Post: #1
Title: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-04-2011, 06:42 PM
Parent: #0
والله ياود المحرب اخوي اتلومتوا بالحيل بقيتوا تسوموا في جمالكم لتقويض حقوق الانسان في قاهرة المعز ؟
وحاة النبي جملكم زي المدرب على اقتحام المظاهرات - يشقها ليك منكس ومنكس ومنكس وكمان يلفخ بكراعو الوراء يمين وشمال نامن يخلي الناس تقع وراهو ستيتة .
|
Post: #2
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-04-2011, 07:00 PM
Parent: #1
وسم طباعة ود المحرب فوووووق
|
Post: #3
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: نصار
Date: 02-04-2011, 08:57 PM
Parent: #2
شنو داير تدخل شيخ العرب في شبكة مع اوكامبو يا ثري البترول الموعود؟
لوووووووووووووووووووول
ما بكون شيخ العرب باع بيع الله و الرسول قبل ما تبقى ارهابية؟ ههههههه
|
Post: #4
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد عبدالرحمن محمد
Date: 02-04-2011, 09:16 PM
Parent: #3
Quote: وكمان يلفخ بكراعو الوراء يمين وشمال نامن يخلي الناس تقع وراهو ستيتة |
هيييع! !
|
Post: #5
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 12:13 PM
Parent: #4
نصار
ود المحرب اتربط طاااااااااب
محمد عبد الرحمن
شكرا يا العشاء
|
Post: #6
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: أبي بكر سيد احمد
Date: 02-05-2011, 03:19 PM
Parent: #5
شيقا الجميل .... باقيلك الجمل الموسم دا نحنا اكتفينا منو ...لامن نصدرو كمان ....
__________________________ مشتاقين والله يا ود شيقوق ... عل الناس كلهم طيبين ...
|
Post: #118
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد الامين محمد
Date: 02-12-2011, 07:27 AM
Parent: #2
كثير من الجمال تم تصديرها من دارفور الي مصر اهلنا الزيادية مشهورين يذالك عبر درب الاربعين المهنة الرئسية لهم هي تربية الجمال قبل ان تاتي الانقاذ كان درب الاربعين سالكا بين دارفور ومصر من دون حواجز اورسوم عبور عند ما اتت الانقاذ صادرت الجمال المصدرة وفرضت رسوم نكاية بمن لم يؤيدها تم مصادرة ابل الزيادية بكميات كبيرة كثير من تجار الابل المصربن لهم علاقة قوية جداً بالزيادية
|
Post: #7
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-05-2011, 04:04 PM
Parent: #1
Quote: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب |
الاخ/الطيب شيقوق حبابك على الرغم من امتناعى عن الكتابة فى البورد منذ فترة, الا ان عنون هذا البوست لفت انتباهى, ودواعى مداخلتى هو "وسم الطباعة" الذى ورد فى عنوان البوست اعلاه وما اعرفه ويعرفه الجميع ان لكل قبيلة وسم يميز ابلها عن ابل القبائل الاخرى ولا يمكن ان يتشابه وسم مع آخر بطبيعة الحال,والا فقد قيمته كختم يميز جمل هذا عن ذاك وسم الطباعة وهو يشبه حرف اليو فى الانجليزية U, هو وسم ابل الزيادية اولاد جابر وهو وسم ابلناويوجد فى كثير من الدول العربيةمنها مصر والاردن وفللسطين وتونس ودول عربية اخرى, حسب ما شاهده وسأل عنه بعض من اقربائى الذين فاجأهم الامر. الى هنا والامر عادى فهناك كان اصل الناس والابل قبل ان يدخلوا السودان قبل دة قرون. ولكن الغريب فى الامر والذى لم اسمعه من قبل وجود وسم الطباعة فى السودان لغير الزيادية اولاد جابر وهو ليس الوشم الوحيد عندنا فهناك اوسام لابناء عمومتنا اولاد جربوع والاود مفضل, وثلاثتهم اخوان اى, (جابر, وجربوع, ومفضل) الاخوان الطيب شيقوق وود المحرب ارجو مدى شاكرا بتفاصيل هذا الوسم اذا سمحتم واى قبيلة تضعة على نوقها وجمالها فى السودان؟؟؟؟
Quote: وحاة النبي جملكم زي المدرب على اقتحام المظاهرات - يشقها ليك منكس ومنكس ومنكس وكمان يلفخ بكراعو الوراء يمين وشمال نامن يخلي الناس تقع وراهو ستيتة . |
يا الطيب يا اخوى الجمل ده "رزق ساقه الله لشباب الثورة فى ميدان التحرير", اتنحر نحرت عدوك وهو لا مؤاخذة بكون بقى غاز طبيعى اتفجر فى العريش....
التعديل لخطأ املائى
|
Post: #8
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-05-2011, 05:43 PM
Parent: #7
العزيز شيقوق انت مشيت وين يابوي خليت البير لناس سلفاكير يكتبوها في حق ابوهم
من خلال ترددي الكثير علي مناطق السواح بالهرم فانني اشهد ان هذا الجمل لم يرد علي تلك المناطق وانه قادم من نواحي امبابة .. (نهاية درب الاربعين وسوق المواشي) .. الجمال القادمة من الهرم جمال مثقفة وتعرف اصول التعامل مع السواح واولاد الناس .. اما هذا البعير فانه (طائش) ولا يعرف الاتيكيت .. لذلك ارسل في هذه المهمة .. اذن فهو جمل امنجي مرتزق وابن ستين في سبعين ويستاهل كل اللي يجرا له !
Quote: وسم الطباعة وهو يشبه حرف اليو فى الانجليزية U, هو وسم ابل الزيادية اولاد جابر وهو وسم ابلنا |
جميل ما حدثنا به محمد المختار الزيادي عن وسم الزيادية .. ويبدو لي ان حديثه علي صحته يحتاج الي تكملة منه او ممن لهم معرفة اوسع فقد شاهدت في احدي القضايا التي اشتركت في تحقيقها وانا طالب بكلية الشرطة ان الجمل المسروق الذي احضره اللص الي سوق المواشي بالخرطوم بحري كان موسوما بدائرة علي جانب وجهه وكان الوسم كافيا للحكم بملكية الجمل لصاحبه وسجن الحرامي .. الاغرب ان الجمل بعد المحاكمة سار وراء صاحبه حتي خرج من السوق ..
تعال صاد يا اخي الزيادي ولا تترك البورد فهو بحاجة لمن يثرونه بالمفيد مما يختزونون من ثروات.
عمر علي حسن
|
Post: #9
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 05:49 PM
Parent: #8
استاذنا الفنان الانيق ابو بكر سيد احمد
يا اخي الشوق ليك بحور
Quote: باقيلك الجمل الموسم دا نحنا اكتفينا منو ...لامن نصدرو كمان .... |
ههههههههههههها مسنوح
عارفك جربت ركوب الجمال حديثا ! عندما سجل لك فيديو كليب وانت تبدع في اغنية الليلة والليلة دار ام بادر يا حليلة
http://www.youtube.com/watch?v=6GW_SrZCKPE
|
Post: #10
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 06:18 PM
Parent: #9
اخي وعزيزي محمد مختار الزيادي
تحياتي لك ولجميع اهلي الزيادية في غربنا الحبيب
Quote: على الرغم من امتناعى عن الكتابة فى البورد منذ فترة, الا ان عنون هذا البوست لفت انتباهى, ودواعى مداخلتى هو "وسم الطباعة" الذى ورد فى عنوان البوست اعلاه وما اعرفه ويعرفه الجميع ان لكل قبيلة وسم يميز ابلها عن ابل القبائل الاخرى ولا يمكن ان يتشابه وسم مع آخر بطبيعة الحال,والا فقد قيمته كختم يميز جمل هذا عن ذاك وسم الطباعة وهو يشبه حرف اليو فى الانجليزية U, هو وسم ابل الزيادية اولاد جابر وهو وسم ابلناويوجد فى كثير من الدول العربيةمنها مصر والاردن وفللسطين وتونس ودول عربية اخرى, حسب ما شاهده وسأل عنه بعض من اقربائى الذين فاجأهم الامر. الى هنا والامر عادى فهناك كان اصل الناس والابل قبل ان يدخلوا السودان قبل دة قرون. ولكن الغريب فى الامر والذى لم اسمعه من قبل وجود وسم الطباعة فى السودان لغير الزيادية اولاد جابر وهو ليس الوشم الوحيد عندنا فهناك اوسام لابناء عمومتنا اولاد جربوع والاود مفضل, وثلاثتهم اخوان اى, (جابر, وجربوع, ومفضل) |
سبحان الله والله يا محمد اخوي قصدت ادراج مفردة الطباعة في عنوان البوست وانا على يقين ان الكثيرين ان لم يكن جميعهم لا يدركون معناها فلله درك يا اخي وانت تستوقفك هذه الكلمة . نحن من قبيلة رفاعة ولدينا الكثير من الاوسام فيها الطباعة والمحارة والشخلوب والقطفة - ولعلمك اخي محمد عندما كنت اعمل محاميا في السودان كنت اميل كثيرا لاستعمال تلك المفردات لا سيما في قضايا السرقة . الشاهد اخي محمد ان القضاة في السودان لم يكونوا من نفس المنطقة التي يعملون بها وانما يتم نقلهم من الشمالية ودارفور والشرق والجنوب اليها . ولا انسي عندما كنت محاميا في قضية سرقة ومثل شاهد امام محكمة كان قاضيها نقل حديثا من الشمالية فكانت جميع الاسئلة التي اطرحها للشاهد عن هذه الاوسام فغضب القاضي ورمى القلم على الطاولة وقال لي ( يا استاذ انت بتسأل بأي لغة؟) قلت ليهو بسأل بلغة الطباعة و الشخلوب والمحارة انت سارح وين يا مولانا ؟
الطباعة اخي الزيادي موجودة عندنا وبنفس الشكل الذى يستعمل عندكم .
Quote: الاخوان الطيب شيقوق وود المحرب ارجو مدى شاكرا بتفاصيل هذا الوسم اذا سمحتم واى قبيلة تضعة على نوقها وجمالها فى السودان؟؟؟؟ |
عندنا نحن الرفاعيون والقواسمة يا محمد اخوي
معزتي
|
Post: #11
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 06:28 PM
Parent: #10
خالي ابو امير
كيف صحتك وافراد الاسرة الميامين ؟
Quote: انت مشيت وين يابوي خليت البير لناس سلفاكير يكتبوها في حق ابوهم |
البير يا خال عرفت الفيها وغطاها - لقيت عودنا فيها عود انتاية وحياتك ( الله يكفيني شر الجندريات ما يجن ناطات يهجمنى في الكليمة دي - بس هنّ لا يفضلن الاطلاع على بوستات الجمال يا خال !! عشان كدا ختيت في بطني بطيخيييييييي صيفييي)
Quote: اما هذا البعير فانه (طائش) ولا يعرف الاتيكيت .. لذلك ارسل في هذه المهمة .. اذن فهو جمل امنجي مرتزق وابن ستين في سبعين ويستاهل كل اللي يجرا له ! |
ههههههههههههههها اها شفتو كيف بلقط بكراعو وبجميع الاتجاهات .
|
Post: #12
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 06:49 PM
Parent: #11
فوق الى حين عودة الخال عمر من الصلاة
|
Post: #13
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-05-2011, 07:10 PM
Parent: #11
الطيب!!!
Quote: البير يا خال عرفت الفيها وغطاها - لقيت عودنا فيها عود انتاية وحياتك ( الله يكفيني شر الجندريات ما يجن ناطات يهجمنى في الكليمة دي - بس هنّ لا يفضلن الاطلاع على بوستات الجمال يا خال !! عشان كدا ختيت في بطني بطيخيييييييي صيفييي) |
أههههههههها ده الكلام الما بحلك منه جمل الامن ولا الطباعة ولا ولا
لكن ورطتك الكبيرة فى إصدار الأحكام على بنات آدم "لا يفضلن الاطلاع على بوستات الجمال يا خال" ما تتورط فى هكذا أحكام مثلك ومثل أولاد حواء الذين يتندرون بنقص النساء عشان وعشان. فدحين يا خوي إما أن تسحب الأنتي فيمنست مقولة أعلاه وإلا طالبنا وسيسندنا ود المحرب إن شاء الله بأن ترفع يديك وتقبل على الحيطة حتى يستقيل حسني مبارك.
