تحريك النّاس كما الدُّمِي بالرِّيموت كُنْترول آخر أنواع النِّضال الفاشِل

مُعْظم أصحاب الدّعوات "الحامضة" الحاضّة للنّاس على الخروج "للمجهول"
ضاربين التّرْطيبة برّة و عايزين يحرِّكوا الشّعب كما قِطع الشّطرنج
خاب فألكم والله

و بي صراحة
عمليتك ما ظريفة .. و حركتك ########ة

العايز يغيِّر وضع قائم
يجي بي رقبتو
سيبو حركات النِّضال عن بُعْد دي

و د.نافع لمّا قال مُعارضة الإنترنت خائبة
لأنّو عارف إنُّو 99% مِنّهم برّة البلد و عايزين النّاس بالداخل تناضِل بالوكالة عنهم
و هُم يجي راجعين نلاقيهم بالتّصفيق الدّاوي من صالة كِبار الزوار و للقصر الجمهوري عِدلْ

و دي تلقوها عِنْد الغافِل

عايز أطمِّنْكم أو بالأحرى أطمِّم بطُنْكُم
إنُّو النّاس عارفة إنتو مِنو كويِّس
لن تعود الطّئفية بأي جُلْباب من تاني
و بقايا الماركسيّة التي ماتت في مسقط رأسها لا مكان لها بيننا من جديد
و الجمل مااااااااااااااااااااااااشي

اخي علاء

اني لاخاف عليهم من يوم شره مستطيرا

ديل ما بِتْخاف عليهم يا ود الباوقة
ديل كُلّهم قاعدين برّة
و اليدُّو في النّار ما زي اليدُّو في الموية

انتهى زمن الحرب بالوكالة يا هؤلاء

أها العايز يناضِل في شوارِعنا
اليجينا مِنْ برّة زي عودة البرادعي
و نسمِّي عودتكم
"عودة ديجانقو"

الاخ علاء الناس ديل كضابين ساهي خليهم يحلموا

مساعدة:

جـبـانـة أكتبها كدة ج ب ا ن ة

لأنو بكري مشفّرها

والله بكري ذاااتو حركتو جـبـانة في التِفير

كِدا كيف

كمان جابت ليها إقصاء يا مُناضلي برّة
العايزين تحرِّكوا ناس جُوّة

على إدارة المنبر حذف كل بوستات التشويش فلا صوت يعلو على صوت المعركه ,,,

Quote: أها العايز يناضِل في شوارِعنا اليجينا مِنْ برّة زي عودة البرادعي

انت يا علاء بتتكلم عن ناس سودانيزاونلاين و للا عن ناس المعارضة؟؟
لأنو معظم إن لم يكن كل قادة المعارضة الذين كانوا في مصر و في اريتريا
و في المناطق المحررة في شرق السودان قد عادوا للداخل و هم الآن يقودون
العمل المعارض ضد النظام.
بعدين يا علاء ياخي ما تدي الناس الفرصة هم براااهم يقولوا ما عايزين
طائفية و ما عايزين ماركسية..الخ، مش تفرض عليهم عمر البشير و جماعته
و بعدين تجي تتكلم عن الشعب داير شنو و ما داير شنو.يعني باستخدام نفس
طريقتك في الاستقراء دي أنا بقول ليك أنو الناس ما دايرين الانقاذ
و كارهينها و كارهين رموزها، كل الناس البعرفهم من جيران و اقارب و معارف
مجمعين على أنو هذا النظام هو نظام فاسد و قمعي و ديكتاتوري.

Quote: مُعْظم أصحاب الدّعوات "الحامضة" الحاضّة للنّاس على الخروج "للمجهول" ضاربين التّرْطيبة برّة و عايزين يحرِّكوا الشّعب كما قِطع الشّطرنج خاب فألكم والله

الأخ علاء لا تحمل هم الشعب السوداني اوعى بكثير من أن يخرج هكذا عشوائيا يعرف متى يخرج ولماذا يخرج.

