Post: #1
Title: تتوقعوا الانقاذ تعمل شنو عشان تتفادي التونسه والمصرنه؟
Author: مريم بنت الحسين
Date: 01-29-2011, 07:09 AM
في حل من اتنين.. إما انها تستبق الناس بإجراءات تقلل من تكاليف المعيشه... رفع الرواتب، تخفيض الاسعار ودعمها.. ولا يوزعوا قروش عديل كده زي ما عملوا الكويتيين
الحل التاني انهم يقمعوا الناس من قبل ما يبدوا... قطع الاتصالات.. يقتلوا ليهم كم زول كده.. وتخويف وترهيب وجهاد!
من خبرة 22 سنة معاهم، رأيكم شنو؟
|
Post: #2
Title: Re: تتوقعوا الانقاذ تعمل شنو عشان تتفادي التونسه والمصرنه؟
Author: Mayada
Date: 01-29-2011, 07:56 AM
Parent: #1
والله يا مريم من خبرة الألف سنة بفتكر الخيار الاخير هو الببقى، ولا شنو؟
انتي كيفك وكيف محمود ونادر، انشالله كلكم طيبين...
ست البنيــــــــــــات
|
Post: #3
Title: Re: تتوقعوا الانقاذ تعمل شنو عشان تتفادي التونسه والمصرنه؟
Author: داليا الكباشى
Date: 01-29-2011, 08:34 AM
Parent: #2
السناريو اللي حايحصل :
مجموعه من الشباب والشابات حايطلعوا المظاهره ,
حايستفزوا العساكر عشان يضربوهم (وديلاك ما بقصروا طبعا)
حاتنكسر ايادي البعض وسيجرح البعض (استبعد سقوط ضحايا ربنا يبعد الشينه)
حايودوهم القسم .. المستشفى .. حايتصوروا بالجبس .. وفي الزنزانه .. ويجوا ينزلوا لينا الصور هنا
عشان نختها في بروفايلاتنا .. ويبقى الحال كما هو عليه حتى اشعار اخر ,,
وتوتا توتا .. خلصت الحدوته ..
الدروس المستفاده : 1- اسقاط نظام ليهو 21 سنه لا يكون بي مظاهره Sceduled
2- الشعب لو متضايق وما طلع مظاهره لحدي الليله , يبقى النظام دا ليهو الحق
يقعد مليون سنه تاني .. ويبقى الشعب هو اللي جلدو تخين !أو الحال عاجبو !
ملحووظه : غالبا ناس امي في الجريف , ونسابتي في الفتيحاب ما حايسمعوا بي المظاهره دي
الله يكضب الشينه :(
مريومه ومياده ازيكم :)
|
Post: #4
Title: Re: تتوقعوا الانقاذ تعمل شنو عشان تتفادي التونسه والمصرنه؟
Author: عاطف مكاوى
Date: 01-29-2011, 08:38 AM
Parent: #3
Quote:
علي المنظمين أن يتوقعوا :
- فصل المدن الثلاثة عن بعضها وذلك بقفل الكبارى كما حدث من قبل
- ايقاف خدمة الهاتف الجوال والانترنت (كليا أو جزئيا) كما حدث منذ الأمس بمصر
- استخدام أئمة المساجد وما يسمي بعلماء المسلمين للافتاء بحرمة خروج الرعية علي الراعي .. كما حدث من قبل.
- استخدام الغاز المسيل للدموع بكثافة ... والتلويح باستخدام الرصاص للتخويف
- بث الاشاعات لتثبيط الهمم .... وزرع عناصر الأمن وسط الجماهير لهذا الغرض ولأغراض أخرى مثل التخريب
- اغلاق المدارس والمعاهد والجامعات اذا شعروا بأن الانتفاضة في اتساع
- التهديد بفصل أى عامل أو موظف عن عمله اذا خرج في المظاهرات .
* ولكن لحسن الحظ ... أن الجو العام المحلي والاقليمي والدولي سيضغط في اتجاه افشال مثل هذه المخططات. |
|
Post: #5
Title: Re: تتوقعوا الانقاذ تعمل شنو عشان تتفادي التونسه والمصرنه؟
Author: مريم بنت الحسين
Date: 01-29-2011, 09:07 AM
Parent: #4
غايته ما طمّنتوني.... قالوا الزوجة لما تحرد برضّوها... اها ما نعشم يرضّوهم..
يعني يقووووم كده البشير يدق صدره ويقول كل مواطن 3000$ (الكوايته ما احسن منكم)... وتلاته سنين مواد تموينيه مجاناً (مثلاً)....
كلكم سيناريو الدق وبيت الطاعه ده!
كدي باصروها جاي جاي... يمكن!
|
|