واعلم حفظك الله أن الجمل لا محالة سوداني الجنسية ولا يهمنا حالة كونه رفاعي واللا بطحاني واللا من حديقة الحيوان. هذا وقد أبلغنا كل جمعيات الرفق بالحيوان لتطالب بمنع تعذيب النوق بالحديد المحمى وقد أجلنا شكوانا لجمعيات الفيمنسم حتى نري نتائج هذا البوست. وفي الختام لا يسعنا إلا أن نشكركم على كريم تفضلكم بإخراجنا من متابعة الجزيرة وأخريات ( هل لاحظت أن صفه الأنوثة تغلب على هذه القنوات) والزغللة ومتابعة الألوف المؤلفة تموج في الميدان ولو لبضع دقائق.
|
Post: #14
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 07:14 PM
Parent: #13
Quote: ده الكلام الما بحلك منه جمل الامن ولا الطباعة ولا ولا
لكن ورطتك الكبيرة فى إصدار الأحكام على بنات آدم "لا يفضلن الاطلاع على بوستات الجمال يا خال" ما تتورط فى هكذا أحكام مثلك ومثل أولاد حواء الذين يتندرون بنقص النساء عشان وعشان. فدحين يا خوي إما أن تسحب الأنتي فيمنست مقولة أعلاه وإلا طالبنا وسيسندنا ود المحرب إن شاء الله بأن ترفع يديك وتقبل على الحيطة حتى يستقيل حسني مبارك.
واعلم حفظك الله أن الجمل لا محالة سوداني الجنسية ولا يهمنا حالة كونه رفاعي واللا بطحاني واللا من حديقة الحيوان. هذا وقد أبلغنا كل جمعيات الرفق بالحيوان لتطالب بمنع تعذيب النوق بالحديد المحمى وقد أجلنا شكوانا لجمعيات الفيمنسم حتى نري نتائج هذا البوست. وفي الختام لا يسعنا إلا أن نشكركم على كريم تفضلكم بإخراجنا من متابعة الجزيرة وأخريات ( هل لاحظت أن صفه الأنوثة تغلب على هذه القنوات) والزغللة ومتابعة الألوف المؤلفة تموج في الميدان ولو لبضع دقائق. |
هههههههههههههههههههههههههههههههههههههههها
شكيتك على الله يا اسماء انا كلامي داسيهو جوووووة البوست قلت مافي انتاية هههههههههههههههههههههههههها تشوفو
كتلتيني بضحكة
عليك النبي وعليك النبي ما تحكي كلامي دا لجندرية
بعدين انت علاقتي شنو بالطباعة جاية ناطة ليها؟
|
Post: #15
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-05-2011, 07:22 PM
Parent: #14
Quote: قد أجلنا شكوانا لجمعيات الفيمنسم حتى نري نتائج هذا البوست. |
لك أن تستفيد من التاجيل أعلاه
|
Post: #16
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-05-2011, 07:28 PM
Parent: #15
علاقتى بالطباعة قديمة قالوا لك الما مات ماشق القبور؟ بعدين أنا في بلدالكاوبويات الذين يشوون جلود البقر بالطباعات لنفس الاسباب التي تشوي بها جلود الجمال. والله يوم شفتهم في برنامج عن الوسم واهميته لمن شميت ريحة الجلود في شقتي
|
Post: #19
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عزام حسن فرح
Date: 02-05-2011, 07:45 PM
Parent: #16
الجمل المَزَين سُكْسُك ووسموهو طُباعا جاب عوايِد أماتو في الفزعا والطُباعا شق البوش الكتير فنقل مصرِيين وأرباعا مِتِل زيفه الصعيد المعاها كارا أتباعا
|
Post: #18
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 07:31 PM
Parent: #15
استاذة اسماء
Quote: لك أن تستفيد من التاجيل أعلاه |
ناسك ديل نائمون وغافلون ولا يأبهون لما يكتب عن الجمال ولا الطباعة انت مالك علينا حتك ؟
|
Post: #17
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر صديق
Date: 02-05-2011, 07:31 PM
Parent: #14
ود شيقوق تحياتي لك ولو المحرب
ولكم هذه الهدية
حر عنافي نسل اماتو قاطع الشك وجدو الاربد السابق خيول المك علي الرمي الحجيل بعد النزيل مافك بيعيد يا اربد الشرق الموارك السك
والتحية لشيخ العرب ود ابسن
|
Post: #20
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 07:49 PM
Parent: #17
عزام
Quote: حر عنافي نسل اماتو قاطع الشك وجدو الاربد السابق خيول المك علي الرمي الحجيل بعد النزيل مافك بيعيد يا اربد الشرق الموارك السك |
يطول عمرك
كلامك سمح ووحياتك فكيتني من ورطتي مع الجندريات
|
Post: #21
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Dr.Elsadig Abdalla
Date: 02-05-2011, 07:49 PM
Parent: #17
هذه الصوره احتلت الصفحه الأولى في معظم الصحف هنا ثاني يوم ...
|
Post: #22
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 08:08 PM
Parent: #21
د. اسماء
Quote: علاقتى بالطباعة قديمة قالوا لك الما مات ماشق القبور؟ بعدين أنا في بلدالكاوبويات الذين يشوون جلود البقر بالطباعات لنفس الاسباب التي تشوي بها جلود الجمال. والله يوم شفتهم في برنامج عن الوسم واهميته لمن شميت ريحة الجلود في شقتي |
بالجد انت بتهظري ولا جادة ؟
هل الامريكيون يعرفون وسم الانعام حتى يستطيعوا تمييز ضان فلان من علان او جمل فلان من علان ؟
|
Post: #23
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 08:10 PM
Parent: #22
عزام المسنوح
Quote: الجمل المَزَين سُكْسُك ووسموهو طُباعا جاب عوايِد أماتو في الفزعا والطُباعا شق البوش الكتير فنقل مصرِيين وأرباعا مِتِل زيفه الصعيد المعاها كارا أتباعا |
يا اخي انت مبدع مبدع مبدع الجمل المَزَين سُكْسُك ووسموهو طُباعا جاب عوايِد أماتو في الفزعا والطُباعا
يا سلالالالالالالالالالالالالالالالام يا عظيم
|
Post: #24
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 08:15 PM
Parent: #23
دكتور الصادق
Quote: هذه الصوره احتلت الصفحه الأولى في معظم الصحف هنا ثاني يوم ... |
اكيد يا زعيم لان المظهر لا يليق بعصرنا الحديث وهذا كما ذكر الكثيرون من مظاهر القرون الوسطى
|
Post: #25
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-05-2011, 09:11 PM
Parent: #24
يرجع تاريخ الوشم إلى مصر الفرعونية وفي امريكا واوربا القديمة استعملوه حتى فى الناس، الرقيق لاثبات الرق والملكية وعتاة المجرمين ليُعرفوا بسيماهم. أرجع للصفحة دي لمعرفة المزيد عن الوسم في أمريكا كمان عنده سجل بسجلوه فيه بعد دفع الرسوم كان ما عجبك http://www.cowboyshowcase.com/brands.htm
وهنا ممكن تطلب طباعتك وتختار نوعها http://www.lhbrandingirons.com Electric Branders Fire Heated Branders Freeze Branders Paint Branders Steel Branders Specialty Branders Brand Heater Dehorners Hot Knife
|
Post: #26
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-05-2011, 09:21 PM
Parent: #25
Quote: Brands are one of the most interesting tools used by livestock people. Each brand is by necessity different than all the others and often conveys the character of the owner. |
شكيتك على الله يا سماء الليلة جبتي خبر ههههههههههههههههههههههههههههههههههها
انا هسع فاكر الوسم دا قادلين بيهو نحن برانا - اتاري هنا كمان registered
|
Post: #27
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-05-2011, 09:30 PM
Parent: #26
أها أعمل ليك order لي طباعة طباعتين واترقوا شوية
|
Post: #55
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-06-2011, 07:45 PM
Parent: #10
Quote: تحياتي لك ولجميع اهلي الزيادية في غربنا الحبيب سبحان الله والله يا محمد اخوي قصدت ادراج مفردة الطباعة في عنوان البوست وانا على يقين ان الكثيرين ان لم يكن جميعهم لا يدركون معناها فلله درك يا اخي وانت تستوقفك هذه الكلمة . نحن من قبيلة رفاعة ولدينا الكثير من الاوسام فيها الطباعة والمحارة والشخلوب والقطفة - ولعلمك اخي محمد عندما كنت اعمل محاميا في السودان كنت اميل كثيرا لاستعمال تلك المفردات لا سيما في قضايا السرقة . الشاهد اخي محمد ان القضاة في السودان لم يكونوا من نفس المنطقة التي يعملون بها وانما يتم نقلهم من الشمالية ودارفور والشرق والجنوب اليها . ولا انسي عندما كنت محاميا في قضية سرقة ومثل شاهد امام محكمة كان قاضيها نقل حديثا من الشمالية فكانت جميع الاسئلة التي اطرحها للشاهد عن هذه الاوسام فغضب القاضي ورمى القلم على الطاولة وقال لي ( يا استاذ انت بتسأل بأي لغة؟) قلت ليهو بسأل بلغة الطباعة و الشخلوب والمحارة انت سارح وين يا مولانا ؟ الطباعة اخي الزيادي موجودة عندنا وبنفس الشكل الذى يستعمل عندكم . عندنا نحن الرفاعيون والقواسمة يا محمد اخوي |
الاخ/ الطيب شيقوق سلام........... اشكرك على التوضيح, وفعلا سبحان الله وجاى ليك برواقة فى الموضوع ده.
تحياتى
|
Post: #89
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Yousif A Abusinina
Date: 02-10-2011, 09:09 AM
Parent: #10
Quote: عارفك جربت ركوب الجمال حديثا |
المسنوح الشى تصدير من البطانة مع التدريب
|
Post: #54
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-06-2011, 07:22 PM
Parent: #8
Quote: تعال صاد يا اخي الزيادي ولا تترك البورد فهو بحاجة لمن يثرونه بالمفيد مما يختزونون من ثروات. |
الاخ/ عمر علي حسن سلام.......
اشكرك على هذا الاطراء, وليتنى من الذين يثرون البورد بمثل هذه المواضيع, فقد طلبت كثيرا من الباشمهندس بكرى ابو بكر حساب لبعض الاخوان من ابناء عمومتى الذين يعرفون تفاصيل هذه الاشياء اكثر منى لانهم عاشوا حيث الابل والسرحة والنشوق الخ..., ولكنى لم افلح فى ذلك وليته فعل. اما فيما يتعلق بالوسم وموضع البوست فاليك بهذا الخيط لاحد المهتمين بالتراث وما يتعلق بالابل الخ...
http://oneway.maktoobblog.com/17/%D9%82%D8%A8%D9%8A%D9%...4%D8%A3%D9%87%D9%84/
واذا اردت المزيد فما عليك الا ان تكتب فى قوقل هذا الاسم "محمد صالح الزيادى" ستستمتع بهذا الشاب وكتاباته التى تأخذك الى عوالم الصفاء والنقاء حيث البادية بكل تفاصيلهاالتى لا تحصى ولا تعد, وله مدونة مفيدجدا ليته كان بيننا ليثرى هذا الموضوع واخرى كثيرة.
تحياتى
|
Post: #28
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: موسى أحمد مروح
Date: 02-05-2011, 10:15 PM
Parent: #1
يا ود شيقوق يا رائع.. التحية لك ولمتداخليك الظريفين. أها أخونا خالد شيخ العرب دي ما بنرضى فيه. عشان كدي قلنا نشاركم بي الكلام دي!
بَعَدْ ما قُتّ أَرْقُدْ ، وُنَفْسِي تَحْلَى تروْقْ جِيْتَ البورد لِقَيْتَ حبيبنا ود شيقوق قال خالد بِسَدّرْ للفراعنة النّوْقْ وُدَلّ عليهو بالطَبّاعة والسَفَروْقْ
****
ود شيقوق كلاَمْك فيهو إنّ وْكَانْ شِنْ لَمّ العَرَبْ والُجْوَطة والبُمْبَاْن قالْ خالدْ تَآمَرْ هُوْ واللمْرِيْكَانْ والَجمَلْ الَمسرّجْ "مَيْدِي إنْ سُوْدانْ"*
*****
الله يْكَفّي شَرّ الشّيْنِي والسَكَلابْ ود شيقوق مَرَقْ ضَنّيْتُو عندو حْسَابْ قال شيخ العرب سَدّرْ لنا الإرهاب وغايتو الَمْوَلى إسْتُرْ مِنْ حُكُمْ أوْكَامْبْ
------- * إكتشف المتظاهرون في مصر أن علب البمبان مكتوب عليها "Made in the USA"
|
Post: #29
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 05:56 AM
Parent: #28
Quote: أها أعمل ليك order لي طباعة طباعتين واترقوا شوية |
هههههههههههههها العرب ديل حقوق المرأة جزء من ثقافتهم
انت ما بتسمعي الواحد بتندر بقول اخوك يا فاطمة او اخوك يا اسماء وبشنق الطاقية في الهامة وبدق كراعو تااح وسط الفسحة وينجلد سوط عشان يوري بنات عمو انو الفارس البيحمي عروضهن .
وماك سمعتي بقولوا هييييييييييييع انا عشاء البايتات ومقنع الكاشفات ؟
الكلام دا فلفليهو بتلقيهو كلو مصطف لجانب حقوق المرأة يا اسماء اختي .
