Post: #1
Title: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:34 AM
يا اللي بتسمع والما بتسمع
لازم تفتح أضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بأمر الشعب بتطلع
|
Post: #2
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:35 AM
Parent: #1
ياللي بتسمع والما بتسمع
نحن أسودا ما بتِدجن
ونحن سدودا ما بتهدّن
ونحن جبالا ما بتِتصدع
لملم ناسك ولحمة راسك
وارفع ايدك عننا ارفع
|
Post: #3
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:37 AM
Parent: #2
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
|
Post: #4
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:40 AM
Parent: #3
والتاريخ يا جاهل بيشهد
والأيام لسع بيناتنا
وكل الحق الضايع بيرجع
يا اللي بتسمع
والما بتسمع
أسأل كل العسكر قبلك
وكل الحاول فكر متلك
الاستأسد والاتنمر
مهما استعلا ومهما استكبر
برضو في يوم الغضبة بيهلك
وبيلقى مصيرو نفس المصرع
واننا نحنا أمة عظيمة أصيلة
لينا خصايص ما في مثيله
وفينا طباع بالفطرة نبيلة
والاسلام ما جانا الليلة
ولا أخلاقو علينا دخيلة
الايمان من بدري سبيلنا
والقرآن في الصدر دليلنا
أنقى وأرقى وأسمى وأرفع
|
Post: #5
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:42 AM
Parent: #4
يا اللي بتسمع والما بتسمع
نحكي اليك لو كان ما بتعرف
حاجة بسيطة عن ماضينا
نحنا رضعنا الثورة رضاعة
وبالوطنية أنِحنا ربينا
التدجيل ما بنفع فينا
والتضليل ما بيمشي علينا
أنِحنا عبرنا السكة مشينا
وشفنا عدونا وشفنا صفينا
وما بنهاب لا سيخ لا مدفع
|
Post: #6
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:43 AM
Parent: #5
يا اللي بتسمع والما بتسمع
الانقاذ ما بالدبابة
ولا أحلام شايلاها سحابة
ولا أوهام عالم كضابة
ولا أرقام خاوية وخلابة
والاصلاح ما جربندية
الاصلاح ما بالزندية
الاصلاح عدل وحرية
الاصلاح موضوع وقضية
الاصلاح عزقة وطورية
|
Post: #7
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:45 AM
Parent: #6
يا اللي بتسمع والما بتسمع
نحن اولاد الوطن الواحد
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادمنا
فينا مساجد بي تهليلا
وفينا كنايس بي انجيلا
وفينا معابد يسرج ليلا
ربنا واحد وشعبنا واحد
وحبنا واحد ودربنا واحد
|
Post: #8
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:48 AM
Parent: #7
يا اللي بتسمع والما بتسمع
دايرين نختم نحن كلامنا
ودايرين نحسن نحن ختامنا
للأحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الشمس مرامنا
ونحن وقود الحارة ونارها
ونحن منية الباغي سهامها
الا ارادة المولى ارادت حكمت فينا
وفي حكامنا بعد ما أزهري كان هو زعيمنا
بعد الدرر الزانو زمانا
جات البقرة عشان تحكمنا
والرقاص بقي يكلمنا
جل جلالة الملك الواحد
يأتي وينزع
ويعطي ويمنع
ويخفض ويرفع
|
Post: #9
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:52 AM
Parent: #8
يا اللي بتسمع والما بتسمع
يومك قرب يا ظالمنا
وبكرة حناخد منك تارنا
وما بنرجاهو حساب الآخرة
داكا حسابا من غفارنا
يمكن يصفح ويمكن يسمح
ويمكن يعدك من أشرارنا
الا أنِحنا حسابنا براهو
يوم الحارة بنوقد نارنا
تحصد كل الداسو حقوقنا
تحرق كل الخربو ديارنا
دايرين نعرف وين شهدانا
دايرين نعرف وين أبرارنا
والآلاف الشردتوها من خبراتنا ومن أخيارنا
والمؤتمرات الدبلجتوها من اخوانا ومن اعمارنا
نحن عرفنا البئر وغطاها
ونحن خلاص قررنا قرارنا
ونحن حنضرب كل العملا
ونحن حنصلب كل الجهلا
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع .
* محجوب شريف
|
Post: #10
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 02:54 AM
Parent: #1
|
Post: #11
Title: Re: صوت الشارع لمن يدوي كل قلاع الخونة بتهوي
Author: اشرف السر
Date: 01-29-2011, 02:59 AM
Parent: #10
عاش نضال الشعب السودانى
عاش نضال الفقراء والمهمشين
النصر للشرفاء النصر للشرفاء
|
Post: #12
Title: Re: صوت الشارع لمن يدوي كل قلاع الخونة بتهوي
Author: بكري الصايغ
Date: 01-29-2011, 03:06 AM
Parent: #1
***- باذن الله الواحد سيـدخل يوم 30 يناير 2011 تاريخ السودان من اوسع ابوابه كيوم انتفاضة تنضم الي شقيقتها ثورة 21 اكتوبر و6 ابريل.
|
Post: #13
Title: Re: صوت الشارع لمن يدوي كل قلاع الخونة بتهوي
Author: bashir kurdufan
Date: 01-29-2011, 03:30 AM
Parent: #12
لاتنسوا المساجد, استخدموها لكسر الهيبة الزائفة لهذه الحكومة المتهالكة, فالمساجد ليست ملكا للاخوان المسلمين, وليست لهم قدرة على السيطرة عليها.
