صديــق المــوج... ومن لفّ لفه... دايرين تقلبوها (من منازلهم)؟؟؟

ده النضال ولا بلاش!!!

أي زول مامكتوي بالنار يسكت ومايفتح (تمو)!!!

إذ كنا (نحن) الجوه..

وقاعدين في المكاتب المكيّفة..

وسايقين السيارات...

بنخجل من تحميسهم بدون ما نقدم ليهم دعم محسوس...

إنتو البخجل ليكم منو!!!

أي زول مامستعد يفتح خياشيمه لدخان البنبان...

ويفتح صدره لرصاص العسكر...

مايتكلم..

.

**

ويقلبها ليه صديق الموج

الان الحركة الشعبية والدولة الجديدة

فاليرتب حزبا جديدا فى الشمال ومن بعد ذلك

ومن بعد ذلك له الحق ان يفعل ما يشاء

ان كان باستطاعته او حزبه الجديد القديم

والحريات مكفولة للناس اجمعين واظنكم والجميع

قد استمع لحديث الشيخ على عثمان النائب الاول

لرئيس الجمهورية

= لا بقاء للنظام الذى لايحترم الحريات ويمارس الكبت الذى يولد الانفجار=

فالنبدا جميعا بسم الله الرحمن الرحيم

Quote: كنا (نحن) الجوه.. وقاعدين في المكاتب المكيّفة.. وسايقين السيارات... بنخجل من تحميسهم بدون ما نقدم ليهم دعم محسوس... إنتو البخجل ليكم منو!!!

دا الكلام ولا بلاش
ينصر دينك

ود الموج ما فاضي ليك اسع
عامل ليه نيمة معاه واحدة
الوش ميرندا والرقبة ببسي وبتتكلم عن العجور
واللبيدو في السماء

معاوية ود عمي عوض الكريم...

إنت نظامي ولا من منازلهم برضو؟؟؟

Quote: معاوية ود عمي عوض الكريم... إنت نظامي ولا من منازلهم برضو؟؟؟

يا بت عمي انا خليت المدرسة زااااتا
لا نظامي لا منازلهم !
لقيت القلم ما بزيل بلم

Quote: كنا (نحن) الجوه.. وقاعدين في المكاتب المكيّفة.. وسايقين السيارات... بنخجل من تحميسهم بدون ما نقدم ليهم دعم محسوس... إنتو البخجل ليكم منو!!! *************** دا الكلام ولا بلاش ينصر دينك

حديث اضعف الايمان ما مر عليكم يا ربي ؟؟؟؟


ما اظن دا وقت مناسب للمزايدة على الوطنية !!!


تحياتي ...

Quote: صديــق المــوج... ومن لفّ لفه... دايرين تقلبوها (من منازلهم)؟؟؟

اميره يا حبيبه...سلام
انت معانا واللا مع الخيانه؟؟
انا جاى قريب ده وبتشوفينى اعجبك وحاتك
بس انتو ما تحلفو على
لو سمحت يابروف ضرورى اكتر من صديق الموج زاتا
المره دى انا اتواضعت رديت عليك تانى مافى

Quote: اميره يا حبيبه...سلام انت معانا واللا مع الخيانه؟؟ انا جاى قريب ده وبتشوفينى اعجبك وحاتك بس انتو ما تحلفو على

صديق .. قول بسم الله! ما تشيلك الهاشمية و تتجوعل!!

الشغلة قالوا ليك فيها بمبان و خياشيم!و الذي منه!! انت قايلة دي كمان نظام أساسي و جالية و شاي سادة .. و جاري تناضل هنالك

إنت خليك قبلك تغشى الوغى في ساحات سوادانيزاونلاين.. ما تمشي تبقى لينا في التأشيرة انتهت و الاقامة طوفت!

