وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية وعقبال انتصار الثورة السودانية
Post: #3 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 05:50 PM Parent: #1
ميدان التحرير- ميدان التحرير وائل غنيم... اسراء نجم الشهداء المعدمين والمرضي بالمياه الملوثة في اطراف القاهرة وكراكير مصر
ورقصني يا جدع للديمقراطية والحرية التي هبت علي شعب اقتلعها بجدارة وصبر ومثابرة وشجاعة
Post: #5 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 05:54 PM Parent: #3
Quote: مبرووووووووووووك يا مصر يا ام الحضارات
وعقبال انتصار الثورة السودانية
نعم يا عزيز والف مبروك للمصرين الشجعان الذي لقنو الطاغية مبارك درسا من دورس الشعوب.. ورحيل وهروب اي طاغية رعديد من اي بقعة في هذا الكون هو عيد وفرحة وفجر جديد للحريات .. ونحن في السودان نعلم جميعا ماهية الحرية كوننا في نفس المحطة التي غادرها الشعب المصري اليوم وستاتي الثورة السودانية حتما وسنركل البشير وزمرته اللصة الي مزبلة التاريخ كما فعلها ابناء مصر اليوم
ورقصني ياجدع
Post: #6 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 05:59 PM Parent: #5
Quote: هسة بنرقص معاك للمصريين وبنابرك والله لكن بعدين اوع تنسا لينا الرقصة حقتنا نحن ناس دلوكة سااااااااااااي ونقزي لوووولز
هلا يا سووووما والله يجيب يوم رقيصنا سااااااكت يا سوما اليوم داك باذن الله حندق ليكم رمبة وكيتة ومردوم ووازا وبانبنق
نبق... وجبجبة وجديع اقسم بالذي خلق السماوات لن ولم تراه عيونكم لووووول
بس الله يجيبو لينا اليوم ده فهو يوما سعيد وبخيت وحلمنا الذي عليه ننوم والذي به نقوووم
وبرضو يا سوما رقصني يا جدع
Post: #7 Title: Re: رقصني يا جددددددددددع وكركون تعظيم للحرية....!!! Author: Nazik Eltayeb Date: 02-11-2011, 06:00 PM Parent: #5
هو رقيص بس يا كيكي هي فرحة بس ياه..... يا كيكي الفرح كنا قايلينو مات تحيا الحرية التي لن يفهمها ويفهم معناها الا صادقي النفس انقياء القلب ورقصني يا كيكي فاليوم يوم فرحة و غدا يفرح شعبنا ويرقص بكل الايقاعات مصر الحبيبة... كنا معكم بقلوبنا وعقولنا لكم احترامنا و عقبالنا
Post: #8 Title: Re: رقصني يا جددددددددددع وكركون تعظيم للحرية....!!! Author: Amani Al Ajab Date: 02-11-2011, 06:01 PM Parent: #7
الف مبروك لشعب مصر .. العقبال لشعب السودان وكل الشعوب المقهورة.. دمت بالف خير ..
Post: #9 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:07 PM Parent: #7
Quote: هو رقيص بس يا كيكي هي فرحة بس ياه..... يا كيكي الفرح كنا قايلينو مات تحيا الحرية التي لن يفهمها ويفهم معناها الا صادقي النفس انقياء القلب ورقصني يا كيكي فاليوم يوم فرحة و غدا يفرح شعبنا ويرقص بكل الايقاعات
ياااااااا يا نازك الحرية طعمها جميل ياخي وتحسها بكل عمق في فرحة هذا الشارع الذي ثار علي طاغيته والفرح نحمد الله انه لن يموت وحتما سيزورنا في السودان وسنركل طاغيتنا ركلا شديد الباس وسيرسله هذا الشعب الي مزبلة التاريخ... الاحرار السودانين- الاحرار السودانين الشهداء سياد الناس- الشهداء سياد الناس الجوعي والفقراء والمحرومين المهشمين في كل ركنا من السودان سياتي حتما يوم رقيصنا لهم مثلما رقصنا وفرحنا لشعب مصر البطل....
Post: #10 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:11 PM Parent: #9
Quote: الف مبروك لشعب مصر .. العقبال لشعب السودان وكل الشعوب المقهورة.. دمت بالف خير ..
تحياتي يا اماني والف مبروك لمصر ولكل محبي الحرية والديمقراطية في العالم فاليوم عيد كبير وفرحة ونفاج لضوء ساطع يطل في نهاية نفق الظلم والقمع...
