قول واحد .. إغتيال وزير في حكومة الجنوب

Quote: جوبا: smc لقى وزير التعاونيات والتنمية بحكومة الجنوب جيمى ليمي مصرعه على يد شخص مجهول بمكتبه بمدينة جوبا بالإستوائية الوسطى. وقال شهود عيان لـ(smc) أن مجهولاً كان يحمل سلاحاً اقتحم المكتب وقام بقتل الوزير وحراسه الثلاث وأطلق النار على نفسه بعد ذلك . وأشار مصدر مطلع إلى أن دواعي هذه العملية لم تتضح لكنه تخوف من أن تكون الحادثة مؤشراً لإستمرار المزيد من العنف في الجنوب.

المصدر : المركز السوداني للخدمات الصحفية

الاستاذ المكاشفى الخضر


كان الاولى يا سيد ان تتحرى الخبر جيدا و تلم بتفاصيله فبل ان

تفح هذا البوست و الذى لا شك انه بوست شماته و واضح جدا انك قصدت ذلك .

و هل فى الموت شماته ؟ و هل فى الاغتيال شماته ؟

اتضح بعد الاطلاع على تفاصيل الخبر ان الدافع للقتل دافع اسرى و لا علاقة له بالسياسة

او الشئون العامة و كما قلت لك فلا داعى للشماتة و تحرى الخبر تفاصيل الخبر كان اولى

من الشماتة .

عصابات بزي الشرطة تروع المواطنين بجوبا

الانقاذ بتكتل في شعب كاااااامل

قول واحد يعني شنو؟ فرحان عشان موت زول ولا فاكر الجنوبيين كده خلاااااااااس يعني ولعو في بعضهم؟!
والله يا المكاشفي بقدر ما الزول يحاول يعرف الحاصل شنو البخليكم تتعاملو كده بخصوص كل ما هو جنوبي ما بلقي إلا حكاية النكاية في الحركة الشعبية دي.
رجاءاً أعملوا حد فاصل يا ناس بين الحركة الشعبية والجنوبيين قلنا ليكم.







رحم الله الفقيد جيمي ليمي
أصدق وأنبل التعازي لأهله وأصدقائه وأسرته.

Quote: قول واحد يعني شنو؟ فرحان عشان موت زول ولا فاكر الجنوبيين كده خلاااااااااس يعني ولعو في بعضهم؟! والله يا المكاشفي بقدر ما الزول يحاول يعرف الحاصل شنو البخليكم تتعاملو كده بخصوص كل ما هو جنوبي ما بلقي إلا حكاية النكاية في الحركة الشعبية دي.

ياشول لك التحية ولكن الامر خبر ليس غير

لا شماته في الموت, بعدين انتوا مش فصلتوا البلد وفرحانين, مالكم و مالهم يقتلوا بعض ولا ينتحروا, شوفوا مشاكلكم و اريتكم بكره تتستروا مع ناس الشمال بتاعينكم.

ربنا يصبر اسرته و يرحمه, على الاقل مات لمن شاف حلم معظم الجنوبيين اتحقق و هو الانفصال من دولة الظلم,

لا شماته فى الموت ..

دعواتنا أن يتخطى الجنوب هذه المرحلة بسلام إلى بناء دولة مواطنة تسع جميع أبناءه.


بريمة

Quote: رحم الله الفقيد جيمي ليمي أصدق وأنبل التعازي لأهله وأصدقائه وأسرته.

يا المكاشفى الوزير دا كان مؤتمر وطنى وانشق والقاتل سائقه الخاص ومن نقس قبيلته
يا اخى استقرار الجنوب استقرار للشمال والعكس صحيح
الله يرحمه
جنى

يا المكاشفي ومحمد وكل الكيزان الفرحانين بموت أي جنوبي

إتقوا الله .. هل أنتم مسلمون ؟ هل هناك مسلم يشمت في موت

أي إنسان ؟ راجعوا إسلامكم وتحسسوا موقعكم من الإنسانية

ألا يكفي إكراهكم لأبناء الجنوب الأوفياء في العيش في وطن واحد ؟

بحثت عن الشماته في عنوان البوست وفي فحواه فلم أجدها

اشيروا عليها ياهداكم الله

ده خبر اتمنى انو الناس تتناقش فيو بموضوعيه

Quote: بحثت عن الشماته في عنوان البوست وفي فحواه فلم أجدها اشيروا عليها ياهداكم الله ده خبر اتمنى انو الناس تتناقش فيو بموضوعيه

يا ود فرح حتى الموت عايز تحاجج فيهو
إني آمنت بالله العلي العظيم

المكاشفي آخوي؛

والله سويتو افرش وتخين..

