صحينى ياخرطوم ( محاولة قابلة للزيادة لمن يأنس فى نفسه شعرا)

صحينى ياخرطوم
لو ليلك اتمطى
ولو ماصحيت يابت
سوى الكحل شطه
شن طعمى لو نمت
لاثورة لا خطه
الكوز دا ياخرطوم
درس الأدب فطا
وشايفو اللئيم عايز
لى شرفك يتوطا

عريهو يابنية
قولى الكلام فتى
والسوا فيكى الكوز
زى المرض حتى
خلينا ننسى الهم
ونغنى يا أختى
ونعيش زمان الحب
لامت لامتى

شدى السرج يابت
فوق زاملة النية
وفى رحلة التاريخ
رافقينى يابنية
الفاتنا كلو شقا
والجايى حنية
وخلينا ننسى الكوز
القادى وطنيه

صحينى ياخرطوم
والنلبس الخوزه
وشدى الضراع يابت
انا ليا فيك عوزه
شان البلد تنضف
لاكوز ولا كوزه
ونطفى الظلم بالعدل
والحرب منبوذه
لافينا زول مفروز
لاواحدة مفروزه
وبدل الحزن نفرح
ونقدم الشربات
والشاى والجوزه
و قمرية بين غصنين
بتغنى فوق لوزه.

يا عزة أخوك راكز
لا جلعة لا نطة
حالف يموت وقف
كان قطعوا الحتة

أنا في هواك يا بِتْ
جبلًا صَعَبْ يِنْهز
كان حي وكان أنا مُتْ
بهواكْ وبيك بَعْتز
يا ستي إنتي الست
الليكي حبي صفا
لو جيتَ أو لو فُت
من عندي نُومي قفا

الأخ موسى أحمد مروح
تحياتى
وشكرا لكلماتك الرصينة

أوعى ياخرطوم تنومى
واوعى تبقى كمان فترتى
عارف الليل مابتدورى
وعارفك اصلك ما اتحقرتى
اللئيم غشاه صبرك
ماعرف يوم قمتى فرتى
أدى من( جعفر) قصيده
وورى كيف (عبود) زجرتى
وخلى يعرف ياعظيمه
اصلو وطنك ماهجرتى

بكره ياخرطوم بدايه
جيبى لوحك والدوايه
نبقى تقابه ورتينه
وعلمينا انتى القرايه
ارفعى اسماء اليتامى
والمساجين
والرحل من دون جنايه
والمظاليم والمساكين
وكل أطراف الحكايه
وعلمينا بعد ذاك
المساواه والعداله
ونحفظ الحريه آيه

باكر مواعيدنا
نتلاقى في الميدان
بالعزم نلاقي الظلم
والعنف والكيزان
لازم نزيح القيح
ونرفع السودان
لا ما بنخاف الموت
ولا خطواتنا تتراجع
يا جبنا النصر بين
او ميتة الشجعان


--
النصر تقرا بشدة في النون وضمة في الصاد
وبين بشدة وكسرة في الياء

شد الزناد يا اخوي
فاض القدح بينا
في الساحة نتقدم
ولا شبر ما بينا
خليه يرجف يود
الكاس معاداتنا
بهدير نشيد الجد
وسداد شعاراتنا
نوقف نزيف الدم
ونكضب الشينا

الايد في ايد في الايد
تتمادى جدعتنا
والعين تشوف للعين
تصعب اصابتنا
في "نحن" منعتنا
والحول والقوة
ولو صدقت عزيمتنا
في القصر نكون جوة
بكرة يوم تلاتين

خليني يا خرطوم...
خليني إتفشي
علي كل كوز مجزوم...
سرق البلد ..طشا
ما تخافي يا خرطوم
من سلطة الكشة
بكرة البلد تصفي..نتصافي ..نتمشي
ماتخافي يا خرطوم ...
بكرة البلد تصحي
نتصافي نتمشي
و زولك يروح كشة

تسلم Balla Musa

يا عزة قومي كفاك
يا عزة نومك طال
خليهو ذاك الدل
قبيل خليل شن قال
أخواتك الوراك في الدور
بالهمة نحسهم زال
زلزلوا الباطش العاتي
وأمرو أضحى وبال
شدي الرسن يا أم زين
نادي أولادك والعم والخال
قولي ليهم كفاكم غربة
أصلو الفرحة بدونك محال

الأخوان بدر الدين
وعاطف عمر
التحيات لكم
وشكرا على الكلمات المضيئة

رائع!! شكرا يا دكتور

**

صحينى ياخرطوم
لو ليلك اتمطى
ولو ماصحيت يابت
سوى الكحل شطه
شن طعمى لو نمت
لاثورة لا خطه
الكوز دا ياخرطوم
درس الأدب فطا
وشايفو اللئيم عايز
لى شرفك يتوطا
عريهو يابنية
قولى الكلام فتى
والسوا فيكى الكوز
زى المرض حتى
خلينا ننسى الهم
ونغنى يا أختى
ونعيش زمان الحب
لامت لامتى
شدى السرج يابت
فوق زاملة النية
وفى رحلة التاريخ
رافقينى يابنية
الفاتنا كلو شقا
والجايى حنية
وخلينا ننسى الكوز
القادى وطنيه
صحينى ياخرطوم
والنلبس الخوزه
وشدى الضراع يابت
انا ليا فيك عوزه
شان البلد تنضف
لاكوز ولا كوزه
ونطفى الظلم بالعدل
والحرب منبوذه
لافينا زول مفروز
لاواحدة مفروزه
وبدل الحزن نفرح
ونقدم الشربات
والشاى والجوزه
و قمرية بين غصنين
بتغنى فوق لوزه.