وونحن والمصريين كنا في نفس القطار الذي يحمل في جنيناته الطغاة بفسادهم وظلمهم وتعسفهم وسياتي الشعب السوداني الي واجهة التاريخ مرة اخري وسيذيق جلادينه الطغاة نار جهنم الشعوب...
وسنتصر باذن الله
Post: #11 Title: Re: رقصني يا جددددددددددع وكركون تعظيم للحرية....!!! Author: معاوية عبيد الصائم Date: 02-11-2011, 06:15 PM Parent: #1
Post: #12 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:23 PM Parent: #11
هلا يا معاوية والف مبروك وزولنا ابو راس مدوقس ده خلاس بعد ده اليبل راسسسسسو سسسسساكت ومن حسع حقو يفتش ليهو جخنون او كركور من كراكير السودان الغميسة ويتصرف لانو خلاااااااااااص الموية جااااااات واملو الباااااااقات وشعب يا سوداني يا عسل قطار الحرية وصل
Post: #13 Title: Re: رقصني يا جددددددددددع وكركون تعظيم للحرية....!!! Author: معاوية عبيد الصائم Date: 02-11-2011, 06:24 PM Parent: #12
Post: #17 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:39 PM Parent: #13
مالي يا معاوية لا اري المجرم الرعديد السوداني عمر البشير بين هولا الطغاة فهو كبيرهم الذي علمهم السحر وابادة شعبه.. يجب ان يجد مصمم هذه اللوحة لعمر البشير مكانا فالطيور الظالمة علي اشكالهم بردلب
Post: #15 Title: Re: رقصني يا جددددددددددع وكركون تعظيم للحرية....!!! Author: عمر عبد الله فضل المولى Date: 02-11-2011, 06:28 PM Parent: #14
إذا الشعب يوما أراد الحياة فلا بد أن يستجيب القدر ولا بد لليل أن ينجلي ولابد للقيد أن ينكسر ومن لم يعانقه شوق الحياة ...تبخر في جوها واندثر كذلك قالت لي الكائنات وحدثني روحها المستتر ودمدمت الريح بين الفجاج وفوق الجبال وتحت الشجر: إذا ما طمحت إلى غاية ركبت المنى ونسيت الحذر ومن لا يحب صعود الجبال يعش ابد الدهر بين الحفر
Post: #19 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:53 PM Parent: #15
Quote: ولا بد لليل أن ينجلي ولابد للقيد أن ينكسر
نعم يا عمر والف مبروك لكم جميعا يا محبي الحرية والديمقراطية للشعوب وحتما سنكسر قيدنا وسينجلي ليلنا الذي طال وحديد الطغاة البائس لا يفله الا الشعب عندما ينهض وسننهض حتما سنننهض
Post: #18 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:46 PM Parent: #14
Quote: و"الورد اللي فتح في جناين مصر"
سلام سلاح للشعب المصري الصلب يا معلم
نعم يا ابو الشوش وسلام مربع للجدعان الذين فعلوها ونثروا بودرة عظام العفريت في كل البلاد التي يتواجد بها روؤساء علي شاكلة الظالم والطاغية مبارك.. وسلام مربع لبتوع ميدان التحرير ورقصني ياجدع
Post: #20 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 06:56 PM Parent: #18
Quote: سقط الفرعون
ووزيره عمرو هامان
نعم ياخلي سقط وذهب الي مزبلة التاريخ والشعب المصري احزر هدفا كان روح الراحل كابتن لطيف تهتف به في كل العالم حتي يسمع من في اذنه صمم (قوووووووووووووووووووون)
Post: #23 Title: Re: رقصني يا جددددددددددع وكركون تعظيم للحرية....!!! Author: سيف الدولة كامل Date: 02-11-2011, 07:06 PM Parent: #20
كيكي سلام,,, والف مبروك للشعب المصري العظيم
ومليون تحية لشباب مصر الذي قهر الطاغية مبارك
رقصنا لامن عرقنا وعقبال ما نرقص في عرسنا يا كيكي.
