وثيقة تكشف (خطة عمل) و(أسلوب التحرك ) المزمع للمتظاهرين في شوارع الخرطوم

Quote: يتم اختيار قاده للمظاهره من الاقوياء توزيعهم على المظاهرة وكل ماذاد عدد المتظاهرين الناس تتزوع فيهم وتحاول ايجاد زياده من من تتوخى فيهم القياده الصف الامامى ضرورى وجود خمسه من القاده اقل شى اثنين او ثلاثه ظهرهم على المظاهره لمراقبة الناس البنضمو للمظاهره اى انسان تشكو فيه بالرجاله رجعوه شويه فى حالة قبض احد الناس ماتجرى بل تجرى على ناس الامن التسلح زيهم بالعصى او الخراطيش لكن ما تظهروها الا اذا بدو بالعداوه الخرطوش يلف فى الوسط ويغطى بالقكيص يعنى زى الحزام مايزيد طوله عن 75 سم توحيد الهتافات وشوفو الشعارات البتخاطب عواطف الناس واذكرهم بسواءات الحكومه زى الغلاء والجوع يابوليس ماهيتك كم رطل السكر هسه بكم لاخضوع لحكومة الجوع او لاركوع لحكومة الجوع لاتعليم مع التاليم حمل قوارير البيبسى عبوات بلاسنيك عدم لبس قمصات بالوان شاذه يفضل البيح والبلو الفاتح لبس الاديداس والجزم بقدر الامكان الشباشب تعيق اى شى حمل مناديل البشكير افيد والبنات الاشاربات القطنيه السير فى اتجاه الريح اخابرو اتجاه الريح قبل التحرك فى حالة هجزم عدد كبير من ناس الامن الناس تقعد فى الشارع ولو هجمو عليكم حاولو تخليص الناس وما نجرو الناس تتماسك مع بعض ومحاولة المقاومه لا خشو التهديدات فهم لايحملون سلاح ولا عندهم امر اطلاق نار محاولة تنفيس سيارات الامن كل ما غفلو منها او حشر قماشس فى العادم السيارات ما بتتحرك لو عايزين تسيحو مكنة سياره بس كبو موية سكر فى الكربيتر ذوبو سكر فى ماء او اى عصير وافتحو الكربيتر وكبوه جوه طوالى بسيح المكنه المتاريس مهمه براميل الزابله وارمو جواها استك واشعلو فيها النار لو جدعو فيكم بنلان اجرو عليه ورجعوه هم برجعو برضو وما بتقدمو شيل البنبان من الجهة التى لاتخرج الغاز واجدعو عليهم لانهم هم بجدعو البمبان وبجو جارين على الناس محاولة تصوير الضرب من قبل الامن والعنف كنابة رقم السيارات الملاكى والبكاسى مهم فهو يفيد لازم من مخبر يسير خلف سيارات الشرطه ويبلغ الموكب بخط سيرهم محاولة الوصول للاماكن المودحكه بقدر الامكان المزدحمه يجب تحذير الناس من عدم التخريب والممتلكات سواؤ ان كانت حكوميه او شخصيه مررو السيارات لتنالو تعاطف الناس الشرطه لاترمى بالبمبان الفيها مدنيين كثيرين وقرب المستشفيات القاده يجب ابلاغ الناس لو نجحت الشرطه مثلا فى تفريق المتظاهرين تحديد الجامعات اماكن اخرى للتجمع فرادى او قرب الاماكن المزدحمه ولكن التجمع فرادى واحد واجد والنتشار فى الجامعه او المكان المتفق عليه القيادات لو شكيت انو فىزول منابعك اقيف دايما جنب اى محل فيه قزاز وتابع الشخص بالقزاز فى اقيف فى اكتر من محل لانك حا تعرف لو زول متابعك الشخص الذى يتابعك حا تنعكس صورتو فى القزاز وما بتحتاج تتلفت غير الطريق الذ1ى تسلكه دايما استعملو المواصلات فى التحرك من المنزل والمشى بالاماكن المزدحمه فى حالة السير كدترى عدم استعمال الاسماء اثناء التظاهر بس ياكوتش يا فرده يا شيخ او اى اسم حركى واتفقو على مسمى للقايد يا ثعلب يا اسد او اى اسم والباقين باى اسم حركى على فكره البنات فيهم شجاعات جدا وهم لا يضربون البنات مهمت فعلن وحتى لو تفو ليهم فى وشهم المهم يهجمو ويكونو كتار زول يجرى مافى طوالى اقعدو فى الارض قريب بعض لو حاولو جر شخص اتماسكو فيه كلكم ومحاولة نزع سوط العسكرى او هراوته هددوهم بنلاقيكم وبنعرف بيتكم وحا نسوى ليك وكده

