Post: #1
Title: مافي داعي للخرخرة يا شباب ..
Author: عصام دهب
Date: 02-01-2011, 08:41 AM
ما نراه هو ( الخرخرة ) عينها ..
الشباب جو شايلين كورتهم ..
ظابطين الكدارات و الشنكارات ..
و جايبين معاهم مشجعين و مشجعات ..
و دلاليك و دلوكات ..
و عايزين يضقلوا هنا و يستعرضوا حركاتهم..
بدوا التسخينة و قعدوا يعملوا لينا جلكسات ..
و نحنا نعاين سااااكت ..
قعدوا يقلبوا كيبوردات ..
أقصد باكوردات ..
و نحنا نعاين ساكت ..
لما عايزين يعملوا معانا وهمات ..
مسكناهم طقطقناهم زي العجب ..
لما آمنوا ذاتووو ..
طلعناهم كضابين ساي ..
لحدي ما بقوا يشوتوا في قونهم ..
و المشجعين سبوا الحكم و الدين ..
أهة لما سخنت ..
شالو كورتهم و قالوا ما عايزين ..
هو على كيفكم ؟؟
نحنا عايزين ..
عايزين .. عايزين ..
جاهزين .. جاهزين ..
و لا يهمنا من يلعب ضدنا ..
بقدر ما يهمنا إسعاد جمهورنا ..
و إمتاع الذواقة باللعب النضيف ..
كورة واطة يا شباب ..
|
Post: #2
Title: Re: مافي داعي للخرخرة يا شباب ..
Author: البشير دفع الله
Date: 02-01-2011, 08:53 AM
Parent: #1
على سبيل التحية يا سعادة المستشار
|
Post: #3
Title: Re: مافي داعي للخرخرة يا شباب ..
Author: وليد الطيب قسم السيد
Date: 02-01-2011, 08:59 AM
Parent: #2
ياخى يعملو شنو؟؟؟؟؟
والله حنيت على حالهم
محتاجين لى لاعيبه مستوردين حتى يتعاونو معهم
قالو لاعيبة الداخل اصابهم التلبد.....
فى الصباح نتظاهر من هنا الى هناك
|
Post: #10
Title: Re: مافي داعي للخرخرة يا شباب ..
Author: عصام دهب
Date: 02-01-2011, 01:10 PM
Parent: #3
وليد ..
إزيك ياخي و ألفين سلام ..
Quote: محتاجين لى لاعيبه مستوردين حتى يتعاونو معهم
قالو لاعيبة الداخل اصابهم التلبد..... |
الشغلانية عايزة محترفين يا وليد ..
خواجات .. أو أشباه خواجات ..
لعيبة دوري الشمس الحارة ديل بقوا ما مقنعين ..
|
Post: #5
Title: Re: مافي داعي للخرخرة يا شباب ..
Author: عصام دهب
Date: 02-01-2011, 09:08 AM
Parent: #2
| Quote: على سبيل التحية يا سعادة المستشار |
الله يحييك .. و يبييك .. و يحفظك و يبقيك .. يا أخي العزيز ..
ـ
|
Post: #4
Title: Re: مافي داعي للخرخرة يا شباب ..
Author: عصام دهب
Date: 02-01-2011, 09:03 AM
Parent: #1
قلت من قبل أن من سخريات القدر أن فريق حلتنا و إسمه ( النضال ) كان يلقب بين أهل الحلة بإسم فريق ( هارضلك ) .. يعني طوالي ( مرشوشين ) ..
بقينا لو جاييين من تمرين و لا دافوري ساكت .. عادي ممكن نلقى لينا زول من ناس الحلة و يخش ليك فينا طوالي ( هارضلكم يا شباب ) ..
يوما ما كان لدى فريقنا مباراة مهمة جداً .. المهم ذهبنا الملعب .. و قبل المغرب سبقنا مشجعينا إلى الحلة لينقلوا الأخبار السعيدة ببشريات النصر الذي حققه ( النضال ) في ذلك اليوم و ربما لأول و آخر مرة في مسيرته ..
حينما وصلنا الحلة كان كل من يقابلنا يبادرنا ( مبروك يا شباب ) .. ( مبروك يا أبطال ) ..
و في غمرة نشوتنا تلك خرج علينا واحد ملقوف و واد لذينا و تلحة كدة قام سألنا ..
ـ أهة غلبتوو كم .. و الجاب ليكم القينان منو ؟؟
كلنا صنننننن .. صنينا ..
تاني قام يحكها ..
_ يا جماعة غلبتوو كم .. و الجاب ليكم القينان منو ؟؟
قال كابتننا و إسمه ( حمدت الله ) ..
+ ياخي نحنا غلبنا لكم ما جبنا أقوان ..
_ أهة .. غلبتو كيفن نان ؟؟
+ ياخي إنت مجننا مالك ؟؟ غلبنا بالإنسحاب .. بالإنسحاااب .. يعني الفريق التاني ما جا و أعتبرونا نحنا غالبين .. أهة أرتحتا ؟؟
ـ هي لكن دة غُلُب ليكم ؟؟
أهة يا جماعة .. نفرض إنكم غلبتوو ..
هي لكن دة غلب ليكم ..
|
Post: #6
Title: Re: مافي داعي للخرخرة يا شباب ..
Author: معتز القريش
Date: 02-01-2011, 09:11 AM
Parent: #4
|
Post: #7
Title: Re: مافي داعي للخرخرة يا شباب ..
