Post: #1
Title: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:15 AM
Parent: #0
الموضوع : جمع تبرعات لشراء تذاكر لمناضلي الشتات للسفر الي الخرطوم لانعاش المظاهرات ومدها بالحماس
لاحظنا الاختلاف الكبير بين مظاهرات المنابر والمظاهرات الفعلية علي الواقع في الخرطوم , فبينما مظاهرات الانترنت حماسية بصورة ملفتة ومنقطة النظير , واكبتها في الخرطوم مظارة يتيمة خجولة بدات وانتهت في الزمن الفاصل ما بين تكة الكيبورد ونقرة الماوس , لذا ومن باب اشاعة الحماس وجعل المظاهرات الواقعية في الخرطوم مواكبة وحماسية مثل نظيرتها الاسفيرية , نفتح نحن ( اصدقاء) المتظاهرون باب امل جديد لكل حادب علي نجاح المظاهرات في الخرطوم وذلك للمساهمة في شراء تذاكر سفر ومصاريف جيب تعين اخوتنا المناضلون في نقل تظاهرهم الاسفيري الي ارض الواقع وتحقيق الحلم لهم , هذا وباذن الله نوعدهم بان ( نخلفهم ) في كيبورداتهم بامانة وتجرد
لذا نهيب بكل بورداب العالم التفاعل مع الحملة .
وكبداية جادة اعلن انا اساسي التبرع بتذاكر سفر بخط لندن - الخرطوم - لندن للسيد / سالم احمد سالم مع الملحقات التالية :
- شبط كاوتش خفيف (شِدة) منعا لاعاقة الجري
-3 فنايل داخلية (قطن مصري) للاستخدام مبلولة حال اطلق البمبان
- اتنين طقم لبسة (سفاري) بيجية اللون لسهولة التخفي
- كرتونة بيرة خالي كحول - او مشروب غازي يناسب ازالة البمبان من العيون
واي مصاريف تطرا سيتم تحويلها له في الخرطوم
(ملاحظة كل الملحقات جاءت كنصائح عامة للمتظاهرين في بوستات المدعو)
كما اقترح عليه مدنا بالباسويرد الخاص به لاستخدامه في توجيهه في الداخل من خلال البورد للتعامل مع المظاهرات باحترافية عالية
ــــــــ
اتمني من الجميع المشاركة ومن الافضل ان يتبني كل داعم متظاهر كما فعلت مع الاستاذ / سالم لضمان نجاح المظاهرة وازالة النظام الغاشم في الخرطوم
اولا آمل من بكري تحويل هذا البوست بعد استنفاد اغراضه الي مكتبة تنادينا .
|
Post: #2
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:26 AM
Parent: #1
كما اهيب اصدقاء المتظاهرين بالرياض بالتنسيق مع الخال / صديق الموج
|
Post: #4
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:29 AM
Parent: #2
كما نرشح الاخ هارون دياب بالتنسيق مع الاخ معتز القريش لتولي سفر الاخوة مناضلوا الدوحة
|
Post: #3
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: بشير أحمد
Date: 02-03-2011, 08:28 AM
Parent: #1
وانا بدوري اتبرع بتذكرة ذهاب واياب جدة/الخرطوم جدة
بشرط استرداد قيمة تزكرة الاياب حال نجاح الثورة ؛
واشترط ان تكون التذكرة للمناضل علاء الدين صلاح.
