الآن و مُباشِر البشير يقْدِل وسط المِكاشفيّة مكشوف الصّدر (فيديو أكيد)

فيديو عديل
قيد التّسجيل

الجديد شنو
ما بكشف من زمان!!!


هو عندو حاجة غير الكشفي
و الهز


بسحروك يا لولي

هو يعرِض و إنتو تعارضو

كلٌ مُيسْر لِما خُلِق له

والله ياعلاء خطابات البشير ومداخلات بشاشا شبهينا واتلاقينا..

هي ياااااااااااا بلّة
إنتا مُش طلّعوك معانا
أمنجي مُنْدس و كوز عميل و ذيل إنقاذي؟
دة شِنو القعد تقول فيهو دة


سلامات يا دكتور

.

يا سلااااااااااااااااااام

حنشيِّد نِحنا بلدنا
و حنفوق العالم أجمع

قيلت القصيدة الحماسيّة
فترجّل البشير من مجْلِسه و اعْتلى المسرح وهو و الشّعب يُردِّدون أبيات القصيدة بيت بيت

و كلو جاييكم في الفيديو
و بينما كانوا يردِّدون لم تملِك الأرض إلا أن تهْتز تحت هدير أصواتهم و وقع أقدامهم يُدوْزنون بها السُّلم الموسيقي لأبيات الشِّعْر تلك

سلام علاء
اهداء للمكاشفيه و هم في استقبال البشير ... عاريآ

يــاشِـــيـــخ تــُــلــُّـبْ أنـــزل كـُبـُكــُــبْ وأرمِــى الحـُـــتـــُرُبْ للمــيدنه
ألـبــَس خـُـضُـــرُبْ وأدخـُــــل قــُصـُــرُبْ ألحـَــس وأشـْـــرُبْ للمــيدنه
فـى الـبَــاردَه تـعــُبْ للحَــارَّه تـسُــبْ عُـجْــمـَان وعُــرُبْ فـى الـمــيدنه
للـدنـيـا تـهُــبْ شـِبــْريــن وتـضُـــبْ فـى الـقـبــْر حُــرُبْ فـى الـمــيدنه
لـحـُـــوارَك كـُـــبْ والــقـصْــــر كـُـلـُــبْ أنــْهَـــض وأسْــلُــبْ للمــيدنه
لاتـخـْشى ضـُرُبْ لـى سِـيـــدَك حُــبْ لـى يـُوســف جـُـبْ فـى الـمــيدنه
دقــْنـــًا وشُــنـُبْ درويــشـْـنــا يــسُــوق تـايـُوتــا تـكـُـبْ فـى الـمــيدنه
يـــاشـِـــيــــــخ تــُـلـُّـــبْ ويـــــــن الــزُّهُــلُــب الكـَـــانـــُـو تــُــلـُــــوبْ
ديــــــــل صِـــبـــْحـُــوا غـُـــرُبْ أو أضْــحُــــوا جُــنــُـبْ فــى الـمــيدنه

يــاشِـــيـــخ تــُــلــُّـبْ .. صوفية و مشايخ السلطان و القتله

http://www.facebook.com/video/video.php?v=452962365812


الـفـُـقَـــرا جـَــنـُّـوا وعـُــقـُــولـُـن سـَـــارحَـه
فــيـــــهــــــا الـحَــــــــرامِـــى الــكــان لــلــبـَارحَــــه
كــَفـَـتـِــيـرةْ شَـــــاهِـــى كــُـبايـــْـتــًا نـــافِــحـَــــــه
سَـــــارح فــــى سـُـــــوقــُــــو مـــاعِـــنــْــدو الـكــاتـِـحـَــــه
لا حَــــــــق الــعـِـيـــشَــه ولا حَــــــق الــمـَــشْــــرَحَــــه
الــيـــــوم فــى بــِــنـــزى وعَـــمَــارةً نــاطـِـحـَــه

