Post: #1
Title: أول مرة أشوف لى حكومة زعلانة لان معارضتها ضعيفة!
Author: jini
Date: 02-01-2011, 08:44 AM
Parent: #0
عاملين زى الزول الماشى فى الضلمة وبصفر عامل فيها ما خايف!
ما تستعجلوا على رزقكم العتب بتاكل حبة حبة!
كل شيخ وليهو طريقتو!
الشعب السودانى قرر ان يثور بطرقه الخاصة كل جماعة تتخارج تشيل ارضها بى ثرواتها وتمشى ناس الجنوب اتخارجوا و دارفور والشرق ومناطق المشورة فى الطريق!
الخلا ولا الرفيق الفسل!
وهل هنالك من هو اكثر فسالة من المؤتمر الوطنى!
حدكم دولة مايكرسكوبية امارة المقرن الاسلامية يسكن رئيسها فى أوضة وبرندة وباقى شعبه فى السهلة!
جنى
|
Post: #2
Title: Re: أول مرة أشوف لى حكومة زعلانة لان معارضتها ضعيفة!
Author: عاطف مكاوى
Date: 02-01-2011, 08:57 AM
Parent: #1
Quote:
أول مرة أشوف لى حكومة زعلانة لان معارضتها ضعيفة! |
يا جني
خليه ضعف المعارضة
هؤلاء تصيبهم أم هلاهلا من كتابات (مناضلي الكيبورد)
فتجدهم يستنفرون لها حتي العمداء وأركان الحرب
وكمان كشفوا بعض كوادرهم المنبرية الكانت ماسكة العصاية من النص
وعاملين فيها محايدين في السابق.... أو العاملين فيها معارضين للحكومة والمعارضة معا.
|
Post: #3
Title: Re: أول مرة أشوف لى حكومة زعلانة لان معارضتها ضعيفة!
Author: عاطف مكاوى
Date: 02-01-2011, 09:12 AM
.
|
Post: #4
Title: Re: أول مرة أشوف لى حكومة زعلانة لان معارضتها ضعيفة!
Author: البحيراوي
Date: 02-01-2011, 09:35 AM
Parent: #3
نشهد بأن المنبر قد حجز موقعاً متقدماً في طق القراف للحكومة حتى تخاف وسيستمر كشف المستور حتى يبين لكل صاحب عقل بأن الدغمسة لن تجدي فتيلا وسينتصر الحق عاجلاً أم آجلاً.
بحيراوي
|
Post: #5
Title: Re: أول مرة أشوف لى حكومة زعلانة لان معارضتها ضعيفة!
Author: Abdullah Idrees
Date: 02-01-2011, 09:41 AM
Parent: #4
كوميديا سوداء " جدا " .........
تحياتي جني والمتداخلين
|
Post: #6
Title: Re: أول مرة أشوف لى حكومة زعلانة لان معارضتها ضعيفة!
Author: عاطف مكاوى
Date: 02-01-2011, 09:54 AM
Parent: #5
.
|
Post: #7
Title: Re: أول مرة أشوف لى حكومة زعلانة لان معارضتها ضعيفة!
Author: عمر التاج
Date: 02-01-2011, 09:54 AM
Parent: #5
وأنا أول مرة أشوف لي معارضة زعلانة عشان الحكومة شايفاها ضعيفة ..
|
Post: #8
Title: Re: أول مرة أشوف لى حكومة زعلانة لان معارضتها ضعيفة!
Author: Hashim Taha
Date: 02-01-2011, 09:58 AM
Parent: #5
يا جني حقو تكون واضح! المعارضة خشم بيوت ! و المقصود بالمعارضة الضعيفة هي معارضة الداخل! أما معاررضة الكي بورد فالشهادة لله معارضة عاتية و قوية جداً و استضاعت أن تهز المنابر لساعات طويلة و هي ترسم لنا ملامح المظاهرات (الهادرة) (العارمة) التي ستنطلق من شارع القصر! يا راجل ديل حتى البيبسي جهزوه.. عشان البمبان ... أكثر من كده عايزهم يعملوا شنو؟
الضعف في الداخل أما .. أما الكي بورد شغال 100%
و دي شهادة عمر عشاري:
Quote: الشباب قررو يبدو المظاهرة في الوقت المحدد سلفا بدون ما يرجو باقي الناس وقد كان وكانت مفاجئة لكلاب البوليس لان المكان كان غير معلن ف النت الشئ الادى لتأخرهم، فقد تم تأمين الاحياء السگنية منذ ليلة 29 يناير والجامعات من الصباح الباكر ليوم 30 يناير المهم تاخر البوليس خلانا نشوف ردود افعال الناس وتفاعلم مع الشعارات كان المتفق عليه سلفا شعار لا لا للغلاء وكان تفاعل الجمهور سلبي ثم جربنا شعارات اخرى وظل الجمهور معزول حتى استفزاز المتظاهرين للناس بشعار "الشعب جعان لكنو Jaban" ، ماكان في اي رد فعل من الناس بل بالعكس حاول اعوان الامن تحريض الجمهور ضد المظاهرة لو لا ذكاء احد قادة المظاهر بتحويل الهتاف الى لمتين لمتين عايشيين بالدين، ليبدا بعدها التجاوب خجولا ثم يتصاعد حد الزغاريت بل رايت احدى الموظفات تنضم للمظاهرة وتهتف معنا،، سوء التخطيط كان بالمرصاد عند توقف عربتان مدججتان بگلاب لهب ونكتشف ان جمعنا اقل من نصف اعداد الشرطيين مما فاجائهم انفسهم فانقضو علينا،، نعم تراجعنا ونحن نهتف لكن ف النهاية استطاعو تفريق المظاهرة ف مهدها...لنتفاجاء باعداد كبيرة تكاد تفوقنا من رفاقنا الذين تاخرو عن موعد المظاهرة احادا وجماعات يسالون عن مكان المظاهرة للالتحاق بها،، بس بعد ماملاء العسكر الموقف والعمل على تفريغه من المواطنين اجباريا،، لنكمل يومنا كافعى قطع راسها ف غياب اعلام منظم يوجهنا الى اماكن تجمع بديلة او الانضمام الي مجموعة اخرى من المتظاهريين باستغلال وسائل الاتصالات الحديثة من رسائل قصيرة والفيسبوك والموبايل والموبايل انترنت على اجهزة النقال او اللابتوب التي لم يضطر النظام الى اقفالها اوالمساس بها طيلة اليوم
