هسى إنتو مقتنعين إنكم معارضـة وثائرين؟ قوموا إتلموا

الإحترام متوفر وفى محله لكل شخص.. وإتلموا معنى بيها أرجعوا لأنفسكم وراجعوا وأدرسوا الشئ البتسووا فيه دا

زعماؤكم رؤساء أحزابكم كلهم كيزان

كلهم ولغوا فى ماعون الإنقاذ حتى إبيضت شواربهم

السيد الصادق موضوعوا كله حاجة إسمها رئاسـة وزراء، دى معلقة معاه من الستينات.. وبقت ليه أكل عيش.. يعنى لو جبت فراش مدرسـة شغال اربعين سنة فيها وقلت ليه
تعال إشتغل محاسب واللا حتى مدير الفراشين ما حيقبل ليك.. والصادق لو عرضوا
عليه رئاسـة وزراء الصومال يفكـر فى الموضوع

السيد محمد عثمان أخير منه الصادق.. ظل المصريين فى الســـودان

كلهم ديل شاركوا فى مايو وشاركوا فى الإنقاذ واختلافهم حول الكراسى فقط ولكن أديمهم ومنطلقاتهم واحدة

باقى الزعماء رمم ولا يستحقون الكتابة عنهم

نأتى للسادة المناضلين.. فهم عاجزين، ولا ثورة يمكن أن يقوم بها عاجز

يتظاهرون ثم يتلفتون هل الصادق والميرغنى قرروا النزول واللا لسـه
والصادق والميرغنى يتباحثون مع الترابى ومع الإنقاذ حول المقاعـد

القرف صار يأتى من كل الجهات

ليه ما تقوموا بأعمال الرجال الأشداء تثوروا على كل قديم أقعد البلاد.. تلفظوا كل
قائد أدمن الفشل وإستمرأ إستغلال المواطنين وحاك المؤامرات ليظل زعيما بأى ثمن

لا فرق بين البشير والترابى والميرغنى والصادق.. كلها أدوار محسوبة يتبادلونها
يدوا وش القباحـة لناس الجيش لما الفشل يبلغ منتهاه، ويعملوا فيها مناضلين
حتى ينسى الشعب فشلهم فيأتى بهم مرة أخرى فاتحين منتصرين على الدكتاتورية!!!
وإنتو تهتفوا وراءهم ... ودائما وراءهم لأنكم عاجزون.. تجترون أغانى حماسية أكل عليها الدهر وشرب كأنكم منومون مغناطيسيـاً.. مبرمجون لخدمة الزعماء

الشعب الان فى طريقه ليلفظ الزعماء وأتباعهم الذين يطيب لهم ان يسموا أنفسهم مثقفين.. اليوم يتخطى الشعب الزعماء والمثقفين، وسيأخذ مصيره بيده

العاصفـة اتية من الاقاليم المهمشـة، أما أنتم فاستمروا فى صراعكم الأبدى
فى الخرطوم، وشغلوا شرايط وردى ومحمد الامين، حتى يأتيكم اليقين




.

كلامك منطقي.. بس تبريرك جوبكتو.. يعني [قوموا إتلموا] الفي عِنوان عمودك شرحت لِلمُناضلين إنت قاصِد شنو:

Quote: وإتلموا معنى بيها أرجعوا لأنفسكم وراجعوا وأدرسوا الشئ البتسووا فيه دا

ـــــــــــــ
قمت الظاهِر نسيت وسط إنفعال الكِتابة وكتبت:

Quote: قوموا لفوا لفاكم البلا

ونسيت تكتب لِلمُناضلين تبريرك لِلِفو + دُعاءُك لهُم بِالبلا

***ونسيت تكتب لِلمُناضلين تبريرك لِلِفو + دُعاءُك لهُم بِالبلا***

سلام
وشكـرا على المرور والتعليق المفيد والمهم


يا عزام وما طالب حليفة.. الهدف من دا كلو إبتداع اسلوب لإقتلاع المثقفين من ليل التبعية العمياء.

المقفين بتبعيتهم للطائفية وزعمائها منذ مؤتمر الخريجين وحتى يومنا هـذا، هم السبب فى مشاكل السودان.

نعم .

والله يا ابو الريش لو قالو ليك النصيحة بتزعل و بتحَنْبِكْ ..




نْلبِدْ بَسْ ..

Quote: يتظاهرون ثم يتلفتون هل الصادق والميرغنى قرروا النزول واللا لسـه والصادق والميرغنى يتباحثون مع الترابى ومع الإنقاذ حول المقاعـد

سلام يا أبوالريش ....

Quote: يا عزام وما طالب حليفة.. الهدف من دا كلو إبتداع اسلوب لإقتلاع المثقفين من ليل التبعية العمياء.

ما أقنعتني .... شنو يعني إبتداع الأسلوب في (لفّاكم بلا) ..... ده أسلوب لا إبتداع فيه، فهو موجود ومستهجن.