________
تحياتي يا ابومحمد
نعلكم ماغرقتوا من المطر؟
|
Post: #5
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:31 AM
Parent: #3
شكرا للتفاعل يا دكتور بشير
ــــــــ
ونهيب بالاخ فيصل نوبي بالتنسيق مع ود البشرى لتولي مسالة مناضلي الامارات
|
Post: #6
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:32 AM
Parent: #5
وارجو من الاخ - عبد المحسن والاخ كمال فرانكلي التنسيق مع مناضلي اوروبا وشمال المتوسط
|
Post: #7
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:34 AM
Parent: #6
كما نامل من الاخت تراجي مصطفي الاستعانة باصدقائها الاسرائليين للمساهمة في ازالة النظام بمساعدة مهاجري كندا لانزال المظاهرات علي ارض الواقع
|
Post: #8
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:36 AM
Parent: #7
ونظرا لموقف الاخ عليش القنعان من وجود بديل نامل منه بالتنسيق مع بكري ابو بكر تولي مسألة سفر اخوتنا المناضلون في الولايات المتحدة
|
Post: #9
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:37 AM
Parent: #8
كما امل من الجميع ان لا ينسوا مد المتظاهرين بادوات التظاهر اللازمة من شدة وكبك وفنايل داخلية وملابس بيجية مموهة
|
Post: #10
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: علاء الدين يوسف علي محمد
Date: 02-03-2011, 08:39 AM
Parent: #8
سأقوم بإستلام مُساهمات بورداب الخُرْطوم
دعماً لإخوتهم بورداب الخارِج
حتّى يتمكّنوا من الإسهام في إسقاط النِّظام من على أرض الواقع
مُش أرض السايبر
|
Post: #12
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:46 AM
Parent: #10
شكرا اخي علاء الدين ودي المحرية فيك
كما امل منك التنسيق مع الاخوان ( اولاد المسلمي ) واقامة احتفال في ( بيت) الفنون لجمع التبرعات من بورداب الخرطوم للمساعدة في سفر اخوتهم بورداب الخارج لمد الدماء في المظاهرات , كما امل منك التنسيق مع ناس الامن ان يستبعدوا امثال قدوقدو من مقابلة المظاهرات بسياطهم , والتعامل مع القادمين كخبراء مظاهرات اجانب
|
Post: #17
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: Frankly
Date: 02-03-2011, 09:57 AM
Parent: #6
| Quote: وارجو من الاخ - عبد المحسن والاخ كمال فرانكلي التنسيق مع مناضلي اوروبا وشمال المتوسط |
حاضرين يا أساسي
عندنا في صندوق "زاد العائدين" عدد واحد قاموس جيب لغة أجنبية إلى لغة الشارع السودانية وعدد واحد شمسية + نظارة شمسية للوقاية من وهج الشمس كما لدينا كريمات ضد حريق البشرة وعدد واحد زمزمية وعدد واحد كالكوليتر لحساب العملات الأجنبية إلى السودانية بالقديم والجديد وأخيراً وليس أخراً خريطة لأسماء وشوارع وحارات الخرطوم ومعلومات عن الفنادق 5 نجوم والمقاهي الليلية واسعار الليموزينات والتاكسي
|
Post: #11
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: ebrahim_ali
Date: 02-03-2011, 08:43 AM
Parent: #3
أساسي الأساسي تحياتي وسلامي الحار
سجل عندك انا مستعد ومتكفل بأي مناضل يتوجه من دوحة العرب إلى أرض النضال في أمدرمان من جميعه وهذا إقرار مني بذلك بشرط نجاح الثورة وسقوط النظام وفي حالة الفشل إسترداد جميع المبالغ والالتزامات والمصاريف والزمن المهدر بالتعويض المجزي
والله على ما اقول شهيد
التوقيع
التاريخ
|
Post: #13
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: اساسي
Date: 02-03-2011, 08:48 AM
Parent: #11
شكرا اخونا ابراهيم علي ( ووين الحي بيك) , كما نامل منك التنسيق مع الاخوة القائمين علي تسفير بورداب الدوحة , ولا ننصح بانتظار رد المبالغ المهدرة كون ان المستهدفين زمتهم واسعة شوية
|
Post: #14
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: Hussein Mallasi
Date: 02-03-2011, 09:19 AM
Parent: #13
Quote: وكبداية جادة اعلن انا اساسي التبرع بتذاكر سفر بخط لندن - الخرطوم - لندن
للسيد / سالم احمد سالم مع الملحقات التالية :
- شبط كاوتش خفيف (شِدة) منعا لاعاقة الجري
-3 فنايل داخلية (قطن مصري) للاستخدام مبلولة حال اطلق البمبان
- اتنين طقم لبسة (سفاري) بيجية اللون لسهولة التخفي
- كرتونة بيرة خالي كحول - او مشروب غازي يناسب ازالة البمبان من العيون
واي مصاريف تطرا سيتم تحويلها له في الخرطوم
(ملاحظة كل الملحقات جاءت كنصائح عامة للمتظاهرين في بوستات المدعو)
كما اقترح عليه مدنا بالباسويرد الخاص به لاستخدامه في توجيهه في الداخل
من خلال البورد للتعامل مع المظاهرات باحترافية عالية |
أما أنا فسأتبرع لسعادته ب 10% من قيمة أجرة الباركنق لحين عودته لفرنسا سالماً.
