والله بصراحة الانقاذيين بوظوا سمعة الشوايقة والجعليين وحتى اغانيهم اصبحت رمزا للعنصرية

قبل ان ياتى (هولاء ) كان أهلنا الجعليين والشوايقة يتمتعون بصفات النكتة الطريفة والكرم والشجاعة والمروءة كسائر قبائل السودان, ومنذ ان كنا صغار وكلما الناس تفتح باب للنكات والا استخدمت عبارة ( كان فى جعلى أو شايقى )ولكن فى زمن البشير وعلى عثمان والعوير نافع وامثال قوش حولوا تلك القبائل من ناس طيبين الى قتلة وحتى اغتصابهم لبنات دارفور شرف لهن كما قال المشير اركان (حرب )عمر حسن احمد البشير رئيس الجمهورية التى تنتمى لها ( بنات دارفور ),وفى الختام ارجو من ابناء القبيلتان رفع دعوى قضائية ضد الانقاذيين والمطالبةبتعويض او اضافة تهمة اساءة للقبائل عند عمنا ( اوكامبو )

Quote: قبل ان ياتى (هولاء ) كان أهلنا الجعليين والشوايقة يتمتعون بصفات النكتة الطريفة والكرم والشجاعة والمروءة كسائر قبائل السودان, ومنذ ان كنا صغار وكلما الناس تفتح باب للنكات والا استخدمت عبارة ( كان فى جعلى أو شايقى )ولكن فى زمن البشير وعلى عثمان والعوير نافع وامثال قوش حولوا تلك القبائل من ناس طيبين الى قتلة وحتى اغتصابهم لبنات دارفور شرف لهن كما قال المشير اركان (حرب )عمر حسن احمد البشير رئيس الجمهورية التى تنتمى لها ( بنات دارفور ),وفى الختام ارجو من ابناء القبيلتان رفع دعوى قضائية ضد الانقاذيين والمطالبةبتعويض او اضافة تهمة اساءة للقبائل عند عمنا ( اوكامبو )

Quote: عمنا ( اوكامبو )

انا بس يا اتير داير اعرف اوكامبو ده بقى عمك كيييف؟؟؟؟

Quote: قبل ان ياتى (هولاء ) كان أهلنا الجعليين والشوايقة يتمتعون بصفات النكتة الطريفة والكرم والشجاعة والمروءة كسائر قبائل السودان, ومنذ ان كنا صغار وكلما الناس تفتح باب للنكات والا استخدمت عبارة ( كان فى جعلى أو شايقى )ولكن فى زمن البشير وعلى عثمان والعوير نافع وامثال قوش حولوا تلك القبائل من ناس طيبين الى قتلة وحتى اغتصابهم لبنات دارفور شرف لهن كما قال المشير اركان (حرب )عمر حسن احمد البشير رئيس الجمهورية التى تنتمى لها ( بنات دارفور ),وفى الختام ارجو من ابناء القبيلتان رفع دعوى قضائية ضد الانقاذيين والمطالبةبتعويض او اضافة تهمة اساءة للقبائل عند عمنا ( اوكامبو )

الأخ صابر؛
كلامك الفوق دا عجيب بلحيل..
الشوايقه بقوا قتلة؟ كيف؟
الجعليين بقوا مغتصبين؟ كيف؟
واشمعنى القبيلتين ديل بالذات؟
وما دخل النظام الحاكم، أياً كان، في تعميم حكم على قبيلة؟

ياخ كفانا زجاً بالقبائل في شأن اختلافاتنا السياسية..

محمد

والله شكلك كدة انا فى وادى وانت فى واد اخر على العموم شكرا على المرور ولك مودتى

اخونا الشفيع

زى ما انت بقيت اخونا اوكامبو بقى عمنا

...

Quote: وحتى اغانيهم اصبحت رمزا للعنصرية

....

أمثلة بالله !!