نحن بنقول :
راسك شيلو فوق ات يا ولد ما هين وجدك فى الرجال اجواد وفارس ودين اختك فى البنات معروفة عرضها صين وات فارس هلالا فى المعارك بين
هييييييييييييع
|
Post: #30
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 06:00 AM
Parent: #29
احمد ود المروح
سلام
Quote: يا ود شيقوق يا رائع.. التحية لك ولمتداخليك الظريفين. أها أخونا خالد شيخ العرب دي ما بنرضى فيه. عشان كدي قلنا نشاركم بي الكلام دي!
بَعَدْ ما قُتّ أَرْقُدْ ، وُنَفْسِي تَحْلَى تروْقْ جِيْتَ البورد لِقَيْتَ حبيبنا ود شيقوق قال خالد بِسَدّرْ للفراعنة النّوْقْ وُدَلّ عليهو بالطَبّاعة والسَفَروْقْ
****
ود شيقوق كلاَمْك فيهو إنّ وْكَانْ شِنْ لَمّ العَرَبْ والُجْوَطة والبُمْبَاْن قالْ خالدْ تَآمَرْ هُوْ واللمْرِيْكَانْ والَجمَلْ الَمسرّجْ "مَيْدِي إنْ سُوْدانْ"*
*****
الله يْكَفّي شَرّ الشّيْنِي والسَكَلابْ ود شيقوق مَرَقْ ضَنّيْتُو عندو حْسَابْ قال شيخ العرب سَدّرْ لنا الإرهاب وغايتو الَمْوَلى إسْتُرْ مِنْ حُكُمْ أوْكَامْبْ |
تسلم تسلم يا العشاء اب لبن كلام جميل وطاعم
|
Post: #31
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: mekki
Date: 02-06-2011, 07:00 AM
Parent: #30
كل يوم اعجابي بالشعب المصري يزيد
الناس مبدعين حتي في قمعهم للمظاهرات
انها مصر ام الدنيا
اسبل الله عليهم نعمة الإستقرار،،،،وجعل انتقال السلطة سلمي حافظا لوحدة مصر العزيزة
|
Post: #32
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 07:08 AM
Parent: #31
اخي مكي ابن مدينة بربر
Quote: كل يوم اعجابي بالشعب المصري يزيد
الناس مبدعين حتي في قمعهم للمظاهرات
انها مصر ام الدنيا
اسبل الله عليهم نعمة الإستقرار،،،،وجعل انتقال السلطة سلمي حافظا لوحدة مصر العزيزة |
احسنت يا العزيز فجميعنا مثلك يزيد إعجابنا يوميا بهذا الشعب الصامد التواق للحرية .
ربنا يسترهم ويحفظهم من كل شر
انت من القدواب ؟
معزتي
|
Post: #33
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالفتاح أبوشيمة
Date: 02-06-2011, 07:43 AM
Parent: #30
هوي يا شيقا إنت يا عصبجي كمان بقيت مسنحنجي حتى الجمل داك الموسّم بقى بلطجي حالف يمين للثورة قال راح يجهض لكن شباب ما ورّكوه شان ينتج بولاً كتير للسرطنة يستخرج تب عدّموه النقطة شان تاني ما يجي متهجج الساعين كمان عدموهم كل بهرج ثوار يمين راكبين عناد أكترمن اللي حكم تلاتين يجي مسكين قضّاها عمره في سلاحه متدجج
بوست عينة يا شيقا
|
Post: #34
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: شعبان شريف
Date: 02-06-2011, 08:10 AM
Parent: #33
ياقريبي دا cowboys عديل كده بالله شوفت ليك (جمالي ) لابس جنز
|
Post: #35
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 09:02 AM
Parent: #34
شوشو
Quote: هوي يا شيقا إنت يا عصبجي كمان بقيت مسنحنجي حتى الجمل داك الموسّم بقى بلطجي حالف يمين للثورة قال راح يجهض لكن شباب ما ورّكوه شان ينتج بولاً كتير للسرطنة يستخرج تب عدّموه النقطة شان تاني ما يجي متهجج الساعين كمان عدموهم كل بهرج ثوار يمين راكبين عناد أكترمن اللي حكم تلاتين يجي مسكين قضّاها عمره في سلاحه متدجج |
المسنوح الليلة فاطر بويكييييييييييييييي؟
يا اخي فردتنا عزيز فاقد باسويردو وبكري ما رجعو ليهو لسه
شعبان
والله كلامك صاح شفت الجنز كيف ؟ وحاة الله ما خايل في الجمل الاصهب دا .
|
Post: #36
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 12:16 PM
Parent: #1
الى حين عودة عبد العزيز عيسى
|
Post: #37
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالفتاح أبوشيمة
Date: 02-06-2011, 12:38 PM
Parent: #36
يا مسنوح
صحبك زيزو
شايفه قبل شوية
حايم
الظاهر اتذكر باسويرده
بس اللي بحلنا
منك ومن ود المحرب شنو؟
جيت بي جملك الموسم هكرت لينا البورد ياخي
|
Post: #38
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-06-2011, 02:59 PM
Parent: #37
Quote: حر عنافي نسل اماتو قاطع الشك |
لا تغرنكم وجاهة هذا البعير الخائن المنطلق ضد ارادة الشعب المصري وعلي ظهره (جنجويد) مصري لابس جينز .. وللذين لا يعلمون فإن الجمل يفهم ويعرف ويرفض ما لا يريد .. ولو انه كان حرا ونسل اماتو قاطع الشك لرمي براكبه وبرك وسط الجماعة داخل الميدان ..
النصر لشباب مصر
Quote: الله يكفيني شر الجندريات ما يجن ناطات يهجمنى في الكليمة دي - بس هنّ لا يفضلن الاطلاع على بوستات الجمال يا خال |
الطيب اخوي انا كلمتك البنات ديل اتكافي شرّهن .. ديل كان اتلمن عليك في البوست دا الا يحلك الحلا بله .. والله الحلا بله ذاتو ما اظنه يحلك ...
Quote: أههههههههها ده الكلام الما بحلك منه جمل الامن ولا الطباعة ولا ولا
|
جاك كلامي؟
Quote: إما أن تسحب الأنتي فيمنست مقولة أعلاه وإلا طالبنا وسيسندنا ود المحرب إن شاء الله بأن ترفع يديك وتقبل على الحيطة حتى يستقيل حسني مبارك |
اسمعي يا اسماء يا بت اخوي .. الزول ده انا خاله لزم وضامنه لي قدام .. حسني مبارك قال يقعد تسعة شهور وشيقوق ما يستاهل يقبّل علي الحيطة لامن يمشي او ربنا ياخده .. دحين فوّتي لينا دي واتفرغي للجماعة البيسجلوا الوسم .. ولعلمك تسجيل الوسم في السودان موجود بحكم انه الشيوح والرعاوية وشيوخ اسواق المواشي كلهم عارفين الاوسام ويميزون بها المدسوسه وسط المراح .
عمر علي حسن
|
Post: #39
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-06-2011, 03:58 PM
Parent: #38
Quote: انت ما بتسمعي الواحد بتندر بقول اخوك يا فاطمة او اخوك يا اسماء وبشنق الطاقية في الهامة وبدق كراعو تااح وسط الفسحة وينجلد سوط عشان يوري بنات عمو انو الفارس البيحمي عروضهن .
وماك سمعتي بقولوا هييييييييييييع انا عشاء البايتات ومقنع الكاشفات ؟
الكلام دا فلفليهو بتلقيهو كلو مصطف لجانب حقوق المرأة يا اسماء اختي . |
الطيب! كان فلفلته بطلع مافي صالحك. كدي هاك فلفلة خفيفة كدي هسع الكلام ده قال شنو عن النسوان؟ ولا حاجة. ده واحد استخدم "ضعف" النسوان عشان يشكر روحه دي طريقة لابداء الرجولة ولا علاقة لهابحقوق المرأة. حقيقة الأمر ما هي إلا تكريس (شفت تكريس دي قوية كيف) تكريس لعدم أهمية النساء وحصرهن فى دور تقليدي لا يزيد عن كونهن مساعدات لاظهار رجالة الأخ وود العم. ما شفت الرجال بتعاملوا كيف مع الإغتصابات إبان الحروب. المرأة غير معنية بهذه الجريمة التى تقع عليها بل المعني بهاهم أخوان فاطمة المعني بها هي رجولتهم المتمحورة (تاني واحدة. متمحورة) في النساء. ومتى ما اخترق العدو الأنوثة ذهبت رجولة الرجال. وتبقي النساء حاملات لوصمة الحرب وقدتقتل الواحدة نفسها فس سبيل أن تقي أخوان البنات هزيمة صنعوها بايديهم. ما شفت أخوان البنات الدايرين يقهروا الناس بالشريعة كيف ببدوا بالنسوان؟ واحد جلد واحد رجم وواحد حبس في البيوت؟
الطيب يا أخوي ما تقلب علينا المواجع خلينا مع كوي الجمال والبقر أخير نسمع كلام عمر أخونا ده.
|
Post: #40
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 04:03 PM
Parent: #39
شوشو
Quote: جيت بي جملك الموسم هكرت لينا البورد ياخي |
ههههههههههههههههههههها
مسنوووووووووووووح
لا تعليق بكري بعاين لينا
سلامة زوزو
|
Post: #41
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 04:16 PM
Parent: #40
خالي ابو امير
Quote: لا تغرنكم وجاهة هذا البعير الخائن المنطلق ضد ارادة الشعب المصري وعلي ظهره (جنجويد) مصري لابس جينز .. وللذين لا يعلمون فإن الجمل يفهم ويعرف ويرفض ما لا يريد .. ولو انه كان حرا ونسل اماتو قاطع الشك لرمي براكبه وبرك وسط الجماعة داخل الميدان .. |
لا يا خال الجمل دا لا هو حر ولا هو منسل - دا بكون خامشنو من المايقوما ساى وودوهو الاهرامات ياكل في التمور والزيتون والعنب ويشيل السياح والسائحات المرطبات يقدل بيهن زى السايق ليهو عصارة .
دحين حاريهو يفرط ليك في النعمة دي ؟ قال تحرير قال
Quote: الطيب اخوي انا كلمتك البنات ديل اتكافي شرّهن .. ديل كان اتلمن عليك في البوست دا الا يحلك الحلا بله .. والله الحلا بله ذاتو ما اظنه يحلك ... |
والله ولدك يسردب ليهن سااااااااااااااااااى يا خال ما تنزعج
|
Post: #42
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 04:41 PM
Parent: #41
Quote: كان فلفلته بطلع مافي صالحك. كدي هاك فلفلة خفيفة كدي هسع الكلام ده قال شنو عن النسوان؟ ولا حاجة. ده واحد استخدم "ضعف" النسوان عشان يشكر روحه دي طريقة لابداء الرجولة ولا علاقة لهابحقوق المرأة. حقيقة الأمر ما هي إلا تكريس (شفت تكريس دي قوية كيف) تكريس لعدم أهمية النساء وحصرهن فى دور تقليدي لا يزيد عن كونهن مساعدات لاظهار رجالة الأخ وود العم. |
اها يا اسماء هسع علمناكن عشان التحليلات والتكريسات دي ؟. طيب مالكن بتزغردن لما اخوان فاطنة يشنقوا الطاقية وإتنبروا بيكن ( إتنبروا دي حلوة خلاص بتذكرني استاذ دلدوم الختيم اشقر عندما كان قاضي في جنوب كردفان فكان لما يقرأ التهمة charge على المتهم ويقول ( انا القاضي دلدوم الختيم اشقر اوجه اليك تهمة تحت المادة كذا ......) فكان اهلك عرب الحوازمة بقولوا هيييييييييييع دلدوم ما بحكمك الا يتنبر ليك بنفسو اول حاجة ) يا حليل ال committal proceedings ويا حليل ال framimg of charges .
Quote: الطيب يا أخوي ما تقلب علينا المواجع خلينا مع كوي الجمال والبقر أخير نسمع كلام عمر أخونا ده. |
طولي بالك يا اسماء اختي نحن اخوان فاطنة عندنا المرة كانت بقت ........ ما ............ الرأس
خالي عمر اجري تعال الليلة جبتها ليك بي ضقلها
|
Post: #43
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عزام حسن فرح
Date: 02-06-2011, 05:21 PM
Parent: #42
لامِن شُف صورة ها الجمل المُقْتحِم الخلق، طِريت "نجي تود"* زامِلتي غنيت وقُتْ:
ما جلبوك مكادا فوق بِلادي ويمانِيا عام في الخلِق ولِسيدو سوا تمانِيا يِزِمْ وليهو قومه مكنه مِن ألمانيا حليل "نَجّي تود" الهبتو في سانيا
ــــــــــ عام في الخلِق ولِسيدو سوا تمانِيا: عِندما يشِق المُركب الماء بِمُقدِمته، يرسُم هذا التَوغُل شكل العدد 8 ــــــــــ * نجي تود: بالنوبِية تعني "ود الخلا" (بِالله عطِشو لي الجيم الفي "نجي" وشدِدوها).
|
Post: #44
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 05:34 PM
Parent: #43
والله يا عزام طالما جبت الحكي الحلو دا حالف اكرمك بالحكي الدسم دا
بالله يا خالي عمر
بالله يا دكتورة اسماء
انقروا على الرابط ادناه واسمعوا هنا : http://www.youtube.com/watch?v=n9uSy2OD1Bo&feature=player_embedded
|
Post: #45
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-06-2011, 05:40 PM
Parent: #44
![](https://a8.sphotos.ak.fbcdn.net/hphotos-ak-snc6/hs275.snc6/180355_123844187687802_122752104463677_171534_5775691_n.jpg)
المسنوح
سلامات
ياخي بوست ثمح زي ده وانا بعيد..