استاذة امير
كلامك منطقى مائه المائه....الشباب فى حالة هرجلة غير منطقيه

Quote: حديث اضعف الايمان ما مر عليكم يا ربي ؟؟؟؟ ما اظن دا وقت مناسب للمزايدة على الوطنية !!!

رندا يا أختي...

مرّ علينا والله..

لكن أضعف الإيمان ده قالوا لمن لم يستطع...

فهل نحن كذلك؟؟؟

Quote: اميره يا حبيبه...سلام انت معانا واللا مع الخيانه؟؟ انا جاى قريب ده وبتشوفينى اعجبك وحاتك بس انتو ما تحلفو على لو سمحت يابروف ضرورى اكتر من صديق الموج زاتا المره دى انا اتواضعت رديت عليك تانى مافى

والله ماتعجبني إلا ألقاك في نص المسيرة شايل لافتتك..

بروف دي بعد تعترف إنك مناضل من منازلهم بناديك بيها...


لأنك حاصل عليها من منازلهم برضو..

..
.
كان يدريها من غبيرا او كما قال حميدة ..


----------

عمو صديق دا اميرة ما وش بهداله
ومطاردة حوارى وشلاليت خليهم بيضرب التكييف
ويهاجم السفارة د.كرار

سوف نتذكر .. ليس كلمات أعدائنا، ولكن صمت أصدقائنا

Quote: سوف نتذكر .. ليس كلمات أعدائنا، ولكن صمت أصدقائنا

فرق كبير بين أن تكون معايشا للمعاناة...

وأن تكون سامعا لأخبارها...

نحن لا ننكر عليكم مشاركتهم الاحاسيس...

ولاننكر إسهام تحويلاتكم في إنعاش اقتصادهم...

لكن...

أن تسهم في إشعال الحماس في قلب شاب...

ليخرج نهارا في مسيرة ضد نظام قمعي...

ليقضي ليله ذاك حيث لا يعلم هو ولا ذويه...

وتنام أنت في قلب دارك وفي حضن أولادك...

حرام والله...

دعوا وجعهم يحركهم وسيخرجون..


نقطوهم بسكاتكم... أفضل لهم...

بت فاروق كيفنك
تفتكري الغربة دي كانت خيارنا
لو يعلم ساسة هذا الوطن كمية الألم الإنساني جراء هذه الغربة لكفوا عن أذيته وأذيتنا

..
.
يا جبريلا انحنا واهلك الهنا متاذيين
انتو ما شاعرين باى اذى خلونا بنقلى ليها


--------

اطم .. :)

Quote: بت فاروق كيفنك تفتكري الغربة دي كانت خيارنا لو يعلم ساسة هذا الوطن كمية الألم الإنساني جراء هذه الغربة لكفوا عن أذيته وأذيتنا

ود جبريل ماناكرين عليكم ألمكم...

لكن إنتو كمان ماتنكروا إنك عايشين في أمانة الله...

عارفين راسكم من رجليكم...

فدحين لا تحمسوا الشباب ديل في مواجهة قمع يغتس حجرهم...

Quote: فدحين لا تحمسوا الشباب ديل في مواجهة قمع يغتس حجرهم...

يعني هسع هم حجرهم ما غاتس
اكبر دليل بي حجرهم الغاتس دة شهادات الزول الجبتها ليك ديك
بكرة بعد بكرة دول المهجر دي تقول ما عايزانا
اها في تهديد اكتر من دة



يا تبلدينا منو القاليك نحن ما مقليين زيكم
امشي لي اهلنا في البيت وأسألهم
يمين لو ما نحن كان ماتوا من الجوع
هو نحن المقعدنا شنو برة غير أهلنا الجوة ديل

Quote: أن تسهم في إشعال الحماس في قلب شاب... ليخرج نهارا في مسيرة ضد نظام قمعي... ليقضي ليله ذاك حيث لا يعلم هو ولا ذويه... وتنام أنت في قلب دارك وفي حضن أولادك... حرام والله... دعوا وجعهم يحركهم وسيخرجون..