B]
مرحب يا عِصام
و سأُهديك هُنا فيديو البشير في الكبّاشي للمُعارضة في عارها الذي نعلم و ستظلُّ فيه

يا زول افرز مكاشفية و لا كباشية علشان نحددموقفنا

يا أخوي الليلة اللاوبة واحدة و اللوح واحِد و الدّواية واحدة و التُّقابة واحدة
و العهد واحِد
مِن جميع أهل الطُّرُق الصُّوفِيّة

حضور و متابعة يا علاء

مرحب بيك يا قريمان

http://www.youtube.com/watch?v=0L4n5qPsjA4


دة تصبيرة يا شباب
لحدي ما نجيب ليكم الفيديو كلو

سلام يا علاء...
يا اخوانا الراجل ده عليكم الله أهدوه يا جماعة حرام عليكم والله كان عنده ولد ما كان حيخليهو يهبل نفسه كده و الله العظيم صادقة زعلت عليه خلوا الشباب يرقص ريحوهو شويه..
الريس مفروض يكون هيبة مش أرجوز..

Quote: الريس مفروض يكون هيبة مش أرجوز..

شكرا عفراء سند

المشكلة تكلفة الرقيص دي بيدفعها الشعب المسكين الما لاقي ياكل دا

شكرا لك اخي الكريم علاء الدين وانت توثق هذا اللقاء الكبير
فقد كان يوما مشهودا قدم فيه مشائخ الطرق الصوفيه بقيادة الطريقه القادريه الكباشيه ممثلة في حادي ركبها
وخليفة سجادتها الخليفه المجاهد سيدي الخليفه عبدالوهاب وثيقة عهد ومعاهدة ونصرة للرئيس البشير
وبيعه من جميع الطرق الصوفيه في شتي انحاء ولاية الخرطوم علي السير علي نهج العدل واقامة دولة الشريعه الاسلاميه...

سلام يا علاء...
يا اخوانا الراجل ده عليكم الله أهدوه يا جماعة حرام عليكم والله كان عنده ولد ما كان حيخليهو يهبل نفسه كده و الله العظيم صادقة زعلت عليه خلوا الشباب يرقص ريحوهو شويه..
الريس مفروض يكون هيبة مش أرجوز

--------------------------


عفراء تحياتي



هل يعني ان اخوانك او انتي ترفضون ان يعرض والدكم في حلقة الذكر؟؟
وهل تعتبرون ان ذلك هبالة؟
وهل في ذلك عدم هيبة او مشابهة للارجوز؟

هات الحروز واجلس مكان لمن يروز ما بتقدروا
قط ما بيجوز
عرس العقيم ثم العجوز
شيل قرعتك ديلاك معوز
واحلب من الغروز ما بتقدر

يا منادي لي شائبنا الكباشي ما بغائبنا


الاخ علاء الدين بارك الله فيكم وأنت توثق لهذا الحدث المهم

منعنا من أن نكون معكم المرض اللعين .. يا شافي

Quote: هل يعني ان اخوانك او انتي ترفضون ان يعرض والدكم في حلقة الذكر؟؟ وهل تعتبرون ان ذلك هبالة؟ وهل في ذلك عدم هيبة او مشابهة للارجوز؟

سلام أستاذ عمر,,
الاجابة على سؤالك أن أبي و الحمد لله لم يحوجنا أبدا لذلك فلم يضع نفسه طول عمره فيما ينقص هيبته و هو المعلم لما يزيد من نصف قرن من الزمان لكن اذا كان ربنا لا قدر الله ابتلاه بخفة العقل فلن نرضى له نحن بذلك مع أنه (واخد بال حضرتك) حيكون رجل من عامة الناس يعني مش الريس فحلقة الذكر لها ناسها و الحكم له ناسه بعدين لو أبوي رقص و جاء قال عايز يحكمك كان تشبيهك ده يكون مقبول و لو البشير رقص و هو المواطن السوداني عمر البشير أبدا ما كان حيكون عندي راي لكن ريس ده بقى دخل في حقي

Quote: هو يعرِض و إنتو تعارضو كلٌ مُيسْر لِما خُلِق له

صدقت .

