لمن فقدوا التقاط بث (قناة الجزيرة) على القمر (نايل سات) إليكم ا(لتردد الجديد) على (نفس القمر)

لاحظنا اختفاء قناة الجزيرة من على القمر الصناعي نايل سات بعد ان طردتها الحكومة المصرية من الاستضافة على القمر الصناعي نايل سات المملوك للحكومة المصرية

الا انه يمكنكم التقاط بث قناة الجزيرة على نفس القمر الصناعي نايل سات بالتردد الجديد التالي :
11555


ـــــــــــــــــــــــــــــ
سؤال للقانونيين:
هل بامكان قناة الجزيرة مقاضاة الحكومة المصرية نتيجة للضرر الذي لحق بالجزيرة نتيجة للتشويش الذي طال بث القناة على ذلكم القمر؟؟؟

نظام بحرش ناس الجزيرة وكده
ههههههههه

Quote: الا انه يمكنكم التقاط بث قناة الجزيرة على نفس القمر الصناعي نايل سات بالتردد الجديد التالي : 11555

ميادة كيف حالِك؟ علك طَيبة

شكرًا.. والله فكيتي لي حيره



ــــــــ
التقول شفتك في التلفزيون، في مؤتمر "علي عثمان محمد طه" قبل يومين كده

Quote: التقول شفتك في التلفزيون، في مؤتمر "علي عثمان محمد طه" قبل يومين كده

أيوووو آيلنا
آي مندو شوغلي
آوليقوقوني مؤتمر صحفيقا رتبوكوي
شد كجنهيسي لاحيظوا!!!!!!!!!!

ههههههههههههه





ـــــــــــــــــــــــــــ

ان شاء التردد لفق معاك يا قريبي

Quote: سؤال للقانونيين: هل بامكان قناة الجزيرة مقاضاة الحكومة المصرية نتيجة للضرر الذي لحق بالجزيرة نتيجة للتشويش الذي طال بث القناة على ذلكم القمر؟؟؟

الجزيرة هينة.. أهم عندهم من الأموال ما يجعلهم يبثون قناتهم على أي قمر

رأيك شنو في "الناس" الحاولوا تخريب موقع بكري أثناء الدعوة للتظاهرات في السودان

بكري ده زول مسكين يلقط فيها بجاي وبجاي عشان يعمل ليكم محل تتلموا فيهو وتتعلموا العربي والانشاء والإملاء ومنو برضو تشتهروا وتشتغلوا في الحكومة..

Quote: رأيك شنو في "الناس" الحاولوا تخريب موقع بكري أثناء الدعوة للتظاهرات في السودان بكري ده زول مسكين يلقط فيها بجاي وبجاي عشان يعمل ليكم محل تتلموا فيهو وتتعلموا العربي والانشاء والإملاء ومنو برضو تشتهروا وتشتغلوا في الحكومة..

وهل عندك دليل انو التابعين للحكومة هم اللي وراء تخريب الموقع؟؟؟؟؟؟
ولييييييييييييه ما يكون بعض أنصارالمعارضة هم اللي وراء دا
عشان توقعوا بين بكري وبين انصارالحكومة
فالمانع شنو انو الخريب دا يكون واحدة من اساليب المعارضة ال ق ذ رة في النيل من منسوبي الحكومة في الموقع!!!!!!!!!!!!

Quote: وهل عندك دليل انو التابعين للحكومة هم اللي وراء تخريب الموقع؟؟؟؟؟؟ ولييييييييييييه ما يكون بعض أنصارالمعارضة هم اللي وراء دا عشان توقعوا بين بكري وبين انصارالحكومة فالمانع شنو انو الخريب دا يكون واحدة من اساليب المعارضة ال ق ذ رة في النيل من منسوبي الحكومة في الموقع!!!!!!!!!!!!

أبداً وحاتك ما عندي دليل

لكن عندي " مـخ " بيعرف يميز الحاجات كويس !!

Quote: أبداً وحاتك ما عندي دليل

البينة على من إدعى يااااخ
وطالما ما عندك دليل
تسكت بس
وما ترمي الناس بالباطل
ولا شنو !!!!!!!!!!!!!!!!!!!!!

Quote: أيوووو آيلنا آي مندو شوغلي آوليقوقوني مؤتمر صحفيقا رتبوكوي شد كجنهيسي لاحيظوا!!!!!!!!!!

البركه المرقتي إنتي.. كيْتًا فوق بِت إبراهيم.. جابت لي جبنتي وقنبت حداي، كُنت فاتِح السودان فجأة ظهر في برنامِج زِراعي واحِد قريبي، قُلت ليها ده سِري.. قلبت المحطة على النيل الأزرق على ما أظُن، لقيت "علي عثُمان محمد طه" بِناضِم وكالعادة كُل كِلْمتين تلْقيهو يِبلِع في ريقو ويِدَش كَدي على الملأ التقول ماكِلو خروف، يِناضِم ويِسبِل فوقو عِيونو، يعني كُل كِلمة تلقيهو يِغَمِد عِويناتو.. ما علينا.. في لحظة الكاميرا جالت في البكان، لاحظتك -شد كجنهيسي لاحيظوا- قُلت لِبِت إبراهيم دي حتو سري إسمها "ميادة" -بتذكر إني أديتا ليك كوز، قُلت ليها، بِت عم كمال- والله بِت إبراهيم حدرتني حدره وزمت براطِما، المعنى يعني: [هو شنو هو البطلع فوق التلفزيون كلو سِرك] قُلت في سِري ماف داعي أغاليتا ويضيع العشا في حاجة ما حأقدر أثبتا ليها وأنتصِر، غايتو أرب ديل حقار خلاس

ميدو ازيك يا اخي
قلت لي متابعه سقوط مبارك على الجزيره انت وحكومتك اظن....اها ان شاء الله تفرحوا قريب.