قلت كلاما قريبا من هدا فقالوا لي لم نعهدك مخذله وحاشا لله ان اكون مخذله .
لكين هم اهل الوجعه الحقيقيه واصحاب االقرار يؤلمني ما يعانون ولكن هم وحدهم من يقرروا ماذا يريدون ومتي يتحركون .
لكم هو مؤسف الا يجدوا مسانده اصحاب العربات والمكاتب المكندشه يا اميره .

كلام مؤسس يا أميرة .. لكن البقتنع منو؟
هسي كمان ح يصحوا ناس التجاهل ويجو يدوكـ المعلوم!!

د. نجاة سبقتك بي بوست

بي نفس الملامح والشبه

حتلقي ردنا هناك

Quote: يمين لو ما نحن كان ماتوا من الجوع

انا مغترب زيك
لكن

هل الناس الذين لم يغترب ابناؤهم ماتوا من الجوع؟؟

يا اخونا طارق.. أنا رحت السودان إجازة قبل شهرين وشفت بعيني التفاح والعنب موجود في أكثر الأحياء فقرا في سوق (مايو) ويباع على قارعة الطريق، ووجدت أن زبائن مطاعم السمك أكثر من زبائن مطاعم الفول وأندهشت كثيرا وكثيرا جدا....
وفي الدامر وجدت ناس الهامش (مش الدامر هامش برضو؟) واقعين في السمك اكتر من ناس الخرطوم..فجاطت الأمور في رأسي ..وطاف في خاطري عناوين شوقي بدري:
محن سودانية

Quote: انا مغترب زيك لكن هل الناس الذين لم يغترب ابناؤهم ماتوا من الجوع؟؟ يا اخونا طارق.. أنا رحت السودان إجازة قبل شهرين وشفت بعيني التفاح والعنب موجود في أكثر الأحياء فقرا في سوق (مايو) ويباع على قارعة الطريق، ووجدت أن زبائن مطاعم السمك أكثر من زبائن مطاعم الفول وأندهشت كثيرا وكثيرا جدا.... وفي الدامر وجدت ناس الهامش (مش الدامر هامش برضو؟) واقعين في السمك اكتر من ناس الخرطوم..فجاطت الأمور في رأسي ..وطاف في خاطري عناوين شوقي بدري: محن سودانية

يا حبيب كونه التفاح مشتت في الشارع دة ما معناهو رفاهية
انا دة طارق الواحد دة شوفت جزء مقدر جدا ما قادر حتى على صحن الفول
يا بركات انا لمن قلت لو ما نحن كان ماتوا من الجوع
انا قاصد أهلي تحديدا
انا بتكلم عن المحيط الخاص وزيه في الآلاف

محبتي الاكيدة

Quote: فرق كبير بين أن تكون معايشا للمعاناة... وأن تكون سامعا لأخبارها... نحن لا ننكر عليكم مشاركتهم الاحاسيس... ولاننكر إسهام تحويلاتكم في إنعاش اقتصادهم... لكن... أن تسهم في إشعال الحماس في قلب شاب... ليخرج نهارا في مسيرة ضد نظام قمعي... ليقضي ليله ذاك حيث لا يعلم هو ولا ذويه... وتنام أنت في قلب دارك وفي حضن أولادك... حرام والله... دعوا وجعهم يحركهم وسيخرجون..