Post: #21 Title: Re: رقصني يا جددددددددددع وكركون تعظيم للحرية....!!! Author: مها عبد الله Date: 02-11-2011, 07:04 PM Parent: #18
Quote: بتوع الفيسبوك... بتوع الفيس بوووك بتوع التويتر .... بتوع التويتر المدونين - المدونين الفلاحين الفلاحين الفقراء في اطراف القاهرة. الفقراء في اطراف القاهرة
ورقصني ياجدع
شبرا شبرا شبرا عتبه عتبه عتبه شعب مصر العظيم تعظيم سلام ، فعلها الأبطال فنرقص ونحتفل للجدعان هنيئا لهم قطف ما زرعوه طوال الإٍسبوعين العصيبين دقي يا مزيكا وزغرودة فرح للشجعان
وقريبافرحتنا يا كيكي
Post: #22 Title: Re: رقصني يا جددددددددددع وكركون تعظيم للحرية....!!! Author: معاوية عبيد الصائم Date: 02-11-2011, 07:06 PM Parent: #1
Post: #24 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:11 PM Parent: #22
Quote: ومليون تحية لشباب مصر الذي قهر الطاغية مبارك
رقصنا لامن عرقنا وعقبال ما نرقص في عرسنا يا كيكي.
هلا يا سيف وعدت الان من كورنيش الدوحة حيث قمنا بالرقص مع المصريين علي ضفاف هواء الخليج الطلق وهتفو وهتفنا معهم الدور الدور السودان الدور وتحية ورقصة متقنة الاداء للشعب المصري الجدع
Post: #25 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:14 PM Parent: #24
Quote: شبرا شبرا شبرا عتبه عتبه عتبه شعب مصر العظيم تعظيم سلام ، فعلها الأبطال فنرقص ونحتفل للجدعان هنيئا لهم قطف ما زرعوه طوال الإٍسبوعين العصيبين دقي يا مزيكا وزغرودة فرح للشجعان
وقريبافرحتنا يا كيكي
هلا يا مها ونبارك معاك للشعب المصري ولكل محبي الديمقراطية والحرية في كل العالم وخصوصا في وطننا المفجوع السودان والشعب المصري فعلا اثبت بما لا يدع مجال للشك بانه اهووو اهووووو او كما يرددون الان في كل نواحي مصر
وتحياتي
Post: #27 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:18 PM Parent: #25
نعم يا معاوية علي السادة عمر البشير ان يبلبل ما تبقي من شعر راسه وصلعته الكسيحة ويقف في الصف فكاسحات الديمقراطيات اتية اتية الي (مقرن النيلين) دون شك او ريب.. ويوم التتحول كاميرا الجزيرة الي الجخانين السودانية فعليه الرحيل والهروب فورا ما يعنقد معانا كثير كما عنقد الطاغية مبارك
Quote: وسقط اكبر صنم للعلمانية عميل لإسرائيل وامريكا في الشرق الاوسط والدايرة تدور على بقية العلمانيين
كع
Post: #35 Title: Re: رقصني يا جددددددددددع وكركون تعظيم للحرية....!!! Author: Omer Mustafa Date: 02-11-2011, 09:32 PM Parent: #33
Post: #34 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:32 PM Parent: #31
هلا يا دكترة ووين ياخي زولي البشير مع البناجيس الحرامية والطغاة ديل اني اريد ان اري البشير مع هذه الزمرة الي به يا دكتور وحتي وان كان م######شا وهو في طريقه الي لاهاي ويا سبحان الله
Post: #36 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:36 PM Parent: #34
Quote: وألف ألوفات تحيـة للمناضلين والجدعان في ميدان التحرير ومسجد القائم إبراهيم بالاسكندريـة
وشباب أسيوط ودمياط والمحلة
ورجالـة بورسعيد والسـويـس
ودقي يا مزيكـا تعظيم سلام للثورة المصرية العظيمة الواعية
هلا يا ود الشايقي والف سلام وتحية لبتوع السويس والاسماعيلية وبورسعيد ولجدعان الصعيد الجواني والبراني ولجدعان الشرقية وبتوع المنوفية ورقصني ياجدع في يوم من ايام الحرية...
وحتما يا ابو حميد سياتي اليوم الذي سنرقص طربا وفرحا من اجل حرية اهل السودان
Post: #38 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:44 PM Parent: #36
Quote: وسقط اكبر صنم للعلمانية عميل لإسرائيل وامريكا في الشرق الاوسط والدايرة تدور على بقية العلمانيين
هلا يا المكاشفي.. سقط طاغية ازل شعبه وجوعه وسرقه وقتله مثله ومثل الطاغية السوداني عمر البشير الي يقول كذبا بانه يحكم بالاسلام.. فالامر ليس علمانية او اسلامية او كاثولكية بل هو احترام حق الشعب في الحقوق بل هو عدم سرقة اموال البلاد والعباد.. وما يفعله مبارك باسم العلمانية تفعله ايران والسودان وفعلته طالبان في الماضي باسم الاسلام.. فالطاغية هو الطاغية...
