Post: #2 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: بشير حسـن بشـير Date: 01-26-2011, 08:45 PM Parent: #1
. .
يا زول إنت كنت وين ؟؟؟؟؟
الفيديو ده عرض قبل سنه ثم قبل سته أشهر ثم قبل 3 أيام
الفيديو يخص مجازر الهوتو والتوتسى
. . .
Post: #3 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: amir jabir Date: 01-26-2011, 08:48 PM Parent: #2
Quote: حدث هذا في السودان: هل أحرقوا لأنهم صوتوا للوحدة في الجنوب؟؟
وين فى السودان الكلام دة قيل ان الجماعة حرقوهم لانوا عادو الى الشمال مش طيب الحرق تم فى الشمال صح يعنى لمن الشية البشرية شغالة ناس البوليس وين ؟ بجهزو فى الشطة والملح ولا شنوا ؟؟
اكبر 4 عمليات فاشلة الى جهاز الامن السودانى
Post: #4 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Maawya Hussein Date: 01-26-2011, 08:54 PM Parent: #3
الفيديو من افريقيا الوسطي
Post: #5 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: M A Muhagir Date: 01-26-2011, 08:54 PM Parent: #2
Quote: الفيديو يخص مجازر الهوتو والتوتسى
كلامك صحيح
الغريبة انو مافيهم واحد كان بتكلم عربى
طيب عرفت بقية القصة كيف يا الصاوى
كضبو كضب معقول شوية
Post: #6 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Alsawi Date: 01-26-2011, 09:27 PM Parent: #5
الاتهام بالكضب سااااهل يا م أ مهاجر، وكذلك اي اتهام آخر، بس نحن ما من النوع دا..
قالوا في افريقيا الوسطي، وقالوا توتسي وهوتو (يا ربي برضو في افريقيا الوسطى ولا في رواندا/بورندي) وقالوا في شمال السودان برضو.
Post: #8 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: اميرة السيد Date: 01-26-2011, 09:36 PM Parent: #6
والله هذا أسوأ منظر شاهدته في حياتي حتى الآن .. وما شاهدناه هنا قبل ثلاثة أيام لم يكن بمثل هذه البشاعة ولكن كانت صورة ثابتة لرجل عجوز ولم نر مثل هذه النيران مشتعلة وهؤلاء الوحوش يرمون بناس آدميين في النار.. فاللهم انتقم منهم انتقام عزيز مقتدر.. فهل هؤلاء بشر أم وحوش كاسرة .. وحتى الوحوش الكاسرة لا تفعل مثل هذا الجرم الشنيع،،، ولا يمكن أبدا أن يحدث مثل هذا في السودان..
Post: #9 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: عاطف عبدون Date: 01-26-2011, 10:02 PM Parent: #8
يا الصاوي
المشاهد دي مافي السوان الا لو انت دايرها تكون في السودان لشئ في نفسك؟؟
جو قبل كم نفر شايلين مشاهد مشابهه علي انها في السودان
بعدين
انت قريت دينك وما لاقتك الايه دي خالص؟
( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين)
Post: #10 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Alsawi Date: 01-27-2011, 11:17 AM Parent: #9
إزيك يا عاطف
انا قريت دين(ي) واذا كان شعرت انو مختلف من دين(ك) فلكم دينكم ولي دين. في ديننا الشريعة عليها بالظاهر والتبين.
يا ربي انت البشير دا شفتو بي نفسك وبي عيونك الح ياكلها الدود دي شايل فاسو وجارِّي وراهو الجماجم ولا ياهي المعلومات العامة الكلنا عارفنها دي؟؟ ولا انت دايرو يكون كده؟
Post: #11 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: عاطف عبدون Date: 01-27-2011, 11:29 AM Parent: #10
يا صاوي
انا دين بخلي الزول يروج للفتنه
ويسئ لي اخوهو ويلفق
ويشيل الملفق ويحوم بيهو
دين يخلي الزول يصدق الكذب عشان بتمناهو او عشان مصلحة جماعتو او حزبو او ذاتو
دين زي دا ما بلزمني خالص
Post: #12 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Deng Date: 01-27-2011, 11:44 AM Parent: #11
Quote: كنت وين؟: كنت بعمل في حاجات أكثر فائدة من متابعة اليو تيوب..
طيب مش كان أحسن لك تبقى في حاجاتك المفيدة بدل ما تجي هنا وتنشر لك خبر أثار ضجة هنا قبل أربعة يوم وأخد حقه في النقاش.
جاي أنت قايم سداري بي الخبر ده وكأن لسان حالك يقول وجدتها وجدتها. فعلها من قبلك أخرون وأعتذرو أو توارو عن الانظار.