الله ينعل الهكر.................... زجكل المحلاب ذاتو..
تحياتي
|
Post: #46
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 05:50 PM
Parent: #45
عزووووووووز
الف سلامة والمنبر عادت اليه نضارته
Quote: ياخي بوست ثمح زي ده وانا بعيد..
الله ينعل الهكر.................... زجكل المحلاب ذاتو.. |
يعلم الله افتقدناك
والله قدر ما حاولت افتش الصورة الجبتها دي ما لقيتها
يا اخي الف شكر على تلك الصور المعبرة خاااااااالص
|
Post: #47
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد مصطفي مجذوب
Date: 02-06-2011, 06:03 PM
Parent: #46
يا ود شيقوق سلام اها شن قولك في الجمل الامريكاني ده ...(كلكلي واللا مو كلكي)
|
Post: #49
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 06:07 PM
Parent: #47
ود المجذوب
سلام
Quote: اها شن قولك في الجمل الامريكاني ده ...(كلكلي واللا مو كلكي) |
شكيتك على الله يا اخي دي الصورة العندما يعرضوها ناس الجزيرة بقبل منها لا وراء -
مالك علينا ياخي ؟
لكن يا ود المجذوب اخوى انا ظني الراجل خواف بس
|
Post: #48
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-06-2011, 06:07 PM
Parent: #46
Quote:
الف سلامة والمنبر عادت اليه نضارته
يعلم الله افتقدناك
والله قدر ما حاولت افتش الصورة الجبتها دي ما لقيتها
يا اخي الف شكر على تلك الصور المعبرة خاااااااالص
|
تسلم ويسلم ذوقك.. الأصل..
تعرف ياخوي معركة داحس والغبراء دي أكثر حدث له اثارة بميدان التحرير.. وهي نقطة التحول التي سجلت خواء النظام وافلاسه..
ناس الحكومة بعد الفضيحة دي حاولوا يشوفوا ليهم مخارجة.. قالوا ناس الجمال ديل هم بتاعين الهرم ونسبة لتوقف وصول السياح اليهم عرفوا السبب من الثوار بميدان التحرير.. عشان كدا جوا يحاربوا من قطع رزقهم.. وحبل الكذب قصير... الشباب عرضوا كارنيهات الأبالة المقبوض عليهم كأسرى.. وطلعوا عساكر..
تحياتي
|
Post: #50
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-06-2011, 06:28 PM
Parent: #48
Quote:
جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
|
الجمال هذه تم تصديرها قبل اكتشاف البول الإبلي.............
خبرك ده شمار ساي...
|
Post: #51
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 06:54 PM
Parent: #50
عزو
Quote: قالوا ناس الجمال ديل هم بتاعين الهرم ونسبة لتوقف وصول السياح اليهم عرفوا السبب من الثوار بميدان التحرير.. عشان كدا جوا يحاربوا من قطع رزقهم.. وحبل الكذب قصير... الشباب عرضوا كارنيهات الأبالة المقبوض عليهم كأسرى.. وطلعوا عساكر.. |
لكن لقيت ليك عساكرهم ركابين في الجمال اكتر من ناس ود المحرب
|
Post: #52
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-06-2011, 07:13 PM
Parent: #51
أها يا الطيب ودعناك الله أظني مارقة من هنا لمدة قد تطول أبفى عشرة علي الجمل والجمال
|
Post: #53
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-06-2011, 07:19 PM
Parent: #48
Quote: طولي بالك يا اسماء اختي نحن اخوان فاطنة عندنا المرة كانت بقت ........ ما ............ الرأس
خالي عمر اجري تعال الليلة جبتها ليك بي ضقلها
|
ضقلها براهو ؟ انت جبت الفاس وشق الراس وعايز ليك شبكه والجماعة ديل شبكتهن ما بتنحل ... ابقي مارق علي الطباعة يمكن تخارجنا من تهمة انتماء هذا البعير لاصول سودانية
Quote: الشباب عرضوا كارنيهات الأبالة المقبوض عليهم كأسرى.. وطلعوا عساكر.. |
يادي الخيبة .. لقد كان للهجن والهجانة تاريخ ناصع في الجندية المصرية ويظل الجمل بطلا عربيا ولكن ادخاله في ميدان التحرير سيخصم من رصيد الحب المختزن لاسلافه ونسله.
عمر علي حسن
|
Post: #56
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-06-2011, 07:50 PM
Parent: #53
اهداء خاص للاخوان عزام فرح, والطيب شيقوق, وود المحرب, وعمر علي حسن والمرور الكريم
من اغاني الجراري عند الزيادية
دق الصوط ماشكره ساَكت هوشه وسكره سمح الموت والوكره فوق عرقوب البكره
يا سمحات في الدجه وياباينات في اللجه عندك يوم يا ام نجه لا نسام لا عجــــــه
مرقوبه ما بتتآمن عايزه كلاش ام يامن يوم حزموهن قامن حتي القوز إطآمــن
جقله ام زور خدّاعه جادعه رجال جماعه اليوم البرمي الساعه بتكوس لي ورتّاعه
مادة حنجورك...للفرع الما طولك...ربي يكافي شرورك...شايلة الموت في ضهورك
نسمع حس كلابهم .........قلت الجو غيابهم..... الناس النطو حسابهم..........نعل طيبين في رقابهم
حس رصاصهم ولع ما فيهم زول بتخلع بكان كلدنق بتضلع بالفشفاش بتبرع
الشاعر عبد الرحمن مكين ( ابو شوقي ) احد شعراء بادية الزيادية الذين لا يجارون فى الدوبيت والتوية والجرارى... الخ
العنافيه ام كزم ..العالى فيكى الدوف معشوقك بعاين ..ما بقل الشوف الاحزان تمادت والقلب ملهوف وكل دقيقه ينتابو الشعور بالخوف
الليله اب عرج كاش الارض بي اخفافو سوّى علال ملولو من عسف رسّافو جمع البلد قدّامو بالنضّاره كمشو وشافو ده الصّقر الهوى وعملت صفير اطرافو
البندق ملمّع أجمل من عروس القيله الرصاص كتير ..بي سرجي عامل ميله ود ام عاج بادي الخبّه كاكليت ريله رشح دومو وقرن فوق جيدو مثل التيله
امّك شوش ..شرّاده وحليبها محرّم زورك كفّه وفقرك وترها مبرّم حركة خفّك الجيم الحديدو مخرّم نوبه وطار دراويشاً فكيهم كرّم
طاردت السراب لي وصولو عندك نيّه سوّيت الارض قدّامك حفر وهميّه العفش كتمتو ...صيّحت الضيار زنديه السوّيتو يا قنفود كتير ما شويّه
بطنو اتضمّرت واندرج الوتر في قوامو ود ابو عنقره العاتي وقويّه عضامو من اخفافو سوّا علال ورا وقدّامو هزّ الكور ..بكي وضجّه ورطانه كلامو
طير النورس العوام ابيض شبّه ريلاً خبّ ..مزناً كبّ عالي سنام صبح مابيني نوى يعضّيني .. جي ملاقيني زي كافر الافاعي السّام تغيّر كلّو يصاول ضلّو يبشر فوق قفاهو يبلّو عند رغّاكي والتّرزام ...
................................................................................................ حاشيه : العنافيه :الناقه الاصيله (يشبه معشوقته بالناقه الاصيله ) الدوف : الصدر الضيّار : قد السرج ..والقد بكسر القاف هو القديد اي السيور الجلديه التي تستعمل لربط السرج القنفود : عكّاز محدّب ( قرجه ) ويشبه الشاعر حدبة الجمل بحدبة العكّاز
العلال : الغبار الأخفاف : جمع خف وهو اسفل رجل الجمل الكور : السّرج الرغاء : صوت الابل التّرزام : حنين الابل بصوت منخفض
تحياتى
|
Post: #57
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 07:55 PM
Parent: #53
يا دكتورة اسماء
Quote: أها يا الطيب ودعناك الله أظني مارقة من هنا لمدة قد تطول أبفى عشرة علي الجمل والجمال |
عليك الله ما تزعلي فانا اقصد تقمص شخصية رجل بيئتنا يا د.اسماء وهذه لا تعني انها قناعتي الشخصية
انت مش قريتي موسم الهجرة للشمال او عرس الزين؟
|
Post: #58
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 07:59 PM
Parent: #57
خالي عمر
Quote: ضقلها براهو ؟ انت جبت الفاس وشق الراس وعايز ليك شبكه والجماعة ديل شبكتهن ما بتنحل ... ابقي مارق علي الطباعة يمكن تخارجنا من تهمة انتماء هذا البعير لاصول سودانية |
خصمتك بالله تلم عطر منشمك دا عندك
|
Post: #59
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 08:03 PM
Parent: #58
ود الزيادي
جايييييييييييك
|
Post: #60
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-06-2011, 08:28 PM
Parent: #59
هي يا الطيب زعل شنو أنا الناس البزعل منهم ما بدخل عندهم بالمرة بدخل في بوستك عشان حسك الفكاهي العالي واريحيتك التى تستضيف الفمنستية زي أنا مارقني سمي القدر غداي أمتحانات وأوراق وتصحيح الله وامان الله عربيتي مدفونه في 12 بوصة الليلة ما شفتنى فوت الضقلها يكركب الفوق دي كويس الشفت ردك قبال أقبل مارقة ترى جاك ود الزيادي بي هديته الما خمج خليتكم بى عافية يا عمر أحرس الزول ده ما يجيب له واحدة تغلب الطب والطبيب
|
Post: #61
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 08:43 PM
Parent: #60
Quote: بدخل في بوستك عشان حسك الفكاهي العالي واريحيتك التى تستضيف الفمنستية زي أنا مارقني سمي القدر غداي أمتحانات وأوراق وتصحيح الله وامان الله عربيتي مدفونه في 12 بوصة الليلة |
الله يخليك يا استاذتي انا اكتب ويقيني لدي من الرد ماهو عندك فلا تقلقي
|
Post: #70
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-08-2011, 06:43 PM
Parent: #59
Quote: ود الزيادي
جايييييييييييك |
يا ود شيقوق كن جيتنى ولقيتنى مرقت "بكسر القاف" وقبال ما نتلاقى هاك بكا عبد الرحمن مكين ( ابو شوقي ) فى الغزل ووصف المحبوبة
من شُفتك نسيت نفسي ومشيت بي وراكي عجبني جمال عيونك والكفل المعلّي قفاكي يا الصبتيني بــي مس الجنون في هواكي قلبـي فقدتو .يـا السمحه ..واظنّو معاكـي
يا اللادن قوامك ولون اديمك تبرى شعرك عتمة الليل اب نيازكا تجرى يا ام حبا مقلقنى ومقلل صبرى تكتلى فى العشاق من دون قصد ما بتدرى
انجرح الفؤاد والعله زادت عله المشوار طويل ..والحيل البشيل انشل يا معلقنى بحبال الهوى ..وغلبت اتدلى وصبحت مواجه العقد الابت تنحل ..
