مهمة دفاعية لود عمه فباعه وطلب اللجوء السياسي.

لا يا خال دا عرف خالو خلاص توجه التونسية عايز يلحق بركب المعارضين

Quote: الحساب هنا ولد .. والولاء المصلحي والانتماء الظاهري يمكن اختراقه وتحييده بل وتبديله الي
ولاء مضاد ..وركوب موجة ..

ايون يا خال ( ايون دى مفردة عصرية تعني (نعم) حاول كتر منها لشباب الفيس بوك بخلوا ليك الثرامس تطاقش

Quote: انااتحدث بمنطق الدكتور المطيري فاضيف اليه من عندي هذه الفكرة - ليس نكاية في الجزيرة
او بي بي سي - ولكن في سبيل الحقيقة التي يجب ان يصدقها اهل البيت اولا.. وقد حدث ذلك بالفعل
في السودان في اكتوبر وكان ايضا جزءا من خطة محمد نور سعد في 1976 إذ اعتمد علي الاذاعة
كوسيلة لتوجيه قواته واخراج الشارع الي جانبه .. ولما فشل في اللحاق بمن لديه المفتاح فشل
اجتياحه للخرطوم وتفرقت قواته بلا هدي ولم يجد تونسية يركبه.

نعم نعم عشان كدا الانظمة دائما بتتشبح فوق وسائل الاعلام لتامينها من هجمة الخصوم .

عمك القذافي الليلة قال من لم يحبني فليس جديرا بان يحيا

ههههههههههههههههههههههههيع الليلة ام سيف بتشبعو عنكوليب

Post: #142
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-25-2011, 09:12 PM
Parent: #141

Quote: يا خال الشباب بحبوك شديد

دا ذاتو المرقدنا سلطة .. ما بدوك فرصه تشكي ولاتنقنق حتي .. الواحد منهم يرقّد ليك شعرة جلدك
ويقول ليك بس انت تأمر - عاوزها كيف ؟ لغاية ما الواحد بقي عوده عود (حجيه) وما عنده غير جنس
كلامك بتاع الرضا والعفو .. وبقينا خارج دائرة الغضب والثورات . كتلتوا قلبنا ومرقتونا بي قد القفه

Quote: لا يا خال دا عرف خالو خلاص توجه التونسية عايز يلحق بركب المعارضين

وده بالضبط المطلوب .. "ولتجدنهم احرص الناس علي حياة" ..

Quote: ايون

دي مش جاتنا قبل كدة في بوست جمل البلطجي؟

Quote: عمك القذافي الليلة قال من لم يحبني فليس جديرا بان يحيا

هو قايل نفسو هايمنوت ؟

عمر علي حسن

Post: #143
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-27-2011, 00:17 AM
Parent: #142

UP

ياشيخنا .. انت بقيت كل ويك اند ناطي في صحار .. طيب اديها دفره صغيرة تلقي نفسك هنا

تحياتنا

عمر علي حسن

Post: #144
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-27-2011, 10:40 AM

كيفك يا خال

لا المرة دى نحن مشغولون بورش عمل وحركات ناس بندر وكدا ابدا ما إتلهمت ود القرشي

ليك علي يوم اطبق ليك ود القرشي واجيبو ليك ناكل العنكوليب معاك في ابو ظبي

Post: #145
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: محمد عمر الفكي
Date: 02-27-2011, 01:07 PM
Parent: #144

عفيت منك يا البركة، الجزيرة شكلها جاياك في محلك ولا المحل جاي للجزيرة ذاتها ما عارف انا بديك الخبر وانت اختار
1 - سقوط قتيلين في محافظة صحار اليوم 27/2
2 - دعوة لتظاهرة ضخمة ضد النظام في قطر يوم 16/3
اها اختار وادينا الخبر
تحياتنا يا عمنا

Post: #146
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-27-2011, 02:48 PM
Parent: #145

ود الفكي

Quote: عفيت منك يا البركة، الجزيرة شكلها جاياك في محلك ولا المحل جاي للجزيرة ذاتها ما عارف انا بديك الخبر وانت اختار
1 - سقوط قتيلين في محافظة صحار اليوم 27/2
2 - دعوة لتظاهرة ضخمة ضد النظام في قطر يوم 16/3
اها اختار وادينا الخبر
تحياتنا يا عمنا

العمانيون ديل يا محمد اخوى اكثر شعب منعم ومدلل في الدنيا ونحن استغربنا من مطالبهم قالوا عايزين يرخصوا ليهم الزواج
يا محمد السلطان قابوس دا مافي حاكم عربي زيو اصلا واى حد يتظاهر عليهو والله تقتلوا الجماهير العمانية بدون الحاجة لتدخل امني

Post: #147
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 02-27-2011, 04:43 PM
Parent: #146

Quote: مواقع عمانية تقول انهما سقطا في محافظة صحار

قلنا لك ما تمشي صحار كل ويك اند .. الان نقول لك امشي وامشي صلالة كمان لو عاوز ..

ارجوكم تلقيط اي عنكوليب مشتت جاي والله جاي .. وما عايز اقول ليكم زي ما قال الكوتش
خليهم يخسوا .. واسمعوا مني .. هذه بلاد امنه .. ومشاكلها لا تبلغ بشعبها مبلغ الثورة .. واهلها
يعرفون ما يريدون .