Post: #39 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 09:47 PM Parent: #38
هلا يا عمر وحبابك وحباب اللودينغ وبالحصل في مصر ده فالودنغ بتاع المجرم بشبش امبيره بكون داقي في طبلون الرحيل
Post: #40 Title: Re: رقصني يا جددددددددددع وكركون تعظيم للحرية....!!! Author: Omer Mustafa Date: 02-11-2011, 09:47 PM Parent: #38
Post: #41 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 10:07 PM Parent: #40
نعم ياعمر انه موسم التساقط تساقط اوراق الطغاة وسفرهم الي مزابل التاريخ بالمزيكة
Quote: هلا يا المكاشفي.. سقط طاغية ازل شعبه وجوعه وسرقه وقتله مثله ومثل الطاغية السوداني عمر البشير الي يقول كذبا بانه يحكم بالاسلام.. فالامر ليس علمانية او اسلامية او كاثولكية بل هو احترام حق الشعب في الحقوق بل هو عدم سرقة اموال البلاد والعباد.. وما يفعله مبارك باسم العلمانية تفعله ايران والسودان وفعلته طالبان في الماضي باسم الاسلام.. فالطاغية هو الطاغية...
طيب يا كيكي يا المنقطا انت ماهي مواصفاتك لمن يحكم بالاسلام ؟؟؟ لو افترضنا جدلا ان البشير قد فشل ؟؟
ادديني اجابة سريع لو سمحت
Post: #43 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 10:36 PM Parent: #42
Quote: طيب يا كيكي يا المنقطا انت ماهي مواصفاتك لمن يحكم بالاسلام ؟؟؟ لو افترضنا جدلا ان البشير قد فشل ؟؟
ادديني اجابة سريع لو سمحت
هلا يا مكاشفي سريع لييه يا زول ..؟؟ انت لو مستعجل فرتق وتعال بكرة ابو بعد بكرة...!! اولا فشل البشير لا يليق بك ان تفرضه جدلا.. بل هو حقيقة وواقع يمشي علي قدمين في الارض السودانية التي عشعش فيها القمل المرقود والجراد والفساد والسلعلع.. مواصفات الحاكم البحكم بالاسلام لو داير نموذج امسي فتش لكتاب زول اسمو (خالد محمد خالد)ورجال حول الرسول وشوف نموذج دولة سيدنا عمر بني الخطاب... ------ ولكن فليكن معلوما انا ماعندي شغلة بحكم بالاسلام او بالوثنية زاااتو بل عندي مشكلة مع من يحكم الناس بالعدل والانصاف والشفافية واحتر ام الانسان في الارض متي ما اتلقي زول زي ده فهو زولي حتي ولو كان بوذي او تبع الاله كرشنا
Quote: ولكن فليكن معلوما انا ماعندي شغلة بحكم بالاسلام او بالوثنية زاااتو
إجابة يا كيكي اخرستني صدقني إجابتك هذه اخرستني والقمتني حجر كبير جدا لأنك لو كانت إجابتك غير هذه لأتعبتني تعب شديد طيب يا حبيب ارجو ان تسحب كرسيك بعيد وتترك الامر لأصحاب الحل والعقد واهل الاجتهاد المطلق كي يقرروا وممكن تسألهم والماعارف بيسئل واقول لك ولنفسي لنسال اهل الذكر إن كان البشير قد فشل وأخطأ وما هو موقفنا لو افترضنا انه فشل هل نحكم عليه يحكم المجتهد
الامر متشهب ومعقد ولكن يبقى الوضوح فقط في اننا لا يجب علينا الحكم بدون حيثيات وثوابت دامغة
ودمتم سالمين اخوك المتطفل على موائد السادة العلماء المذنب / مكاشفي
Post: #45 Title: Re: رقصني يا جددددددددددع وكركون تعظيم للحرية....!!! Author: Mustafa Mahmoud Date: 02-11-2011, 10:52 PM Parent: #44
كيكي عاين ورا الكنبة في منو
بيتاوق
Post: #46 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-11-2011, 10:56 PM Parent: #44
Quote: واقول لك ولنفسي لنسال اهل الذكر إن كان البشير قد فشل وأخطأ وما هو موقفنا لو افترضنا انه فشل هل نحكم عليه يحكم المجتهد
