Post: #2
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-06-2011, 09:06 PM
Parent: #1
بعيدا عن الكلمه البين القوسين
الكتبتها عشان اكاوي بيها ناس هنا
بعيدا عنها
شكرا لمنير
سيخلد التاريخ موقفك
وسيذكر انك اول من غني لثورة الشعب
|
Post: #6
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-06-2011, 09:44 PM
Parent: #4
مسكاقل مدحت اون إري؟
كدا يا مدحت الجماعه حيقولو انو النوبيين دايرين يختطفو الثوره
لووووووووول
.......
الجدير بالذكر
انو اسامه ما من المقصودين بما بين القوسين
|
Post: #8
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-06-2011, 10:05 PM
Parent: #6
ازيك يا سلوي
انا بفتكر انو منير واحد من اميز فناني مصر
منير غني غُنا ما بشبه زول غيرو
منير عندو مواقف ما بتشبه زول غيرو
هاكي دا
محمد منير
|
Post: #9
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-06-2011, 10:19 PM
Parent: #8
وشكرا علي البوست
محمد منير يغنى للثورة
|
Post: #11
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-06-2011, 11:16 PM
Parent: #10
دا يا سلوي
محمد منير
|
Post: #12
Title: Re: (( النوبي)) محمد منير اول من غني لثورة مصر
Author: Rawia
Date: 02-07-2011, 10:30 PM
Parent: #11
سلامات ياعاطف
محمد منير مــا نوبي لكن
|
Post: #13
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-10-2011, 04:04 PM
Parent: #12
راويه القربت تكون صاحبتي
ازيك
Quote:
محمد منيرعلى" دريم " : نوبيتى أخرت نجوميتي
وقال منير أن النوبة مازالت موجودة بداخله وفي أعماقه، وعبر عن حزنه لتأخر شهرته وتأخر وصول فنه للناس بسبب لونه الأسمر الداكن وشعره المجعد وشكله النوبي حيث تأخرت بالتالي نجوميته،
ونفى منير أنه شعر في يوم من الأيام بالندم لأنه نوبي، أو أنه كره شكله وبشرته السمراء، مؤكدا على حزنه العميق من نظرة المجتمع تجاه النوبيين، ولكن تقبل الناس له وإعجابهم بفنه بغض النظر عن لونه عوضه عن كل هذه الفترة المؤلمة في حياته
وقال منير أنه سعيد بنوبيته التى أنجبت كثيرا من الفنانين أمثال أحمد منيب وحسين جزوبي وسيد جير وعبد الله باطة، وأضاف أنه يكفيه أن استمد موسيقاه من أسوان التي تضم موسيقى العبابدة والجعافرة والموسيقى الصوفية، مشيرا إلى أنه استطاع أن يأخذ لموسيقى النوبة حقها، وأنه ارتقى بها من الدرجة الثانية للدرجة الأولى وأنه استطاع أن يقدم نوعا من التوازن بين موسيقى النوبة والموسيقى الشرقية.
|
مع اني لاقيت منير 2002 في القاهره
بس ما داير اغالط واسرد الاتقال
المهم يا راويه انو نحن ما (إتسلبطنا) عليهو
ولو انتي ُمصره علي كلامك يبقي هو (إلاتسلبط) فينا مش؟
.........
المصدر
http://www.moheet.com/show_news.aspx?nid=246844&pg=9[/green]
|
Post: #14
Title: Re: (( النوبي)) محمد منير اول من غني لثورة مصر
Author: Rawia
Date: 02-10-2011, 05:56 PM
Parent: #13
Quote:
ولو انتي ُمصره علي كلامك يبقي هو (إلاتسلبط) فينا مش؟ |
أكييييد هو المتسلبط
بيكون عاوز يتم بيكون
هسة في ذمتك دي ملامحو نوبية؟؟
وبعدين النوبة ديل معروفين
قردين وحابس
بمعنى
دا بيت منو ودا بيت منو
الملك ولانه ملك
من قروب عرقي أصلو في المجر (هنغاريا)
وهاجروا لغاية ماوصلوا منطقة النوبة وجاورهم
لانه أهلنا النوبة حلوين وعشرتهم طيبة
منير مانوبي ياعاطف
بتعرف أبو زيد الهلالي؟
أتولد كيف؟
|
Post: #15
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-10-2011, 06:28 PM
Parent: #14
Quote:
وبعدين النوبة ديل معروفين
قردين وحابس
بمعنى
دا بيت منو ودا بيت منو
|
كدي افهم الحته دي اول
وبعدها نرجع لي منير
|
Post: #16
Title: Re: (( النوبي)) محمد منير اول من غني لثورة مصر
Author: عكاشة مختار
Date: 02-10-2011, 06:59 PM
Parent: #15
الاخ/ الفاتح عابدون...... سلام .
