Post: #1
Title: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 03:02 PM
ياتبارك
سلامات يااخى,
وفى البدء أعتذارى لك عن الخرمجة بتاعت أمبارح , ولك العتبى..
بما انك ياتبارك دخلت فى نقاشات مع مثقفين كبار,
وجالدت أدباء كمحسن خالد وناجزتهم فى ساحة المعرفة والأدب ,
واتضح ان لك فلسفاتك فى الحياة وتقييماتك الثرة,
التى أغنت جنبات هذا البورد حتى فاض,
فأسمح لى ان القى عليك ببعض الاسئلة , لنفتح معك دربآ للحوار,
فننهل من معينك المعرفى وتعم الفائدة..
واذا وافقت بدأنا واذا لم توافق أيضآ بدأنا لوووووووووووول
|
Post: #2
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 02-05-2011, 03:53 PM
Parent: #1
| Quote: واذا وافقت بدأنا واذا لم توافق أيضآ بدأنا لوووووووووووول |
وتيّب؟
... المهم ....
|
Post: #3
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد النيل
Date: 02-05-2011, 04:47 PM
Parent: #2
اخ الجيلى احمد
سلام لك ولتبارك
ومن اقوال تبارك شيخ الدين
قال شنو؟!!!
قال الرسول ص علمانى قال | Quote: بل عمل الوالدين كما قال النبى العلمانى (ص) "ما من مولودٍ إلاّ يولد على الفطرة، فأبواه ينصّرانه أو يهوّدانه أو يمجّسانه" |
لكما الود
|
Post: #13
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-06-2011, 02:01 AM
Parent: #3
الراستا بقى يتجاهل فينا
|
Post: #4
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 05:57 PM
Parent: #2
تبارك ازيك,
قريت ليك كلام عن المظاهرات الآخيرة ماقدرتا أفهموا,
رايك شنو ياتبارك فى الشباب الاتظاهروا سلميآ ديل؟
ورايك شنو ذاتو فى الحكومة القاعدة دى؟
_______________________________________
|
Post: #5
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: BAKTASH
Date: 02-05-2011, 06:11 PM
Parent: #4
Quote: رايك شنو ياتبارك فى الشباب الاتظاهروا سلميآ ديل؟
ورايك شنو ذاتو فى الحكومة القاعدة دى؟ |
دي ما اسئلة منكر ونكير ذاااااتا..
لكما الود..
|
Post: #6
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 10:32 PM
Parent: #5
والله يابكتاش الود انو نستمع لتبارك ,
فيغدق علينا من فيضه دون بخل..
|
Post: #7
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 10:46 PM
Parent: #6
قبيلك ياتبارك كنتا بعمل فى ملاحظات على حافة كتاب و اسمه (عشت لأروى )
كاتبو زول موهوم كدا اسمو ماركيز ,
المهم
أصبحت عندى عادة كريهة بحاول اتخلص منها ,
فالكتاب الذى يعجبنى ,
أملاء هامشه بالملاحظات المسجلة بقلم الرصاص
(شوفتا عدم الشغلة دا كعب كيف)
المهم
الزول عديم الشغلة الاسمو ماركيز دا كان عندو مشكلة اسمها الاملاء,
والحكاية دى وقعت لى فى جرح ,
لأنو والصراحة لله ماشايف اى حوجة للحرفين بتاعين (ز,ذ) فى ذات اللغة
دى شغلة مربكة بالجد , وقاعدا تزغلل بى ,
ومافى حوجة ليها ..
المهم
صاحبنا ماركيز قام قال الكلام فى مؤتمر عن اللغة الأسبانية ,
وقال ليهم مامعناهو (كرهتونا بالحروف الساكنة المابتنتطق دى,
والحروف المتشابهة,
أى عدة بتاعت لغة مالازمة الناس تقوم
تفنها فى البحر)
أى والله
المهم
الجماعة جاطو ليك فى ماركيز وشالو حسو
موش ببالغو ؟
|
Post: #8
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 11:04 PM
Parent: #7
فى واحدتانى كمان اسمو بركة ساكن ,
ودا فات ليك ماركيز بى هناك ,
بس قاعد بعيد من الضوء
معاى انت ياتبارك؟
|
Post: #9
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 11:10 PM
Parent: #8
شكلك مامعاى ياراستة..