قال لي خلاص نبدأ وكانه يقول نعمل شنو يعني ثم أخذ يصفق ونزل من ترتوار المريديان في تجاه الشارع تبعناه جميعنا وأخذنا في الهُتاف بقوة ...تحررنا من فكرة الإنتظار ، الإنتظار نوع من العبودية كما قال أحد الكُتاب أخذنا نهتف بقوة وكاننا نعوض عن نقصنا العددي بحلاقيم كبيرة الفتيات كُنَ أكثر
ثم بدأ الناس يتوافدون أربعون خمسون سبعون مائة لا أكثر ...لا أكثر على الإطلاق ...ربما أقل مؤمنين بالتغيير ، مصرين على التعبير عن رأينا الهتاف يعلو ...ويعلو لا لا للغلاء ...خبزاً خبزاً للفقراء خروج هزيل لاشك في ذلك اعني بذلك مسيرة القصر أحدث فقط بما رأيت لا أخون قلمي ، لا اخون التغيير الحضور في احسن حالاته في هذا المكان كان لايزيد عن مائة ...للناس ظروفها الشارع لم يستجيب لا شك في ذلك غداً تحركٌ أوعى حماس أكثر وسلبية أقل |
عندي طلب بسيط ..
يوم 30 يناير قريت في المنبر إنه في مظاهرات (هادرة) و (عارمة) ستنطلق من شارع القصر، و كانت هنالك وصايا للمتظاهرين بأن ياخدوا معاهم علب بيبسي عشان البمبان و كده... فقلت دي فرصة أكسب لي قرشين في اليوم و قمت على طول اشتريت لي 4 كراتين بيبسي (96 علبة) و حجزت ناصية جنب بك أم درمان و قلت فرصة نصرف الكراتين دي سريع هنا و ألحق موقف جاكسون!
طبعاً الباقي معروف.. البيبسي بار..بار...بار...
أطالب الحزب الفيدرالي الليبرالي الكورالي بتعويض مالي!!!! ممكن
|
Post: #9
Title: Re: أول مرة أشوف لى حكومة زعلانة لان معارضتها ضعيفة!
Author: جعفر محي الدين
Date: 02-01-2011, 10:13 AM
Parent: #8
العزيز جني
السلام عليكم
Quote: حدكم دولة مايكرسكوبية امارة المقرن الاسلامية يسكن رئيسها فى أوضة وبرندة وباقى شعبه فى السهلة!
|
والله ما قصرت معاهم أبدا
وهم طبعا بحكم وصايتهم على شعب السودان المغلوب على أمره
خايفين علينا كمعارضة ويتمنوا لينا العزة وكده
|
Post: #10
Title: Re: أول مرة أشوف لى حكومة زعلانة لان معارضتها ضعيفة!
Author: شهاب الفاتح عثمان
Date: 02-01-2011, 02:51 PM
Parent: #9
Quote: والله ما قصرت معاهم أبدا
|
|
Post: #11
Title: Re: أول مرة أشوف لى حكومة زعلانة لان معارضتها ضعيفة!
Author: jini
Date: 02-01-2011, 05:16 PM
Parent: #10
شكرا لكل من مر من هنا
ما يحدث فى السودان لا يشرف الا حاكميه فعلى قدر اهل العزم نانى العزائم
اول دولة تشهد انفصال فى القرن الواحد والعشرين
الدولة الاولى فى الفساد وعدم الشفاقية
من ضمن افقر عشرة دول فى العالم
دولة سيئة الصيت فى سجل حقوق الانسان
دولة رئيسها ملاحق بتهم ابادة شعبه
دولةضمن الدولة الراعية للارهاب
دولة انفصل جزء من شعبها بنسبة 99.57% وهى نسبة غير مسبوقة فى سجل الانسانية!
والقائمة تطول
جنى
|
Post: #12
Title: Re: أول مرة أشوف لى حكومة زعلانة لان معارضتها ضعيفة!
Author: عبد المنعم ابراهيم الحاج
Date: 02-01-2011, 06:32 PM
Parent: #11
النهر مليان بالطمي
لسع بجيب ريحة
المكان الكان زمان
النهر يدخل في المسام
من أول الشريان
إلى آخر نشيد
في الروح ..
النهر والإنسان ..
جين التداخل
في خصوبتك
ياوطن ..
أفرد سلالتك نيل ..
بُطان الموية في
رحم الزرع
أمسك على نبتك
فرع ..
غطي المفازات
إخضرار ..
قرّب مدار الشمس
من تالا الحقول..
|
Post: #13
Title: Re: أول مرة أشوف لى حكومة زعلانة لان معارضتها ضعيفة!
Author: علاء الدين صلاح محمد
Date: 02-01-2011, 06:52 PM
Parent: #12
| Quote: ما يحدث فى السودان لا يشرف الا حاكميه |
ومناصري النظام واي زول زعلان من ضعف المعارضة والذين لهم مصلحة في استمرار نظام الانقاذ
|
|