|
Post: #15
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: وليد الطيب قسم السيد
Date: 02-03-2011, 09:44 AM
Parent: #14
انا على بوجباتهم من هامبرغر ومرتدلا وخلافو
|
Post: #16
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: وليد محمد المبارك
Date: 02-03-2011, 09:46 AM
Parent: #14
يا اساسي
بالله معاك ده
مرتبي حبه انا لو ما كده كنت بساهم
لكن ليكم علي ادعو ليه بعد الصلاة
عبد المنعم ابراهيم الحاج
|
Post: #18
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: HAIDER ALZAIN
Date: 02-03-2011, 10:13 AM
Parent: #16
لاتبتئسو يا شباب وطني .. أيها الثوار الاحرار ..
إنهم يسخرون منكم الآن لانهم علمو وعرفوا ان التغيير قادم لا محالة .. وإنهم ماضون لا محالة
الي مزبلة التاريخ ( اساسي حايكون في كيس اسود سعة 20 جالون ) ..
نعم هم علمو انكم بنضالكم هذا ايها الشرفاء الاوفياء تضعون مرآة الحقيقة امام اوجه
الجلادين واذيال النظام ( من امثال وليد الشفت ) وترونهم سوءتهم عارية لا يسترها بريق السلطة..
لكم الله يا بني وطني وانتم تضحون بشبابكم ونضالكم الممهور بالدم لتدقو بايديكم المخضبة بدمائكم
على ابواب الحرية .. فلا تيأسو فمهما تعنت البواب فالفجر قادماً لا محالة ..
دمتم ودام نضالكم ..
** بالمناسبة جنس شبط ما دايرو منكم وتذكرة برضو ما عاوزها الباخرة بتلتمائة ريال والباقي اتمو عوم
|
Post: #20
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: السيد المسلمي
Date: 02-03-2011, 10:40 AM
Parent: #18
| Quote: كما امل منك التنسيق مع الاخوان ( اولاد المسلمي ) واقامة احتفال في ( بيت) الفنون |
ليك علي حفلة خيري كبير .. تحيه الفنانة الواعدة زبيدة الديوم وإسم الشهرة ( زبيدة أُم جضوم ) ...
وبالتأكيد سوف نمنعها من ترديدأغاني علي شاكلة وراء وراء .. لأنها لا تتماشي مع الخط الحماسي السائد هذه الأيام ..!
ـــ
وثورة حتي النصر ..
وماشين في السكة نمد ... الخ
|
Post: #19
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: عمر صديق
Date: 02-03-2011, 10:36 AM
Parent: #16
وانا اكون من ضمن مجموعة الاستقبال بالمطار
واقوم بالتغطية الاعلامية وانزال الصور بالبورد
|
Post: #21
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: 7abib_alkul
Date: 02-03-2011, 10:46 AM
Parent: #19
اساسى
سجل عندك انا متبرع باى عدد من الشموع وحجم كبير كمان
اصلا ناسك القلتهم ناس شمع ساى
وتقبل
كمية اشواق كتيرة
|
Post: #26
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 05:08 AM
Parent: #14
| Quote: أما أنا فسأتبرع لسعادته ب 10% من قيمة أجرة الباركنق لحين عودته لفرنسا سالماً. |
لووووووووووووووووووووووول اصلوا ما بمرق منك عضم ممسح يا حسين
ما تتبرعها بيها كلها ولا ح يمتد زمن الاعتقال ؟
|
Post: #22
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: د.نجاة محمود
Date: 03-21-2011, 02:42 AM
Parent: #13
البوست لي حولو في طاحونة سوداينزاولاين دي
بوست كل المواسم
تحياتي يا اساسي
|
Post: #23
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 03:25 AM
Parent: #22
لقيتكم حقارين خلاص يا الامنجيه و الكيزان واذنابهم في البورض
انا تظكرتي وينها ؟؟؟
لوووول يا بتاع اللموزين والتاكسي انت علي الايمان يا فرانكلي
مره ركبت تاكسي واسال عبد المحسن دا لانه هو الوقفه واتفاهم معه عشان يوصلني بحري من سوق نمره اتنين
يمين الله العربيه دي ماشه حديده بس فوق الظلط والدقداق ما فيها يايات Kein Gefieder
وصلني مكسره من شده ما شفقت علي السواق دعوت الله ان يوصله لاهله بالسلامه قبال تتفكفك منه صاموله صاموله .