لن يخرج الشعب السوداني المسلم لمثل دعوات هؤلاء العلمانيين او ناس برة

الشعب السوداني واعييييييي وما بتخم بشوية بايتات

لامكان لهؤلاء بيننا أبدا

Quote: مُعْظم أصحاب الدّعوات "الحامضة" الحاضّة للنّاس على الخروج "للمجهول" ضاربين التّرْطيبة برّة و عايزين يحرِّكوا الشّعب كما قِطع الشّطرنج خاب فألكم والله

سلام يا علاء
أنت كشعب كده يا علاء اوعك تسمع كلام زول برة
واوعك تتحرك كريموت كنترول .
والعايز يتحرك خليهو ياخ يتحرك واتفرج من
بكانك .

بالمناسبة يا علاء بتاعة يوم 30 دي تيست سااااي
لكسر الهاجس والحاجز و ستتوالى التظاهرات
وستشهدون ذلك .
والسيد عمر حسن احمد البشير سيسمع راى الشعب
فيه فهل سينفذ ما قاله؟

تحياتي لك .

نضال كي البورداب

الأخ علاء الدين
تابع أخبار مصر وما تقلق
على الجماهير وخليها تختار .

هلا يا أبو النِّيز
عارِف يا نزار لو إنت ما ظهرت في الجذو دة بتكون في حاجة غلط
دة جو المُستفيدين من أي حالات خراب
جو الوقعو بي قد القُفّة
و إنت طبعاً من أوّل و أكبر الواقعين بعدما فلسعت بصّات الشعْبِيّة و خلّتكم ريحتكم طير طير
ما عارفين تلِمُّو لا شمال لا جنوب
أها تمشوا وييييييييييييييييي؟
يلا قُلتو بس
نقلِبا
و نستفيد من النموذج المِصري البتوصِّيني أعاين ليهو دة

لكن نسيت حاجة مُهِمّة خلاص
إنُّو الشّعب دة لا يسْهُل إقتياده كقطيع
و إلا لكان انقاد لكم في الإنتخابات الأخيرة التي نكّل الشّعب بِكم فيها

و نسيت إنُّو الشّعب هو آخر من سيستفيد من أي أحداث عُنْف تحْدُث
الشعب ليهو زمن شايف أمور دولتو ماشية في الإتِّجاه الصّاح
مُسْتحيل يقبل بي زول عايز يقلب الوضِع دة
و أحسن إنت تسمع كلامي دة و تعمل نايم

لأنُّو كما خُذِلْتم قبل ذلك
ستُخْذلوا اليوم

علاء الدين

سلام

لو الجماعه ديل قرروا يبدؤ بتكسير نادي المريخ بإعتباره من مباني حزب المؤتمر الوطني ورئيسه جمال الوالي

فراح أطلع معاهم ................... غير كده سبب واحد يخلي الزول يعرض نفسه للتهلكه مافي

الجماعه المرطبين ديل وضاربين البتاعه الساقطه

عايزننا نواجه ليهم قوات قوش ونافع ( قوات الأمن الخاصه )

والبوليس بتاع الإحتياطي الورا متمردي دارفور الويل

نحن العزل ديل نواجه كل القوات دي

وبعد مايموت فينا من يموت يجوا الإخوه المناضلين ويقسموا الكيكه.

صدق مصطفى البطل وهو يصفهم بما يستحقون

هو بينك وبينك الحكومه دي فيها غلط كتير

لكن لمن تجي تعاين لمن يطرحون أنفسهم بالبديل تجد من الأفضل أن يظل هؤلاء خمسون عاماً آخرى

Quote: لو الجماعه ديل قرروا يبدؤ بتكسير نادي المريخ بإعتباره من مباني حزب المؤتمر الوطني ورئيسه جمال الوالي فراح أطلع معاهم ................... غير كده سبب واحد يخلي الزول يعرض نفسه للتهلكه مافي

هلا يا فِدْياس
والله الفوق دي أنا ذاتي يمكن أطلع
باقي أخوك نفس لونك أزرق يتماوج

Quote: الجماعه المرطبين ديل وضاربين البتاعه الساقطه عايزننا نواجه ليهم قوات قوش ونافع ( قوات الأمن الخاصه ) والبوليس بتاع الإحتياطي الورا متمردي دارفور الويل نحن العزل ديل نواجه كل القوات دي وبعد مايموت فينا من يموت يجوا الإخوه المناضلين ويقسموا الكيكه. صدق مصطفى البطل وهو يصفهم بما يستحقون هو بينك وبينك الحكومه دي فيها غلط كتير لكن لمن تجي تعاين لمن يطرحون أنفسهم بالبديل تجد من الأفضل أن يظل هؤلاء خمسون عاماً آخرى