المهم
بركة ساكن دا قام كسح ليك ماركيز ذاتو,
لكن ماعلى مستوى اللغة والقص وكلام المثقفاتية بتاعك داك,
كسحو ليك على مستوى الوعى الآنى ,
الوعى بتاع الكتابة وهى تتخلق فى ذاكرة المبدع
|
Post: #10
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-05-2011, 11:27 PM
Parent: #9
ماركيز دا عندو قصة فازت من قبل بجائزة ياراستة
اسمها عجيب كدا ومنجور نجر
المهم
قال انو كتبا فى الحى اللاتينى فى باريس
وربطها بربطة عنق وخلاها للصارقيل,
وفتح للموضوع
بعد كم سنة كدا عندو صاحبو (عديم شغلة)
قام لمَ ليك فى الرواية دى
وقدما للجنة تحكيم فى مسابقة ,
وفازت بالجائزة
وعمك ماركيز قبض الشرتيت ,
طبعآ ياراستة انت بتكون مركز مع الشرتيت ..
بعد فترة طويلة قام عمك ماركيز راجع نفسو
ولقى انو كتل ليهو زول مركزى فى الرواية دى
ساكت كدا..
(عدم شغلة منو)
هسه أمشى راجع ناس بركة
وشوف شغلهم مكرب كيف
رواية تكربك كربة واحدة لمن تصل نهايتا
|
Post: #11
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: معتصم مصطفي الجبلابي
Date: 02-06-2011, 01:28 AM
Parent: #10
Quote: قريت ليك كلام عن المظاهرات الآخيرة ماقدرتا أفهموا,
|
تبارك ده عندو ميزة انو مابقول ليك الموضوع ده ما عارفو اصلا..
ممكن الموضوع مره عليهو اول مره ويبدأ يشرع ليك ..
بعدين هو مرات بيستغل الزول المغيب عن الحقائق
ده بكون وقع ليهو فى جرح .. واهم مافى فلسفة تبارك
انو يصقعك بى حاجة يخليك لافى صينية ماتعرفو قاصد شنو
والغريبة هو ذاتو مرات مابكون فاهم قاصد شنو او
مرات بتكون تدويره مرنو عشان يعرى مقدراتك الفكرية او التحاورية..
بدون شك تبارك عندو مقدرات جيدة وزى ماقال هشا اخوه
ده عبقرى اولاد جبريل رغم انى شايفهم كلهم عباقرة..
بس تبارك عندو مشكلة توظيف صحيح لامكانياتو ومقدراتو
يعنى لو اتهندس شوية كده بيجى منو..
______________________________________
تحيات الجيلى
ووين انت ياابو امجاد
|
Post: #12
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-06-2011, 01:43 AM
Parent: #11
الجبلابى
اسمك مابعيد من طه حسين ...
كدى النحتل أشوف الراستا دا راكى وين
|
Post: #14
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: سيف النصر محي الدين محمد أحمد
Date: 02-06-2011, 03:23 AM
Parent: #12
الجيلي
جاء في الطبقات أن القاضي دشين قاضي العدالة بسنار امسك بلجام فرس
الشيخ محمد الهميم و هو خارج من جامع سنار الكبير بعد صلاة الجمعة
و قال له :يا محمد الهميم خمست و سدست و سبعت ما كفاك حتى تجمع بين
الأختين. محمد الهميم قال ليهو: هات من الآخر انت عايز ايه بالضبط؟
القاضي دشين قال ليهو: عايز افسخ هذا النكاح.و كان الشيخ ادريس
ود الارباب حاضرا فقال للقاضي دشين: محمد الهميم خلو بينو و بين ربو.