Quote: البشير يقْدِل وسط المِكاشفيّة مكشوف الصّدر

أو كما قال الشاعر:

يقدل البشير في جلباب راقصة,,, الساق كاسية والنحر عريان

أوعلى رأي المثل:

البرقص ما بغتي صدرو!

قلنا لك من قبل يا علاء, ان هذا لا يعني أن البشير قد عدل فأمن فرقص, و النميري من قبله قد حكم وقتل وسقط وشرد ورجع, وخرف وهزى, ثم مات كما تموت العير. ليس هنالك من يفكر في قتل البشير, فاليرقص مكشوف الصدر ما شاء له الحت!

دي الجماهير الحقيقية لا مكرية ولا مشرية

ولا من قروش الشعب

محبة خاااااااااااالصة لوجه الله لا عشان حكومة وسلطان ولا مال

بكره بشيركم دا يمشي من السلطة يتباع زي الترتيب نحنا برا السلطة واياها دي جماهيرنا

وخليكم امينين ولو مرة واحده

انتو ليه بتنقلو لقائاتكم المشترينها بمال الشعب في تلفزيون الشعب ولقاءتنا نحنا تغبشو عليها ولو لقيتو قرضكم حتى في النت ما تتنشر !!!

تحياتي علاء...
المكاشفية وينهم؟ يعني عشان كان في قاضي اسمو المكاشفي طه الكباشي أصبح الكباشية هم المكاشفية؟ أم أن اشتراك الاثنين في الكاف والشين والياء يجعلهما سيان؟!

فعلا ديل ما مكاشفية.

تحياتي ياعلاء الدين

حرم المكاشفيه ديل البقيفوا معاهو تاني مابتجيهو عوجه
ديل اهل الله

مؤونة عام من الود

Quote: حرم المكاشفيه ديل البقيفوا معاهو تاني مابتجيهو عوجه ديل اهل الله

مدد .. مدد
يلحقونى وينجدونى

علاء وضيوفه تحيات
شيوخ وبيوت الطرق الصوفية توسعت وكبرت وتمددت ، اللا وطني أدرك ذلك مبكرا ، تماما كما فعل المرحوم نميري ، ضعاف النفوس منهم استسلموا افرادا وليست جماعات لإغراءات ورشى منسوبي اللا وطني ، اللاندكروزر والديل كاب المظلل والحج المجاني وإنارة المسيد ، وعشاء أو فطور الحيران ألخ ، استلسموا وقبلوا دعوة وشروط اللا وطني - لكل من يقبل استقبال وضيافة ومبايعة اللا وطني وهذه لا تخفاكم ، وأنا زول جزيرة ، وصوفي حتى النخاع سلف عن خلف ، والجزيرة هي الأكبر على الإطلاق بين مناطق السودان في تواجد (مراكز) ليست فروع الطرق الصوفية ، وتماما كأي مواطن أصابهم الفقر والجوع والمرض والحاجة والفاقة فلا الدراويش عادوا كمثل أول يهدون ويتقربون بالغالي والنفيس لشيوخهم ، ولا هم كذلك ،
ياعلاء المال والسلطة والحج المجاني يروض الجن خلي الأنس ، نساءل الله لهم الهداية وللمحبين والمريدين والدروايش خير خلف لخير سلف. والتحية والشكر والتجلة والتقدير والحب لقبور شيوخنا وقبابهم في طابت ، الشكينبة ، العمارة الشيخ هجو ، ود الفادني الذي استضاف حفيده وشيخ سجادته الحالي حملة اللا وطني بدائرة الحصاحيصا ، وكل مناطق السودان مرورا بالطندب وأم ضوا بان وحتى البرعي بكردفان .. عموم شيوخنا ومشايخنا الإجلاء موتى الطرق الصوفية بالسودان ...
ياعلاء حتى ناس الطرب واللغو والموسيقى وشنو ما عارف يبايعون وينخرطون ؟؟؟؟
الشفيع ابراهيم

