Post: #1
Title: مظاهرات الخرطوم خبرها شنو؟
Author: 7abib_alkul
Date: 02-03-2011, 12:01 PM
يا مناضلين و كدا أخبار المظاهرات فى الخرطوم شنو الليلة ما شايف خبر
طبعا السؤال دا بسألنى ليه ود عمى كل ما القانى داخل المنبر والمحيرنى انه شغال فى موقف جبرة وانا شغال فى أمدرمان
|
Post: #2
Title: Re: مظاهرات الخرطوم خبرها شنو؟
Author: عزيز
Date: 02-03-2011, 04:46 PM
Parent: #1
حبيبو يا كلنا
والله مشتاقين كتير
لينا زمن نفتش ليك وجيتنا الليله
قلت لي ود عمك سؤاله شنو؟؟
ومعه اسأل ؟؟ العين بصيرة واليد قصيرة
تحياتي ومحبتى التى تعلم
|
Post: #3
Title: Re: مظاهرات الخرطوم خبرها شنو؟
Author: 7abib_alkul
Date: 02-04-2011, 07:06 AM
Parent: #2
عزيز الرائع
والله أنت مختفى تماما من الساحة وانا بظهر احيانا
قلت ليك قريبى دا بمشى الخرطوم وبجى راجع العصر بسألنى اخبار المظاهرات فى الخرطوم شنو ؟لانه منضالين المنبر احرجونا مع اهلنا
قال عندهم مظاهر الاسبوع الفات وانا كلمت قريبى دا قام غيب الاولاد الصغار من المدرسة وطلعت فشنك وامس برضوا قلت ليه فى مظاهرة برضو غيب الأولاد من المدرسة وطلع مافى حاجة طلعونى كضاب اها دى ترضاها لى يا عزيز؟وقريبى دا ساخرا جدا بقى اول ما اشوفنى داخل النت اسألنى اخبار المظاهرات شنو؟ احرجونا عديل كدا
تحياتى للاسرة الكريمة
|
|