إلى آخر القصة المعروفة. أها هسه بينفع نقول ليك :تبارك ده خلو بينو
و بين نفسو؟
|
Post: #15
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 02-06-2011, 04:06 AM
Parent: #14
والله يا شباب انا فى الويكند بتلقى بى صعوبة شديدة ... لأنو كل الشغل (كتكّاسى من طراز الناظر هبّانى) وكل الأنشطة والمناسبات السياسية والإجتماعية فى الويكند (كناشط سياسى من طراز الناظر هبّانى) ..
هسة جينا داخلين انا وولدى من إصدار الألبوم الثورى للفنّان "هادى سليّة" (كما فى الاسم النوبى) الذى نعرفه بالفنان "عبدالهادى عثمان" ... وقد قرر وضع اسمه النوبى بالحروف اللاتينية Hadi Salia فى الألبوم ردّاً على دعاوى الرئيس البشير أن السودان سيصير عربى وإسلامى بعد انفصال الجنوب ... أشجانا بحديثه العذب وأدبه الجمّ ... ثم أشجانا بشدوه الصدّاح "وشادٍ يشيدُ ... بصوتٍ تميدُ .. حبالُ الحديدُ ... له إن صدح" ... فعدنا مملوئين بشحنة الثورة العارمة ... لنجد منكر ونكير فى الإنتظار ...
سأعود للردود مساء غدٍ انشاء الله ... ولكننى ارحب بالجميع وبآرائهم وتحليلاتهم النفسية ...
... المهم ....
|
Post: #16
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-19-2011, 08:07 PM
Parent: #15
يسعد مساك ياتبارك ,
لحدى ماتجى نونسك شوية عن عمك عديم الشغلة الاسمو ماركيز
|
Post: #17
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-19-2011, 09:23 PM
Parent: #15
.Quote:
ولكننى ارحب بالجميع وبآرائهم وتحليلاتهم النفسي
|
ياتبارك ,
يااخى الفكرة كلها ونسة معاك تقوم تقلبا لينا تحليلات نفسية والذى منو..
عندك بوست سمح ياتبارك , فاتنى والله..
بوست بتشكر فيهو علاء الدين يوسف فى العنوان ,
لكن جوة مااشتغلتا بيهو الشغلة !!
فكرة حلوة , وشكلها بتجى فى العمر فى مرة ,
وكان جات كتير يبقى انت انسان موفق و مرزق بالجد..
عمك ماركيز حكى ليهو قصة عجيبة,
قال انو فى يوم كدا كانت قافلة معاهو , قام مشى بيت عرقى فى فجة اسمها نيغرا اوفيميا ,
جرا البنبر بتاعو وكشح ليهو كاسين و وقال لى ست العرقى,
سووى لى عضة أنا مهوى.
قامت ولعت نارا ودورت الطبيخ فى قدرة كبير , ######نت الزيت وبدت تظبط فى الشيات ..
المهم
ست العرقى دى عندها كمية من (الكروانات ) جنبها ,
قامت الكروانات اتضايقت ليك من ريحة الشيات والحلل والكوارع , وبقت تتجنن وتصدر أصوات مزعجة,
فى واحد من الطشمنجية كان مستمخ
والحكاية دى ضايقتو ليك جدآ ,
قام على حسب الطشمة الفى راسو
مسك واحد من الكروانات دى وجدعو جوة حلة الكوارع ,
وقام من البنبر ومسك ليهو كروان تانى عايز يجدعو ,
فى الساعة ديك ست العرقى قامت اتغاظت وقالت بصوت يهابه الجميع :
كان زعَلتو الكروانات دى ,بتقد ليكم عيونكم ..
الناس قامت صنت احترامى ليها لأنها كانت زولة شخصيتا قوية , وكلاما مسموع ..
بس الجملة القالتا دى قامت زنت ليك فى راس عمك ماركيز زنننننننن ..
وقام من مكانو داك وكسح للجريدة الكان شغال فيها كصحفى ,
الساعة كانت أربعة صباحآ
قعد من أربعة لحدى تمانية صباحآ بكتب بى نفس واحد وبدون توقف ,
قصة عن ثلاثة زبائن فى بيت عرقى تقتلع الكروانات عيونهم ولايصدق ذلك أحد..