تعيشوا وتاخدوا غيرها

Quote: لو عايزين تسيحو مكنة سياره بس كبو موية سكر فى الكربيتر ذوبو سكر فى ماء او اى عصير وافتحو الكربيتر وكبوه جوه طوالى بسيح المكنه

هى الناس قادرة تشتريهو لحدى ما يكبوهو فى الكربيتر كمان ..

والله الكيزان ديل شاطرين شطارة

رينا يديهم على قدر عقلهم

سلاااااااااااااام يا ود المجمر

Quote: والله الكيزان ديل شاطرين شطارة رينا يديهم على قدر عقله

هو كان ما شاطرين كان حكموا البلد كم وعشرين سنة بيد من حديد
ومنو غيرهم خلى ريحة المعارضة طير طير

<a href="http://www.sudaneseonline.com/cgi-bin/sdb/2bb.cgi?seq=post&board=320&msg=1296831638&rn=3" target=_self>Re: سري وهام للغاية السلطات المصرية تستنجد بالبلطجية في...مسيرة الشعبية - صورة

Quote: ذواليد سليمان مصطفى

اووووووووو
رجعت يا شاعر الغفلة!!!!!!!!!!!!
داك شنو الانت هببته داك
شايفه ياسر بيناوي جابو ليك بي صمته هنا
واقول ليك : مد رجليك على قدر لحافك
وقع ليك !!!!!!!!!!

أوووووووووو عاش من شافك يا قريبي

Quote: هى الناس قادرة تشتريهو لحدى ما يكبوهو فى الكربيتر كمان .

ويجي يدعوا انو المظاهرة ضد غلاء اسعار السكر والزيت والدقيق

يعني في الـــ كم وثمانين نفر القرو البوست ديل مافي زول فيهم حيجي يقول لي
كلامك دا ما صحيح او مفبرك وووووو
يعني انا اقرط على كدا
واشيل ورقي دا وامشي بيه اقرب نقط جهاز امن

طيب على الاقل خلوني اشكر صاحبي اللي جاب لي الكلام دا
وكل مظاهرة وانتو طيبين

ميادة
تحياتي

بقيتي من أخوات الشيطان الورقه دي حقت الحمر وانت طبعا صفرا وقصيرة وين لقيتي الورقة دي يابت

زهير يا وغد
إزيك يا عارض

Quote: الورقه دي حقت الحمر

الحمر ديل منو!!!!!!

Quote: وانت طبعا صفرا وقصيرة

لييييييييييييه اشانة السمعة دي يا وغد
شنو قصيرة دي
ههههههههههههه

Quote: وين لقيتي الورقة

مثلي لا يسال عن مصدر

Quote: يابت

بت لم تبتك
ما اسمي يا بت

Quote: يعني في الـــ كم وثمانين نفر القرو البوست ديل مافي زول فيهم حيجي يقول لي كلامك دا ما صحيح او مفبرك وووووو

بافتراض انو الكلام ده صاح ..