عرف يا فدياس المُصيبة شِنو؟
المُصيبة مُش إنت حتاوجه قُوّات شُرْطة و أمن أو كِدا
بل إنُّو من وسط أي جموع حتلقى في ميّة مجموعة تُمثِّل جيب من جيوب الحركات المُتمرِّدة البتفاوض في الجكومة مِن إتِّجاه
و عايزة تُسْقِط هذه الجكومة من إتِّجاه آخر بعمليات التّخريب المعروفة للجّميع
ستجد من مثل هذه المُحاولات أرض خصبة لتزرع الرُّعب و العُنْف و الموت و الخراب و الدّمار و تسقي كُل ذلك بدماء المُواطنين البُسطاء

القِصّة ما قِصّة نِظام يا فدياس

دكتور سيف
سلامات

يعني إنتو عايزين النّاس تطلع في السُّودان
زي ما طلعت في مصر و تونس؟
وهل نحن مِثل شعب مِصر أو شعب تونس؟
لا يا حبيب
نحنا بيننا مُش أحزاب بس كُل زول عايز كومو
بيننا جيوب لحركات تمرُّد تبحث عن فُرْصة لتفعل الأفاعيل بالشّعب
و ما يوم الإثنين الأسود ببعيد
تختارو يوم إعلان إنفصال الجّنوب عن الشّمال للتّظاهُر؟
إيه الصُّدْفة الجّميلة دي؟
عارفين أوّل ناس حيجدو ضالّتهم في هذا اليوم مِنو؟
ديل الحتغنُّو ليهم بعدين بعد ما الفاس يقع في راس ناسكم أوّلاً
"المِفارق عينو قويّ"
لا شعب السُّودان كشعب تونس أو مصر من ناحية تضييق في الحُريّات وصلت لمنع الصلاة من المساجد
و اعتقال كُل من يرتاد المساجد باستمرار
ولا قيادتنا كقيادتهم
راكعة و ساجدة للغرب
بل قيادة وقفت أمام صلفهم و جبروتهم و طغيانهم
و عقدت تحالٌفات مع من يُصْلح الحال دون من أو أذى
فكانت الصّين خير حليف نرفع رأسنا معه و تعلو هاماتنا و هِمّتنا

و شتّان ما بين البشير و مُبارك
مُبارك اللي ما بيحادِث شعبو إلا من خلف زجاج مُضاد للرّصاص
و البشير الكل يوم من بيت فرح لي بيت ترح و مقابر
و البيرقُص و يعْرِض وسط الجُموع الحاشِدة من أبناء شعبه؟

عايز أقول ليك في النّهاية يا دكتور
لن يتجاوب النّاس مع مِثل هذه الدعوات المُسيّسة
و تعلم ذلك
و النّاس حتمتنع عن مُساندة أي حركات من خلفها مُعارضة و تمرُّد
النّاس عارفة المُعارضة عايزة شِنو
عايزة خراب و دمار و تفلُّت لتصطاد في الماء العكر
و هذا ما سيحدث إن حدث أي خروج للشّارع
فجيوب كثيرة لحركات مُتمرّدة تنتظر حالة تفلُّت أمني
لتضرب من طرف
أصحى يا حبيب أصحى
ولو أنت آمن على روحك برّة
في ناس جُوّة
لا نقبل أن يُصْبحوا مِطْية لمُعارضة تتحكّم فيها حركات مُتمرِّدة
همّها الأول أن تبتطش بالشّعب
و تجِد فُرْصة لبعض جيوبها و طابورها الخامس ليفرش لها سِجّاداً أحمر لدخول الخُرْطوم

ياعلاء ...سلام ياقريبي ..


الكلام ده يقولو زول غيرك ياعلاء ماشغال في مجال الاعلام الالكتروني ومابعرف دور الانترنت والكملة فيهو..الانترنت اصبح احد محركات الفعل في العالم وثبت نجاحه في تحريك الرأى والثورات ...وهي ادوار تكمل بعضها فعلاً اسفيرياً او حضورياً فعلياً .. هل من المعقول عشان اعبر عن رأيي وحقي بالضرورة اركب طيارة واجي اقوله في الخرطوم ؟!!!!ياخي ده كلام ده ؟!!!!!

