Post: #1
Title: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 09:49 AM
الكلام دا ما ليهو أية علاقة بالبرنامج بتاع المذيعة البتلاقي
الناس في الشوارع وتسألم من رأيم في إسم قاطعاهو من رأسا على
أساس انو مفكر كبير ويقوموا يعملوا فيها انو المفكر دا أخوهم وساكن
معاهم في البيت عديل كدا .
يتبع .....
|
Post: #2
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 09:56 AM
Parent: #1
قبل كدا لاقاني واحد شغال (مقاول بناء) أقنعني أنو هو محمود الخطيب
بذات شحمو وحرفنتو في جيب الأقوان .. دا بس لأنو قلت ليهو ياخ أنا
بتاع كورة وبتابعا في أية حتة في العالم ..
بعد شوية شغلت شريط غناء وبدينا نتكلم في الفن قام أقنعني وأنا بكامل
قواي العقلية أنو كان كورس لفريد الأطرش ..
الجدير بالذكر أنو الزول دا مقاول بناء لكن شغال دكتور ..
يتبع .....
|
Post: #3
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 10:03 AM
Parent: #2
أيام مباراتم الفاصلة مع الجزائر في ام درمان ناس مين كدا حجازي
ومين كدا الغندور جابوا ليهم واحد عندو شوية زلطة في رأسو وأقنعونا
أنو السودان أصبح سلخانة كبيرة يتم فيها ذبح المصريين ..
يتبع .....
|
Post: #4
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 10:07 AM
Parent: #3
قبل ما يطلع لي واحد من الجماعة يقول لي ياخ الناس في مظاهرات بكرة
وانت في المصريين أحب أن أؤكد ان البوست دا ليهو علاقة بمظاهرات بكرة
والأيام التالية ..
يتبع ....
|
Post: #5
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 10:15 AM
Parent: #4
نعود لموضوع الفراعنة لأقول انو فوق كل فقرى خطر أفقر وأخطر منو ..
أنا ما سياسي ولا بعرف في السياسة لكن يقيني أنو الناس ديل الحكومة
سرقت إنتفاضتم جهارا نهارا ..
واحد إتنين الجيش المصري وين ..
وظهر الجيش في الشوارع فهدأت الاوضاع وتحولت المظاهرات الغاضبة
إلى إحتفالات حليفة رغم أنو النزل الجيش للشوارع هو الحاكم العسكري
اللي هو الحوت الكبير مبارك ..
وتييييييييييب.
|
Post: #6
Title: Re: ياخ الفراعنة ديل أفقر وأخطر ناس ..
Author: محمد البشرى الخضر
Date: 01-29-2011, 10:27 AM
Parent: #5
هوي يا تنظير
شن عرّفك بالسياسة كمان إنت
قوم شوف ليك كورة نظّر فيها - دا بعد تلف طبعا
|
Post: #7
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 11:39 AM
Parent: #6
ياجرجير ياخ دي ما عايزا ليها دروس خسوسية
الناس ديل تعبانين ليهم أربعة خمسة يوم ما خلوا
ليهم لستك واللا عربية ما حرقوها ولا مركز شرطة واللا محل صعوط
ما كسروهوا
وفي النهاية يجوا يتخارجوا كدا لوح تلج وساح عشان الديش نزل
الشارع ..
طيب اها الديش دا ذاتو موش بتاع حسني مبارك القاعدين يكوركوا فيهو دا ..؟؟
وتييييييييب ياخ ..
|
Post: #8
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 11:44 AM
Parent: #7
الناس ديل على ما أعتقد عندهم إنفصام حاجة ..
مرة أشطن ناس ومرة أعبط ناس ..
