Post: #1
Title: قصيدة جديدة للشاعر محجوب شريف ...
Author: محمد عبدالرحمن
Date: 02-03-2011, 09:35 PM
Parent: #0
مرت الأشجار)
محجوب شريف
مرت الأشجار .. كالخيال أحلام
ناس لطاف وظراف .. مابين غزال وزراف
مابين ظلال وغمام .. مرت الأشجار
طابق طبق طابقين .. في ضلهن كرتون
حر والسقط أولاد .. تحت المطر ياجون
لاعندكم عداد .. ولابوهيتك كم لون
ما احتجت لي حداد .. يوما ولا نجار
وكنت ألطف جار .. ومرت الاشجار
الباقي تحت العين .. حيث الرماد أحجار
من يوما داك فاقداك .. كل الدروب فوق راي
ياخيت وهيت ياكيت .. حس المقص بكاي
سكسك سنون براق .. نار الفراق جواي
أمونه ست الشاي .. صمت الكبابي عويل
برادا ساكت ساي .. ياحليل تريزا قريب
كانونا كان بي جاي .. ياحليل جناها جناي
هم يسألون وعيون .. تحزن تقول باي باي
يامنتهي الأشواق .. اتمحن الكنتين
والنيمه ذات الساق .. القدره كم تشتاق
كم كمشه مويه فول .. سمسم عمل زقزاق
وين الملامح ديك .. يازحمه البصات واللفه والدقداق
ليل القهاوي حزين .. عدد الكراسي فراق
جفت عروق السوق .. ريق الطريق العام
واتحتت الأوراق
…….
وين ياسواد العين .. مشهد علي صعبان
حبان وهم حبان .. تحت النجوم الفوق
في عتمة الميدان .. الشوق بلا بيبان
من وين ذهاب واياب .. وكلاهما تعبان
ابنوسة اللاوو .. ياحليلا غصن البان
جمر الحصي الوقاد .. علا الكتف أركان
ميري الفراق بي طال .. وسال سيل الدمع هطال
لكنو مهما كان .. لو بالوسم سكان
لو بالرسم جيران .. متين بقيت يانيل
عددا من الخيران .. نتدفي بس أو قول
نعزم بعض يوم داك .. بنولع النيران .
يناير 2011
***
القصيدة نقلا عن موقع حريات ..لا اعلم ان تم
نشرها من قبل فى المنبر ام لا ..التحية للشاعر
الانسان وامنياتى ودعواتى له بعاجل الشفاء ...
|
Post: #2
Title: Re: قصيدة جديدة للشاعر محجوب شريف ...
Author: jini
Date: 02-03-2011, 10:12 PM
Parent: #1
| Quote: ياخيت وهيت ياكيت .. حس المقص بكاي |
خيت وهيت وكيت وحس المقص بكاى!
يا سلام يا عملاق
وطن محجوب شريف الحدادى مدادى!
تعظيم سلام ايها العملاق
جنى
|
Post: #3
Title: Re: قصيدة جديدة للشاعر محجوب شريف ...
Author: طارق جبريل
Date: 02-03-2011, 10:16 PM
الله عليك يا محجوب
شفاك الله يا حبيب هذا الشعب
ود عبد الرحمن كيفنك
|
Post: #4
Title: Re: قصيدة جديدة للشاعر محجوب شريف ...
Author: Mustafa Mahmoud
Date: 02-03-2011, 10:43 PM
Parent: #3
|
|