سؤال برئ والله ما الهدف من هكذا بوست ؟
لانى ما شايف فيه اى ذبدة

Quote: والله بصراحة الانقاذيين بوظوا سمعة الشوايقة والجعليين وحتى اغانيهم اصبحت رمزا للعنصرية

هذا العنوان ينضح بالفيك عشان مانرميك بالظن وضح

إنت هسي في ياتو مطار ياكابتن ؟!

Quote: محمد والله شكلك كدة انا فى وادى وانت فى واد اخر على العموم شكرا على المرور ولك مودتى

طلبتك بالله نورني ووريني واديك؟

ما تبقى حقار للدرجه دي..
أخدني علي قدر عقلي وطرطشتي ياخ!

Quote: اخونا الشفيع زى ما انت بقيت اخونا اوكامبو بقى عمنا

يا زول، زول بقول زي الكلام ده ما بنخاويهو

Quote: حولوا تلك القبائل من ناس طيبين الى قتلة

يا جماعة أظن انو الزول ده داير يقول كلام بس ما قدر يعبر عنه، ده طبعا من باب حسن الظن
عشان نوضح الامور يا أتير
ما هو رأيك في الشوايقة والجعليين
هل هم ناس طيبين أم قتلة؟

الاخ صابر
سلام و مودة

بداية احى شجاعتك فى ابتدار النقاش فى هذا الموضوع الذى ربما يجلب لك غير قليل من الهواء
و ارجو الا تستجيب لاى استفزاز
بعيدا عن منابر المثقفين و على مستوى الشارع يوجد للاسف شحن و احتقان ضار ضد بعض القبائل المنتمية
للشمال النيلى
هذا الشحن يعتمد فرضية ان معظم النافذين فى الانقاذ ينتمون لثلاث قبائل معروفة و انهم يعتمدون
الانتماء القبلى و ليس السياسى كاساس لحكمهم. و بالتالى و على ضؤ هذه الفرضية يجب ان تتحمل هذه
القبائل اوزار الانقاذ, كما يجب على باقى اهل السودان استنهاض انتمائهم القبلى ايضا لمواجهة الانقاذ
و انتزاع حقوقهم
و لا يقتصر الشحن على مناطق الهامش بل انتقل الشحن ضد قبائل الشمال الى مناطق طالما عرفت بانها
مناطق تمازج قبلى نموذجى مثل منطقة الجزيرة و الاحياء القديمة فى العاصمة و المدن الكبرى
شخصيا لا اوافق على محاسبة الانقاذ قبليا: فكثيرمن رموز الانقاذ ينتمون لنفس عرقيات الانقاذ مثل
ياسر عرمان و منصور خالد و الحاج وراق و كثير من البورداب هنا. و اول دم اراقته الانقاذ كان
مجموعة ضباط و جنود انقلاب رمضان 1990م الذين تصادف ان اكثرهم ينتمون الى ارومات شايقية و جعلية.
لكن للاسف و رغم هذا و على مستوى الشارع يوجد شحن متزائد ضد قبائل الشمال
و لا يجب ان ندفن راسنا بل يجب مناقشةهذا الامر بكل وضوح و شجاعة

Quote: لكن للاسف و رغم هذا و على مستوى الشارع يوجد شحن متزائد ضد قبائل الشمال و لا يجب ان ندفن راسنا بل يجب مواجهة هذا الامر بكل وضوح و شجاعة

العزيز عوض محمد أحمد

ياحبيب عن أي مواجهه تتحدث يمشي الجمل وال ك ل ب ينبح العاوزنا الاجينا عديل و تنقدا الرهيفه انشاءالله ماتتلتق .

فشل السودان في كل النواحي ليست مسئوله منه القبائل الشماليه فشل السودان مسئوليه كل النخبه السياسيه منذ الاستقلال وحتي الانقاذ
وقادتها والمؤتمر الوطني ومنتسبيه لم يكونوا من القبائل الشماليه وحدها .