لا وكمان بهتفوا وبرقصوا مع الديش .
|
Post: #9
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 11:50 AM
Parent: #8
Quote: الكلام دا ما ليهو أية علاقة بالبرنامج بتاع المذيعة البتلاقي
الناس في الشوارع وتسألم من رأيم في إسم قاطعاهو من رأسا على
أساس انو مفكر كبير ويقوموا يعملوا فيها انو المفكر دا أخوهم وساكن
معاهم في البيت عديل كدا .
|
العايز يعرف الكلام دا يدخل البوست دا المصرين يعرفون كل شيئ
|
Post: #10
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 11:54 AM
Parent: #9
حركة الديش المصري دي يجب ان يستفيد منها شعبكم السوداني العظيم
في حال قام بمظاهرات حتي لا يلدغ من نفس الجحر ..
وهذا نصيحتي للغاشي والماشي .
|
Post: #11
Title: Re: ياخ الفراعنة ديل أفقر وأخطر ناس ..
Author: tmbis
Date: 01-29-2011, 12:16 PM
Parent: #10
يا طنظير .. كيفك ..؟
امنقه حاجة جابو واحد جاري قدام الكاميرا .. وقال بالفم المليان وما تسالني مليان شنو ..
كوورك ..
اللحقووو يا ولاد دي مصر بتولع 
غايتو اتضح مما لا يدع مجالا للشك إنو المصريين ديل احسن ناس بتدق جرس ..
|
Post: #12
Title: Re: ياخ الفراعنة ديل أفقر وأخطر ناس ..
Author: Faisal Elrasheed
Date: 01-29-2011, 12:31 PM
Parent: #11
| Quote: غايتو اتضح مما لا يدع مجالا للشك إنو المصريين ديل احسن ناس بتدق جرس .. |
العيد القبل الفات جبته لي سباك مصري (خبير اجنبي ) من النوع ابو كديس..
كان عندي مشكله في الحمام للاسف ما كبيره لكن حركات العيد المسيخه الانت عارفه ..نظام العيد جا ولازم تصلح وتصين اي حاجه ..
المهم الزول كان ظريف وخفيف كالعاده ووناس جدا ..
ما فتحنا موضوع الا وكان خبير فيه ..وشرب ليه زي 80 كباية شاي وسطاشر سجاره ..
طبعا رفض يتفق معاي في الاول وشبكني يا ابن النيل خليها ع البركه وكده ..
والله انا بي تحت تحت قلته المصري ده بعد الشاي والونسه دي احتمال يحلف ما يشيل القروش ..
بعد ما انتهي وجا وكت الحساب ..قال لي عاوز 150 الف بالقديم ..
والشغلانه اساسا ما محتاجه اكتر من مفتاح انجليزي وشريط مويه وعشره دقايق شغل ..
قلته ليه ياخ بالغته ..قبل ما اتم الجمله كان فرج فيني البلد والبلدين ..
في النهايه شال ال 150 وشبكني استغفر الله العظيم وحسبي الله ونعم الوكيل ..
وقرب يعلن الجهاد ..
عشان كده المصريين ديل ان شا الله حسني مبارك ي.... في الشارع ما خاتي عليهم 
|
Post: #13
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-29-2011, 12:31 PM
Parent: #11
هلا يا تامبا
الأمنقة من كلامك الفوق دا أنو الناس ديل وبي قدرة قادر
إتحولوا من شعب ثائر إلى مجموعة من اللصوص عرضت صورهم
وهم ينهبون في المحلات وكل ما إستطاعوا إليه سبيلا ووصولا ..
شفت ليك عباطة أكتر من كدا ؟
الحكومة سحبت ناس الأمن والشرطة وقالت ليهم هيأت لكم
كل ما خف وزنو وثقل ثمنو أو الإتنين معا
وجماعتك ما صدقوا
والكاميرات تصور
وناس الحكومة يصوروا
وناس قناة الجزيرة ذاتم يصوروا ..
بالله شفت ليك فقرنة وشيطنة حكومة اكتر من كدا ..
|
Post: #14
Title: Re: ياخ الفراعنة ديل أفقر وأخطر ناس ..
Author: طلحة عبدالله
Date: 01-30-2011, 09:56 AM
Parent: #13
راحت في حق الله
إحتسبوها لله .
|
|