Post: #1
Title: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-10-2011, 07:34 AM
Parent: #0
فى لقاء جماهيرى بمدينة عطبرة لافتتاح مصنع اسمنت لم ينسى البشير ان يتحفنا مجددا بقليل من الهبل الذى يمارسه فى كل لقاء جماهيرى ...
( قلنا للكيزان الراجل دة اكتبوا ليه ورقة يقرا منها ما عايزين يسمعوا الكلام )...
يجى فى كل لقاء يشرط عينا بالدروشة ..
قال البشير مخاطبا الجوعى فى عطبرة ان الحكومة قررت رفع الاسعار من اجل الذين يشربون البيبسى بعد كل وجبة ويأكلون الحلويات بعد كل وجبة ... وقال ان الفقراء لن يتاثروا بهذه الزيادات بل سيتاثر بها ناس البيبسى والحلو ...
يا عينى على العبقرية !!!
يجب ان يرفع العالم كله القبعة لهذا الهمبول ....
اولا يجب على علماء الاقتصاد وضع اقلامهم ارضا والانصراف للبحث عن مهنة اخرى طالما ان البشير قد هد بخطابه هذا كل اركان علم الاقتصاد واختزلها فى علبة بيبسى وصحن كستر ...
اتارى الاقتصاد دة كلام فارغ ونحنا ضيعنا زمنا فى الكلى والجزئى والعرض والطلب والتضخم وهلم جرا .....
ثانيا على الدول العظمى التى فشلت بكل علماءها وفائض خزانتها ومنتوجها فى مقاومة الزيادة ان توقف فورا مصانع البيبسى كولا ومشتقاتها فلا اقتصاد سليم مع هذا البيبسى ابن ال###### ..
ثالثا على كل مواطن سودانى ياكل الحلويات ويشرب البيبسى ان يحذر لانه مخرب للاقتصاد الوطنى مثله مثل تجار العملة والمهربين ... ايها الشعب المتعجرف ال######## يا شاربى البيبسى .
يا اخى والله العظيم انت راجل مسخرة ....
والمصيبة شوفة عينى الناس واقفة تحت المنصة تهلل وتكبر ورا الراجل المسخرة دة !!!
معقولة دة الشعب السودانى ؟؟؟
مستحيل طبعا ...
من اين ياتى الكيزان بكل هؤلاء ليهللوا ويكبروا للمسخرة ؟؟؟
|
Post: #2
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-10-2011, 07:36 AM
ثم يقول سيدنا البشير رضى الله عنه ....
(اذا رفضنى الشعب لن اهرب بل ساقف حتى يرجمونى بالحجارة ) ..
اولا اطمن .. مع انك تستحق الرجم بالمنجنيق لكن الشعب السودانى السمح لم يحدث ولن يحدث ان يستخدم لغة العاجزين (العنف) مهما كان .. لو كان الشعب السودانى يمارس مثل هذا النوع لكان اغتيالك اسهل من ضرب عصفورة عمياء ....
لكن السؤال :
ماذا يقصد الهمبول بالرفض ؟؟؟؟
ربما كان ال28 من ظباط الجيش الذى قمت باعدامهم فى الشهر الكريم (28 رمضان) يحبونك جدا واتوا ليعبروا عن حبهم لذلك قمت بقتلهم .... غايتو دى احلى من البيبسى
ربما ان ال 300 الف مواطن دارفورى الذى قمت بابادتهم ماتوا حبا فيك وهياما فى خلقتك ...
ربما ان اهل الجنوب انفصلوا عن حكومتك ودولتك حبا فيك فاحيانا يجرب الحبيب الابتعاد عن حبيبته ليقيس مقدار عشقه لها ..
ربما ان ال28 من البسطاء الذين قمت بقتلهم فى بورتسودان كانوا يحبوك جدا لذلك قرروا الانتحار الجماعى لكى يثبتوا لك ان دماءهم فداك يا سيدى الهمبول ..
وربما ان الاربعة الذين قتلتهم فى كجبار ومثلهم فى امرى ماتوا من شدة العشق لانهم انتظروا طلتك فبخلت عليهم بطلتك الجميلة فقرروا الموت فداء للمعشوق ...
وربما ان اهل النيل الازرق الذين يتشاورون الان للانفصال عن دولتك قد سمعوا من اهل الجنوب روعة الابتعاد عن المعشوق فقرروا التجربة ....
اما الطلاب والشباب الذين خرجوا قبل ايام قليلة فى مظاهرات خرجوا كى يثبتوا لك مدى حبهم فقمت بالتعبير عن تقديرك لهم بالمبان والرصاص وادخلت معظمهم فى المعتقلات لكى يكونوا قريبين منك ومن اعوانك ....
|
Post: #3
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-10-2011, 07:40 AM
Parent: #2
بالله دولة رئسها بهذا الفهم
مصيرها شنو يعنى ؟؟
يا جماعة والله نحمد ربنا انو الحكاية واقفة على انفصال الجنوب بس
|
Post: #4
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-10-2011, 07:41 AM
Parent: #3
والمصيبة التلفزيون يشيل ويعيد فى اللقاء
فرحانين !!!
|
Post: #6
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: Medhat Osman
Date: 02-10-2011, 08:27 AM
Parent: #5
هشام
مسكاقمي...
سمعت قال شنو لي ناس الكباشي ؟؟!!!
قال ليهم ارفعوا ايديكم ...بعد شوية نزلوا خلاص.
قيام... جلوس.
يا ناس الكباشي كجبااااااااااااااار
حنفذ سد كجبار.
ودولة الشمال خلاص بعد الانفصال دولة عربية اسلامية خالصة.
|
Post: #7
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: عبدالأله زمراوي
Date: 02-10-2011, 09:32 AM
Parent: #6
نعم يا هشام فقد حيرنا هذا المتخبط الراقص البئيس واصبح
الواحد فينا لا يقرب تلفزيون السودان وتوابعه حتى لا يصاب
بتصلب الشرايين والقرحة المزمنة...
بالله عليك من أين جاء هذا الشخص؟
|
Post: #8
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: محمد حسن العمدة
Date: 02-10-2011, 09:52 AM
Parent: #7
هشام سلام
بالله لو قدرت تسجل لينا الكلام دا يكون تمام
يا استاذنا وشاعرنا زمراوي موش غريب انو الزول دا بكل
الجهل المركب فيهو دا لا يزال يمسك بالسلطة ويحكم بلد
فيهو من العلماء والمثقفين لا يعد ولا يحصى ؟؟
اين نحن من الشعبين المصري والتونسي ؟!!
|
Post: #9
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-11-2011, 09:12 PM
Parent: #8
****
|
Post: #10
Title: Re: البشير ( نحنا رفعنا الاسعار عشان الناس البتحلى بعد كل وجبة ) .. والله انت راجل مسخرة
Author: هشام عباس
Date: 02-12-2011, 07:24 AM
Parent: #9
اخر تقليعات الرقاص :
ادخلنا الكهرباء للقرى كى تردوا على عملاء الفيس بوك
والله المسخرة كتيرة فيك
|
|