Post: #1 Title: حلَــة رِجال ، ونسة غير سرية . Author: عمران حسن صالح Date: 01-27-2011, 11:02 PM
وعند بعضهم سرية
_________________________ دي ياخي أحلى أيقونة. كدي خلي الشيخ قوقال يجيب رابط غير حقي ده فيهو " حلَة " رجال
** هذه الونسة لا علاقة لها بالسياسة حتى وإن جبنا سيرة البحر
Post: #2 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:05 PM Parent: #1
اشهر حلل الرجال اسمها " القطر قام " قطِع كل الحاجات واديها الحلة وأمشي العب كشتينتكـ . يذكروكـ ليها الجماعة بعد تاخد سيك في قبولكـ !! ويلا راجنكـ بالحلة وكل زول مجهز بطنو يملاها ولسانو يلسعكـ بيهو ، الحلَة مِلحة كتير ، ما له ما فيها لحمة ، كرهتنا . المسكين أصلاً كج وماخد سيكـ وفقَاع مرارات " وبرَاي " وهاكـ يا فكـ الغبينة في المسكين .
Post: #4 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:11 PM Parent: #2
العزَابة خشم بيوت في حِلل ياها زي كل يوم نفس الطعم واللغاويس صنف العزَابة الراقي التاني داكـ " ميز ضُباط ودكاترة " حلتم قطر قام برضو بس طبعاً مختلفة الطعم واللون تجي تاكل معاهم من ميز " اللغاويس " الفوق ديل كأنكـ انتقلت فجأة إلى سوق الناقة أو أمواج . طعم تاااااااااااني .
___________________ معليش قالو السوريين والبنغالة ملو البلد وفي مطاعم جديييييييدة علينا ، بس عرفتي ياها في الإتنين ديل نسوي شنو ثقافتنا قديمة وليها خمستاشر سنة ما اتعمل ليها ( أبديت )
يا أبو محمّد هل لك أي علاقة بالطيارة قامت؟ ___ مرور من أجل حجز بنبر بهذا البوست الذي قد يتفرع ويقودنا لمجاهيل غير حميدة!
Post: #5 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:16 PM Parent: #3
العالم دي حافظه المطبخ حتة حتة وأول ما تجي المسكينة دي يعمل فيها " سعادة سي السيد " ويجلس منتظر ست الحسن والجمال " العامين الأولين " تأتيهو " بالمحمر والمشمر " وهاكـ يا لهط . بعد شوية ملحكـ كتير ، طعم البامية مالو ما ياهو . والجماعة بيشاغلوهو آخر الاسبوع " لمة الخميس " !! ويييييييييين يا زول إتأخرت كدي ، العِدَه أخرتكـ ولا الليلة الحلة عليكـ ؟؟ والمسكين يطاطي رأسو مبتسماً بخجل ومحاولاً التسلل والهروب من الأمر : " وزارة الداخلية ياخي نسوي شنو ؟؟ " . وصاحب الجماعة البرَااااااي داكـ ، تلف عليهو الدنيا وبيكون فعلاً ساكن في المطبخ إلا أنه يزمجر : " أفو آنا أخو البنات !! طبيخ شنو يا زول المرة دي جايبنها لشنو ؟؟ وتبدأ الإبتسامات الخبيثة في التنقل بين شلة الأنس ( ياخي ديل خوتم خوة شنو كدة ما عارف )
Post: #6 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:26 PM Parent: #5
شرق السودان ده فيهو حياة مختلفة لا يعرفها إلا من عاشها فكسلا مدينة يجب إعدام من تسبب في هلاكـ تاريخها ورحيل ناسه مناطق الزراعة والقرى المنتشرى حول مدينة القضارف حتى الحدود الحبشية عبارة عن حكاوي وتاريخ راح شمار في مرقة ساي بديت الونسة دي وفي بالي الشرق وأيامنا فيه ولقيت نفسي بردد في غُنا التاج
Post: #7 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:40 PM Parent: #6
بداية أعوام السادة الإنقاذ كنا خارج شبكة المدن ، ناس خلا سااااااااكت . في أعوام جفاف " صواني البيوت " لمتنا منطقة تبعد 180 كلم جنوب مدينة القضارف ، دنيا تانية في ذاكـ الوقت التعيس " الإستمرَ " مناطق لولا إمكانيات منظمات إغاثة اللاجئين ما أظني كان أعرف مكانها في خريطة سودان الأمس خريف يبدأ من أبريل مزارعين يسكنون القطاطي والدرادر * وعرباتم لانكروزر !! منطقة التقاء نهري سيتيت وباسلام ، سمكـ وخرفان طعمها موجود في السماء فقط ودجاج يملأ السوق يومياً بألوان متعددة " يحب الأحباش تربيته وأكله " ولبن تتغذى أبقاره من الأرض مباشرةً طوال العام . حين وصل رطل اللبن سبعة جنيهات في الخرطوم " بالقديم طبعاً " كان سعراً خيالياً مقارنة بأسعار ذلكـ المكان ( جنيهان فقط لا غير ومعاها زيادة نص رطل ) كان ذلكـ المكان وتلكـ الرفقة الحسنة أول عهدي بالمطبخ العظيم . مُعينات الإرتقاء بنوع طعام العزَابة متوفره وبأسعار زهيدة . مرحلة الإنتقال من ميز المدينة إلى ميز الخلا .
