Post: #1
Title: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركبات
Author: النذير حجازي
Date: 02-03-2011, 05:56 AM
هذه الفكرة مستلهمة من بوست العزيزة رندا حاتم "اقتراح"
وفيه نقترح أن يشارك الجميع في الداخل والخارج بطباعة
مليون شريط كاسيت بأغاني الانتفاضة والأغاني الحماسية
وتوزيعها على أصحاب المركبات العامة.
على أن يتبرع المهاجرون والمغتربون بالمال، وعلى بورداب
الخرطوم طباعة الشرائط وتوزيعها بالمجان على أصحاب المركبات
العامة، لتحميس المواطنيين بالخروج للانتفاضة لإسقاط النظام
أنشرها في كل مكان
|
Post: #2
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: النذير حجازي
Date: 02-03-2011, 06:04 AM
Parent: #1
مجـــــرد اقتـــــــراح ....
|
Post: #3
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: Randa Hatim
Date: 02-03-2011, 06:47 AM
Parent: #2
تسلم يا النذير ...
بس مفروض نراعي النقاط الاتية:
1. دقة اختيار الاغاني الوطنية وعدم انتماءها لي حزب معين.
2. تحديد الاغاني الوطنية وياريت لو يكونوا غنيتين او تلاته عشان ما تبقى جايطة ساكت.
3.سرعة التنفيذ وذلك لسهولة تعبئة الشارع في ظل الاحداث الراهنة داخلية او خارجية.
4.على من يقومون بالتوزيع ضرورة كسب احترام الشارع من خلال التعامل الجميل والزي المقبول "يجب عدم اغفال حقيقة ان الحزب الحاكم قد سيطر على الشارع العام من خلال تشويهه لصورة المعارضة اخلاقيا واعتبار الانضباط في السلوك والزي حكرا على عضوية المؤتمر الوطني" وهو الامر الذي يجب وضعه في الحسبان في هذه الايام لكسب تأييد الشارع.
5. ولتسهيل وسرعة التنفيذ ممكن الناس تلجألي اسرع الطرق وهي تكليف اهل كل منطقة بعمل اللازم من خلال مجموعات مصغرة...يعني مافي داعي لي تطويل الموضوع ولجان ومكاتب وغيرو... بي بساطه اي زول عندو زول بره السودان من اهلو او معارفه يطلب منه الدعم ولما القروش تصلوا يطبع بيها اشرطة ويبدأ يوزعها او يكتب هنا انا عندي عدد...شريط جاهزة للتوزيع وبي كدا بنكون اختصرنا الزمن كتير.
وتسلم كتير على البوست لانو فعلا العنوان كدا اوضح واسرع في توصيل المعلومة.
تحياتي.
|
Post: #4
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: محمد أبوالعزائم أبوالريش
Date: 02-03-2011, 06:55 AM
Parent: #3
أم حاتم والنذير .... تحياتي ...
الفكرة مجنونة ..... عشان كده ممكن تنجح ...
هلي لي أن أقترح نشيد (هبّت الخرطوم)؟ على أن يكون تسجيلاً نظيفاً.
هو أيضاً مجرّد اقتراح ..... وفي بالى أن نضع في الحسبان إختلاف الأجيال، فربما هناك نوعية أناشيد أجدى لهذا الجيل.
تحية
|
Post: #5
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: Frankly
Date: 02-03-2011, 07:09 AM
Parent: #4
معليش يا شباب لكن بالجد إنتو مرّات بتفكروا في أمور بعيييييييييييييدة من الواقع جداً جداً
وأظن أي واحد يستلم شريطكم دا ح يمشي يسجّل فيه "هكذا علمتني الحياة"
للشيخ علي بن عبد الخالق القرني
لسماع الجز الأول اضغط عنا
لسماع الجزء الثاني اضغط هنا
لسماع الجزء الثالث اضغط هنا
لسماع الجزء الرابع اضغط هنا
|
Post: #6
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: Frankly
Date: 02-03-2011, 07:23 AM
Parent: #2
لو قلنا الشريط الواحد بيكلّف خام + تسجيل 3 جنيه يعني محتاجين لثلاث ملوين جنيه سوداني بالجديد = حوال مليون وشوية دولار
في بلد متوسط الدخل فيه 300 جنيه سوداني
التلاتة مليون دي ممكن تعيل عشرة ألف أسرة محتاجة
|
Post: #7
Title: Re: شارك في الحملة الميليونية لطباعة مليون شريط كاسيت بأغاني الانتفاضة وتوزيها على أصحاب المركب
Author: النذير حجازي
Date: 02-04-2011, 08:36 AM
Parent: #6
الأعزاء رندا حاتم ومحمد أبو العزائم أبو الريش
شكراً على المرور والمشاركة والإشادة وليت تسمعها
أذن صاغية
تحياتي
|
|