مش المشير / طنطاوى صاحب البيان الاول برضو نوبي ؟
الاخت/ راوية دايرة تقولي شنو بالضبط ؟ الفنان محمد منير نوبي علي
السكين . ولا ابالغ اذا قلت في ثمانينيات القرن الماضي" رطنت" مع هذا الفنان بالنوبي الصرف .
|
Post: #17
Title: Re: (( النوبي)) محمد منير اول من غني لثورة مصر
Author: احمد الامين احمد
Date: 02-10-2011, 08:30 PM
Parent: #16
| Quote: منير مانوبي ياعاطف |
منير ياراوية نوبى ووردى شخصيا كأكبر وأرقى رمز نوبى معاصر ذكر فى صحيفة الخرطوم 1994 بالقاهرة أنه حصل لقاء بين وردى وجمال محمد أحمد "برضو نوبى" ومحمد منير قبل وفاة جمال 1986 وفى ذلك اللقاء أوصى جمال محمد احمد محمد منير كفنان نوبى ناشى وقتها ان يتعلم من تجربه وردى كفنان نوبى هرم
إذا حصل أختلاف ظاهرى فى ملمح محمد منير ليبعد عن سمرة اللون النوبى ربما مرد ذلك لإستعماله كريمات ومساحيق على طريقة جاكسون رغم ان لون النوبة وملمحهم من اجمل الالوان والملامح بشهادة هيردوتس المؤرخ اليونانى الشهير الذى زار بلاد النوبة قبل الميلاد
|
Post: #18
Title: Re: (( النوبي)) محمد منير اول من غني لثورة مصر
Author: Asim Fageary
Date: 02-10-2011, 08:39 PM
Parent: #17
يا رجاء سلام
وتأكيداً لما قيل بأن محمد منير نوبي
فهو يغني باللغة النوبية
مع تحياتي
عاصم فقيري
|
Post: #19
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-10-2011, 09:59 PM
Parent: #18
مع اني ما فهمت كلام راويه الختيتو في اقتباس
لكن يبدو اني فهمت قصدها
هي علي ما اعتقد بتتكلم عن الجذور
يعني حتقول اهلو نزحو من المجر في القرن الكذا مثلا
عموما بغض النظر عن صحة كلامها داير اقول
انو منير بفتكر انو هو نوبي وبفتخر بي كدا
اما الكلام هن جزور الناس دا حنرجع ليهو بعد ما راويه تجي
|
Post: #20
Title: Re: (( النوبي)) محمد منير اول من غني لثورة مصر
Author: Rawia
Date: 02-10-2011, 11:22 PM
Parent: #19
محمد منير مانوبي
وقردين وحابس تعني إنه بطون النوبيين وبيتهم وتقسيماتهم معروفة وواضحة
يعني عندي ناس بعرفهم نوبيين لو جبت ليهم أسمك بيطلعوا لي لغاية جدك الخمسين
والنوبيين غالباً مجموعة عرقية تقريباً مقفولة
وكل زول عارف نسبه وأصله فيها
اللا هو أنا الحقول ليكم ياعاطف؟
إنتو أدرى
أها من نفس المنطلق دا جيب لي البطن ولا البيت ولا الشعبة المنها محمد منير
_________
للاخوة الذكروا ودللو إنه محمد منير نوبي وبيرطن
رطانته مادلالة لانه قلنا الناس ديل جوا وعاشوا وإختلطوا مع النوبيين
فأكيد ممكن يرطنوا
متأكدة من معلومة محمد منير وأصله جداً
وهم مانوبيين بل من القبائل الرحل المهاجرة من هنغاريا وإستوطنت بجوار النوبيين
تحية خاصة لاحمد الامين
سلامات ياصديق