Author: عصام دهب
Date: 02-01-2011, 09:22 AM
Parent: #6
و لحي فلاتة في الأبيض فريق قوي و خطير جداً إسمه ( الربيع ) لا أدري ما سر التسمية لكنه بأي حال ليس ربيع براغ ) يا زملاء .. و لا ( ربيع عبد العاطي ) يا شيوخنا ..
الربيع كان فريق مرعب وقوي و كذا بنية لاعبيه و ألقابهم فالحارس إسمه ( كوليرا ) و الأستوبر 0. حريقة ) و الثيردباك ( خط النار ) و هكذا دلاليك ..
|
Post: #9
Title: Re: مافي داعي للخرخرة يا شباب ..
Author: المسافر
Date: 02-01-2011, 09:38 AM
Parent: #8
Quote:
ما نراه هو ( الخرخرة ) عينها ..
الشباب جو شايلين كورتهم ..
|
الكورة هيل منو؟
يا سندباد
|
Post: #12
Title: Re: مافي داعي للخرخرة يا شباب ..
Author: عصام دهب
Date: 02-02-2011, 08:00 AM
Parent: #9
دي مش كورة .. دي مزيكا ..
يا مسافر و ناسي مظاهرتك ..
|
Post: #11
Title: Re: مافي داعي للخرخرة يا شباب ..
Author: وليد الطيب قسم السيد
Date: 02-01-2011, 06:19 PM
Parent: #7
فوق
|
Post: #13
Title: Re: مافي داعي للخرخرة يا شباب ..
Author: عصام دهب
Date: 02-03-2011, 08:54 AM
Parent: #11
[red]قلت أن فريق حي فلاتة في الأبيض .. ( الربيع ) كان فريق مرعب وقوي و كذا بنية لاعبيه و ألقابهم فالحارس إسمه ( كوليرا ) و الأستوبر 0. ( خط النار أو ختو انار ) و الثيردباك ( حريقة) و هكذا دلاليك ..
و في يوم كان الربيع يلعب مباراة مهمة مع الهلال ـ على ما أعتقد ـ و كان للهلال لاعب رأس حربة سريع و فرفارة و ما ( بتمسك ) ..
في إحدى الهجمات تسلم رأس الحربة الكرة من وسط الملعب و راوغ لاعب من وسط الربيع ثم الأستوبر (حريقة ) .. و تخلص من الثيردباك ( ختو انار ) الذي ظل أنبرش فيه بحركة كنشاسا لكنها لم تفلح .. فنهض ليجري وراء رأس الحربة المتقدم نحو الحارس ( كوليرا ) ..
قيل حينها أن الأستوبر ( خط النار ) كان يصرخ ناصحاً ( يا هريقة .. سرقو .. سرقو .. سرقو ) أي كان يطلب من حريقة أن يتوقف حتى يقع رأس الحربة ـ حسب إعتقاده ـ في مصيدة التسلل ..
عمل حريقة بنصيحة ( ختوانار ) و توقف عن ملاحقة راس الحربة .. و قيل أن الحارس ( كوليرا ) نفسه خرج عن مرماه ( عشان يسرقو ) .. بينما تقدم رأس الحربة و وضع الكرة في المرة بكل هدوء محرزاً هدفاً كوميدياً ..
بعد أن إنتهت المباراة .. هاجم ( ختو انار ) ( حريقة ) قائلاً ..
ما ( قلنا ليك سرقو ياخي !! )
رد حريقة ..
( ياخي ما سرقناهو و ما نفع .. واللاي تاني إلا نجيب ليهو بوليس عشان يقيف ) ..
ـ
و لا يخفى على فطنة القارئ وجه الشبه الكبير بين موقف الكباتن ( حريقة ) و ( ختو انار ) و الموقف في بوست إعلان وفاة الشهيد .. و بوست الدفن بمقابر سوق ليبيا لأثنين من كبار ( كباتن ) المنبر..
و لعلي أتخيل الكابتنة بتاعة بوست الإعلان عن وفاة الشهيد تصيح في الكابتن بتاع بوست الدفن ..
سرٍقُو .. سرٍقُو .. سرٍقُو ..
|
Post: #14
Title: Re: مافي داعي للخرخرة يا شباب ..
Author: د.نجاة محمود
Date: 02-03-2011, 09:17 AM
Parent: #13
لوووووووووووووووووووووووول
نحنا الان نعاني من "الافتر ماث"
بوست مفتوح باسمي اتلمى فيه المتاعيس كلهم
ناس هناية ام وش ميرندا ورقبة ببسي وعمك داك العوير
بالجد "هارضلك"
كدي النشوف مظاهرة بحري
|
Post: #15
Title: Re: مافي داعي للخرخرة يا شباب ..
Author: عصام دهب
Date: 02-03-2011, 10:41 AM
Parent: #14
سلام يا دكتورة ..
| Quote: بوسوت مفتوح باسمي اتلمى فيه المتاعيس كلهم |
كل المتطاولين عليك يا دكتورة لا يستحقون منك حتى مجرد أن تلتفتي إليهم ..
مجرد جهلة و رعاع و فاقد تربوي و صعاليق ..
و بالجد بالجد "هارضلك"
| Quote: كدي النشوف مظاهرة بحري |
و ما تنسي تشوفي معاك الحيستشهدوه فيها إسمو منو ؟؟
|
|