اولا سلام
ثانيا انا في الحق من" من لف لفهم"
ثالثا : انا مناضل" كيبوردي اسفيري"
واعتقد ان حديثك هذا موجه الى في حتة من لف لفهم دي.
واحب اصالة عن نفسي ونيابة عن آلاف الكي بورداب في اركان الدنيا ان اقول لك:
عندما اتت الأنقاذ كنا في ريعان الشباب وخرجنا ضدها الى الشارع وتعرضنا للبمبان والجلد
دخلنا بيوت اشباحها وزرنا معظم معتقلاتها ان لم تكن كلها(phisically ( وليس اسفيريا وقضينا السنين وليس الشهور داخل هذه المعتقلات.
وقد تم فصلنا من وظائفنا للصالح العام وهمنا في شوارع الله نبحث عن لقمة العيش الكريمة لنا ولأطفالنا الذين هم شباب اليوم الذين تتحدثين عنهم وبالمناسبة هم الأن في قلب هذه الحركة وليس في احضاننا.
اغلقت الأنقاذ وسائل العيش الكريم امامنافي كل مجال مع اننا نحمل من المؤهلات والخبرات اكبر مما يحمله اشطرهم.
لم نستكن وواصلنامن الداخل ما نستطيعه وما نقدر عليه فبدأوا في مطاردتنا حتى تركنا لهم البلد بما فيها.
وجدنا فرصة مخاطبة اهلينا في الوطن وايضاح وجهة نظرنا وكشف الزيف والخداع من خلال الأسافير
لماذا تستكتري ومن " لف لفك" هذا علينا؟
لماذا تطاردون حتى ظنونا السيئة في هؤلاء.
أنا أعتقد ان هذه هي مرحلة الأصطفاف اما مع الشعب أو مع الأنقاذ ولاداعي لمثل هذه المواقف الرمادية ومسك العصا من منتصفها.

جيتك راجعه يا اميره لانه في نقطه صعب علي فهمها
حيث قلت ان النظام قمعي
ثم قلت دعوا وجعهم يحركهم وسيخرجون
هل تعنين ان الوجع لم يشتد بعد ليخرجوا ؟؟
وهل ستتحول طبيعه النظام القمعي عندما يشتد الوجع ويخرجون الي نظام غير قمعي يعطيهم الحق في الخروج للتعبير عما يعانون ؟؟؟

Quote: لماذا تستكتري ومن " لف لفك" هذا علينا؟

يـــــا محمد الشيخ...

أنا والله مامستكثرة عليكم أي شئ...

بس زي ما (من لفّ لفهم) يستنكرون عدم نزول قادة الأحزاب

للشارع وينتظرون أن يأتيهم بها البسطاء (مقشّرة)...

أنا كمان مستنكرة أن تحمسوا الشباب...

(على اعتبار إنك ممن أسهمت في التحميس)

وأنتم في مأمن من البطش...

تحياتي...

Quote: وأما دعاة المظاهرات ممن يجلسون على لوحات المفاتيح (الكيبوردات) وهم من يسميهم البعض بــ (مناضلي الكيبورد) وكثير منهم خارج السودان ، فيرجى منهم أن يقبلوا نصح من أبلغ لهم النصح وبين لهم أنهم بعيدون عن أرض الواقع المعاش داخل البلاد ، وأن من يبحثون و(يلهثون) لتعظيمهم وتضخيمهم من زعماء الأحزاب حتى يمشوا وراءهم ويسيروا خلفهم إن الواقع يحكي أنهم ليس لهم قبول بين (بعض أفراد أحزابهم) فضلاً عن غيرهم !! كما أن وضع السودان وفي هذه المرحلة (تحديداً) يختلف عن كثير من البلاد المجاورة ، اختلافات جذرية وكبيرة وواضحة فلا ينبغي لهم تجاهلها ودفن رؤوسهم في الرمال والسعي لتحقيق الأمنيات رغم عدم توفر الأسباب وقد قيل ويقال (ليس كل ما يتمناه المرء يدركه....) ، فليحفظوا أوقاتهم وليستفيدوا بها فيما فيه نفع لأنفسهم ومجتمعهم بدلاً من ضياع الجهود والأوقات فيما لا جدوى منه

هذا جزء من النصح في مقالي بهذا الشريط :
شباب من أجل التغيير ! أي تغيير يا ترى ؟!