مشتاقون شديد
________________
| Quote: راويه القربت تكون صاحبتي |
لي قربت
ياخ ماعندي أي مانع نواصل من حيث وقفنا
ويلا نأسس لصداقة وخوة
|
Post: #21
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 01:20 AM
Parent: #20
Quote:
أها من نفس المنطلق دا جيب لي البطن ولا البيت ولا الشعبة المنها محمد منير
|
تعرفي يا راويه لو سالتيني عن بيت ولا شعبه ولا بطن لي انا عاطف ذاتي
حقول ليكي ما بعرف غير بطن سميره صالح الجابتني
حاولي تراجعي معلومة انو النوبيين بطون وبيوت
وعلي فكره فيصل محمد خليل هو من نفس المجموعه البنسميها ( مجراب) وهم حلفاويين في نظرنا
لانو نحن ما بنصنف الناس بي جزورهم مثلا انا في منظقتي في ناس مختلطين بي اتراك وجركس وتركمان واكراد
بس هم نوبيين
لو حتاخدي الناس بي جوزرهم يبقي النبي ذاتو ما عربي بي جذور جدو ابراهيم
وما حيفضل زول في السودان لانو حيطلعو ناس اتلمو من اصقاع العالم
عشان كدا قلت ليك طالما منير بقول انو نوبي وبفتخر بي نوبيتو
دا يكفي انو يكون نوبي في نظري
ولو يوم قال انا مجري اكيد ما كنت قلت انو منير نوبي
..........
|
Post: #22
Title: Re: (( النوبي)) محمد منير اول من غني لثورة مصر
Author: Rawia
Date: 02-11-2011, 03:35 AM
Parent: #21
Quote: لوووول
ما بنفع تاني |
ايوة بان على حقيقتك
شفتك يومداك وانت تتسربل بثوب الخيانة
هو ياخ أنا رضيت وقلت ليك نواصل من حيث وقفنا تعمل لي فيها فلة
مع إني وبينما أنا أتجول بين جنبات المنبر لقيت ليك مداخلة مهببة بستين نيلة
بيني وبين نفسي قلت يارايوة كنتي حتقعي وماحديش هيسمي عليك
صلحنا الحكاية يستحسن تواصل بنفس الطريقة اليومداك
واخير ليك نتفاهم
بنصل لحل
وكويس إنك ثبت لي حكاية منير من المجراب
بعد دا لو عاوزين تقولوا نوبي قولوا
وسعيدة بمعرفة معلومة فيصل دي
|
Post: #23
Title: Re: (( النوبي)) محمد منير اول من غني لثورة مصر
Author: حبيب نورة
Date: 02-11-2011, 04:23 AM
Parent: #22
مش يمكن يكون قاصد النوبة الموطن وليس العِرق ؟
عامةً الشباب الثوار البحبوا منير عاتبين عليه لإلتزامو الصمت تجاه ما يحدث حالياً
الكلام ده من جوة الميدان
ده غير إنو وصف الريس بكلمة ( أبونا ) ودي ماسكنها ليه الجماعة لغاية هسه
ـــــــــــــ
مثلي لا يسأل عن مصدر
|
Post: #24
Title: Re: (( النوبي)) محمد منير اول من غني لثورة مصر
Author: Rawia
Date: 02-11-2011, 04:39 AM
Parent: #23
يا يس
الاغنية الفرحان بيها عاطف دي ولا حلوة
وشغل تجاري
طبعاً منير- ماشاء الله وربنا يزيده - إمكاناتو المادية مية مية
عشان كدا قدر لحن وانتج أغنية في لمح البصر
لكن معليش طلعت سلق بيض
يستنى عليها مغطية تحت المزيرة إسبوع تاني هتبقى حلوة وطرية
