قاطعوا بوستات طارق جبريل

الزميل طارق جبريل والذي نال درجة العضوية الفخرية في المنبر في العام 2005م للميلاد أثري وما أنفك يثري المنتدي بكتاباته وكل من يدلف لملف ود جبريل سراً أو علانية يجد أن الرجل عجوة معطونه في عسل أديب أريب ، والزول دا بعد هذه المقدمة إن شاء الله يوم شكره ما يجي وإن شاء الله الشكر يمشي لي حماد وحصينه جقلبت أم لم تفعل. وإياكم والدخول إلى مكتبته وقد أعذر من أنذر.
الدعوة لمقاطعة بوستات ود جبريل لها ما يبررها فالرجل إذا قرأت له تقف مشدوها يعني تتمتع وأنت في حالة إندهاش فاغراً قدومك ، وتعجز أن تضيف وتتفلسف وتتمسك بالمنطق القائل ، الصمت في حرم الجمال جمال فلا يكون أمامك إلا أن تتبوم حتى لا تتلوم.
من غرائب شخصية ود جبريل شيئين إثنين في تقديري ونظري حتى لو إنطس ، فالعجيبة الأولى أنه دافن دقن في بلاداً أصلوا ما معروفه وين ويقيم في دولة بحسب علمي المتواضع غير جاذبة من ناحية العمل ، وبذلك تكون هجرة ود جبريل مشكوك فيها وبالضرورة هجرته إلى ما هاجر إليه ......
والعجيبة الأخري أن ود جبريل يهوى الكرة الطائرة الـ Volleyball ونحنا بالأرض يا الله الخراج كمان نقوم نصقع ليها غايتو ما دام ود جبريل من ناس الخرتوم ومن الخرتوم من الإمتداد يمكن أن يكون لاعب طائرة بارع لما عرف عن منطقتهم في هذا المجال.
المهم ما دام الشئ بالشئ يذكر مرة كدي جابو البرازيل وكوبا ولا روسيا ما بعرف قال شنو قال كرة طائرة نسائية وحات خوتكم المنبرية بقيت أشجع عديل – اللعبه الحلوة طبعاً – غايتو هو جنس قوام وسماحة أجسام وإن شاء الله يبقوها عشرة أشواط ورانا شنو ومرات أكورك عديل يا حكم والله ما بره الخط تقول أنا من مواليد فلاديفوستوك برج العذراء.

?????????

Quote: الملا عمر ســلام .... مالك داير تعمل زي واحدة زميلتنا ومزاملة طارق المسخوت دا برضو في كم اسفير كــدا ، المسكينة قامت قرأت بوست طارق بتاع البواسير داك ههههههههه حلفت بالتقتلها تاني طارق دا ما تخش ليهو بوست وانا احنس فيها يااااخ والله ود جبريل دا العسل زاتو فوقو شوية ابــداً حلفت يمين تاني ما تخش ليهو بوست

دة بقى شيل حال علني

Quote: دة بقى شيل حال علني

يا زول حالك ياهو حالنا
والبرشك بالموية بنرشـــو بالميرندا ....

دي الشاطئية يا المسخوت البلعبوها في العتمور ودي بعد تسعه بالليل أنا بتكلم عن التانيه أم سته لعيبه بي هنا وسته بي هناك وشبكه في النص وحكم مقنطر فوق كرسي فوووووووق زي حكام التنس الأرضي بي نبله ما تجيبو
يا بكري ود جبريل قررررب يخالف قوانين المنتدى وكان ما شكمتو ممكن يجيب لينا كرنفال الريو حق البرازيل وحينها الضحك حا يشرطك بوصفك أدمنستريتور للموقع.

النصيحة لى الله يا أمير المؤمنين

شايفك مغيوظ من طارق ده بلحييييل

يكون السبب شنو يا ترى ؟

موضوع المغربيات ده وقعلك فوق جرح؟؟

فاتح لو بوستين في دقيقتين

شكيتك لى الله آ طارق جبريل اكان داير تهلوس بالناس دي

....