يا عزة أخوك راكز
لا جلعة لا نطة
حالف يموت وقف
كان قطعأنا في هواك يا بِتْ
جبلًا صَعَبْ يِنْهز
كان حي وكان أنا مُتْ
بهواكْ وبيك بَعْتز
يا ستي إنتي الست
الليكي حبي صفا
لو جيتَ أو لو فُت
من عندي نُومي قفاوا الحتة
أوعى ياخرطوم تنومى
واوعى تبقى كمان فترتى
عارف الليل مابتدورى
وعارفك اصلك ما اتحقرتى
اللئيم غشاه صبرك
ماعرف يوم قمتى فرتى
أدى من( جعفر) قصيده
وورى كيف (عبود) زجرتى
وخلى يعرف ياعظيمه
اصلو وطنك ماهجرتى
بكره ياخرطوم بدايه
جيبى لوحك والدوايه
نبقى تقابه ورتينه
وعلمينا انتى القرايه
ارفعى اسماء اليتامى
والمساجين
والرحل من دون جنايه
والمظاليم والمساكين
وكل أطراف الحكايه
وعلمينا بعد ذاك
المساواه والعداله
ونحفظ الحريه آيه
باكر مواعيدنا
نتلاقى في الميدان
بالعزم نلاقي الظلم
والعنف والكيزان
لازم نزيح القيح
ونرفع السودان
لا ما بنخاف الموت
ولا خطواتنا تتراجع
يا جبنا النصر بين
او ميتة الشجعان

شد الزناد يا اخوي
فاض القدح بينا
في الساحة نتقدم
ولا شبر ما بينا
خليه يرجف يود
الكاس معاداتنا
بهدير نشيد الجد
وسداد شعاراتنا
نوقف نزيف الدم
ونكضب الشينا

الايد في ايد في الايد
تتمادى جدعتنا
والعين تشوف للعين
تصعب اصابتنا
في "نحن" منعتنا
والحول والقوة
ولو صدقت عزيمتنا
في القصر نكون جوة
بكرة يوم تلاتين

خليني يا خرطوم...
خليني إتفشي
علي كل كوز مجزوم...
سرق البلد ..طشا
ما تخافي يا خرطوم
من سلطة الكشة
بكرة البلد تصفي..نتصافي ..نتمشي
ماتخافي يا خرطوم ...
بكرة البلد تصحي
نتصافي نتمشي
و زولك يروح كشة

يا عزة قومي كفاك
يا عزة نومك طال
خليهو ذاك الدل
قبيل خليل شن قال
أخواتك الوراك في الدور
بالهمة نحسهم زال
زلزلوا الباطش العاتي
وأمرو أضحى وبال
شدي الرسن يا أم زين
نادي أولادك والعم والخال
قولي ليهم كفاكم غربة
أصلو الفرحة بدونك محال

الأخوات مريم بت الحسين وأميرة الشيخ
والأخ مرتضى

لكم تحياتى وشكرى

Quote: شدى السرج يابت فوق زاملة النية وفى رحلة التاريخ رافقينى يابنية

يا جاسره ياخرطوم
يابنية السودان
فصل النضال يلاك
نقراه فى الميدان
الدم يكون جرتق
نازف من الشريان
والطلقه تبقى نحاس
ويبقى البخور بمبان
ونفرش سباتة الموت
ونرقص الكيزان

العزيز : د بلَّة

تحياتى

آنستُ فيك نارَ الشِّعْر ونوره ، علَّنى آتى منهما بقَبَس ..


صحِّينى يا خرطوم

أدْقُشْ كَرُوكِ دُغُشْ

إنضمَّ للأحرار

دافرين عليكِ غُبُشْ

نقْلع جذور الضيم

السُّوسُو عاوِلْ فيك

سافِّيك ومدَّشِّيك

تريان ومويتو وشيك

كتَّفْ سفيفو مشيك

قلْعاً بشوفو وشيك !

******
نقْمُزْ عليكِ ضحى

نحَرِتْ خلاكِ البور

ونْكَمْتِر الكيزان

شان نرفع الميزان !

******

تنضح جروفك خير

وتْغازل الشادوف

تضحك مع الساقية

من شدَّة الفرحة

لاقْياك وما لاقية

******

مافى الـ بِقاويكى

هاشَّات تقاويكى

تفتحْ مطاميرِك

لى كلِّ زول فيكى

قولى : الفضَل فيكى !!