والله ماشاء الله
البوست عمران
أنا كشحتا العِندي و عملتا شتات خالي سِفِنْجات
قُلتا زووووووووووول حيشْتغِل بينا تاني ماف بعد حملة مُقاطعة المُنْتجات الكيزانية

بوست يرعب مناضلي الكيبورت

ينتظرون ان يخرج الشارع في تظاهرات ضخمة

لقد خرج اليوم هؤلا ليكون رسالتهم ابلغ لمناضلي الكيبورت

التحية للمكاشفية في كل مكان

فهم اهل تقابة واهل كرم ووفاء

والتحية للقائد الرمز وهو يسير مكشوف الصدر


بين شعبه واهله

كع ...

Quote: محمد البشر الأبراهيمي عدَّ الشيخُ الإبراهيمي الصوفيةَ داءً عضال يجب التخلص منه ، لتُحرر عقيدة المسلم من التشويش ، وتطلق لعقله العنان في التشبع وفهم العقيدة ، ويعتبر رحمه الله الطرق الصوفية أصحبت حاجزا بين الناس و الشريعة الإسلامية وكأنها دينٌ جديد

اسئل الله ان يرنا الحق حق ويرزقنا اتباعه والباطل باطلا ويرزقنا اجتنابه
لقد أتت ثورة الانقاذ وهى تحمل البشريات أنها بصدد القضاء على الخرافة والبدع والضلال التى تتبعها الطرق الصوفيه .. وهاهى الأن تتراجع عن أحدى أجندتها الهامه التى تدعوا لمحاربه البدع الضلا والدعوه لتوحيد الأمه على دين الحق
فتشجع الطرق الصوفيه وتدخل لنا الشيعه من الأبواب الخلفيه ...

Quote: بوست يرعب مناضلي الكيبورت ينتظرون ان يخرج الشارع في تظاهرات ضخمة لقد خرج اليوم هؤلا ليكون رسالتهم ابلغ لمناضلي الكيبورت

ظلت الجماعات التى سميت بمناضلى الكيبورد تخطط منذ ثلاث سنوات لأسقاط النظام فى مصر وسط سخريه النظام الحاكم بما يتم فى عالمهم الأسفيرى والخيالى فى نظرهم
وهاهم مناضلى الكيبورد ي الذين سخرت منهم يدكون قلاع الطغيان والأستبداد ويسقطون فرعون مصر حسنى مبارك والذى زين له المنافقون الباطل حقاً فأتبعه ولايتبع طريق الباطل الا المنافقون والظالمون . . والتغيير قادم أن شاء الله

Quote: وهاهم مناضلى الكيبورد ي الذين سخرت منهم يدكون قلاع الطغيان والأستبداد ويسقطون فرعون مصر حسنى مبارك والذى زين له المنافقون الباطل حقاً فأتبعه ولايتبع طريق الباطل الا المنافقون والظالمون . . والتغيير قادم أن شاء الله

يا مدثر : سلامات

و ما هو وجه الشبه بين البشير و مبارك

الذي أعلمه و تعلمه المئات من المنظمات المعنية في مختلف أنحاء العالم أفارقة و عرب .. أوربيين و آسيويين .. رسميين و حكوميين... كل هؤلاء جاؤا بالمئات بل الآف ! جاؤا للسودان في ابريل 2010 و شهدوا أضخم عملية ديمقراطية تمت في أفريقيا في الألفية الجديدة و نتج عنها إختيار الشعب للرئيس عمر البشير بما يزيد على السبعة ملايين صوت من أصل 10 ملايين..

البشير يحكم السودان برضا الغالبية و من بوابة ديمقراطية شهد لها العالم أجمع

انتخابات برقابة قضائية و دولية..

