|
Re: المصريون ... كعادتهم في احلك الظروف يطلقون النكات و القفشات (Re: ابو جهينة)
|
حسني مبارك في مقارنة مع أسلافه :
****
حسني لرئيس الوزراء : أنا أحسن ولا عبد الناصر ؟ رئيس الوزراء : إنت طبعا ، لأن عبدالناصر كان بيخاف من الروس حسني : طيب أنا أحسن ولا السادات ؟ رئيس الوزراء : إنت طبعا ، السادات كان بيخاف من الأمريكان حسني : طيب أحسن أنا ولا عمر بن الخطاب ؟؟؟؟ رئيس الوزراء : أنت طبعا ، إبن الخطاب كان بيخاف من الله
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: Fathi Ali Mohammed)
|
تم تغيير النشيد الوطني المصرى وأصبح : بلادو بلادو بلادو ..... مصر لحسني وولادو!!!!
سألوا الرئيس عن رأيه في التغيير ، قال : التغيير ده سنة الحياة . قالوا :طب وسيادتك مش هتتغير؟ قال : أنا فرض مش سنة
صعيدي طلب يتعين في مجلس الشعب ، قالوله أنت أهبل؟ قال : يعنى لازم الشرط ده
صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه
شيلو البشير وختو خروف يمكن يحكمنا بالمعروف
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: Fathi Ali Mohammed)
|
بعد التحيات للريس بأقول لود الصائم ياخي حرام عليك المصريين عندهم أدب ولا يمكن يكتبوا كلام زي دا
ولا يمكن بنت مصرية ترفع لافتة زي دي وفرحانة كمان دي إلا تكون فلسطينية المظاهرة دي قام بها فلسطينيين تأييداً للشعب المصري لاحظ العلم خلفهم (علم ما يسمى دولة فلسطين). لاحظ النفرين هناك وشكل البناية .. في اوربا او امريكا
لكن برضو المظاهرات المصرية دي ظهرت فيها لافتات ظريفة واتوقع يطلع البوم بعد الحكاية دي تنتهي يجمعوا فيه كل اللافتات الظريفة.. واحدة من اللافتات الظريفة عرضها حوالي خمسة متر وطولها عشرة متر معلقة في احدى البنايات تقول: يا سوزان انتي بتحبيه
اسحبيه
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: محمد عبد الماجد الصايم)
|
ابوجهينة سلامات
واحد سألوه فى التلفزيون وماذا بعد الثورة عايز إيه ؟ قال: أنا عايز يعدِّلوا فى الدستور ويخلوا كراسى الحكم " تِيفال" عشان ما حّش يلزق فيها.
----- الشعارات التي اطلقوها يوم أمس في مظاهرات يوم الغضب 25يناير 2011 لم تخلو تلك الشعارات من روح النكته والظرافه نذكر منها على سبيل المثال :
(ياسوزان قولي للبيه ... ربع قرن كفايه عليه)) (ياجمال قل لبوك ... شعب مصر بيكرهوك) وعلاوة على طرافة هذين الشعارين فهما يوحيان ان مبارك قد وصل الى حاله من العجز حتى أنه لم يعد يسمع ولهذا فهم يوجهون الخطاب الى زوجته سوزان وابنه جمال .
---- ومن الشعارات الظريفه قولهم :
(بن علي بيناديك ... فندق جده مستنيك)
(هو مبارك عايز ايه ... عايز الشعب يبوس رجليه )
(هما بياكلوا حمام وبط ... وكل الشعب جاء له الضغط )
وأختم هذه الشعارات بالشعار الذي أضحكني كثيرا رغم أني شاهدتهم يرددونه بمنتهى الغضب , حيث يقول هذا الشعار :
(( شيلوا مبارك وحطوا خروف ... يمكن يحكم بالمعروف ))
- منقول من الإيميل -
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: خالد علي محجوب المنسي)
|
مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي ....وش وش وش وش مبارك : لالا يا ابليس الفكره دي مش نافعه , عاوز حاجه أشد أبليس : طب خد دي ...... وش وش وش وش مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايهوش وش وش وش وش
ابليس : اتقي الله يا راجل حرام
____________________________
علاء مبارك شارك في من سيربح المليون .....
