يا البشير ما تركب راس

أي نعم الجيل الحالي قليل الإهتمام بالسياسة وما بحبها ومعظمو ما منظم سياسيا لكنو عارف إنو البلد مليانة فساد وإعتداء على المال العام و القوانين ما بتطول إلا الضعفاء و بعاني من العطاله او شغال مهن هامشيه ليس لشي سوى عدم الواسطه وعارف إنو المحسوبية هي البتمشي اي شي في البلد ومتابع غلاء الأسعار وسعر الدولار.

الجيل الحالي بفضلكم وفضل المعارضه قنعان من خيرا فيكم وفيهم لكنو بتابع كويس العالم الخارجي وشاف الثورات الحصلت وبتحصل في تونس و مصر وهي نموذج كويس ليهم خصوصا إنو جيل متواصل مع العالم الخارجي ومفتون بيهو وعارف انو القادو ثورات مصر وتونس شباب

لو واصلت الاوضاع كاتمه معاهم كدا بتكبر في دماغهم قريب و بيزبطو ثورة تقول يا غربتي، حاول الحق روحك سريييييييييييع واعدل الحال المايل قبل ما يركبوك التونسية وما تستبعد عادي ممكن يكون اسم الإنتفاضه (كتمت) وكان كتمت و قامت ما بيوقفه لا عزل وزراء ولا إصلاحات.