كل زول بناضل بالطريقة المتاحة ليهو ...انترنت ... ايميلات .. حضور فعلي ..المهم يسجل موقف ويمارسه حقه في التعبير عنه ..
وغير كده ياعلاء اعتبر البتكتب ده تعبير عن رأى واعتبر الخروج السلمي ايضاً حق ديمقراطي ولاتنزعج ...

اذا ربنا وفق وجماعتك مشوا فعمر الدم مايبقى مية تعال لينا في الشرق فنحن منك برضو ومايهون علينا تتحاكم بعيد مننا ..



تحياتي ياحبيب ..

الشعب يريد اسقاط البشير

Quote: الشعب يريد اسقاط البشير

و إنت قايلني أجنبي من جنوب السُّودان مثلاً يا محمّد عادِل
ما أنا برضو "شعب"
و ما عايز إسقاط البشير
و لن يسْقُط البشير
لأنّ الشّعْب لا يُريد إسقاطه
فمن إنتخبه الشّعب قبل أشهُر قليلة لا يزال هو الخيار الأصلح له

Quote: الشعب يريد اسقاط البشير

ياتو شعب دا بالضبط؟

الشعب الأداهو 7 مليون صوت قبل شهور قليلة؟

و لا الشعب البشوفوا على الانترنت؟

يمكن بعدالاصلاح ما بقى قومي استورد ليه شعب نحن ما عندنا خبره

هو التغيير لو بجيبوه لينا ناس فرناس و (فدياس) زولك دا ياهو ال واطاتنا اصبحت
انت يا علاء ما تخاف ستكون في مأمن في احد بيوت بورداب الداخل
وانت ذاااتك ال دايرك منو ؟
كلم بشيرك يبل راسو ويجهز
لو لقا دولة قبلت بيهو

Quote: هو التغيير لو بجيبوه لينا ناس فرناس و (فدياس) زولك دا ياهو ال واطاتنا اصبحت انت يا علاء ما تخاف ستكون في مأمن في احد بيوت بورداب الداخل وانت ذاااتك ال دايرك منو ؟ كلم بشيرك يبل راسو ويجهز لو لقا دولة قبلت بيهو

هلا يا بيجو
أحلم يا أخوي
أحلم ساااااااااااااااي
و صدِّقني البيدور في راسكم دة عُمرو ما يحصل مع شعب السُّودان الواعي
العارِفْكم إنتو منو
و عارف الحكومة دي منو

و بالمُناسبة
فِدْياس دة "شعب"
ما تقراها لي شعبي كمان
مُواطن يمكن يكون أقرب لمُعارضة النِّظام
أهو شوف رأيو دة
حيكون رأي الأغلبيّة الصّامِتة

Quote: إنت قايلني أجنبي من جنوب السُّودان مثلاً يا محمّد عادِل ما أنا برضو "شعب" و ما عايز إسقاط البشير و لن يسْقُط البشير لأنّ الشّعْب لا يُريد إسقاطه فمن إنتخبه الشّعب قبل أشهُر قليلة لا يزال هو الخيار الأصلح له

ود القاضي يا قريبي
سلامات
مِنو القال ليك يا فايز أن بتحدّث عن ضُعْف الوسيلة؟
بل بتحدّث عن ضُعْف من يود إسْتِخْدام هذه الوسيلة
و لما أقول ضُعْفهم
لا أعني القُوّة أو روح الجّماعة
بل أعني قُوّة منطقهم و حُجّتهم التي يتّخِضونها ذريعة تُنادي الناس عبرها للخروج
النّاس تطلع شان مشنو و شان شِنو؟
شان مُعارضة فشلت في حُكْم البلد حينما كانت في السُّلْطة؟
و عايزة ترجع ولو بالقُوّة
وياريت لو قُوّتها هي بل قُوّة الشّعب الذي حاربته يوماً في قوت يومه