فلنطلق المظاهرات من كل الاماكن, لا تستثنوا المساجد.
ايضا لاتصرواعلى مكان واحد للمظاهرات, تذكروا ما حدث ابان الانتفاضة: خرجت المظاهرات في كل الاحياء والأسواق وكل مكان, فصعب على الحكومة السيطرة عليها.
تذكروا أن الدكتاتوريات تستمر بهيبة الدولة وليس بقوتها وقدرتها على السيطرة, فالدولة لا قبل لها بجموع الجماهير الغاضبة... انها لا تستطيع - عمليا- أن ترصد لكل متظاهر فردا من قوات الأمن أو الجيش, فاذا خرج الناس للشارع وتحدوا الحكومة, وكسروا هيبة الدولة, يكون الأمر قد قضي, وتكون الثورة قد تحققت, هذه هو بالضبط ما حدث بدول المنظومة الاشتراكية واجدة بعد الاخرى, وهو ما حدث بايران, ومرتين بالسودان, وبتونس, وهو طات الدي يحدث الآن بمصر.
وفقكم الله, فنحن لانملك الا ان نحييكم ونحيي نضالكم من على البعد, فأنتم الساس والراس لكنس هذا النطام الطالم الباغي النتجبر المتكبر والدي سيقصم باذن الله وهذا الفعل الواعي لشعب السودان المعلم.
بشير اسماعيل
|
Post: #14
Title: Re: صوت الشارع لمن يدوي كل قلاع الخونة بتهوي
Author: Mohamed Elgadi
Date: 01-29-2011, 03:48 AM
Parent: #13
Quote:
تذكروا أن الدكتاتوريات تستمر بهيبة الدولة وليس بقوتها وقدرتها على السيطرة, فالدولة لا قبل لها بجموع الجماهير الغاضبة... انها لا تستطيع - عمليا- أن ترصد لكل متظاهر فردا من قوات الأمن أو الجيش, فاذا خرج الناس للشارع وتحدوا الحكومة, وكسروا هيبة الدولة, يكون الأمر قد قضي, وتكون الثورة قد تحققتUnquote
|
Post: #15
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 05:15 AM
Parent: #14
|
Post: #16
Title: Re: صوت الشارع لمن يدوي كل قلاع الخونة بتهوي
Author: ABDELMAGID ABDELMAGID
Date: 01-29-2011, 05:29 AM
Parent: #12
| Quote: صوت الشارع لمن يدوي كل قلاع الخونة بتهوي |
و تنهار أمامها كل حصون الإستبداد و الغطرسة الإستكبار ..
UP
|
Post: #17
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 03:06 PM
Parent: #16
|
Post: #18
Title: Re: صوت الشارع لمن يدوي كل قلاع الخونة بتهوي
Author: سيف الدولة كامل
Date: 01-29-2011, 03:19 PM
Parent: #17
ثورة حتي النصر.
عاش نضال الشعب السوداني.
|
Post: #19
Title: Re: صوت الشارع لمن يدوي كل قلاع الخونة بتهوي
Author: Amira Elsheikh
Date: 01-29-2011, 03:21 PM
Parent: #18
^^
|
Post: #20
Title: Re: صوت الشارع لمن يدوي كل قلاع الخونة بتهوي
Author: صديق الموج
Date: 01-29-2011, 03:32 PM
Parent: #19
وصايا مهمة لكل الاخوة المتظاهرين:
1 ) يفضل ان يحمل كل شخص زجاجة مياه غازية بدون سكر
بالعدم يمكن سفن اب اوبيبسى او اى مياه غازية اخرى
عبوة بلاستيك حتى لاتكون خطرة على الشخص اذا سقط .
فى حالة اطلاق بنمبان بلل اى قطعه قطنيه بالمياه الغازية
وضعها على العين فهى انجع من القطره.
2 ) ان يلبس الشخص اولاد او بنات حذاء ايا كان نوعه و الكعوب العادية او الواطية
الشباشب والسفنجات نكون متعبه وكذلك الكعوب العاليه غير عمليه
اذا كان ليس من السفنجه بد الرجاء عمل سير خلفى بلاستك او قماش يكون متين ومريح
يعنى تقلب السفنجه شبط،بناطلين الجنز عمليه
3 ) كل شخص يحمل معه منديل بشكير او اى قطعه قماش قطنى والبنات الطرحه او الايشارب
يكون قطنى لانها تحتفظ بالمياه.
4 ) ساعد اخاك بلل له قطعته او فنيلته الداخليه اذا لم يكن يحمل مياه غازية.