__________________________________________________________________________________________________________________________________________

الاخ صابر
حياك الله
هل تفضل لنا بأمثله من أغاني الجعليين والشوايقه أصبحت رمزا للعنصريه .
فائق شكري للجميع

العزيز الباهى
سلام

المواجهة المقصودة هى لتصحيح الفهم الذى وقر فى افهام بعض السودانيين من ناحية (قبلنتهم) للانقاذ
لا اكتمك القول: قضيت العيد الماضى فى الجزيرة و لاحديث للناس الا عن هيمنة قبائل الشمال
لا اقر هذا
لكن هؤلاء مواطنون بسطاء, لهذا يجب تصحيح الصورة لهم, لا باقوال استفزازية مثل ن ب ا ح ا ل ك لا ب
فالنار من مستصغر الشرر

Quote: المواجهة المقصودة هى لتصحيح الفهم الذى وقر فى افهام بعض السودانيين من ناحية (قبلنتهم) للانقاذ لا اكتمك القول: قضيت العيد الماضى فى الجزيرة و لاحديث للناس الا عن هيمنة قبائل الشمال لا اقر هذا لكن هؤلاء مواطنون بسطاء, لهذا يجب تصحيح الصورة لهم, لا باقوال استفزازية مثل ن ب ا ح ا ل ك لا ب فالنار من مستصغر الشرر

العزيز عوض

تحياتي
ياحبيب نحنا شقيين الحال ديل طيب نعمل شنو ؟ الانقاذ لمن شردت وفصلت بالصالح العام لم تفرق بين قبائل الشمال وبقيه القبائل
كثير من أبناء القبائل الشماليه شملهم التشريدوالاعتقال والقتل ولو قلنا التعمير مازالت بالشمال مناطق يستحق أهلها التمرد . البشير لايمثل
الجعليين ولا علي عثمان يمثل الشوايقه فالناس ماتأخذ كل القبيله بجريره أحد .

فائق شكري وتقديري

الاخ صابر
فهمت قصدك... وفعلا... اغاني الحماسه مثل "الفينا مشهوده"... ومثل "هاك من دار جعل".. وغيرها كانت تستخدم طوال عهد الانقاذ الدامي في شحذ الهمم من اجل الحرب المقدّسة في الجنوب... فارتبطت هذه الاهازيج في الاذهان بالجهاد والدفاع الشعبي والكيزان.... والشاهد ان اي تجمّع يخاطبه الكيزان يستخدم مثل هذه الاغاني من اجل تحميس الجماهير... كذلك لا يخفى ان حكومة الانقاذ اشتهرت انها انقسمت إلى نهرين، جعلي وشايقي تسابق في الوصول إلى الثروة... وسمعنا كلامنا عن احتكار الشوايقة لأموال البترول، كما كانت هناك اشاعات من قبيل انك كي تعمل مع الجاز، لابد ان تكون شايقي... حتى لو اختلفنا حول صحّة الاشاعات... ولكن وجودها في حد ذاته يثير علامات استفهام...

قبل يومين كنت استمع إلى اغنية "الفينا مشهودة" بصوت الرائعة حنان النيل، واحاول ان انفض عوالق الحكومة بالاغنية التي تنضح بمكارم الاخلاق.. والتي لا تمت للسياسة ولا للقبيلة بصلة، بل تتحدث عن مكارم اخلاق وتفخر بها..

تحياتي

Quote: كان أهلنا الجعليين والشوايقة يتمتعون بصفات النكتة الطريفة

يامريم الحسين لو البتكلم عاقل حقو البيسمع يبقى مجنون








_____________
نكتة يانكتة انت؟

Quote: يامريم الحسين لو البتكلم عاقل حقو البيسمع يبقى مجنون

في اي تنكيت يا راوية... انا حاولت احوّل النقاش لاتجاه يتماشى مع عنوانه... اما النكات وغيره، فده ما بقدر افتي فيه...