ولاّ تطلع شان بعض الجّيوب المُتفلِّتة و الخلايا الكامنة لبعض الحركات المُتمرِّدة
و عدد من الجِّهات المُستفيدة من أحداث مِثل هذه تود أن تستثمرها لصالحها

و ما بعيد الشريك المودِّع ذاتو يُشارِك لإحياء أمله الموؤود "السُّودان الجديد"
الذي يعني إزالة عِرْق و إحلال آخر

Quote: لا نقبل أن يُصْبحوا مِطْية لمُعارضة تتحكّم فيها حركات مُتمرِّدة همّها الأول أن تبتطش بالشّعب و تجِد فُرْصة لبعض جيوبها و طابورها الخامس ليفرش لها سِجّاداً أحمر لدخول الخُرْطوم

الأحزاب يا علاء منذ زمن وضعت سلاحها ارضا و ارتضت أن تشارك في اللعبة
السياسية التي لا يحترم النظام شروطها.
تقدر يا علاء تقول أنو ما من حق ايا من الاحزاب السياسية أن يسعى
لحكم البلاد؟ هل تقدر على نفي هذا الحق عنها؟
و اذا نفيت عنها هذا الحق، لماذا تكفله للمؤتمر الوطني؟
ليس هناك مجال إلا بقبول المؤتمر الوطني للتحول الديمقراطي و تفكيك
دولة الحزب الواحد بفسادها و طغيانها.

الشجرة أم سوسه الشعب بدوسه ...
لا احزاب ولا كيزان ثار اليوم شعب السودان
لا غلاء ولا فساد .. يا سودان أكتوبر عاد ...
لمتين لمتين وبلدنا بقت بلدين
احد احد .... احد احد..... تبت يد الظالم وتب... .
يابوليس ماهيتك كم ورطل السكر بقي بي كم
لا لا للغلاء خبزا خبزا للفقراء
يا سوداني بطل تمشي جنب الحيط .. لأن سكوتك ما حيفيد

علاء

هاك آخر نكات إنتفاضه مصر

مذيعه بتسأل صعيدي
لو نجحت المظاهرات النهار ده حيحصل آيه
الصعيدي قال
أظن هنقابل تونس في النهائي

شِعارت شِعارات شِعارات


كلام في كلام
زي أبو كلام الكتبت عنُّو الصُّحف بأنّه ترك القضايا الأساسيّة للبلد و أغرقنا سيل كلام
و هلُمجرّ





كُلٌ يبكي على ليلاه
أحزاب طائفيّة تبكي كراسي السُّلْطة و جاه الأُسْرة و جيهة المناصب للأبناء و الأولاد و العائلة
و حركات مبنيّة على الجّهوية و الإثنيّة تدّعي التّهميش تبكي على عدم تصديق الشّعب لها
فتريد أن يُصدِّقها بالقُوّة
و هذا لن يحْدُث

زيد السكر حتلحق جعفر
جوعت الناس ياسفاح
استيم تفاح اوكامبو كلامو صاح

سلام يا علاء..تعرف الشعب ما حا يطلع ليييه ؟؟ -خصوصا كل الفئات العمرية- التي عاصرت فترة الديمقراطية الثالثة -عن وعي- وما صاحبها من مهازل كانت تدور أحداثها في مضابط الجمعية التأسيسية أبان ائتلاف حزبي الامة والاتحادي, وما خطاب (الشهيد) الشريف زين العابدين الهندي الاخير له في الجمعية التأسيسية الا تلخيصا لما كان يدور في أروقتها....لو انت داير بالجد تنتقد الفترة ديك حاول تتحصل علي تسجيل للجلسة التي ألقي فيها خطابه الشهير والذي قال فيه قولته الشهيرة تلك عن الديمقراطيةالتي ينادون بها الان...(شايف الجماعة بيقولوا عليك شغال في الامن الالكتروني) يعني المسألة دي ما صعبة عليك..