بعد ما نسيت خلاص اليوم بقيت اتذكر خطر بى بالى انتى معاى وحالى ميسر زمن الحظ مخضر ..ما يبس ..ما اتكدر زمن العز بعيشو ...عند العرب والبندر
البنشاف قريب ورجلى ما بتمشيلو يتبسم بروق مطرا مكمل ليلو الظالمنى واتحيرت فى الاشكيلو حراسو النمر ...الزول البجيهو بشيلو
العنافيه ام كزم ..العالى فيكى الدوف معشوقك بعاين ..ما بقل الشوف الاحزان تمادت والقلب ملهوف وكل دقيقه ينتابو الشعور بالخوف لمحة سنك البرق المعاهو الزيف لو تتبسمى يكب المطر فى الصيف شبيهة البندق النيشانو ليهو عريف يا العاتى اللجوج اللى العقال ما بقيف
حاشيه : 1_العنافيه :الناقه الاصيله (يشبه معشوقته بالناقه الاصيله ) الدوف : الصدر 2-لمحة : بريق الزيف : تيار هواء بارد يصاحب نزول المطر البندق النيشانو ليهو عريف : يقصد الكلاشنكوف العريف :مصغر عُرف بترقيق الراء ..وهو يقصد به مقدمة البندقيه (النيشان ) العاتى ،،اللجوج :كلمات تعنى القوه مع النفور.. العقال : هو قيد يوضع فى رجل الجمل بعد ثنيها حتى لا يسرح بعيدا
|
Post: #62
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-06-2011, 08:44 PM
Parent: #58
Quote:
امّك شوش ..شرّاده وحليبها محرّم زورك كفّه وفقرك وترها مبرّم حركة خفّك الجيم الحديدو مخرّم نوبه وطار دراويشاً فكيهم كرّم
بطنو اتضمّرت واندرج الوتر في قوامو ود ابو عنقره العاتي وقويّه عضامو من اخفافو سوّا علال ورا وقدّامو هزّ الكور ..بكي وضجّه ورطانه كلامو
|
يا للجَمال .. في وصف الجـمال
اخي الزيادي ارجوك تعال صاد ....
Quote: على الرغم من امتناعى عن الكتابة فى البورد منذ فترة |
قال امتناعي عن الكتابة قال .. (جيب) وتعال ياخي .. ولو بكري ما اداهم باسويرد جيب منهم الكلام المرصع بالجواهر ده ونزله بي باسويردك عشان نعمل (فلتره) للطرور المالي السوق وبكري بجيك براه يسأل ويصرف باسويردات وعناوين في المجله كمان .
عمر علي حسن
|
Post: #63
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 08:48 PM
Parent: #62
خالي عمر
Quote: قال امتناعي عن الكتابة قال .. (جيب) وتعال ياخي .. ولو بكري ما اداهم باسويرد جيب منهم الكلام المرصع بالجواهر ده ونزله بي باسويردك عشان نعمل (فلتره) للطرور المالي السوق وبكري بجيك براه يسأل ويصرف باسويردات وعناوين في المجله كمان . |
اتشمر ورد ليهو ولدك راسو ضارب طااااااااب انا متابع
الشعب يريد اسقاط النظام
|
Post: #64
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-06-2011, 08:52 PM
Parent: #62
Quote: خصمتك بالله تلم عطر منشمك دا عندك |
هن قعدن ؟!
خلينا مع الزيادي .. انا مشغول مع الدوبيت وراسي دايش فيه طااااااااااااااااااب
عمر علي حسن
|
Post: #65
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-06-2011, 09:50 PM
Parent: #64
No comment ya kal
|
Post: #66
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالفتاح أبوشيمة
Date: 02-08-2011, 08:45 AM
Parent: #65
قال إيه قال No comment ya kal يا حليلو الجمل وحليلو دا الجمّال ود المحرب صحبك قعد يفتل في حبل النال قطع نفسه لا ينضم ولا سآل شن حاصل يا ربي سمح الفال جمل ما يخاف لكن ياهو دا الجمال كضم تب وما يريد شي عنه قال يتقال يا حليل زمن الرجال الكان وزنهم متقال واللا بقيت زي حسني اللي ما صار لديه مقال لا داير يفز ولا يشوف سترة الحال والدور جاي على غيره بي ذاته دا المنوال ومن قال خايف يقول له أي مقال ما عاد يسوى عندي لا الجمل ولا الجمّال يا ربي الكريم تدينا سترة حال مايكون مآلنا زي مآل هادول رجال يخافوا وما يختشوا من فعلة الفعال لليوم البجيهم تخشع منه جبال ريحة الجنة ما يضوقوها ولا يلقوا ليها أي منال من ظلماً شنيع سووله عاد موّال وكتين جات جماله تبلبع حتى ما كان عنده مقال يقول الناس كفارة كيف الحال ولا يعزي في ميت فاقدينه كل الآل ولا يعتذر من فعلته الدوبال
-- سعادة المستشار الكلام لي زول تاني
|
Post: #67
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-08-2011, 02:53 PM
Parent: #66
Quote: سعادة المستشار الكلام لي زول تاني |
|
Post: #68
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالبديع عثمان
Date: 02-08-2011, 05:05 PM
Parent: #67
وكاني بالشاعر الفحل الصادق حمد الحلال وهو ينشد مسدار قوز رجب ويقول :
شَدَّيتـــو رِكِبْ مِن قـُــــــوز رَجَبْ باكْريَّة
نَفَى شَنْشُــونو* واتْلحَّضْ بَلا الغَازيـِّــــــة*
اسَلَّكْ فيــــهو لامِنْ وَخَّر الظَبْطيـّــــــــة
هَسـّــــعْ حَاكَى لي المِنْ كوستي شََال نَقْليــة
نتمنى ان يجود علينا شعراء المسادير بمسدار ميدان التحرير..
|
Post: #69
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-08-2011, 06:41 PM
Parent: #68
Quote: يا حليلو الجمل وحليلو دا الجمّال ود المحرب صحبك قعد يفتل في حبل النال قطع نفسه لا ينضم ولا سآل شن حاصل يا ربي سمح الفال جمل ما يخاف لكن ياهو دا الجمال |
ههههههههههههههههها الله يجازي محنك كتلتني بضحكة يا مسنوووووووووووووح
|
Post: #72
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-08-2011, 06:44 PM
Parent: #69
Quote: وكاني بالشاعر الفحل الصادق حمد الحلال وهو ينشد مسدار قوز رجب ويقول :
شَدَّيتـــو رِكِبْ مِن قـُــــــوز رَجَبْ باكْريَّة
نَفَى شَنْشُــونو* واتْلحَّضْ بَلا الغَازيـِّــــــة*
اسَلَّكْ فيــــهو لامِنْ وَخَّر الظَبْطيـّــــــــة
هَسـّــــعْ حَاكَى لي المِنْ كوستي شََال نَقْليــة
نتمنى ان يجود علينا شعراء المسادير بمسدار ميدان التحرير.. |
شكرا شكرا اخي عبد البديع المبدع
فعلا نحن في حاجة لسماع دوبيت عن الصمود المصري في ميدان التحرير
الخال عمر وين يا اخوانا ؟ عندو ورد (بكسر الواو والراء) ولا شنو؟
|
Post: #71
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-08-2011, 06:43 PM
Parent: #62
Quote: يا للجَمال .. في وصف الجـمال
اخي الزيادي ارجوك تعال صاد ....
Quote: على الرغم من امتناعى عن الكتابة فى البورد منذ فترة
قال امتناعي عن الكتابة قال .. (جيب) وتعال ياخي .. ولو بكري ما اداهم باسويرد جيب منهم الكلام المرصع بالجواهر ده ونزله بي باسويردك عشان نعمل (فلتره) للطرور المالي السوق وبكري بجيك براه يسأل ويصرف باسويردات وعناوين في المجله كمان . |
العزيز/ عمر على حسن سلام... الحديث عن وصف الابل عند شعراء البادية يطول ويطول, فما اعذبه رغم صدقة, او كما يقول محمد صالح الزيادى "إذا كان الشعر العربي هو ديوان العرب فإن الإبل عمود مهم من ابجديات هذا الديوان, لعلنا عندما ننتقي من إهتمامات فحول شعراء الزياديه ما يتعلق بالابل فأننا نكون بذلك قد ارجعنا السيف الي غمده والفرع الي اصله, الإبل لم تكن راس مال يتفاخر بها شعراء الزياديه ولكن كانت إلهاما يشكي اليه الشاعر او الشاعره والوصف بعد المشاكاه بالوصف الدقيق"
Quote: جيب منهم الكلام المرصع بالجواهر ده ونزله بي باسويردك |
كده ريحتنى الله يريحك دنيا واخرى, ما بنقدر على كسر الخواطر, ويا ريت بكرى ابوبكر ما يكسر بخاطرنا
واليك مزيدا من الوصف والجمال ************************** لبنك عسيل دافي ولدك حُر عنّافي جيّابة الشّر من مافي تبّرعتي بالصّافي
لبنك سكّر نقّع جيلك كله تفقّع تمُر دريجي الوقّع خسرت ما بتترقّع
جَقله ام زور منعُوله عامَسه الدّور بي طُوله اليوم البرمي شروره بتكوس لي وبتدوره
جقله ام زور خدّاعه جادعه رجال جماعه اليوم البرمي السّاعه بتكوس لي ورتّاعه
مرقوبه البتهلّك في القيمان بتحرّك ام درباً قاسي مدرّك رميتي رجال يا شرّك
الما بقدر لشرورها ما يسعاها يدورها جقله اللاّب بذّورها شايله الشر في صدورها
كيرك هايج بعم ودربك مجاري الدم افرزي لي سيادك كم خليني نجيب النّم
جيابة الشيك بالنوته وكر دربك بي موته يوم الحار والجوطه فارسك نعرف فوته
مرقوبه يا ام جقلاب رمّايه للارقاب فارسِك ركز ما بهاب الموت بدور لو اسباب للمزيد عليك بهذا الخيط http://www.tajooj.com/vb/showthread.php?t=1144
يقول ابو شوقي ليلك طمس الانجم بروقك وجًت رعدك كرً انفجرت سحابتِك سجًت سيلك عمس الوادي وضفادعك ضجًت بارك ( زملِك ) بالضحويه عربِك شدًت كان بتدور زيادة جر الخيط ده http://elzayadi.maktoobblog.com/
تحياتى
|
Post: #73
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-09-2011, 01:13 PM
Parent: #71
الله اللللله اللللللللللللللللللللللللللللللللللللللللللللللللللللللللللاه
الا تري معي ان الشاعر كان فوق ظهر هجينه يسير به في خطو لاهو خب ولاهو رمح ، فيهدهد وقع اخفافه قلبه فتفيض البحور علي وزن تلك الخطي ..
انظر اليه وكأن ذراعيه مطبوقان علي جانبي ابطيه ، ويده قابضة علي الرسن دون شد ، وساقاه امامه احداهما مخلوفة فوق الاخري في زهو ، وعمامته تتقافز منها بالجنب حاشية مطرزة كأنها توحي للناقة زمن التوقيع بخف لا يطأ الاحجار ولا يتعثر .. فيحئ الوقع وبحر الشعر توائم .
Quote: مرقوبه البتهلّك في القيمان بتحرّك ام درباً قاسي مدرّك رميتي رجال يا شرّك
|
Quote: مرقوبه يا ام جقلاب رمّايه للارقاب فارسِك ركز ما بهاب الموت بدور لو اسباب
|
اليس هذا علي وزن خطي المرقوبة !
الله اللله أللللللللللللللللللللللللللللللللللللللللللللللاه .. ياخي
عمر علي حسن
|
Post: #74
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالفتاح أبوشيمة
Date: 02-09-2011, 01:27 PM
Parent: #73
] سعادة المستشار الكلام لي زول تاني
يا خال المسنوح
يا جنالو
يا ناس الزمن الجميل
معزتكم عندنا حاجة تانية
الكلام اللي فوق دا قاصدين حسني مبارك ما الناس اللي في البوست حتى سيد البوست قلناله الكلام دا ماليك أما الاقتباس في البداية فأخذ فقط لبناء القافية عليه ومداعبة سعادة المستشار أرجو أن ألأ أكون أدخلتك في ظن بي سبب خرمجة الكتابة
فمعذرة ولك كل الود
المسنوح
دا كله
من شغل الهمبتة
والبلطجة
اللي يجازي محنك
ياخي [/green
|
Post: #75
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-09-2011, 01:29 PM
Parent: #73
Quote: الما بقدر لشرورها ما يسعاها يدورها جقله اللاّب بذّورها شايله الشر في صدورها
|
الطيب باقي لك جنس دي بجيبوها ميدان التحرير (تلفّخ) خلق الله ؟
والله وقسما بالله جمل ميدان التحرير شبه روحه وشبه الراكبه ! نحن كمان جمال الحكومة ما بنعرفها ؟
زيد يا زيادي وأشرح
عمر علي حسن
|
Post: #76
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-09-2011, 01:53 PM
Parent: #75
Quote: : سعادة المستشار الكلام لي زول تاني |
ابوشيمة
تتبارك .. انا ذاتي قايل كده .. ومتحسس من (جمل ام الحسن) الجابوه يلفّخ الشباب ويعبر عن مكنونات صدور اهل النظام الخائر .
Quote: معزتكم عندنا حاجة تانية |
وانت كمان ..
اما صاحبك فهو يعرف كيف يجيب ضقلها يكركب .. شي جمال وشي مزيج بردانه ونحن نقوم ونقع ، العميان شايل المكسح ، كان نلحق شيء .