المشكلة في شنو يعني ؟؟

مواطنين وعاوزين يعبروا علن رأيهم بالتظاهر ويريدون حماية أنفسهم من عدوان أجهزة السلطة الغاشمة

المشكلة وين يعني ؟؟

Quote: يجب تحذير الناس من عدم التخريب والممتلكات سواؤ ان كانت حكوميه او شخصيه

كلام متحضر جدا ,عيبي لي؟؟

وعاش نضال الشعب السوداني.

ازيك يا ميادة
وطالما هنالك حرية يبقى حق التظاهر مكفول مش كدا ولا كيف
عموما بن على قال الاتى
هزى من اللجوء للكرتوشا الحى
هزى من الكرتوشا الحى ... لانو مالوش لازمة
وايضا قال
ترانى باش نعمل على دعم الديمقراطية وتفعيل الحرية ..
شكلك ما ذاكرتى ولا ناسك كلااام بن على
جد كلااام مهم شديد
واكرر هزى من الكرتوشا الحى
لانو الدم بيجيب باقى الناس
ولكل بداية نهاية وانت سيدة العارفين
او ياخ خلاااص كفاكم كدا ... والما شبع يشيل من جيب اخوه كما قال
على عثمان ... الفى جيب اخوى حقى ,,, والفى جيب على لعلى فقط


قاسم المهداوى
هامش
مفردات بن على عايزة شرح صاح ...؟؟؟

Quote: هو كان ما شاطرين كان حكموا البلد كم وعشرين سنة بيد من حديد

شفتوا الشطارة (أم حديد) دي كيف؟

Quote: ازيك يا ميادة

كيفكم يا المهداوي
ونسال الله ان يحفظ ارواحكم ومالكم
أظنك من بورداب مصر مووووش كدي !!!!
خلوا بالكم من نفسكم
وان شاء الله دائما كل البورداب اللي في مصر تامين ولامين

Quote: وطالما هنالك حرية يبقى حق التظاهر مكفول مش كدا ولا كيف

وفي زول قال غير كدا
ياسيدي حق التظاهر مكفول
والشوارع مفتوحة ليهم
ولو دايرين حجار ومتظاهرين نعمل ليهم انزال جوي

إلا انني قصدت بكشف الوثيقة انو اثبت ليكم انو عضمهم لسع طري
ولا يرتجي منهم شئ

ميادة
سلاام تانى

Quote: كيفكم يا المهداوي ونسال الله ان يحفظ ارواحكم ومالكم أظنك من بورداب مصر مووووش كدي !!!! خلوا بالكم من نفسكم وان شاء الله دائما كل البورداب اللي في مصر تامين ولامين

شكرا يا ستى على الزوق العالى والاحساس الرفيع بالاخرين
ولكن كنت حابب لو انك سالت عن احوال كل السودانيين بمصر وليس البورداب فقط
اذ ما يهمنا هو سلامة الكل معارض او لاجىء او حتى افراد البعثة الدبلوماسية (الدقنقاسية )
ولا موووووو كدى !!!! لانى ما حابب تكونى كسفارة السودان بالقاهرة تهتم بمن يبادلونها الضحكات حتى ولو كانت صفراء
وتكره البعض الاخر ولا كيف ؟؟؟

Quote: وفي زول قال غير كدا ياسيدي حق التظاهر مكفول والشوارع مفتوحة ليهم ولو دايرين حجار ومتظاهرين نعمل ليهم انزال جوي

عارفة اولى درجات التعافى من امراض الدكتاتورية والانفكاك من أسر الاوامر التنظيمية
هو الاعتراف بحق الاخر فى التعبير عن الراى والرؤى والافكار
وياريت يكون تعافيك هذا نابع من تبيان الجقيقة وليس بفعل الظروف الراهنة
وتلك التونسية التى كشفت زيف وورقية القبضة الامنية الراقدة فى السهلة رقاد طير (الرهو )
عارفة
التحرر من الخوف الموروث والخوف الطبيعى هو بداية النهاية ؟؟؟ ولا كــــيف
بشكل عام مكرر الشكر لك على السؤال عن الحال والاحوال اما( المال ... دى واسعة شوية )


