هل صحيح (قرفنا) و (وكفاية) و (...) من منتجات الحزب الشيوعي؟

Post: #1
Title: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 01-31-2011, 02:36 PM

فقط للمعرفة

Post: #2
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: عزاز شامي
Date: 01-31-2011, 02:56 PM
Parent: #1

Quote: هل صحيح (قرفنا) و (وكفاية) و (...) من منتجات الحزب الشيوعي؟

بل هم بنات و أولاد البلد وما في زول بيقدر يزايد على وطنيتهم
سودانيين مية المية همهم البلد و وعيهم دليلهم
ما لماهم لا حزب لا بندقية
لمتهم البلد و عزيمتهم القوية
و و باكر ليهم، و العار لكل من لا يتحرج من أن يخون الوطن
و يخوّن أبناءه الشرفاءّ!

Post: #3
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 01-31-2011, 03:24 PM
Parent: #2

الحزب الشيوعي حزب سوداني معروف
فقط وددت تأكيد أو نفي المعلومات
التي لدي عن شباب كفايه وقرفنا
هل صحيح انهم ينتمون للحزب الشيوعي؟

التعديل لحزف مداخلة أردتها لبوست آخر

Post: #4
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: شهاب الفاتح عثمان
Date: 01-31-2011, 03:24 PM
Parent: #2

Quote: بل هم بنات و أولاد البلد وما في زول بيقدر يزايد على وطنيتهم
سودانيين مية المية همهم البلد و وعيهم دليلهم
ما لماهم لا حزب لا بندقية
لمتهم البلد و عزيمتهم القوية
و و باكر ليهم، و العار لكل من لا يتحرج من أن يخون الوطن
و يخوّن أبناءه الشرفاءّ!

شكرا لك عزاز ايتها الكريمه, تمام

كفايه حرام منتج مصري صمميم ,
استعمل على نطاق ضيق بعدها في السودان ,
جرب و اعطى نتاج فعاله في تونس ,
استخدم مره اخرى في بلد المنشا النتيجه فعال,
يعاد استخدامه بتوسع في ارض المليون ميل و التي لم تعد منذ الامس كذلك ..

كفايه حرام
كفايه حرام

Post: #5
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: Rabab Elkarib
Date: 01-31-2011, 03:44 PM
Parent: #1

اول مرة اعرف انوالاحزاب ممكن تكون مصانع

Post: #6
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: عوض محمد احمد
Date: 01-31-2011, 03:53 PM
Parent: #5

هذا ليس زمن التصنيفات
لو كانت هذه الاجسام من انتاج ابولهب او ابليس اللعين لسار وراءها الناس

Post: #7
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 01-31-2011, 04:13 PM
Parent: #6

Quote: لو كانت هذه الاجسام من انتاج ابولهب او ابليس اللعين لسار وراءها الناس

هنيئاً لك بمنتجات إبليس

Post: #8
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 02-01-2011, 06:39 AM
Parent: #7

قالوا : سجل إسمك ومافي زول بعرفك

وقلنا : البرقص ما بغطي دقنو

Post: #9
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: فايزودالقاضي
Date: 02-01-2011, 06:47 AM
Parent: #8

إيمو ....سلام

Quote: هل صحيح (قرفنا) و (وكفاية) و (...) من منتجات الحزب الشيوعي؟

يعني شنو لوكانوا من منتجات الحزب الشيوعي .؟!! ونعم الانتاج والله ..
طيب ناس المؤتمر الوطني ماهم منتج سفاح للاخوان المسلمين المصرى ..

التحية لشباب قرفنا وكافية وكل الشرفاء ..

Post: #10
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 02-01-2011, 06:56 AM
Parent: #9

Quote: فايزودالقاضي:[
QUOTE]يعني شنو لوكانوا من منتجات الحزب الشيوعي .؟!!