Quote: لو انت داير بالجد تنتقد الفترة ديك حاول تتحصل علي تسجيل للجلسة التي ألقي فيها خطابه الشهير والذي قال فيه قولته الشهيرة تلك عن الديمقراطيةالتي ينادون بها الان

تأمر يا غالي

Quote: المُصيبة مُش إنت حتاوجه قُوّات شُرْطة و أمن أو كِدا بل إنُّو من وسط أي جموع حتلقى في ميّة مجموعة تُمثِّل جيب من جيوب الحركات المُتمرِّدة البتفاوض في الجكومة مِن إتِّجاه و عايزة تُسْقِط هذه الجكومة من إتِّجاه آخر بعمليات التّخريب المعروفة للجّميع ستجد من مثل هذه المُحاولات أرض خصبة لتزرع الرُّعب و العُنْف و الموت و الخراب و الدّمار و تسقي كُل ذلك بدماء المُواطنين البُسطاء

الحبيب علاء الدين ,, تحياتى ,, أول حاجه خلينى أؤمن عى كلام دكتور سيف النصر وهو إننا لن نخون الملح
والملاح الأكلناهو معاك هنا ده ,, كان بورداب الداخل ولا الخارج حنشوف ليك طريقة نسامحك بيها ونعيد صياغتك
للمجتمع الديمقراطى الحر الجديد بإذن الله ,
ونجى للحته المكوته الفوق دى : أول حاجه عايزك تعرف إن ماوصفتهم بجيوب حركات ديل ناس من صميم الشعب
السودانى زى وزيك وزى الكثيرين المظلومين والمهمشين بسبب نظامك الآئل لزوال ده .
ثم إنهم ليس لديهم أى عداء مع الشعب السودانى فهم مارفعوا السلاح إلا لأن نظامكم أحرق مدنهم وقراهم وقتل رجالهم
وأغتصب نسائهم وشتت شملهم ,,,, إنت عائز تمرقهم ياعلاء من زمرة الشعب السودانى ,, وببساطه كده عايز تسميهم
جيوب حركات ؟؟!! ديل معركتهم معاكم أكبر من معركتنا معاكم ,, ونحن وهم سوف نكون فى خندق واحد لإسقاطكم ,
والسبب الرئيسئ فى نجاح الإنتفاضه القادمه هو تلاحم ناس الهامش مع ناس المركز ,,, وده البعبع المخوف عمر البشير
ونافع لأنهم عارفين اللعبه كويس ,, أما أنتم فقد تركوكم فى عدم إستيعابكم تعمهون ,,, بدليل إنك الآن بتكتب وتروج بأنو
قوى الهامش ماسودانيين !! قوى الهامش المضطهده عبرسنين طويله ياعلاء من حقها أن تحمل كلاشنكوف أو سيف
لتقاتل هذا النظام مثلها ومثل الذين سيخرجون غدا وهم يحملون الحجاره فى مواجهة مليشيات النظام .
ولتعلم أن قوى الهامش تعلم جيدا أى الدماء سوف تهرقها !! نحن وقوى الهامش سوف نقول سويا ماعاش من يفصلنا .

تحياتى ,, وجهز حالك ياصديقى علاء فالدوحه سوف تشرع لك أبوابها ,,

يا دكتور حِتّة التّداول السّلمي دي إجتزناها بإنُّو أرسى المُؤتمر الوطني ثقافة الإنتخابات كُل خمس سنوات

بعدين إنُّو الأحزاب وضعت السِّلاح أرضاً
فدي كذبة لا تستطيع أنت نفسك تصديقها
الشّعبي و العدل و المثاواة
و أحزاب جوبا و لجوءها دائماً للحركة
دي كُلّها تنفي ما تقول

Quote: نضال كي البورداب

دفاع الكيبورديين

بكري ما تشوف لينا موضوع الفايرس دة

شُكْراً يا بكري

Quote: لكن نسيت حاجة مُهِمّة خلاص إنُّو الشّعب دة لا يسْهُل إقتياده كقطيع

صدقت

Quote: صدقت

و بذات الصِّدْق
أنتم لا تنطبق عليكم مُواصفات الرّاعي

والله ياعلاء يا خوي .. لو شافوا القاهرة الحلوة الجميلة الأجمل من الخرطوم وكيف بقت ..
نسأل اله السلامة .. والعافية .. نحن ربنا ابتلي السودان بأناس لا يعرفون شيئا إلا بعد فوات اشياء ..
والثعلب والديناصورات النائمة المنتظرة الخراب .. خير دليل بيننا..
لكن بصراحة .. لو ماحدث خراب .. ما بنكون سودانيين دمنا حار ما بنرضي الحقارة..
مودتي لك بلا حدود ..