_______

مشتاقون

الاخوة المتحاورون
سلام و مودة

ارجو ان نتحلى بالصبر قليلا لمناقشة هذا البوست الذى للاسف ينقل ما يدور فى بعض الاوساط الشعبية فى بعض
الجهات فى بلادنا
الانقاذ لن تتوانى عن استعمال اى وسيلة لاطالة عمرها و من ضمن تلك الوسائل خلق اصطفاف قبلى بالحق او بالباطل
هناك بعض الشواهد التى تثير الريبة و من واجبنا توضيح الامور ختى لا تكون فتنة قبلية لا يفيد منها الا القتلة
ما الداعى للزج باسم قبيلة كبيرة مثل الجعليين فى نشيد يعبى للمحرقة ضد اهل الجنوب (هاك من دار جعل)
ما هو شعور من قتل اطفاله و حرقت قريته من جيش هذه هى اهازيجه و جلالاته؟
ما الداعى لاقحام اسم القبيلة فى استمارات التقديم لشركات البترول التى تصادف ان كان الوزير حينها شايقى القبيلة
ثم جاءت المفاصلة بين القتلة قبل حوالى عشرة سنوات و كان ان تصادف ان الشق الانقاذى الطارد ينتمى فى معظمه لقبائل الشمال و المطرودين ينتمون للغرب و الجزيرة و الجنوب؟
قليلا من الصبر و كثيرا من التوضيح يا احباب
لا نجنح للسخرية بل توضيح الامور لبسطاء قد لا تكون كل الصورة واضحة امامهم, و لكى نخرم القاتل الزنيم من استخدام ورقة القبيلة لاطالة عمره

يا شباب

اتير دا مش بتاع الطيارة


طيب اتركوه

فانه يهرف فيما لا يعرف

Quote: بالتالى و على ضؤ هذه الفرضية يجب ان تتحمل هذه القبائل اوزار الانقاذ,

هل قلت فرضية؟؟
هل قلت يجب؟؟

هذا من اعجب ما سمعت به في هذا البورد

أن يتحمل ناس عواقب افتراضات آخرين،

يا حلاوة هذا المنطق العلمي المدعوم بالعبارات العلمية

..بالتالي..وعلى ضوء...فرضية

ثم

يجب

طيب يا استاذي الفاضل كان من الأفضل الدخول إلى (يجب) مباشرة بدون اي افتراضات
وبمناسبة يجب

يجب عليكم يا دناقلة حساب 16 سنة حكم نميري + نصيب بكري حسن صالح في الإنقاذ، وما تنسوا عليكم حساب قديم من زمن المهدية، المهدي جاي من وين؟؟

التعايشة ودار غرب عموم عليكم 15 سنة زمن الخليفة

الحلفاويين عليكم حساب عبد الله خليل وتسليمكم الحكومة للشوايقة سنة 1958

الجعليين عليكم 21 سنة حكم البشير (دا حساب تقيل خلاص)

الشوايقة حساب تقيل برضو قمتو باول انقلاب في السودان في نوفمبر واستلام عبود الحكومة من عبد الله خليل + نصيبكم في الحساب التقيل بتاع الأنقاذ( عاوز مائة لجنة)، لكن بما أن عبد الخالق محجوب منكم نشوف طريقة نعمل ليكم تسوية ونشوف الحاج وراق (لو كان شايقي) لانو اسم وراق دا ماركة مسجلة للشوايقة

اهلنا في دار غرب مرة اخرى، ازهري وموضوع عنبر جودة، ولكن برضو عشان ازهري رفع العلم التسوية واردة، بعدين عندكم بواقي حساب زمن نميري، عبد الماجد حامد خليل وما تنسوا حسابكم في الأنقاذ، على الحاج وابراهيم السنوسي
الشرق: الترابي مولود في كسلا (حساب تقيل جدا) ونميري كان في جبيت في انقلاب مايو،
الجنوب: تم عكس القيد واقفال الدفاتر

