شـوفو يا جماعة هووووووي!!

وأنا بتكلم عن نفسي بصورة واضحة .. وكلام صريح:

اليومين ديل ود الصايم ـ قدّس الله سره ـ معصور جدا جدن ـ أو كما قال قيقا!
ومن كتر العصرة الواحد خشمو عفّن وداير يمرق من (التهنيق) شوية!!


أها يوم الخميس الفات جينا خاشين لقينا الأنصار
قالوا عندهم (قلبة) للحكومة .. خلينا ليهم البورض!
أو بالأصح أديناهم المجال لاستهلاك (باوندثهم) و(باوندثنا) معاهم!
وقصتهم طلعت (زوبعة) بدون فنجان زاتو .. أو بالأصح شمار في مرقة!
.. وعصرنا على نفسنا وقلنا بورضاب الأنصار ديل حبايبنا .. واتحمّلنا الوضع!

اليوم السبت
بتاريخ (9 الدلو 1398هجرية ـ شمسية، الموافق 2 نوء البلدة ـ 15 الشبط)
جينا راجعين الليلة لقينا (الجماهير) بكره عندهم (قلبة) برضو!
وما عاوزين نعمل (شوشـرة) .. عشان يعلو (صوت المعركة)!

ولو القصة دي ما نجحت برضو .. مع كامل أمانينا بالتوفيق لأي واحد
في حياتو وفي مستقبلو وحرية رأيو وحرية اختيار الحكومة المناسبة ليهو
فنرجو من بقية الأحزاب تحديد مواعيد (القلبة) عشان نختّها في الكالندر
من هسي وما نتلوّم بعدين معاهم ..


فـ .. إذا بكره (ما) قلبتوها .. ما تلومونا باللاي!!
الواحد ح يجي يدوّر في عدم موضوعو وخستكتو .. وكان الله يحب المحسنين!

والله يرضى عليكم .. ركّزوا لينا على كلام ود البشرى
بالنسبة لتغطية أخبار يوم 30 ...

وأُعلن من الآن تبرعي بنصيبي من (باوندث) بكري
يوم غدا الأحد لصالح (ثورة 30 يناير ـ ثورة الجماهير)

كما أرجو أن ينتبه (مشعلوا الثورة)
لوسائل ربط قاعدتهم من الجماهير!



_
فالإنترنت يا سادتي في السودان عبارة عن (رفاهية)!!

حسع دا كلام شنو

يا عم حمزاوي .. أهو بشدّ من أزر الجماهير!!

اها رجعت للدوبلوماسية تاني

ود عوج الدرب .. يا من يُطلق الشائعة ويصدقُها!


مفروض الناس تنتبه .. لأنو أكتر من كـدا
ح تبقى علينا قصة (هجم النمر) .. لا أكثر ولا أقل!!

من الاخر كدة
ادنا شهر ( اقول حاجة رسل لي بكري يوقفك احسن )
وبعد الشهر تعال لينا بنكون قلبناها
وبقينا ماعندنا موضوع زييييك ( هنا في كم وش اخدر ومدور )

ونجي ندور في كلنا في عدم الموضوع


خالص الكبسرة

من جانبي أبذل هذا البوست ياخ الفراعنة ديل أفقر وأخطر ناس ..
هدية في حال قامت هذه المظاهرات حتي يستفيد من العبر الموجودة فيه
من أراد .. لأنو نحن حركات الديش المصري دي ما بتقسم معانا..
ونقولها بالفم المليان :
أحذروا من حركات الديش المصري يا شعبكم السوداني .

والله يا طلحة يا مسكين .. كلامكـ نجيض!!
وود البشر(ي) يلف زي الماف حاجة!!

تمام يا بيناوي .. أنا مستعد من هسي
أقيف شهر .. شهرين بالتمام والكمال!

كفاية؟

قرار شجاع وحكيم ..
وجودك غير مرحـب به في مثل هذه الايام ..

يعني حسع دي افهم إنك دافنه للاحبــاب .. بالنسبة لي يوم ستة وعشرين مثلا ؟

والله يا تامبا .. أكضب عليكـ لو قلت ليكـ ما دافنا!!
ياخ شباب زي الورد زي ديل .. عمكـ يعمل ليهم (شنقة)!!

ياود الصائم يأخ إنت ماتساعدنا بدفره ,,,
وبما إنك زول مقروء وأحبابك كتار وبوستاتك
بتجيب الأعمى والمكسر فيأخ أفتح ليك بوست
من شاكلة ( لايعلو على صوت المعركه ) وأنا
والله متأكد حيكون أهم من كل البوستات الموجوده
دى , وسوف يخلد التاريخ إسمك بمداد من ذهب ,,
عليك الله ياو الصائم كدى جرب ,, والله أنا متأكد
إنو حيكون ليك شأن فى الثوره القادمه ,, خاصة
وإنك مصنف فى البورد ده بالظرافه وخفة الدم ومافى
أى واحد بيقدر يجى ويقول ود الصائم كوز أو أمنجى .
عشان كده أى بوست إيجابى منك سوف يكون له أثره
فى إنعتاق الشعب السودانى من هذا الذل الذى يعيشه .
أنا جادى والله وعائز أستقطبك فى هذا الظرف الملح
الذى يمر به شعبنا فأنت لاعب أسافير ماهر ..
وحرام أن توقف نفسك وتبعدها عن هذا الحراك .
ماذا قلت ؟؟