ياخ انبقيت لابدنك تجيبلك خبر متل دا،
( قول واحد .. ) دي شني؟


يااااا المكاشفي
الله يهدينا ويهديك..

ألهم لا شماتة في الموت
بداية غير مبشرة للدولة الوليدة

اللهم ارحم الرفيق الوزير جيمي ليمي
وزير التعاونيات بحكومة الجنوب
وسبب الوفاة اسباب اسرية لاعلاقة لها بالسياسة
او القبلية او حديث الوحدة والانفصال

اكتب هذه المداخلة من مدينة جوبا عاصمة الدولة الوليدة
ومصادري والموت ليس فيه شماتة يا صاحب البوست


التعازي لاسرة المرحوم

Quote: يا المكاشفى الوزير دا كان مؤتمر وطنى وانشق والقاتل سائقه الخاص ومن نقس قبيلته

لا شماتة في الموت و الرحمة والمغفرة للمرحوم
الدعوات الصادقة باستقرار واذدهار الجنوب
شعب عاني اكثر من نصف قرن في وطنه ومن (حكامه )من حقه الحياة الكريمة والمستقرة ومن واجب الاخرين خاصة الذين كانوا سببا في ازمته ومحنته عدم صب النار على الزيت

Quote: لا شماته فى الموت .. دعواتنا أن يتخطى الجنوب هذه المرحلة بسلام إلى بناء دولة مواطنة تسع جميع أبناءه.

صاب البوست
سلااام
هناك القاتل معروف
ولكن كدا قول لى
القتل الاتية اسمائم منو
الفنان خوجلى عثمان
الزبير محمد صالح
طون اروك طون
ابراهيم شمس الدين
مجذوب الخليفة
وبالمناسبة
الطيب سيخة وين ...؟؟؟ والحاصل عليهو شنو ؟؟؟
وايضا ما تبقى من عملية اديس ابابا الفاشلة
من الذى قام باغتيالهم ( الذين زهبت ارواحهم ... مقتولين كما قال كبيركم الذى علمكم عرس الشهيد)

قاسم

http://www.bbc.co.uk/arabic/middleeast/2011/02/110209_s...oting_minister.shtml

استقرار الشمال في استقرار الجنوب
الحادث يبدو شخصي نامل ان يستتب الامن في الجنوب

أقول واحد و أسأل الله إنه ما يجي يوم أقول اتنين لفقد آخر بهذه الطريقة يا المكاشفي يا أخوي لا في الجنوب ولا الشمال. في هذه اللحظات الحزينة من عمر الوطن لا نملك إلا الدعاء بأن يحفظ الله أبناءه في شقيه و يحقق لهم الاستقرار و السلام و السعادة و الهناء. و خالص التعازي لأسرة الوزير و أهله و محبيه.

دولةالجنوب بكل المقاييس لها مستقبل افضل فرئيسها على الاقل على المستوى النظرى لم يتوعد شعبه بتقطيع الاوصال بل وعدهم بقطع الطريق امام الفساد..ولو فرضنا جدلا ان الفقيد عليه الرحمه قد غدر به بدوافع سياسيه فان السؤال المطروح وبشده كم من الارواح ازهقت الانقاذ بدءا بسعار بيوت الاشباح مرورا بحرب الجنوب وتصفية بعض قادتها وضباطها كما اشار الترابى لفضائيه عربيه ونهايه بحرق قرى دارفورالتى شهدها العالم عبر السماوات المفتوحه ..كثيرا ما اسال نفسى كيف ينام هؤلاء الناس وفى الختام اقول لصاحب البوست كما قال احد الشباب(مالكم ومالم) دعوهم وشانهم ...

يا محمد فرح وبتقول الشماته وين؟؟؟سبحان الله!!

Quote: قول واحد .. إغتيال وزير في حكومة الجنوب

بقيتوا عجم ولا شنو؟؟؟ اللغه العربيه دي لما ما بتعرفوها ما تخلوها.


يا المكاشفي.....
منتظر رقم اثنين؟؟؟ان شاء لله بشيرك قول آمين.

قال قولوا واحد قال!!

Quote: اللهم ارحم الرفيق الوزير جيمي ليمي وزير التعاونيات بحكومة الجنوب وسبب الوفاة اسباب اسرية لاعلاقة لها بالسياسة او القبلية او حديث الوحدة والانفصال اكتب هذه المداخلة من مدينة جوبا عاصمة الدولة الوليدة ومصادري والموت ليس فيه شماتة يا صاحب البوست التعازي لاسرة المرحوم

صادق تعازينا

لا حول ولا قوة إلا بالله.
له الرحمة يا شيخنا
وليس الشماتة.


ولو قلنا إثنين وثلاثة وحتى الألف،
يظلون أفضل حالا منا نحن،،الذين
لا يعرف عدد قتلانا..