Quote: ارجو ان نتحلى بالصبر قليلا لمناقشة هذا البوست الذى للاسف ينقل ما يدور فى بعض الاوساط الشعبية فى بعض الجهات فى بلادنا الانقاذ لن تتوانى عن استعمال اى وسيلة لاطالة عمرها و من ضمن تلك الوسائل خلق اصطفاف قبلى بالحق او بالباطل هناك بعض الشواهد التى تثير الريبة و من واجبنا توضيح الامور ختى لا تكون فتنة قبلية لا يفيد منها الا القتلة ما الداعى للزج باسم قبيلة كبيرة مثل الجعليين فى نشيد يعبى للمحرقة ضد اهل الجنوب (هاك من دار جعل) ما هو شعور من قتل اطفاله و حرقت قريته من جيش هذه هى اهازيجه و جلالاته؟ ما الداعى لاقحام اسم القبيلة فى استمارات التقديم لشركات البترول التى تصادف ان كان الوزير حينها شايقى القبيلة ثم جاءت المفاصلة بين القتلة قبل حوالى عشرة سنوات و كان ان تصادف ان الشق الانقاذى الطارد ينتمى فى معظمه لقبائل الشمال و المطرودين ينتمون للغرب و الجزيرة و الجنوب؟ قليلا من الصبر و كثيرا من التوضيح يا احباب لا نجنح للسخرية بل توضيح الامور لبسطاء قد لا تكون كل الصورة واضحة امامهم, و لكى نخرم القاتل الزنيم من استخدام ورقة القبيلة لاطالة عمره

شكرا اخ عوض

يا صابر كيفنك
الإنقاذ مليانة معتوهين من كل القبائل
ليه اخترت القبيلتين ديل
بعدين ياخي لو عندك مشكلة مع الشايقية تحديدا
تعال قول كلامك عديييييييييل كدة
خلينا نناقشك فيه

يا صابر ياخوي كلامك مغرض وواضح جدا وما عايز اي ذكاء وده ما البوست الاول .........
من يحكم السودان هل هو المؤتمر الوطني ام الجعليين والشوايقة ؟؟ اذا كان المؤتمر الوطني هو البحكم تقفل الموضوع بتاعك ده وتشوف ليك حكاية تانية.
اما اذا كانت الاجابة هي الخيار التاني يبقى مافي اي داعي الناس تقوم في الكيزان والمقاومة والحركات المسلحة والاحزاب بجعلييها وشايقيتها يمشو ينقلوا نضالهم وكفاحهم لشندي والمتمة وينسو الخرطوم وسقطها.
بعدين البوست ده تقوم تشمل فيهو الحركة الشعبية لانو فيها قيادات اصيلة ومؤثرة من الجعليين ما قولك؟؟ ديل عملو شنو رفعوا سمعة الشايقية والجعليين ولا كيف ....
كونو الجعليين والشايقية سيطروا على الموتمر الوطني ده موضوع نحن ما عندنا بيهو علاقة ده موضوع داخلي بيخص الحزب المعني اللهم الا اذا قامت القبيلتين المذكورتين بحشد منسوبيها واتلملمو ودقو دلوكتهم ومشو الخرطوم بحميرهم وعرباتهم ورمو على الحاج والترابي وخليل برا !!! عمر البشير مجرد مغامر اتت به الجبهة الاسلامية ، ولا ما متذكر الكلام ده انت ؟؟ قاعدين بس زي المشاطات امشي شوف المفصولين من الصالح العام وشوف الناس الماتت في 28/رمضان وغيرو وشوف القرى البتموت موتا بطيئا وهي على بعد خطوات من النيل ، امشي شوف المواطنين البمشو للحكومة يقولو ليها عايزين مدرسة بتقول ليهم لو ما بتقدرو تبنوها ما حا نديكم تصديق ، ديل من وين؟ يا عزيزي كل الاحزاب السياسية شمالا وجنوبا يوجد على هرمها شايقية وجعليين اها وريني حاتعمل شنو معاهم؟ يعني لو اي حزب حكم ما حا تخلص ورانا ورانا.
مافي اي زول بقدر يبوظ سمعتنا لا عمر البشير ولا انت ولا غيرو ..........
تحياتي لك وللمتداخلين