إذا سلّمنا بحسن نيتك (سأسلّم بها ما دام هذا ما تقول) .... إلا أن كلامك لم يزد عن كونه (بخس أشياء الناس) ....... فهل خذلك التعبير؟ أتمنى.

إحترامي

أخوانى وأخواتى الكرام
أنظروا لمن يحدثنا عن الثورة والثوار...
والمعارضة والمعارضين!!!
أنظروا ماذا يكتب أبو الريش:

وليقف الشعب الســودانى خلف البشيـر فى هـذا الموقف الوطنى البطولى

Quote: لا يهمنى أن يبدأ بحلايب أو الفشقـة فأى موقف فى إتجاه صيانة حدود السـودان يعتبر موقف وطنى وبطولى.. والبشيـر هنا وطنى وبطل قومى

Quote: موقف وطنى ومشـرف للرئيس البشيــر.

اسامة خلف الله

مستعدااناقشك لكن ما تجرى زى المرة الفاتت

hit and run

سياسة اضرب واجرى

لو التزمت هنا قدام الناس انك تواصل النقاش مرحب بيك

ابوريش ما تدقس

معرفة اهمية التغيير مسئوليه جيلنا والمطلوب هو تهيئة الظروف

للجيل البتتحتم عليه عملية التغيير.من 22 لي 32

بعدين فهمك للمعارضة فهم قديم
المعارضة لا تنتهي ولا تضعف
لكن ممكن تكون في (blind spot) انت ما ممكن تقدر تشوفها
او ممكن تكون طاقة كامنه ...
تعرف يا ابو الريش المويه بتتحول لي بخار لما درجة حرارة الغليان تصل 212 بالضبط
كذلك الشعوب في تحولاتها تخضع لي نفس القوانين لانها بتعتبر نظام طبيعي
البركان لما ينفجر بخلق مناخ جديد وارضيه جديدة وبغير في طريقة تفكير السكان
وطريقة معيشتهم....الخ
الكلام الحاصل الان جزء اساسي من الثورة المقبلة لا محالة(ربنا يطول عمرك ويديك العافية وتحضر التغيير)
والثورات ليست جديدة علي الشعوب


زي السحاب ماشي وبشيل من هنا وبدي هناك
المناضلين في هذا المنبر ليهم دور بقومو بيهو بوعيهم ودور الوعي ما مطلوب فيهو لاننا جزء من كل لي وعي جماعي
زي استعمال العالم للكمبيتر اليوم...
في ناس ما عندها مرجعيه لعدم وجود الكمبيوتر....وديل ناس محتلفين عني وعنك...

=================================================
الموضوع ممكن يكون في الجانب التاني(الجانب السلبي)... لغاية ما الظلم يصل لي العدد الكافي بعداك التغيير
بحصل زي ما حصل في تونس 123
حتي في مصر الوضوع لسة ما نجض

سلام يا دكتور وشكرا على المداخلـة..

أدقس شنو يا صلاح، الأرق دواعيه أكثر.. بالله السـودان فى حالة تخلى الزول يدقس..

لم أتحدث عن المعارضة فى حد ذاتها.. وإيمانى بالشعب السـودانى (بعد الله) لا تحده حدود.. وإنما حديثى
عن سيـر الثوار خلف الأقزام، وهـذا السيـر يجهض الثورات، وعندك أكبر دليل على أكتوبر وإبريل.. لقد
كان الزعيم الراحل جون قرنق على بصيـرة ووعى أكبر بكثير من ثوار إبريل لذلك لم تنطلى عليه حيلـة
الطائفيين، فلم يشارك فى دعم الإنتفاضـة ثم لم يقبل دعوة حكومة إبريل للعودة والمشاركة، وسماهم مايو تو،
وقد الت الى مايو تو بالفعل..

هل تريد تكرار هـذه التجارب الفاشلـة؟

لم أتحدث عن التغيير القادم، فهو حتمى وسيكون السودان أجمل من اوروبا من جميع الوجوه.. ولكن اتحدث فى
إطار محدد شرحته أعلاه.. وأكرره هنا.. لو سارت الإنتفاضة بنفس المنوال القديم بأن يعود الثوار الى منازلهم
بعد تغيير الحكم ويسلمونها للقادة الطائفيين فأبشر بإنقلاب جديد ولو بعد حين.. وتدور الساقية، ويعود تحت
الارض من يعود، وتهتدون ما تهتدون..


.

.

up

سلام يا دكتور وشكرا على المداخلـة..

أدقس شنو يا صلاح، الأرق دواعيه أكثر.. بالله السـودان فى حالة تخلى الزول يدقس..

لم أتحدث عن المعارضة فى حد ذاتها.. وإيمانى بالشعب السـودانى (بعد الله) لا تحده حدود.. وإنما حديثى
عن سيـر الثوار خلف الأقزام، وهـذا السيـر يجهض الثورات، وعندك أكبر دليل على أكتوبر وإبريل.. لقد
كان الزعيم الراحل جون قرنق على بصيـرة ووعى أكبر بكثير من ثوار إبريل لذلك لم تنطلى عليه حيلـة%0