تحياتي
عمر علي حسن
|
Post: #77
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-09-2011, 02:38 PM
Parent: #76
الخال ابو امير
الزيادي
ابو شيمة
اسكتوا اسكتوا انا الابيات دي بالحيل دوخن راسي
Quote: ليلك طمس الانجم بروقك وجًت رعدك كرً انفجرت سحابتِك سجًت سيلك عمس الوادي وضفادعك ضجًت بارك ( زملِك ) بالضحويه عربِك شدًت |
|
Post: #78
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-09-2011, 02:55 PM
Parent: #77
يابوي امشي الرايط الجابو الزيادي .. اخافك تتوهط وتغلبك القومة .. وتبقي زي راحلة ابو شوقي
Quote: بارك ( زملِك ) بالضحويه عربِك شدًت
|
عمر علي حسن
|
Post: #79
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالبديع عثمان
Date: 02-09-2011, 05:05 PM
Parent: #78
ولله در القائل
ضهــــر قلعة مبـــــارك جيتــــــو تلعب شد محارب اللســـــَّة* والكُرباج وقولة " هد "* علــــــى التالاك إحســـــــــــان رزقو ما بِنْعد يومك كُلـــــّو تمصع ما انلحـــــــــق لك حد
انظر الى تطابق قلعة مبارك مع مظاهرات ميدان التحرير
ولشعراء البطانة في كل مقام مقال ولهم في كل حدث حديث
|
Post: #80
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عزام حسن فرح
Date: 02-09-2011, 06:03 PM
Parent: #79
قيدك يِكَشْكِش مو بِجْدعوهو في ماشا عينك مِتْل الجمره بِوْصلوها بِماشا عُلوقك وسرحتك في البهم مو ماشا عجيب وكُلك طِب ومنك نَسَو قُماشا
|
Post: #81
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-09-2011, 06:24 PM
|
Post: #82
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-09-2011, 06:40 PM
Parent: #81
يا خال
Quote: ليلك طمس الانجم بروقك وجًت رعدك كرً انفجرت سحابتِك سجًت سيلك عمس الوادي وضفادعك ضجًت بارك ( زملِك ) بالضحويه عربِك شدًت |
هنا يا خال الدفرة والعقلة
عندنا يا ابا امير واحسب برضو لدى اهلنا الزيادية عندما يحين موسم الرشاشية يكون هم اهلنا في البوادي البحث عن المناطق التي نزل فيها المطر كتير باكرية . في هذا الموسم نجد العرب اينما ظعنوا ارسلوا فتيانهم بجمالهم للبحث عن تلك المناطق المخرفة باكرية . فاذا حصل هولاء الفتية على مكان خريفها سمح او (ثمح بلغة الجكس العصرية) يعودون لاهلهم بالخبر الثمح ( انا مع ديل بس ) وبقولوا ليهم الحمد لله لقينا الخريف دفرة وعقلة أي ان البهائم بتشبع اينما حلت وتعقل طوالي بدون الحاجة ( الخطأ الشائع حوجة) للجرى للبحث عن الكلأ في اماكن اخرى .
معاى يا خال ولا سارح؟
|
Post: #83
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-09-2011, 07:04 PM
Parent: #82
اخي عبد البديع المبدع
Quote: ضهــــر قلعة مبـــــارك جيتــــــو تلعب شد محارب اللســـــَّة* والكُرباج وقولة " هد "* علــــــى التالاك إحســـــــــــان رزقو ما بِنْعد يومك كُلـــــّو تمصع ما انلحـــــــــق لك حد
انظر الى تطابق قلعة مبارك مع مظاهرات ميدان التحرير |
يا سلام يا بديع والله كلام جميل وحلو - يا اخوانا جيتو تلعب شد بقصد جيتو عاقل كراع وناقز متلهمو ومنها لعبة شددت المشهورة - يا اخوانا خالي عمر جرب اللعبة دي . انا غايتو كنت زمان بعضى العراقي بسنوني وبعقل الكراع وبجري بيها زى جري جمل ميدان التحرير دا .
والكرباج هههههههههههههها الكرباج هو سفروق مانع بالحيل .
المصعة بقصد بيها مصعة الجمل في الناقة الحايلة تلقاهو رشح البول ودوماتو سايلة ودلاعتو انبوبة
هيييييييع
|
Post: #84
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-09-2011, 07:08 PM
Parent: #83
عزام
Quote: قيدك يِكَشْكِش مو بِجْدعوهو في ماشا عينك مِتْل الجمره بِوْصلوها بِماشا عُلوقك وسرحتك في البهم مو ماشا عجيب وكُلك طِب ومنك نَسَو قُماشا |
عليك النبي تجي تشرح لينا الكلام دا
عزو
مالك ورقك ابيض؟
|
Post: #85
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-10-2011, 07:46 AM
Parent: #84
Quote: معاى يا خال ولا سارح؟ |
معاك معاك .. ومستمخ بلحيل
Quote: - يا اخوانا خالي عمر جرب اللعبة دي |
هيييييع .. امانه ما شدّينا وحرّينا .. انت قايلنا زي ناس امير اللعبهم كله بالريموت كنترول ! خالك ياولد ركبيه وكيعانه وسيقانه ما فيهن سنتي واحد خالي من الجروج .. زي جسم علي الكرار ليس فيه موضع الا وبه طعنة رمح او ضربة سيف .. وساموت علي سريري كما يموت البعير بعد العمر الطويل لي ولك .
عمر علي حسن
|
Post: #86
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد الامين محمد
Date: 02-10-2011, 08:17 AM
Parent: #85
الطيب سلااااااااااااااام انت تب والله زولنا تعرف الوسم كمان هيع عافيت منك اولاً انا والزيادي اخوان نحن في الزيادية طباعة ووسمنا طباعة كما زكر محمد المختار الزيادية في مصر موجودين كثير لو تذكر مذيعة صوت العرب الشهيرة جمالات الزيادي ومذيع لندن مصطفي الزيادي ود\عبدالرحمن الزيادي لهم اثار كثيرة في مصر في الزمن الماضي احد اجدادي يدعي حمد ابوالبشر محكر سافر الي بيت المقدس للحج في الاردن وجد ناقة عليها وسم الطباعة فسال من اين اتيتم بهذه الناقة اما من مصر او مسروقة فقالوا لة لا هذة الناقة لنا ونحن زيادبة وهذا وسمنا فاستغرب واخذوة مهم الي البادية وقالوا لة نحن 26 خشم بيت هنا
|
Post: #87
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: mekki
Date: 02-10-2011, 08:47 AM
Parent: #86
شخصي الضعيف من مواليد بربر....متربي في عطبرة
|
Post: #94
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-10-2011, 10:44 AM
Parent: #77
Quote: الخال ابو امير
الزيادي
ابو شيمة
اسكتوا اسكتوا انا الابيات دي بالحيل دوخن راسي
Quote: ليلك طمس الانجم بروقك وجًت رعدك كرً انفجرت سحابتِك سجًت سيلك عمس الوادي وضفادعك ضجًت بارك ( زملِك ) بالضحويه عربِك شدًت |
الطيب/ الطيب سلام......
ابو شوقى رجل مبدع, وشاعر مرهف, استمتع بالبادية وامتعنا بما قاله فيها, فهو شاعر مطبوع ومقتدر,سرح وراء البل, وسرح بخياله شعرا يتقطر عذوبة وفن متأثرا ببادية الزيادية التى ترعرع فيها, له ديوان شعر "دوبيت,واغانى الجرارى والهسيس.. الخ.." طبع فى ليبيا, واعتقد ان طبعته الاول قد نفدت, ولا ادرى هل هناك طبعة ثانية ام لا, اتمنى ان اجد نسخةمنه فقد ضاع منى هذا الكتاب كما العشرات من الكتب التى تستلف ولا تسترد.
كده دقيقة نفتش ليك ما قاله ابو شوقى فى الطبيعة.
تحياتى
|
Post: #90
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 09:57 AM
Parent: #88
خالي عمر
Quote: هيييييع .. امانه ما شدّينا وحرّينا .. انت قايلنا زي ناس امير اللعبهم كله بالريموت كنترول ! خالك ياولد ركبيه وكيعانه وسيقانه ما فيهن سنتي واحد خالي من الجروج .. زي جسم علي الكرار ليس فيه موضع الا وبه طعنة رمح او ضربة سيف .. وساموت علي سريري كما يموت البعير بعد العمر الطويل لي ولك . |
هههههها يا ابوى ناس امير ديل ناس ثورة الياسمين كان قبلوا عليكم بركبوكم التونسية - قال جروح قال!!
ديل بيحتجوا وبدوا العسكري وردة وديل بحتجوا والثرامس شايلنها في الاكتاف زى درعتك لشنطة الدمورية في الكتف زمان
انتوا بتقولوا عووووووووووك اتلموا للمظاهرة اما ديل يا خال كلك كلك كلك كلك (كولهن بكسر الكاف الاولى واللام كمان) على الكي بورد في الفيس بوك وبعد دقائق تشوف القيامة قامت ما تعمل حسابك يوطوك بأرجلهم وهم لا يشعرون .
|
Post: #91
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 10:01 AM
Parent: #90
امحمد ود اللمين
Quote: انت تب والله زولنا تعرف الوسم كمان هيع عافيت منك |
هيييييع داب معرفة يا امحمد اخوى انا ذاتي وسمتا بى يدي دي
Quote: اولاً انا والزيادي اخوان نحن في الزيادية طباعة ووسمنا طباعة كما زكر محمد المختار الزيادية في مصر موجودين كثير لو تذكر مذيعة صوت العرب الشهيرة جمالات الزيادي ومذيع لندن مصطفي الزيادي ود\عبدالرحمن الزيادي لهم اثار كثيرة في مصر في الزمن الماضي احد اجدادي يدعي حمد ابوالبشر محكر سافر الي بيت المقدس للحج في الاردن وجد ناقة عليها وسم الطباعة فسال من اين اتيتم بهذه الناقة اما من مصر او مسروقة فقالوا لة لا هذة الناقة لنا ونحن زيادبة وهذا وسمنا فاستغرب واخذوة مهم الي البادية وقالوا لة نحن 26 خشم بيت هنا |
سبحان الله والله الدنيا دي صغيرة بشكل بالله حت في الادن وكمان الزيادية ؟
التحايا عبرك للاخ الزيادي وربنا يحفظكم من كل شر
شكرا للهدية بس انا في المكتب ما بتفتح بمشي اشوفها في البيت يا العشاء
|
Post: #92
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 10:03 AM
Parent: #91
الاخ الاستاذ مكي
Quote: شخصي الضعيف من مواليد بربر....متربي في عطبرة |
ظاهر لي والدك كان افندي او في السكة حديد صاح؟
|
Post: #93
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 10:06 AM
Parent: #92
سنو
Quote: المسنوح الشى تصدير من البطانة مع التدريب |
تدريب على اللّقط بكل الاتجاهات كمان يا مسنوح
|
Post: #95
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 10:49 AM
Parent: #93
Quote: كده دقيقة نفتش ليك ما قاله ابو شوقى فى الطبيعة. |
سريع اخي الزيادي ما تشحتف روحنا ساى
|
Post: #97
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-10-2011, 10:57 AM
Parent: #95
شيقااااااااااااااااااااااااااااااااا
سلام
ورقي ابيض شنو ياخ!!!
بوست كل سنج, سواطير, ومطاوي... وما فيهو عنكوليب!!
آل بلطجية آل..
|
Post: #98
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-10-2011, 11:10 AM
Parent: #95
Quote: سريع اخي الزيادي ما تشحتف روحنا ساى |
هاك يا الطيب ابو شوقى فى وصف الطبيعة,
البرق البشيل شق السحاب الداكن مطرو مغيب القلع ابو جباها ماكن الارام تعج بعد الهدوء الساكن .. من تيقا ومشت ..شمال غرب متراكن ..
خريفك زينه ..حنتوتك شبك متطارح بدان بقرك ..تورهن بجعر قارح معزول بهمك ..مخيل من ضباع وجوارح رتع بى الوعر غنمك نباتك صالح
تحنَى وترزمى ..وتحمى الحوار اللين سحابه مقنطره ..وعكاز سراتك بين يصول فحلك يحادى وبالمصاع متطين يا ام ضرعا مكبس بالحليب متحين..
بدر خريفك ..حنتوتك تشابك نوًر .. مرح طربان غزالك ..بالعتامير شوًر.. فوق قمم الجبال نفش اقطانو هرعك دوًر ... زاهيه جميله ..جلً البارى ابدع ..صوًر ....... جادت دفقت ..سحبك سماكى انقدً سيلك مشط الوادى وزحف بى شده زايد فوق حدودو .انفرش واتمدً اخد يومين كرب ..وأفقك يعد العدًه.. ..... جادت دفقت ..سقت التراب الصايم من تيقا وتغشت البلد المسمى وخايم يجوب الافق طربا طيرك مصيدح حايم يغوص يطفح يسابق الموجه وزك عايم ..