Quote: شكيتك لى الله آ طارق جبريل اكان داير تهلوس بالناس دي

يا قريبي جابتلها شيل حال كمان

عوض عبدالله طه
كدي أول حاجه قبل على جاي يعني خلينا فيس تو فيس
من ناحية الهلوسه حصلت بالرغم من أنني ماني عشمان في المغرب وكمان ما بعرف نضمهم وكلامهم بالنسبة لي كُتُر هم والجزائريين والتوانسه والموريتانيين. فأنا من الذين تمثلوا بقول الرائع تاج السر الحسن كلنا في ..... والآمال شرق
أما في شأن فتح البوستات فقد كنت في المرحلة الماضية والدقيقة في تاريخ الأمة أمر بمرحلة البيات الشتوي يعني تقدر تفسرها على وزن دافن دقن أو بعيد عن المسرح مع إحتفاظي بحقي في إستنفاذ ما تتيحه لي عضويتي من bandwidth في أى شئ فارغه كان أم مقدوه.
المهم يا عوض يا أخوي كلامك كلو في محلو غير مسألة الغيظ دي وحات خوتك المنبرية لا وارده لا جات على البال مش لأن ود جبريل ما بغيظ لأنني الغيظ زاتو كحالة إنسانية بقي يتغاظ من أمثالي.
لك تقديري.

Quote: دي الشاطئية يا المسخوت البلعبوها في العتمور ودي بعد تسعه بالليل أنا بتكلم عن التانيه أم سته لعيبه بي هنا وسته بي هناك وشبكه في النص وحكم مقنطر فوق كرسي فوووووووق زي حكام التنس الأرضي بي نبله ما تجيبو يا بكري ود جبريل قررررب يخالف قوانين المنتدى وكان ما شكمتو ممكن يجيب لينا كرنفال الريو حق البرازيل وحينها الضحك حا يشرطك بوصفك أدمنستريتور للموقع.

يا حبيب قلنا نعمل ليك تسخينة بالفوق دي

Quote: يا حبيب قلنا نعمل ليك تسخينة بالفوق دي ]

سعيلك الله دي تسخينة
انت حرقتو عدييييل
بدل الملا عمر
بقى الملوة عمر
مليان رماد
ها المساخيت ديل

دكتور محمد حسن أعترف أنني إتحرقت بس إنت أمشي مارق لا برا وما تضارا وفلسفة أنا وأخوي فلان دي بقت قديمه وما شغاله ولا بتأكل عيش سايبيري أونلاين كل زول يشيل شيلتو بمجرد ما يعمل ساين إن. مودتي
==
بت اللباب لمن تعبت من البكا في بيت العزا عاينت لي أختها وقالت ليها أبكي آ عاشه أختي أنا فترت

Quote: يا حبيب قلنا نعمل ليك تسخينة بالفوق دي

نان قالولك التسخينه كدي بسوها بي نمرة أربعه
شكيتك على البيرجر كان جداد كان بيف

سلامات


ياخي بوستاته بتجي بالليل...
يعني الزول ما يتهجد كمان!!!

دي يقاطعوها كيف!!!..

جنس عنكوليييييييييييب اخخخخخخخخخخخخخخخخ منو

Quote: سعيلك الله دي تسخينة انت حرقتو عدييييل بدل الملا عمر بقى الملوة عمر مليان رماد ها المساخيت ديل

لخ تقيييييييييييل

ود شيقوق المسنوح
خلاص فكيت رسن الجمل البشاري ودرب ميدان التحرير وقبلت على العنكوليب وعجوة دنقلا ومنقة كسلا وفراش القاش
شكيتك على البي إل يو (منظمة إرهابية براند نيو).

عبد العزيز عيسي
يا أخوي شكيت خط جرينتش على الله ناس تصحي من النوم وناس يا دوب ماشين ينومو وناس ليلهم جن وجننو الليل زاتو أها ود جبريل دا مش كان واجب عليهو مراعاة فروق التوقيت وما عندنا مانع الـ base الليلو يكون مراكش بس راعي فروقالتوقيت نحنا حدنا صحن البوش إن وجد والمسلسل كان الكهربه ما قطعت وآخر حفله ممكن ننحل فيها بتنتهي الساعة 11 بتوقيت أم در

Quote: ســلام .... مالك داير تعمل زي واحدة زميلتنا ومزاملة طارق المسخوت دا برضو في كم اسفير كــدا ، المسكينة قامت قرأت بوست طارق بتاع البواسير داك ههههههههه حلفت بالتقتلها تاني طارق دا ما تخش ليهو بوست وانا احنس فيها يااااخ والله ود جبريل دا العسل زاتو فوقو شوية ابــداً حلفت يمين تاني ما تخش ليهو بوست

والله يا بشاري كلامها صاح البت لانها البتخل بوستات طارق دي اتيمن الا تطلع لابسة بس
زي البنيات البلعبن في الشاطيء ديل ..