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال رد عليه جمال: انسحب باللي كسبتوا وما تخسرش أبوك!!
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: Abobakr Shadad)
|
مبارك صحي من النوم مرعوب : أعوذ بالله ..... كان كابوس فظيع !!!!
سألته سوزان : خير اللهم اجعله خير
قال : شفت قدامي لوحة مكتوب عليها ابتسم
قالتله : ده مش كابوس لأن الإبتسامة فال خير
رد حسني وقال : دا كان مكتوب عليها :
ابتسم فأنت في جدة ==================================
========================================= حسنى مبارك راح مدرسه ابتدائى فلما جت فتره الاسئله ولد رفع ايده مبارك سأله اسمك ايه ؟ قاله رامى .. فقاله ايه سؤالك يا رامى ؟ رامى : انا عندى اربع أسئلة 1. ليه انت رئيس بقالك 25 سنه ؟ 2. لسه معينتش نائب ؟ 3. ليه ولادك ماسكين كل حاجه فى البلد ؟ 4. ليه مصر حالتها الاقتصاديه زفت وانت مبتعملش حاجه؟ ساعتها بالضبط رن جرس الراحه وبعد الراحه رجع مبارك وقال احنا كنا فين يا ولاد؟ مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟ تامر: انا عندى 6 اسئله 1. ليه انت رئيس بقالك 25 سنه ؟ 2. لسه معينتش نائب ؟ 3. ليه ولادك ماسكين كل حاجه فى البلد ؟ 4... ليه مصر حالتها الاقتصاديه زفت و انت مبتعملش حاجه ؟ 5. ليه جرس الراحه رن ربع ساعه بدري ؟ 6. وبعدين فين رامى ؟؟؟؟؟؟ !!!!!
------------ --------- --------- --------- --------- -------
واحد واقف في زحمة المرور لقى واحد متطوع بيخبطله على شباك السيارة فتح الشباك وسأله عايز ايه قاله : الرئيس مبارك خطفوه والفدية 5 مليون دولار ولو الفدية ماتدفعتش .. الخاطفين هددوا يدلقوا عليه بنزين ويولعوا فيه واحنا بنجمع تبرعات .. تحب تشارك ؟ الرجل سأل " : وفي المتوسط الناس بتتبرع بكام" المتطوع : " من 5 الى 10 لتر بنزين .
------------ --------- --------- --------- --------- ---
مبارك مد إيده في جيبه لقي 5 مليون جنيه !! زعل قوي وخاف وقال: إيه الفلوس دي ؟!! الفلوس دي حرام؟ سأل أحد مساعديه فدله على طريق الشيخ طنطاوي رئيس الأزهر ما كدبش خبر وجري على طنطاوي وحكا له القصة فرد: 5 مليون بس .. إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص. الريس راح يمشي ، وهو ماشي لقي صفوت الشريف ماشي في نفس الشارع فقاله: أنت بتعمل إيه هنا؟ أنت حتمشي كام؟ صفوت قاله 78 كيلو يا ريس. الريس: يخرب بيتك؟!!! ده أنت نهبت البلد !! صفوت: أنت جاي عليا وبتحاسبني؟ روح شوف علاء ابنك جايب موتوسيكل وبقاله 3 أيام ماشي بيه
------------ --------- --------- --------- --------- ----
حسني مبارك فى سرير المرض وقاعد يلقى بوصاياه الأخيرة لوزيره احمد نظيف : - وصيتك الحكم من بعدى يا احمد ... - فى رقبتى يا ريس ... كله تمام والسلطة هياخدها جمال ... - ثم راح فى غيبوبة .. أفاق منها بعد قليل ... - وصيتك الشعب من بعدى يا احمد . - ما تخافش يا ريس .. الشعب ياكل الزلط ... - ثم راح فى غيبوبة .. أفاق منها بعد قليل.... - احمد .. - نعم يا ريس؟ بس ماتنساش .. توكيل الزلط لعلاء