العشم كبير بقبول مشايخ نضال الكيبورد للنصح المتكرر والمبذول لهم من كثيرين ..
فليعطوا الواقعية حقها ويعملوا بمقتضاها
وفقنا الله وإياهم لما فيه الخير للجميع

يا اميره سلام تاني
امجد من مناضلي الداخل الشرفاء اراه قد رفع بوستا يعلن تحركهم عصر اليوم يبدو ان وجعهم قد حركهم فخرجوا .
هل نطمع في مسانده اصحاب العربات والمكاتب المكنشه لهم ؟؟

Quote: هل نطمع في مسانده اصحاب العربات والمكاتب المكنشه لهم ؟؟

Doma

ماسمعت بالمثل القائل: المحرّش ما بكاتل!!!

Quote: ماسمعت بالمثل القائل: المحرّش ما بكاتل!!!

سمعت به واجيد استعماله في الموضع الصحيح
هل تقصدين ان امجد محر ش ؟؟
ام تتحدثين عن نفسك ؟؟؟

Quote: لكم هو مؤسف الا يجدوا مسانده اصحاب العربات والمكاتب المكندشه يا اميره .

Quote: هل نطمع في مسانده اصحاب العربات والمكاتب المكنشه لهم ؟؟

سلامات خالة دوما

قلت ارفع ليك الاسئلة بتاعتك دي

عسى و لعل تنتبه ليها كاتبة البوست و ترد عليها

لأنو انا شخصياً في انتظار إجابتها




ثورة حتى النصر

حبابك يا سلمي يا بتي من امس خارج البورد
وما زلنا في ا انتظار الاستاذه اميره فاروق عبد العال

يا دومة
اتحداك لو امجد طلع في المظاهرة..
دي ناس مابتطلع في المظاهرة
المظاهرة يطلعوا ليها الغبش
دي الناس البتسرق جهود الاخرين.
مثله مثل العواجيز البجونا بالطيارات كل ما تنقلب.
ناس امجد ديل المنظرين.


وخلى امجد يجي يقول انه مشى ميدان عقرب.ويجيب شاهد
ما شيوعي

والله يا نجاه
تبقي عوجه كبيره
لو بيقودوا حملات الاعلان
وما بمشوا الميدان .
ننتظر لنسمع من امجد نفسه

المشكلة الشباب ديل
ما بقرو تأريخ السودان الحديث جدا
وما عارفين انه ما يفعله الشيوعين بالاندساس وسطهم هو
سرقة ثورات لا غير
الحزب الشيوعي انتهى
لكن كل مرة بيتلصق يمص دم حاجة تديه حياة مؤقتة
ذي vampire
يتحرك في الظلام ليجد ضحاياه..

يا شباب عايزين تحركوا الشعب ابعدوا من الشيوعين

Quote: الوش ميرندا والرقبة ببسي وبتتكلم عن العجورواللبيدو في السماء

LOOOOOOOOOOOOL

ياخي دي مش قلبتي فيها هـوبـة,
دي ضربتي فيها السماء جير عدييييييل.

