شيلو معاي ..نادوس يا نادوس أم الغبش يا أم

تعالي وشي الوطن دركان
عساكر أخر الزمن واطة
تعالي وما على كيفك
تعالي وريحي الواطة
الحال وراك كيفن تسر
باقيلك انت بلاك في زين
ما انهشم ابريق الرضا
وخنسن نسيمات السمح
والبسمة زي حبة قمح
لفح وطفر طيرا كتر
اورث عصافيري الضنا
يبس غناها مع الفجر
عانيت وراك جنس عنا

النهر مليان بالطمي
لسع بجيب ريحة
المكان الكان زمان
النهر يدخل في المسام
من أول الشريان
إلى آخر نشيد
في الروح ..
النهر والإنسان ..
جين التداخل
في خصوبتك
ياوطن ..
أفرد سلالتك نيل ..
بُطان الموية في
رحم الزرع
أمسك على نبتك
فرع ..
غطي المفازات
إخضرار ..
قرّب مدار الشمس
من تالا الحقول..

لك التحية يارائع وشكرا لك عبدالمنعم وتعال نمشي ونجدع

بوق سهادي كرو النجوم خطو المواويل ارتعش
حرس عصاتي بنات نعش
دومست بحجر البتول ..شيومت بظلم الحسين
أومت علي كم ميضنة

ما بين عيونك والوصول تاهت بي غافلة الحروف
وقع طنابير الزمن انطربق ايقاع الفصول
حاضت غمامة وراء الجبل طرحت من النيل الجروف
شهقت شعاب انساني خوف
منك عليك على كل زول
توك نياق شوقو الضنا
ياوقعة الواقفين هناك
يا وقفة الواقعين هنا
اشمعنى لا وصلك دنا
لا افة الزمن المشيح قدرت رويحتي تيقنا
من جيتك المرقت هناك