قاسم المهداوى

Quote: انى ما حابب تكونى كسفارة السودان بالقاهرة تهتم بمن يبادلونها الضحكات حتى ولو كانت صفراء وتكره البعض الاخر ولا كيف ؟؟؟

ما اهو دي انا سالتك عليكم انتو بالرغم من اني يوووم كدا ما لقيت منكم وش حلو
فكيف تشبهني بالسفارة التي تسال عن من يبادلونها الضحكات فقط




ثانيا : حضرتك ظلمت السفارة
فقد قرانا ان السفارة اهتمت لدرجة انها ناشدت الجالية السودانية بمصر بالاتصال على ارقام مسؤولين اثنين كبارفي السفارة (انا قريت ارقامهم في الشريط الاخباري للتلفزيون القومي بتاعنا) احدهما تلفون مسؤول شؤون الجالية هناك(منشور تلفوناتهم المحمولة الخاصة) .... وهذا ما لم تقوم به اي سفارة اخرى في مصر
فكونك يا مهداوي او غيرك ما بتفتحوا تلفزيون السودان الكحيان دا
فدي مشكلتكم

سلااام تانى يا ميادة
ويا ستى حقك علينا سابقا ولاحقا
وجزيل الشكر على السؤال جد جد ما بكش ساكت

Quote: ا : حضرتك ظلمت السفارة فقد قرانا ان السفارة اهتمت لدرجة انها ناشدت الجالية السودانية بمصر بالاتصال على ارقام مسؤولين اثنين كبارفي السفارة (انا قريت ارقامهم في الشريط الاخباري للتلفزيون القومي بتاعنا) احدهما تلفون مسؤول شؤون الجالية هناك(منشور تلفوناتهم المحمولة الخاصة) .... وهذا ما لم تقوم به اي سفارة اخرى في مصر فكونك يا مهداوي او غيرك ما بتفتحوا تلفزيون السودان الكحيان دا فدي مشكلتكم

انت بتصدقى كل شريط طاير فى تلفزيون الكيزان دا (عفوا) السودان
ياخ والله دى اشكالية كبرى والمنشور فى الشريط هو خاص لاعضاء البعثة ومكتب المؤتمر الوطنى بالقاهرة
اما تلفزيون السودان الكحيان ودى كويس انها جات منك وهو طالما اضحى كحيان فيكفى ذلك
مكرر الشكر والتقدير لك


قاسم المهداوى

مياده التحيه لك ولاؤلئك الناشطون ، المدافعون عن الجلاد بقدر سخاء الجلاد تجاههم.

Quote: يعني في الـــ كم وثمانين نفر القرو البوست ديل مافي زول فيهم حيجي يقول لي كلامك دا ما صحيح او مفبرك وووووو

استغرب عندما اجدك تتطالبين وتستجدى زوار البوست بالتعليق ، وفى الوقت نفسه اراك
تستعصميين بالتعليق وتوضيح موقفك او رأيك حوله.

سلمية سلمية سلمية...
نطالب بالتغيير والإصلاح السلمي
لا نقبل أن تسيل نقطة دم واحدة لا من المعارضين ولا من زبانية المؤتمر الوطني
الكل مواطنين سودانين وإن جاروا....

Quote: التسلح زيهم بالعصى او الخراطيش لكن ما تظهروها الا اذا بدو بالعداوه الخرطوش يلف فى الوسط ويغطى بالقكيص يعنى زى الحزام مايزيد طوله عن 75 سم

يظهر أنك عاوزة حمامات دم
هل تدري أن الضحية الذي يمكن أن تراق دمائه يمكن أن يكون قريبك ؟ فهل تقبلي أن يموت قريبك لتحققي مكاسب دنيوية زائلة؟؟
يجب أن تعملي بنصيحة الرئيس وتغتسلي وتراجعي دينك....