كثيرون قد لايعرفون أن كثير من المغتربين في ارض الله الواسعة
حينما يخرجون
وقبل أن يحملون أمتعتهم الشخصية
ووصايا الأصدقاء
فإنهم يحملون الوطن
يستفونه بين ملابسهم
وربما يلبسونه واقياً من الرصاص حتى لايتعرض اليه احد
خرجنا ونحن نحمل الوطن في انفاسنا
في شهقاتنا
وفي احلامنا
وطموحاتنا الصغيرة والكبيرة
وحتى نساؤنا حينما خرجن معنا
مارسنا عليهن ديكتاتوريتنا وتسلطنا
وفرضنا عليهن أن لاينسن الوطن خلفهن
ففوجئنا نحن الرجال حينما وجدنا النساء يحملن الوطن في أحشائهن
مثلما كانت العذراء تحمل المسيح تحت جذع النخلة
وكم هو مؤلم وموجع ومحزن
حينما ننظر يوماً في المرآة ولانجدخارطة الوطن
لهذا لابد أن نتنفسه مع كل شهيق !!!
هل تعتقدي استاذتي الكريمة أن نترك الوطن وراءنا
هذه جريمة كبيرة في حق الوطن
ويجب أن يعاقب مرتكبها بالحبس وسط الزنزانات الضيقة
مع الأشغال الشاقة
كم سعدنا كثيراً
وكم فرحنا حينما تم وقف الدماء
حينما انتهت الحرب
حينما ابتسمت الأمهات والأرامل
حينما عاد الوهج للأمهات الثكلى !!!
وكم نكون أكثر سعادة
حينما تزرع كل أرض السودان بسنابل القمح
بديلاً لهذه الطلقات
وبديلا لثمن الرصاص
صحيح 00 نحن هنا في الخارج
ولكن أبناؤنا في عمق الوطن
آباؤنا واجدادنا من كان منهم على قيد الحياة مازال يكافح
ومازال يعطي الوطن
ومازال يغذيه من عرق جبينه
وكل آلام الوطن التي تمس أهلنا هناك
تصيبنا هنا في مقتل !!!
لا انكر سيدتي 00 أنني حرضت أبنائي الذين مازالوا صغارا
حرضتهم على الخروج في اي مظاهرة من شانها أن تجعل الوطن يلامس الغيوم
ان تجعله يقف على قدميه
وأن لايستلقي على الأرض
وأن لاينزف
وحرضتهم كذلك وبكل تطرف 00
إن كانت هذه المظاهرات تخدش حياء الوطن
أو تدمر اقتصاده
او تقضي على ممتلكاته
فاليرجعوا حينها الى بيوتهم
ولتذهب المظاهرات والانتفاضات الى الجحيم
إن كانت تؤلم الوطن وتسبب له الجراح المثخنة !!!
صدقيني وأنا اتحدث من الاعماق الى الأعماق
ومن القلب الى القلب
ومن الروح الى الروح
لايهمني من يحكم السودان
بقدر مايهمني من يقدم للوطن
من يجعله عاليا
من يحمل الفساد الى مثواه الأخير
من يخلق من الأطفال المشردين علماء ومهندسين وأطباء
من يبني المدارس ورياض الأطفال
والمستشفيات الكبيرة
ويزرع ابتسامة كل يوم في شفاه الوطن !!!!
أتينا للغربة اللعينة مجبرون على ذلك
أتينا باجسادنا التي ترهلت
وتركنا قلوبنا لديكم هناك
مسئولون عنها أمام الله
صدقيني 00 ابتعدنا عن الوطن 00 ولم نبتعد
هناك حبل سري قوي
مازال يشدنا للحنين
وللأهل
ولسودان معافا من العنصرية والفساد والبغضاء
كم أتمنى لهذا الوطن ان يؤمنا
لنصلي من خلفه صلاة الاستسقاء
حتى تعود التروية لقلبه الذي جف من الخلافات
وحتى يعود له النبض والحياة