و لعلمك الدستور المصري يحرم أية رقابة على الانتخابات حتى المحلية مدنية أو قضائية!

هذا هو الفارق بين البشير و مبارك

تحياتي

علاء الدين ياعمك

مشتاقين

بالله صور السيد المسلمي

مش كوز وبوردابي ومن الكباشي

وتيب.....؟

<font face="Simplified Arabic" size="4" color=blue>سلامات ود الباوقه
زياره بتوري ضعف البشير
الراجل ده طالع الخلاء مالو
الجامعات قريبه عاوزين لينا زياره لاي جامعه ونشوف نصره
الطلاب ولا رايك شنو
برضو ليك موده</font>

Quote: التحية للقائد الرمز وهو يسير مكشوف الصدر

يا اخوانا شنو حكاية مكشوف الصدر الماشة في البلد اليومين ديل؟

سماسرة للحشد ومسوقون... البشير يسد بقطنة الناسور االإنقاذي؟

الصور دي مدبلجة

عايزين الفيديو

Quote: المِكاشفيّة

الطريقة القادرية الكباشية ( الشيخ ابراهيم الكباشي ) .. والطريقة القادرية المكاشفية (الشيخ أحمد المكاشفي )
جميعها تنتمي ال دوحة سيدي الشيخ عبدالقادر الجيلاني ..
لافرق بينهما ..



ـــ
علاء .. شغل نضيف والله .

هلا يا أبو السِّيد
كان لِقاءاً حاشِداً
و يا سلام على ناس الكبّاشي

والله زي ما قال تِمبس
كتّر خير الثّورة الإسفيرية النّفضت عنّكم الغُبار؟

قُلتا لي قايلين نفسكم بتقدروا تحرِّكوا الشّارِع؟

إنتو برّة الشّبكة و شكلكم ما عارفين الشّارِع ماشي كيف و شايت وين
عودوا إلى سرايركم يرحمكم الله

كتب في

Quote: 05-02-2011, 02:29 م

وبلع سريعا في

Quote: (عدل بواسطة عزام حسن فرح on 05-02-2011, 02:31 م)

اهنيك يا علاْْْء على التوثيق
وارجو منك ان تقوم بتنزيل كل الصور والفديوهات
السابقة للسيد الرئيس فى جميع المناسبات السابقة
(عشان نفقع مرارتن) والداير اخش استمتع اخش والماعاوز
اقاطع البوستات الكيزاانية ولا شنو.ههههههههههههه

يا علاء الدين أجمع هنا سريع نداء عاجل الى جميع أمنجية الإنقاذ ومطبليه .. رجـــاءً

Quote: بالله صور السيد المسلمي مش كوز وبوردابي ومن الكباشي وتيب.....؟

طبعاً ياجميل أنا كنت مشغول شديد في مسالة الترتيبات الأمنية للزيارة ..
وزي ما أنت عارف منطقة الكباشي مفتوحة علي تلاتة إتجاهات .. ومن السهل علي الأعداء إختراقها ..
عشان كدا ماقدرت أنوم .. لحدي ما الموضوع كلو خلص ..
ومن هذا المنبر أبعث بالتحية لكل للزملاء ( فيصل الرشيد ، طبنجة ، كبسور ، ودخيري ) لصبرهم وجلدهم اللا محدود .

ـــ

الأخ علاء الدين - سلام

يا أخوي مسؤول من الخير ... إنت المتنوضلون والمتنوضلات ديل
ما عاوزين الشريعة عشان ما عاوزين الجلد لمن يخلبطوا
بس عاوزين العلمنة طيب بي كيفكم... بلاد الله واسعة... لكن
العرضة دي مالكم عليها.. من ما خلق الله السودانيون
بسموها عرضة.. عرضة .. والله بسموها عرضة... أسع جونا وحرفوها لي
رقصة... أخشى في يوم.. يجونا بتقليعة جديدة ويسموا السودان ...بسنونو
أو سوسو... الله الهادي.
تحياتي
حمد