_____________________________ حاشيه : الحنتوت : نوع من النبات الجعير : صوت الثور مخيَل : الخيال قماش قديم يوضع لتخويف الحيوانات المفترسه رتع : سرح فى الخلاء ليأكل العشب . تحنًى وترزمى : الحنين هو صوت الابل المفارقه ..الرزم هو الحنين لكن بصوت منخفض سحابه مقنطره :يقصد السنام السراة :الشحم الذى يغطى الضلوع . المصاع : الهياج ..وفى موسم الهياج يرش الجمل البول على ظهره.. متحين : التحين هو امتلاء شطر الناقه بالحليب الى اقصى درجه ..
العتمور :مفرد عتامير ..وهى الكثبان الرمليه ذات الارتفاع المنخفض الهرع :سحاب سريع الحركه يظهر فى صباحات الخريف بارتفاع منخفض انفرش : اتسع تيقا ؛؛ الوخايم :اسماء مناطق ..
|
Post: #96
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-10-2011, 10:56 AM
Parent: #91
Quote: يا خال
Quote: ليلك طمس الانجم بروقك وجًت رعدك كرً انفجرت سحابتِك سجًت سيلك عمس الوادي وضفادعك ضجًت بارك ( زملِك ) بالضحويه عربِك شدًت
هنا يا خال الدفرة والعقلة
عندنا يا ابا امير واحسب برضو لدى اهلنا الزيادية عندما يحين موسم الرشاشية يكون هم اهلنا في البوادي البحث عن المناطق التي نزل فيها المطر كتير باكرية . في هذا الموسم نجد العرب اينما ظعنوا ارسلوا فتيانهم بجمالهم للبحث عن تلك المناطق المخرفة باكرية . فاذا حصل هولاء الفتية على مكان خريفها سمح او (ثمح بلغة الجكس العصرية) يعودون لاهلهم بالخبر الثمح ( انا مع ديل بس ) وبقولوا ليهم الحمد لله لقينا الخريف دفرة وعقلة أي ان البهائم بتشبع اينما حلت وتعقل طوالي بدون الحاجة ( الخطأ الشائع حوجة) للجرى للبحث عن الكلأ في اماكن اخرى .
معاى يا خال ولا سارح؟ |
بالضبط سويتها نجيضة لا بتدور نقيصة لا تمه, ( انا مع ديل بس ) هههههه نحن مع ديل ومع ديلاك.... ومع الاتنين تلاقانا راكب عودنا
|
Post: #99
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-10-2011, 11:29 AM
Parent: #96
Quote: البرق البشيل شق السحاب الداكن مطرو مغيب القلع ابو جباها ماكن الارام تعج بعد الهدوء الساكن .. من تيقا ومشت ..شمال غرب متراكن ..
خريفك زينه ..حنتوتك شبك متطارح بدان بقرك ..تورهن بجعر قارح معزول بهمك ..مخيل من ضباع وجوارح رتع بى الوعر غنمك نباتك صالح
تحنَى وترزمى ..وتحمى الحوار اللين سحابه مقنطره ..وعكاز سراتك بين يصول فحلك يحادى وبالمصاع متطين يا ام ضرعا مكبس بالحليب متحين..
بدر خريفك ..حنتوتك تشابك نوًر .. مرح طربان غزالك ..بالعتامير شوًر.. فوق قمم الجبال نفش اقطانو هرعك دوًر ... زاهيه جميله ..جلً البارى ابدع ..صوًر ....... جادت دفقت ..سحبك سماكى انقدً سيلك مشط الوادى وزحف بى شده زايد فوق حدودو .انفرش واتمدً اخد يومين كرب ..وأفقك يعد العدًه.. ..... جادت دفقت ..سقت التراب الصايم من تيقا وتغشت البلد المسمى وخايم يجوب الافق طربا طيرك مصيدح حايم يغوص يطفح يسابق الموجه وزك عايم .. |
يا سلام اخي الزيادي والله قمة في الابداع
جاييك للشرح البكيفك بس دوامي انتهى وبجيك من البيت
معزتي
|
Post: #100
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-11-2011, 12:32 PM
Parent: #99
تعرف غير شغل الحصين ده أنا جني وجن الزول البدخل ليه في بوست ناسه متكيفين وموضوعهم عاجبهم ويصر على تحويله لى حاجة تانية لكن شبتك وشلاقتك ومعاكسات الفيمنستيات كادت نودي بروح البوست. ما تزعل لو عايز نفتح لك بوست براه and the gloves shall come off
|
Post: #101
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-11-2011, 02:21 PM
Parent: #100
![](http://www.alquds.co.uk/data/2011/02/02-08/08qpt999c.jpg) ![](http://www.alquds.co.uk/data/2011/02/02-08/08qpt999c.jpg)
![](http://www.alquds.co.uk/data/2011/02/02-08/08qpt999c.jpg)
|
Post: #102
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: خالد المحرب
Date: 02-11-2011, 05:25 PM
Parent: #101
احتمال وارد ابلنا تباع فى امبابه دى فيها حاقه يعنى لكن الزول الراكب فوق البعير مو هولنا طاااااااااااااااااااااااااب قاتك نيله منيله
|
Post: #103
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-11-2011, 05:38 PM
Parent: #102
اسماء اختي
طولي بالك الناس هنا بتمزح وبتضحك ساى فهم لا يعنون ما يقولون
عزو
دا شنو يا مسنوح
ود المحرب
Quote: الاخ شيقوق ابلنا سبوقه وعندنا ديمقراطيه احتمال يكون واحد من جمال امبا به الجايه من ايودليق كانت من ضمن ابل الدخلت ميدان التحرير |
غايتو فيهو وسمكم والشعب كنسو
|
Post: #104
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-11-2011, 05:41 PM
Parent: #100
تم سحب المداخلة لعدم تناسبها مع الموقف.
عمر علي حسن
|
Post: #105
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-11-2011, 06:09 PM
Parent: #104
الاخت الدكتورة اسماء
سعادة العم عمر على حسن
الحصل وارد وفقا للمجرى العادي لطبائع الاشياء ولكن ان كان اي منكما يعلم قامة الاخر لما حصل ما حصل
المهم انا لست في قامة من يوجه بادارة ازمة ناتجة ، عن سؤ فهم ، بين ذينك القامتين ولكن عشمى في تدخل الكثيرين لتلافي هذا التدهور العارض .
لكما منى اطيب الاماني
|
Post: #106
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-11-2011, 06:32 PM
Parent: #105
الله الله الله لا يا جماعة الخير معقولة بس أنا والله قصدت نفسي بتحويل البوست الناس في الجمال بكسر الجيم والجمال بفتح الميم وأنا عيك سرحت بالناس في مجال تاني والله يا عمر أنا ما اتكلمت مع زول ما بعرفه مثل ما اتكلمت معاك بعدين حاولت أن أخفف دمي فى الرد لكن جات الحكاية بالعكس أنا ما دايرة أبقى واحدة من الناس الأنا جنى وجنهم وأعكر دم الناس بكلام ما هو ماشي مع البوست الأصلي أها حتخلوني أمارس الظرافة المابريدها من نوع "أقبلوا اعتذاري" ووالله ماقاصده وما إليه
|
Post: #107
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-11-2011, 06:51 PM
Parent: #106
حاجة ثانية يا عمر شغل الحصين مقصود بيه شغلي أنا المرقنى لي كم يوم وأقصد إنه بالاضافة لى شغل الحصين السبب الأول فى ترك البوست لعدة أيام برضه في سبب ثاني وهو الشعور بأني قد حولت مجرى البوست من موضوعه الاصلي. المسألة بالنسبة لي كانت من باب الفكاهة ولو كانت مسالة فيمنستية جد يا عمر كنت دبغتكم دبغ بال femininity and masculinity لكن من ما دخلت البورد ده ما دبجت لي فيه مقال أغيب وأرجع عشان آخد لي نكته نكتتين أطلع بيهن من شغلتي الأصلية المعتمدة على الكتابة الطويلة المسيخه أرجو أن أكون قد أوضحت. بس معقولة أن أقول لأي زول فى البوست ده "شغل حصين" أي نعم لساني فلقة لكن مع البستاهلوه بس وأنتم أهل لكل احترام مع تحياتي
|
Post: #108
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-11-2011, 07:13 PM
Parent: #107
Quote: أي نعم لساني فلقة لكن مع البستاهلوه بس |
دقيني انا يا اسماء اختي يا ني مسردب ليك - بس خالي عمر دا هبشتو بتعوقنا كولنا
|
Post: #109
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: سيف الدولة كامل
Date: 02-11-2011, 07:28 PM
Parent: #108
المسنووووووح ,,, الجمل اليشق رويسك ,,قول امين
تحياتي للريس عمر علي حسن والدكتورة اسماء والله
الاتنين حلوين وكلامكم خاتي العيب واصلوا ونفسوا
علي انفسكم وعليناوما تتحسسوا والله نحن في المنبر
ده أخوة وأحبة جمعتنا الكلمة الطيبةوالهم المشترك.
الا المسنوووووح ود شيقوق انا بقدر ليكم عليه أصلو
حيطي القصيرة بحقر بيهو.
مودتل للجميع
|
Post: #111
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-11-2011, 07:40 PM
Parent: #109
ود الكامل
Quote: المسنووووووح ,,, الجمل اليشق رويسك ,,قول امين
تحياتي للريس عمر علي حسن والدكتورة اسماء والله
الاتنين حلوين وكلامكم خاتي العيب واصلوا ونفسوا
علي انفسكم وعليناوما تتحسسوا والله نحن في المنبر
ده أخوة وأحبة جمعتنا الكلمة الطيبةوالهم المشترك.
الا المسنوووووح ود شيقوق انا بقدر ليكم عليه أصلو
حيطي القصيرة بحقر بيهو. |
يطول عمرك يا زعيم ما حصل ليس من الدكتورة اسماء ولا من الخال عمر الحصل دا سببو التواصل الاسفيري الذي لا يعرف طرفاه اى منهما الاخر في بعض الاحيان -
|
Post: #110
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-11-2011, 07:31 PM
Parent: #108
سعادتو أنتم أهل لكل احترام
|
Post: #112
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-11-2011, 07:45 PM
Parent: #110
Quote: سعادتو أنتم أهل لكل احترام |
تسلمي يا دكتورة فانت يا استاذتي اهل لكل احترام
|
Post: #113
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عماد الشبلي
Date: 02-11-2011, 09:04 PM
Parent: #112
![EMAD3183.JPG Hosting at Sudaneseonline.com](http://www.sudaneseonline.com/uploadpic11/Jan/EMAD3183.JPG)
علاقة حميمة بين الجمل وصاحبه
|
Post: #115
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-11-2011, 09:33 PM
Parent: #113
Quote: علاقة حميمة بين الجمل وصاحبه |
بالله شوفوا هذا الجمل الجميل .. هل فيه اي شبه من جمل البلطجي؟ السمح سمح ومكمل بالسماحة والقبيح قبيح ومكمل بالقباحة !
وقد ذهب البعير ووذهب مبارك الدغيل وقالت العرب : اذا ذهب الحمار بأم عمرو فلا عادت ولا رجع الحمار
لابد من تهنئة الشعب المصري البطل ..
عمر علي حسن
|
Post: #114
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-11-2011, 09:09 PM
Parent: #112
Quote: الاتنين حلوين وكلامكم خاتي العيب |
الحمد لله أن الاستاذة اسماء احسنت الظن بي واسبغت عليّ احتراما ظللت كل عمري احاول ألا تشوبه شيهه والا اتعامل مع الاخرين الا في اطاره.
ويا اختي او ابنتي الاستاذة اسماء مقامك عندي لا يقل عن مقام الاخت والابنة وعنما علقت (هن قعدن) كنت اعني انك خرجت من البوست قبل ان تطبقي العقاب الذي هددت به الطيب وقبل ان تقبلي شفاعتي فيه . وكنت اتعشم أن تجبري بخاطري وتقولي سامحناه عشانك يا عم ..
اعود واقول لك العتبي ولا تثريب عليك . وسوف اسحب مداخلتي لاثبت حسن تفهمي لدوافعك . وللجميع خصوصا ود الكامل شكري علي المداخلات الرطبة وحفظ الود بين الناس.
تقبلي تقديري واحترامي
عمر علي حسن
|
Post: #116
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Asma Abdel Halim
Date: 02-11-2011, 11:48 PM
Parent: #114
ولسعادتكم التحية فانت كريم ابن أكرمين ============================== السيد سيف الدولة الكامل عليك بيه ودشيقوق ده أقلع لي الفيونكة الفي العمة دي
|
Post: #117
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: خالد المحرب
Date: 02-12-2011, 03:55 AM
Parent: #116
دخل الجمل جاريا وهرب عمى حسنى عاش نضال الشباب المصرى الطيب دايرين ننزلك محامى نرجع الجمل بما حمل العنكوليب
|
Post: #119
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-12-2011, 07:47 AM
Parent: #117
|
Post: #120
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: محمد المختار الزيادى
Date: 02-12-2011, 09:59 AM
Parent: #119
Quote: Quote: البرق البشيل شق السحاب الداكن مطرو مغيب القلع ابو جباها ماكن الارام تعج بعد الهدوء الساكن .. من تيقا ومشت ..شمال غرب متراكن ..