Quote: وكل آلام الوطن التي تمس أهلنا هناك تصيبنا هنا في مقتل !!! لا انكر سيدتي 00 أنني حرضت أبنائي الذين مازالوا صغارا حرضتهم على الخروج في اي مظاهرة من شانها أن تجعل الوطن يلامس الغيوم ان تجعله يقف على قدميه وأن لايستلقي على الأرض وأن لاينزف وحرضتهم كذلك وبكل تطرف 00 إن كانت هذه المظاهرات تخدش حياء الوطن أو تدمر اقتصاده او تقضي على ممتلكاته فاليرجعوا حينها الى بيوتهم ولتذهب المظاهرات والانتفاضات الى الجحيم إن كانت تؤلم الوطن وتسبب له الجراح المثخنة !!! صدقيني وأنا اتحدث من الاعماق الى الأعماق ومن القلب الى القلب ومن الروح الى الروح لايهمني من يحكم السودان بقدر مايهمني من يقدم للوطن من يجعله عاليا من يحمل الفساد الى مثواه الأخير من يخلق من الأطفال المشردين علماء ومهندسين وأطباء من يبني المدارس ورياض الأطفال والمستشفيات الكبيرة ويزرع ابتسامة كل يوم في شفاه الوطن !!!! أتينا للغربة اللعينة مجبرون على ذلك أتينا باجسادنا التي ترهلت وتركنا قلوبنا لديكم هناك مسئولون عنها أمام الله صدقيني 00 ابتعدنا عن الوطن 00 ولم نبتعد هناك حبل سري قوي مازال يشدنا للحنين وللأهل ولسودان معافا من العنصرية والفساد والبغضاء كم أتمنى لهذا الوطن ان يؤمنا لنصلي من خلفه صلاة الاستسقاء حتى تعود التروية لقلبه الذي جف من الخلافات وحتى يعود له النبض والحياة

لك القومه والانحناءه يا ابا حراز
هذا هو حال الجموع التي ضربت في الارض وما زالت تحمل همومه اينما حلت .

Najat Mahmoud
very funny
...

(.)

فني في عيتك يا ابو ايفا
تعال هنا قولينا اقسم بشرفي الحزبي انني كنت في مظاهرة ميدان عقرب..

يا زول خابيزكم وعاجننكم نحنا.

..
.
تعالوا طلعوهم بسيطان العنج ..
لا عندكم مقاييس
سياسية للوضع ولا اجتماعية ..
ولا تعلمون متى واين وكيف ولماذا تتحرك الشعوب ؟؟


-------

قوم لفوا او اتلموا قدام
السفارات السودانية حيث اراضيكم
ووآتونا بالتغيير ..

[

Quote: قوم لفوا او اتلموا قدام السفارات السودانية حيث اراضيكم ووآتونا بالتغيير ..

النا غايتوا بالجد بقيت ما فاهمه شنو الحاصل
صالح واميره من بورداب الداخل وعلي ما اعتقد لا علاقه لهما بالمؤتمر الوطني
بمعني انه موقفهم ليس دعما للانقاد per se
اذن لماذا يقولان لسوداني الخارج دعونا وشأننا؟؟!!

Quote: اذن لماذا يقولان لسوداني الخارج دعونا وشأننا؟؟!! !!

العزيزة دوما السودان الان لا يسع الجميع اي واحد زهجان من التاني واي واحد عندو نظرية في الوطن والمواطن المغلوب على امره

المغترب انسان سوداني اخرج من دياره بغير حق او خرج من نفسه لياكل لقمة شريفة

يادوما كدي تعالي نعمل حملة اسمها فترنا ونضرب عن تحويل اي مبلغ للسودان افتكري الح يحصل شنو ؟
اكيد مزيدا من المعاناة لنفس الاشخاص الذين يعانون

تحياتي

زاتوووو

عايني يا نجاة محمود
انا ما مرقت عشانك ولا عشان غيرك عشان اجي احلف ليك
الكانو هناك و فيهم ناس و ما شيوعيين برضو و قاعدين في بورد بكري دا
عرفو الكان في منو و الكان مافي منو

و عموماً المرق ما مرق عشان حاجة شخصيةت بتخصو و لا عندو مكسب حيجيهو من مرقتو ولا خسارة حيخسرها لذاتو
المرق مرق مقتنع بفكرة و ضرورة تغيير نظام ادمن الفشل و اورثنا الندامة
و الما مرق برضو ممكن يكون مقتنع بهذه الضرورة و منعه و ما منعه

و ما في زول ماسك لي زول سوط عنج هنا و لا عندو قلم احمر يصحصح بيهو مواقف الاخرين او يحاسبها
البيفتكر كدا موهوم و واهم

و بس