------------ --------- --------- --------- --------- ------
حسني مبارك بيخطب في الشعب ... كل شويه واحد يقوم ويقول ... عاش حسني مبارك موحد الاديان ويقعد .. يروح حسني مكمل كلامه وشويه ويقوم الراجل ... ويقول عاش حسني مبارك موحد الاديان ... اتمسك من امن دوله وطاخ طاخ طاخ .. قالوله ايه الي انت بتقوله ده ؟!!.... ازاي موحد الاديان ؟؟؟ ....... دي مصر فيها مسلمين ومسيحين ويهود وطااااااخ .. رد عليهم علشان كده يا باشا هوه موحد الأديان ... علشان هوه اللي مكفرنا كلنا
------------ --------- --------- --------- --------- -----
واحد لقى الفانوس السحرى ودعكه طلعله العفريت و قالـــه: شبيك لبيك تطلب أيه ؟ قاله الراجل : أنا عايز كوبرى بين القاهرة وأسوان العفريت قاله : دى صعبه قوى .. شوف حاجه تانية الراجل قاله : خلاص خلى حسنى مبارك يسيب الحكم العفريت قاله : أنت عايز الكوبرى رايح جاى ولا رايح بس؟
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: Abobakr Shadad)
|
لما توفت الملكة اليزابيث الأم , توجه الرئيس المصري إلى لندن لعزاء العائلة البريطانية المالكة , وعندما قابلته الملكة إليزابيث في قصر باكينجهام , انتقدته انتقادا شديدا لعدم اختياره نائبا له طوال هذه الفترة من مدة حكمه , ودار بينهما ذلك الحديث:
الملكة إليزابيث : أعتقد أن موقفك يا فخامة الرئيس قد أصبح دقيقا , وعليك أن تبادر باختيار نائبا لك حتى لا يقول الشعب الإنجليزي أن الملكة تستقبل في قصرها ديكتاتور آخر مثل الرئيس العراقي.
مبارك : ولكني يا جلالة الملكة المشكلة هي أني لا أعرف حقيقة كيف أتمكن من اختيار النائب المناسب.
الملكة : سأخبرك عن طريقتي السرية التي اتبعتها في اختيار رئيس وزرائي توني بلير.
مبارك: رائع .. مدهش .. ما هي هذه الطريقة يا فخامة الملكة
الملكة : كل ما فعلته هو أني اتصلت بتوني وسألته : من يكون ابن أمك وأبيك وليس بأخيك
مبارك : سؤال صعب جدا !!!!
الملكة : ولكن برغم ذلك أجاب توني على الفور قائلا: هذا الشخص هو توني بلير ذات نفسه يا جلالة الملكة.
مبارك: وهل كانت شخصية (توني بلير) هي الإجابة الصحيحة
الملكة : بالقطع هي الإجابة الصحيحة , ولذلك فأمرت بتعيينه رئيسا للوزراء.
وعندما عاد الرئيس المصري للقاهرة عزم على إجراء ذلك الاختبار لاختيار نائبه , فأمر بإحضار رئيس مجلس الشعب ودار الحديث التالي:
الرئيس : أخبرني يا رئيس مجلس الشعب , من هو ابن أمك وأبيك وليس بأخيك
رئيس مجلس الشعب (بدهشة) : أمك إيه وأبوك إيه ياريسنا .. ده انت بابا وانت ماما وانت كل حاجة في حياتي.
الرئيس : عفارم .. عفارم .. بالرغم من إنها إجابة جميلة .. ولكنها للأسف إجابة خاطئة ..
