بعد هذه الممارسات الوحشية من قبل رجال الشرطة يبقى هذا السؤال!!

جد يعني

بصرفو مرتبات كم

بضربوا الناس بصورة ادتني احساس انو بصرفوا ليهم مبالغ طائلة

وانو خروج هذه الجماهير يتعارض مع مسيرة عيشهم المبحبح والذي يخشون

عليه الضياع.

طبعا ما ممكن اقتنع بانهم كيزان. لاني لغاية الان ما قادر اقتنع

انو في بني ادم ممكن يبقى كوز .... حتى الكيزان نفسهم انا ما مقتنع

انهم كيزان...... الكيزانية دي حرفة ابليسية ليس للبشر علاقة بها

او هكذا اؤمن.

الخير

كيفنك

يازول مالك ومال بلاليس السودان..خلوا الخلق لخالقها!

Quote: طبعا ما ممكن اقتنع بانهم كيزان. لاني لغاية الان ما قادر اقتنع انو في بني ادم ممكن يبقى كوز .... حتى الكيزان نفسهم انا ما مقتنع انهم كيزان...... الكيزانية دي حرفة ابليسية ليس للبشر علاقة بها او هكذا اؤمن.

ابو الخيرات ..يا حبيب مشتاقين..

تعرف انت بقدر ما قرفان منهم شكلك دخلت في denial

بالضبط زي البوليس البدق في الناس بحماس ليخرج غبائن وضعه المزرى عليهم..

اذا مغالطني ممكن ارسل ليك كوز يسكن معاك..::))

والعياذ بالله..

Quote: ابو الخيرات ..يا حبيب مشتاقين.. تعرف انت بقدر ما قرفان منهم شكلك دخلت في denial بالضبط زي البوليس البدق في الناس بحماس ليخرج غبائن وضعه المزرى عليهم.. اذا مغالطني ممكن ارسل ليك كوز يسكن معاك..::)) والعياذ بالله..

هسي لو لم اكن ادرى بانك من سكان الساحل الشرقى الشرفاء لظننت بانك صناعي

هسي يا حسين انت قايل البحصل في مصر دا شنو. دا اسمو جاور السعيد تسعد وجاور الشقي تشقى لوووووووول

ياخي اخوانا المصاروة ديل معانا في خط التماس ابليسي ابن ستين فتلة تقولي شنو وتقولي منو

سلم لي عليك

Quote: يازول مالك ومال بلاليس السودان..خلوا الخلق لخالقها!

سلامات يا هباني

تعرف يا هشام ابليس بكون نفض يدو من السودان دا زماااااااااان
من بعد ما ارسى حجر اساس بيوت الاشباح ودرب ليهو كم عفريت كدا
وخلاص Job accomplished . هسي الاراضين ديك بتكون سوح تدريب ساي


لي قدام

.

يعني يا الخير يا أخوي جنس حسادة عليك

خليهم يفشوا غبينتهم ياخ ، يموتو ليك يعني ؟

وكان ماتو البحمينا منو (ياخ بكري موقف الوشوش)

اخي الفاضل الخير
هذا ما اردنا لفت الانتباه له بانه هنالك اعدد مقدره من الفاقد التربوي
والغير مؤهلين لاي مهنه و العاطلين عن المواهب....كلهم ربطتهم الانقاذ بها
وبمرتبات مغريه تفوق ببدلاتها ال 2 ونصف مليون شهريا وتم تيعنهم على اساس عرقي
فصاروا(باشبوزق الانقاذ) ومش الانقاذ كلها كل زول بكتائبه....انا اتحدث عن كتائب نافع تحديدا
هي التي تبتطش بالناس الآن في لمعتقلات.....هؤلاء يعرفون بانه لا معايش لا مهن لهم لو ذهبت الانقاذ
وهم لا فكر لهم ولا يحزنون....يهني حتى ليسوا باسلامين....فقط بلجيه زي بلجطية حسني مبارك هؤلاء!


مواجتهتم تكون بكشفهم اولا....وتعريتهم وتناول كيفية تعينهم.....والمرتبطون بهم مصلحيا.

Quote: هؤلاء يعرفون بانه لا معايش لا مهن لهم لو ذهبت الانقاذ وهم لا فكر لهم ولا يحزنون

تراجي يا صديقتي

دايرة تقنعيني انو ابليس ما عندو دخل بالموضوع دا !!!