تكاسي الخرطوم دي قطع شك من زمن النميري
واصحابها من شده ما حالهم يغني عن سؤالهم يحننو الطير في سماءه يا اخي .
غايتوا انا ما لاقيت زول وسالتو من ناسكم ديل ما شكى منهم مر الشكيه
لكين لله في خلقه شئون تراكم شايفنهم سمحين
وعلي قول امي كل زول بعجبو السارو ( من السرور )
تنبيه
لزم التعديل لدخول بعض العناصر الامنجيه
|
Post: #24
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: صديق الموج
Date: 03-21-2011, 04:55 AM
Parent: #23
| Quote: الكيزان واذنابهم في البورض |
خالتى دوما......سلام ماشى وجاى
اذنابهم عرفناهم الكيزان وين؟؟
|
Post: #25
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 04:59 AM
Parent: #24
Quote: خالتى دوما......سلام ماشى وجاى
اذنابهم عرفناهم الكيزان وين؟؟ |
لوووووووووول ممنوع البص
اصلوا ما بشفف زول ود اختي ولا غيرو
اي زول يحزر يفزر براهو 
|
Post: #27
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: nazar hussien
Date: 03-21-2011, 05:17 AM
Parent: #25
Quote: خالتى دوما......سلام ماشى وجاى
اذنابهم عرفناهم الكيزان وين؟؟ |
ههههههههههههههههههههههههههههههههههههه
|
Post: #28
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: عبد المنعم ابراهيم الحاج
Date: 03-21-2011, 05:49 AM
Parent: #27
المؤلفة قلوبهم
أساسي ووليد ومحمد إي سليمان وصالح تبلدينا ..
المفروض نحنا نجمع ليكم قروش
عشان تخلو المنبر في الأيام القادمة ..
لأنكم لسه مستجدين نضال ومفترض تسمعوا كلام التعلمجية كويس
لأننا مع حقوق حديثي التدريب بأن لا ندفع بهم الي المعمعة..
فمامكن نسيب ليكم النتال الكيبوردي دا ساكت بدون مايكون
عندكم خبرة كافية ...
وياوليد إنت زعلان لسه ولّ شنو؟
عشان ما أديتك فرصة تتبلا علي بنضالك ومرقتك يوم تلتين الفات.
عارفك ما بنستر وترجع لي القديمة..
يااللخو نحنا النضال الأرضي دفعنا فاتورتة متوسدين أب كسرة ..
أبو تفة في ذات الخط وآخرين عشان ماتجي تقول لي إنتو منو؟
أها الليلة لو ما شفناك رافع راية وقائد الشباب الركزتهم ونظمتهم
ديل بيكون كلامنا غير ..
|
Post: #29
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 06:08 AM
Parent: #28
هههيييع هيييع
جحافل النصر حتي القصر
الي الثكنات يا فارات
اساسي و ملاسي وفرانكلي
ومن لف لفهم 
|
Post: #30
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: أسامة الفضل
Date: 03-21-2011, 06:54 AM
Parent: #29
العزيزة دوما
يا أخي مسؤولة من الخير
المثل المذكور في مداخلتك :كل زول عاجبو الصارو و لا السارو
للتوثيق فقط
|
Post: #31
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 07:25 AM
Parent: #30
الابن المحترم اسامه الفضل تحياتي
I have heard the 2 versions
اهل ابوي ناس قري بيقولوا كل زول عاجبو الصارو
وامي بت مدينه بتقول كل زول بعجبو السارو
انا ذاتي بالاول كتبت الصارو
تاني رجعت قلت النتحكنش للفارات ديل
لاني من مناضلي اوربا وكدا وكتبت السارو
|
Post: #33
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: nazar hussien
Date: 03-21-2011, 07:37 AM
Parent: #31
Quote: الابن المحترم اسامه الفضل تحياتي
I have heard the 2 versions
اهل ابوي ناس قري بيقولوا كل زول عاجبو الصارو
وامي بت مدينه بتقول كل زول بعجبو السارو
انا ذاتي بالاول كتبت الصارو
تاني رجعت قلت النتحكنش للفارات ديل
لاني من مناضلي اوربا وكدا وكتبت السارو
|
يا دومه..
الحنكشة في كل شي الا الامثال دي...