Post: #13 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: عبد المنعم سليمان Date: 01-27-2011, 12:53 PM Parent: #12
فضيحة داوية لصحف إثارة الكراهية للجنوبيين نشر بتاريخ January 25, 2011
(حريات)
تورطت صحف ا(لإنتباهة) و(الدار) و(أخبار اليوم) في فضيحة داوية الإثنين 24 يناير. حيث نشرت صحيفة الدار تحت عنوان : (بالصورة والقلم : حرق جنوبيين وهم احياء بسبب عودتهم للشمال) صوراً فظيعة اثارت موجة من الهلع والإستنكار وسط المواطنين .
وتعرض الصور حرق أشخاص احياء، وزعمت الصحف بأنهم مواطنون من جنوب البلاد حرقتهم سلطات حكومة الجنوب بسبب رغبتهم في العودة للشمال !
ولكن اتضح في نفس اليوم وبصورة لا تقبل الشك أن الصور التي نشرتها الصحف موجودة على موقع (اليوتيوب) على الانترنت منذ اكثر من عامين تحت عنوان ( حرق سحرة وهم احياء ) لسحرة من غرب افريقيا تم قتلهم حرقاً في احداث عنف طائفية وعرقية، فحولتها تلك الصحف الى (حرق جنوبيين وهم احياء).
وتاتي تلفيقات الصحف ضمن حملة منظمة لاثارة الكراهية ضد الجنوبيين تتعهدها جهات داخل المؤتمر الوطني، بدأت بـ (حقنة) كمال عبيد، وتتواصل يومياً بما تقوم به صحيفة خال الرئيس البشير الطيب مصطفى – الانتباهة – من كذب وتلفيق ضد الجنوبيين في عنصرية مفضوحة تحت بصر وسمع مجلس الصحافة .
وهذه ليست المرة الاولى التي تلفق فيها صور مأخوذة عن جرائم الابادة الجماعية في رواندا 1994م وحروب وكوارث افريقيا وتنسب للجنوب والجنوبيين، حيث سبق لمنسوبي المؤتمر الوطني ان لفقوا فيديو مماثلاً على موقع (سودانيزاونلاين) ديسمبر 2009 عن مذابح الهوتو والتوتسي على اساس انه (من احداث جونقلي)، وبعد إفتضاح عملية التزوير تم سحب الصور ، كما ان ذات الصور التي نشرتها الصحف يوم الإثنين- مدعية بانها لجنوبيين تم حرقهم من قبل حكومة الجنوب بسبب رغبتهم في العودة للشمال – سبق وقام بنشرها احد اعضاء المؤتمر الوطني تحت عنوان (تصفيات الحركة الشعبية في جنوب السودان ) بنفس الموقع في مارس 2010 ابان حملة الاستاذ ياسر عرمان الانتخابية .
وتكشف فضيحة الصور المفبركة مقدار العنصرية التي تكنها دوائر معينة في المؤتمر الوطني ضد الجنوبيين، خصوصاً المقيمين في الشمال، وصناعة هذه الدوائر مناخ حرب نفسية يمهد لمخطط تطهير عرقي تعد له.
Post: #14 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Hadia Mohamed Date: 01-27-2011, 01:04 PM Parent: #1
من الطبيعى ان لا يستسلم الانسان للألم والملاحظ الرجل الموجود فى الفيديو مستكين لا جرى لا صرخ لا قال الروب ودة بيعنى انه استعراض سحرة زى بتاع الهنود انا مؤمنة بتحليلى الخاص دة استعراض سحر ولو كنا من بلد لا تعرف بالسحر و الغيبيات ممكن تكون صدمة لكن نحن ناس سحر ومصائب.
Post: #15 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Tragie Mustafa Date: 01-27-2011, 01:49 PM Parent: #14
الفاضل الصاوي اعلم ان مثلك مواقفه ثابته تجاه الظلم. ولكنك ضحيه آخرى لهذه الفبركه. طالب بكري بحذف البوست يا الصاوي. وكن بخير.
تحياتي.
Post: #16 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Khalid Kodi Date: 01-27-2011, 02:13 PM Parent: #15
الأخ الصاوى،
تحياتى.
للأسف لفق هؤلاء الأشرار هذا الفيديو بإعتباره من جنوب السودان ووزعوه فى أمكان مختلفه تحت أسماء مختلفه. وللأسف صدق الكثيرين وصدموا من المشاهد المؤثره والغير إنسانية التى جاءت فيه.
هذا الفيدو كان قد أتى به عدة أعضاء لهذا الموقع سابقا ، وبعد التحقيق من ـصل الفيديو إختفوا ليأتوا من جديد عبر الاعلام المقروء...