الاخوة الكرام

لكم التحية

انا يشهد الله فى هذا البوست اقف الى جانب الجعليين والشوايقة ضد عصابة الانقاذ ويكفى فخرا البطل ياسر عرمان الجعلى
وغيره من الشهداء المناضليين الشوايقة ولم اوضح الامر فى البوست وكنت قد تركته ما بين سطورى التى اجاد قراءتها اصحاب
النية الصافية ولهم شكرى وتقديرى اما الاخرين فقد اعمتهم الكراهية واكتفو باسم صابر أتير

السيد Barakat Alsharif

ارجو ان تعيد قراءة مداخلتى فهى فى واد و تعقيبك فى واد احر
لا احد غير نظام القتلة ادخل العنصر القبلى كوسيلة لتفريق الخصوم و لهذا يجب حرمانه من هذه الميزة
هذا هو جوهر مداخلتى
و الفرضية المقصودة هى حجة من انطلى عليهم امر القبلية و دعوت لدحضها و التصدى لها بالتوعية و التوضيح, فبعض الحركات المسلحة لها يقين انهم لا يحاربون الا قبائل معينة

Quote: ليه اخترت القبيلتين ديل ?

الأستاذ عوض
تحياتي
لم احملك في مداخلتي مسئولية القول، ولا نقله، رغم أنه يحاول نقل نبض الشارع من مصادر مجهولة، لذا فنقدي موجه للعبارة نفسها موضع الإقتباس والسخرية منها، ومداخلتي انصبت على تبيان خطل هذا التوجه وان علينا محاسبة السودان كله إن آمنا بها، كما أن باقي المداخلة يصب في نفس اتجاه قولك

Quote: شخصيا لا اوافق على محاسبة الانقاذ قبليا: فكثيرمن رموز الانقاذ ينتمون لنفس عرقيات الانقاذ مثل ياسر عرمان و منصور خالد

على اي حال اعتذاري لك إن رايت أني أسات فهم مداخلتك

الاخ بركات الشريف
سلام

حصل كل الخير
و واجبنا جميعا خصوم و انصار للانقاذ تجريد الصراع من اى حمولات عرقية لن تفلح فى النهاية الا فى تفتيت
النسيج الاجتماعى ة اعادتنا الى القرن الثامن عشر ايام ممالك القائل المتناحرة التى قضى عليها محمد على باشا فى عام 1821م
و واجب النظام يقتضى مراجعة اى ادبيات او ممارسات و لو غير مقصودة تفوح منها رائحة القبلية او التمييز القبلى
و واجبنا مناقشة كل من يشكو من اى تمييز عرقى خصوصا اخواننا فى غرب السودان و افتراض عدم الغرض فى اطروحاتهم او السخؤية من طرحهم كما حدث لصاحب هذا البوست

اب
لمزيد من لاقراءة

?????

أتير
يوم وااااااااااااحِد
يفصل بين أن نرتاح مِنْكم للأبد

Quote: انا يشهد الله فى هذا البوست اقف الى جانب الجعليين والشوايقة ضد عصابة الانقاذ ويكفى فخرا البطل ياسر عرمان الجعلى وغيره من الشهداء المناضليين الشوايقة ولم اوضح الامر فى البوست وكنت قد تركته ما بين سطورى التى اجاد قراءتها اصحاب النية الصافية ولهم شكرى وتقديرى اما الاخرين فقد اعمتهم الكراهية واكتفو باسم صابر أتير

يا اتير ..
عليك الله تاعب نفسك وواقف ليييه .. خليك قاعد قبلك .. كان وقفته كتير بتجيك دوشـة ..

انتو فاكرين الجعليين والشايقية ديل شعب الله المختار...
شابكين الراجل محط في رقبتو...لما ما حاول يشرح
وجهة نظرو...


أمحط يا صابر...ولا يهمك...كان لي ود حبريل دا
انا بقع ليك معاه قرون بقر...