وعليكم السلام أخي فايز
وددت التأكد حتى أبعد أصدقائي من المقرفين

Post: #12
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: بدر الدين احمد موسى
Date: 02-01-2011, 07:20 AM
Parent: #10

ايميو

سلام

لا يا ايميو
واقول ليك ليه

لو كانو كلهم من الحزب الشيوعي, ما كان في داعي يتسمو باسماء اخرى!
لكن قد يكون فيهم اعضاء من الحزب, فالحزب حزب جماهيري, ومهمة اعضاءه تنظيم والمساعدة في تنظيم الناس من اجل قضاياهم.
فالشيوعيين في النقابات ودا ما معناه ان النقابات نقابات الحزب.
والشيوعيين في الاحياء, والمدارس , والجامعات, ويكونون التحالفات ولكن ابدا لا يدعون ملكيتها.
انا لا اقطع, ولكن اتوقع ان يكون في الحركتين شيوعيين منظمين حاليا, او كانوا سابقا.

Post: #13
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 02-01-2011, 07:29 AM
Parent: #12

Quote: لو كانو كلهم من الحزب الشيوعي, ما كان في داعي يتسمو باسماء اخرى!

وعليكم السلام أخي بدر الدين
لأن الحزب الشيوعي يعلم أنه إنتهى جماهيرياً
ولذلك يسعى لإستقطاب الشباب بمسميات مستنسخة
تتبع لطرحه العلماني .

Post: #11
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: خالد الجقر
Date: 02-01-2011, 07:17 AM
Parent: #9

طيب يا ايمو المشكلة وين؟ لكن مش قالوا زمان الحزب الشيوعي انتهى والماركسية راحت مع البريسترويكا، انت رأيك شنو؟ في شيوعية ام انتهت؟ بعد ما نحدد في شيوعية او مافي نبحث مين ورا قرفنا وكفاية عشان نحن بالجد قرفنا من الانقاذ وبنقول للكيزان كفاية تدمير للبلد. اما محاولة استخدام الشيوعيةكوصفة جاهزة للقضاء على اي حركة معارضة باعتبارها مناهضة للدين المحتكر للانقاذ فدي بقت لعبة قديمة جدا ومكشوفة ولحسن الحظ استهلك أبالسة الجبهة الاسلامية الشعارات الدينية ولم يعد احد يصدقهم مرحب بشباب قرفنا ومرحب بكفاية وكل فكرة يبدعها الشعب السوداني

Post: #14
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: EMU إيمو
Date: 02-01-2011, 07:40 AM
Parent: #11

Quote: طيب يا ايمو المشكلة وين؟

أخي خالد
المشكلة ان هناك حزب يؤمن بالعلمانية
ويسعى لنشرها وسط الشباب المتدين المسلم
حيث أرادوا إستقطاب شقيقي بأحد الجامعات
وهو ينتمي لحزب معارض
(سجل معنا ولا أحد يعرفك غيرنا)
دعوة سرية.
لماذا؟

Post: #15
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: elsharief
Date: 02-01-2011, 07:40 AM
Parent: #11

الحزب الشيوعي, لم يسرق افكار الشباب وابداعاتهم, بل عضويتة تنخرط فى أي عمل وطني معارض للنظام, الحزب الشيوعي له تحالفاته الواضحة والمعلنة مع الشباب والطلاب الديمقراطيين(اتحاد الشباب السوداني والجبهة الديمقراطية للطلاب السودانيين) هذا مايخص الشباب والطلاب

Post: #16
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: elsharief
Date: 02-01-2011, 07:40 AM
Parent: #11

الحزب الشيوعي, لم يسرق افكار الشباب وابداعاتهم, بل عضويتة تنخرط فى أي عمل وطني معارض للنظام, الحزب الشيوعي له تحالفاته الواضحة والمعلنة مع الشباب والطلاب الديمقراطيين(اتحاد الشباب السوداني والجبهة الديمقراطية للطلاب السودانيين) هذا مايخص الشباب والطلاب

Post: #17
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: بدر الدين احمد موسى
Date: 02-01-2011, 07:41 AM
Parent: #11

ايميو

سلام

ايميو يا اخوي انت ما اتيت لحوار!