Post: #17 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Abdlaziz Eisa Date: 01-27-2011, 04:20 PM Parent: #16
Quote:
حدث هذا في السودان: هل أحرقوا لأنهم صوتوا للوحدة في الجنوب؟
سلام
الأخ الصاوي
لقد تبين لك بكل وضوح عدم صحة الفيديو... المسح!! الإعتذار
تحياتي
Post: #18 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: elsawi Date: 01-27-2011, 08:08 PM Parent: #17
الإخوة والاخوات زملاء وزميلات المنبر القراء الكرام اود ان انبهكم بأنني لا علاقة لي بهذا الفيديو وصاحب البوست هو الأخ الدكتور الصاوي وليس انا .. دكتور الصاوي يكتب اسمه Alsawi اما انا فأكتب اسمي elsawi كما تلاحظون في هذا البوست الشكر الجزيل للأخت تراجي مصطفي لإتصالها وإستفسارها عن موضوع الفيديو ولولاها لما دخلت هنا وعرفت ما يدور ويبدو انها ايضاً وقعت خطأ اللخبطة بيني وبين الدكتور الصاوي ..
الأخ الدكتور الصاوي سلامات ولعلك بخير يا زول مالك داير تجيب لي الهوا!! اها ناس الإنتباهة لفحوا الفيديو والناس ما فارزة الصاوي من الصاوي
Post: #19 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: elsawi Date: 01-28-2011, 01:33 PM Parent: #18
يا جماعة ده ما انا
Post: #20 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Khalid Kodi Date: 01-28-2011, 02:00 PM Parent: #19
شكرا الأخ الصاوى،
ولنسمع من صاحب البوست.
يهمنا الاتى:
1/ ماهو الدافع من نقل هذا الخبر المفبرك ؟
2/ ماذا فعل أو سيفعل تجاه الخبر المفبرك؟
وسنعود.
Post: #21 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Khalid Kodi Date: 02-15-2011, 04:22 PM Parent: #20
كتب المدعو الصاوى هذا البوست وبه خبر ملفق . طالبناه بالعوده وإثبات صحة ماجاء به أو الاعتذا عن ماقام بنقله.. فلم يفعل!
هذا الرجل كاذب، ونقله لهذا الخبر والهروب من تحمل ماخطت يداه يدل على مدى الدناءه التى يمتاز بها بعض الصغار .
.
Post: #22 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-15-2011, 05:50 PM Parent: #21
Quote: في ديننا الشريعة عليها بالظاهر والتبين.
أها أتبينت ولا لسه؟ إذا تبينت ورأيت خطأك فأعتذر ولا تأخذك العزة بالإثم
ودعنا نقول لك كلام العقل الناس المشو من الشمال عشان يقتلوا الجنوبيين في الجنوب جهادا وطمعا في جنة ذات حور عين، وأسروا من قبل الحركة الشعبية ثم أطلق سراحهم بعد السلام هؤلاء الناس لم يتعرض لهم ناس الحركة والجنوبيين بالحرق ولا بالتعذيب
من الجانب الآخر من الحرب ناس الحكومة الإسلامية ما سلموا ناس الحركة أي أسير.... راحوا وين؟؟؟
مش كدا وبس واحد من الإسلاميين التائبين في هذا المنبر قال بعظمة لسانه (وكلامه محفوظ هنا في النت) أنه رأي بأم عينه وفي إحدي الحملات العسكرية، رأي ناس الحكومة يحرقون صبيا جنوبيا لا يتعدي عمره الثلاثة عشر عاما؟؟؟؟؟؟ ورينا رأيك في دي لو سمحت (وما داير أجيب سيرة بيوت الأشباح والتعذيب)
كلمة أخيرة : ما الجنوب وكسح وجاء بعض من الجنوبيين هنا وأعتذروا كثيرا مع إنه نحن المفروض نعتذر وقالوا أنهم مسامحيننا تاني دايرين منهم شنو غير الجيرة الحسنة؟؟
وزي ما عارف مشاكلنا في ما تبقي من سودان أكثر من سبيب الرأس أتكلم فيها
Post: #23 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: ذواليد سليمان مصطفى Date: 02-16-2011, 08:09 PM Parent: #1
نعود الى المقارنة بين الاثنين وما حدث في اصل الفيديو تم تعديل الفيديو من بايدي احد خبراء المونتاج لاحظ هنا في الفيديو الموجود على البوست زمن الفيديو 2دقيقة و11ثانية انظر الى الفيديو الاصل الموجود قبل سنة زمن الفيديو الاصل 2دقيقة 21 ثانية اختشوا الله ايها المضللون ان لن نعرف الكتابة بل نعرف الحقيقة والصورة لا تكذب حتى اذا تم تعديل الفيديو فالاصل موجود ولاتنسى بان كل ما حذف بايدي انسان فنان ولي بقية عن ما تم تعديله في الفيديو
Post: #24 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-17-2011, 08:09 AM Parent: #23
up
Post: #25 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: ذواليد سليمان مصطفى Date: 02-17-2011, 11:44 PM Parent: #24
لاحظوا المقارنة ودهشة المونتاج
Post: #26 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Khalid Kodi Date: 02-18-2011, 03:50 AM Parent: #25
كتب الدكتور الصاوى كاتب هذا البوست الاتى:
إزيك يا عاطف
Quote: انا قريت دين(ي) واذا كان شعرت انو مختلف من دين(ك) فلكم دينكم ولي دين. في ديننا الشريعة عليها بالظاهر والتبين.