عمر علي حسن

Post: #148
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: الطيب شيقوق
Date: 02-27-2011, 06:46 PM
Parent: #147

Quote: هذه بلاد امنه .. ومشاكلها لا تبلغ بشعبها مبلغ الثورة .. واهلها
يعرفون ما يريدون .

كلامك سمح بالحيل يا خال

Post: #149
Title: Re: هيييييييييييييييع طاقم قناة الجزيرة شال عنكوليبو ومحافيرو متلهم بتوفليقة
Author: عمر علي حسن
Date: 03-01-2011, 01:20 PM
Parent: #148

Quote: Quote: هذه بلاد امنه .. ومشاكلها لا تبلغ بشعبها مبلغ الثورة .. واهلها
يعرفون ما يريدون .

العزيز شيقوق

حدثني ليلة امس صديق زنجباري يحمل الجنسية العمانية ويقيم بالامارات منذ وقت طويل وهو
شخص مثقف ومشارك في الندوات التي كنا نغقدها بالنادي العربي بالشارقة قبل زمن ونشأت
بيننا علاقة ودودة بسبب حب تتميز به صلات العمانيين بالسودانيين يعززه ارتباط لوني بيننا
وبين الزنجباريين .

طلب مني هذا الرجل الا اصدر احكاما في الوقت الحاضر وزعم بلباقة متناهية ان من يتكسبون
من الدراسات الاستراتيجية (امثالي) لا ينبغي ان يخلطوا احكامهم ورؤاهم بما استقرت عليه
عواطفهم الشخصية زمانا طويلا نحو حاكم او امة .

تلزمني الشفافية ان اسرد انه يتمني (مثلي) ان يكون ما حدث في صحار امرا عارضا لا يعكس
رأي كل العمانيين .. وقال ان الحقيقة تبقي ان لكل نظام في الدنيا من يؤيده ومن يعارضه وأن
التشكيك في قوة اي من الطرفين لا يوصل الي النتائج الصحيحة للصراع بينهما .

ولفت نظري الي ان الثورة تشتعل الان في المنطقة العربية (وحدها فقط) وفي ثنائيات منطقية !
فالعالم الاخر بما فيه امريكا اللاتينية يحكم باسلوب مختلف والعالم العربي ومعه ايران يحكم
بقدر من الاوتقراطية لا يصلح للقرن الحادي والعشرين .. وطلب مني ان انظر الي الاجيال التي
تكوّن الاغلبية العظمي للشعوب من مواليد الربع الاخير من القرن الماضي والعشر الاول من
القرن الحالي وان انظر لما توفر لهم من ادوات الثقافة والعلم والتجاور الحميم مع دول العالم
الاخري بل ومع مدنه وقراه ومدي ما يحدثه ذلك من اثر وجداني وفكري مختلف عن ذات الاثر
بين من وجدوا في النصف الاول من القرن العشرين وابنائهم واحفادهم الذين وجدوا في النصف
الثاني من ذات القرن .

الرجل يري ان عبادة الفرد والحكم بالحق الالهي هو مشكلة اغلبية دول المنطقة .. ورجاني لذلك
ان افكر (استراتيجيا) في مغزي خروج شخص واحد متحرر او متمرد علي سطوة الحق الالهي
واثر ذلك علي 100 مليون من نظرائه في السن والوجدان والفكرمن ابناء وطنه والاوطان
المتماثلة في الظروف والمناخ .. ومضي يصتف درجات الغضب واثاره الي ثنائيات تتحقق
الثورة في كل اثنتين منها بشكل واحد وتتحقق النتيجة الكليه بشكل واحد : اصلاح وتغيير
او تغيير واصلاح - ايهما اسبق حسب الظرف - ولكننا وفي بداية العقد الثاني من هذا القرن
سنجد عالما مختلفا قد لا يكون فيه الخضوع لسلطات الحكم بالحق الالهي وربما يكون فيه
الخضوع لعالمية استعمارية توحد سطونها علي المنطقة ..

وجدت نفسي اعود خمسين عاما للوراء لاجد اشتعالا بالمنطقة ذاتها ادي الي تغيير شمل اغلبها
فذهب في اوقات متقاربة ملوك مصر والعراق واليمن وباي تونس .. وتغيرت النظم في سوريا
والسودان والصومال من ديمقراطيات الي نظم عسكرية وجددت الدماء الملكية بنجاح ثورة مصدق في
ايران ووحلول الشاه رضا بهلوي محل والده وقدم الملك مجمد الخامس والملك حسين والملك
عبد العزيز لصدارة الحكم في المغرب والاردن والسعودية مع بقاء الاوضاع في الثنائي الذي
تغلب عليه السطوة العشائرية في لبنان وليبيا ... ولم تكن الصومال جيبوتي وامارات الخليج الخمسة
الحالية والجزائر وموريتانيا قد نالت استقلالها.

هذا المنظر الذي غلب عليه الحكم الاوتقراطي هو تقريبا نفسه الذي يتعرض للرفض الان بهزة
اساسها التحرر من قيد الخوف والتطلع المشروع الي مصير افضل ..

قال الكوتش انه سينزل الي الشارع مع الثوار ولو فعل وحقق مراد الثورة لكان أعقل العاقلين
كذلك لو نزل الحكام الاخرون وحققوا لشعوبهم طموحاتها في التغيير والاصلاح ..

دعنا نري ..

عمر علي حسن