شوفتا الالهام دا كيف ..؟
بعد خمسين سنة قام رجع لقصة الكروانات دى عشان يصيغ الفقرة المتعلقة بها فى مذكراته ..
فكتب قائلآ:
(وقد عدت لقراءتها بعد خمسين سنة من ذلك قبل أن أكتب هذه الفقرة بالذات
وأظن أننى غير مستعد لاستبدال فاصلة واحدة منها . ووسط الفوضى التى كنت أعيش فيها دون بوصلة
كانت تلك القصة هى بداية ربيع )
بديع عمك ماركيز
بديع
|
Post: #18
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 02-19-2011, 11:40 PM
Parent: #17
Quote: (وقد عدت لقراءتها بعد خمسين سنة من ذلك قبل أن أكتب هذه الفقرة بالذات
وأظن أننى غير مستعد لاستبدال فاصلة واحدة منها . ووسط الفوضى التى كنت أعيش فيها دون بوصلة
كانت تلك القصة هى بداية ربيع ) |
قبل فترة قررت انو تانى اكتب مواضيع جديدة بس ... النقاشات السياسية اجيب ليها اقتباسات قديمة وخلاس ....
لاكين مكنة البحث بتاعة بكرى غير مشجعة نهائى ... وما عندى مكتبة طبعاً ... بقوم بكرر الكلام زى "الكروان" فى نص القعدة ..
سؤالك عن رايى فى الحكومة ... كنت داير اجيب ليك اقتباس لى ردى لى تراجى سنة 2006 تقريباً "الإنقاذ مالا؟ حلاتا!" ...
... المهم ....
|
Post: #19
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 00:28 AM
Parent: #18
ياسلاااااااام ياتبارك الوريف
ردك جميل يااخى ورائع ...
بس أنا شخصيآ مافهمتو منو أى حاجة
| Quote: الإنقاذ مالا؟ حلاتا!" |
هسه عمك ماركيز دا نقول ليهو شنو؟
|
Post: #20
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 00:37 AM
Parent: #19
لاشئ يضاهى الحرية فى الحياة
|
Post: #21
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 09:34 AM
Parent: #18
| Quote: قبل فترة قررت انو تانى اكتب مواضيع جديدة بس ... النقاشات السياسية اجيب ليها اقتباسات قديمة وخلاس |
كلام حلو ياتبارك من برة,
لكن لوجينا فكفكناهو بنلقاهو مابسوى التكتحو.
تكتب حاجة جديدة بى ياتو فهم ياتبارك؟
هل بفهم انك تغير نفسك ؟ أم تغير صيغ الحوارات ؟ أم تغير الواقع الذى صنع الأسئلة والمواقف؟
تجيب اقتباسات قديمة كيف لواقع متجدد وكامل الحدوث؟
يعنى ترضى انك تدمشقنى ؟ يااخى خليك منى انا ,
هسه ترضى تدمشق نفسك ياتبارك؟
|
Post: #22
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 09:39 AM
Parent: #14
| Quote: ود الارباب حاضرا فقال للقاضي دشين: محمد الهميم خلو بينو و بين ربو |
تحياتى ياسيف,
صاحبنا تبارك دا عايزنو يتشارك معانا الأفكار بصوت عالى ( اذا أحب
طبعآ)..
يااخى مرات كدا فى حاجات بتضرس الواحد , كان ماقدر يفهما بتقعد تلاوز ليهو كل مرة .. (هنا المفروض يكون فى وش ضاحك)
|
Post: #23
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 02-20-2011, 09:50 AM
Parent: #22
الجيلي يا عمكـ
لمن تصلوا الأشياء الأخرى أدونا خبر ياخ!!
|
Post: #24
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 02-20-2011, 10:01 AM
Parent: #23
Quote: سؤالك عن رايى فى الحكومة ... كنت داير اجيب ليك اقتباس لى ردى لى تراجى سنة 2006 تقريباً "الإنقاذ مالا؟ حلاتا!" ...