الامثال دي عادة بقولوها ناس القري
وناس الهامش...وما علي اهل المدينة
الا التكرار والاجترار...
هسي ناس المنشية والرياض...والعمارات (زي ناس دينق ديل)
الا يقولوا ( كل زول عاجبو ايسكريمو)
نحن بنقول سكّاني ######
وناس امك بيقولو زكّاني ######
امكن برضو الصاد بيقلبوه سين...انا ما قعدت معاهم كتير...
من الصفر لي البحرين.
|
Post: #38
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: doma
Date: 03-21-2011, 08:08 AM
Parent: #33
Quote: يا دومه..
الحنكشة في كل شي الا الامثال دي...
الامثال دي عادة بقولوها ناس القري
وناس الهامش...وما علي اهل المدينة
الا التكرار والاجترار...
|
ابدا يا نزار في بعض الامثال بيتم تعديلها
وتستعمل لنفس الغرض
مثلا في مثل كان كتبه محسن خالد ضمن الامثال السريه بصيغته التي لا يمكن لوالدتي قط ان تستعملها او تسمح لاحد منا باستعملها
وكانت بتقول
الشقي يلقي العضم في المراره
واظنك تعرف الفيرشن التاني
والذي سمعت احد صديقاتي من قري رفاعه تستعمله دون حرج .
|
Post: #32
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: Mohammed Awad
Date: 03-21-2011, 07:33 AM
Parent: #29
توفير كراتين وفحم لزوم رسائل للمتغيبين
عن المظاهرة مع احتمالات توافر عرضحالجية للكتابة
بالنيابة عن المتظاهرين نسبة لأنشغالهم بأسقاط النظام
مع توفير حراسة شخصية لل (VIP's)
|
Post: #34
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: ود الباوقة
Date: 03-21-2011, 07:45 AM
Parent: #32
وانا اتبرع بتذكرة لمعاوية الصايم ذهاب فقط
عن طريق البحر
مع دفع كامل نفقات علاجه بالداخل من شراء الجمرة الخبيثة لزوم الصعقات
الكهربائية
اما المحاية والبخور بتبرع بها فاعل خير
شكرا اساسي
|
Post: #35
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: د.نجاة محمود
Date: 03-21-2011, 07:47 AM
Parent: #32
كتب الموج
Quote:
ام حازم .......سلام
يموت الف عبد الله ويعيش عبد الله الاخر كريما
لافواتير للنضال ومهر الوطن الحر لايعدله مليون عبد الله..
الفواتير تسدد للمرتزقه والماجورين..
والمتخاذلين والمتسولين..
عضى على جمر القضيه..
ولنشتت مليون عبد الله بذورا لزهور الحريه
فى ارض الوطن،،، |
بالله لكل اولاد الموج برضو يمشو يبذروا لينا زهور الحرية في ارض الوطن
من مسؤول من ناس السعودية؟
|
Post: #36
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: ود الباوقة
Date: 03-21-2011, 08:03 AM
Parent: #35
| Quote: من مسؤول من ناس السعودية؟ |
دكتورة نجاة
الموج دا خارج دائرة اختصاصنا
يتبع راسا لكوستاوي
|
Post: #37
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: معتز القريش
Date: 03-21-2011, 08:07 AM
Parent: #29
| Quote: كما نرشح الاخ هارون دياب بالتنسيق مع الاخ معتز القريش لتولي سفر الاخوة مناضلوا الدوحة |
الأخ الكريم المناضل / أساسي المحترم
تحية طيبة وبعد ،،،
أقدر لكم الثقة الغالية التي أوليتمونا أياها (ما عارف كدا صاح ولا مقلوبة)
ونعلم يقينا أن هذا الدور هو دور المناضلين الشرفاء
وأنت أولهم سيدي اساسي وليس بمستغرب عليكم هذا الموقف الشجاع من اخواننا المناضلين بالخارج
أما فيما يتعلق بمناضلي الدوحة ..
أو أن أحيطكم علما بأنهم لا يستطيعون المشاركة في مظاهرة يوم 21 مارس للأسباب الآتية :
عدد المناضلين هنا غير كبير .. ومنعا للتكرار سأورد الأسماء مقرونة بالأسباب :
1 – كبير المناضلين ـ عبد الكريم الأمين ـ الشهير بـ كي كي اللعين
أ- عندو اجازة وقاعد في البيت .. اشترى كمبيوترين اضافيين (بقي عندو تلاتة كمبيوترات) بالاضافة الى الآي فون والبلاك بيري وذلك لزوم متابعة الانتفاضة وتوجيه المتظاهرين وهو يرى أن دوره هنا أكبر وأفيد من دوره هناك .. ونحن معه في ذلك ..