الملا عمر .. تحياتي .. واؤيدك في المقاطعة لانو الراجل دا عمل لينا وجع الفكّين والمصارين ..

Quote: الزميل طارق جبريل والذي نال درجة العضوية الفخرية في المنبر في العام 2005م للميلاد أثري وما أنفك يثري المنتدي بكتاباته وكل من يدلف لملف ود جبريل سراً أو علانية يجد أن الرجل عجوة معطونه في عسل أديب أريب ، والزول دا بعد هذه المقدمة إن شاء الله يوم شكره ما يجي وإن شاء الله الشكر يمشي لي حماد وحصينه جقلبت أم لم تفعل. وإياكم والدخول إلى مكتبته وقد أعذر من أنذر. الدعوة لمقاطعة بوستات ود جبريل لها ما يبررها فالرجل إذا قرأت له تقف مشدوها يعني تتمتع وأنت في حالة إندهاش فاغراً قدومك ، وتعجز أن تضيف وتتفلسف وتتمسك بالمنطق القائل ، الصمت في حرم الجمال جمال فلا يكون أمامك إلا أن تتبوم حتى لا تتلوم. من غرائب شخصية ود جبريل شيئين إثنين في تقديري ونظري حتى لو إنطس ، فالعجيبة الأولى أنه دافن دقن في بلاداً أصلوا ما معروفه وين ويقيم في دولة بحسب علمي المتواضع غير جاذبة من ناحية العمل ، وبذلك تكون هجرة ود جبريل مشكوك فيها وبالضرورة هجرته إلى ما هاجر إليه ...... والعجيبة الأخري أن ود جبريل يهوى الكرة الطائرة الـ Volleyball ونحنا بالأرض يا الله الخراج كمان نقوم نصقع ليها غايتو ما دام ود جبريل من ناس الخرتوم ومن الخرتوم من الإمتداد يمكن أن يكون لاعب طائرة بارع لما عرف عن منطقتهم في هذا المجال. المهم ما دام الشئ بالشئ يذكر مرة كدي جابو البرازيل وكوبا ولا روسيا ما بعرف قال شنو قال كرة طائرة نسائية وحات خوتكم المنبرية بقيت أشجع عديل – اللعبه الحلوة طبعاً – غايتو هو جنس قوام وسماحة أجسام وإن شاء الله يبقوها عشرة أشواط ورانا شنو ومرات أكورك عديل يا حكم والله ما بره الخط تقول أنا من مواليد فلاديفوستوك برج العذراء.

أخي الكريم / الملا عمر ...

تحية الصباح المشـرق الجميل ...
حقيقة كل ما أوردته هنا صحيح .. طارق ده زول عسل عدييل كده .. وراجل متمكن من الكلام وأسلوبه غاية في التشويق والجمال ... المشكلة إن من يداوم على قراءة بوستاته يدمنه ويصعب عليه أن لا يقرأ كل ما يكتب ... بالعربي كده الزول ده مصيبه من مصائب الكتابه .. وروح ملانه بالفكاهة الذكية ... ياخ والله وكما ذكرت له من قبل أنا الضحك الضحكته في بوست البواسير داك ممكن يكفيني عشره سنين لي قدام ... غايتو يا الملا أخوي الطلبه ده السوتو فيها بنية العمارات ما خاطيه أبداً ومابلومها ...

بصراحه طارق ده .. حاجه ما تخلص ....

تحياتي وحبي لكما جميعاً ؛؛؛

مع خالص مودتي وتقديري ؛؛؛

سُمعة جد

نسعل الله السلامة

لا عرفتها اشانة سمعة
لا عرفتها شُكر
ةةة




غايتو ان بقينا متنا ادعولنا بالمغفرة

الأخ الفاضل/ إدريس محمد إبراهيم كمية من التحايا والتقدير
والله ما قلت إلا الحق زولنا ود جبريل دا ماشاء الله وتبارك الله وعيني بارده وماني حاسد كتاب كتابه عجيبة خلاص وبصراحة مرات كده بتخيلو بستعين بنفر من الجن زي ما كان بفعل بدر الدين شنا وأب حراز وآخرين في مقامنا هذا وهو واحد من الذين يعطون لهذا المكان قيمة ، يعني إتخيل واحد عايز يشتري سودانيز أونلاين لمن يلاقي فيهو عضو زي ود جبريل فكيد السعر بزيد ، ولكن برغم يبقي إسم طارق جبيل هو أقرب للمقصود من كلمى المستصيب. دمت بخير أخي إدريس.