هلا يا المكاشفي وياخي البشير ده (حاكم) ولافكي في خلوة لحدي ما نخلي امرو لاهل العقد والحل ديل.. وبعدين ناس الحل العقد ديل منوووو هم زاااتهم...!! البشير حاكم وانا مواطن محكوم يعني بهبشني في ماكلي وشرابي ونومي واماني وعلاجي وسفري وفي حلي وترحالي وفي كل حاجاتي المربوطة بي انا كمواطن فعليك الله بس اخليهو كييييييف ااا زول..؟؟ وربنا سبحانه وتعالي علاقتي كعبد معه مباشرة انت ليه عاوز تدخل لي في راسي اهل عقد وحل في النص وانا ما بعرفهم هم منو زاااتهم..؟؟ من هم اهل العقد والحل يا المكاشفي ووين الناس ديل ساكنين..؟؟
Post: #47 Title: Re: رقصني يا جددددددددددع وكركون تعظيم للحرية....!!! Author: Omer Mustafa Date: 02-11-2011, 11:38 PM Parent: #46
Quote:
Post: #48 Title: Re: رقصني يا جددددددددددع وكركون تعظيم للحرية....!!! Author: عبد المنعم سيد احمد Date: 02-11-2011, 11:52 PM
Post: #49 Title: Re: رقصني يا جددددددددددع وكركون تعظيم للحرية....!!! Author: احمد الامين احمد Date: 02-11-2011, 11:58 PM
Quote: واقول لك ولنفسي لنسال اهل الذكر إن كان البشير قد فشل وأخطأ وما هو موقفنا لو افترضنا انه فشل هل نحكم عليه يحكم المجتهد
عبدالكريم الناس المستهبلين ديل ما يخدعوك بمثل هذه الالفاظ مثلما خدعو الشعب بإسم الدين.. المجتهد المقصود بالاجر والاجرين عن الخطأ او الصواب هو العالم عندما يفتى فى مسألة دينيه وليس الحاكم ؟؟ وماعهدنا البشير بعالم فى الدين حتى يفتى بل هو مجرد روبيضاء " حسب مصطلح خاله الطيب مصطفى حين يصف عرمان" البشير حاكم المطلب الاول عنده هو العدل بين الرعية .. والحاكم الجائر كالبشير تماما من الذين تسعر بهم جهنم يوم القيامة ومن اشد العذاب يوم القيامة للراعى الذى يغش رعيته كالبشير.... أرجو من احد انصار البشير أن يسألنى عن نماذج من كذب البشير لشعبه وكذلك كذب الترابى للمسلمين عشان اعطيه امثلة
Post: #50 Title: Re: رقصني يا جددددددددددع وكركون تعظيم للحرية....!!! Author: Tragie Mustafa Date: 02-12-2011, 00:15 AM Parent: #49
يا كيكي مبروك يا اخي وحاتك يومها سيرتنا من نمولي يجونا ناس دوت مجاك يحتفلوا معانا ومن حلفا وناس الجنينه وطوكر كلهم سيره للخرطوم.
Quote: هلا يا سووووما والله يجيب يوم رقيصنا سااااااكت يا سوما اليوم داك باذن الله حندق ليكم رمبة وكيتة ومردوم ووازا وبانبنق
وصدقني ستنحر ابقار الدينكا و النوير معا ابقار الكبابيش و المجانين وجمال المهاهريه و الزغاوه مع ابل العبابده و البشارين والحمر احتفالا برحيل الانقاذين السفاحين!!
بس يغوروا من وشونا.....
Post: #51 Title: Re: رقصني يا جددددددددددع وكركون تعظيم للحرية....!!! Author: سلمى تاور Date: 02-12-2011, 01:57 AM Parent: #50
المصريين من ميدان التحرير يخاطبون شعوب الدول المجاورة بعد سقوط الديكتاتور مبارك :
_ في حد يا اخوانا عندو ريّس مغلبو علشان نمشي هولو قبل ما نروّح ؟! (^_^)
بحبك يا مصر
و رقصني يا جدع
Post: #52 Title: Re: رقصني يا جددددددددددع وكركون تعظيم للحرية....!!! Author: Amira Elsheikh Date: 02-12-2011, 09:04 AM Parent: #51
المصريين يهتفون :الدور ..الدور .مين عليهو الدور ? سودانيين ومصريين يردون:السودان عليهو الدور ....
السودان عليهو الدور ....
السودان عليهو الدور ....
السودان عليهو الدور ....