ب ـ وجود وفود الحركات الدارفورية هذه الأيام في الدوحة يحول بينه وبين السفر في هذه الأيام حيث أن المذكور يقوم بالواجب تجاههم رغم انهم أصبحو من أهل البلد لطول اقامتهم فيها ولكن شهامة كي كي تمنعه من تركهم ..
2- المناضل بدر الدين الأمير .. أبو سيكار وسيارة BMW وبدلة وكرفتة 24 ساعة :
أ- مشغول هذه الأيام في مؤتمرات عدة تتعلق بالشركات التي سوف تنفذ مشاريع الدوحة 2022 ـ كأس العالم .
ب ـ عدم توفر السيكار الكوبي (المخصوص) في السودان ..
ج ـ خوفه من ملاحقة كيزان أربجي .. بعد بوسته الشهير الذي اتهمهم فيه بالسرقة (سرقة أراضي اربجي) وانه لعمري لسبب مقنع ومقبول ..
3- المناضل أبو ساندرا
أ- الصحة ما مساعدة خصوصا العيون ـ ندعو له الله مخلصين أن يشفيه ويعافيه قادر يا كريم .
4 – المناضل الكبير عمر بوب
أ- مشغول في تجهيز الخرط والأعمال الهندسية الخاصة بجسر البحرين ـ ويا حرام مش قادر يحك راسو .
5- المناضلة الجسورة أميرة الشيخ :
مشغولة جدا في حفظ دورها وبروفات محمد السني المرهقة استعدادا للعرض المسرحي الأول لمسرحية عرس الزين ـ نتمنى لهم جميعا التوفيق .
6-7 – المناضلين كمبورة وفيصل الزبير : مشغولان بالمدارس السودانية ـ وانتخابات مجلس الأمناء ..
8 – المناضل الكبير كمال سالم :
أ- مشغول بزيارة أسرته له في الدوحة .. ولا وقت لديه للسفر لأن الاجازة محدودة ولابد من الاستفادة من أي دقيقة في الترفيه عن الأسرة . وشعاره في ذلك (الوقت لو ما كفى ناس البيت حرام على الأوطان)
ب ـ كما أنه مشغول في وضع الترتيبات النهائية ـ للشركة (تحت التأسيس) .. وبما أن المذكور (أساسي) في هذه الشركة فلا مجال له أبدا للسفر . (الشغل شغل) كمان يا أخوانا ..
9- المناضل الكبير كمال علي الزين ـ مشغول بروايته الجديدة (اسم الرواية مفاجأة)
هذا ما لزم توضيحه ..
وتقبلوا فائق الاحترام والتقدير ..
|
Post: #39
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: د.نجاة محمود
Date: 03-21-2011, 08:22 AM
Parent: #37
يعني نفهم يا ناس الدوحة كلكم شغلتكم اموالكم واهلوكم؟
وتيب!
الفصاحة شنو وجر جلد بني كجة في الداخل في الشوك؟
|
Post: #40
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: معتز القريش
Date: 03-21-2011, 08:46 AM
Parent: #39
Quote: يعني نفهم يا ناس الدوحة كلكم شغلتكم اموالكم واهلوكم؟
وتيب!
الفصاحة شنو وجر جلد بني كجة في الداخل في الشوك؟ |
يا دكتورة (الناس حاكماها ظروف) 
|
Post: #41
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: nazar hussien
Date: 03-21-2011, 08:49 AM
Parent: #39
Quote: ابدا يا نزار في بعض الامثال بيتم تعديلها
وتستعمل لنفس الغرض
|
صحيح يا دومه...لكن دا بسموه تمدين المثل...
بما يتواءم مع ثقافة اهل المدن...
فالناس في القري يقولون الامثال بروايتها
الاصلية علي الملأ دون حرج...يستدعي التعديل...
كما تقوله صديقتك بنت قري رفاعة ولكن نفس البنت
لا تستطيع ان تقول هذا المثل في جامعة
الخرطوم مثلا...الا لصديقاتها القريبات
|
Post: #42
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: Amira Elsheikh
Date: 03-21-2011, 09:22 AM
Parent: #41
يامعتز القريش ...لستتك حول بورداب الدوحة غير موفقة اطلاقا ..