أحضروا شيخ الأزهر. شيخ الأزهر : أوامرك يا ريسنا
الرئيس : أخبرني يا شيخ الزهر , من هو ابن أمك وأبيك وليس بأخيك
شيخ الأزهر (بدهشة) : بالرغم من أني مش فاهم سؤالك يا ريسنا , ولكني أؤكد لك أنه حلال ويجوز ولا يوجد أي حرج شرعي في ذلك , وتوكل على الله.
الرئيس : عفارم .. عفارم .. بالرغم من إنها أجابة جميلة ولكنها للأسف إجابة خاطئة ..
أحضروا البابا شنودة. البابا شنودة : أوامرك يا ريسنا.
الرئيس : أخبرني يا أبونا .. من هو ابن أمك وأبيك وليس بأخيك
البابا شنودة (بدهشة) : الأب والأم والأخ .. ثلاثة في واحد وواحد في ثلاثة .. كله حاجة واحدة.
الرئيس : جرى إيه يابني .. هو أنا أسألك فزورة تجاوبني بفزورة !! ..
أحضروا لي رئيس الوزراء. رئيس الوزراء : أوامرك يا ريسنا.
الرئيس:قوللي يا عطفطف .. من هو ابن أمك وأبيك وليس بأخيك
وكان رئيس الوزراء أكثر حذرا من سابقيه .. فسأل رئيس الوزراء : ممكن يا ريس أستعين بصديق
الرئيس : ممكن .. بس قدامك دقيقتين بس.
فسارع رئيس الوزراء بالاتصال بالدكتور أحمد زويل وسأله: رئيس الوزراء : إلحقني يا دكتور زويل .. انت راجل عالم وأخذت جايزة نوبل وأنا محتاجك في سؤال عصيب. الدكتور زويل : خير يا سيادة رئيس الوزراء !! رئيس الوزراء : قوللي وحياتك .. مين هو ابن أمك وأبيك وليس بأخيك الدكتور زويل : ودي حاجة محتاجة سؤال !! .. أنا طبعا يا سيادة رئيس الوزراء.
فذهب رئيس الوزراء مهرولا للرئيس. رئيس الوزراء : ياريس .. ياريس .. عرفت الإجابة ياريس
الرئيس : عفارم .. عفارم .. قوللي بقى يا عطفطف .. مين هو ابن أمك وأبيك وليس بأخيك
رئيس الوزراء : الدكتور أحمد زويل يا ريسنا.
الرئيس : أحمد زويل ايه يا حمار .. إجابتك غلط.
رئيس الوزراء : أمال يطلع مين ده بس يا ريسنا
الرئيس : الشخص ده يطلع (توني بلير) يا أغبياء !!
الحمد لله إني ماخترتش نائب لي لحد دلوقتي.
وفي النهاية تم إغلاق ملف نائب الرئيس نهائيا وإصدار أمر باعتقال الدكتور أحمد زويل
| |
|
|
|
|
|
|
Re: المصريون ... كعادتهم في احلك الظروف يطلقون النكات و القفشات (Re: almulaomar)
|
Quote: كما تم عمل مجموعة على «الفيسبوك» باسم «أنت عيل أجندة»، انتشرت عليها التعليقات الساخرة مثل: «الحكومة بدأت تلم الأجندات اللي في السوق»، «لو لم أكن أجندة لوددت أن أكون أجندة»، وهذا عسكري يخاطب المتظاهرين بالقول «أجري يا بن الأجندة منك له»، «الأجندة كنز لا يفنى»، «بعد نفاد الأجندات بسبب الأعداد الكبيرة من المتظاهرين، قاموا بتوزيع نتائج حائط».. أما نشيد «العيال الأجندة» الموحد فيقول «أنا مندس.. أنا مندس.. هاتلي أجندة ووجبة وبس.. من هارديز أو كنتاكي.. هاتلي وجبة دينر بوكس.. أو سوبر زنجر من غير خص».