|
يا عمكـ .. قاصد بتاع التبول وكـدا؟
أهـو شايف صحبكـ الجبلابي مشرّف .. باقي محمد عادل!!
|
Post: #27
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: Elawad Eltayeb
Date: 02-20-2011, 01:32 PM
Parent: #24
Quote: رايك شنو ياتبارك فى الشباب الاتظاهروا سلميآ ديل؟
ورايك شنو ذاتو فى الحكومة القاعدة دى؟ |
| Quote: حرصا على التوجهات العامة والتي تنصهر في بوتقة واحدة مع الرؤى الخاصة والتي ترمي إلى تعزيز الإحساس بكل تفاعلات المنحى الموحد والذي أتت من خلاله رؤيتنا في دائرة القرارات وتوحيد المسارات وعملا بوحدة تركيبة التوجه الدائري والميل الثابت لبناء معطيات جديدة فقد تقرر الذهاب إلى صيغة أخرى لا يكون فيها الترقب جائزا بل... يصبح فيها التوجس من المجريات مقبولا .. والسلام عليكم !!! |
هذا النص كما وردني بالإيميل من صديق، هو نص استقالة وزير الخارجية التونسي الأخير ونيّس.
نتوقع من تبارك إجابة شبيهه ولا أقل من ذلك.
والسلام عليكم.
|
Post: #25
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 12:59 PM
Parent: #23
ود الصائم
ازيك يااخى
غايتو لو تبارك دا بطل يشخت لينا بنصل تب..
|
Post: #26
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 02-20-2011, 01:05 PM
Parent: #25
بالمناسبة ياودالصائم
أشياء أخرى دى قاعدة,
لكن الا تنزل ليها القبو..\
بس عليك الله الدودة دى شيلوهو لينا برة,
وياريت لو استبدلتوها لينا بماريا كيرى, أو ساندرا بولوك
أو على أقل تقدير جوليا روبرتس..
وياحبذا لو التلاتة مع بعض
وكمان متوفقات..
|
Post: #28
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 02-20-2011, 02:49 PM
Parent: #26
تعرف يا عمكـ الجيلي
بتخيل لي طلبكـ التاني بتاع التوفيق دا أسهل من طلب تباركـ الفوقو!!
|
Post: #29
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-04-2011, 11:02 PM
Parent: #28
لعناية راوية ... تسليم باليد بواسطة "ودالصايم" ...
... المهم ...
|
Post: #30
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-07-2011, 05:55 PM
Parent: #29
Quote: لعناية راوية ... تسليم باليد بواسطة "ودالصايم" ...
|
يتبارك
يااخى والله هملتنا شديد
وما اديتنا عقالآ نافع..
لو ماداير معانا قول,
على الاقل نقلبا ونسة أنا وودالصائم دا
|
Post: #31
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-07-2011, 06:37 PM
Parent: #30
اهلنا زمان بقولوا ... كان سِلِم العود ... اللحم بعود ...
عندنا ديموقراطيين ويساريين وتقدميين ومثقفاتية ... ما عندهم شغلة غير لواكة شعارات العصر ... حقوق الإنسان ... إرادة الشعب ... حرية التعبير .. "الحريات العامة" ... العلمانية ... الدولة المدنية ... حرية الفكر والعقيدة ... الثورة ... التغيير ... وهلم جرا ...
طيب مش مفروض يكون فى هيكل بتاع نظام بيحقق الشعارات دى؟
لو ما بتقول "الدستور" "النظام الإتحادى" "الإنتخابات" "الفصل بين السلطات" "المؤسسة" "القوانين والضوابط" ... شعاراتك دى كلها عبارة عن وجع حلق ساى ...
أيّ زول بيتحرك من محل واقف ... حكاية نمسح كل حاجة ونبدا من الأول دى ما مشجعة نهائى ...
قلنا نحرر ليك الحوار شوية ... لغاية ما افهم لغتك الرمزية شديد دى ...
... المهم ....
|
Post: #32
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-08-2011, 03:03 AM
Parent: #31
يطيبن ايامك ياتبارك
دا الكلام ..