لانو ببساطة الناس الذكرتهم ديل كلهم اصحاب وظائف ومواقف تهز وترز يعنى ببساطة لا محتاجين حق تذكرة ولا محتاجين دعم ..
بل على اتم الاستعداد لدعم المؤلفة قلوبهم ..واصحاب المصالح ووالمطبلاتية فى حالة اهتدو لطريق الحق ,,,,
_-------------------------------------------------------------------
طبعا يادكتورة اصلو مابتفوتى فرصة جات فيها سيرة الدوحة ..
|
Post: #43
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: د.نجاة محمود
Date: 03-21-2011, 09:25 AM
Parent: #42
اكيد ما بفوت العملوه كان هين؟
|
Post: #45
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: حبيب نورة
Date: 03-21-2011, 09:33 AM
Parent: #44
إنت يا عمك الطعمية دي بالسمسم ؟؟؟؟؟
أحييك يا عم الفلافل
|
Post: #46
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: أيمن الطيب
Date: 03-21-2011, 11:49 AM
Parent: #45
سلامات ياأساسى والوكيل الوحيد معتز أخو الوزير
ياخ بما إنو القصة فيها تذاكر وإقامة وعضة
ملح سااااى كدا,,
عليييييييييكم الله عدونى من زمرة المناضلين..
ومن اليوم أنا مناضل من هنا وحتى هبوط طائر
المناضلين الميمون مطار الخرطوم..
إن شاء الله فيها فيرست كلاس أو بزنس عشان النضال
يكون عالى وكدا..
زى مؤتمر الإعلاميين داك!! يعنى المشو كانو كلهم
صحفيين ولا بتاعين جرايد ؟؟؟
بعدين بالمناسبة دى دى أموال شعب السودان أصلا
فما فى داعى تعملو فيها كريمين ودافعنها من جيبكم,,
أموالنا ردّت إلينا وصرفت علينا( النضال بدا )
يا د. نجاة إنتى ناس الدوحة ديل عملو ليك شنو بالضبط
والله نفسى أعرف القصة شنو لو أمكن قدر ما تلقى فرصة
بتلصقى ليهم,,
بعدين بما يختص بالبوست المرفق والموجه لإبراهيم النعمة
وعمل منو غمران دا على ما أظن والله أعلم إنو الراجل جدع
طاقيةفى الهوا وإنت إتلافيتيها وجريتى وراها,,
كان محلك بعمل ما شايفا لأنها طاقية Free Size Fits All
لأنه لا لأحد أن يقرر من يطعم ابناءه السحت من الحلال الطيب
ساااى كدا وفى الهواء الطلق دا ولا أحد قد دخل فى حسابات
ومحافظ الآخر حتى يقرر كم الحلال والحرام الداخل جيبو!!!!!!!
كبرى دماغك و وأحتفظى بهدوءك وطاقتك وأعملى رايحة طالما أن
الطاقية لم ترسل لك على الخاص,,
دا بريد ملغوم ولا يجب فتحه قبل فحصه بواسطة ال)D&D)
والله صحى,, Quote: إنت يا عمك الطعمية دي بالسمسم ؟؟؟؟؟
أحييك يا عم الفلافل |
حبيب نورة إن شاء الله زولكم بتاع الفول الفّز أيام الحريق وعمل ليكم مجاعة داك رجع!!!!!!
تحياتى وفى إنتظار تذاكر النضال
|
Post: #47
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: د.نجاة محمود
Date: 03-21-2011, 01:21 PM
Parent: #25
أرفعوا أياديكم عن د. نجاة (بيان)
ايمن دا بوريك حصل شنو في الدوحة
مع احترامي لاخوة اعتز بهم هناك
|
Post: #48
Title: Re: نفير التظاهر - حملة لجمع تبرعات لشراء تذاكر لمناضلي الخارج
Author: Amira Elsheikh
Date: 03-21-2011, 02:01 PM
Parent: #47
اكيد ما بفوت العملوه كان هين؟
اصلا ماتفوتى يادكتورة .....
لكن شغل الجملة (الكوتة) دا المختلفة معاك فيه....
خليك دقيقة فى تحديد مقصدك شان ما كل مرة تجيبى سيرة ناس الدوحة نحن نجى نسال
|
|