في الثورة المصرية القايمة دي مفتقدة إتنين
عاطف الطيب
وأحمد زكي
الله يرحمهم ويجعل مثواهم النعيم يارب
|
Post: #25
Title: Re: (( النوبي)) محمد منير اول من غني لثورة مصر
Author: حبيب نورة
Date: 02-11-2011, 04:51 AM
Parent: #24
Quote: يا يس
الاغنية الفرحان بيها عاطف دي ولا حلوة
وشغل تجاري |
يا راوية صباح الفل
يتخيل لي عاطف أعتمد علي إسم منير ونوبيتو البقت نقطة خلاف دي
النجومية مرات بتعمل هالة كبيرة جداً
لكن بعد ما تفِك سكرة السماع الأول
بتظهر عيوب العمل وبتضيع النجومية شمار في مرقة
يتخيل لي يعني
|
Post: #26
Title: Re: (( النوبي)) محمد منير اول من غني لثورة مصر
Author: GamarBoBa
Date: 02-11-2011, 10:11 AM
ياعاطف
دخلت البوست مرغما..ما قدرت اتحمل والله..فبالله عليك اتحملني انت
يعني شنو نوبي ولا ما نوبي...هو محمد منير ولا وردي لما غنوا لثورة الحاجة دي زادت في رصيد النوبة حاجة ولا في ارصدتهم الفنية الشخصية؟؟
الشي التاني يا عاطف ياخي ده الجنوب انفصل والنوبيين شابكين الناس نحن من أقدم شعوب السودان وناس حضارة و7000 الف سنة من الإنسانية..ساهمنا بشنو نحن ؟؟
محمد نوبي ولا ما نوبي دي ما بقدر افتي فيها ...النوبة في ارضهم ساكنين..ولو ما عندك قيفة تملا بيها ازيار بيتك أو بفهم انو بيتك لو ما قصاد ارضك انت ما نوبي ..
مسألة انو منير يكون نوبي دي آخر همي لأنو بعرف انو المعايير البتحدد مسألة انو ده نوبي ولا ما نوبي كويس في الشمال وما دقيقة وما عادلة..الارض النوبية في الـ 100 سنة الفاتت معروفة عرب في اقاصي القرية وعبيد في الاطراف..ودي موثقة ومعروفة ..الدولة السودانية بعد الاستقلال قدرت تمنع مسألة العبودية واجعص جعيص ما بقدر يقول لزول سحناته زنجية صرفة (أوشي) لكن التقسيمات معروفة ومعلومة.
يا عاطف محمد منير اتمكيج ولا وردي بساهر وبغني لعبد الرحيم محمد حسين دي ما قضيتي هسة..قضيتي انو في شعب من شعوب السودان اسمهم النوبيين مهددين بالإغراق لا يدهم لا كراعم تحت بند اسمه تنمية الخراب...كدي شوف مواقفهم تجاه السدود وتصريحاتهم فيها عشان نعرفهم نوبيين ولا جايين من غرناطة.
كشعب نوبي يبقي لي إرث حسين الا الا وليس محمد وردي..كشعب أعتز بشنان الزارع في الارض وبرفض الاغراق وبطربني ما محمد منير البمش المانيا لما يغني في ساحة بفتش لايقاع خماسي يطرب بيه الخواجات لانو السلم المصري الا ترقص عليه فيفي عبده؛ ما عشان خاطر عيون اسوان .
الواطة من دنقلا بتغرق ونحن في محمد منير غني ولا وردي عنده غنية جديدة؟؟ديل شن طعمهم..ديل البؤس يمشي علي قدميهم والبوم ينعق في حناجرهم.
محد منير نوبي ولا وردي من كازخستان بتحددها مواقفهم تجاه ارضهم..هيرمان بيل الخواجة نوبي اكتر من عوض داؤود..