******

يلاَّك يا ثائر

حقَّاً بدون طالب

ما فيهو مِن جَيَّة

الـ ما بجينا مطيع

بِنْجيبو زِنْديَّة !!!


شاذلى جعفر شقَّاق

صحيني يا خرطوم..

اشارك الفرسان.

نزيح الم البلد

نبعد الاحزان..

نتساوى نتقاوى

زي موية الفيضان..

نكنس وســـخ البلد

وتجارة الاديان..

ونضرب وكر العفن

نهدم معاقل الكيزان..

ننتف دقن الضلال

دقن الفتن..

دقن المحن..

دقن الهوان..

لا أسكت الله لكم حساً..
القصيدة اسمها السودان. . أرجوكم المحافظة عليها حتى لا تضيع. إذا أمكن حفظها في مكان آخر. أو حتى طباعتها.

الأستاذ محمد حسين
تحياتى

نعم السودان القصيدة والشعر والشاعر

شكرا

صحيني
صحيني
تصحى المياه في النيل..
والليل معاهو الويل
كيف حالو كيف الحيل..
بقت شرارة ضو
قنديل وراء قنديل ..
صحيني يامطرة
كونيني بعضك سيل..
المزيرة إتكسرت
والكوز خبارو ذليل ..
شدو الجمال والخيل
المعركة إحتدمت
إتلاقى كمين جيل
في الشارع الثائر
المحكم التنزيل ..

الأخ عبد المنعم ابراهيم الحاج
تحياتى

أبياتك بها وزنة هتافية قوية

شكرا لك

الأستاذ حسين نوباتيا
تحياتى
وشكرا على ماجادت به نفسك من كلمات

الأخ شاذلى جعفر
تحياتى
وشكرا على الكلمات المضيئة

حلم الحبيب يابت
بى لمة احبابو
شاف زمرة الخادعين
من مسرحك غابوا
لابسين عباية الدين
لاعرفوا لا تابوا
اخوانك الزينين
لاخافوا لاهابوا
ريح العذاب يابت
عايزين نسد بابو
وعيش الفرح
بالحق بنضرى بتابو

صحينى ياخرطوم
لو ليلك اتمطى
ولو ماصحيت يابت
سوى الكحل شطه
شن طعمى لو نمت
لاثورة لا خطه
الكوز دا ياخرطوم
د رس الأدب فطا
وشايفو اللئيم عايز
لى شرفك يتوطا

عريهو يابنية
قولى الكلام فتى
والسوا فيكى الكوز
زى المرض حتى
خلينا ننسى الهم
ونغنى يا أختى
ونعيش زمان الحب
لامت لامتى

شدى السرج يابت
فوق زاملة النية
وفى رحلة التاريخ
رافقينى يابنية
الفاتنا كلو شقا
والجايى حنية
وخلينا ننسى الكوز
القادى وطنيه

صحينى ياخرطوم
والنلبس الخوزه
وشدى الضراع يابت
انا ليا فيك عوزه
شان البلد تنضف
لاكوز ولا كوزه
ونطفى الظلم بالعدل
والحرب منبوذه
لافينا زول مفروز
لاواحدة مفروزه
وبدل الحزن نفرح
ونقدم الشربات
والشاى والجوزه
و قمرية بين غصنين
بتغنى فوق لوزه.

بكره ياخرطوم بدايه
جيبى لوحك والدوايه
نبقى تقابه ورتينه
وعلمينا انتى القرايه
ارفعى اسماء اليتامى
والمساجين
والرحل من دون جنايه
والمظاليم والمساكين
وكل أطراف الحكايه
وعلمينا بعد ذاك
المساواه والعداله
ونحفظ الحريه آيه

أوعى ياخرطوم تنومى
واوعى تبقى كمان فترتى
عارف الليل مابتدورى
وعارفك اصلك ما اتحقرتى
اللئيم غشاه صبرك
ماعرف يوم قمتى فرتى
أدى من( جعفر) قصيده
وورى كيف (عبود) زجرتى
وخلى يعرف ياعظيمه
اصلو وطنك ماهجرتى

يا جاسره ياخرطوم
يابنية السودان
فصل النضال يلاك
نقراه فى الميدان
الدم يكون جرتق
نازف من الشريان
والطلقه تبقى نحاس
ويبقى البخور بمبان
ونفرش سباتة الموت
ونرقص الكيزان

لوليه يابنية
يرقص رئيس القوم
وقطع الرحط يابت
لازم يكون اليوم
قوم ياسجين حلق
وافرد جناحك وحوم
واخلع غلالة الخوف
واتفشى يامظلوم
فلق الصباح يازول
فى بسمة الخرطوم



حلم الحبيب يابت
بى لمة احبابو
شاف زمرة الخادعين
من مسرحك غابوا
لابسين عباية الدين
لاعرفوا لا تابوا
اخوانك الزينين
لاخافوا لاهابوا
ريح العذاب يابت
عايزين نسد بابو
وعيش الفرح
بالحق بنضرى بتابو

^