السودان عليهو الدور ....
Post: #53 Title: Re: رقصني يا جددددددددددع وكركون تعظيم للحرية....!!! Author: أحمد الشايقي Date: 02-12-2011, 03:52 PM Parent: #52
Quote: انت ليه عاوز تدخل لي في راسي اهل عقد وحل في النص وانا ما بعرفهم هم منو زاااتهم..؟؟ من هم اهل العقد والحل يا المكاشفي ووين الناس ديل ساكنين..؟؟
يا كيكي
أهل الحل والعقد هم أصحاب الوجعة, هم الناس الموجودين على ميادين مصر وتونس واليمن والسودان والجزائر والأردن هـم أهل البلاد وسكانها هم شعبها الكادح المعطاء دافعي الضرائب والدماء,
هم الصادحون بالحق والنصيحة والمطالبون بالعدالة والمساواة ... هم المستحقون لمواطنتهم ولأبوة آبائهم وأمومة أمهاتهم ولمداعبة نسائم الوطن لهاماتهم المديدة, أهل الحل والعقد هم الشعب هم الشعب هم الشعب هم الشعب الحر الأبي المنتمي المرتبط بالأرض
هم وليس غيرهم أبداً, هم الذين أتوا بالنصر المبين في تونس وفي ميدان التحرير بمصر ....
وهم الذين أحدثوا التغيير في اكتوبر وابريل بالسودان ... هم الشعب يا كيكي
أحمد الشايقي
Post: #54 Title: Re: رقصني يا جددددددددددع وكركون تعظيم للحرية....!!! Author: عبدالكريم الامين احمد Date: 02-13-2011, 06:12 AM Parent: #53
Quote: كيكي عاين ورا الكنبة في منو
بيتاوق
هلا يا دكترة وخليهو يتاوق (سمح) بعينو المنططة دي فكلا دكتاتور وان طالت متاوقته فانه يوما علي الجزيرة منفولو -----------------
شكرا يا عمر وتحياتي يا عبدالمنعم علي اللنكات التحية والتقدير للشعب المصري الشجاع --------------------
Quote: عبدالكريم الناس المستهبلين ديل ما يخدعوك بمثل هذه الالفاظ مثلما خدعو الشعب بإسم الدين..
هلا يا احمد والمستهبلين ديل خادعين انفسهم فقط.. ومثل احاديثهم دي هي فرصة لتفتيت مثل هذه الاوعية الفطير والمنومة مغناطسيا في الحراك السوداني
----------------------------------------
Quote: وحاتك يومها سيرتنا من نمولي يجونا ناس دوت مجاك يحتفلوا معانا ومن حلفا وناس الجنينه وطوكر كلهم سيره للخرطوم.
هلا يا تراجي وحيكون يوم السعد والبخت وسنكون في انتظاره وسنعمل له بكل ما اوتينا في هذه الدنيا وسنركل الطغاة ال زبالة التاريخ وسنرقص الجالووووووووه علي نغمات الحان الزاندي
-----------------------------------
Quote: _ في حد يا اخوانا عندو ريّس مغلبو علشان نمشي هولو قبل ما نروّح ؟! (^_^)
هلا يا سلمي يا سلملم وكان في ودي نتسلف من التحرير شاب شابين ولكن شعبنا البطل حيدور معركته برااااهو وياريت المصريين يساعدونا بالصفقة والرقيص والاعلام عبر القناة المصرية التي تحررت الان
--------------------
Quote: المصريين يهتفون :الدور ..الدور .مين عليهو الدور ? سودانيين ومصريين يردون:السودان عليهو الدور ....
هلا يا بت الشيخ وهتفنا معا في كورنيش الدوحة مع المصريين الدور الدور السودان عليهو الدور
----------------------------
Quote: هم الصادحون بالحق والنصيحة والمطالبون بالعدالة والمساواة ... هم المستحقون لمواطنتهم ولأبوة آبائهم وأمومة أمهاتهم ولمداعبة نسائم الوطن لهاماتهم المديدة, أهل الحل والعقد هم الشعب هم الشعب هم الشعب هم الشعب الحر الأبي المنتمي المرتبط بالأرض
هلا يا ابو حميد وفعلا انهم الفقراء والجوعي والمحرومين المهمشين وملح الارض السوداني وعندما يهبون فان طاغية جربوع سيجد له جحرا يختفي فيه ويهرب كما هرب بن علي وهرب مبارك سيهرب البشير وعصابته اللئيمة ايضا