عاطف نحن محتاجين نكسب ود الناس عشان يعرفوا قضيتنا ..ما ننغلق علي حاجاتنا ويتفرجوا فينا ونحن بنغرق للمرة الرابعة والخامسة
أبقي طيب يا حبيب
_
معليش دي المرة التالتة اخش عارض في بوستات لناس بعزهم ..انت وعزام ونوري جليلة واتمني انو نوري يكون بلغ الصحة والعافية
|
Post: #27
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 10:57 AM
Parent: #26
قمر بوبه
انت مشيت بعيد خالص
راجع مداخلتي التانيه
|
Post: #28
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 11:20 AM
Parent: #27
Quote:
بعيدا عن الكلمه البين القوسين
الكتبتها عشان اكاوي بيها ناس هنا
بعيدا عنها
شكرا لمنير
سيخلد التاريخ موقفك
وسيذكر انك اول من غني لثورة الشعب |
يا قمر بوبه
الكلام عن انو منير نوبي ولا مجري
دا سيرتو ما جات الا بعد مداخلة راويه
والفكره ما كانت اكتر من الاغنيه الفوق دي
|
Post: #29
Title: Re: (( النوبي)) محمد منير اول من غني لثورة مصر
Author: GamarBoBa
Date: 02-11-2011, 11:28 AM
Parent: #27
أسحب؟؟؟
لأنو شايف بكري بقي يسحب لي في مداخلات في بوستات قديمة تانية
_
بيدي لا بيد عمرو
|
Post: #30
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 02:11 PM
Parent: #29
يا بوبه
لوووول
ظاهر انك جيت داخل البوست وانت زعلان من اشياء اخري
وفرغت شحنة زعلك في بوستي المسكين وشخصي اللئيم
نفس الحركه دي عملتها قبل ايام مع اسامه البلال
جيت زعلان من تلميحات ناس عن النوبيين وقريت عنوانو
وجيت شايت ضفاري
بس الزول طلع جدع واتفهم الحاصل
اما بانسبه لي السحب وما ادراك ما السحب
قل انه بيد مالك الاسافير يسحب ما يشاء ويترك ما يشاء بغير حساب
ولا تجادلوا في اشياء تبدو لكم خطأ وهي عن صاحب المنبر صواب مبين
(الايه 77 من سورة الاسافير)
|
Post: #31
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 02:20 PM
Parent: #30
حبيب نوره وراويه
بتفق معاكم انو الاغنيه دي ما علي مستوي اغنيات منير البنعرفها
وانتو اكيد عارفين السبب
ولو منير قعد يبرف ويلحن ويبحت كان طلع الاغنيه بعد ما سيرة الثوره تنفض
فكلامي هنا عن موقفو الشجاع كاول فنان غني لي ثورة الشباب
وفي وكت لعبو فيهو الاعلاميين والفنانين دور قذر جدا
|
Post: #32
Title: Re: (( النوبي)) محمد منير اول من غني لثورة مصر
Author: سيف النصر محي الدين محمد أحمد
Date: 02-11-2011, 02:47 PM
Parent: #31
محمد منير فاديجا.
|
Post: #33
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 03:04 PM
Parent: #32
يا سيف
طيب ما تقول نوبي فادجا؟
انت مش عارف انو الفاديجا والمتكويه في مصر زي المحس والحلفاوين والدناقليه في السودان في النهايه كلهم نوبيين؟
|
Post: #34
Title: Re: (( النوبي)) محمد منير اول من غني لثورة مصر
Author: سيف النصر محي الدين محمد أحمد
Date: 02-11-2011, 03:07 PM
Parent: #33
| Quote: طيب ما تقول نوبي فادجا؟ |
طيب ما ده كلامي يا عاطف.
فاديجا يعني نوبي.
|
Post: #35
Title: Re: (( النوبي)) محمد منير اول من غني لثورة مصر
Author: عاطف عبدون
Date: 02-11-2011, 03:15 PM
Parent: #34
كويس يا سيدي انا بس من باب توضح الاشياء رديت علي كلامك
لانو زي ما في مصر في ناس ما بعرفو يعني شنو محسي وحلفاوي
في السودان برضو في ناس ما بعرفو يعني شنو فاديجا ومتوكيه
فحبيت اوضح انهم كلهم نوبيين
|
|