عند الضرورة
5 )باقى التعليمات فى الميدان
حاولو البسو القمصات البيج والبلو واحذرو الالوان الحمراء والصارخه عشان ما يكون الزول صيد سهل
|
Post: #21
Title: Re: صوت الشارع لمن يدوي كل قلاع الخونة بتهوي
Author: Khalid Kodi
Date: 01-29-2011, 03:42 PM
Parent: #20
يا اللي بتسمع والما بتسمع
لازم تفتح أضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بأمر الشعب بتطلع
|
Post: #22
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-29-2011, 10:59 PM
Parent: #21
|
Post: #23
Title: Re: صوت الشارع لمن يدوي كل قلاع الخونة بتهوي
Author: Mustafa Mahmoud
Date: 01-29-2011, 11:20 PM
Parent: #22
عصينا عصينا وشلنا عصينا
ضد
* تجار الدين و آكلي السحت
* كبت الحريات
* الغلاء
* الفساد
* القهر و الظلم
* استغلال الدين في السياسة
* ضد مليشيات الامن و مليشيات النظام
* ضد الابادة الجماعية في درافور
* ضد الجوع و السل في الشرق
* ضد الجهل و المرض
* ضد نظام الامن العام
* ضد المحسوبيه
* ضد السدود التي تبني في الشمال لمصلحة مصر
* ضد احتلال حلايب و الفشقة
* ضد تدمير مشروع الجزيرة
* ضد سرقة اموال البترول و الذهب
|
Post: #24
Title: Re: صوت الشارع لمن يدوي كل قلاع الخونة بتهوي
Author: أحمد طراوه
Date: 01-30-2011, 01:15 AM
Parent: #23
.. طلائع مشروع الإنتفاضة بتدخل معركة 30 يناير 2011 و البلد راقدة فوق برميل بارود كبير
الازمة عميقة وشاملة، و اللصوص الطغاة ما عندهم حل و لا تصور لحل
و كل صمامات تنفيس الإحتقان صارت تالفة و من مخلفات الماضي .. البشير غير قادر ان يحكم .. و غير قادر على إدارة الازمة
صار المؤتمر الوطني هو الازمة .. و البشير هو مركز الازمة
ملآيين من المكتوين بنار الازمة هم الأن على قلب رجل واحد
الزول الفى مرزوق شمال امدرمان، تفكيرو و رأيو، زي الزول الفى جبل اولياء، و الفى الحاج يوسف
و كوستي و بورتسودان و الابيض و عبري
.. مراكمة النضالات الجماهيرية .. و بناء حلقات التنظيم و الإتصال عبر خوض التجارب الملموسة الحية، هي مهمة و واجب اللحظة
و معركة 30 يناير بتصب في هذا الإتجاه
.. المجد للآلاف تهدر في الشوارع كالسيول
|
Post: #25
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 01-30-2011, 11:49 PM
Parent: #24
المجد والخلود لشهيد إنتفاضة الشباب محمد عبد الرحمن
---
إلى الكيزان.. أطلقوا سراح المعتقلين وأرفعوا ايديكم الملطخة بالدماء عن شعب السودان
مصير البشير مصير بن على وحسنى مبارك
|
Post: #26
Title: Re: صوت الشارع لمن يدوي كل قلاع الخونة بتهوي
Author: عبد المنعم ابراهيم الحاج
Date: 01-31-2011, 00:48 AM
Parent: #25
يل لك مع صبرك حجر..
خبّت كبود الدولة بالإصرار
عناد
شِن قدرتك في دا
الحجر..
وأكجر قفاك على الجموع ..
العنقريب وبنات نعش ،
وحال العِصي المرفوعة
في نجمة تريا سبوع سبوع!!!؟
جليها من هالة خضوع
ميزان دويلتك ما رجح ..
وكتين تكون
مفزوعة هداية الجدي..
والقوس منشن رمحو للقطب الجنوب
نزوع نزوع ..
ثور الخديعة وكم حمل منحور
فداء الحرية
في البرج الشمال..
طلوع طلوع
أبدا طلوع ..
والعقرب القلقان يلف كل الشوارع في الزمن.
لا حكمة ليك والدنيا
جوع...
المجد والخلود للشهداء
والتحية للجماهير الغاضبة
والرافضة
والصمود للشرفاء
|
Post: #27
Title: Re: صوت الشارع لمن يدوي كل قلاع الخونة بتهوي
Author: خالد العبيد
Date: 01-31-2011, 00:55 AM
Parent: #26
عاش نضال الشعب السودانى
|
Post: #28
Title: Re: صوت الشارع لمن يدوي كل قلاع الخونة بتهوي
Author: Abdlaziz Eisa
Date: 01-31-2011, 01:43 AM
Parent: #27
|
Post: #29
Title: Re: صوت الشارع لمن يدوي كل قلاع الخونة بتهوي
Author: عمر ادريس محمد
Date: 02-11-2011, 03:55 AM
Parent: #25
أطلقوا سراح المعتقلين وأرفعوا ايديكم الملطخة بالدماء عن شعب السودان
مصير البشير مصير بن على وحسنى مبارك
|
Post: #30
Title: Re: صوت الشارع لمن يدوي كل قلاع الخونة بتهوي
Author: Mustafa Mahmoud
Date: 02-11-2011, 11:39 AM
Parent: #29
|
|
