Post: #1
Title: كهرباء ما في...!
Author: جلال نعمان
Date: 02-06-2011, 08:21 PM
الكهرباء قاطعه عندنا من الصباح جات الساعه 7 مساء
ربك يسهل....!
Quote: برمجة قطوعات الكهرباء اعتباراً من اليوم
الصحافه 6 فبراير 2011
يبدأ اليوم برنامج الصيانة الدورية الوقائية لخطوط كهرباء الضغط المتوسط والمنخفض والمحطات الفرعية بولاية الخرطوم، استعداداً لفترتي الصيف والخريف، الامر الذي يستدعي برمجة القطوعات لفترة محدودة أثناء ساعات النهار.
وقال المدير العام للشركة السودانية لتوزيع الكهرباء، علي عبد الرحمن علي لـ(لسونا) إن الشركة درجت على تنفيذ الصيانة قبل فترة كافية تحوطاً لفترة الصيف والخريف، وتفادياً للقطوعات، مؤكداً التزام الشركة بالبرنامج حرصاً على تقديم خدمة جيدة للزبائن. وأضاف أنه سيتم إعلان برامج قطوعات مفصل للأحياء بالصحف اليومية ليأخذ المواطنون احتياطاتهم، مبيناً أن القطوعات لا تتجاوز الفترة من الساعة التاسعة صباحاً وحتى الثالثة ظهراً، موضحاً أن برنامج الصيانة يشمل أيضاً الولايات الأخرى التي سيعلن عنها لاحقاً، وقال إنه تم تحديد تاريخ 15 فبراير كآخر موعد لتحديث البيانات، وبعده لا يستطيع المواطن شراء الكهرباء دون تحديث بياناته. |
|
Post: #2
Title: Re: كهرباء ما في...!
Author: Mahir Mohammed Salih
Date: 02-06-2011, 08:41 PM
Parent: #1
والصيانة دى ما بتم إلا فى السودان ؟؟ ما ياها دول العالم كلها شغالة تش وعندهم صيانات زى الرز ؟؟
وين سد مروى وكهربته ؟؟
غايتو السودان ده عجيييييييييب فى كل شىء
مع التحية لك ،،
ماهر
|
Post: #3
Title: Re: كهرباء ما في...!
Author: جلال نعمان
Date: 02-06-2011, 09:43 PM
Parent: #2
Quote: والصيانة دى ما بتم إلا فى السودان ؟؟ ما ياها دول العالم كلها شغالة تش وعندهم صيانات زى الرز ؟؟
وين سد مروى وكهربته ؟؟
غايتو السودان ده عجيييييييييب فى كل شىء
مع التحية لك ،، |
شكرا ماهر
والله يا اخي حاجه زاته تحير
شيء سدود وشيء حراريه
وكل يوم فاتحين محطه وبرضه الحال في حاله
في كضب في حته غايتو!!
صيانه بتاعت شنو
دا العذر الاقبح من الذنب!!
التحيه
|
Post: #4
Title: Re: كهرباء ما في...!
Author: جلال نعمان
Date: 02-07-2011, 09:22 AM
Parent: #3
هسي قاطعه ليها زي ساعتين
ما في اي ملاحظه لاعمال صيانه
أجزاء من أم درمان وبحري برضه قاطعه
|
Post: #5
Title: Re: كهرباء ما في...!
Author: جلال نعمان
Date: 02-08-2011, 04:31 PM
Parent: #4
تــاني !!!!!
|
Post: #6
Title: Re: كهرباء ما في...!
Author: احمد محمد احمد عتيق
Date: 02-08-2011, 04:54 PM
Parent: #2
Quote: والصيانة دى ما بتم إلا فى السودان ؟؟ ما ياها دول العالم كلها شغالة تش وعندهم صيانات زى الرز ؟؟
وين سد مروى وكهربته ؟؟
غايتو السودان ده عجيييييييييب فى كل شىء
مع التحية لك ،،
ماهر |
امكن والله اعلم يكون سد مروي زاتو بصينو فيهو ...
وياها طبيعتنا ...ح نمشي منها وين ...
|
|