_________________________ * يا آخوي درادر دي كان ما عرفتها إتخارج ويا جماعة عشان نمشي لي قدام حلو لي حكاية " زين " و " ذال " في كلمة عز"ذ"ابة دي !! هي مش من العذاب ولا حاجة تانية ؟؟
Post: #8 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:49 PM Parent: #7
مساكين والله نحن ياخي المدينة عندنا تعني الشلهتة حتى في الأكل ده الدجاج " الهوين ده " إلا تجيكـ ملاريا حتى يتذكروهو وتجيكـ شوربة الدجاجة التشيل ورم الحقن والحمى والهلاويس حتى بتاعين الدكاكين كانوا حقارين عيل كده !! تمشي تسألو في دجاج ؟؟ آآآآآآآآي في إن شاء الله ما عندكم زول محموم !!؟؟ إنَا لله أختي مسكينة طالبة داخلية جيت الخرطوم إجازة سريعة لقيت عندها ملاريا وغايبة من الجامعة ليها إسبوعين في تلكـ الأيام كانت محطة المؤسسة بشارع المعونة بحري مرقد " الجِكن المكرفس " ، والغريبة برضو سوريين !!!!! مشيت جبته ليها واحدة ضربته ، تاني يوم بدري صحيت سألت عليها قالو مشت الجامعة
Post: #9 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:57 PM Parent: #8
أها جاتنا حاجة حليمة الفلاتية الفاخرة الفارهة الحنينة وبعد الإتفاق وأمور تنظيم الميز بدأت رحلتي في الإنتقال من حلل القطر قام " المشلهته " لطبيخ حاجة حليمة الما خمج المكرفس والسمكـ الرخيص " ونحبِس " بحليب طازج بالليل " والله جد يا طيفور حليب " أصحاب زمان ناس مزَات بالليل والغريبة الصباح قبال الشمس تطلع بيكونوا استحموا وصحوني : يلا أها يلا دي حدها نص الساعة بس قبل بداية الدوام الخارجي " خارج المكاتب يعني " النص ساعة دي ما فيها غير الشيَة والمِر والمرارة وشوربة خروفه معلللللللق قدامكـ .
______________________________________________________________ ظروف أصحابي المذكورة فوق دي بس عشان شكل طعام مزارعي المناطق ديكـ وكمية الراحة الكانو فيها
Post: #10 Title: Re: حلَــة رِجال ، ونسة غير سرية . Author: عمران حسن صالح Date: 01-27-2011, 11:58 PM Parent: #9
ياخي والله أنا فترت من الكتابة المباشرة دي الموضوع فكرتو كانت صغيرة جداً قام إتشعب
Post: #11 Title: Re: حلَــة رِجال ، ونسة غير سرية . Author: عمران حسن صالح Date: 01-28-2011, 00:17 AM Parent: #3
Quote: هل لك أي علاقة بالطيارة قامت؟
طيارتي قامت من زماااااااااان يا عباس بنبركـ قاعد يا ياسر ياخي أنا مُشرِكـ لعبد الله داش " أكبر مُعلِم شيَات ميزات الرياض " وتمبس أحسن من يجهِز البصل الأبيض بالدكوة
________________ حميدة أديهو التنظير بس
Post: #12 Title: Re: حلَــة رِجال ، ونسة غير سرية . Author: Yassir Tayfour Date: 01-28-2011, 00:36 AM Parent: #11
Quote: حميدة أديهو التنظير بس
بالمناسبة يا أبومحمد حميضة وين؟ طوّل ما ظاهر، ما يكون بكري وقفو تاني.. ___ لو بكري وقفوا ما أظن نلقى لينا بو عزيزي أفضّل منو للثورة القادمة!
Post: #13 Title: Re: حلَــة رِجال ، ونسة غير سرية . Author: khaleel Date: 01-28-2011, 00:44 AM Parent: #12
الاغنية حلوة يا عمران
لكن الحلة ما تشكرا لي
Post: #14 Title: Re: حلَــة رِجال ، ونسة غير سرية . Author: عمران حسن صالح Date: 01-28-2011, 09:04 AM Parent: #13
Quote: لكن الحلة ما تشكرا لي
هلاااااااا ابو الخل يعني انت " سي السيد " تخلِف رجلكـ وتتمنى من المسكينة دي تجهز ليكـ وجباتكـ من غير مساعدة ؟ انت ما عشت تجربة تظبط الغداء والمدام تتفرج ولا شنو ؟
Post: #15 Title: Re: حلَــة رِجال ، ونسة غير سرية . Author: نصرالدين صلاح Date: 02-07-2011, 08:23 PM Parent: #14
ياااااااااااااا عمران مالك علينا
اللة يديك العافية
لكن عايزك تحدد لي انا ده الونسة سرية و لا غير سربة
لانوا بالجد بتفرق شديييد
Quote: شرق السودان ده فيهو حياة مختلفة لا يعرفها إلا من عاشها فكسلا مدينة يجب إعدام من تسبب في هلاكـ تاريخها ورحيل ناسه مناطق الزراعة والقرى المنتشرى حول مدينة القضارف حتى الحدود الحبشية عبارة عن حكاوي وتاريخ راح شمار في مرقة ساي بديت الونسة دي وفي بالي الشرق وأيامنا فيه ولقيت نفسي بردد في غُنا التاج
لابد ليك بالبوست ده بس كنتي منتظر العجاج يروق شوية
تعرف يا صديقي انا في الحتة الفوق دي كان بديت تاني
الاحتاطي المركزي ما بوقفني
و كان عندك راي
تعال لي في ال lower
Post: #16 Title: Re: حلَــة رِجال ، ونسة غير سرية . Author: نصرالدين صلاح Date: 02-10-2011, 00:40 AM Parent: #15
دي ياخي أحلى أيقونة.