خريفك زينه ..حنتوتك شبك متطارح بدان بقرك ..تورهن بجعر قارح معزول بهمك ..مخيل من ضباع وجوارح رتع بى الوعر غنمك نباتك صالح
تحنَى وترزمى ..وتحمى الحوار اللين سحابه مقنطره ..وعكاز سراتك بين يصول فحلك يحادى وبالمصاع متطين يا ام ضرعا مكبس بالحليب متحين..
بدر خريفك ..حنتوتك تشابك نوًر .. مرح طربان غزالك ..بالعتامير شوًر.. فوق قمم الجبال نفش اقطانو هرعك دوًر ... زاهيه جميله ..جلً البارى ابدع ..صوًر ....... جادت دفقت ..سحبك سماكى انقدً سيلك مشط الوادى وزحف بى شده زايد فوق حدودو .انفرش واتمدً اخد يومين كرب ..وأفقك يعد العدًه.. ..... جادت دفقت ..سقت التراب الصايم من تيقا وتغشت البلد المسمى وخايم يجوب الافق طربا طيرك مصيدح حايم يغوص يطفح يسابق الموجه وزك عايم ..
يا سلام اخي الزيادي والله قمة في الابداع
جاييك للشرح البكيفك بس دوامي انتهى وبجيك من البيت
معزتي |
سلام للجميع عودةالبوست الى مساره مسؤلية صاحب البوست
الطيب الطيب نحن فى انتظارك للشرح والاستمتاع بفك شفرات الدوبيت ياخ تعال والله ونسة ابالة اسفيرية زى دى تفتش ليها بقروش ما تلقاها
تحياتى
|
Post: #121
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-12-2011, 11:22 AM
Parent: #120
جاييك اخي الزيادي بالمهلة
|
Post: #122
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-13-2011, 12:48 PM
Parent: #120
Quote: دخل الجمل جاريا وهرب عمى حسنى عاش نضال الشباب المصرى الطيب دايرين ننزلك محامى نرجع الجمل بما حمل العنكوليب |
لو كان لي ان اتحدث عن المصريين فانني اركز الضوء علي متضادين في طباعهم فهم يجمعون علي حب مصر وهم يجمعون ايضا علي كراهية الريس مبارك وبقدر ما يعبرون بشغف عن حبهم لمصر فانني وجدتهم خلال علاقة لصيقة لي ببعض مثقفيهم لايطيقون مجرد ذكر الرجل وكدابهم يعبرون عن شدة المقت له والضيق من افعاله بالسخرية والنكتة .. ولم تخل تقارير الامن التي ترفع لرئيس الجمهورية عن النكات التي يتداولها الشارع عن الريس واسرته حتي جاءت نكتة (المعلم علاء شريك ابويا في القهوة) قبل نحو عشر سنوات وكنت في زيارة للشاعر الابنودي بمنزله فسالت بعض الحضور: ماذا ستفعل به لو تمكنت منه .. فضحك الرجل قائلا : اركّبه علي جمل بالمقلوب واسيبه كده لحد القيامة .....
تصورت جمل البطجي وعلي ظهره الريس (مقلوبا) وهو يبرطع في ميدان التحرير ومصر كلها فطسانة من الضحك عليه والسخرية منه ..
يا اسماء عبد الحليم انني احني راسي احتراما لك وانتظر منك ان تعودي الي البوست كما عدت له احترما وتقديرا وقبولا قاطعا بكلماتك الطيبة .. كلانا يملك من النضج ما يكفيه ليميز صدق الكلمة وطيب الاصل .. وعشت
عمر علي حسن
|
Post: #123
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 01:12 PM
Parent: #122
خالي السمح
Quote: يا اسماء عبد الحليم انني احني راسي احتراما لك وانتظر منك ان تعودي الي البوست كما عدت له احترما وتقديرا وقبولا قاطعا بكلماتك الطيبة .. كلانا يملك من النضج ما يكفيه ليميز صدق الكلمة وطيب الاصل .. وعشت |
وحاة النبي النضمي السمح عندك وان شاء الله - يا خال - الصار بينك وبين بت الشيخ عبد الحليم يبقى سبب زي ما كان في وادي بغيض وميدان التحرير سبب
ههههههههههههههههههههههههههها
لقيتني كيف يا خال
|
Post: #124
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عمر علي حسن
Date: 02-13-2011, 01:53 PM
Parent: #123
والله يا ود الاصول الما بعرفك يجهلك .. وده حالتو البترول ما طلع ..
وانا ملزوم بالعقوبات التي اوكل بها ود المحرب والتي تكفل بها ود الكامل وانا كمان كفيل بجمل البلطجي الذي اشك في اصله واعتقد ان امه جايباه من بره .
تحياتي
عمر علي حسن
|
Post: #125
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Medhat Osman
Date: 02-13-2011, 01:59 PM
Parent: #124
لقطة خطيرة من موقعة الجمل
![mog3tejemel.jpg Hosting at Sudaneseonline.com](http://www.sudaneseonline.com/uploadpic11/Jan/mog3tejemel.jpg)
|
Post: #126
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عزام حسن فرح
Date: 02-13-2011, 02:08 PM
Parent: #120
Quote: قيدك يِكَشْكِش مو بِجْدعوهو في ماشا عينك مِتْل الجمره بِوْصلوها بِماشا عُلوقك وسرحتك في البهم مو ماشا عجيب وكُلك طِب ومنك نَسَو قُماشا |
Quote: عليك النبي تجي تشرح لينا الكلام دا |
- (قيدك يِكَشْكِش) لأن قَيِد الجمل مِن حديد ولا يُرْبط بِحبْلٍ كما تُربط الدواب الأخرى، فإذا ما ذهب بِقَيْدِهِ، صلْصل الحديد أي كَشْكَشْ.. قال الشاعِر: [سيدك ما بِخاف إن كشْكشولو الخيل*** ومو خايف على روحًا وراها نِكير.
- (بِجْدعوهو في ماشا) والقيد لا يُثبت في (ماشا) وهو عود يُغرز بالأرض ويُربط فيه حبل الدواب.
- (عينك مِتْل الجمره بِوْصلوها بِماشا) والماشا هو ملقط يلقط بِهِ الجمر.
- (عُلوقك ...) والعلوق هو: العلوف، وهو أن تُعْلِف الناقة أو الشاة ولا تُرْسِلُها لِلمرعى لِتُسمِنُها. وقال مادِح سيدي الرسول: [إن مرّ بِبلدًا صَيفا من شان قدومه خرفا اليابس المِتْهَلّفا خدر وماح وعَلّفا المتهَلِّف المتناهي يبسا]
- (... سرحتك في البهم مو ماشا) تسرح (ترعى) الألْبِل (الإبِل) في الصعيد الوحشي بينما ترعى الأغنام (الضأن/الماعِز) في حرم الٌقرية أو في مُخلفات الزِراعة. قال الشاعِر: [لكِن هي صيدا وبَطّلت سَرَحانا]
- (عجيب ...) وعِله عجبي، لما نظرت إلى <... الإِبِلِ كَيْفَ خُلِقَتْ > الغاشية 17
- (... كُلك طِب ...) وقد ورد في الطِب النبَوي الشريف فوائِد ألبان وأبوال الإبِل وهو أخف اللحوم.
- (... منك نَسَو قُماشا) أي مِن وبر الإبِل نعمل (نسو) الأقْمِشة وأقْمِشة البوادي هي الشُقاق (خِيام الشَعْر) وهي الغِطاء (فرش نوم/لُباد السرج ومسند المحَوِية) ومِنها الشمله (التي تشتملُها المرأة... بطِلو حركات إنتو عارفين وين بتشْتمل المرأة الشمله.. الله لا بارك فيكم) ومِنها الخُرج وهو العَدَل الذي يكون على جنبي البعير ومِنْها غَير ذلِك.
هسِع يا ود شيقوق الله ده لو أكان جابني "عربي" ظنك شِنْ بَسَو بي ها اللغَوا؟ غايتو ظني بجيب نضمي أخير مِن [الفيل وما أدراك ما الفيلُ، ذيْلِهِ قصير]
|
Post: #127
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 02:42 PM
Parent: #126
Quote: والله يا ود الاصول الما بعرفك يجهلك .. وده حالتو البترول ما طلع .. |
هههههههههههها والله ضحكتني ضحكة لحدى شكيت في نفسي قلت جنيت طااااااااب
ما تخاف يا خال ابنك ثقافتو هجين بين حضارات ناس المرتضى واتجاهات دخول الحلاليف اوكارها ليلا ام نهارا
|
Post: #128
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 02:46 PM
Parent: #127
شكرا شكرا يا مدحت على الصورة المعبرة حقيقة
|
Post: #129
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 03:26 PM
Parent: #128
عزام الفحل
Quote: - (قيدك يِكَشْكِش) لأن قَيِد الجمل مِن حديد ولا يُرْبط بِحبْلٍ كما تُربط الدواب الأخرى، فإذا ما ذهب بِقَيْدِهِ، صلْصل الحديد أي كَشْكَشْ.. قال الشاعِر: [سيدك ما بِخاف إن كشْكشولو الخيل*** ومو خايف على روحًا وراها نِكير.
- (بِجْدعوهو في ماشا) والقيد لا يُثبت في (ماشا) وهو عود يُغرز بالأرض ويُربط فيه حبل الدواب.
- (عينك مِتْل الجمره بِوْصلوها بِماشا) والماشا هو ملقط يلقط بِهِ الجمر.
- (عُلوقك ...) والعلوق هو: العلوف، وهو أن تُعْلِف الناقة أو الشاة ولا تُرْسِلُها لِلمرعى لِتُسمِنُها. وقال مادِح سيدي الرسول: [إن مرّ بِبلدًا صَيفا من شان قدومه خرفا اليابس المِتْهَلّفا خدر وماح وعَلّفا المتهَلِّف المتناهي يبسا] |
صحيح يا العشاء بس العلوق بيكون دائما وقت المغربية او الصباحية وليس بالضرورة ان تكون البهيمة مربوطة على طول - والعلوق دائما بيكون من الذرة او الدخن او الامباز او القصب .
Quote: هسِع يا ود شيقوق الله ده لو أكان جابني "عربي" ظنك شِنْ بَسَو بي ها اللغَوا؟ غايتو ظني بجيب نضمي أخير مِن [الفيل وما أدراك ما الفيلُ، ذيْلِهِ قصير] |
هههههههها ات هسع ساعل ليك في عربي ؟ ما تخاف ات مسنود بجدك سيبويه وخالك البخاري
|
Post: #130
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: Abdlaziz Eisa
Date: 02-13-2011, 03:33 PM
Parent: #129
شيقا
شابكني طنيش!!
الله في
|
Post: #131
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عزام حسن فرح
Date: 02-13-2011, 03:37 PM
Parent: #129
Quote: ما تخاف ات مسنود بجدك سيبويه وخالك البخاري |
إذن طالله إني في عُجْمتي يا الطَيِـب لعريق مه،وما ضرني وإني أعْتمِرُ وأظل لِلحج حليق ولنا أرضُ تِحْنانٍ وطينٌ وفيه نخلٍ كان وريق أحسبتُم كُـنـا قبلكُم في تيهٍ أم كُنا كالغريق؟
شكيتك على الخلق الضُبان
|
Post: #132
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: عبدالبديع عثمان
Date: 02-13-2011, 03:38 PM
Parent: #129
لو رأى شاعرنا الفحل ودشوراني هذا العنافي لردد فيه رباعيته الشهيرة
نسل اب صيدة والكسار ولاد الحوري اجدع فوق يمينك فك طريق اللوري على الحتمنا نرقد قصرها الجمهوري قد سرجك عوى ودق الوتر منصوري
|
Post: #133
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 08:18 PM
Parent: #132
افو افو افو دا وين يا العشاء؟ خلاص زهجت من الغربة قبلت على
|
Post: #134
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: سيف الدولة كامل
Date: 02-13-2011, 08:42 PM
Parent: #133
CENTER]![](http://) والله الجمل هرس الزول ده يا الطيب
|
Post: #135
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: سيف الدولة كامل
Date: 02-13-2011, 08:44 PM
Parent: #134
[/IMG]
|
Post: #136
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 08:54 PM
Parent: #135
ود الكامل
Quote: والله الجمل هرس الزول ده يا الطيب |
والله كتيرة منك يا سيف اخوي تعرف الجمل
|
Post: #137
Title: Re: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب
Author: الطيب شيقوق
Date: 02-13-2011, 08:56 PM
Parent: #136
ود الكامل
قلت لي حصل شفت الجمل ولا انت حلبي من ناس نمرة 2 سااااااااااااااي؟
|
|