ركز على الهيكل دا ياراستا ..
الفكرة الانسانية المزروعة جوا الشوارع يمكن تنوم ,
وتتخدر
لكن مابتموت ,
لأنها لو ماتت لن يرى نقاشنا هذا بريق ضوء
شوفتا صفية دى عملت شنو؟
قلبت الطاولة فى وجه المغتصبين ,
وانت ياتبارك قاعد تتفرج ..وبى مزاج
..
بتلعب وست ياتبارك ؟
|
Post: #33
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 03-08-2011, 06:49 AM
Parent: #32
| Quote: بتلعب وست ياتبارك ؟ |
وبقص للشايب بي دو!!
|
Post: #34
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: قيقراوي
Date: 03-08-2011, 08:25 AM
Parent: #33
Quote:
يسعد مساك ياتبارك ,
لحدى ماتجى نونسك شوية عن عمك عديم الشغلة الاسمو ماركيز
|
يسعد مساك انت دا ذاتو
يسعد مساكم الجوز عديل ... المافي شنو!؟
--------
واصل ...
اها؟
|
Post: #35
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-09-2011, 04:14 PM
Parent: #34
| Quote: وبقص للشايب بي دو!! |
الآتو شنو؟
Quote: يسعد مساك انت دا ذاتو
يسعد مساكم الجوز عديل ... المافي شنو!؟ |
اصبحنا بى الله والشيخ دفع الله ...
________________________________
والله نحن هسة محتارين فى الخطوة التالية .... العدالة بالهتافية ما بتبقى ... وتضييع العدالة بسبب الهتافية فى موضوع زى دا ما بينبلع ...
المجنى عليها قلبت الطاولة فى وجه الجميع فى الحقيقة ... وليس المغتصبين وحدهم ...
.. المهم ....
|
Post: #36
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 01:45 AM
Parent: #35
حباب تبارك المبارك
أنسى المغرضين ديل وخليك معاى ياراستا..
المهم فى الموضوع
انو عمك ماركيز كان قاعد فى أمانة الله فى الجريدة بتاعتو
بكتب ليهو فى كلام روتينى ,
ماسخ وجاف,
قام الزول الماسك الجريدة نهرو ليك نهرة الدبايب ,
قال ليهو فى موضوع خطير عايزنك تمشى تغطيهو ,
عمك ماركيز كان مركلس
والفكرة ماعجبتو
قام عمل فيها رايح ..
المدير بتاع الجريدة قام أداهو ليك نهرة تطير العش من الطير
قبل مايرك ,
عمك ماركيز سمع الكلام عشان مايقطع رزقو
ومشى يبحت ..
الموضوع كلو كان مابستدعى الجوطة ديك كلها..
مجموعة من البحارة غرقو فى سفينة
فى المحيط ..
معاى ياراستا؟
|
Post: #37
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 01:52 AM
Parent: #36
المهم
قام عمك عديم الشغلة الاسمو ماركيز بلملمة الخيوط,
كانت مهمة صعبة جدآ , لأنو الحكومة بتقول انو البحارة ديل
ماتو أثناء عاصفة بحرية ,
ولم ينجو أحد ..
فجاءة كدا ياراستا (ماتتخلع)
فجاءة بعد أيام طويلة يظهر زول حى من المجموعة
الغرقت ,!!!
زول حى بعد أيام كتيرة فى البحر , بدون أكل وبدون موية
وبدون بتزا...
|
Post: #38
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 01:56 AM
Parent: #37
وقامت الدنيا وماقعدت (أريتو حالك ياراستا)
الناس كلها عايزا تعرف قصة الزول الناجى دا شنو؟
وكيف قعد فى البحر الأيام دى كلها؟
وكان بياكل فى شنو؟
|
Post: #39
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 02:19 AM
Parent: #38
الحكومة قالت انو الغرقو ديل , جاتهم عاصفة شديدة (شدة الدبايب)
وقطمت على كدا..