ايييييييييييييييييييييه دنيا ( بكسر الدال)

عبير يا عبير كيفك سييييستر

Quote: يعني يا الخير يا أخوي جنس حسادة عليك خليهم يفشوا غبينتهم ياخ ، يموتو ليك يعني ؟

يا عبير الضرب دا ما ضرب مهني دا ضرب غرائب الابل وكانما ما بهم غبينة لا تفش
ضراء بولاء واخلاص وصدق الواحد يضرب العالمين التقول عندو قرابة بحسن البنا

Quote: وكان ماتو البحمينا منو (ياخ بكري موقف الوشوش)

هم لسا ما ماتو يا عبير !!!! وقد قيل في الاثر ( انما تموت الضمائر).

تحياتي يا خية

ياخي الزول البشتغل شرطي عندنا

بكون بعد ما حار بيهو الدليل

عشان كدة بكون مغبووووووون غبن شديد

ونسبة لجهله واميته بيعتقد انو الشعب

السوداني سبب مشاكلوا

يقول الحديث (لو كان اصبعي شرطيا لقطعته)

مدن الملح

Quote: ياخي الزول البشتغل شرطي عندنا بكون بعد ما حار بيهو الدليل عشان كدة بكون مغبووووووون غبن شديد ونسبة لجهله واميته بيعتقد انو الشعب السوداني سبب مشاكلوا يقول الحديث (لو كان اصبعي شرطيا لقطعته) مدن الملح

اخي عبد اللطيف انا والله جد حزين لهذا المستوى المريع من التدهور الذي اصاب هذا القطاع الذي
يفترض فيه نشر الامن والوعي وخدمة الشعب ولكن يبدو يا صديقي ان مرض عضال استشرى في اوصال جسم
الوطن الذي مزقتة ايدي هذا النظام شر تمزيق.

الله في

ياخ في بني ادم عاقل يكون اكل عيشو انو يدق الناس !!!!

Quote: بصرفو مرتبات كم

كل ما كترت المظاهرات كل ما زاد حافز الاستعداد
وكل ماتلاشت المظاهرات تراجع حافز الاستعداد
الاحسن الناس تبطل التظاهر لانو بالتظاهر بنساهم
مساهمة فعالة في زيادة مرتبات الكجر.... وله شنو يا ابوالخيرات

http://www.facebook.com/home.php?sk=group_1969239036568...tif_t=group_activity
http://www.youtube.com/watch?v=CeS8wNy_cgU&feature=player_embedded

الاخ عمر مصطفي

شكرا يا حبوب علي هذا الجدول التحميلي الرهيب المهيب ههههه

بس لدي بعض الملحوظات او الابديت للجدول دا

- الليلة تحديدا الداون لود بتاع سي حسني بكون وصل 90 في المية او هكذا اظن
- اخونا البشير دا بكون في التمنينات برضو لكن بكون مكجر السيستم عشان كدا ما بكون ظاهر ليك كويس
- اخونا ابو يمن مزنووووووووووق وهو هسي وصل التمنينات برضو مع سي عمر ويبدو انه سقط سهوا من القائمة

اما معمر فلا اختلاف فيما اوردت هههههه


تحياتي وتشكراتي للقائمة الجميلة

Quote: كل ما كترت المظاهرات كل ما زاد حافز الاستعداد وكل ماتلاشت المظاهرات تراجع حافز الاستعداد الاحسن الناس تبطل التظاهر لانو بالتظاهر بنساهم مساهمة فعالة في زيادة مرتبات الكجر.... وله شنو يا ابوالخيرات

وانا اقول الناس مالا جنها تتظاهر كدا. يعني تاني لو عندك قريبك عسكري
فلسان تقوم طوالي تمشي تتظاهر وبعدين حافز الاستعداد ففتي ففتي ههههههه


ابو الخلد انا اشك انو القصة دي مكجرة ومعروقة لوووووووووول

الخير سلام..

دا مسج وصلنى قبل كم يوم من د/ الفاتح محى الدين
مكتوب فيه الاتى ..

استعلامات المطار:
التونيسية اقلعت
المصرية بعد قليل
والاردنية واليمنية بدأت اجراء الوزن
السودانية غدا الحضور للمطار
ههههههههههههه

________________________
سلم لى على البنيات وامهن

استعلامات المطار:
التونيسية اقلعت
المصرية بعد قليل
والاردنية واليمنية بدأت اجراء الوزن
السودانية غدا الحضور للمطار
ههههههههههههه
----------------------------------

انت عاين للعكيتة دا