ياخالد..لا

ياخالد معقوله لكن .؟؟دا وقتو

مالك يالدن ياخ...ويضحك ضحكتوا المميزة

مابعمل ليك شاى جننتنى بالشاى ياخالد

يازوله انا جبت ليكم شاى وسكر وصابون ويقعد يضحك...(شيله دكان)

تمشى تسوى الشاى من سكات..

يازول شيل حاجاتك دى وامشى سوى الشاى براك..واطنشو

يرفع صوتو عشان امى تسمع ...يالدن ما تعملى لى شاى

وانا اقول ليهو ابيت..

امى تكورك فينى...عيب عليك الكلام دا

ياامى خالد جننى بسوى الشاى دى..انت عارفه خالد شايقى شاى

ويقعد يضحك فينى وانا اطنطن واخش اعمل الشاى..

ماكان بشبه زول..مميز فى كل شى ..ضحكتو ..ريحتو ..مشيتو

لما اجى البيت بشم ريحتو اسال امى ...خالد الحاج كان عندكم الليله.؟؟

ماشفتوا غير لابس بنطلون جنز...او كوردولايت فيما ندر جدا

شال مابيفارقوا دايما فى الشتاء...

عندو موتر جميل (بلو)

بجى داخله النادى بعاين اول شىء موتر خالد قاعد ولا لا

وامشى على صاله البلياردو طوالى اشوفو عشان اسلم عليهو

ولو لقيتو مافى اقعد اسال..خالد الحاج وين ..؟؟

ماعارفنو والله طلع اسى...انا عارفه بكون وين ...امشى البوفه الاقيهو بشرب

فى السحلب ويشوفنى يقعد اضحك ..وينادينى تعال تشربى معاى سحلب؟

اقعد معاهو نتونس وفجاءة يعاين فى الساعه يابت قومى ارح على المذاكرة

عشان اشرح ليك وترجعى البيت بدرى وانا حاجز لى قيم بلياردو ما يفوتنى

مهيرة ونهله جو ولا نبتدى برانا...اقول ليك حاجه نبدا وهم بجوا يحصلونا

سلام يا لدن وإن شاء الله البركة فيكم
واصلي الكتابة يا لدن، فكتابتك حنينة
ويا ريت ولو ذكرت أسماء المناطق التى
إلتقيت فيها بخالد الحاج هل في السودان
أم هولندا

ياخالد غلبنى اواصل ...احكى عنك كيف؟

اقول شنو ؟قلت احكى امكن ارتاح كتلنى الهم ذيادة

كل زول فينا كان بتخيل انك بتحبوا برااهو ودا كان السر

المخلى كل الناس مرتبطه بيك وبتحبك ..قلبك كبير كنت شايلنا كلنا

عمرك ما اشتكيت ولا اتجاهلتنا ..

ياخالد انت مافى ,,..؟؟

حتمشى وين؟

طيب الاقيك وين ...وكيف؟

..
.
وأخت لنا سامقة محتسبة تهدينا إيثاراً، وتداري الدمع الطهور!
اصبري.. وصابري.. فنسائم الرحمة حفته حين أنهكه الطريق..
أطفأت قلباً أدماه لهيب وتلظاه حريق..
فوالله.. قد أشعل في أعماقنا صفاء دره من جنان قلب رقيق..
يرثينا هو قبل أن نرثيه ليضمد الجرح العميق!
ومضت روحه رغم إيلام الصبر..
رغم الاغتراب، والمرض، وأوجاع السفر..
راثياً إيانا، وفي مراثيه عبر!
راحلاً عن دنيانا
بعميق الحزن، وأنين الرثاء..
جاءوا به يحملون النعش، تشاطرهم ملائكة الرجاء..
فلست أدري، أنحن في وداع أم نحن في أجل لقاء؟

-----------

لقد كان خالد رجل طيب المعشر لكل من عرفه وعاشره
كان كريما .. شهماً .. خلوقاً
محباً للخير والمعروف
نسال الله يا لدن ان يتغمده بواسع رحمته
وهو فقد على اهله وعشيرته واحبائه ووطنه
ولا نقول الا قوله تعالى
كل من عليها فان ويبقى وجه ربك ذو الجلال والإكرام ..

البركة فيكم يالدن وربنا يصبركم ........

حاااااااار وصعب فراق الاحبة والاصدقاء ............

لم اعرف خالد ولم التقيه من قبل لكني عرفته واحببته من بين حروفكم عنه ....

له الرحمة والمغفرة والله اذا احب عبداً حببه الى قلوب عباده ..........

إنا لله وإنا إليه راجعون
رحم الله خالد رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم


_____________________

منذ أمس وأنا أصارع تناقضي
مرة أحس بألم عميق أن لم أسمع بـ أو أتعرف على شخص بكل هذا الجمال الذي يحكيه أخوانه وأصدقاؤه الكثر
مرة أحس بلطف الأقدار أن كيف كان سيكون حالي وقد عاشرته ومازحته وناقشته وأنا الآن خالي الوفاض من كل هذا والأحزان تعصف بي وهناً ؟؟؟
أرجع تارة أخرى لأقول ليتني لو عرفته ولو للحظات قليلة فالحزن باق فينا مهما تعددت أسبابه
في كل الأحوال إعتراني ألم كبير لفقده