سؤال هل تربطك صلة قرابة بدراكولا؟؟؟؟؟

المرأة الطبيعية دائماً عاطفية وحنينة ولا تنادي بإهدار الدماء فهي الأم والأخت والزوجة والإبنة....
أشك في أنوثتك...
يا لك من بائسة...



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: يظهر أنك عاوزة حمامات دم هل تدري أن الضحية الذي يمكن أن تراق دمائه يمكن أن يكون قريبك ؟ فهل تقبلي أن يموت قريبك لتحققي مكاسب دنيوية زائلة؟؟ يجب أن تعملي بنصيحة الرئيس وتغتسلي وتراجعي دينك....

لا حولاااااااااااا ولا قوة الا بالله
صحي الفهم قسم
وانا ما فاضية ابقى ليك فهامة
لكن اديك معلوومة
أقرا البوست كويس وتعال خُش وعلق
ومعروفا مني ليك انا جبت ليك/م خطتهم بيييييييييييي صمتها
يعني الكلام الانت اقتبسته ما من عندي انا
دي خطة من تسول لهم انفسهم الخروج للشارع
وانا تحصلت على الوثيقة وجبتها ليهم هنا عشان يعرفوا انو ممكن نجيب معلومة من جوووووه من عندهم





ــــــــــــــــــــــــــــــ
نصيحة مرة اخرى
اقرا عنوان البوست كويس

تحياتي يامياده
ممكن الوثيقة (بلاش المصدر)
وبعدين معاكم انتم والقبضة الحديدية والشيوعين ديل ؟
يعني كل السودان موتمر لا وطني وشيوعين وبس؟
الزعيم الراحل مبارك خائف من مجيء الأخوان للسطلة إذا راح
وأنتم أختزلتم كل شعب السودان المعارض للظلم والفساد ، الظلم الذي لا يبدأ بالاعتقال والتعذيب ولا ينتهي بالموت والسحل وتقطيع الأوصال كما يحلو لنافع وقوش وزيد وعبيد والعوير الذي لا يخفاكم . في الشيوعين ؟
حسن مبارك راح فيها
وحتما العوير عالطريق
قال قبضة حديدية
الشفيع
قبل المغادرة
كم عدد المعتقلين طرفكم ؟

Quote: على فكره البنات فيهم شجاعات جدا وهم لا يضربون البنات مهمت فعلن وحتى لو تفو ليهم فى وشهم

وشهد شاهد من أهلها

Quote: وشهد شاهد من أهلها

كان اهلها ما عارف .

Quote: كان اهلها ما عارف .

شكرا على مرورك يا دكتور سيف

Quote: وشهد شاهد من أهلها

صدقت والله يا استاذ بركات**




ـــــــــــــــــــــــــــــــــــــــــــ
** جيت السودان ولا لسع
ياريت نتشرف بمقابلتك

http://www.facebook.com/photo.php?fbid=109541202454640&...0001962835558&ref=nf

ميادة: سلامات

أهم بنود الخطة ما وضحتيها و هي كالتالي نقلاً عن أحد حكماء المعارضة:

Quote: الاسلم للشباب هو التجمع في داخل الاحياء و طرق ابواب البيوت و الدعوة للخروج للشارعو توزيع المنشورات علي نطاق واسع، منشورات تدعو بقية المواطنيين للخروج الي الشارع و عدم الرجوع نهائيا الي داخل البيوت.

تخيلي المنظر... أناس يستجدون المواطنيين للخروج للمظاهرة.. هذه آخر ما وصلت إليه المعارضة الاسفيرية من أفكار

تخيلي واحد قاعد في أمان الله بيتفرج في التلفزيون يسمع خبط على الباب

يفتح الباب .. نعم خير انشاء الله
والله يا عم عندنا مظاهرة!!
و بعدين؟
عايزينك تطلع معانا
أطلع معاك عشان شنو؟
عشان تتظاهر..

و نكمل...