Quote: يا أخوي الليلة اللاوبة واحدة

ولأن اللالوبة واحدة فإن الككو الحريف يقيس اللالوبة قبل أن يبلعها فالهالك جعفر نميري لم يكن على قدر كاف من الحرفنة

فقد كان يقدل في ذات المكان قبل خلعه ببضع أيام .

http://www.youtube.com/watch?v=CeS8wNy_cgU&feature=player_embedded

إنتو عيشوا لينا مع الصُور المدبلجة
و التّركيب
و نِحنا برنكِّب ليكم مزاج عالي
بي صُورنا دي
تابعونا بس
و تابعوا الشّارع السُّوداني اللفظكم

up

حتى يعرف مناضلي الكيبورد مقامهم

أخوي علاء - سلام
إنت مناضلي الكيبورد ديل عندهم شيخ وأللا قايمين بروس بروس
بروس... لا حيطة ينتكلوا عليها ولا جذور تشد حيلهم.. أديهم صور
الرئيس البشير تعدل طريقهم وترشدهم لشارع السودان العظيم ... الهادي الله..

رضي الله عن شيخنا الكبير إبراهيم الكباشي وخليفتة وأبناءة وحيرانة ومريديه وسائر أسيادنا القادرية

فهم اهل فلاح ويولون أمرهم أهل الصلاح

__________________________________________

تخريمة :

اللقاء ده ياعلاء في الكباشي ولا ميدان التحرير

Quote: اللقاء ده ياعلاء في الكباشي ولا ميدان التحرير

غايتو كان ما عارفك جلاس قريبي و عينك باردة
كان غمدْتّا يديني و كشحتا المُعوّذات و مسحْت بيهِن في شاشة الكمبيوتر حقِّي دة

مرحب بيك أخي حمد
والله المُناتلين ديل نسأل الله لهم الهِداية
و نتمنى من شيخنا الخليفة عبد الوهاب الكبّاشي
يكشحُم لينا بي فد فاتحة تركِّبُم الدّرب العديل

يا ولد انقرع ... شيوخنا ديل ... لا بيأيدوا سياسى ... لا بيردّوا ضيف ...

البدق بابم ... يكرموهو غاية الإكرام ... حت لو كان حرامى ساكّاهو كلاب الحلة ...











... المهم ....

القرعة اليفرطِقوها ليك فوق نافوخك يا تبارك
قول آمين

قبل كده سالنا مكاشفية و لا كباشية
مع احترامي لسادتنا الكباشية لكني متأكد ان السادة المكاشفية البجيهم برحبوا بيه لكن حاكم ما عندهم شغلة بيه و تمت عدة محاولات استقطاب و ناس منهم الان قاعدين اعني الحكام والفاتوا اخدوا طريق بس التعامل عادي جدا.
يعني الحاكم و المواطن العادي عندهم نفس الاحترام
البشير لمن جاء الشكينية برضو جاء بصفة شخصية و اتحدا اي زول يقول لي شاف الخليفة معاهو في المهرجان السياسي بس برضوا هم عندهم الناس العندهم اهتمام بالعمل العام في حد انه عمل عام .
بس ده ما بعني انهم ضده.
و انا متأكد انهم ما بجبروا الفقراء يدوا صوتوهم لشخص محدد لكنهم طوالي بنصحوا بان الناس ما تنفتن و ما تتفرق و اي زول يسوي البصلحوا .
و اعتقد انه ده منهاج واعي في زمن الفتن
بعيدن عديل كده
السادة المكاشفية ما بحبوا السياسةو ما بغرقوا فيها كتير
و بوضوح اكتر لمن نقول المكاشفية بنقصد سيدي الشيخ الخليفة
انا هنا ما بنصب نفسي متكلم باسمهم بس هم كده
و اعتقد انهم كدعاة و مرشدين لازم يكونوا كده لانو الداعية المرشد بهتم اكتر بالخارج الخط