جبر الله كسركم لدن جعفر

إنا لله وإنا إليه راجعون
تقبله الله قبولا حسنا
خالص التعازي يا لدن

لا حول ولا قوة إلا بالله

إنا لله وإنا إليه راجعون

ده حال الدنيا يا لدن والموت دايما بنتقي الاخيار فكم من عزيز وغالي فقدناه

ليس لدينا غير الدعاء له بالرحمة والمغفرة

وربنا إصبركم جميعا

ونقول كذا الموت دائماً يتخير
فلتبكي يالدن وكل من عرف الراحل عن قرب
ولانقول إلا ما يرضي الله
الرحمة والغفران تتغشاك وقد رحلت بعيداً عن موطنك
ونسأله تعالى أن يلهم الجميع الصبر والسلوان وحسن العزاء

خالد فقد الشوم يالدن
يا ريت لو نواجنا يعيدك يا خالد
يا ريت لو بكاءنا بجيبك يا زين الرجال .
يا من اخترته اليك
اكرم نزله
واعطه من فيض رحمتك بغير حساب
آمين يا رب العالمين

لك الرحمة ايها النبيل نم بخير
خالص التعازى يا لدن جعفر

البركة فيكم يا لدن
ودالحاج شال معاهو الكتير ومشي



من أمس وأنا مزهلل يا لدن

Quote: إنا لله وإنا إليه راجعون تقبله الله قبولا حسنا خالص التعازي يا لدن

لا حول ولا قوة إلا بالله
الدوام لله
الموت حق
له الرحمة والمغفرة وجعل الجنة مثواة
البركة فيكم الحبيبة لدن وربنا يصبركم
ويقويكم ويجبر كسركم

كنا نتسابق على حبك ياخالد..وكل منا كان متاكد انك بتحبو هو براهو

علاقتك بينا كانت متميزة وغريبه ...يوم واحد ماسالت روحى انا علاقتى بيك

شنو...كل البعرفوا انى كنت لما ما اشوفك قدامى بفتش عليك وافضل اسال لمن القاك

ومابرتاح الا اشوفك واطمئن عليك..

دايما بشوش وضاحك ويوم واحد ماشفتك شايل هم للدنيا ولا صارى وشك ولا حتى زعلت

زول ...بترضى فى كل الحولينك على حساب راحتك وزمنك

ويوم واحد ما اشتكيت ولا شفت فى وشك هم وبتكون فى احلك المواقف صامد وقوى

الليله مالك الحصل ليك شنو ...؟؟

الناس دى كلها قاعدة تبكى وتعذى فينى اقول ليهم شنو ياخالد

شيل رئتى ياخالد واتنفس ...اتنفس ياخالد وتعال راجع

انت كنت نفسنا ...وهوانا الليله غلبك النفس؟

ياخالد .....ياخالد ....انت جادى ...؟؟؟

انا متاكدة ملك الموت بيكون مكسوف وخجلان لما جا يشيل روحك

لانك كنت لينا كلنا روح...ومتنفس

انت ياموت السجم ....مالقيت الا خالد

حتى انت بتعزل....مايانا ترانا قاعدين فاطينا نحنا وماشى لى زولا

سمح مالك..؟؟

الاخت لدن

خالد الحاج براهوا بيساوي قبيله . من الناس القلائل الذين لا تملهم ولاتمل حديثهم

عرفته عن قرب لم أراه قط غير هو ضاحك فأشهد بالله أن ودالحاج خيار من خيار .



اللهم ارحم عبدك خالد الحاج
اللهم ارحم عبدك خالد الحاج
اللهم ارحم عبدك خالد الحاج
اللهم نقه من الذنوب والخطايا كما ينقى الثوب الابيض من الدنس
اللهم اكرم نزله,ووسع مدخله
واغسله اللهم بالماء والثلج والبرد
اللهم اجعل قبره روضه من رياض الجنه
ولاتجعله حفرة من حفر النار
اللهم ارحمه
اللهم ثبته عند السؤال
اللهم انس عليه وحشته
ونور عليه ظلمته
اللهم ارحمه واعفو عنه وتجاوز عن سيئاته
آآآمين

الاحباب والاخوان الكرام

النذير حجازى

تبلدينا

جنابو عمر

عاطف عمر

محمد الصايم

ساميه حاحد

ابو عبيدة

ماما دوما

معاويه الصايم

خضر حسين

العوض

امانى العجب

عادل الباهى

شكرا كتيرا على المواساة والمساندة

خالد فقدنا جميعا ..ربنا يلهمنا الصبر

سعدت بمروركم

.

وجع أول:
جفن عيون أحباب للووبة جافوا النوم
قتلو السهر خمدان وجه الفراق مهجوم
في دار الكلام سكت القليب مكتوم
اتفن وجع جراح في الجوف ومابي القوم
يا سيد الديار الحر يا ود شيوخ القوم
أبكن بنات العم الخال مفارق اليوم
حملك تقيل يا خال الله يقدر المكلوم
أخوانك وراك أسياد ويبرو اللوم
يبكيك البلد حراق لي يوم قيامتو تقوم

وجع آخر:
لست ممن يؤمنون بالغياب
والموت غياب ..
أو حياة أخرى نتمناها حين يسافر إليها حبيب
مدرسة تعلمنا أدب الشوق ومعاني الوفاء
يا صديقي اعتب على خداعك لنا
فقد وعدتنا يوما بالبقاء
علت جدران الغربة
فصارت أسوأ حبس للروح
حبس للعيون .. فالدموع وضوء الروح
حبس للصوت ..
فالصراخ يجعلك تسمع
ويجعلنا نعلن إغترابك
أقالد بيك منو ؟

وجع لي بكرة:
لكل أصدقائي وأحباب الخال في سودانيات والبركل وبكل المواقع وعلى الارض ومن في السماء أعزيكم في سفر الخال إلى دار نلحقه فيها يوما وإلى ذلك الحين نستودعه الله ليكن رحيما عليه موسعا لداره هو الرحيم لا إله إلا هو ولا حول لا قوة إلا بالله.