Quote: الأخ علاء لا تحمل هم الشعب السوداني اوعى بكثير من أن يخرج هكذا عشوائيا يعرف متى يخرج ولماذا يخرج.

مادام شوقي قال ذلك فأنا معه .

الم اقل إنه كاتبي المفضل ولأرباع قادمة ...

ياعلاء نحنا إنتفاضتنا هنا بس
إسفيرية وكي بورد
ونتل ،
زينا زيك بالضبط ..وياها قدرتنا
حاليا وإعتبرها أضعف الإيمان
ما ياهو نحنا من زمن جايطين ونناتل كما تعتقدون وما في نتيجة ..
أها البيوقف بركان الشعب بكرة شنو؟
كلام شوقي الفوق دا ما ترميه واطه ، الشعب يعرف متى يخرج

الشعب السوداني اوعي من ينقاد
شعب ثورته سبق ثورة شعب مصر وتونس

Quote: نحن ربنا ابتلي السودان بأناس لا يعرفون شيئا إلا بعد فوات اشياء

نعم المؤتمر اللاوطني الذين مزقوا الوطن ويستعدون لدمار الوطن الفضل
وشعارهم فتبقي ثروات البلد وسلطتها تحت ايدينا او ترق كل الدماء

و إنتي يا منال الكويت
حتشاركي معنا
ولاّ من على البُعْد تحمِّشي النيران زي ما بتعملي في جدّة
ولاّ كيف

Quote: نحن ربنا ابتلي السودان بأناس لا يعرفون شيئا إلا بعد فوات اشياء .. والثعلب والديناصورات النائمة المنتظرة الخراب .. خير دليل بيننا..

هلا يا أبو صلاح
كيف أخبارك
تعرف يا حبيب
لأنُّو كلامك الفوق دة هُو المثتوقع و يعرفه أفراد الشّعب السُّوداني الصّاحي
فلن تتحقق مآربهم

ويوم يطلع الشّعب بحق و حقيقي
نحن حنكون معاهو

لكن إلى ذلك الحين
فالبشير هو خيارنا
كشعب

نشيد الثورة السودانية و المصرية و التونسية و اليمنية, ك...بي و غناء هادي عثمان

نحيي ونحن في الخرطوم اخوتنا الذين تشتتوا في المنافي آمنين ولم ينسوا همومنا وهموم وطنهم
ما تكتبه هنا ويكتبه أمثالك هو شهادة لهم أنهم هناك وقلوبهم ملتصقة بهذا التراب

Quote: نحيي ونحن في الخرطوم اخوتنا الذين تشتتوا في المنافي آمنين ولم ينسوا همومنا وهموم وطنهم ما تكتبه هنا ويكتبه أمثالك هو شهادة لهم أنهم هناك وقلوبهم ملتصقة بهذا التراب

التحية لك يا محمد الحاج ، لقد أثلجت صدورنا ، ولكم التحية لما تعانونه من بطش ######ف
وذل وقهر تقابلون ذلك بكل صمود ، لا فتنتكم جزرتهم ولم تركعوا للعصاة .

فووووووق

طالما فاشل إنت حارق رزك مالك؟

بعد أن خاب مسعاكم في تهكير الموقع أصبحتم تثبطون في الهمم.

سقطت سقطت يا كيزان
سقطت سقطت يا كيزان
سقطت سقطت يا كيزان
سقطت سقطت يا كيزان
سقطت سقطت يا كيزان
سقطت سقطت يا كيزان

شمّوشي التّمبوشي
ما خلاص كوستاوي جانا في البوست دة
لازم يعني "الإسمين"

فوق

الأخ الكريم مُنعم سلامات يا حبيب
راجع لي مُداخلتك الفوق بي روقة
تستحق أن يُرد عليها بشيء من التأنِّي

Quote: ما تكتبه هنا ويكتبه أمثالك

حِلوة أمثالك دي



خلاس عليك الله
ورِّيني الليلة نوع أمثالك ديل
حيعكلوا شِنو
و حيحرِكو الشّعب كيف

<font face="DecoType Thuluth" size="5" color=green> UP </font>

ونشوف أمثالك برضو من الأرزقية مكانم حيكون وين