فنخت ليك دمغة اخونا الدكتور ديك

هههههههه

Post: #18
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: جمال المنصوري
Date: 02-01-2011, 07:46 AM
Parent: #17

Quote: البرقص ما بغطي دقنو

صدقت .. خصوصا اذا كانمن الجبهة الاسلامية

Post: #19
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: خالد الجقر
Date: 02-01-2011, 07:52 AM
Parent: #17

Quote: أخي خالد
المشكلة ان هناك حزب يؤمن بالعلمانية
ويسعى لنشرها وسط الشباب المتدين المسلم
حيث أرادوا إستقطاب شقيقي بأحد الجامعات
وهو ينتمي لحزب معارض
(سجل معنا ولا أحد يعرفك غيرنا)
دعوة سرية.
لماذا؟

كما توقعت تريد القول ان اولئك العلمانيين يحاربون هؤلاء الانقاذيين الذين يحكمون بالشريعة وهذا هراء وكذب

عليك ان تثق ان تلك الحركات الشبابية نتيجة للقرف من النفاق والمتاجرة باسم الدين ولا علاقة لها بالحزب الشيوعي

الصراع في السودان ليس بين العلمانية والدين وانما بين الشعب وحفنة من المتاجرين بالدين

Post: #20
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: Hashim Taha
Date: 02-01-2011, 08:02 AM
Parent: #17

Quote: الحزب الشيوعي, لم يسرق افكار الشباب وابداعاتهم, بل عضويتة تنخرط فى أي عمل وطني معارض للنظام, الحزب الشيوعي له تحالفاته الواضحة والمعلنة مع الشباب والطلاب الديمقراطيين(اتحاد الشباب السوداني والجبهة الديمقراطية للطلاب السودانيين) هذا مايخص الشباب والطلاب

عجيب والله..
أين هم الشيوعيين عشان يعملوا ليهم حزب؟؟؟؟؟

الفضل منهم اتشعلقوا في ذيل الحركة الشعبية (جناح كوبا) و فضلو مشعلقين لغاية ما اللعبة انتهت و بعدين لفظوهم!

أمشي المركز العام في نمرة 2 ، تلقى تلاتة أربعة كده قاعدين! أقل واحد عمره 76 سنة! يا هو ده الحزب الشيوعي الفضل!

مافي شباب و لا طلاب

تخريمة:
زمان .. كان عندناالواحد لما يسب الدين على طول ياخد الجنسية الشيوعية!

سأل أحدهم في هذا المنبر هذا السؤال : يا عادل عبد العاطي .. هل صحيح أنت ملحد؟؟؟؟ مافي إجابة

قبل الانتخابات سأل المذيع السيد/ محمد ابراهيم نقد : هل تصلي؟؟؟ كان الرد لا أصلي!!!!

الشيوعية ماتت و قبرت .. و تبرأ منها أهلها منذ عشرات السنين! و لكن مصيبتنا انه ناسنا ما عايزين يصدقوا الحقيقة دي و محتاجين لمسوغ و مبرر لسلوكهم لذا متمسكين بكلمة شيوعي حتى الآن و مافي مانع طبعاً من تسلق أي حائط و التشبث به و بالتالي ينشطوا في استنساخ المسميات مرة كفاية و مرة قرفنا و كل ما تتعرى واجهة يقفزوا لواجهة أخرى حتى ينقرضوا تماما بإذن الله

Post: #21
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: موسي عيسي
Date: 02-01-2011, 08:24 AM
Parent: #20

ماتت الشيوعية ماتت الاحزاب مات الشعب و لم يبقي في

البلد سوى المؤتمر اللاوطني !!!! و لكن هناك نبض من

الشارع يرفض الانقاذ و يرفض المؤتمر الوطني إذن من اين

أتى هؤلاء ؟؟ سواءا كانو من الحزب الشيوعي السوداني او

السوفيتي او الحبشى فإنا نشد من أزرهم و هم وقود الثورة

التي سوف تقضى علي الخونة و تلحقهم امات تونس و القاهرة

Post: #22
Title: Re: هل صحيح (قرفنا) و (وكفاية) و (...) من منتجات الحزب الشيوعي؟
Author: Abdel Aati
Date: 02-05-2011, 06:39 PM
Parent: #20

Quote: سأل أحدهم في هذا المنبر هذا السؤال : يا عادل عبد العاطي .. هل صحيح أنت ملحد؟؟؟؟ مافي إجابة
مين السأل يا زول ؟؟ وبأي حق يسأل في أمر شخصي ؟؟ سألناهو نحنا ؟؟
السؤال ما في .. لكن الاجابة في قطعا ..