يا ربي انت البشير دا شفتو بي نفسك وبي عيونك الح ياكلها الدود دي شايل فاسو وجارِّي وراهو الجماجم ولا ياهي المعلومات العامة الكلنا عارفنها دي؟؟ ولا انت دايرو يكون كده؟
أبدا .. انت مجرد رجل ملفق وكذاب وض يع، لا اكثر لا اقل.
Post: #27 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-18-2011, 04:22 AM Parent: #26
دايرين إعتذار واضح وبين من صاحب البوست لكل أهل الجنوب زي ما عملوا ناس قبلوا كدا وبنفس الشريط دا وبنفس الدهشة
Post: #28 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: بشير حسـن بشـير Date: 02-18-2011, 09:14 AM Parent: #27
. . .
Quote: كنت وين؟: كنت بعمل في حاجات أكثر فائدة من متابعة اليو تيوب..
. .
إتفرج يا سلااااااااااااااااام !!!!!!!!!!!
. . . .
Post: #29 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-19-2011, 01:30 AM Parent: #28
الزول دا وين؟؟؟ مش مفروض يجي جاري فرحان إنه السودان ما فيه حاجات زي دي!!!! المهم كسوداني وكمسلم تعال وقول إنت عرفت الحقيقة وتعتذر عن إساءة الظن في إخوتنا في جنوب الوطن الحبيب وما بنخليك كما إعتذرت أها وفيديو الفتاة الموجودة لحدي هسع هو ال standard بتاع الهمجية ولا في فيديو تاني؟؟؟؟؟؟؟؟؟؟؟
Post: #30 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: أسامة عبد الجليل Date: 02-19-2011, 02:40 AM Parent: #29
لماذا لم يعد صاحب البوست للإعتذار عن هذا التلفيق؟
Post: #31 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-21-2011, 05:35 AM Parent: #30
أين راعي البوست، هداه الله ؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #32 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: othman mohmmadien Date: 02-21-2011, 07:10 AM Parent: #31
أخي الفاضل ... هذا الفيديو شاهدته في العام 2009م ووصل لمديري الذي أعمل بشركته وقد عرضه لأحد أبنائه ... والذي لم يبلغ الرابعة عشر حينها ... وأعترضت بشدة على مشاهدة الجميع لهذه المشاهد وخاصة ذلك الصبي ابن المدير بيننا ولم أستطع إكمال المشهد وحاولت تفسير خروجي لهم وشددت على أن رؤية مثل هذه الأشياء أثارها سيئة وخاصة لابن في هذا العمر فحاول الأب حينها أن يبرر بهدف أن يعرف أن العالم ملئ بالأشرار أمثال هؤلاء ... وأن ينتبه في حله وترحاله تألمت جدا حينها عند مشاهدته ... لاسباب إنسانية تتعلق بالفيديو المشاهد وتـالمت أكثر لسهام من النظرات التي وجهت نحوي باعتبار أن هؤلاء الأفراد من قارتي افريقيا ... لذا خرجت فكأنما خلق الافارقة لهذا الشر ... بالرغم أن ما حدث يمكن أن يحدث في اي مكان في العالم .. ولكنها الوصمة السائدة في عالم كالعالم العربي وبدأت ترسخها مثل هذه المشاهد وأنت الآن ترسخ في هذا المفهوم ... بعرضك لهذه المشاهد وتود نسبها لأخوة لنا ومن بلدنا السودان (حاليا - السودان الجنوبي) أؤكد لك أن هذا الفيديو ليس للسودان القديم دخل فيه ... وعلى ما أظن غير موقن أنه لصراعات الهوتو والتوتسي ... التي شهد العالم بفظاعتها ... يبقى السؤال لماذا يتم نشر مثل هذه المشاهد.. التي لا تسبب غير الأذى للآخر ... ولماذا نكذب طالما أننت غير متأكدين من الجهة التي قامت بذلك ... وإن كنا متأكدون فههذه جريمة فردية ولا يمكن ان أحاسب بها مجتمع بأكمله إلا من أرتكبها .... فائق التقدير
Post: #33 Title: Re: فيديو الفتاة المجلودة؟ يعتبر نزهة بالنسبة لهذا الفيديو Author: Nasr Date: 02-21-2011, 06:25 PM Parent: #32