وتهكم المتظاهرون على الشائعات التي ترددت عن توزيع وجبات كنتاكي وأموال عليهم قدر بعضها 50 جنيها بالتحديد، بالقول «الوجبات لم تكن كنتاكي فقط، في ناس لا تحب كنتاكي، فبيجيبوا لناس ثانية ماكدونالدز، وناس غاويين فقر مصممين على الكشري والفول والطعمية، ولهذا فإن كشري حمادة والتابعي الدمياطي أثبتوا تورطهم في تحريك هذه المظاهرات الحقيرة».
كما سخر المحتجون مما يقال عن تمويل إيراني للمحتجين، قائلين إن إيران لم تسكت فقد عمت الاحتجاجات الغاضبة وسط الإيرانيين على الإعلام الكاذب وتقول «نحن نوزع وجبات مؤمن وليس كنتاكي يا كفرة». يقول أحد الشباب الساخر.
اختفاء قوات الشرطة منذ جمعة الغضب، كان مثارا لسخرية بلا حدود، فقد طرح أحد المدونين سؤالا يقول: أجهزة الشرطة مش موجودة ليه؟، وترك ثلاثة خيارات للإجابة، هي: واخدين أجازة نص السنة، جتلهم فرصة عمل في إحدى دول الخليج، زعلانين من الشعب ومستنيين الشعب يروح يصالحهم.
وعن اللجان الشعبية التي انتشرت في البلاد عقب انسحاب الشرطة من شوارع القاهرة وبعض المحافظات علق الشاب ساخرا: «يعنى إيه كوكا زيرو.. يعني تبقى واقف في لجنة شعبية بتحشش.. وتيجي عربية شرطة تفتشها» في تقليد لحملة إعلانية استخدمت تعريفات غير منطقية للترويج لمنتجها.
مؤيدو الرئيس مبارك دخلوا على الخط أيضا، وردا على شعار «الشعب يريد إسقاط النظام» رفعوا لافتة عليها «الشعب يريد إخلاء الميدان». وتهكموا على مسميات المتظاهرين (جمعة الغضب، والرحيل..) بالقول «لو جمعة الرحيل منفعتش هيعملوا سبت الصمود وأحد الخلاص واثنين الإطاحة وثلاثاء الإرادة وأربعاء التصميم وخميس الاعتصام وجمعة الوداع، وآدي الأسبوع اتضرب وندخل على اللي بعده.. سبت الضياع وأحد الملل واثنين عيد الحب وثلاثاء الخفة وأربعاء اللذاذة وخميس اللطافة». |
Quote: دعابة أطلقها متظاهر قائلا «مبارك مش عارف يرحل.. بسبب حظر التجول»، وقال آخر «لو هو لازق بالكرسي نشيله بالكرسي ونجيب كرسي تاني»، «مبارك يطالب بتغيير الشعب»، أو «مبارك يطلب من مصر للطيران تجهيز طائرات لنقل 80 مليون مصري».
وتماما كما يقال «شر البلية ما يضحك»، أطلقت العديد من النكات على الإنترنت مثل «الرئيس التونسي السابق اتصل بالإذاعة وأهدى مبارك أغنية «بستناك (أنتظرك)»، لكن مبارك في مداخلة عاجلة، صرح بأننا لسنا مثل تونس وأهدى الشعب المصري أغنية «أخاصمك آه أسيبك لا».
أما أحد أشهر الفكاهات فكانت عبارة عن رسالة من تلميذ مصري للمتظاهرين يقول خلالها: «إلى أعزائي من شعب مصر في ميدان التحرير.. بخصوص الثورة اللي شغالة عندكم.. لا تنسوا أنها ستدخل في مادة التاريخ وإحنا اللي بنحفظ في النهاية فاختصروا من فضلكم». |
منقول من صحيفة الراكوبة
| |
|
|
|
|
|
|
|