ونفرح نحن بعدكم بمتابعة سقوطكم على العربيه...ووقتها بالله ما تحاولوا تشوشوا
عليها برضو...لانه حنشوفها مهما تعلموا.

أوووووووووووو تراجي مصطفى
إزيك يااااخ
والبركة فيكم في سودانكم الجديد ياااااخ
من ايام الاستفتاء ما لميت فيك في بوست وكدا
وان شاء الله تكونوا لميتو صيوان السودان ا الجديد اللي بي هناك داك ياخ
تصدقي ما ليه لزوم بعد دا
يلا يلا لملموا الكراسي ورشوا الواطة ونضفوا ال و س خ من الشارع وكده

Quote: ميدو ازيك يا اخي قلت لي متابعه سقوط مبارك على الجزيره انت وحكومتك اظن....اها ان شاء الله تفرحوا قريب.

وما يسقط مبارك ولا يولع المصريين كلهم بي جاز
تعرفي كرهي للشعب المصري زي كرهي للصهاينة اصحابك ومعاهم الفلسطيين

وحياتك قالو ليك اكبر مظاهرة طلعت في شوارع الخرطوم
ما تامة ليها عشرين نفر
ولا المواطنين .... قالوا ليك بيضحكوا في المتظاهرين وبي دعواتهم للتظاهر

نصيحة اخوية
اوعك تكوني معتمدة على التقارير المضروبة البتترفع ليك عن المظاهرات في السودان
حيغطسوا حجرك زي ما غطستوا حجر السودان الجديد
لووووووووووووووول ليكا

Quote: ونفرح نحن بعدكم بمتابعة سقوطكم على العربيه...ووقتها بالله ما تحاولوا تشوشوا عليها برضو...لانه حنشوفها مهما تعلموا.

Quote: "علي عثُمان محمد طه" بِناضِم وكالعادة كُل كِلْمتين تلْقيهو يِبلِع في ريقو ويِدَش كَدي على الملأ التقول ماكِلو خروف، يِناضِم ويِسبِل فوقو عِيونو، يعني كُل كِلمة تلقيهو يِغَمِد عِويناتو.

يا قريبي
الزول دا من شدة ما هو مهذب مااااااااا ظنيته يعمل زيي ما انت بتقول

Quote: ويِدَش كَدي على الملأ التقول ماكِلو خروف،

Quote: يِناضِم ويِسبِل فوقو عِيونو، يعني كُل كِلمة تلقيهو يِغَمِد عِويناتو.

إلا ليه الحق والله
لانو شيال تقيلة الحكومة
وباقي النضمي يجي بعد نضمي الشيخ علي عثمان
مع انه (قليل كلام كثير افعال)


وكمان يااااا قريبي
شيخنا علي عثمان بيكون غمد عويناتو من شدة التعب والجري
وكمان ما تنسى انو الراجل مووو هييين
كل الملفات الكبيرة والتقيلة في إيدو
الله يديه العافيه
ودعواتك ليه يا عزام يا قريبي

Quote: ودعواتك ليه يا عزام يا قريبي

(هُنا دعيت على "علي عثمان محمد طه)

Quote: شيخنا علي عثمان بيكون غمد عويناتو من شدة التعب والجري وكمان ما تنسى انو الراجل مووو هييين كل الملفات الكبيرة والتقيلة في إيدو

مين وكلو علينا، فينا مين الجابو؟
تلب فوق كنكوجنا سوا فينا ألعابو




ــــــــــ
التعديل لشطب دُعائي على "علي عثمان محمد طه (علشان ميادة حلفتني بِصلة الرحم)

شكرا يا عزام يا الغالي

شكرا ميادة فعلا كنت ضايع زى أسبوع تمام من هذه القناة ،، والآن فقط أستعدلت معاى ،، رغم أننى زعلان منها شديد لتجاهلها التام لأحداث السودان رغم صغر حجمها إلا إنه كان بالأمكان أن تشير حتى فى أخبارها الخلفية بما يدور هنالك ،،

المهم شكرا لكى على المعلومة وأشتغلت معاى تش ،،

ماهر

Quote: شكرا ميادة فعلا كنت ضايع زى أسبوع تمام من هذه القناة ،، والآن فقط أستعدلت معاى ،، رغم أننى زعلان منها شديد لتجاهلها التام لأحداث السودان رغم صغر حجمها إلا إنه كان بالأمكان أن تشير حتى فى أخبارها الخلفية بما يدور هنالك ،، المهم شكرا لكى على المعلومة وأشتغلت معاى تش ،، ماهر

أهلا بيك يا استاذ ماهر
وسعيدة انا بي مرورك من هنا
وحمد الله على السلامة يااااخ

ميادة

كيف الحال

مسؤولة من الخير القناة السودانية دي دحين ما في زول كلمها بالحاصل في مصر، والله عيب مصر دي ما ياها اخت بلادي يا شيققة

Quote: مسؤولة من الخير القناة السودانية دي دحين ما في زول كلمها بالحاصل في مصر، والله عيب مصر دي ما ياها اخت بلادي يا شيققة

حاتم سليمان باااااااااااالغ لكين
ولا حكاية المسلسل المصري البتجي الساعة 9بليل
هههههههههههههه





يمكن شغال بي فهم (إن ما يحدث في مصر شان داخلي)