بى جاى بى جاى
ظهر زول ناجى
وقال كلام مختلف عن كلام الحكومة ..
ماتركز فى الحكومة ياراستا , خليك معاى ..
المهم
قام عمك ماركيز لما ليك فى الزول الناجى دا ,
وقعدو ينقو (نقة الدبايب)
وحكى ليهو القصة من طق طق
لى السلام عليكم ..
وعمك ماركيز يشيل ويسجل ويكتب وينشر فى الجريدة
(مازى كتابة ملاسى ياراستا)
والحكاية بقت حلقات طويلة
عايز تعرف القصة الحقيقية ياراستا ؟
والسبب الذى من أجله غرق البحارة الثمانية؟
خليك متابع...
|
Post: #40
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 02:38 AM
Parent: #39
المهم ياتبارك
عمك اكتشف انو السفينة كانت مستفة عفش
(تلاجات , بوتجازات, غسالات , ....الخ)
والمضحك المبكى انها كانت سفينة حربية !!
ودا كان السبب فى موت البحارة ...!!!
شكلك ما متابعنى كويس ياراستا
|
Post: #41
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 12:12 PM
Parent: #34
هلا والله ياقيقا,..
(أى كلو عندنا ) ,
أو كما قالت فيروز ذات بروفة مع عاصم
|
Post: #42
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-17-2011, 12:25 PM
Parent: #41
انت كل ما تقرا كتاب حا تجى تحكيهو؟ اكتب عنوان الكتاب فى عنوان البوست!
ما تكتب اسمى وتقول نقاشات معاي ... تطلع نقاشات مع ماركيز ... قول لي ماركيز هو موضوع النقاش ... عشان اقول ليك دا شيوعي - أيّ نعم كتّاب وفتح عيون العالم على منظور جديد للأسطورة المختلطة بالواقع فى امريكا اللاتينية - لاكين شيوعي افقو السياسي مقفول بى دوغما ...
داير تحكي ... احكي .. ارد عليك اقول ليك شنو؟
... المهم ....
|
Post: #43
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 06:33 PM
Parent: #42
انت زعلتا ولا شنو ياتبارك ؟
طول بالك يااخى ,
يااخى معقولة لكن , زول أديب زى ماركيز تطلعوا ماعندو أفق سياسى؟
بس عشان شيوعى؟
|
Post: #44
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: الجيلى أحمد
Date: 03-17-2011, 06:35 PM
Parent: #43
وبعدين ياتبارك ,
جبتا من وين المعلومة بتاعت انو ماركيز شيوعى؟
نورنا الله ينورك يااخى
|
Post: #45
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-19-2011, 03:06 PM
Parent: #44
هو ما داسّيها ...
... المهم ....
|
Post: #46
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 03-19-2011, 04:08 PM
Parent: #45
أُحييكـ يا تباركـ .. قبقب المعلوف دا لمن يفهم حاجة!!
|
Post: #47
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: تبارك شيخ الدين جبريل
Date: 03-19-2011, 05:16 PM
Parent: #46
| Quote: أُحييكـ يا تباركـ .. قبقب المعلوف دا لمن يفهم حاجة!! |
زنقة زنقة ... دار دار ... فور فور ...
... المهم ...
|
Post: #48
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: حسبو عكاشة
Date: 03-19-2011, 09:54 PM
Parent: #47
Quote: انت كل ما تقرا كتاب حا تجى تحكيهو؟ اكتب عنوان الكتاب فى عنوان البوست!
ما تكتب اسمى وتقول نقاشات معاي ... تطلع نقاشات مع ماركيز |
و برضو تقول الاتو شنو يا تبارك!
وزع من جديد يا الجيلي
|
Post: #49
Title: Re: نقاشات مع تبارك شيخ الدين, سياسة , دين, فلسفة , أدب ,بيئة.. وأشياء أخرى
Author: محمد عبد الماجد الصايم
Date: 03-19-2011, 10:52 PM
Parent: #48
المشكلة يا حسبو نحن لاعبين وست وعمكـ الجيلي قاعد يوزّع باليمين!!
|
|