الاخ علاء يوسف لك التحية على هذا البوست الجميل
الذي يعطي الناس الفرصة للتفكر في هذه المناطق بمناسبة زيارة الرئيس البشير للكباشي""مومو" ولا يهمني في هذا الامر ان كانت الزيارة لغرض روحي او سياسي وكيف كانت النشأة لهذة الديار التي أسست على العلم والتقوي وأهل الله هم القوم لا يشقي بهم جليس ...تجد عندهم القرآن والذكر والكسرة لأنهم أهل العطاء لا يفتقرون إلا لله وتعيش بينهم فتجد راحة البال ..وانما تنصرون بضعفائكم.


اعجبتني الزيارة أن أهل السلطان أصبحوا يزورون المساكين والفقراء ويتفقدونهم
ولمن لا يعرف الكباشي والمكاشفي وود بانقاواليعقوباب والصادقاب والطيبية وعربي ومكاوي وابوشرا وهجو والعركيين وتتا والمانجلك والجعلي والبرناوى وود الارباب والشناقيط والسيد الحسن والسواراب والبادراب وود ابصفية والنجومي والسيد على وحمد وخوجلي والقلوباب وريا الحسانية والمجاذيب والسيد عبد الرحمن واسماعيل الولي والشيخ دينق وراجل الزريبةوطلحة الفلاتي وبرير ودالحسين وهمشكوريب وودحسونة والصابونابي والسناهير والشيخ الدسوقي وودابعيسي والهلباوى والبطحاني والشيخ ابكر والصائم وودالمرين وراجل النهد وراجل ريبا وابوقصة واولاد جابر .سمهم ما شئت فكلهم شكل واحد لعملة واحدة ..بدون فرز وغيرهم كثير ...... وغيرهم...... هم جميعا الي الله ومن الله ولا نزكي على الله احدا واذا رجعت الي تاريخ السودان تجد الشيخ ادريس ودالارباب زار سنار ايام كانت عاصمة لدولة الفونج من العيلفون مع بعد المسافة ومشقة السفر عشرين مرة لم يطلب فيه شيئا لنفسه بل كانت لقضاء حاجات الناس واصلاح ذات البين .


فاصلة بالأذن من صاحب البوست :اذا رجعت اخي الاستاذ محمدود العمدة الي سيرة الامام المهدى رضي الله عنه ومجاهداته في الدعوة كمثال علي سبيل التكريم والشئ بالشئ يذكر ستجد انه من ذلك المكان ويقدر هؤلاء الرجال لانه ما ترك مكان وفيه اهل العلم والخبر الا وطرقه ابتداء من الشيخ محمد الخير حتى الاستاذ محمد شريف حفيد السيد احمد الطيب بن البشير حتى انتهي به الحال الي سيدى الشيخ القرشي ود الزين بوسط الجزيرة رغم ان الامام المهدي من جزيرة الاشراف باقصي الشمال رضي الله عنهم جميعاوحدثني من اثق فيه ان الامام المهدي ايام دراسته بام مرحي كانت خلوته في الشتاء في البحر وفي الصيف في الجبل بالغار زهدا والله أعلم ولقد كان مسار الدعوة باحترام الجميع حتى التفت قلوب الناس حوله وساهم الجميع معه لتحرير السودان وعلمت ان هناك مزارات لعدد من الصالحين من السودان استشهدوا ومدفونين داخل الحدود الحبشية ومنهم الشيخ احمد البدوى الصادقابي ايام جهاد المهدية لتوسيع الدولة ونشر الدعوة ولا اريد ذكر الاسماء لعدم المامي الكامل واغلبهم من بيوتات دينية وصوفية معروفة كما أن الشيخ الهدي التجاني من ودحامد رحمه الله رافق حملة ود النجومي الي توشكي واستنفر لها كافة اتباعه وتوفي بالطريق.فله الرحمة.

وللجميع الود والاحترام

سلام علاء الدين
ننتظر المزيد من الصور.....